الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)
-   -   للناس الي بتكره ا لبلد و مش بتحبها و نفسها تهجرها اسمع دي و اوعدك حتغير رايك (https://silkroad4arab.com/vb/showthread.php?t=106577)

HellReturned 02-06-2009 03:00 AM

للناس الي بتكره ا لبلد و مش بتحبها و نفسها تهجرها اسمع دي و اوعدك حتغير رايك
 
http://www.youtube.com/watch?v=FAB7J...eature=related

moh_rag_abd 02-06-2009 03:14 AM

اغنية حلوة تسلم ايديك
بس فعلا نفسي اسافر برة
بس مش هجرة دايما طبعا
حاجة مؤقتة كدراسة فسحة
شغل مؤقت
ومعتقدشي حد عايز يقعد فيها الايام دية :d

مهاب 02-06-2009 05:48 AM

بص الاغنيه دي كانت زمان انا دلوقتي حسافر في اقرب فرصه عمل بس يا رب

مهاب 02-06-2009 05:49 AM

يا عم مفيش حد طايق يعض في البلد دي
نظيفه وغنيه والديمقراطيه والمساواه وفرص العمل وكل الحاجات الحلوه دي

bad world 02-06-2009 06:52 AM

مفيش حد بيكره بلدة بس هو بيكرة الحكام بس
والناس البتحب تسافر بتسعى الى مستقبل افضل
اصل مش هقعد هنا من غير شغل او حرية وقول بحب
بلدى اصلها ولا هتاكلنى ولاهتشربنى بس لو
فى فلوس وشغل مكنتش هسافر

roaaroma2005 02-06-2009 07:08 AM

اقتباس:

المشاركة الأصلية كتبت بواسطة bad world (المشاركة 1070662)
مفيش حد بيكره بلدة بس هو بيكرة الحكام بس
والناس البتحب تسافر بتسعى الى مستقبل افضل
اصل مش هقعد هنا من غير شغل او حرية وقول بحب
بلدى اصلها ولا هتاكلنى ولاهتشربنى بس لو
فى فلوس وشغل مكنتش هسافر


والله انت جبت من الاخر ودا اللى طول عمرى بقوله للاسف
وهفضل طول عمرى بكره البلد دى لو جبلتى مليووووووووووووووووون
اغنية زى دى وبوضح انا كمان انا بكره البلد بسبب الحرامية اللى فيها
لكن برضوا اصلها مش هياكلنى ومش هيشربنى ولا هينفعنى
بصلة احنا بقينا ى عصر اسرق تعرف تعيش ( يعنى عدم ضمير مش سرقة بمعنى الكلمة )
والجنيه غلب الكارنية
وسلملى على الترماى معلش انا بحب اهزر شوية بس اعمل ايه
احسن ما اموت بحسرتى فى البلد دى اصل يبقى عدم كلام وعدم
ضحك يبقى نروح نموت

( شكلى هتحبس انهادرة )

asfora99 02-06-2009 08:16 AM

بص انا عايز افهمك وجة نظرى ف انى عايز اسافر
1_ انى مش لاقى نفسى هنا
2_ الفلوس كتير والناس قليلة وده طبعا مش هنا ده برة
3_ اما هنا الناس كتير والفلوس كتير ومش بنشوف منها حاجة ولو اخدنا بناخد بواقى الناس الكبيرة فى البلد

انا عارف انك هتقول ان دى مش طموحات بس بصراحة نفسى اعمل فى حياتى اى تغير
غير الروتين اللى احنا عايشين فيه ده
مع انى عارف ان برة بهدلة بس بهدلة وى مقابل انما هنا بهدلة من غير مقابل

alidndn1 02-06-2009 02:00 PM

يا مان البلد دي لو فيها كل الي الانسان محتاجه

زى فرص العمل و الراتب الكبير و نظافة الشوارع

و اهم حاجة الامن و الامان انما انت تلاقي كل يوم

في الاخبار واحد مات وواحد اتسرق وواحد اتخطف

وواحدة اغتصبت الخ طبيعي انك هتخاف على حياتك

و تقرر انك تمشي من هنا بسرعة قبل ما تحصلهم

صح ولا لا

دي وجهة نظري انا

و تقبل مروري

HaZeM2080 02-06-2009 03:35 PM

تسلم ايدك يا باشا
بس الى مبوظين البلد هما الى ماسكينها ربنا ياخدهم
بس بردو انا عاوز امشى منها لغايه لما الى ماسكينها يموتو او يغوروا

bad world 03-06-2009 12:07 AM

اقتباس:

المشاركة الأصلية كتبت بواسطة alidndn1 (المشاركة 1071459)
يا مان البلد دي لو فيها كل الي الانسان محتاجه

زى فرص العمل و الراتب الكبير و نظافة الشوارع

و اهم حاجة الامن و الامان انما انت تلاقي كل يوم

في الاخبار واحد مات وواحد اتسرق وواحد اتخطف

وواحدة اغتصبت الخ طبيعي انك هتخاف على حياتك

و تقرر انك تمشي من هنا بسرعة قبل ما تحصلهم

صح ولا لا

دي وجهة نظري انا

و تقبل مروري


مع احترامى ليك انا شايف ان مصر
من اكتر الدول امنن فى العالم
وشعبها بيخاف على بعضة وبيحب يساعد


__hoos__ 03-06-2009 12:29 AM

انا نفسي اسافر الي الابد هههه

بس فيين السفر ده

haziem 03-06-2009 01:34 AM

يا جدعان البلد ملهاش دعوة ما الفراعنة مسكوها وعملو منها حضارة العالم كلو بيحكى عنها وامريكا بكل ما فيها من تكنولووجيا نفسها تعرف الهرم الكبير اتعمل ازاى لانها مقدرتش تعمل زيو رغم كل التكنولوجيا دى
فكك يا عم حاميها حراميها
ان بحب البلد وهفضل احبها
العيب مش فيها العيب فينا ثم دى مذكورة ف القرءان
ودى من علامات التكريم والرسول صلى الله عليه وسلم قال انا المصريين خير اجناد الارض والا نسيتو ساعة الجد بنعمل ايه حرب 73
روح بقا امريكا واتفرج على الاغتصاب ف الشوارع للاطفال ولاى حاجة بتتنفس حتى البهايم والامان الى هما عيشين فيه

HellReturned 03-06-2009 03:09 AM

اولا :انا بشكر جميع الاعضاء و الناس الي ردت علي الموضوع ده باختصار صفة الشعب المصر حاجة وحشة انه بحيب الحاجة تجيلو لحد عندو صح ولا بتكلم غلط يعني مثلا :انا رايح اعمل بطاقتي و لازم عشان تعمل بطاقة لازم تمشي في عدة مراحل بس معلش طويلة مهو ده الروتين في مصر ولاكن الشعب المصري بيحب الحاجة سهلة تلاقي و انتا واقف واحد دخل و راح جي عاطي الراجل البيطلع البطايق 100leو قيلو ونبي خلصني عندي معاد و من هنة بتيجي الرشوة ف تقول طب منا اعمل كدة زية و تدفع و من هنة من العمل الرشوة و ساعد علي الفساد ؟ احنا
معلش الحكونة مش حتعمل كل حاجة يجي واحد يخلفلة 9-10 عيال و عايز الحكومة تاكلة و تشربة يا جماعة ماينفعش لا زم تبدا بنفسك الاول و الناس الي بيقولو لا دا مفيش شغل ,لا يا حبيبي جربت تنزل و تجرب و تدور علي شغل "؟ والله اخرك 1 اسبوع 2 تبقي تعبن و مش قادر لا يا حبيبي ربنا مأمرش بكا ربنا قال اسعي يا عبد و انا اسعي معاك بس معلش لو ملقتش مثلا شغل في اسكندرية حتلاقي في القاهرة حتلاقي في اي حتة يا جدعان والله البلد دي احسن من غيرها بصو علي لبنان و ايه البيحصل فيها بصو علي فلسطين بصو علي العراق شوفوا ايه و العذاب و الدمار و انا من رأي تتمرمت هنا في بلدك احسن من برة و حيجي يوم يا بلد العالم كلو يقول ان مصر هي احسن دول العالم و شكرا

altorkey 03-06-2009 03:16 AM

ههه ربنا يسهل بس انت ادعلنا انا مستنى اقرب فرصه اخلص فيها الدراسه وباذن الله مصر ابنى مش حيشفها خالص غير فى الحالات الخاصه بــــــــــــــــــــــس انا حعيش بره ومش حاجى غير لما الديمقراطيه تتظبط ورفع الظلم عن الناس وعدم الشغب خالص بين الشعوب ياراجل احنا سمعنا من قريب ان المحافظ اتقلب فى الفيلاه بتاعته سبحان الله ده محافظ مبالك الشعب ربنا يستر ومكنشى اتعديت على كلامى وده مجرد وجهة نظر ليا
وشكرا وتقبل مرورى

mr hacking 03-06-2009 03:42 AM

يا مان مفيش حد بيكره بلده
بس الظروف بس هى اللى بتاثر على الواحد
بتخلي تفكيره فى حاجة احسن
والاحسن دة برة
ومشكور على الاغنية


الساعة الآن 07:21 AM.

Powered by vBulletin® Version 3.8.11
Copyright ©2000 - 2025, vBulletin Solutions, Inc.