الموقع العربي الاول للعبة Silkroad Online - بعض النصائح لخداع ال Key logger و حماية ال Account من السرقة

بسم الله الرحمن الرحيم

مع الاسف ناس كتير جدا اتعرضت للسرقة ...بالرغم من وجود نظام حماية على جهازه ... وهذا يدل على ان ال Key logger او سارق البيانات الشخصية بيوصل للاجهزة بطرق كثيرة .. و اهمها طبعا البرامج المساعدة للعبة و فيه كتير مايقدرش يستغنى عنها مثل ال Loader و غيره ...طب ايه الحل؟؟؟؟
انا حاولت اقدم بعض النصائح البسيطة و اللي اتمنى انها تكون مفيدة:

بديهيا : لا غنى عن برنامج حماية قوي مثل الKasper sky internet security او ال Norton والNod و غيرهم من البرامج اللي اثبتت تفوقها في المجال الامني و طبعا يكون البرنامج محدث باستمرار... و مع ذلك فيه حقيقة بتقول انه لا يوجد حتى الآن برنامج مانع ضد كل الفيروسات و الملفات الضارة فلابد دائما من وجود ثغرات .
-اولا : كلنا نستخدم ال On -screen Keyboard اللي هي لوحة المفاتيح الوهمية و دي موجودة في الويندوز ودي بتشغلها بطريقتين:

الاولى : افتح قائمة Start ثم اضغط Run و اكتب الامر OSK ثم اضغط OK هتظهر لك لوحة مفاتيح تشبه ال Keyboard العادية بس من خلالها هتضغط على المفاتيح باستخدام الماوس.

الثانية : من قائمة Star افتح قائمةAll programs ثم اضغط على Accessories ثم اضغط على Accessibility ثم اضغط على On- screen keyboard و هتظهر لك نفس الKeyboard اللي في الطريقة الاولى.. و انا افضل الطريقة الاولى لانها اسهل و مختصرة.

- وفيه لوحة مفاتيح وهمية افضل من الخاصة بالويندوز و اكثر امانا بس دي بتخص الناس اللي شغالة بKasper sky internet security و طريقة تشغيلها كالآتي:
نروح لايقونة ال Kasper sky اللي هي في شريط ال Start up او اللي هي جنب الساعة . و تضغط عليها بالماوس Click يمين ثم تختار الاختيار Virtual keyboard هتظهرلك لوحة مفاتيح وهمية ايضا واكثر امانا من الخاصة بالويندوز .

- لحد هنا مفيش جديد معظمنا عارف المعلومات و النصائح دي ... لكن ارجو التركيز في الخطوة القادمة عشان هنتعامل فيها مع ال Key logger و كيفية خداعه ببعض
الاجراءات البسيطة ... و الافتراض هنا ان الجهاز بالفعل مصاب بهذا الملف وانت سيادتك متعرفش و عشان تامن نفسك هنعمل الآتي:
1
- افتح لوحة المفاتيح الوهمية اللي هي ال On-screen keyboard.

2- هنشغل اللعبة سواء باللودر او الكلينت العادي.

3- سيادتك هتكتب الID و ال PW غلط حوالي 3 مرات و طبعا كله باستخدام لوحة المفاتيح الوهمية و مش شرط يعني 3 مرات حسب ما انت عايز ... و بعدين تبدا بكتابة بياناتك كالاتي :

اولا : نفترض ان ال ID بتاعك اسمه (123456) سيادتك هتكتبه كده (1256) و بعدين هنا المفروض هترجع مؤشر الماوس عند رقم 2 عشان تضيف ال(3&4)وطبعا يبقى احسن باستخدام الماوس لان ال Key logger بيقرا الاسهم كمان بتاعت لوحة المفاتيح .. لكن مع الاسف كلينت اللعبة مش بيسمح بحركة المؤشر باستخدام الماوس وانا بقول الماوس عشان ال Key logger مش بيقرا حركتها .. لكن احنا هنحاول نحل المشكلة دي عن طريق ان احنا لما نيجي نرجع عند النقطة اللي هنضيف بعدها الحروف اللي ماكتبنهاش وده باستخدام اسهم اللوحة الوهمية لكن استمر بالضغط لغاية الرجوع للنقطة المنشودة و بلاش ضغط متقطع عشان حتى لو ال Key logger قرا السهم يقراه حركة واحدة .....و حتى لو المؤشر اتحرك بعد النقطة عادي ارجه ليها تاني بالسهم بالضغط المتقطع مفيش مشكلة .

4- بعد لما تكتب الحروف الناقصة ..ختى لو ال Key logger قراها هيقراها بالشكل دا (125634)يعني هيقراها غلط .

5- هنكرر الموضوع و بالذات ده اهم حاجة مع ال Password فلو افترضنا ان ال PW بتاعك هو (123456) سيادتك تكتبه كده (1256)و بعدين ترجع زي ما انا شرحت في ال ID.بس طبعا ركز هنا اكتر عشان ال PW بتتكتب على هيئة نجوم عشان تعرف بالضبط فين النقطة اللي لازم ترجع تاني تكمل بعده .

و في النهاية اتمنى اني اكون قدمت موضوع مفيد للاعضاء