|
(( قرار المقاطعه )) سلاح الجهاد الحقيقي لنا
تعرفوا بإن سلاح الجهاد اللي ممكن نساعد فيه لإخواتنا في غزه وفي كل الدول العربيه سلاح المقاطعه للمنتجات الامريكيه والأوربيه أنا إبتديت من إسبوعين والحمد لله حتي الشاي والله العظيم بدلت الليبتون بأخر صناعه سعوديه عربيه ومش هرجع لأي منتج امريكي أو أوروبي مره أخري وكمان عرفت الأولاد وكلهم معايا يعني تخيل لما كل أسره تبطل تشتري بضاعه منهم بحوالي (( 500 دولار )) متوسط بالشهر شوف بقه كام أسره مثلا ؟؟؟؟؟؟؟؟؟؟؟؟ والله ده هيخليهم يركعوا علي وجوههم من سوء الإقتصاد بإذن الله ويعرفوا بإن الله حق والعرب قوه لا يستهان بها ويضغطوا علي أمريكا وإسرائيل ويخلوها زي الجزمه بإذن الله والله المستعان أنا هثبت الموضوع علشان ما ننساش أخوكم أحمد شفيق وده إهداء من أخي Charmed Bot Modretor المشاركه رقم 9 عن المنتجات والبدائل وهي كالتالي هديه منى لك يااستاذ احمد علشان مدخوش بين المنتجات لمنتج الأمريكى ------------------- مطاعم ماك بيرجر – ماك دونالدز – بيرجر كنج – كنتاكى – بيتزا هت – شيليز – تكا – آربيز – هارديز – كانتيز – جاك أند بوكس – تكساس – وينديز – بوباى – أميركان كورنر – فودراكرز - بيتزا ليتل سيزر - ايه اند دبليو - ومبى - دومينوز بيتزا - ستيرز - كوكوز - فرايديز --محلات الأيس كريم (باسكن روبنز) . ---------------------------- المنتج البديل -------------- مطاعم الطازج – البيك – ماريز – هرفى – ابو شقرة - بيتزا بلس- حلو الصمدى - قويدر- مؤمن - بيتزا كنج - الحاتى - والمطاعم الشامية والسورية واللبنانية ------------------------------------------ أطعمـــــــة المنتج الأمريكى ------------------------- شركة تيستى فودز لإنتاج البسكويت (سامبا – كاراتيه – شيتوس – فن – لايز ). شركة مارس لانتاج الشيكولاتة (مارس – تويكس – باونتى – سنيكرز – إم أند إم ). شركة جلاجسى – كيت كات – كادبورى. منتجات شركة توستال استاندل للحلويات Toaster Stnadel. منتجات شركة فريشيتا للحلويات Freschetta. شركة بيبسى كولا وتنتج (بيبسى وسفن أب وميراندا ويتم . _شركة هوستس (توينز – هوهوز – كاب كيك) . تشيكلس هولز _سناكس شركة فيريكو------------------- لإنتاج عيدان البطاطس والفشار . شركة كوكاكولا-------------- وتنتج (كوكاكولا وسبرايت وفانتا) . شركة برنجلز لإنتاج شرائح البطاطس. ---------------------------------------- المنتج البديل ---------------------- شرائح البطاطس من شركة تسالى وشيبسى - كريسبى – سناك ) . العصائر الطبيعية مثل المراعى – قها – ميلكو – لاكنور المشروبات المستخلصة من الفواكه مثل الواحة – الربيع – سان توب . كرانشى )) . شكولاته بون بون شيكولاتة ستورك). ----------------------------- ملابــــس وأحذية -------------------------- المنتج الأمريكى ------------------------ ملبوسات دكنى DKNY - ناين ويست Nine West - ترياف Triafe . ملبوسات بن جرى Ben-Jerry - جينز ليفز Levis - وجس Guess - ليزكليبرون للبنطلونات الجينز. ملبوسات كروكر - باجير (شركات يهودية) . ملبوسات وأقمشة جولدن تكس وبيير كاردان .. منتجات شركة مارك أند سبنسر اليهودية. شركه نايك للملابس الرياضيه محلات جى سى بينى لانتاج الملابس. محلات مذركير لملابس الأطفال. محلات ماركس أند سبنسر للملابس بأنواعها. مجموعة منتجات شتراوس ، منتجات تلما. متاجر : سماء ، بنيتون ، إيفانز ، ريفزلاند ، Mexx ، Next - دبانهمز . ------------------------------------------ المنتج البديل ------------------- الملابس الإيطالية مثل شركة (زارا) والإسبانية والتركية والمصرية والسورية - وملابس مونتير وفريندز --------------------------------------- الملابس الرياضية اليابانية (ريبوك)- اكتيف-اميجو- كوتشى- ايطاليانا - لوتو . الأحذية الإيطالية والمحلية وأحذية ماركة كلاركس ------------------------------------------ منظفــــــات -------------------- المنتج الأمريكى ------------------------ الشامبو : ----------- هيد أند شولدرز – بيرت بلاس – بانتين - صان سيلك جونسون أند جونسون . منظفات منزلية: المنظف المنزلى فلاش – شاوت – ومعطر الجو جليد . المبيدات الحشرية من شركة جونسون ريد . معجون أسنان : سيجنال تو – كولجيت – كلوس أب - كرست . صابون ومسحوق للغسالات : تايد – إيريال – تشير – فيرى - داونى– لوكس –كامى – زيست – بالموليف -------------------------------------------- المنتج البديل ---------------- شامبو نونو للكبار والأطفال ( مصنع البترجى السعودية). سيلفكرين – ويلا ) . تانشو (يابانى). بيبى جيرل – بيبى بوى ) صافكولاش (السعودية) – داك . بف باف – بايجون ). سنسوداين – أى بى سى دينت – ميسنان- أكوا فريش مسحوق للغسالات : بيرسيل – داك– تاج – أومو . صابون يدوى : دوف – فا – إيفا . ----------------------------------- مستحضرات التجميل -------------------------- المنتج الأمريكى ------------------------ شركة أندلوبست فورميلان لمستحضرات العناية بالبشرة. شركة ايست ان سمبل لانتاج صبغات الشعر. شركة إيفون الفرنسية اليهودية. شركة فيكتورياس سيكرت - شركة جرنجز - شركة نيكتار - شركة ريفلون - شركة جواردانا. شركة لاندر Lander - شركة ريفلون Revlone شركة باركولين Barcolene - شركة أرتماتك Artmatic منتجات يولاى وفكس من شركة بروكتر وقامبل. كريم بالمرز للشعر (أمريكى الصنع) PALMER'S . عطور: ( CK , Herrira , Sport Polo , Tea Rose , 2&2 Dunhill , Safari ،HUGO ) ----------------------------------------- المنتج البديل ---------------- شركة سريشن – شركة ليفر– التى تنتج فازلين- شركة سوشيدو – لورد أند بارى - أوريفليم - ليدى - أماندا - تاييه - بورجوا - لوريال - ياردى لىشركة نيبو – فيس أرت– نيفيا برجاء الإهتمام والقراءه وألف شكر للتفاعل معي يا جميل |
هى الفكرة ناس كتير اقترحتها .. بس هتيجى علشان تشوف المنتج المحلى عندنا تحس ان محدش بيراعى ربنا فى عمايله .. طبعا مش كل الناس .. بس الغالبية منهم كدا
فالناس بتقاطع فى الاول .. يجربوا منتج البلد النتيجة الناس بتلاقيها غير صالح للإستخدام الآدمى فبيرجعوا تانى للمنتجات الاجنبية انا مش عايز حد يقول عليا محبط ولا حاجة .. لا والله انا اتمنى ان احنا منشتريش اى حاجة من بره بس بتوع جوا يعوضونا ويعملوا نفس حاجات بره بنفس الجودة ساعتها والله والله ما هنشترى من اى منتج اجنبى " يارب انت العالم بأحوال عبادك .. اللهم اكفى اليهود بما شأت وكيف شأت انك على ما تشاء قدير نعما المولى ونعم النصير " شكرا على الموضوع يا استاذ احمد :) |
احنا الحمد لله من ساعة ضرب غزة مفيش ولا اى منتج امريكى او يهود ىدخل بيتنا.
بالرغم من انها منتجات كتيييير لكن مش حاسين بأى فرق فى حياتنا(: معاك يا أحمد حتى الموت (والد عز الدين) |
اقتباس:
إستعن بالله من الشيطان الرجيم إبدأ بالمقاطعه والجهاد في سبيل الله بهاذه المقاطعه ودور علي المنتجات العربيه وهتلاقي منها الجيد وإنصر العرب في سبيل الله تعرف لو مت في أي وقت هتكون بإذن الله شهيد وبلاش الشيطان يهبط من عزيمتنا والله العظيم أنا مصر جدا في هذه المقاطعه لدرجة إني قلت وإتفقت مع مراتي والأولاد بإننا حتي لو أكلنا جبنه وبيض بس عربي ولكن لا نأكل لحوم إخواننا العرب أيحب أحدكم أن يأكل لحم أخيه ميتا فكرهتموه ؟؟ المهم إعقد النيه وإبدأ تحياتي لك وشكرا للمشاركه اقتباس:
تحياتي إلي الوالد من أعماق قلبي وده المنتظر من رجل قد قام بحسن تربيه أبناؤه علي القيم والأخلاق وهو مايظهر في سلوكك يا عز الدين تحياتي لك وللوالد مره أخري أحمد شفيق |
تماام انا معاك و سلاح المقاطعة دا اقوى سلاح فى ايدينا |
فكرة حلوة ورائعة بس المشكلة لو سيبت منتج ممكن متلقيش زيوه محلى
وكمان أكتر الحاجات مبنبقاش عرفينها ديه مصنوعة فين بس أن شاء الله نقدر نعملها حتى لو كل واحد بطل منتجين أو ثالثة حيأثر أكيد وبالتوفيق |
والله يا اخي هدا السلاح اثبت فشله ولا فائده ترجى منه وليس هنالك سلاح يعيد امجاد الامة
غير سلاح الخلافة على منهاج النبوة ولذلك الافضل لنا التعريف بهذا السلاح بدلا من الاشياء التي لا تقدم ولا تؤخر ... وشكرا ... |
اقتباس:
ثبت فشله لإننا لم نستمر عليه بل علي العكس إذا إستمرينا عليه سيكون النجاح باهر ولكن يجب أن نكون إيد واحده أمس أعلنت البيبي سي عن رمي المزارعين اليهود المحاصيل في النفايات عارف ليه علشان الأردن وفرنسا وإنجلترا رفضت الفواكه لإن السوق المحلي لها لم يتم إفراغه ولا بيع المنتجات السابقه لهم شفت بقه أنا عن نفسي هستمر إلي أخر قطره في دمي |
هديه منى لك يااستاذ احمد علشان مدخوش بين المنتجات :p تم نقل محتوي الرد لأخي مودي في الموضوع أعلاه شكر خاص له مني أحمد شفيق |
أشكرك
Charmed Bot Modretor للتفاعل معي ومع الأمه العربيه أحمد |
مشكور يا استاذ احمد و الواحد مبطل المنتجات دى من زماااااااااااان الحمد لله
بس ياريت باقى الناس تحس على دمها و الحمد لله عصاير و شيبسهات و مربات و كل انواع الاكل موجود عندنا بيتى و اضمن و انظف |
اشكرك استاد احمد على الموضوع الى اكثر من رائع وربنا يوعدنا ونبطل احنا كمان
|
اصلى يا جدعان شكرا يا استاذ احمد
بس هو Dolce&Gabana مقاطع برضو اصل انا عندى منو يعنى ارميه ولا ايه؟ |
أولا والله فعلا فكره لا مثيل لها لأنها الوحيده اللى الواحد فعلا يقدر ينفذها و خصوصا الشباب
وبالنسبه للأخ اللى بيقول ان السلاح فشل اتمنى تعرف خسائر الدنمارك بعد المقاطعه اللى حصلت وانا الحمدلله مبطل من أيام الدنمارك بعض المنتجات و ان شاء الله هوصل الفكره عندنا فى البيت وجزاك الله كل خير بس لو سمحت اى منتجات جديده تجدها تستخدم فى الحياه اليوميه كتيير تقدمها والسلام ختام. |
بجد فعلا المقاطعه دي اجمد سلاح لينا الوقتي .. يمكن يكون بيعادل الاسلحه الناريه
لاننا العرب ماشاء الله صلتنا قريبه من بعض بس لو فعلا استمرينا علي المقاطعه باعداد كبيره طبيعي الشركات دي هتخسر جامد او علي الاقل هتحس بقيمتنا .. وفي نفس الوقت مصلحه للشركات المصريه والعربيه اللي فاتحه بيوت مصريين .. واهو بالمره يبقي افادنا بلدنا واخدنا موقف ضدهم |
فعلا يا استاذ احمد كلامك مظبوط 100%
انا ابتديت مقاطعه من زمان من ساعت سب النبي والصور المسيئة ليه بس بصراحه العزيمة ضعفت ورجعت تاني بس انا اقسمت اني هاقاطع بأذن الله ويا ريت تكون حملة التوعيه من الاعضاء للوالدين والاخوة في المنزل الف شكر يا استاذ احمد ع المبادرة الجميلة دي وربنا يجعلها في ميزان حسناتنا كلنا تقبل مروري وفائق احترامي ^^ |
اقتباس:
اعوذ بالله من الشيطان الرجيم بس انا مش قصدى والله انه اقتراح وحش ولا حاجة انا بس بوضح اللى بيحصل ما انا كان سهل بالنسبة لى اقول .. اه انا مبطل المنتجات دى ومبشتريش غير منتجات عربية والكلام دا كله .. وهفضل مقاطعها .. مبحبش اكون مثالى فى كلامى ومتناقض من جوايا .. انا حبيت اوضح بس ليه البعض مش عارف يبطل شراء المنتجات دى بس الاقتراح دا لو ينفذه التجار يبقى احنا هنكون مجبرين على تنفيذه يعنى لو كل تاجر بطل يحط المنتجات دى عنده ويبعها ساعتها احنا لما هنروح نشترى غصب عننا هنشترى المنتجات العربية لكن طوول ما المنتجات الاجنبيه موجودة فى السوق يبقى بعض الناس هتبطلها والبعض هيفضل يشتريها لكن لو اختفت من السوق ( ودى حاجة بأيد التجار ) ساعتها مفيش حد فينا هيشتريها لأنها مش هتكون موجودة ارجو ان الناس تكون فهمت وجهة نظرى صح .. انا مش ضد المقاطعة .. بالعكس انا شايف انها فكرة كويسة جدا بس لو التجار هما اللى يطبقوها لكن احنا كدا عاملين زى اللى بيطفى النار من فوق وسايب اساسها من تحت مشتعل يارب تكونوا فهمتوا قصدى .. تحياتى... |
ان شاء الله الكل هيقاطع المنتجات اليهوديه |
و الله موضوع رائع يا استاذ احمد بس برضو المفروض من اصحاب الاسوق (السوبر ماركت) توفير المنتجات العربية و ياريت يخفو من الننتجات الى المفروض اننا نقاطعها و بكدة كل الناس هتستعمل منتجات عربية ولون صعب بس مش مستحيل و اشكرك مرة اخرة يا استاذنا
|
الحل مش ان الشعب يقاطع البضائع بتاعتهم الحل ان الناس و المستثمرين يبطلو اصلا يشترو توكيلات الشركات الاجنبية
يعني مثلا لما واحد يقاطع كنتاكي في مصر مش هتبقا مشكلة لامريكا هتبقا مشكلة صاحب التوكيل بمثال مصغر شوية لما البقال يشتري بضاعة اجنبية و الناس تقاطع البضائع ديه مش هتبقا مشكلة للشركة المصنعة هتيجي على دماغ البقال طب هتقولي ما البقال يقاطع البضائع ديه و يبيع بضائع محلية بكل بساطة هيخسر لان الناس الي كنت بتشتري من عندو هتروح لغيرو فاعشان سلاح المقاطعة يبقا فعال لازم جودة المنتج المحلي يبقا بجودة المنتج المستورد |
السلام عليكم ورحمة الله وبركاته
قال رسول الله (( اخشوشنو فإن النعمه لا تدوم )) صدق رسول الله صلى الله عليه و سلم
الناس اللى متعوده على الاكل فى هذه المطاعم مطاعم ماك بيرجر – ماك دونالدز – بيرجر كنج – كنتاكى – بيتزا هت – شيليز – تكا – آربيز – هارديز – كانتيز – جاك أند بوكس – تكساس – وينديز – بوباى – أميركان كورنر – فودراكرز - بيتزا ليتل سيزر - ايه اند دبليو - ومبى - دومينوز بيتزا - ستيرز - كوكوز - فرايديز --محلات لن تموتو لو ما اكلتوش منها انما غيركم سوف يموت و بعدين احنا ليه نروح مطعم زى دا ونصرف مبلغ علشان عشوه حلوه هوه احنا احسن من رسول الله طيب هاحكيلكو موقف حدث فى عهد رسول الله و انتو بعدها شوفو هاتروحوا المطاعم دى برضه ولا هاتبطلو خرج رسول الله من بيته فى يوم فتقابل مع ابو بكر الصديق قال له ما اخرج يا ابو بكر قال والله يا رسول الله ما اخرجنى الا شدة الجوع فسئل سيدنا ابو بكر سينا محمد وما اخرجك يا رسول الله قال اخرجنى الذى اخرجك فتقابلا مع سيدنا عمر ابن الخطاب فسئلوه ما الذى اخرج يا عمر قال ما اخرجنى الا شدة الجوع فسئلهم سيدنا عمر وما الذى اخرجكم فقالا ما اخرجنا الا الذى اخرج فمشيا مع بعضهم الثلاثه الى ان لقيا منزل تابع لمرأه عجوز فسئلوها على طعام فأهدت لهم لبن و خبز فقال رسول الله صلى الله عليه و سلم لاصحابه لتسئلن يوم اذا ً عن النعيم صدق رسول الله صلى الله عليه و سلم |
[center]
اقتباس:
يا سلام عليك يادرش ماشاء الله علي ردك ربنا يزيدك من علمه فداك أبي وأمي يارسول الله[/center] |
الحمد لله الواحد مقاطع المنتجات دي و عايشين اهو ^^
|
يا ريت يا استاذ احمد تضيف المنتجات الى موجودة فى المشاركة 9
فى موضوعك ويتم نقل الموضوع الى اكبر عدد ممكن من المنتديات وعلى الايميل الشخصى وتكون دى حركة بداية المقاومة بجد (بدل ما احنا مش عارفين نعمل حاجة ) ربنا يجعل الموضوع فى ميزان حسانتك يا استاذنا تحياتى ليك ولكل واحد رد على الموضوع |
اقتباس:
تسلم يا درش على الرد الجميل تحياتى |
اقتباس:
اقتباس:
اقتباس:
السلام عليكم ورحمة الله وبركاته كلام الجميع والموضح أعلاه بيرمي العبئ علي المستورد والتاجر وإنهم همه اللي بيعملوا كده وبيستوردوا البضاعه الأجنبيه الأوروبيه والأمريكيه وبالتالي عليهم همه انهم يقاطعوا المنتج ده ويجيبوا منتجات عربيه .............................!!!!!!!!!!!!!!!!!! يا جماعه إمتي بقه هنعتمد علي نفسنا في صنع القرار والله أنا بديلكم خلاصة خبرتي في الحياه علشان تستفيدوا منها وبمنتهي الأمانه وربي يعلم ذلك ولم ولن أبخل عليكم بما هو في صالحكم دايما شوفوا لازم تبتدوا إنتم الأول بالمقاطعه بالتالي التاجر مش هيبيع المنتجات إياها غصبن عنه لإنها مش بتشتري من الناس ومش هيطلبوا من تجار الجمله البضاعه دي برضه تاجر الجمله مش هيطلب البضاعه دي وهيطلب غيرها (( العربيه )) بالتالي المستوردين مش هيطلبوا من الجهات الخارجيه استيراد المنتجات دي وهيطلبوا المنتجات العربيه فقط بالتالي الدوله مش هتتعامل إقتصاديا شويه شويه مع العالم دي بالتالي سيتم تطوير المنتجات المحليه لتنافس المنتجات العربيه بالتالي سيزيد الضغط علي المنتج المحلي معني كده العمال والموظفين اللي كانوا بيشتغلوا في ماكدونالد مثلا وقفل علشان مابيجبش فلوس هيشتغلوا في المحلات و المصانع في المنتجات المصريه بالتالي هيزيد الإقتصاد المصري وهنرجع أمة مصدره ومنتجه وليست مستهلكه وقيس علي بالتالي دي كل حاجد زراعه وصناعه وتصنيع حربي وتجاره وكل الأشياء وبالتالي نرفع راسنا بقه يا أخي وسط العالم كله كأمه عربيه أرجو بإن الصوره تكون وصلت أحمد شفيق اقتباس:
|
مشكور
|
بص يااستاذى انا مش هكدب عليك واقولك انا مقاطع كل الحاجات دى
لكن ان شاء الله هكون من اول المقاطعين وبلا رجعة ان شاء الله مقاطعة نصوحة يعنى :d وكل واحد يحاول يعمل اللى فى استطاعته مش شرط انك تقاطع كل دا مرة واحدة لكن بالتدريج هتلاقى نفسك مش بتحتاج لأى حاجة منهم وجزاك الله كل خير |
عندك حق
|
كما وعدناك يا استاذ احمد
موضيعك الجميله مشكور على التذكير وربنا يعينا ان شاء الله وتقبل ردي في جنبات موضوعك الرحب |
thxxxxxxxxxx
|
شكرا عاي المعلومة اخي الفاضل احمد
انا لمعلوماتكم مقاطع كل المنتجات الي اعرفها مش بحب الحاجات دي عشان الناس دي بتاخد منا فلوس وبتقتل بيها اصدقائنا واخوانا في الاسلام حسبي الة ونعم الوكيل |
| الساعة الآن 07:55 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.