|
نفسك تسيب سلك رود ومش عارف تعالى هنا
بسم الله الرحمن الرحيم
فى البداية وقبل اى شئ عايز اقول حاجة صغيرة الموضوع دة للناس الى عايزة تسيب سلك رود وندمانة على الوقت الى ضيعتة ادام اللعبة ونفسها تبعد عنها ومش عارفة..يعنى لو حضرتك مستمتع جدا بلعب سلك رود ومش فارق معاك الوقت الى بتضيعة قدامها ياريت ماتكملش قرائة الموضوع لانة مش هايفيدك بحاجة او بمعنى اوضح مش موجة لحضرتك + انى مش عايز ردود سخيفة امثال ( ياعم انت هاتوجع دماغنا لية الى عايز يلعب هو حر :: ياعم انا لما بسيب اللعبة مش بلاقى حاجة اعملها ) او اى حاجة من الشغل دة مايلزمنيش سيب الصحفة واخرج لو مش ناوى تسيب اللعبة.. حاول القراءة بتأنى لو نفسك فعلا تسيب اللعبة ماتقراش قراءة جرايد عشان تفهم نيجى للمهم بسم الله انا عارف ان فى ناس كتير نفسها تسيب الجيم دى ومش عارفة وخصوصا بعد الجيم ماوقعت وشكلها مش راجعة تانى وجوى ماكس كل يوم توعد انها هاترجعها وكلو كلام + موجات الهاكر الكبيرة الى حصلت فى الفترة الاخيرة والى خسرت ناس كتير مجهود سنين.. ومع ذلك انا كنت زيك برضو بقول انا مش عارف اسيب الجيم دى وابعد عنها انا بضيع فيها وقتى هو انا لو سبتها هاعمل اية الخ الخ الخ. المهم انى انا كنت مدرك طول السنين الى بضيعها فى اللعبة ان اللعبة دى مالهاش اى 30 لازمة وفى مرة اعدت مع نفسى احاول احسبها هى سلك رود خدت مننا اية؟؟ طبعا الاجابة كلنا عارفينها ( وقتك ؛ فلوسك ؛ صحابك ؛ اهلك ؛ دروسك ؛ جامعتك او مدرستك ؛ نومك ؛ صلاتك ) وحاجات لا تعد ولا تحصى فى مقابل اية؟ الاجابة لا شئ. مش مصدق كلامى صح؟ وعايز دليل مش كدة؟ طب يا أستاذ انا هاديلك دليل واكبر دليل جرب خد واحد من زمايلك فى المدرسة الجامعة او واحد صحبك مش بيلعب سلك رود ولا يعرف عنها حاجة وروحو انتو الاتنين اشتغلو مع بعض فى مكان واحد اى شغلانة مش هو دة المهم وشوف هو فى الشغل هيبقا عامل ازاى والمدير هايحبو ويحترمو ازاى وانت هتبقا عامل ازاى بسبب سلك رود ماتستهرش بالكلام لان دى قصة واقعية حصلت معايا :mf_kamikaze: وهو دة الموقف الى خلانى ادرك انة قد حان وقت الرحيل. انا عارف ان 99% مننا شباب مثقف ومتعلم وفى مدارس وجامعات وهايقدر يستوعب الكلام الى انا بقولو وطبعا كلنا سمعنا او قرءنا عن عالم فيزيائى كبير اسمو البرت اينشتاين طبعا اسم غنى عن التعريف ولو مش عارفو او معلوماتك عنو ضعيفة اعرف ان دة بسبب سلك رود :cap: المهم الراجل دة قال جملة حكيمة اوى هى ( انت لا تعرف ما تستطيع فعلة ان لم تجرب ) تعالو مع بعض نتأمل الجملة كدة ونسئل نفسينا احنا لية بنحكم اننا مش هنلاقى حاجة نعملها لو سبنا الجيم هو انت جربت؟! طب تعالو نشوف انا حصلى اية لما بعدت عنها شهر واحد فقط !! 1- بصلى الصلاة فى مواعديها فى الجامع 2- مذاكرتى واهتمامى بمستقبلى اتغير 360 درجة 3- مافيش يوم فوت فية الجيم 4- بنام واصحى براحتى ومرتاح نفسيا جدا 5- بدأت اخطط لمستقبلى الغامض وابتديت اقوى نفسى فى مجالى عشان مايجيش صحبى يتفوق عليا تانى هو مش احسن منى فى حاجة :751: 6- استعد صحتى الى كانت بايظة نتيجة الاضرابات فى النوم وحاجات تانية كتير 7- وزنى قل :grin: اها وربنا لانى اهتميت بالجيم الى كنت بنفضلو عشان خاطر سلك رود :cryingsmiley: واهتميت بأكلى عكس الاول 8- قربت من ربنا جدااااا ومش عايز اقولكو طبعا دة عمل معايا اية الحمد لله 9- بدأت اقرء من على النت فى الحاجات الى بحبها واقوى ثقافتى ومعلوماتى وبدأت اقوى نفسى فى الانجلش 10- خرجت للدنيا اخيرا وبدأت اكون صداقات جديدة واعرف ناس حياتى بقت احسن وانا معاهم :cap: وحاجات تانية كتييير ممكن تعملوها لو سبتو سلك رود بس انتو جربو !! طبعا فى واحد هايميل على صحبو دلوقتى ويقولو ياعم دة واحد نوب معملش حاجة فى الجيم قالك اما سبها احسلى وجاى يعمل علينا واحد بيفهم احب اقولة لا يابو لسان طويل لا يابو لسان طويل :grin: انا واحد عملت فى الجيم دى كتير وياما لعبت على اكونتات جامدة وياما كان معايا جولد بالعبيط مش لاقى حاجة اعملها بية :laughing1: بس انا سئلت نفسى اسئلة كتير هو انا لما موت واحد فى ال pvp انا كدة قتلت يهودى ونصرت الاسلام مثلا ؟! هو انا لو قتلت يونيك وفرحتلى 10 دقايق كدة انا اخدت ميدالية اوليمبية مثلا؟! هو انا لما ابقا فى جيلد واخد ال FW كدة احنا اتقدمنا على أوربا مثلا ؟! :mf_unclesmile: ياجماعة ياريت بقا نبتدى نبص لمستقبلنا :popesmiley: ودة فيديو هايساعدكو انشاء الله فى انكو تسيبوها دى قصة واحد عاش 30 سنة يلعب العاب الكترونية من ايام الاتارى لحاد ps4 والالعاب الاون لاين واحب اضيف حاجة بسيطة انت ماتسبش سلك رود وبعد كدة تملى الجهاز PES بئا والعاب تانية تعد تلعبها يبئا انت كدة عملت اية؟! ولو انت معاك جولد كتير فى الجيم بيعو واستفاد بفلوسو بس يسلام لو الفلوس دى تقدر تعوضك الى راح... https://www.youtube.com/watch?v=DzuFKaEww3Y وتقدر تقرء اكتر من مخاطر الالعاب الالكترونية من على جوجل وغيرة والسلام عليكم ورحمة الله |
انت بتتكلم صح ! سيلكرود ضيعتلي 6 سنين من حياتي مش عارف اعوضهم !
عندي 20 سنه و لسه في 3 ثانوي صحاب يعتدوا علي الصوابع و بعد ده كله سبتها >.< بس بعد ايه |
و عليكم السلام و رحمة الله
الله ينور يا باشا كلامك 100 % انا مش بلعب pvp او ادخل FTW و مع ذلك بشحن بوت فاتح الكمبيوتر 48 ساعة |
اقتباس:
سيبك منو ارمى ورا ضهرك وابدء حياة جديدة..انا برضو سلك زفت والله ضيعت منى حاجات كتير نفسى اعوضها :cry: |
كلمك صح يا معلم بس هقولك حاجه انت مش عرف ظروف حد يبق بلاش تكلام عشان ظروفك غير ظروف الناس
و انا معاك في الكلام ده بس ظروف بتودي و بتجيب و انا الحمد لله فاهم الكلام ده كلو و انا شغال في شركه بيبسي الحمد لله و من اول لما اتعلمت اللعبي ده عرف انها زي اي لعبه و اقسم با الله انا اعت يجي 5 شهور مبلعبها بس ده بمزاجي و لو عيز ارجع العبها تاني اقدر بردو عادي بس يا معلم علي حسب الظروف و في ناس بتشحن و بضيع فلوسها دي ناس فضيا و مغفلين معي احترمي لي اي حد بس دي الحقيقه المغفلين علي اف من يشيل |
اقتباس:
|
اقتباس:
وشوف حياتك هاتتغير ازاى للاحسن بأذن الله :wink3: |
اقتباس:
انا اقدر اكدلك ان 90% من الناس الى بتلعب اللعبة دى ظروفهم متقاربة تكاد تكون متشابهة كلهم من اسر متوسطة وتعليمهم متوسط زيى وزيك كلهم فى مدارس وجامعات حكومية انا ماصدفنيش فى اللعبة دى طول ال 6 سنين واحد فى جامعة خاصة او واحد فقير ومش لاقى ياكل بيلعب سلك رود انا كلامى عن خبرة مش كلام فى الفاضى وانا حاسس انكو ماتفرجتوش على الفيديو .. الفيديو فى كلام اهم بكتير من كلامى اتفرجو علية وهاتحسو بالفرق والله ولى التوفيق |
يا باشا مش انت بس الي بتلعبها من 6 سنين ناس كتير بس بردو في ناس مش زي ما انت فاكر في ناس بتلعبها فين بس مش اكتر و في ناس بتلعبها ادمان
و انا عن نفسي زقت منها و جالي ملل بس انا سيلكرود ار كانت اخر حاجه عندي و دلوقتي الحمد لله مبلعبش سرو بقالي كتير اهو بس بمزاجي لو عيز العبها بمزاجي بردو مش حوار ادمان و كلام ده و ان شاء الله الناس تخد فكرا من كلامك ده و تستفاد منو :xmas: |
اقتباس:
حبيت اساعدهم بشوية كلم يحفزهم وكمان الفيديو مهم جدا .. يعنى طالما حضرتك اللعبة مش مسببالك ادمان وانت شايف ان الوقت الى بيضيع ادمها مش فارق معاك يبئا كمل وعلى بركة الله :party: |
يا معلم دى للعبه يعنى للتسليه تمام احسن ما الشباب اليومين دول يجروا على البانجو والحشيش لما يادمنو للعبه احسن من المخدرات ولما يفؤاه من مرحله المرهقه هيعملوا زى حضرتك وهيفكروا فى بكره وفى الاول والاخر دى حريه كل واحد يعمل اللى هو عايزه :mfr_lol: |
اقتباس:
:D تصدق كلمك صح بردو احسن من الادمان في الحاجات التنيه |
اقتباس:
بس بنسبالي اخري فيها سعتين بكتير اووي و ممكن 3 لو انا اعد في البيت و اخواتي مش موجودين عشان اعوض برحتي لو موجودين اخري سعتين غير الشغل و غيرو وغيرو :mf_boff: |
لم اقرا كل الكلام / انا رايى / الحل
تخفى الى على الاكونت و تمسح الجيم :matrix_2_h4h: تبيعة و دا الافضل :camberman: تديى الاكونت لصاحبك و يكون معفن مش هيرجعة :rocket: .......... |
طبعا اللى كاتب الكلام ده احب اقوله ربنا يكرمك ويزيدك من فضله وانا بقالى كتير مكتبتش حاجه على الموقع هنا بس انا حبيت أرد
انا بلعب الجيم دى من زمان جدا زى اغلبنا هنا وخسرت حاجات كتير بسببها طبعا منها الوقت بس بعد كده لما ظهر البوت بقى احسن وممكن الواحد يفضل بوت بس وبعد كده لاقيت نفسى بردك قاعد عليها مع ان البوت هوا اللى بيلعب بس قاعد عشان اعمل شات مع اصحاب وفى الاخر انتهى بيا الحال ان واحد من اللى كنت فاكرهم اصحابى خاننى وسرق الايميل اللى انا اديته بياناته وده كان بعد ساعتين من وقت ما اديته البيانات كل ده اثر فيا جامد جدا انا لما كنت بلعب اللعبه كان نفسى ايقى 24 ساعه فاتح والفل بسرعه واوصل لى 120 طب وبعد كده هعمل ايه مش عارف؟ لقيت ان لما الكهربا بتقطع مش بكون زعلان غير عشان اللعبه مش شغاله طبعا انا كنت قررت سيب اللعبه بعد اللى حصلى؟ بس قلت ارجعلها على سيرفر خاص وبعد كده شوفت سيلك رود ار ودخلت فيه وبلعب فيه دلوقت بس بوت؟ اللى شدنى فى سيلك رود ار انى مش هكون فاتح 24 ساعه فى اليوم وده لان الاكونت ليه 12 ساعه بس يكون فاتحهم وبعد 12 ساعه مش هتاخد اكبرينس ولا اسبى ولا هتعمل كويست ولا اى حاجه غير فرى تاكسى او تاكسى وده معناه انى مش هفضل على الجيم 24 ساعه غير كده مش هزعل لما النور يروح عشان اللعبه مش شغاله؟ بس فعلا انا مش هستفاد اى حاجه من لعبها ولا ليها لازمه بس هيا تقريبا زى ما واحد صاحبى قاللى زمان العب سيلك رود انشغل بيها ولا امشى فى طريق غلط زى شرب المخدرات والقعده على القهاوى الخ وده لان فيه ناس كتير خصوصا طلبة الجامعات بيبقى عندهم وقت فراغ كبير من قلة الشغل وعدم القدره على الزواج لعدم وفرة المال كل ده بيخليه يدور على اى حاجه يقتل بيها وقته بس المشكله ان احنا ممكن نستفيد بالوقت ده زى ما انته قلت باننا نروح جيم او نتعلم لغه او نحفظ قران وعلى العموم ربنا يهدين ويقوينا وخلى بالك سيلك رود مبقتش ادمان زى زمان ولكن هيا قاتله للوقت ولو الواحد لقى بديل ليها يقتل الوقت اكيد هيسيبها ويروح البديل والحكايه مش حكاية لعبه جميله الحكايه حكاية شباب عاطل شباب ضايع شباب عايش ومش عايش |
اقتباس:
كلمتين دول صح ولله عندك حق و انا قولتلو الظروف بردو مش حلوا :wounded1: |
اقتباس:
انت كلامك صح وزى الفل انت فعلا فهمتنى انا نفسى بدل مانضيع وقتنا فى سلك رود نضيعو فى حاجة تانية نستفاد بيها.. متقنعنيش ان دراستك اى كان المجال اية متقدرش تستفاد وتقوى نفسك فية من ع النت. متقنعنيش انك لو اتعلمت لغة جديدة بدل سلك رود دة مش احسن. متقنعنيش انك ممكن تلعب رياضة وتهتم بجسمك وبصحتك بدل سلك رود دة مش احسن. متقنعنيش ان الفلوس الى بتصرفها على سلك رود مش ممكن تاخد بيها كورسات كمبيوتر او لغة اجنبية تنفعك فى مستقبلك بدل سلك زفت دة مش احسن. متقنعنيش ان الوقت الى يضيعو على سلك رود لو ضيعتو مع اهلك او حتى مع صحابك دة مش احسن. متقنعنيش ومتقنعنيش ومتقنعيش بس واضح انى بدن فى مالطا |
بلعب سيلك رود . بشتغل . بخرج مع صحابي . عندي وقت اقعد مع اهلي . حياتي مستقرة الي حدٍ ما
مش شرط ان عشان انت اختصرت كل حياتك في لعبة .. إن كل الناس زيك |
اقتباس:
و ده فعلن الي بيحصل معي ناس كتير د مش شرط تختصر وقتك في اللعبه بس :wink1: |
محدش فكر هو انه اللعبه دى ما هى الا مجرد غزو ! لتدمير طاقتنا وحياتنا وغير كده نجحوا انهم يعملوا كده مع ناس كتير حتى معايا انا شخصيا (الفكرة المسيطرة هى انك ازاى تغزو الشعوب من خلال العقل مجرد انك تخليهم يقضوا علي حياتهم بايديهم وانت بعيد تماما ) حقيقى انا لما دورت على سلك رود دى لقيتها نابعه من فكر شيطانى وكلنا بنشوف حاجات فى الجيم لتصميمات واشكال تكون اقرب الى ما يعرف بالصهوينيه العالميه (الماسونيه ) وشفت رموز كتيرة منها فى الجيم ... وفى النهايه لو احنا مش فوقنا من الكابوس اللى عايشين فيه هنلاقى حياتنا ادمرت ومش هيكون فيه مستقبل لانه زهرة عمرنا وشبابنا ووقتنا وجهدنا بنضيعه فى مجرد جيم (ظاهريا) وغزو(باطنيا)
افيقوا يرحمكم الله |
ولله محدش عرف ظروف حد و في ناس بتلعب اللعه و مبزجها و عشان الملل الي عندها مش كل واحد يقولك ادمان
ولله انا كرهت اللعبه من كلمت ادمان دي طب منا سعات مبفتحش بي يومين ورا بعض و ممكن 3 ايام مفتحش و ده لاني انا مش فاضي في غيرير فاضي بيطر يفتح اللعبه يضيع الملل بدل ما ينزل الشارع يشرب حشيش ولا سجاير ولا غيرو و غيرو ولله ناس الي بتكلام دي فضيه و دخلين يضيعو وقت :mfr_closed2::mfr_closed2::mfr_closed2::mfr_closed 2: |
اقتباس:
|
_Zg
مش عارف لية انت مش قادر تفهم انى كتبت فى اول موضوعى ان الكلام للناس الى عايزة تسيب اللعبة :schnauz: |
خليكو اعدو العبو سلك رود انت حورين بس والله هاترجعو تندمو على كل دقيقة ضاعت ادام لعبة
|
يا باشا انا بلعب الجيم من سنه اولى اعدادى عمرها ما كانت ادمان بالنسبالى
كان فى فتره اعدادى معدل خروجى = لمعدل خروج الناس العاديه و بلاى ستشن كل يوم و بروح الدروس و بذاكر و من اشطر الطلبه فى الفصل كمان و معتقدش ان فى حاجه مفيده بمعنى مفيده ممكن طالب اعدادى يعملها تانيه و تالته ثانوى كنسلتها خالص مفتحتهاش حتى فى الاجازه ما بين تانيه و تالته و جبت مجموع عالى و حاليا فى كليه صيدله الحمد لله جيت افتحها بعد كدا اتلاقيت الاكونت فاضى و فيه برميم و السيرفرات تعبانه حاطتها على الجهاز بفتحها كل فتره كبيره نصف ساعه و اقفلها انا شايف ان سيلك رود بالنسبالى مضرتنيش فى اى حاجه |
اقتباس:
|
| الساعة الآن 01:49 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.