|
[ حــوار مفتـــوح ] اسبــاب الاعــتزالات !!
http://img12.imageshack.us/img12/6783/9900jx4.gif http://img17.imageshack.us/img17/853...atayebafs7.gif اقـــدمـ لكـــم http://www3.0zz0.com/2012/10/26/08/527136983.png [ حــوار مفتـــوح ] اسبــاب الاعــتزالات !! http://b.dryicons.com/images/icon_se...ellow_card.png http://www.vb.fll2.com/storeimg/img_1352672363_999.gif طبعا كله ملاحظ فى الفترة الاخيرة ان الاعتـزالات من المنتدى كترت مش الفترة الاخيرة بس ،، هى كل فترة يحصل اعتزالات فى ناس كان ليها بصمـة فى المنتدى و محدش بيشوفها دلوقتى ،، ليه ؟ فى ناس هى اللى عملت المنتدى و محدش يعرف راحوا فين ..!! فى ناس كان الواحد بيستنى المـواضيع بتاعتها و كان بيستفيد منها فعـلا دلوقتى الناس بتخش المواضيع ترد من غير ما تشوف المـوضوع ده بيتكلم عن ايه المـواضيع دلوقتى بقت كلها كوبى و بست ،، المـسـابقـات مبقلهاش طعم ،، حتى مفيش افكار مسابقات جديدة حلـوة و المسـابقات الحلوة ،، دور هتلاقيها من زمان مش جـديدة هل مبقـاش فى مبـدعين فى المنتــدى ؟ ولا النـاس بتكسل ؟ ولا بتستسهل اكيد لو الواحد فكـر شوية هيلاقى افكــار حلوة اكيد الافكـار مخلصتش انا شـايف ان احنا بنكرر فى المسـابقات بتاعت زمان و مـواضيع زمان ؟ http://dl10.glitter-graphics.net/pub...z8xpnmxrec.gif عــاوزين نقسم المـوضوع و النقــاش بتاعنا لفكـرتين الفكـرة الاولى : ايه اسبــاب الاعــتزالات من وجهة نظرك ؟ الفكــرة التــانية : ليه مبقـاش فى ابـداع زى زمان فى المنتــدى و ليه المنتدى مش زى زمان و هل تتوقع المنتـدى يرجع زى زمان فتــرة 2008 ~ 2012 ؟ وهل لوقــوع لعـبة سيلكـرود تأثير على المنتـدى ؟ http://sl.glitter-graphics.net/pub/8...sqb8j0776b.png يــاريت ،، يــا ريت -- الكـــل يشـــارك برأيه .. !! |
الفكـرة الاولى : ايه اسبــاب الاعــتزالات من وجهة نظرك ؟ الاسباب ان المنتدى مبقاش فية متعة زى الاول مبقاش فية الروح الجميلة اللى بتبقى فى المسابقات زى الاول يعنى زمان اما كان بيتعمل مسابقة فى بعيدا ومشرف يشترك فيها ولا حد من الطاقم الادارى يشترك كانت بتبقى معجنة بما ان مفيش نشاط من الاعضاء .. اكيد المشرفين هيبقو محبطين واول حاجة هيفكرو فيها فى الاعتزال انا حسيت بالاحباط اما شوفت المسابقة بتاع البلياردو ومفيش حد بيشترك فيها الفكــرة التــانية : ليه مبقـاش فى ابـداع زى زمان فى المنتــدى و ليه المنتدى مش زى زمان و هل تتوقع المنتـدى يرجع زى زمان فتــرة 2008 ~ 2012 ؟ وهل لوقــوع لعـبة سيلكـرود تأثير على المنتـدى ؟ مبقاش فية ابداع زى زمان علشان مفيش اعضاء زى زمان يعنى مفيش حاجة بتجذب الاعضاء زى زمان مفيش افكار مسابقات جديدة زى زمان لازم يكون فية مواضيع مسلية زى اللى الاعضاء بتحبها دةة هيزود النشاط فى كل قسم اما بالنسبة انى اتوقع ان المنتدى يرجع زى زمان انا اشتركت فى المنتدى من حوالى خمس سنين او ست سنين بس فية ايميلات سيبتها وايميلات اتعملها حظر يعنى انا تقريبا انا فى المنتدى من 2009 او 2008 واحب اقولك مستحيل المنتدى هيرجع زى زمان مستحيل المنتدى هيرجع للايام دى |
اقتباس:
كـان عـلـى أخـر الأيــام الـلـى فـاتـت الـلـى كـنـت فـيـهـا .. انـا شـخـصـيـآ إعـتـزلـت بـسـبـب الـمـوضــوع ده كـنـت بـشـتـغـل بـجـد و فـى الأخـر واحـد غـيـرى يـبـقـى مـمـيـز و أصلآ مايستحـقـهـآش بـس والله مـا كـنـت مـوجـود عـلـشـآن لــون بـس بـآرده لازم تـلاقـي تـقـديــر لـمـجـهـودك فــاهــمــنـى ؟ :birgits_tiredcoffee اقتباس:
عـلــى فــكــرة الـمـنـتــدى مـن آيــآم 2008 ~ 2010 الـمـواضـيـع مـاكـنـتـش كـويـسـة بـس الـنـاس هـى الـلـى كـانـت كـل حـاجـة .. يـشــاركــوا مـع بــعــض - الـكـل بـيـحـب بـعـض .. لـكــن دلـوقـتــى مـعـتـقـدش إن فـيـه كــدة و مــوضــوع الإبـداع و الإسـتـسـهـال فـى الـمـوضــوع ده كـل واحــد بـيـعـمـل الـلـى عـلـيـه بـس هـو و دمـاغـه بـقـى ( يـبـدع فـى الـمـوضــوع .. - و أو يـخـلـص و يـنـفـذه غـيـر تـنـسـيـق حـتـى .. ) :cheers: |
الفكـرة الاولى : ايه اسبــاب الاعــتزالات من وجهة نظرك ؟ الدراسة ، مفيش اي حاجة تشجع الناس ع الاشرافـ , اقسام نايمة والمشرفين مش عارفين يظبطوهـا . أو شغل . الفكــرة التــانية : ليه مبقـاش فى ابـداع زى زمان فى المنتــدى و ليه المنتدى مش زى زمان و هل تتوقع المنتـدى يرجع زى زمان فتــرة 2008 ~ 2012 ؟ وهل لوقــوع لعـبة سيلكـرود تأثير على المنتـدى ؟ بص , اكيد سيلكرود مأثرة علشان شعبيتها قلت . او معظم اللي فيها اتراك مش مصريين , والناس مش عايزة تتعب . كل واحد حيقولك حستفاد ايه لو تعبت وعملت موضوع .. كل واحد بيدخل عايز يستفاد من غير ما يفيد |
من ساعة ما سبت المنتدي دا انا وهواه مش شغال زي الناس حقيقه صدقني
انا لو رجعت المنتدي هايكون حاجه فخمه ^^ |
محجوز عشان خاطر انجى :cheers:
|
اقتباس:
حقيقة انت مواضيعك كانت جميلة جدااااا |
دا رأيي ولك مطلق الحرية في ان تقبله او لا تتقبله :
هوا المشكلة روح الناس الموجودة هى الى بتشغل المنتدى او بتخلية مفهوش تفاعل .. ولما بتختفى جزء من الناس دي بيبدأ المنتدى التفاعل بتاعه بيقل بالنسبة للمشرفين مش كنشاط المنتدى كله .. لما بدأ الاعتزالات كان كل واحد بيبقا قدامه مشاغل والدنيا برة المنتدى بتشغل فا غصب عنه بيعتزل ولما واحد ورا واحد بيعتزل بتلاقي المجموعه الى اتعودت تبقا موجودة بنشاطها وتفاعلها في المنتدى ابتدت تخمل وتلاقي الى لسة معتزلش بيعتزل علشان اصحابه بيمشوا .. وبصراحة بقا هم الى كان بيجي في المنتدى من مشرفين كتيير انهم يكونوا مشاركاتهم عالية وتلاقي معظم الردود ملهاش علاقة بالموضوع ودا في حد ذاته خلى المناقشة في المواضيع معدومة على عكس زمان كان الرد بيبقا فيه حوار وتلاقي في اهتمام من صاحب الموضوع والاعضاء والمشرفين .. انما دلوقتى تلاقي الموضوع معمول عشان شهره وكسب مشاركات تلاقيه كل رد .. موضوع جميل .. موضوع هايل .. تسلم .. شكرا .. وهوا عامل موضوع عشان تسلم ولا رد زي كدة ؟ حاجة تاني بقت في نظرى بتشتت الاعضاء زيادة الاقسام بالشكل الكبير دا بيشتت الاعضاء مع العلم ان كدة بيكون ترتيب للأقسام وشكليا افضل .. كمان في مشكلة ان دلوقتى الى بيكون مترشح يكون مشرف بيكون مترشح علشان اللون والسلطة كمشرف قسم الكلام دا مش على الكل بس على معظم الناس الى بلاحظهم .. بتلاقي بعد ميترشح بيعمل مواضيع كتير متكررة و مش متكررة وتلاقي هدفه انه يوصل يكون مراقب قسم او مراقب عام وبيكون همه اللون والسلطة اكتر من انه يخدم المنتدى .. دا غير مشاكل كانت بتحصل من بعض الناس فا بتسبب انهم يعتزلوا .. افتكر زمان مكانتش المواضيع هيا الى بتخلي المنتدى فيه روح كنا بنعمل مواضع ممكن متكونش على قدر الافادة للجميع بس كانت المشاركة في كل حاجة بتهلى في وجود وروح للمنتدى .. كان كل واحد بيعمل على المنتدى وكان فيهم روح المشاركة والحوار في المواضيع ودى كانت احلى حاجة فعلا .. واسف انى طولت جدا |
دلوقتى الناس بتخش المواضيع ترد من غير ما تشوف المـوضوع ده بيتكلم عن ايه
بص يا باشا دي فعلاً حقيقه ان انا بشوف اعضاء بترد الدر مش تبع الموضوع اصلاً تماااام ثانياً ان شاء الله حضرتكـ انا عندي افكار جديده و مسابقات جديدة ... بس مستني اجمع كل الفكر عشان احفظها و اعملها واحده ورا واحده ثالثاً وهل لوقــوع لعـبة سيلكـرود تأثير على المنتـدى ؟ مش هقولكـ بعيداً عن سيلكـ رود .... الحمد لله و الشكر لله اكتر قســم شغال لحد دلوقتي و حضرتكـ كنت قايل بنفسكـ كده وفعلاً لما لعبة سيلك رود وقعت المنتدي اتغير بمعنــي ان بقي مفيش مجهود كبير ... الناس بقيت تكسل تعمل تنسيق ~~" وغـــير كده و كده --- الناس مشغوله اكيد في لعبه تانيه غير سيلك رود مشغوله بــ البيت بــ اشغلهم و ده بيخلي مفيش تفاعـل دايمـ يعني انا لو دخلت مثلا قسم و لقيت ان اخر موضوع كان نازل من اسبوع اكيد مش هنزل موضوع عشان عارف ان مفيش حد هيرود او بمعني مفيش حد هيفكر يدخل علي الموضوع بتاعي كلو بقي واخدها بأسامي المواضيع ده حتي في قــسم المشاكل و الاستفسارات لعمل سيرفر اعتقد ان كل المشاكل لي كانت تواجه اي سيرفر اتحلت خلاص بقي مفيش تنشيط للأقسام د بسم الله مشاء الله يعني المنتدي معروووفـ ... بس المشكله ان اكتر الناس مش بتسجل و يدخلو يشوفو من غير ما يسجلو و يخدو معلومات من غير ما يفيدو المنتدي بردو :@ المهم : ان شاء الله مع كل واحد من الاعضاء و المشروفون يجتهدو و يتقدمو في المسابقات و ان شاء الله في افكار جديده انا هنزلها في المنتدي و استنوني ان شاء الله هل مبقـاش فى مبـدعين فى المنتــدى ؟ ولا النـاس بتكسل ؟ ولا بتستسهل هي فعلاً مبقاش في مبدعين ~~" --- هو في بس مش ذي الاول مع كل احترامي ده رأييي و يا ريـت محــدش يزعل مني و يتقبلو :icon8::icon8::icon8: |
1
مش عارف فيها اهانة ولا لأ بس ده راييى دلوقتى اى حد ممكن يبقا مشرف ممكن تلاقى واحد عندو 12 سنة ومشرف ولا فيه حتى خبرة عشان تتغاضى عن السن زمان المشرف كان ليه قيمة عن دلوقتى وكانت حاجة كبيرة والنظام بتاع 3 شهور مميز تبقا مشرف عام بجد مع احترامى للادارة العليا بس ده مشروع فاشل جدا ان ممكن اى حد يبقى مشرف عام !! ليه المنتدى ميتغيرش و نرجع زى زمان ؟ دلوقتى اقصى حد للاعضاء المتواجدين مش بيزيد عن 40 و النشطين مش بيكملوا 15 او 10 - 2 الابداع هيتقدم لما تحس ان موضوعك يبقا فيه قيمة و الناس ترد و ترجع انما دلوقتى كل واحد بيعمل موضوع عارف ان اقصى حاجة هيبقى 5 ردود و اغلبهم سبام :111 (13): -------- لو بعض الانظمة دلوقتى تتشال هتلاقى المنتدى القديم كلو رجع :sleeping: |
كل الاراء تحترم و كل الاراء مقـبولة اكيد :butterfly: و منتــظر بـاقى الاراء ،، و لو حد عنده حل او فكــرة يا ريت يشـاركنا بيهم :jester: |
اقتباس:
وبالنسبة للسن فمش اى حد بيقدر يدخل الادارة دلوقتى برده الموضوع اتغير عن الفترة الأخيرة ! |
اقتباس:
انا عن رائيى المنتدى نام لعدة اسباب : من اهمها الملل مثلا اصحاب المناصب العليا بيصابو بالملل يعنى اية الكلام دة ؟! .... بص يا سيدى دلوقتى فى بعض الأداريين ابتدو مشرفين و لحسن تعاملهم مع الاعضاء و تميزهم فى مواضيعهم بقو من الأداريين ! طب دى حاجة كويسة ؟! كدة خلاص بقى اعلى رتبة ممكن يقدر يجيبها طب هيعمل اية بعد كدة ؟! ولا حاجة يقعد يشرف و ساعات قليلة يعمل مواضيع فا طبعاّ يبداء يحس بالملل يروح رايح عامل موقع لنفسه يبيع فى بى اس او هوست حاجة بقى و من رائى هو حر طبعاّ و الحل من رائى علشان ميحسش بالملل هو عمل مواضيع جديدة .... مسابقات جديدة !! تانى حاجة و هى ضياع هيبة ((( الأداريين و المشرفين ))) و دى لسببين دلوقتى اى حد يقدر يبقى مشرف !! يعنى واحد ييجى يعمل موضوع حلو و يثبت خلاص بقى مشرف !! :mad1: لقب (مشرف) بقى حاجة عادية و دى حلها ميتعينش غير اللى يستحقها بجد ! تالت حاجة و هى ان البعض بيحسو انهم مش متقدرين كويس و دى حقيقة بشوفها كل يوم مثلا : واحد عمل مواضيع فى قسم بعيداّ مثلا ( مواضيع كتيرة جداّ ) و معظمها متميز و مياخدش اى جايزة على نشاطة مش لازم مسابقة علشان الواحد يتم مكافئته !! يعنى ياخد وسام مثلا ياخد رصيد بنكى يعنى اى حاجة من دى مش لازم مسابقة !! الفكــرة التــانية : ليه مبقـاش فى ابـداع زى زمان فى المنتــدى و ليه المنتدى مش زى زمان و هل تتوقع المنتـدى يرجع زى زمان فتــرة 2008 ~ 2012 ؟ انا عن نفسى بعانى من الكلام دة لما أجى اعمل مسابقة مش لاقى فكرة جديدة كله اتعمل :nosweat: وهل لوقــوع لعـبة سيلكـرود تأثير على المنتـدى ؟ أكيد و حل مشكلة زى دى من وجه نظرى ان المنتدى يعمل سيرفر خاص بيه يضرب ISRO بالشبشب ^^ |
اقتباس:
لو قصدك على السن ف فى كتير ومش هتكلم على اسماء بس هما معروفين و لو على الاشراف العام بعد 3 شهور مميز لسه موجود برضه وفى كذا اسم جديد برضو بس لو قصدك اتلغى اليومين دول يبقا تمام . |
المشرف سنة صغير , لو عقلة قد سنة مش هيقدر يكمل
مشرف 3 شهور مميز ملغى من 8 شهور التواجد بيكون 500 , 600 , 700 زائر للاسف البعض يكتفى ب المشاهدة لما يكون فية استفسار يسجل و كل عام و انت بخير بعد مـ سؤالة يتجاوب مفيش شكرا مفيش التزام باذن الله الى جاى افضل , بالتوفق للجميع |
الظاهر اني غبت عن الاشراف. زيادة عن اللزوم:sleeping:
|
اقتباس:
وفي ناسي بتعتزل علشان مش قد المسؤليه وفي ناس زهقت من الشغل.. وعموما الاداره شكلها بتتجه لأتجاه انتقائي للمشرفين وبكده المؤهل بس اللي هيوصل فلاعتزالات هتقل. اقتباس:
الابداع اختفى لغياب المبدعين وليس عيب في اللعبه او المنتدى.. احنا عاوزين ناس زي جيل زمان اللي كان بيشتغل علشان حب المنتدى والمتعه مش علشان يتلون.. زمان كان المنتدى قائم على الاعضاء فكان في ابداع من قاعدة الاعضاء العريضه.. دلوقتي للأسف المنتدى قائم على الاداره لعدم نشاط الاعضاء زي زمان . فالطبيعي ان كمية افراد الاداره القليله عمر ما هيكون عندها افكار زي كمية الاعضاء الكبيره.... فالحل ان العضو يرجع .. ودي تحصل لم اللعبه ترجع شعبيتها وهترجع ان شاء الله.... او الحل التاني حلول فزه من اداري عبقري ترجع الاعضاء. :bye1: الواحد رد بس علشان الموضوع مهم وعشان خاطر طوني .... |
اقتباس:
|
موضوع هايل وجه فى وقته واحييك عالفكرة
أسباب الأعتزالات كتيرة ولكن اهمها سببين أولهم مشاغل الحياة وثانيهم المشاكل اللى كانت بتحصل وتجبر الناس انها تعتزل بس أنا من رأيى ان مش بس الاعتزال مقصور على المشرفين والادمنز فى أعضاء كانو عاملين روح للمنتدى وللأسف اعتزلو دخوله وأثرو فيه جدا ولكن لكل زمان رجاله وانا شايف ان فى ناس محترمه كتير موجوده حاليا من خبرتى البسيطه لما بدخل كل فتره اسلم على اصحابى القدامى انا اكيد مبطل اللعبه من زمان ( إن شاء الله إبنى لما يكبر شويه هخليه يلعبها ) :roflmao: ولكن المنتدى فعلا ممكن يكون احسن لو خلى الناس تدخله مش عشان اللعبه ولو كان مرتبط باللعبه انا كنت بطلت ادخله من زمان الموضوع بس محتاج ان الناس تعتبره زى منا اعتبرته بيتــــى :wub2: |
حاليا الأدارة الموجودة على قد ما هى صغيرة عددا الأ انهـــا شغالة تمامـ و مسيطرة على المنتدى اللى حد كبير .. سواء متابعة و نشاط للمنتدى بطريقة معقولة !
الاعتزالات بشكل عامـ بتقل و تزيد حسب وقت الدراسة و الامتحانات و الأجازات و ده طبيعى .. طبيعى للتفكير المصرى بتاعنا ! التفكير اللى يقولكـ انا انا هعتزل من المنتدى علشان اعرف اذاكر كويس و اجتهد و علشان ابدأ صح ! اساسا الشخص اللى بيتعزل ده بيكتشف انه بيضيع ساعات و ساعات من يومه و هو مش بيعمل حاجة ! يعنى ممكن يقعد على النت و الكمبيوتر بالساعات انما المنتدى .. لأ علشان اعرف اذاكر ! هو ده التفكير اللى بيفكر بيه معظمـ الناس اللى بتعتزل مع دخول الدراسة ! السنة الوحيدة اللى ممكن اعزرها فى الكلامـ ده هما الثانوية العامة من بعد شهر يناير ! ديه احد اسباب الاعتزالات ! انا مثلا دخلت الادارة من 2011 و الحمد لله مليش مواضيع اعتزال و مليش غير موضعين اجازات فقط لا غير .. بالرغم انا عندى دراسة و حياة تانية خارج المنتدى .. فى اسباب تانية للأعتزالات و هى الروتين و الملل و انكـ تحس انكـ معندكش جديد تقدمه للمنتدى و ده مش هتكلمـ عليه علشان ديه وجه نظر كل واحد يعنى الادارى القديمـ لو حس بالملل لازمـ يعتزل علشان مش هيقدر يكمل و لو كمل هيبقى على دون المستوى .. علشان كدة موضوع الملل و الروتين ده المفروض يتكسر كل فطرة حسب رؤية الادارة العليا من مراقبين فيما فوق مع صاحب المنتدى و تنفيذه لكلامـ ادارته و ربنا يقدمـ اللى فى الخير |
الفكـرة الاولى : ايه اسبــاب الاعــتزالات من وجهة نظرك ؟
1- لما AhmedNet و HecT000R و Minto و ... ناس كتير لاسباب شخصيه المنتدي نام و مكنش في اهتمام بالاعضاء ولا طلبات الاعضاء و لا اهتمام بالمشرفين بالتالي الـ معتزلش اعتزل و مكنش في نشاط خالص :dead: بس دلوقتي بقي في اداره جمده و تمام و الاعضاء بترجع تاني :mfr_bl2: |
اقتباس:
احنا ركبين اتوبيس :D |
هيييييييييييح
وحشنى صندوق الكتابة الفرعونى ده ،، فولتــ لما اكتبــ رد عشانـ خاطر طونى :rotflmao: اسبابــ الاعتزالــ :- رغمـ انى قريت كلـ الردود فى الموضوع و مع كاملـ احترامى لأصحابـ الردود ،، الا انى شهدتــ سبب رئيسى و اساسى للأعتزالاتــ على مدار 5 سنينـ فى ادارة الموقع ،، الا و هوا ،، خالد :bash: #صاحبــ_السيما كما اطلق عليه فى فترة من الفتراتــ بالاضافة لكلـ الاسباب الى سبق ذكرها فى ردود سابقة مش هعيدها عشان مطولشـ فى الرد طبعاً اى مشرفــ او ادارى سابق عاصر اى فترة من فتراتــ وجودى فى الادارة ،، عارفــ و فاهمـ بالظبط اوجه اعتراضى على سياسة خالد ،، و طبعاً الخلافــ فى وجهاتـ النظر لكنـ خالد صاحبى و اخويا ما علينا :- الابداع و تنشيط الموقع ده متوقف على عنصر واحد ،، و هوا التنمية ،، انكـ تنمى جيلــ جديد من الاعضاء فى الموقع ،، ناس بتحب الموقع بجد ،، تتيح المجالــ للأعضاء انهم يكونوا صداقاتــ و عصاباتــ و توفر حياة اجتماعية على نطاق ضيق داخل صفحات و اقسام الموقع ،، مش مجرد حشو مواضيع و مشاركاتــ و تجميع ارقامــ و الوانـ اما سيلكـ رود :- اللعبة منتهيتــ الصلاحية منـ سنينـ مش منـ دلوقتى ،، و ده الى فشلتــ انى اقنع خالد بيه ،، و كانـ احد اهمـ اسباب اعتزالى منـ ادارة الموقع سيبكـ انتــ ،، المهمــ وحشتونى يا رجالة ،، و ياربــ تكونوا كلكو بخير طولتــ عليكمـ انا عارفــ :mf_nun: |
اقتباس:
الاول كنت مشغل قسم بعيدا قبل ما يعملوا قسم البرامج والحماية ده ولما لاقيت مواضيعى بتتنقل من بعيدا لقسم ماحدش بيبص عليه جالى احباط بطلت ادخل لاكتر من سنة وبعدين لما لاقيت حركة شوية فى القسم قولت ادخل تانى ده غير ان فى ناس الله يباركلها بتنقل الاستفسارات للترحيب زى ده http://www.silkroad4arab.com/vb/showthread.php?t=567972 وانا اقعد ادور فى المنتدى والله حاجة تجيب الضغط |
المنتــدي دلــوقتـى بيــتكلم عن سيــلك رود صح كدة ؟! طــب أحنــا لــيه بـاصيــن للمــوضوع مـن نــاحيه المنتـدى ؟! منــبص للــموضوع من ناحــية هــدف المنتــدى !! يـعنى المنتــدى أتــعمل فـى الأولــ و فى الأخــر علــشان لعبــة سيــلك رود .... دة حتــى اســم المنتــدى سيــلك رود فور أربــ !! طــب تمــام ايــة اللــى يخــلى أى واحــد بيــلعب سيــلك رود يفتح المنتــدى ؟! هى حاجــة من 3 حاجــات يـا أمــا أدارى يـا أما لاعــب و عــايـز يستفــيد مــن خبــرة الأعضــاء الحالييــن ســواء بقــى عــايز يســأل ســؤال أو اى حاجــة من دى يا أمــا واحــد بيحــب المنتــدى عمومــاّ لا عايز يبقى لون ولا غيره يعنى بالبلدى كــدة بيعمــل الخيــر و يرمــيه للبحــر و دولــ بقــو قليــلين قــوى بس مــوجوديــن و انــا بأقترح ان الطبقة دى تكــافء سواء بقــى يــاخدو رصيد بنــكى ياخدو أوسمــة المهــم يــاخدو حاجــة : مثال : فى عضو فى قسم معيــن بدون ذكــر أسماء يعــنى بينــزل كل يــوم حاجة جديدة متعملتش قبل كدة واللــه انــا شايــف انــه راجــل متمــيز كــل يــوم بينزل حاجة جديدة و شغاله 100% ... مشرف القسم نفسه مش عــامل الشغــل اللــى العضــو دة عاملــه و مقدمش طلــب اشرافــ بيعــمل المــواضيع علــشان يفيــد الناس و بــس .... و دى مش حالــه نادرة دة فى تقريــبا 4 اعضــاء كل يوم لازمــ الأقيهم عاملين حاجــة جديــدة .... حاجــة متمــيزة فــى قســم معيــن ... ياريــت النــاس دى تكافــء سواء لنشــاطهــم .... لتمــيزهم المهــم النــاس الـلى زى دى لازمــ تكــافـء
يعنــى مــن الأخر ياريــت تبــص علــى جميــع الأقســام ســواء قســم مهــم أو غيــر مهم و هتـلاقى فى كــل قســم واحد متمــيز :mf_trombone: |
الاعتزال من اسمه نعرف انه مصطلح يطلق علي حالة انتهاء من عمل شئ ما ، فهناك من يعتزل المشاركة في رياضة كرة القدم ( بما انك واضع بطاقتين في بداية موضوع :mf_popcorn:) وهناك ايضاً من يعتزل المشاركة في منتدي معين او ماشابه تتعدد الاسباب كـ تعدد النجوم في سديم حديث الولادة ، فلكل من المعتزلين سبب مختلف ، فهناك بسبب الدراسة اعتزل ، وهناك بسبب تكوين اسرة اعتزل , وهناك كدا مزاج اعتزل ( يعني نام وصحي تاني يوم قرفان وقال وربنا مانا داخل للمنتدي مرة اخري ) , لاكن في النهاية يضل عدم التواجد بشكل مستمر هو عنوان الرواية دي المقدمة الي ماتقولشي بيها اني زي العجوز رفعت اسماعيل وجاي يحكي مقدمة لقصة من قصصه البالية :tongue: قصة خمول المنتدي + اعتزال الاعضاء ترتبط ارتباط جذري بمايحدث في المنتديات عموماً فـ زمن المنتديات قد ولي :) بعد انتشار البديل لها .. فيس تويتر الخ ولما انتشرت مواقع التواصل الاجتماعي بكثرة , قل نشاط وهبطت اسهم المنتديات ككل ! وده شئ لاحظته واعتقد انه ملاحظ للجميع فقط الناس العتيقة التي عشقت وادمنت انواع المساحات الافتراضية المغلقة ( المنتديات اعني ) هيا من صمدت , ولاكنها قلة امام من هجر المنتديات نحو عالم اوسع كالفيس ( الي قريب هيبقي مهجور بسبب ظهور شئ بديل مستقبلاً يكون اوسع واسرع وامتع .. كالعادة يعني ) وبسبب النقلة النوعية التي حدتث بشكل كثيف للغاية اخر 5 او 4 سنوات ,, بطبيعة الحال يقل نشاط اي منتدي كان لعدم تواجد نشاط الاعضاء السابق واكتفاء من يدخل للمنتديات بـ اشياء لها من المصلحة فقط ( تحميل اغنية برنامج الخ ) وليس كالسابق عندما كان الدخول للمنتدي اشمل واوسع واعم ده سبب رئيسي الاسباب الثانوية تتلخص في ماذا يوجد من جديد ؟ لسان حال اغلبية رواد المنتديات يقول الاتي ::- اوكي انا عندي فكرة لموضوع اوبهة حاجة تحفة وهتكون بكتابة قلمي ولامش كدا .. ده كمان الصور هصممها بنفسي واشيك الموضوع بكم فواصل كدا تكون بتصميمي برضو .. يجي اخانا يعمل الموضوع ويضيع شئ 7 ساعات وهو بيعمله ويشربله 5 كبايات شاي ( او ببس كولا ) عشان يدوه التركيز اللازم لكتابة موضوعه وامتي مايخلص .. يجوله ردود بسميهم ردود قتل الحماس .. واعني عن ردود .. شكر . هايل . ثانكس . مية مية . وسلملي ع سعدية الردود دي بتخلي صاحبنا يرد عليهم بـ اتيكيت ( مطلوب ) ويقول نورتو او شكراً علي المرور ( وكانه واقف في اشارة مرور وبيمسي ويشكر من مر امامه ! ) وبعد كدا هيبقي صاحبنا حالف يمين ثلاتة انه مش هيعمل موضوع زي الي عمله ده وان جهده سيتقلص الي مجرد كوبي وباست لكم معلومة + شوية صور وفواصل وتزين وخلاص فن الرد بيحدد مصير المنتدي , ووقود دفعه للامام فـ المواضيع كمثل السيارة .. الي مش هتتحرك بدون وقود ( ردود فنانة ) لذلك اصحاب الكتابات الرائعة والمواضيع الصاخبة لن تقبل ان تتعب في مكان , محصلتها منه هيا فقط ( مشكور , يسلمو , مية مية وسلملي ع سعدية وغيرو ) وبتالي ستعتزل الدخول للمنتدي او تعتزل مجهودها وتكتفي بمايقص ويلصق .. وده اعتزال غير مباشر هيأثر علي المنتدي بشدة كأثاتيره من اعتزال العضو وعدم دخوله وبما ان السبب ده يعتبر ثانوي فيبقي ممكن تغييره ع عكس السبب الاساسي فوق بتاع الهجرة ع الفيس ( الا لو ابن حلال عملها وهكر الفيس ويكسب دعوات ملاك المنتديات من طيب الدعوات :lol3: ) . والتغير يبقي في نشر فن الردود ، كتحفيز من الادارة علي مسابقة افضل مناقش . افضل رد في الشهر او الاسبوع . اي حاجة تحفز وتحث علي الاجتهاد في الردود --------------- نجي لسبب اخر من الاسباب الثانوية .. وسأخص بها بيتي ده الي عشت فيه فترة سنتين من 2008 الي 2010 بشكل متواصل .. وبعدها من 2011 الي 2014 علي شكل غزوات متباعدة :pirate: في فترة ما حصل في المنتدي اشكال معين ( لااريد الخوض فيه :mf_kamikaze: ) بس الاشكال ده غير من وجه المنتدي وسيره لانه حدث فيه شرخ مش ساهل .. والشرخ ده ادي الي تمزق اسرة المنتدي لفترة كبيرة من الزمن قبل ان تعود طبعاً قلت مابحب الخوض في ماحدث قديماً وانفض الغبار واتذكر . بس ماحدث ادي الي اعتزال جماعي للاعضاء والاداريين في المنتدي والي كانو نقولو في خلاف مع صاحب الموقع لاسباب معينة مش مهم ذكرها لانه اكل عليها الدهر وشرب ده بلنسبة لاعتزال البعض من الرعيل الاول .. والي منهم من رد قبلي واعني صديقي ورفيق الدرب ( عمرو ماندو ) وغيرهم من اناس اعطو للمنتدي حقه من جهد وتعب وبناء من دافع حب للبيت ده فقط كـ ادم وديابلو واخرون والاختلاف مع صاحب المنتدي ادي الي اعتزال هاته الفئة وده الشق الاول الشق التاني من سرد هاته الجزئية من الاسباب الثانوية هو ان هناك فئة اخري اعتزلت من المنتدي لظروف معينة خارجة عن ارادته فمن كان بسبب دراسة او من جيش ( زي الحج اسمعيل او حج ايه انا التاني ! ده اكيد بقي دلوقتي سيادة العميد اسمعيل :innocent: ) او من عمل او الخ من ما لن استطيع حصره . ---------------- ونجي بقي لاخر سبب في رائي ( عشان وربنا انا شاكك اني طولت ) . وان كان بسيط بس بشوفه اهم سبب الروح وده بقي شئ عفوي يجي من حب الاعضاء للمنتدي ومكوناته ونظامه ومن فيه اقتباس:
تعرف وقتها اجدع موضوع كان ممكن يتحدف ع طول لو اتحط دلوقتي قدام الجيل الجديد من المواضيع المنسقة والمنمقة والديجيتال يعني :wavetowel2: بس وقتها كانت الردود بتفرق ,, ردود عفوية بتخلق جو وروح وابتسامة ع الثغر بتخليك مدمن انك تحط مواضيع وترد من قلبك بدون تصنع بدون تكلف بدون تزيف بدون مصلحة ترجي بدون نقاط تجلب وتكون عايز ترد لمجرد انك من قلبك عايز ترد وتشارك دي كانت اهم اساس تم بناء عليها المنتدي وقتها وبيها تكونت اسرة وبيها تكون جو يشجع كل من شاف المنتدي وهوا زائر يسجل وينسي انه كان جاي لمجرد الحصول ع بوت او برنامج اقتباس:
فلك ان تتتخيل تاثير وقوع سلكرود ع المنتدي الان ^_+ اللعبة ليست اكثر من مجرد اسم للمنتدي بلنسبة لاغلب رواده :mf_bond: |
اقتباس:
وانا اخلي ابني ( بعد مايكبر برضو ) يعمله لفل اب مجاناً :roflmao: الجيل الجديد ( عيالنا ) ياصحبي هيبصو لحاجات تانية ومودرن مش للدقة القديمة الي ابائهم لعبوها هههههههه |
كل الاعضـاء القـدامى ،، شكر ليها منى انها دخلت و ردت فى المـوضوع و انا وجهة نظرى ان دى اكتر ناس عارفة كل حاجة عن المنتدى ،، بشكـركم و يا رب نلاقـى حل و المنتدى يرجع زى زمان Amr Mando , ؤ_Unit0 ,™_ EthereaL_™ , HecT000R ,WOLF 757( بشكــركم على تواجدكم و ردكـم فى المــوضوع ) WOLF 757 : انت لو كاتب مقالة مكانتش هتبقى بالطول ده :roflmao: قريت ردك كله و الصـراحة كل كلمة فيه صحيحة و بشكــر كل واحد دخل و رد فى المـــوضوع شكرا للجميـــع و منتــظر باقى اراء النــاس ،،، و افكــارهم و حلــولهم |
اقتباس:
بس على رأيك صحيح ده بيتولدو دلوقتى عارفين ال IPAD وال IPHONE قبل ميعرفو كلمة ماما وبابا :roflmao: وحشتنى جدا يا صديقى ووحشنى كل أعضاء المنتدى وبالذات رواد العصر الذهبى للمنتدى وبشكر Handsome للمرة التانية على موضوعه الجميل اللى جمع كومنتات من ناس كتير متجمعوش من سنين الواحد لسه فاكر من 7 سنين اول لما دخل المنتدى ومكنش المنتدى لسه مسجل فيه 1000 عضو إن شاء الله الأيام اللى فاتت يرجع احسن منها ومن تقدم لتقدم |
اقتباس:
اقتباس:
يا استاذي الفاضل في حاجة اسمها الشعبية كل واحد من 2008 لـــ 2011 بالظبط هو ألي بني نفسة واجتهد في المنتدي وعمل لنفسة شعبية واسم في المنتدي دا وفي اي منتدي تاني خاص بسيلك رود هات مواضيع قديمة وشوف كمية التفاعل كانت بتبقي متعلقة بالشخص نفسة والناس دي مشيت ل3 اسباب 1- في لظروف شغلة وظروف حياتة 2- فهموا الليلة كلها وما فيها :D :D 3- ودي كانت بتبقي سبب رئيسي في اعتزال الناس ألي كانت شايلة بجد ((عدم التقدير )) هههههههههههيييييييييييييييح فكرتنا بالذي مضي وبالتاكيد لما كل الطقم دا يمشي اكيد المنتدي ينزل وكان النزول تدريجي مش في لحظة وكان باين وواضح بس للاسف محدش اهتم في وقتها الوقت الصح انة يلحق المنتدي مع ان كان بيحصل مواضيع كتيررررررررررررررررررررررررررررررررررر في قسم المشرفين وكان ساعتها بيظهر ان الشخص دا ضدد المنتدي ((((كان طلما ان الاعلانات زي الفل وفي معلنيين كل شوية بيجوا المنتدي )) يبقي المنتدي علي الخط الصح |
هوا أيوة أنا ماكنتش فترة طويلة في الإدارة لكن شوفت و سمعت عن حاجات كتييييير جدا..و شهدت حوارات ياما من و مع جميع الأطراف.
الكام السنة اللي فاتوا ظهر كام منتدى عربي منافسين،، و كانوا بيعملوا أي حاجة في قدرتهم عشان يجيبوا الناس من الموقع هنا لحد هناك. و الناس بتقترح حاجات للنهوض بالمنتدى و بتترفض من الإدارة لأسباب "هريانة" و ملهاش دعوة بالواقع...و تروح المواقع المنافسة تاخد الفكرة و تطبقها عندهم و يسحبوا أعضاء من هنا لهناك. بعد ما الموقع المنافس يقفل أو ما يجيبش همه..الناس اللي راحت هناك ايه اللي هيخليها ترجع؟ كان فيه إدارة بتسمع للأعضاء و تتناقش معاهم في المنتدى المنافس،، انما هنا؟ "ممنوع" ،"دعايا" ،"مرفوض" ،"هنفكر و نقولك" ،"حاضر (ابقى قابلني)". بعد كده جات إدارة أحمدنت و قولنا الوضع هيتحسن و لكن مفيش حاجة بقت أحسن من أي اتجاه..الفرق ان بقى فيه واحد بياخد اللوم عن مستر خالد و هوا أحمدنت..في حين ان اللي في ايده كان بيعمله و مش مقصر في أي حاجة. قعدنا نهاتي و نقول عاوزين و لازم يتعمل و بتاع.. كلمة (بعد يومين بالكتير) سمعتها أكتر من 50 مرة على الموبايل في مكالماتي مع أحمدنت و خالد و لم يحدث شئ حتى الآن..و لا أنا غلطان؟ موضوع ان المشرفين عندهم 12 سنة و بتاع.. عشان مش لاقيين أي حد ينفع،،مفيش أعضاء و بالتالي أي حد يقدر يعمل كام مشاركة و يقولك أنا عاوز أبقى مشرف و هيتعين..مش عشان جمال عيونه و انما عشان مش لاقيين. و الموضوع دا مش هيتغير و هيفضل زي ما هوا (طول ما حال المنتدى كده).. بس الفرق ان اللي كان عنده 13 هيبقى عنده 14 و اللي عنده 15 هيبقى عنده 16 بمرور السنة. ايه اللي خلاني أمشي؟ فقدت الإهتمام بالمنتدى.. الإدارة اللي مشيت و أنا منهم مفيش حاجة كانوا طالبينها غير ان صاحب المكان يهتم بالمكان.. بغض النظر عن انه كان فاكر اننا عاوزين الحاجات دي لنفسنا، بس فعلاً كانت هتخلي المنتدى حاجة تانية. ناس كتير قعدت تتكلم..قليلين بس هما اللي فضلوا يطالبوا بالحاجات دي و لما زهقوا مشيوا..و الباقي فضل قاعد و متمسك برتبته في المنتدى. بالنسبة للظروف "الشخصية" .. أنا أوافق metalhead في كلامه ، الواحد عنده وقت فراغ كبير. و لكن مش هقضيه أنفخ في قربة مقطوعة زي ما بيقولوا. أنا أنام في بيتنا أحسن ما أقعد أهري و أنكت و لا حياة لمن تنادي. -ايه اللي ممكن يتم أو (المفروض كان تم من زمـــان)؟ افتح قسم المشرفين..دور على المواضيع بتاعتي في الادارة العليا و هتلاقي موضوع عن التطوير (نفس الموضوع اللي كان عامله أحمدنت بس أنا نظمت كل المقترحات و حطيتها في موضوع)..الموضوع دا فيه حاجات كتير أوي مفيش حاجة منهم اتعملت..اعمل اللي في الموضوع و هتلاقي المنتدى يقي حاله أحسن و احتمال كبير ناس ترجع (مش بتكلم عن نفسي لأن خلاص دي كانت مرحلة في حياتي و عدت). معلش طولت في الكتابة، بس دي ان شاء الله هتكون آخر مرة أفتح فيها الموضوع دا ، عشان كل واحد يبقى عارف اللي فيها.. و مش كل واحد مشي يبقى عشان "أسباب شخصية". تصحبكم السلامة :) |
الموضوع كله بيتلخص ان المتعة بتاعة زمان مبقتش موجودة زمان كنا كأعضاء و مشرفين و حتى مديرين ، كان المنتدى مكان متعتنا ، هزار ، و غلاسة على بعض ، و مسابقات بينا و بين بعض ( من غير جوايز ) ، كان كل واحد بيطلع اقصى ما عنده علشان المجتمع دة ، كنا بنسهر بالايام علشان نعمل موضوع حصرى ، كنا بنسهر بالايام نترجم فى مقالات ، و نحطها هنا .. ليه ؟ علشان المنتدى و بالطبع اغلبية الاعضاء وقتها كانت مثقفة ، لدرجة ان فى اكثر من مقال ترجمناه هنا فى S4a ، و الترجمه بتاعته اتاخدت على ويكيبيدا و بقت النسخة العربية للمقال انما دلوقتى ، كل عضو او مشرف بقى يعتبر مكانه فى المنتدى وظيفة ، يدخل كل يوم ينقله موضوعين و احتمال كبير ميقرأهمش اصلاً ، و يرزع كام مشاركة و يمشى ، الاعضاء بقت علاقتها ببعضها ، رد " مشكور " و غالباً ما بيبقى عامله كوبى و بيست علشان يزود مشاركاته ، زمان كنت تضيع وقتك فى المنتدى علشان حاجة ممتعة فعلاً ، انما دلوقتى هتضيع وقتك على ايه فعلاً !! على بوست منقول ، ولا رد ملهوش اى لازمة ، دة غير طبعاً ان فى اسباب كثير كانت سبب فى اعتزال ناس كتير ، منها التقدير ، و التعريض ، و عدم الاهتمام ، الله اعلم دة لسة موجود ولا لأ |
كود PHP:
المهم في ناس بتعتذر علشان الدراسه والشغل والكلام ده ,, طيب منا عندي دراسه وطالع عيني بي بأدي وقتي في المنتدي في قرايت الكلام احسن ملعب Game's وقدي وقتي في حاجه فاضيه ولما تلاقي واحد عمل مواضيع مميزة وهي اساسن منقوله يبقي مشرف :arrow_1: ومش لازم يبقي مشترك في مسابقه ولا حاجه علشان ياخد جايزه :31: المفرود يبقي فييه جايزه تديها الاداره للناس المتميزين الي عايزين ينشطو المنتدي ويساعده الناس بدون مقابل ده يبقي تقدير كبير :wub2: |
اسباب الأعتزالات كتيرة و ده يرجع ان فى ناس مش بتبقى فاضية زى ما الأخوة الأفاضل قالوا. منها دراسة على شغل على عدم تنظيم للوقت الخ..
بالنسبة بقى لفاعلية المنتدى فمن رأى ان المنتدى وقع, مش بسبب القائمين عليه. بسبب ان المنتدى متمحور على لعبة ضاعت من زمان. و المنتدى مبقاش اكتف زى زمان لأن معظم الناس سابت سيلكرود علشان بقى منهم اللى اتهاك/اتنصب عليه / زهق منها و بالأضافة ان اللعبة نفس الروتين و جوى ماكس لا يهمها غير الفلوس و نظام الـ alchemy العجيب اللى بيخسر ناس كتيرة و كمان علشان الشركة مش مهتمية باللعبة زى الأول و الأفنتات دائما محبطة الخ.. كل ديه عوامل ساعدت على الوقوع. ده رأى الخاص, و بالمناسبة موضوع كويس :mf_bond: بالتوفيق يا شباب |
اقتباس:
الى خلت ناس كتيرة تعتزل فى المدة الاخيرة و خلت جميع افراد الادارة العليا القديمة للموقع تعتزل واحد ورا الثانى اقتباس:
لان كل حاجة بقت قديمة مفيش تطويرات خالص فى الموقع و كل يوم بمشكلة جديدة و غير طبعا "Silkroad4Arab" العبة خالص انقرضت فلازم الموقع ينقرض و لو لاحظته اكيد اتلاقه الموقع بقاله مدة طويلة عدد الاعضاء و الزوار بيقل فيه مش بيكتر |
ولله لو رجعنا انا و Animatoin و BonBony و CError
و Midget و Wally القدام التانيين هنفحت الموقع مواضيع من تانى |
بما ان في ناس قديمة و ليها رتبتها في المنتدي هنا دة شجعني أني أرد في الموضوع دة . أولا الموضوع جية في وقتة طبعا عشان الفترة الي فاتت حصل كمية أعتزالات رهيبة و انا كنت أولهم .. نبدا الموضوع .. أولا المنتدي مبقاش زي زمان .. يعني كمية الناس الي بتشارك قلت بنسبة 73% عن المعدل العادي .. دة بسبب ان في ناس مش فاهمة هي هتشارك بردها الكريم في موضوع هما مش فهمين منة حاجة حتي لو شافوا الموضوع صح .. أغلبية الردود و المنتشرة في المنتدي هنا بنسبة 99.99% وقت التفاعل " شكرا . أستمر .. بالتوفيق .." طب فين روح المناقشة ؟ منتدي زي League of legends .. طبعا أغلبة الناس هتقولي " انت لية بتتكلم علي منتدي الخاص باللعبة دي ؟؟ هقولك .. عشان اللعبة دة تعتبر أشهر لعبة من 2010 .. أو بدأت الشهرة بتعتها لما ظهرت في الوطن العربي من 2011 .. نسبة المشاهدة فيها و المتابعة أجتاحت كل المقايس هيا و Dota II .. أفكرها غير منتهية .. طب هتقولي أهية دخل دة في الموضوع .. لعبة زي دي مفيش نشاط فيها في المنتدي هنا .. مع العلم انا كنت المشرف العام عليها عشان دي فعلا لعبة من النوع الي لازم تفكر فيها عشان تبقي حاجة .. كمية المواضيع ليها في منتدي League of legends الحمد الله رصيدي فيها مش قليل .. فضلت أعمل مواضيع و مستني مشاركة و تفاعل من الناس بس للأسف نسبة التفاعل كانت 1% طبعا النسبة دة من حبايبنا الي في المنتدي أصحاب الردود ألي قلت عليهم من شوية .. الناس الي كانت بتسأل أسألة فيها .. مجرد سؤال و بعد كدة مش بشوف وشة تاني عندي .. يبقي أول سبب عدم التفاعل من الأعضاء الي قلت نسبة تواجدهم في المنتدي لسبب غامض .. ثاني حاجة .. سياسة المنتدي في التعين .. شروط غريبة بتعتمد علي السن و خلافة .. لو في واحد عندة 10 سنين و انت شايف أنة هيفيدك في المنتدي بمواضيعة النشطة و مفيدة يبقي دة أحق بالاشراف من واحد عندة 20 سنة و مواضيعة أو حتي ردودة ملهاش أي ملامح .. يعني ناخد مثلا CHeT0S " دياب " كان مشرف عام في قسم البرامج .. بسم الله ما شاء الله كمية مواضيع و حاجات مفيدة بيعملها بس مفيش تفاعل من الناس .. حتي مكنش فية مشرفين معاه .." نفس المشكلة معايا .. شغال لوحدي في قسم و لعبة مميزة بس مفيش مشرفين ولا تفاعل " بلغت ahmedNET و HecT00R بأن يشيلوا قسم League of legends من المنتدي أحسن عشان اللعبة مش واخدة حقها في المنتدي و دة طبعا بسبب ان المنتدي قائم علي أسم " Silkroad " و بيدعم اللعبة بطريقة فظيعة . بس أحمد قالي >> لا <<!! انا أحب أقول لخالد .. يا ريس أهتم بالأقسام الي ملهاش تفاعل في المنتدي شوية .. عشان يبقي في تفاعل في جميع الأقسام زي زمان .. موضوع الأعتازل بيبقي سببة الرئيسي " الملل " يعني مشرف عام مش عندة مشرفين .. طب متشوفوا سبب الموضوع دة أية ؟؟ مواضيع ترشيح مليانا المنتدي بس مفيش حد بيتقدم .. متشوفوا سبب عدم وجود طلبات تقديم اية ؟؟ أقسام السيرفرات الخاصة .. مفيهاش مشرف عام يوحد ربنا .. حتي في بعض الأقسام مفيهاش مشرفين .. و لو في مشرف دخل .. هيبقي سنة صغير و غرضة من الموضوع دة مش مساعدة المنتدي .. لا غرضة أنة يقول لصاحب السيرفر انا بخدمك دخلني معاك في التيم ...:shakehead: أغلبية المشرفين ناموا بسبب عدم نشاط الناس بالتفاعل الأيجابي مش السلبي " شكرا .. ألخ " المفروض يبقي في نشاطات تانية في المنتدي دة تساعد الناس .. مثلا .. فين الفوتوشوب الي كان موجود ؟؟ لية منعملش مسابقات في League of legends تنشط بيها المنتدي دة ؟؟ حصل مرة و دمتم .. لية مبيقاش في دعايا للحاجات الي في المنتدي زي CrossFire League of legends حتي لو ببلاش .. مش كل حاجة الفلوس :mf_kamikaze: دي الاسباب الي انا شايفها .. و الله أعلم في حاجة نستها ولا لا ؟! --------------------------------------------------- الموضوع التاني لية مبقاش في أبداع في المنتدي .. عشان مفيش حد بيشوف الأبداع دة .. أو حتي بيساعد في نمو الأبداع دة .. صعب الواحد يعمل موضوع لنفسة و مفيش مشاركة . و أظن خلاص كدة .. مش هينفع يرجع المنتدي زي زمان طلما مفيش أعضاء تشارك معاك في أبداعك .. الواحد مستعد والله يرجع بكمية مواضيع بس مفيش مشاركة أو تفاعل زي مقلت أقبل كدة .. صعب أني أعمل موضوع لنفسي أتفرج علية و هو فاضي مفيش فية رد واحد يوحد ربنا و يبل ريق المشرف أو المشرف العام الي عملة ... دة من رأي الشخصي و الي أتكلمت فية كتير .. |
1) انا بعــت لخالد لينك المــوضوع و انا متــأكد انه مش هيخش :whistling: ،،، بس قولت يمــكن :biggrinthumb: 2)الادارة الموجودة حـاليــا ،، بتحاول تعمل اقصــى مـا عندها عشان تنشط المنتدى و لو بنسبة 1% حملة جديدة للمنتدى ( كن ايجابى ) ! التكـريمات الشهـرية للقـسم العـــام و لسـا فى حاجات كتير جاية فى السكــة ،، لكن واحد زى محمد ميتال بيشتغـل بالامكانيات اللى معاه لكن باقى الحـاجات فى ايد خـالد مش محمد او غـيره :butterfly: 3) كل الناس اللى ردت فى المـوضوع دى انا بشكرها جـدا ،،، بس لو جزء من الناس دى رجع ،، اكيد المنتدى هيفرق ،، صح ؟ :biggrinthumb: منـــورين :v9v9net_015: |
معلش يا طوني .. بس انا متأكد ان خالد مش هيرد علي الموضوع دة عشان هو مش بيدخل المنتدي أصلا .. معتمد أعتماد كامل علي محمد زي مكان معتمد علي أحمد و قبليها عمرو مندو و غيرهم ..
و أعتقد الناس مش هترجع عشان قلة الأعضاء في المنتدي .. و يا ريت محديش يلوم الناس الي مشيت عشان الناس الي مشيت بسبب عدم التفاعل و قلة الأعضاء و قبل كل دة مفيش تفاعل من صاحب المنتدي في الكلام الي الناس الي مشيت قلتة .. لا حياة لمن تنادي . |
أة صحيح نسيت أقول علي حاجة .. هي مش كان فية Page علي الفيس بوك .. راحت فين !!
|
| الساعة الآن 05:25 AM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.