حد يعرف اللعبه الجامده دى
 

انا كنت فى موقع الريف وشوفت الاعلان بتاع اللعبه دى :eek::eek:
http://jd.perfectworld.com/ad
حد يعرف اى حاجه عنها

بسم الله الرحمن الرحيم
انا بحثت عن اللعبه ولقيت الموضوع ده

اللعبة اسمها jade dynasty وهى جزء محسن للغاية من اللعبة الشهيرة جدا والقويةperfect world



وهى مجانية 100/100



ودى بعض الصور لها













نيجى دلوقتى لمميزات اللعبة اللى تخليها اقوى العاب الاون لاين
1- الجيرافيك الخرافى
2- السكلات الرائعة وطريقة عملها
3- امكانية عمل الاسلحة والملابس بنفسك من غير ما تشترى ودا طبعا هيكلفك اكتر من انك تشترى جاهز بس حسب اليفل بتاعك فى عمل الاسلحة بيكون امكانيتة عالية متناسبة مع مستوى العمل
4- السباحة :! ايوة يمكنك السباحة للعبور الى الاتجاه الاخر
5- الطيران :!!! نعم تطير والله بتطير وطبعا بتحتاج لادوات علشان تطير ومستوى معين
6- امكانية قتال الوحوش فى البر والبحر وايضا فى الجو
7- الزواج :! نعم لو انت شخصية رجل فى اللعبة وقابلت شخصية بنت والصداقة كبرت بنكم ممكن تروحوا تتجوزوا وتتعلموا اسكلات جديدة ميتعلمهاش غير المتزوجيين
8- طبعا قتال بين الاعبين بعضهم بعضا ليختبروا مستواهم
9- تعدد الاجناس لتختار الشخصية الملائمة لك
10- الكم الهائل للحيوانات الاليفة pet التى يمكن ان تختارها لتهاجم معك طبعا بيجيلك حيوانات اكتر كلما تطلع ليفلات والحيوانات دى بتتعلم اسكلات وتضرب بيها
11- ايضا الكم الهائل لسوائل المواصلات فى اللعبة يعنى ممكن تركب حصان او طور او تنين او ..............
12- طبعا لو انت البس بتاعك شكلو مش عاجبك بس قوى يمكن انك تلبس حاجة اسمها موضة ودا لبس للشكل الخارجى فقط
13- مجرد ما تضغط على الكويست بيروح لغاية المكان المحدد اليه من غير ما تتعقد ومتعرفش فين تروح ولا منين تيجى
وطبعا هذا ليس كل شئ انا لسه لم اعلم بها الكثير وهذا بعض ما قراته عنها
ودا فيديو ليها


http://pc.ign.com/dor/objects/143491...asy_61509.html


http://www.youtube.com/watch?v=bfjNZ...eature=related

http://www.youtube.com/watch?v=ewEsg...eature=related


http://www.youtube.com/watch?v=WJQhJ...eature=related

وطبعا كثر السؤال عن اى قبيلة اختار
وهناك 5 قبائل كل قبيلة متخصصة بشئ مجرد ما تلتحق بها هيتفتحلك السكلات الخاصة بها
وهذا فيديوا بسيط يوضح الفرق بين القبائل حتى اضع موضوع مفصل عنهم

http://www.youtube.com/watch?v=k3g27...eature=related
التحميل مش على مسؤليتك علشان اللعبه دى لسه جديده وانا معرفهاش

وده رابط التحميل المباشر
http://jd-ns.perfectworld.com/client...oader_v4.0.exe

وده رابط التحميل التورنت

http://jd.perfectworld.com/download/torrent


وطبعا للتسجيل فى اللعبة

https://register.perfectworld.com/register

طبعا اللعبة لسة جديدة جدا وهى تقريبا كل يوم بتعمل ابديت

الكلام ده كله لصاحب الموضوع الى هوا Mr_egypt
نيجى لشرح اللعبة

اكذب عليكم اذا قلت لكم ان اعرف الكثير عن هذة اللعبة ، هى كما قلت جديدة جدا ونزلة هذا الشهر شهر 6 \2009
وليس هناك معلومات فى النت عنها كثير
اهم حاجة تعملها انك لا تيأس بسرعة لانى عند ليفل 3 زهقت جدا منها لانى لم اكن فاهم فيها حاجة و اللعبة بها كم هائل من الكويستات غير اللعبة بتعتمد على الكويستات لزيادة ليفلك وليس حرب الوحوش بمعنى لو انت طنشت الكويستات وقعدت تموت فى وحوش هتعلى ليفل مثلا فى ساعة ولكن لو بتعمل كويستات هتعلى اليفل فى تقريبا ثلث ساعة

انت هتبدأ بشخصية عادية وتاخد طبعا الكويست فى الاول اللى هيعرفك فين الراجل تاع السلاح وبتاع الملابس وهكذا

وبعدين تاخد كويستات لقتل الوحوش ( اهم حاجة تعرفها ان اللعبة فيها نظام جميل جدا هو لما تاخد الكويست تضغط q وهيجيلك شرح الكويست اللى انت عايزة وتحت هيجبلك اسم الراجل اللى المفروض تروح ليه او اسم الوحش اللى مفروض تقتلة او حتى تجمع منه حاجة باللون الاخضر الاخضر فقط تضغط عليه وهيروح لغاية الراجل او الوحش ويقف لوحده من غير ما تلمسة يعنى لا هتوه ولا هتعد تدور على الوحش و لا على الن بى سى)

ثالثا ودا اهم حاجة لما توصل ليفل 15 هتختار قبيلة من 5 قبائل كل واحدة ليها مميزات جامدة
وان شاء الله هشرح القبائل بعدين
ولما توصل ليفل 45 على ما اظن تتعلم الطيران
وطبعا اللعبة اون لاين بس غير ان بيها كمية غريبة من البشر بالنسبة للعبة لسة فاتحة الشهر دا
وطبعا انت هتاخد pet , esper فى الاول مجانا وبعد كدة لو حبيت تغير ادفع

ودى صور لى داخل اللعبة



هذة عندما كنت اضرب الوحوش







وديه صورة الشخصية بتاعتى بلبس +5 انما ايه مفيش زيه فى السيرفر بس لونة بناتى اوى علشان كدة مكررتهاش تانى




وديه صورتى لما غيرت لبسى بلبس اليفل 30 وبلسته +3 علشان ميكونش لونه بامبى ( غير ان + غالى اوى فى اللبس ده ولو فشل اللبس بينكسر وفشل معايا مرتين فقلت كفاية +3 )




وديه وانا بستخدم اسكلات الكلان اصل اول ما تنضم الى كلان بيتفتح ليك اسكلات جديدة دى صورتها وعلى فكرة اسكلات جامدة جدا






ودى صورتى وانا متحول الى شيطان اه هو ضرباته اقوى ودفاعة اقوى غير ان ال hp و ال mp بتاعته اكتر من الصورة البشرية بس عيبة ان مبيستخدمش اسكلات البشر ولا البشرى يقدر يستخدم اسكلاته علشان كدة اسكلات القبيلة دى منقسمة





ودى صور وحوش زى الجينت كدة بس هنا بيكونو منورين









ودا اللى حصلى لما فكرت اهجم لوحدى




اللعبة فيها بوت داخلى يعنى تشغلة وتنام وتصحى هتلاقى معاك فلوس كتير وطلعت ليفلات كمان
ودا رابط الموضوع اللى عرفت منه ارجو انه ينفعكم

http://jd-forum.perfectworld.com/sho...ighlight=esper



اخوانى لازم تعملوا كويستات علشان تعرف تعمل ايه فى اللعبة
كدا اللعبة هتكون بطيئة جدا
دا فى موضوع فى منتدى اللعبة بيقول انك ممكن تطلع لغاية ليفل 15 فى 40 دقيقة ودا طبعا لما تعرف تختار الكويستات الصح اللى بتديلك كميات هائلة من ال exp
يعنى اول ما تطلع ليفل 30 هيجليك كويست كل 24 ساعة ودا بيديلك exp بالعبيط
انا سمعت واحد بيقول انه اداله 50% وهو ليفل 55
ولو معملتش كويستات مش هتعرف تخش فى قبيلة او حتى تجيب الحيوان الاليف بتاعك او حتى الاسبر اللى بيخليك تشتغل بوت
غير ان فيه كويست لما توصل ليفل 15 بيجيلك بردو كل 24 ساعة بيديلك 2 ساعة ضعف ال exp وبيديك حجريين لازم تستخدمهم خلال ساعتين جامدين جدا دول مع البوت بيخلوك تعلى بسرعة كبيرة جدا علشان واحد بيزود الهجوم بتاعك 100 والتانى بيزود الدفاع بتاعك 70 يعنى الوحوش اللى فى مستواك بتضربك بواحد وبيقعدوا 8 ساعات يعني الليل كله


معنى الكلام دا كلة انه لازم تعمل كويستات مش تكسل وتقول انا عندى اسكل بيموت الوحوش من ضربة واحدة اموت فيهم وخلاص



نصيحة هامة:

هناك نوعان من السرفرات اللى ممكن تخشها
PVE
PVP
الاول علشان تضرب وحوش وتعلى من غير ما حد يضايقك ولو حبيت تبارز واحد تعمل معاه duel اذا وافق تبدا الحرب بينكم

اما الثانى فده ميزة تحسب للعبة وهو مبارزة خالصة بين اللاعبين هناك وحوش ايضا تعلى و تاخد فلوس وكل حاجة بس الفرق ان الاعبين يقدروا يهاجمم بعض من دون سابق انذار يعنى ممكن وانت بتحارب وحش سخش عليك واحد يضرب فيك
ودا طبعا يا جماعة بيكون مثير جدا جدا وهناك تحدى دائما بين الاعبين هو قتلك النهاردة بكرة انت تقتلة وتكون واخد بالك من اللى حوليك والموت فى هذة اللعبة عادى لا تفقد اى exp حتى ليفل 90
فتخيل الاثارة بتاعتها بس لازم تكون جاهز ليها لانك ستقابل لاعبين اقوياء فى الداخل فلازم لبسك كلة والاسلحة كمان على الاقل +6




اخوانى انا اسمى فى اللعبة MR/Egypt اذا اى احد اراد المساعدة او فريق او حتى كلان ( زى الجيلد كدة) انا فى الخدمة

انا لقيت الشرح بتاع اللعبه
http://www.absba.org/showthread.php?t=798161
بس يا ريت لو فيه حاجه غلط ممكن تكلمونى

فين الردود هى اللعبه مش حلوه ولا ايه

هى حلوه على الاقل بتدخل من اول مره

جارى التجربة

سيللك رود احلى

انا نزلتها ولعب وصلت لفل 4 ولعبة سخيفة جدا جدا

احلى لعبى سيلك رود من حيث التجسيم وال Interface

انا معاك انا سيلك رود احسن طبعا
بس دلوقت انتا بتعرف تلعب سيلك رود ذى الاول
علشان تلعب لازم 90 جنيه شهريا على الاقل
حتى لو قلتلى ان انتا بتعرف تدخل من غير بريميم هيكون بعد الساعه 12 بالليل
لان فرصتك بتكون اكبر فى الدخول بعد الساعه 12
طب هتفضل تلعب لحد امتى
مثلا لحد الساعه 8 الصبح طب هتنام امتى وهتصحى امتا وهتروح شغلك ازاى
واكيد اكيد هترهق نفسك جامد علشان تعرف تلعب سيلك رود
انا بقول انا اى لعبه دلوقت تعرف تدخل وتطلع منها فى اى وقت هيا الافضل
انتا هتخسر ايه
والى بيقول انه وصل لفل 4 انا بقوله الف مبروك اصل انتا وصلت لنهايه اللعبه علشان تقول انها سخيفه
اللعبه دى علشان تعرف تلفل فيها بسرعه اهم حاجه الكويستات مش انك تضرب فى الوحوش وخلاص
انا بقول اى حد يعرف عنها اى حاجه يقولنا عليها علشان اللعبه لسا جديده

جاري التجربة شكراااااااا

شكرا على مرورك الكريم

جارى التحميل

شكرا على المرور

انا جربتها وعملت فيها شخصيه مودو لفل 17 وسبتها
رخمه بس حلوه انك تعمتل مديديت وتلفل لوحدك بس مشكلتها في فلوسها ونظامها مش مضبط
جرافيكس مقبول