|
موضوع للنقاش : ايه اللى استفدته وايه اللى خسرته من يوم مالعبت سيلك رود ؟؟
السلام عليكم ورحمه الله وبركاته
اخباركم يارب تكونوا بخير ده اول موضوع ليا فى المنتدى حبيت اطرح شىء للنقاش كلنا نتكلم فيه ونعرف ايه اللى استفدناه وايه اللى خسرناه من يوم ماعرفنا اللعبه دى كل واحد يقول رايه بصراحه ويعبر ويتكلم ويناقش انا عن نفسى استفدت حاجات كتير اوى عرفت ناس كتير عرفت طبع بلاد كتير ماكنتش اعرفها عرفت اصحاب ورجالة على حق عرفت انى مش ممكن ادى ثقتى لحد بسهوله كل دى حاجات انا اتعلمتها من سيلك رود غير طبعا ان سيلك رود فادتنى فى حكايه البيع والشراء الموضوع ده فادنى فى حياتى العمليه وفادنى جامد كمان خسرت ؟ كتيييييييييييييييييييييييييييييييييييييييييييييييي ييييير اوى خسرت وقت ومجهود وتعب وفلوس وكهربا :D خسرت اصحاب بسبب حاجات تافهه فى الاول والاخر مجرد لعبه لا راحت ولا جت :rolleyes: يلا مستنى ردودكم وارائكم قولوا خسرتوا ايه وكسبتوا ايه |
على ماظن الموضوع مش عاجبكم
|
اول شىء ايه الى انا استفده:زى ما انتا بتقول انى عرفت اصدقاء كتير اصحاب رجاله بجد واتعلمت منها حاجات كتير وى طبعا نستنى البنات والجرى وراهم ايه الى انا خسرته:طبعا اكبر خساره الفلوس والوقت وعلشان العبه دى عملت حاجات حرام كتير وخسرت انى انا شوفت ايا الله مايوريه لحد بجد كانت ايام صعبه والله ولى كلمه فى النهايه من الاخرده لعبه واستحاله الأنسان يتغير علشان لعبه تقبل مرورى |
مشكور على مرورك وردك الجميل وهى فعلا مجرد لعبه بس فى ناس بتتغير عشانها ياريت الناس تحاول تبصلها من منظور انها لعبه وبس
|
موضوع جميل واحب اشكرك على عمل الموضوع ده لان فيه ناس مش قادره تفهم انها لعبه لكن شاطرين يقولوا انها مجرد لعبه وفور فن
لو فور فن مكنتش تتعصب عشانها انا عن نفسى ماكسبتش حاجه غير ان اتعرفت على ناس جميله ومش اكتر والخبره ممكن اكتبسها من اى حاجه تانيه الخساره كبيره انى بعيد فى السنه الدراسيه بسبب اهمالى للمذاكره وكنت مش بزاكر فى النهايه احب اقول قول الله تعالى: وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً وَنَحْشُرُهُ يَوْمَ الْقِيَامَةِ أَعْمَى يعنى كان لازم نخلى بالنا من الدين بتاعنا وصدقنى لو خليت بالك من دينك غصب عنك هتخلى بالك على كل حاجه خير ( مزاكره ....بر والدين... الاحترام.. الادب ..الخ.......) والسلام ختام ونسألكم بالدعاء |
انا اللي استفدته ولا حاجة غير عرفت ناس رجالة و واحد طلع بيلعب معايا في الحقيقة و مكنتش اعرف و زود صداقتي ليه طبعا و بتسلي الوقت
اما بقي الضرر ؟؟ انا اول حاجة مش شاحن سيلك يعني مفيش خسارة فلوس نيجي بقي اني مبقتش اعمل حاجة غير اقعد عليها طبعا بتضيع وقت و مجهود و انا قربت اتعمي |
اقتباس:
اقتباس:
|
خسرت وقت ومجهود وتعب وفلوس اكيييييييييييييييييد |
موضوع كويس وفكره حلوى جدا واكيد هيكون فى مساحه للنقاش بين الاعضاء فى الاستفادات من اللعبة وكمان الخسارات من اللعبة انا شايف الان انا استفادت من اللعبة ان اتعراف على منتدى جميل زى ده واحسن اعضاء فى الدنيا وكمان اصدقاء بمعنى الكلمه لكن الخسره لا تعد هههههههههههههههه |
اقتباس:
ربنا معانا ومعاك :) مشكور لمرورك وردك |
اقتباس:
مشكور للمرور وتفاعلك مع الموضوع مشرفنا العزيز :) تقبل تحياتى |
على فكرة موضوعك جميل جدا و الله ..... بس مع الاسف انت هتتفاجأ برايي :-
بالنسبة للمكسب و الخسارة اللعبة بتخاطب اكثر الطبائع البشرية مادية وانحطاط (آسف على اللفظ ) مثل ( الانانية ..الغرور..حب الذات ...الفخر ..الغدر..و في النهايه قلة الادب طبعا و ده شيء ملحوظ ) فاي حد بيسعى ان يكون اقوى واحد عشان يتفوق على كل الناس و في سبيل ده ممكن يعمل اي حاجة حتى لو هيسرق في الحقيقة ...اما من ناحيه المكسب و الخسارة فاللعبة هي نوع من انواع التسلية و الرفاهية و في سبيل الحصول عليهم طبعا لازم تخسر حاجات تانية ....اما حكاية انك اتعرفت على اصدقاء و مش عارف ايه دي مش حاجة ذات اهمية لانك ممكن تتعرف على اصدقاء من على الشات او تتعرف عليهم فى الحياة العملية عادي خالص و طبعا معرفة احسن من انك تتعرف على واحد عمرك ما شفته و لا شافك ....اما عن تجربتي انا مع اللعبةفمع الاسف انا هقلك رايي بصراحة مطلقة:- كتير و انا في برامج الشات المختلفة كنت بلاقى الناس بتهاجم المصريين كتير و بتشتمهم و طبعا انا او اي واحد مكاني كنت برد على طول و اقل ادبي كمان لاني مصري و ماستحملش اي كلمة على مصر او المصريين ....بس لما لعبت اللعبة بصراحة فوجئت يالحقيقة المرة ان اسوأ الناس في اللعبة هما المصريين من حيث التعامل و قلة الادب و الكذب و الغدر و النفاق و السرقة وا كيد طبعا النصب .....على الرغم ان هما من اقوى الشخصيات في اللعبة فنيا بسسسسسسسسسسسسس.....و مع ذلك احقاقا للحق انا اتعرفت على ناس محترمة بس لا يتعدوا على الاصابع ........ و في النهاية انا آسف على رايي بس دي الحقيقة بالنسبه ليا ..... و شكرا على مجهودك . |
اقتباس:
يشرفنى مرورك وردك بس ليه العدوانيه ؟؟ انت صح انا ماقولتش لا بس بالنسبه لمعرفه الناس دى سهله فى اى مكان وفى كل مكان بتعرف بشر جديده بس معرفة الرجال اللى على حق ؟؟ دى اللى مش سهله ومش بتشوفها كل يوم ومش كل المصريين وحشين فى الحلو وفى الوحش انت ابدا بنفسك خليك صوره مشرفه لبلدك وخليك غير باقى المصريين الوحشين ادى انطباع للناس عن نفسك من شخصيتك وكل ده بالاحترام والاخلاق وحسن الطبع والخلق :) ارجو تكون فهمت كلامى كويس ولو كل واحد بدا بنفسه ومابصش لغيره هانبقى احسن من كده :) تحياتى |
up
|
اقتباس:
والف شكر على الموضوع الجامد ده |
[quote=khorshed;920669]يشرفنى مرورك وردك بس ليه العدوانيه ؟؟ انت صح انا ماقولتش لا بس بالنسبه لمعرفه الناس دى سهله فى اى مكان وفى كل مكان بتعرف بشر جديده بس معرفة الرجال اللى على حق ؟؟ دى اللى مش سهله ومش بتشوفها كل يوم
ومش كل المصريين وحشين فى الحلو وفى الوحش انت ابدا بنفسك خليك صوره مشرفه لبلدك وخليك غير باقى المصريين الوحشين ادى انطباع للناس عن نفسك من شخصيتك وكل ده بالاحترام والاخلاق وحسن الطبع والخلق :) ارجو تكون فهمت كلامى كويس ولو كل واحد بدا بنفسه ومابصش لغيره هانبقى احسن من كده :) تحياتى وانا اشكرك على التعقيب و الرد ... بس لو سمحت في حاجة غلط انت قلتها:- - اول حاجة انت اتهمتني بالعدوانية ... ومش عارف ليه انا قلت اقولك رايي بصراحة ..هي الصراحة بقت عدوانية !!!! - تاني حاجة انت بتقول خليك مثال مشرف في تعاملك مع الناس و كده وانا الحمد لله فعلا كده والا ماكنتش انتقد التصرفات السيئة في المشاركة بتاعني . - تالت حاجة بتقول التعرف على الرجال اللي على حق و الصداقة ده يا استاذي موجود فعلا في كل المجالات مش لازم في سيلك رود .. وكمان استحالة تعرف رجل على حق من غير ما تتعامل معاه وجها لوجه... - وبعدين انا الحمد لله ماببصش للافعال التانية انا باديء بنفسي من زمان جدا ...مش عشان سيلك رود ولا حاجة لا في كل مجال ..انا بس بنتقد سلوكيات الواحد شافها و بيحكي تجربة .. وانت فاهم كلامي كويس و عارف انها منتشرة بين المصريين في اللعبة وانا مصري برده بس بحاول انني ماعملش كده . وبعدين حضرتك لو كنت قرات السطر الاخير من المشاركة بتاعتي هتلاقي ان انا بقول اني قابلت ناس محترمة ...بس دول قليلين جدا ... ولو يتسع المجال ممكن اقولك على بعض الامثلة كمان من تجربتي في اللعبة دي ..!!! و في النهاية شكرا لحضرتك على الاهتمام و الرد |
ل شىء ايه الى انا استفده:زى ما انتا بتقول انى عرفت اصدقاء كتير اصحاب رجاله بجد واتعلمت منها حاجات كتير وى طبعا نستنى البنات والجرى وراهم
ايه الى انا خسرته:طبعا اكبر خساره الفلوس والوقت وعلشان العبه دى عملت حاجات حرام كتير وخسرت انى انا شوفت ايا الله مايوريه لحد بجد كانت ايام صعبه والله ولى كلمه فى النهايه من الاخرده لعبه واستحاله الأنسان يتغير علشان لعبه |
انا الحمد لله مخسرتش حاجة لانى مكنتش بصرف عليها من جيبى كنت بصرف عليها منها
يعنى اسيب اكونت بوت و اعمل تاكسى و ادخل واحد من اصحابى فى البارتى و هو ياخد الجولد و ابيع الجولد و اشحن بيه سيلك وبوت و الاكونت كان بوت ومكنتش بقعد عليه غير علاشان اللعب pvp او Thief فانا كدة يعترب مخصرتش حاجة و بجد موضوع جميل جدا للنقاش |
اقتباس:
Welcome يا عادل و منورنا ^_^ |
اخي الكريم
احب اقول ليكو كلكوا ان اللي كسبناه و اللي خسرناه كلو واحد لينا كلنا معني كلامي : - كسبنا اصحاب رجالة بجد ... و نسينا الجري ورا البنات خسرنا : وقت ... مجهود ... فلوس ... الفشل بقي اكبر و اكبر في التعليم بس بردوا لسه بنلعب بس مش مشكلة خلينا نتسلي احنا هنعيش كام مرحلة شباب بس علي فكرة يا رجالة : كده حرام علينا لاننا صرفنا فلوس في الهوا .. و ضيعنا وقتنا و كل ده في حاجة مش مستهلة وكمان اللعبة دي هتاخد وقتها وهتروح عليها زي محصل مع midal of honor و strong hold مع تحياتي :- اخوكم و محبكم في الله .................................................. ................................. |
الف الف مليون شكر على الردود الطيبه والكلام الجميل من كل الاعضاء اللى شاركتنا وهو ده التفاعل بس ليا تعقيب واحد
اقتباس:
وبرده ماظنش انى غلطت لما قولتلك خليك مثال مشرف لباقى المصريين والا انا بكده ابقى غلطت ؟ حتى لو انت راجل محترم وبقولك الكلمه دى ماظنش انها غلط برده هو انا لما اقول لشيخ مسجد اتقى الله ابقى برده غلطت فيه ؟؟ :) تالت نقطه فى كلامك انا مش لازم اتقابل مع كل الناس اللى باكلمها على النت عشان اعرف مين فيهم رجوله على حق لان الراجل فى الحياه الطبيعيه راجل على النت وراجل فى كل مكان لان دى حاجه طبيعيه فيه وانا برده قابلت ناس كتير وجها لوجه وطلعوا اى كلام وناس تانيه قابلتها وطلعت رجاله وناس عرفتها على اللعبه بس ورجولة الدنيا فيهم يعنى ماظنش انى غلطت فى النقطه دى كمان :) انا فاهم انت بتتكلم عن السلوكيات المصريه ودى اللى ياما اتعمل فيها مواضيع وخناقات كمان بس هانعمل ايه عشان نغيرها ؟؟ اننا نبدا بنفسنا لما كل واحد يغير من نفسه ( ويكون من نفسه مثال مشرف للاعب المصرى ) ساعتها هانكون احسن من كده ولو عاوزين تفضلوا على كده على الاقل اتحدوا زى الاتراك تحياتى ليك يا غالى وارجو ان ردى مايكونش زعلك منى وتكون تفهمته بصدر رحب :) |
| الساعة الآن 03:15 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.