|
@@@ لمشتركى Tedata فقط(الاسعار الجديدة) @@@
الخبر ده جامد جدا جدا للناس اللى مشتركة مع شركة Tedata ولا عزاء للمشتركين فى بقية الشركات ابتداء من يوم الجمعة الموافق 5 يونيو 2009 تم تغيير اسعار اشتراكات الانترنت اللى من غير سعة تنزيل محدودة فى شركة tedata على النحو التالى سرعة 256 كانت ب 95 جنيه حتفضل زى ماهيه وقريب حتتلغى خالص سرعة 512 كانت ب 140 جنيه دلوقتى ب 95 جنيه بس سرعة 1 ميجا كانت ب 220 جنيه دلوقتى ب 140 جنيه سرعة 2 ميجا كانت ب 380 جنيه دلوقتى ب 220 جنيه بس ودى صفحة الاسعار http://www.tedata.net/new/tedata_egy....aspx?secId=82 بمعنى انك لو مشترك فى سرعة 1 ميجا حتروح الفرع وتدفع 10 جنيه رسوم علشان تاخد سرعة 2 ميجا ولما تيجى تجدد الاشتراك حتدفع اللى كنت بتدفعه كل شهر بس حتاخد ضعف السرعة ولو عايز تفضل 1 ميجا زى مانت يبقى حتدفع 140 جنيه بدل ال 380 جنيه اللى كنت بتدفعهم قبل كده الكلام ده حيمشى على كل السرعات من اول 512 وطالع كل اللى عليك انك تروح الفرع وتطلب تعمل upgrade للسرعة بتاعتك للسرعة اللى اعلى منها عالطول او تفضل على سرعتك بس لما تيجى تجدد الاشتراك حتدفع اشتراك اقل رسوم الupgrade 10 جنيه لو انت حتروح الفرع او تقدر تطلب بالتليفون وحيجيلك مندوب ياخد منك 29 جنيه وفى خلال ساعة حتكون السرعة زادت علشان تتاكد من الاجراءات اتصل ب 19777 وبعدين دوس 1 وبعدين 2 وبعدين صفر وحيكلمك واحد من خدمة العملاء حيقولك الكلام اللى فوق ده بالتفصيل بالنسبة للمشتركين فى شركات تانية غير tedata: ============================ الشركات التانية حتغير اسعارها فى خلال اسبوع بالكتير بس غالبا حتبقى اغلى من اسعار tedata بحوالى 5 جنيه يلا ياجدعان عيشوا بقى ملحوظة صغيرة حتعكننكوا بعد الخبر اللى فوق: اشتراك النت فى المانيا30 دولار فى الشهر يعنى تقريبا 170 جنيه مصرى وبتاخد بيهم سرعة 30 ميجا علشان بس تعرفوا ان احنا مضحوك علينا فى البلد دى سلاموز |
مشكور على الافادة
انا مشترك فى Tedata |
يا باشا ................. طيب لو انا مش مشترك ينغع اشترك بالعرض دا ؟؟؟
|
يعنى لو كلمت 19777 اشترك ؟؟؟
|
اقتباس:
اقتباس:
لو انت مشترك فى tedata تقدر تتصل ب 19777 وتطلب تعديل السرعة والرسوم مكتوبة فى الموضوع فوق ولو انت مشترك فى شركة تانية تقدر تسيبها وتروح اى فرع ل tedata وتشترك فيه وحيوصلك النت فى خلال 5 ايام بالكتير |
طيب انا مش مشترك حاليا
|
ممكن استرك وممكن الرقم الارضى ؟؟؟
|
اقتباس:
19777 ده رقم ارضى وتقدر تطلبه من تليفون البيت العادى من اى حته فى مصر بس لو حتشترك جديد يبقى اتصل بيهم واسالهم ايه اقرب فرع ليك وروح اطلب اشتراك جديد ومش حتدفع غير اشتراك شهر بس والنت حيكون عندك فى خلال 5 ايام وممكن تاجر راوتر من عندهم ب 30 جنيه فى الشهر بس الاحسن انك تشترى راوتر 4 بورت حتلاقيه بحوالى 150 جنيه فى اى محل كمبيوتر بره وبعدين خد الراوتر وديه ل tedata وهما حيظبطوه اشترى راوتر نوعه TPLINK حتلاقيه كويس ورخيص |
انا معايا كلو صل كنت مشترك فى شركه تانية السنة اللى فاتت بس المشكله الاشترك والتركيب بكام ؟؟
|
اقتباس:
ياستاذى كلامى واضح مفيش اى رسوم غير اشتراك اول شهر بس وانت اشترى الراوتر من اى محل بره ياريت تقراء الكلام تانى وبعدين استفسر عن حاجه مش مكتوبه فوق او اتصل ب 19777 وهما حيقولولك كل اللى انت عايزه |
يا اخى انا 5 دقايق عمال يقولى لعبة كبير ولا مش عارف ايه
|
يا رب
مشكور على المعلومات |
الله اكبر السرعة هتزيد الضعف
هههههههههههههههههههه |
اناعن نفسي te-data وعملت upgrade كونت 512 ودلوقتي 1024 والنت باظ اكتر من الاول ودونلود 60 بالكتير هل دا عند كل الناس ولا شغله حلو ولا ايه
|
| الساعة الآن 11:48 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.