امتحان السفاره المصريه للحصول علي الجنسيه ادخل و اضحك
 

بسم الله ارحمن الرحيم

السلام عليكم و رحمه الله و بركاته

كل عام و انتم بخير بمناسبه قرب حلول شهر رمضان المبارك

اتمني ان الموضوع يعجبكم و ميكونش قديم او مكرر

امتحان السفاره المصريه للحصول علي الجنسيه ...

يشترط لدخول الامتحان ان المتقدم يكون معاه كل أدواته اللازمة : قلم رصاص – أستيكة
(تحسباً للأخطاء الكتيرة) - اثبات شخصيتك
(تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)

في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها
(ما هي مش فارقة هتنجح هتنجح)


----------------------------------------------------------------------------


السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - ياريس - يا مصر)

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – جمال مبارك - كل ما سبق)

7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)

8- يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)

9- اشهر مغني مصري هو عبدالحليم .... (دياب - حافظ - سموزين - فؤش)


------------------------------------------------------


السؤال الثاني:أكمل الجمل الآتية بكلام م الآخر:
ــــــــــــــــــــــــــــــــــــــــــــــــــ ـــــــــــــ



1- انتبه من فضلك السيارة ترجع إلى............ ......... ...

2- ماما زمنها............ ......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

6- وهيلا هيلا ، هيلا هيلا هو ، الزمالك ........

7- دا شاب هيهي ، بيروح و ......

--------------------------------------------------------------



السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت 'طارق نور' ( )

4- شاي الجوهرة حتة سكرة ( )

5- ميلودي تتحدى الملل فعلا ( )



----------------------------------------------------------


السؤال الرابع : التعبير الحر
اكتب فيما لا يزيد عن 3 سطور تعليق على اخر متش للاهلي و الزمالك

-----------------------------------------------------------------------


السؤال الخامس : علل
1- مازالت كرة القدم هي اللعبة الشعبية الاولى برغم ان احنا ملناش فيه ؟
2- ذكاء الشعب المصري الخارق برغم من اعتماده على الفول كغذاء اساسي ؟
3- ليه البنات رغاييييييييييييييييييييييييييييييييييييييييييييييي ييين ؟

ههههههههههه اسئلة صعبة جدا ^^