|
من الكبير حسنى مبارك .......الى شعب ام الدنيا مصر
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال ياواكل سمومك يابايع هدومك ياحامل همومك وشايل جبال ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال احبك مكبردماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه المغفل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعت فلوسك دولار او ريال واحبك تطبل تهلل تهبل عشان مطش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن اسيبك وراح تبقى عبره وتصبح مثال حبهدل جنابك وأذل اللي جابك وحيكون عذابك ده فوق الاحتمال وامرمط سعادتك واهزأ سيادتك واخلي كرامتك في حالة هزال وتلبس قضيه وتصبح رزيه وباقي حياتك تعيش في انعزال حتقبل ححبك حترفض حلبك حتطلع حتنزل حجيبلك جمااااال |
بالصراحة الريس دا راجب عظيم انو مستحمل الشعب المصرى
احنا منستاهلش الراجل دا :p |
مشكور...
|
اقتباس:
|
يا عم دة راجل ابن 60 .... :d
|
اقتباس:
انا زعلت جداا لما سمعت الكلام ده لما انت تقول على رئيس جمهوريتك كده اومال الاجانب تقول ايه والله حرام عليك ده مهما كان هو اللى حامى ارضك مليون واحد طمعان فينا وهو اللى حامينا واللى موافق على الكلام ده ميبقاش وطنى ولا مخلص لبلده ولاسلام ولا كلام لحد لما تعدل الموضوع ده لا تعليق!!!!!!!!!!!!!!!!!!!!!!!!! |
ملكش حق تتكلم برئيس مصر
وانت دلوقتى اتريقت علية بعيد عن ان القصيدة دى حلوة وكل حاجة بس متقولش الرئيس حسنى مبارك قول رئيس لشعبة لأن انت دلوقتى ظلمت الريس الى انت ممكن متكنش عارف هو بيعمل اية عشان البلد وياريت المشرفين يطردوا-بعد كدة-الاعضاء الى يتريقوا على اى رئيس واولهم الرئيس حسنى مبارك ويمسحوا مواضيعهم -بعد كدة-. وشكرا |
اقتباس:
واى رئيس جمهورية ليه حاجات كويسة وحاجات وحشة |
شكرا
|
| الساعة الآن 12:57 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.