|
دروس هامه فى الالش
احم
احم ازيكم يا تلاميذ الدروس مجانية و خصوصية لمجتمع الألاشين بس طبعا بتتقسم على دروس متعددة و حصص كتيرة -------------------------- --------- الألش يعنى ايه ؟ ليه بتالش ؟ الهدف منه ؟ شوية تعاريف فى البدايه ---------- الألش هو : كلمة او عبارة او فعل (تعبير لفظى او حركى) بيخرج من الألاش بطريقة مضحكة و وش مبتسم بعيد عن مضمون الحديث اللى بيتكلم فيه الشخص ----- صفات الألش : متنوع الافكار جامد فى المعنى غريب فى اللفظ ---- غرضه : انك تضحك شوية انت او الشخص اللى ألشت عليه تبعدو شوية عن الواقع تخرجو شوية من الهموم ترسم بيه بسمه على وش مهموم مكتئب ------ الألاش : شخص عادى مسالم بيحب الابتسامه ملحوظة : اللى غرضه يخنق على الناس يبقى ده تخطى مرحلة الألاش وو صل لمرحلة الرخم او الغلس او الخنيق لا مؤاخذة يعنى =========== عشان توصل لمرحلة ألاش متميز لازم نتبع جدول هنمشى عليه خطوة بخطوة درس بدرس اسمه مهارات ألشية هندرس فيها ازاى نتحكم نتعامل نتأقلم مع الأخر و بعد ما نخلص المهارات الألشية نبقى ندخل فى ازاى تبدأ النظرة نظرة الألاش لازم تكون متميزة متغيرة قبل و بعد الألشة يعنى مثلا قبل الألشة تكون نظرة جدية اكنك هتقول حاجة مهمة و بصوت واثق و عالى انما اول لما تسيب ألشتك على مسامع الأخرين تحول النظرة للنوع التانى إلى نظرة ما بعد الألشة و اللى هى بتكون بعيون ضيقة و فم نصف مفتوح كل ألاش ليه اسلوبه فى إلقاء نظرته زى ما ليه أسلوبه فى إلقاء ألشته و لكن الجامد جامد ^_^ لازم نعرف بردك ان للتفاعل مع الألشة و الشخص او الأشخاص اللى قصادك مهم جدا ازاى اتفاعل يعنى حركات ايديك تعبيرات و شك و ضمنها نظرتك حركة بؤك صوت ضحكتك لازم كلهم يندرجوا تحت اطار واحد متساوى و فى دايرة واحدة بتناسق و ترتيب حد فاهم حاجة اهم حاجة التلقائية فى التعبير يعنى ميكونش افعالك متمثلة او مصطنعة عشان يحصل تبادل الشعور بالمتعة ما بينك و بين الناس اللى ألشت عليهم لازم الألاش بردك يذاكر و يعيش طول عمره تلميذ الدرس ده تبع المهارات الألشية بعنوان التعامل ولا يقل اهمية عن الدروس السابقة الألاش ليه تعامل مختلف مع عن الناس غير تعامل الناس مع بعضها الألاش دايما لازم يكون مبتسم و مصدر الإبتسامة للناس كلها اللى حواليه حتى ولو كان متضايق طالما قررت تكون ألاش إنسى إنك متضايق و خليك دايما مصدر إبتسامة للأخرين الألاش بسيط فى كلماته فى تصرفاته مش بيخاف مش بيكبر المواضيع بياخد المواضيع بسهولة و بسلاسة مبيحبش المشاكل بيفض أى سوء فهم و بيتجنب أى مشكلة بإبتسامة بسيطة صغيرة و جميلة من الأخر الألاش لازم يكون شخص بسيط مسالم متعاون محب ^_^ ودى نهاية درسنا النهاردة يارب تكونو استفادتو .. وانتظرونى فى باقى الدروس ^_^ اى سؤال او تعليق اكتبه تحت امضاء اليشنتاين |
شكرا على الموضوع
|
انا مش فاهم اي حاجة بس باين كدة من الكلام انك الاش قديم
|
االالشو :]
|
شكرا على الردود
|
هي الترجمة هتنزيل امتي
|
شكرا يا عسل
|
اه و الحيتعلم الدرس حنقوله : الش مبروك :)
|
مشكوووور
تقبل مروري |
شكرا على المرور يا جماعه
|
مشكور بس مين الالش دة و بيبيع ايه
|
يعم انا الشت منك فى الطريق
|
مشكور منتظرين المزيد
تقبل مروري |
شكراً يا بوب
|
بعد ازنك انتا ناقل الموضوع دا منين في واحد الش وبردو توقيعة اينشتاين و جسمة عملاق انتا هوا ولا انتا ناقل الموضوع لو سمحت رد عليا
|
| الساعة الآن 12:51 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.