|
كيف تجعل شعرك ناعم مثل الحرير(للرجال)الجزء التاني
المرة الي فاتت انا كنت ناقلها المرة دي والله انا مجربها بنفسي و علشان تتمن هتكون عند الحلاق نفسه
علي فكرة دا للشعره خشن بس هتروح عند الحلاق و شعرك طويل(لازم علشان تفردو يكون طويل) هتقوله انا عاوز افرد شعري....................... انا هالقولكم فكرة عن الفرد الفرد نوعين 1:بلاعشاب 2:بالجلات الفرد ده بيقتل الشعر فيخليه ناعم افرد بي العشاب او الجلات بس نصيحة افرداول مرة جلات بعد كدا لما تيجي تفرد افرد اعشاب الجلات عامل زي الكريم كدا بيحتو علي شعرك و يعد يسرح فيه بعد كدا بيغسلو بي شامبو بعد ما تفرد مينفعش تسرحو غير علي ورا خلي بالك معايا دلوئتي انتا لما تروح البيت و تستحمي هتلاقي شعرك رجع زي ما كان اوعي تفتكر ان الراجل تحك عليك لا انتا لما تيجي تخرج هتحت جل عليه و تسرحو هتلائه بقي ناعم فهمت علي فكرة يا جماعة الموضوع ده مضمون 100% بس للشعر الخشن بس لو شعرك ناعم و فرتدو هيقع عاوز ردود حلوة و اي اسئلة انا موجود |
شكرا على الموضوع و أنا شعرى مفيش أخشن منو فى مصر :d
|
الحمد لله شعري ناعم
|
السلام عليكم ورحمة الله وبركاتة
على فكرة الموضوع دا كترة خطر جدا وهتندم ندم عمرك انك بتعمل بس دا طبعا بعد مرور سنة ونص او سنتين بالتأكيد بعد مرور سنتين هتلاقى ان شعرك ابتدا يتحرق والفرد مبقاش يأثر فية (عن تجربة يعنى متغامرش)!!! (الى نفعنى ان ليا شخص اعرفة عايش بالمانيا وشغال فمركز تجميل وكان جة زيارة لمصر وادانى كريم للشعر وشعرى بدأ يرجع لطبعتة بس اخد وقت كبير) يعنى مثلا انت بتفرد شعرك دلوأتى ممكن يقعد معاك كده شهر او 2 بعد سنتين من الفرد المتكرر للشعر هتلاقى بمجرد مرور يومين شعرك باظ وهتحس انة محروق ومش عارف تسرحة نصيحة منى لو هتستخدم فرد استخدمة بفترات متباعدة.. يعنى مثلا كل اما تحتاج انك تفردة او كل مثلا 5 او 6 شهور ( حاول انك تسيبة كده ولو انت خارج او حاجة زى كده ممكن تعمل استشوار وهيبقى احسن مليون مرة من الفرد صدقنى) حاول انك وانت فالبيت ديما تغسل شعرك وتحط علية حمام كريم او كريم مفيد للشعر يعنى متبقاش قاعد فالبيت وحاطط على شعرك جيل لان دا هيأذى شعرك بمرور الوقت وابعد ان الجل الى بيكون متكون من الكحول زى هيركود ممكن تستعمل (Man Look) دا اعتقد نسبة الكحول فية قليلة حاجة كمان غير نوع الفرد كل مرة تفرد فيها يعنى مرة جلاد ودا انا مش بنصح بية عندك بايو بينت وفى حجات تانية كتير بتكون مستوردة |
شكرا يا مان
|
عندق حق والله انا كنت بفرد شعرى على طول جلات وا مرة وحدة لقيت ان شعرى بيقع كتير جدا
بس انا شعرى مش خشن اوى يعنى بس منشكلة شعرى انو لما بيبقة طويل بيعمل تجعيد ؟ |
طب واللى شعره ناعم ومموج يعمل ايه
|
اقتباس:
|
اقتباس:
|
اقتباس:
ممكن تستعمل فرد ويلا استريت او بايو بوينت اقتباس:
على فكرة انا كنت فالاول بستعمل فرد بايو بوينت بعدها بقيت اجيب فرد مستورد اسمة soft & beauty الفرد دا كويس اوى واسـأل علية (الموضوع دا مش موضوع بخل صدقنى) بس دى تجربة شخصية انا ممكن ارفعلك صور ليا فالاول لشعرى وصور تانية لما كان فيها شعر ابتدى يبوظ وهتلاحظ الفرق لو عايز تتأكد من كلامى اما بقى لو عايز تفتح موضوع عن الفرد ففى نوع تانى للفرد بس دا غالى 5 شويات كده اسمة فرد بالكيراتين انا لسة الصرحه مجربتوش ودا لانة اسمع انة فأماكن معدودة فمصر وزى ما قولت غالى اما الفرد دا فيعتبر مفيد جدا لان المادة دى المادة الاساسية الى بيتكون منة الشعر والاظافر يعنى مش زى اى فرد تانى بالعكس دا مفيد للشعر لان بمرور الوقت الشعر بيفقد المادة دى والى هيا الكيراتين والفرد دا بيرجعها لية تانى وبيكون عبارة عن جلسات بيحددها الى هيعملك شعر ممكن 2 او 3 وبعدها هتلاقى شعرك ناعم بطبيعتة (مش زى ما يكون مفرود لان لما بتكون فارد شعرك بيكون ناعم ايوة بس بيكون معروف انة مفرود انما نوع الفرد دا لا) ولازم الى هيعملك الفرد دا يكون واحد موثوق فية عشان يستعمل المنتجات الاصلية ويعملهولك صح اى سؤال انا فالخدمة على فكرة;) |
احسن طريقه لتنعيم الشعر هي
. . . . احلقو كلو و ريح نفسك |
انا واحد صاحبى شعرو مافيش اخشن من كدا راح فردو وقع عند الحلاق مستناش لما يروح
|
هههههههههههههه تاني دنتا عايزنا نبقي زلبطة بقي :p :D |
الحمد لله ناعم حرير و طبيعى (ربنا يخليهولى ههههههههههه)
|
واللهي مافيش أحسن من زيت الزتون أنا كان شعري ناعم بنسبة 75% بعد ماستخدمتو بشهر مقيتو بئي 95% كدا و الموضوع ده وخدو من راجل كبير الله يرحمو كان جد واحد صحبي كونت بعتبرو زي جدي علشان مشفتش ليا جد بس ياريت يكون زيت زتوون بس مش أي منتج بتع شركه
|
| الساعة الآن 06:48 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.