أصحــــــــــــــــــــــــــــــــــــاب النفوس الضعيفة
 

السلام عليكم و رحمة الله و بركاته,,,
يا جماعة أنا حبيت أعمل الموضوع ده بجد..من زمان بس كنت مكسل
الى شجعنى عليه بقى الموقف الى حصل من أحد الأعضاء معايا..
و أنا طبعًا حوضح ايه الى تم و ايه الحوار الى دار بينا بس مش حوضح
شخصية الشخص ده بعد اذنكم, و الى حصل كالأتى:

فى يوم فتحت المنتدى ده لقيت رسالة خاصة منتظرانى من:**** *****
بتقول فى محتواها ان الشخص ده سبلى ميل الياهو بتاعه و طلب منى انى أكلمه..
أنا طبعًا كأى شخص طبيعى ..
لقيته فاتح رحت مكلمه:(بكل سذاجة و حسن نية و الله)
قلنا هاى و اتعرفنا بس و أول ما سألته أى خدمة أقدر أقدمهالك (تخيلوا سألنى على ايه)
تخيلوا واحد أتعرف عليا فى المنتدى ده!!
حيطلب ايه,أنا قلت أكيد يأما:-عاوز يشترى أكونت.
-عاوز يشترى جولد.
-بيسأل على حاجة فى اللعبة.
ولا حاجة من دى:بل ده سألنى على برامج هــــــكـــــر(بينى و بينكوا كنت عاوز أقلوا وقتها كلمة عيب والله..بس قلت اصبر يا واد لحد ماتفهم الموضوع كله)
طبعًا كده هو بيقولى :(أنا عاوز أعمل هاك عليك) بس عاملى حوار فى الأول كده قال ايه عاوز يعنى يكسب ثقتى...

---تانى مرة كلمنى فيها بقى أما ملقاش الحوار الأولانى دخل عليا عاوز يعمل عليا واحد تانى..
بيقولى ابعتلى كليب عمرو دياب الجديد(ياخى ---)حد قالك ان أنا موزع معتمد لأغانى عمرو دياب بتاعك ده..ما تروح تدور عليه فى أى داهية بعيد عنى!!!
و أما قلته مش عندى قلى لأ عندك بس أنت مش عاوز تديهولى( لا يا أخ مكشوف عنك الحجاب)
(هو حب أن أنا أبعتله أى حاجة مثلا يروح باعتلى هو حاجة تانية الحاجة دى أنزلها على جهازى..طبعًا الحاجة دى مش حتكون نظيفة..أكيد فيها باتش تروجان ولا كى لوجر)

___________ لحد هنا و أنا بقول ان بعد الظن اثم..كنت لسة شاكك..سيبكوا من كلامى
الى بين قوسين ده دى كلها استنتاجات انا استنتجتها بعد كده..

أخر موقف بقى و الى أكدلى شكى...
طبعًا كلنا عارفين ان GreYFoX هو الى بيعمل ال No Dc
و بالعربى يعنى كده أى حد دلوقتى معاه V1.41 بتاعه..نزل على المنتدى هنا و على منتديات تانية كتير..

يجى الأخ قال ايه عاوز يعملى مفاجئة:بيقولى ايه:
أنا معايا ال No dc 1.41 و حبعتهولك...(ههههههههههههههههههههههههههه لول)
ده أنت قديم قوى يا شيخ
طيب ما أكيد الNo dc
الى أنت حتبعته مرفق ب كى لوجر محترم
أحب أقولك حاجة أن انا حتى لو كنت أستقبلت رسالتك ونزلتها ما كنتش حتعرف تهيك عليا
عارف ليه ؟؟
لأن أنا بفتح الياهو و المنتديات و الذى منه من اللاب توب بتاعىو بفتح سيلك رود من الكمبيوتر العادى :rolleyes:
و أى برنامج بنزله بعمله سكان..
الى عاوز أوصلهولك ان أنا مش هندى ولا سوسن عشان تضحك عليا..ماش يا كابتن

و حاجة تانية أخيرة معلش :أنت و أمثالك من الى بيهتموا بلعبة لدرجة أنه يرهق نفسه و يفضل يعمل باتشات كى لوجر و يحور على خلق الله عشان فى الأخر يسرق حاجة جوة لعبة... دول نوع من أنواع..........(أصـــــــــــحاب النفوس الضعيفة)
بالعمية كده يعنى (التعبانين ملة)

لا مؤاخذة يا رجالة لو كنت ضايقتكم أو تقلت عليكم,,,

lol شكرا علي الموضوع و النصيحة^^

شكرا يا باشا
لما نشوف اخرة العالم دي اية

انا عن نفسى بئول عليهم زبالييييييييين
ميستهلوش اى اهتماام
حوارتهم مفئوسه وعالم تحب تتهزء

معلش ياباشا وفى الاخر اللى خلقنا حيحاسبنا على كل نفس اتنفسناه
وشكرا على النصيحه

shokran 3ala el mawdoo3 da

عاوز اقول بس لحسن ممكن يكون فى سوء تفاهم .

مش انا اللى عملت كدا مع الراجل دا انا فاهم انه مش قصده عليا خالص بس ممكن تكون ناس شافت الموضوع اللى انا عملو بتاع عمرو دياب قريت بس راس الموضوع مشفتش المحتوى.
الموضوع اهو http://www.silkroad4arab.com/vb/showthread.php?t=12050 انا حبيت بس احزر لاحسن الراجل دا قال ان الراجل اللى كلمو قالو عاوز اغانى عمرو دياب لحسن حد يفتكر ان انا جمعت اغانى من الناس وحطتها فى المنتدى وكمان ان انا حطيت برامج فى المنتدى اسف على الاطالة .
شكرا على الموضوع يا باشا وانا عارف انك متقصدنيش:D

يا أستاذ أنا مقصتدكش انت و أساسا مشفتش موضوعك بس هو الأخ التانى ده كان عايزنى أبعتلوا الكليب حجة يعنى عشان هو كمان يبعتلى حاجة تانية..عايز يعمل ثقة يعنى

على رأيك

howa esmo eih bas 3ashan ne5aly balna mno dana hab3atlo clip el 7aga :D

مهم دول الي مخلين المنتدي وحش

ياريت تشفولنا حل فيهم

كنت قولتله ان مفيش حد فى المنتدى ايده قصيره و اللى عاوز برنامج هيجيبه بطريقه او اخرى ,سبحان الله الناس فى الزمن ده بقت تتفنن فى اساليب الغش و النصب