الموقع العربي الاول للعبة Silkroad Online - امتحان الثانوية العامة... فى المستقبل

امتحان الثانوية العامة
برعاية وزارة وشوشني

نموذج أختبار اللغة العربية

وقت الاجابة : خلص نفسك و اجري

=====================

اسم الطالب : ناسي البطاقة في البيت يا معلم

نوع الطلب : علمي علمك

عدد الطلبات : طلب واحد شاي

عنوان المنزل (( في حالة الانتحار او الوفاة )) : اول ناصيه على ايدك اليمين

تليفون المنزل : اتنين صفر و اربعه خضر

=====================

هذا الامتحان برعاية بيبسى الآن.. بيبسي الصاروخ ب عشرين جنيه بس ... هتفضل تغلى لغاية ماتبطلها (( وراك وراك ))

===============================================

ملاحظة:

اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).

ملاحظة:

عجلة الجاذبية 9.8 ( في حالة انك حبيت تنط من الشباك ) يسمح بالغش من اللي وراك أو اللي قدامك أو اللي جنبك (( طبعاًمحدش عارف حاجة عشان يعطيك يا حلو ))

===============================================

السؤال الأول (20 درجه)

===============================================

قال ريكو في أغنية (( خلي الشعب يعيش )) مايلي :

راحت عليكي الدنيا .. وراح زمن الشهادات و بقيتي يا دنيا ماشية عالسقفة و عالصاجات هزيها براحة براحة .. تفضلي على طول مرتاحة هزيها بشويش بشويش .. خلي الشعب يعيش

===============================================

الأسئله

1- اشرح الآبيات الاربعة الاخيرة من النص بما لا يقل عن 90 سطرا باختصار شديد
(9 درجات)

2- لماذا أكد الشاعر على القصد الشريف و النية الصادقة ؟
(3درجات)

3- استخرج من البيت الاول محسن ابراهيم و محسن اسماعيل مبيناً نوع كل محسن منهما .
(3 درجات)

4- استخرج من البيت الثالث صورتين فوريتين مبينا نوع الكاميرا
(3 درجات)

===============================================

مساحة خالية للإعلان- ت : واحد اتنين .. الجيش العربي فين

===============================================

السؤال الثاني ( 8 درجات )

===============================================

أعط أسباب ما يلي مع شرح وافي : (( ياعم كبر يا عم بص .. ده حتى بص ده الواد بيلظ ))

===============================================

1- تم نقل السوق المالي إلى سوق السمك ؟
(2 درجه)

2- إقبال الناس الى شراء نوكيا 9990 و عدم شراء نوكيا 9900 ؟
(2 درجه)

===============================================
أخي الممتحن أقلب الصفحة:
والله لتندم عالساعة اللي دخلت فيها المدرسة

===============================================

السؤال الثالث –اختياري-
(5 درجات)

اكتب الاسم المستوفى من السؤال ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل جيزه رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 درجات)

===============================================

فاصل إعلاني:
غمض عين فتح عين ... اشتري بيتزا تاخد اتنين
(( هذا العرض ساري حتى نهاية الوقت المحدد للإمتحان ))

===============================================

السؤال الرابع
(8 درجات)

===============================================

ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله جنبك حياتي دي اجمل حياة "

الأسئلة

===============================================

1-ماذا كان يريد ان يقول عمرو دياب للمزة ؟
(4 درجات)

2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟
(2 درجة)

3- ما اسم صبي الخياط تبع ام الموديل اللي كانت مع عمرو في الكليب ؟
(2 درجه)

===============================================

السؤال الخامس
(20 درجه)

===============================================

موضوع تعبير قال أحدهم:
" حسن زعبولا .. ماشي بيتسالا .. محندق الجاكيته و بيتعايق بالقلة " أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 درجه)

===============================================

راندا كولا المشروب الرسمي لهذا الامتحان

===============================================

أخي الممتحن أقلب الصفحة أحسنلك (( اصلك مش عارف اللي فيها ))

===============================================

السؤال السادس ( 19 درجه )

===============================================

اجب عن أربعة فقط من الأسئلة التالية

===============================================

1- ما رأيك بتصرفات " رفيع " و " فرحة " في مسلسل الضوء الشارد ؟
(5 درجات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو ) 2

- ما رأيك بموقف "حسام" من "سرية" في مسلسل الحقيقة و السراب ؟
(5 درجات)

3- من برأيك أقوى وأفضل بوكيمون - هل هو – بيكاتشو ؟؟؟
(5 درجات)

4 – اذكر أسماء أبطال كابتن رابح، مع بيان فريق كل منهم. وما عدد الأهداف التي سجلها الكابتن رابح في كأس العالم الأخيرة في المانيا 2006.
(4 درجات)

===============================================

عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً

===============================================

سؤال المساعدة ( لرفع العلامة ) ( 20 درجه) و ملهوش لازمة اساساً

===============================================

أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية

ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء

لو لقيت ردود
انتظروا منى امتحان اعدادى