|
━╃ موضوع اباحى╄━
ايه .. اسم يخض ؟؟ ولا خلاص احنا معادتش تفرق معانا ؟؟ .. مصر سنه 1882 الثوره العرابيه .. عرابى على حصانه وسط الاف من المصريين وقدامه الخديوى توفيق - حاله مصر : ايام ثوره بقى وكل سنه وانتو طيبين .. كان موسم الغريب ان شعب مصر مخترعش اكله جديده يلزقها ف المناسبه دى وده ممكن يرجع للاسباب الاتيه : 1. الناس ساعتها كانت ملفوفه حوالين عرابى مكانش عندهم وقت يطلعو يطبخو ل اجوازهم وينزلو يكملو ثوره 2. يا اما كانو صايمين الظاهر 3. أو ان تفيده قررت تعمل بصاره لكن مرات عرابى قالت مش كفايه العيد الصغير فيه رنجه وفسيخ .. بحبحوها ع الشعب بقى هنعمل كشك " بكسر الكاف " وحمام والحلو الماظيه ف الظاهر ان الثوره دى قامت للمطالبه بحق الشعب ف الالماظيه والحمام .. نرجع لعرابى اللى واقف بقاله ساعه والحصان ابتدى يشتكى والكل واقف قدام الخديوى واخيرا الخديوى نطق .. الخديوى: " كل هذه الطلبات لا حق لكم فيها ..وانا ورثت ملك هذه البلاد عن ابائى واجدادى ..و ما انتم الا عبيد احساننا " عرابى: " لقد خلقنا الله احرارا ولم يخلقنا تراثا او عقارا .. فو الله الذى لا اله الا هو لا نورث ولا نستعبد بعد اليوم " كل الحوار بين عرابى وبين الخديوى ضاع ماعدا الجمله الخالده الشهيره دى لعرابى متفهمش ليه !! وبعد الجمله دى انطلق المذياع يشدو باغنيه وطنيه لعبده الحامولى لتلهب حماس الجموع الغفيره و بدأت اعين الحاضرين تدمع من فرط تأثرهم بالموقف .. ثم تصفيق .. واسدل الستار !! ---------------------------------------- مصر سنه 1970 - حاله مصر :ايام حرب بقى ومصر مش مستقره ظاهريا ومكانش موسم ولا حاجه فمكانش فيه حاجه تتاكل .. حاله من التجمهر ف احد مقاهى وسط البلد لسماع أخر اخبار مصر وتطورات الحرب ضد الهكسو .. اه .. ضد اسرائيل وبين الحين والاخر تلاقى اتنين سايبين الدنيا ومافيها وعمالين بيتخانقو الاول : انت يا حمار مش تفتح ***ت البنطلون الشارلستون بتاعى .. التانى : انت اللى متخلف وبترفع ايدك فبوظتلى تسريحه فرو الخروف اللى عاملها ف راسى .. وينطلق صوت المذيع ف الراديو يعلن ان مصر تسير بخطى ثابته وواضحه نحو دك خطوط العدو وربنا هينصرنا وان النصر لآت .. وا اسلاماه .. احم .. معلش مش مكانها هنا .. دى ف فيلم تانى وبعد كلام المذيع .. انطلق صوت الراديو يشدو بأغنيه وطنيه لأم كلثوم لتلهب حماس الجموع الغفيره .. وبدأت الدموع تسيل من العيون انهارا من فرط تأثرهم بكلمات الاغنيه وبصوت ام كلثوم .. ثم تصفيق حاد .. واسدل الستار !! ---------------------------------------- مصر سنه 2006 - حاله مصر : تجمهر غير طبيعى وزحمه ونيران ف الشوارع وناس شعر راسها واقف ف البلكوانت وف الشوارع وهيصه و شرطه وامن مركزى نبص كده ف كتاب تاريخ مصر بتاع امبارح .. يمكن نلاقى ثوره كده .. حرب كده .. واحنا مش واخدين بالنا .. ها .. لقيتو حاجه ؟؟ انا كمان ملقيتش .. و بعد تمحيص وتدقيق وتفعيص عرفت الناس عاملين ثوره من غير ثوره ليه .. اتارى منتخب مصر خد كاس امم افريقيا .. مش تقولو كده علشان منستغربش كله بيرقص ف الشوارع اطفال .. ولاد .. بنات .. كله بيحضن ف كله .. كله بيغنى .. كله بيطبل وبيزمر .. كله مهيس وعامل دماغ واخيرا نقرب الكاميرا على تجمهر فظيييع ف احد شوارع القاهره .. لنجد مجموعه من الشباب اللى مسقطين بناطيلهم وحاطين انبوبه جل مان لوك سيلفر على شعرهم ولابسين سبح حوالين رقبتهم " تقوى وورع طبعا " وبنات عاملين نفسهم لابسين " تمويه يعنى " ولابسين زى مش لابسين بالظبط ملفوفين حوالين واحد عمال ماسك طبله وبيطبل وبيغنى والجماهير الغفيره بترد عليه وبترقص وفجأه لقينا الشباب والبنات بطلو رقص مع بعضهم و نزلت شلالات من الدموع لدرجه ان المجارى طفحت يومها زووم ان بقى على الموقف يابنى منك ليه .. . . كان لازم نتوقع ملك الاغنيه الشبابيه وال king of our Generation و اللى مظبطنا ومدلعنا ومرقصنا ومشخلعنا تامر حسنى .. خدته الجلاله والوطنيه و حضره لحن وطنى الف عليه كلمات اغنيه .. وهو واقف الوحى نزل لحظيا عيانا بيانا و كانت المفاجأه و الصاعقه الكبرى انه غناها .. دموع الجماهير الغفيره مقدرتش تستنى اكتر من كده ف عيونهم وابتدت السيول من العيون والانوف تنهمر والبنات اغمن عليهم .. والشباب وبعض البنات اللى تمالكو اعصابهم راحو يحضنوه ويبوسوه ثم تصفيق حاد حااااااد .. وأسدل الستار !! ---------------------------------------- مصر سنه 2008 - حالة مصر : غياب تااام عن الوعى مفيش اى حاجه بتجمع الشعب .. ولا حتى مسلسل هابط نقرب شويه من مجموعه الشباب دول اللى وافقين ع الناصيه وساندين على عربيه مش ف الضلمه ولا حاجه لا .. ف النور ووسط الناس " بيحششو ".. عاادى !! و العربيه اللى ساندين عليها دى متفيمه فيها اتنين راكبين ولد وبنت وهاتك يا " .................. " عادى بردك !! وراهم بوستر كبيييير لنجم الجيل هو والمحروسه زينه .. لنطلق عليه بوستر " اباحى " وخلينا مؤدبين علشان معانا اطفال ف المنتدى وبنات وشباب محترمه .. عادى العادى !! ف الكوفى شوب اللى جنبهم لزق .. هو اقرب ل " الديسكو " منه ك كوفى شوب ماعلينا .. مشغلين ميوزيك عاليه جداا جداا و" الموزز " ( لفظه تطلق على البنات و الولاد ) وامل ومستقبل مصر كله على الاستيج (Stage) بيعيش اللحظه لحد هنا مفيش مشاكل .. مشغلين اغنيه تامر الروعه ( أكتر حاجه بحبها فيكى هو ده ...!!!!!) .. وللأمانه هى اغنيه " اباحيه " برده وبلاش نزود عن كده حتى دى مفيش منها مشكله خااالص .. ربنا ميجيب مشاكل يا اخى .. كله عندنا عادى !! شعارنا هو التبلد .. ولا فخر !! وفجأه الموسيقى الروك والجاز والحاجات اللى بتخلى الناس تفقد عقولها دى سكتت.. و تلاقى صمت عجيب خيم على المكان .. واللى كانو " مشهيصين " و" مهيسين " و "ملعلعين" ف المكان رقص وغنا و حشيش بقو كأن على رؤوسهم الطير من شده الصمت والسكون اللى بقو عليه متهيالى ممكن تسمع صوت انفاسهم بوضوح .. والابصار شاخصه ناحيه الستاره اللى على اليمين .. واخيرا تظهر سوبر ستار العرب ونجمه ستار اكاديمى بتاعه سيزون 40 و "صاحبها " شايلها على كتفه .. و " خطيبها " واقف بيسندها .. خايف عليها تقع يتقطم رقبتها ولا يطير جوز ال lenses اللى شاريهوملها ف عيد ميلادها الاخرانى و تبدأ مراسم اداء الاغنيه الوطنيه اللى قررت تفتتح بيها الليله .. علشان ربنا يبارك يعنى ويبتدى التأثر والوطنيه تبان على جموع الحاضرين الغفيره من " الموزز " و اعصار اقوى من اعصار تسونامى يبتدى يغرق المكان بدموع الحاضرين تصفيق وصفافير على كل لون بشكل هيستيرى .. واسدل الستار !! ---------------------------------------- خلونا لحد هنا نقفل كتاب تاريخ مصر اللى فتحناه ده علشان نقلب على نفسنا المواجع مكانش غرضى من كل اللى اتكتب ده الا انى اقولكو حاله مصر كموقف شعب .. وكلغه حوار .. وكان هاممنى ابين المؤثرات اللى بتدور ف كل فتره زمنيه وعلاقتها بلغه الحوار السائده ف المجتمع ف الفتره دى اكتر من اهتمامى بحال الشعب كشعب من ناحبه اهتماماته و ثقافته وفكره .. هو صحيح كل ده بينعكس على لغه الحوار بس انا غرضى كله كلامنا ولغه حورانا بينا وبين بعضنا كشعب دلوقتى بقت عامله ازاى ؟؟ بقينا ماشيين ف الشوارع .. محدش حاسس بيعمل ايه ف حياته وقتنا بيقوت واحنا بنجرى ورا حاجات احنا مش عارفينها نهرج ونضحك ونزعل ونكتئب و اغلب مشاعرنا مبنبقاش عارفينلها سبب .. بعقولنا اللى بترفض اللا منطق قررنا نبتكر اسباب وعلشان ملاقيناش اسباب نبتكرها .. او ملاقيناش وقت للتفكير .. ابتكرنا لغه جديده !! لغه بمفهومنا لغه شبابيه .. بمفهوم امهاتنا وابهاتنا لغتكو الغريبه بمفهوم اجدادنا لغه الفساد بمفهومى لغه " اباحيه " .. بدل ما تقول انا فرحان مثلا علشان صحيت لقيت مزاجى رايق النهارده .. لأن عمر اللى قدامك م هيقبل تفسيرك ده للسعاده اللى بتنط من وشك فبسرعه بسرعه بتفكر ف اجابه وفجأه .. عينك تلمع وتقول ف عقل بالك " ايون لقيتها " وتصحك ضحكه صفرا بابتسامه بجنب بقك و ترد تقول ( اصل انا " مهيس " النهارده ) ف اللى قدامك ناره تبرد ويحس انه لقى الجواب الشافى لاجابته وحس بأنك مكدبتش عليه او لاوعته ف الاجابه وانت حسيت كأنك خرجت من بير غوييييط مالوش قرار .. او انك الغريق اللى لقى القشايه و اتعلق بيها فضربو بيك المثل وكانت القشايه هى القاموس الروش بتاعنا .. القاموس كان روش بس لحد سنه او اتنين فاتو بعدين قلب .. بقى قاموس مخل بكل صفات الحياء و الاحترام و الادب اللى ف ديننا ومجتمعنا وتراثنا .. بقى فعلا قاموس " اباحى " بدون ذره واحده من المبالغه !! متهيألى كلمه عيب دى اتمسحت من القاموس ده نهائيا مبقاش فيه حدود حمرا للكلا م ولا فيه موانع ولا فيه ليميتس كله متاح .. كله مباح .. كله استباح .. استباح المسخره و التفاهه و عدم الحياء و " القذاره " بقى الوضع الطبيعى حاليا انك تقول على اى بنت .. ( موزه) كل الاوصاف التانيه اللى كانت ببتوصف بيها البنت اتمحت وحل مكانها الكلمه دى .. اللى ليها مليون معنى وليها اكتر من عشرين الف استخدام .. على أد ماهى كلمه بتحسسنى بالقرف من كل حاجه حواليا على أد ما الناس بقت واخداها لبانه ف بؤها .. و ابشع من اللبانه كمان ومفيش مايمنع من اننا نطلق على الولد الصاروخ .. لفظ ( موز ) .. واضح طبعا ان (موز) مذكر (موزه) اكيد مش انا اللى هعلمكو الكلام ده مفيش حد فينا مش عارف !! اتفرجو كده علشان تعرفو حالنا وصل لايه .. وكله سااااكت !! بقى ايزى جدا وطبيعى جدا لما نلاقى ولد مسقط البنطلون ومبين " ملابسه الداخليه " والملابس الداخليه دى ليها لفظه بصراحه محبش اكتبها ولا انطقها ولا اشوفها حتى مكتوبه والكلمه بتتقال عادى ف المجتمع كأنى بقول صباح الخير وبتتقال على المشاع كده وف العلن ولاد بينطقوها قدام بنات بنات ينطقوها قدام ولاد ولا حد بيحس بأى حاجه .. ايه اللى يمنع حاليا من اننا نلاقى فيلم كامل من اوله لأخره كله " تلميحات " بالفاظ قذره و زباله والاطفال قبل الشباب ابتدو يرددوها من امثال ( ايه 7 ايه ) .. و( خد ف ..... ) .. وهلما جرا من الكلام ده اللى مينفعش باى حال من الاحوال نشرح معانيها هنا ف المنتدى وعلشان بس منضحكش على نفسنا محدش مستنى اقول شرح للكلام ده من مبدأ ان احنا بنفتح مدارك الناس او بنشيل البراءه من على عيون الاعضاء المغمضين .. لأنى شفت الكلام ده مكتوب هنا وف المنتدى ايا كان المسمى او البند اللى اتذكرت علشانه الكلمه دى المهم ان كلنا فاهمين .. وكلنا مدركين بشاعه الكلام .. و كلنا ساكتيين والادهى والامر .. ان احنا كمان بنردد الكلام ده !! من كام سنه بس كان مستحيل تلاقى اى ممثله مهما كانت درجه فسقها ف اى مسلسل بملابس " عريانه " او لقطات " خارجه " .. دلوقتى مبقاش فيه اى حاجه بتفرق عندهم ولا فيه مراعاه ان المسلسلات دى بتدخل كل البيوت وبيشوفها كل افراد البيت .. على عكس السينما .. لان احنا اللى بندخلها بمزاجنا .. واحنا اللى نستاهل لو شوفنا حاجه معجبتناش لاننا داخلين ف الاول و ف الاخر بمزاجنا برده .. منبقاش نشتكى بقى لما نلاقى لقطات " خارجه " و " اباحيه " ف اى مسلسل وهتوصل لدرجه " الاباحيه " بجد المره دى .. وانت قاعد جنب اختك او امك وانتى قاعده جنب باباكى واخوكى وخالك وولاد خالك متهيالى ساعتها مش هنتحرك حتى نغير القناه لاننا هنبقى وصلنا لحاله من التبلد والفتور .. مش هتسمحلنا نحس مجرد احساس ان فيه حاجه بتحصل قدامنا فيها شبهه غلط تستوجب نغمى عنينا عنها .. طبعا والكليبات .. وما ادراك ما الكليبات واللى بيحصل فيها والحقيقه انا خبرتى ف الكليبات .. لا تتعدى خبرتى ف الطبيخ لانى هستحقر نفسى لو اتفرجت عليها .. فانا لسه بحترم نفسى الحقيقه .. ولحد دلوقتى مش راضيه ولا هرضى ان شاء الله احط نفسى قدام المهزله دى بس بلاقى الناس عادى بتتفرج وبسمع كلام عن اللى بيحصل فيها كلام لو اللى بيعمل او بتعمل الكليب ده لسه عندهم ذره احساس .. كانو راحو قتلو نفسهم او دفنو نفسهم بالحيا من كام سنه اول ما نانسى هانم بعجر قررت تعمل كليب " اغراء " كله استنكر والدنيا قامت ومقعدتش دلوقتى مين اللى اتكلم لما الاخ جاد شويرى انفرد بانه اول من وضع " مشاهد ساخنه " ف فيديو كليب حد سمع حد اتكلم ولا خد باله من الاساس ؟؟ مش قلتلكو كله عاااادى !! الشتايم كلها بكل انواعها .. بكل صفاتها .. بكل تصانيفها .. صعب جدا تلاقى اللى بيوطى صوته وهو بيقولها .. لو بيوطيه .. يبقى بيوطيه حفاظا بس على مكانته الاجتماعيه .. على اساس ان الشتيمه بتحط من قدر قائلها .. لكن مش علشان لا سمح الله هى شتيمه مخله .. ولا انها شتيمه من الشتايم اللى بتسب الدين .. ولا شتيمه بتجرح ف الاب والام لا حاشا لله .. مكانش ده غرضه خالص الراحل لما وطى صوته .. ولا جه ف بالو كل الكلام والتفاهات اللى بنتكلم فيها دى ظلمتوه ياعينى !! زمان كانت الشتايم بتتصفر او بتتقطع ف التلفزيون او السينما دلوقتى حد يقولى انه سمع كلمه واحده بتتقطع وانا مستعد امسح الموضوع انا اتقال قدامى من ولد انه شاب ( سيكسى ) .. وبقولها علنا يمكن تحسو ببشاعه اللى احنا بقينا فيه .. ومحسش بعدها انه قال حاجه غلط او عيب او او .. كانت كلمه عاديه برده ف قاموسه .. تسوى ايه لما الاقى اخويا الصغير بيقول الكلام ده على لسانه وبيردده ومش حاسس انه كلام مينفعش انه يتقال ولو جيت قلتله عيب .. او جيت نصحت عمره ما هيقتنع .. ولا هيسمع نصيحه ازاى اقنعه انها حاجه عيب و هو شايفها بتتكرر وبتتردد قدامه ف كل حته حتى ف التلفزيون ف الشارع ف المدرسه ف النادى ف كل مكااااان للدرجه دى مبقاش عندنا احساس باى حاجه للدرجه دى مشاعرنا وحيائنا وكل حاجه بتحس جوانا تبلدت للدرجه دى نجحو ف انهم يخلونا امعه ومجتمع شعبه بيمشى على الرايجه من كام يوم اتفتح حوار مع حد متخصص ينرفزنى http://www.eibda3.com/vb/images/smilies/helal/a20.gif المهم .. مش عارف ايه اللى جرنا ان احنا نتكلم عن الاجيال وجت سيره جيل اخويا واخوه الصغيرين فأنا بقول انه جيل هيبقى منيل بستين نيله لقيته بيعترض انى بشتم الجيل ده .. من مبدأ ان احنا كمان جيل ميقبلش ان اللى قبله يشتم او يعيب فيه مع ان احنا نستاهل الذم و الشتايم و الدبح و كل حاجه ف الدنيا وعلى الرغم من احنا فينا العبر .. جيل باباك وبابايا كمان كان ليهم عيوبهم بس مش معترفين بيها لان عيوب كل جيل عباره عن عيوب مخفيه ف الجيل اللى قبله بيجى الجيل اللى بعده وبيفرد العيوب دى ويبينها على قماشه بيضا وتبتدى تظهرله عيوب تانيه مخفيه الجيل اللى وراه ياخد العيوب المخفيه دى على انها شئ طبيعى ومسلم بيه .. وهكذا لغه الحوار المتدنيه دى وعدم الحياء اللى تفشى ف المجتمع بصوره رهيبه احنا لسه ف وقت فيه ناس بتستنكرها الجيل اللى بعدنا هيرددها عادى بقى وهيبقى ده اصل الحوار والطبيعى بتاعهم من غير ما حد يتنرفز ولا يستنكر ولا يشجب ولا ينادى بالحياء والاخلاق بتاع الاسلام لانه مش هيلاقى فيه غلط علشان يصلحه .. الكلام اللى بقوله وبيتقال وهيتقال هنا ف الموضوع يمكن يتاخد عليا بس بما انى بكتب باللغه اللى كلنا بنسمعها كل يوم ف حياتنا ومحدش بيفكر يعترض فاعتقد مفيش مايدعو لأنكو تعترضو دلوقتى .. او تاخدكو الجلاله لكده .. اولا .. الكلام اللى مكتوب مكتوب لمناقشه وضع .. انا عن نفسى مقدرتش اسكت او استحمله انتو راضيين بيه وقبلتوه كان بها مش قابلينه زيى .. يبقى لازم نتكلم علشان نحط ايدنا على النقط الغلط .. لان احنا واحنا مش حاسيين اتجرفنا ومشينا مع التيار و ابتدينا نمشى مع الموجه واحنا مش حاسيين .. ومش هنفضل دافنين راسنا ف الرمل زى النعام كتير كفايه اوضاع تانيه سكتنا عليها ورضينا وراهننا على الاخلاق والقيم والمبادئ و الدين قبل كل ده و رهاننا طلع خسران .. مش لضعف الاركان اللى بنراهن عليها .. لكن لضعف من اللى قايمين على الاركان دى واللى قايمين عليها .. هو احنا كافراد وكمجتمع وكشعب ثانيا .. المناقشه دى مكنتش فكرت اناقشها مع اى حد ولا اقبل اناقشها مع حد فيس تو فيس بس اللى شجعنى على كده ان المناقشه عباره عن مناقشه كتابيه .. هتدينى مساحه اكبر ف انى محسش بقذاره الكلام عكس لو اتقالت قدامى مباشره لان بصراحه انا تربيتى و حيائى مش هيدونى المساحه دى ف المناقشه مع اى حد على الطبيعه ولو انا حسيت ان الموضوع خد ابعاد اكبر من اللى انا مقرراه ليها الموضوع هيتقفل .. و معنديش مانع لو اتمسح نهائيا ياريت لو حد هيتناقش .. يتناقش بموضوعيه وبهدف انه يصلح مش يهدم و ان الموضوع يبقى قاموس مصغر للشتايم والالفاظ (الاباحيه) انتهى |
موضوع بجد اكثر من رائع .ويشرفنى اكون اول من يرد على موضوك
|
مشكور على الموضوضوع
وفعلا حيتنا كله إتغيرت ومعادش فى حاجه إسمها عيب |
وربنا كلامك كلو كويس وهو دا فعلا اللى حاصل ومحدش برضو حاسس
كلو ليس فى تهيس وكلام فاضى بعيد عنك الواحد مش عارف يقول ايه بس فعلا اللى بيص ورا هيشوف حياة هتقول دول كانو عايشين كدا ازاى وبيتكلمو ازاى كدا هنبقى احنا اللى مستغربين منهم مش العكس ربنا يهدى الجميع اه كنت هنسى انا كان لية تحفظ بس على اسم الموضوع يعنى مش لذيذة الموضوع يبقى اسمه كدا ولا انت ايه رايك مهما كان برضو لازم نحافظ على شعور الاعضاء تقبل مرورى واحترامى |
عندك حاء فى كل كلمة كتبتها احنا خلاص فى زمن الضياع يعنى لو مشيت كدا فى الشارع و سئلت اى حاد انتا حافظ صورة الاخلاص (الى هيا اصغر صورة فى القران الكريم) هايئولك انتا بتتكلم على ايه اساسن و لو مثلا اذان المغرب اذن و فى اغنية لتامر حسنى (مع انى مش بحب اسمع سرتوا) هايئولك استنا لم الاغنية تخلس و ابئا ابلنى لو صلى و فعلا يا رتنا فضلنا زى زمان و اسف على الاطالة بس كونت عايز اوضح وجهة نظرى و شكرا جدا يا DiaBlo على هذا الموضوع الاكثر من رائع
|
عندك حق فى كل كلمة قولتها يا كبير بس ايه الحل متهيألى مفيش
|
مــوضــوع رائـــع و زى الفل يــثــبـت قــريــبـــاً |
انت شغال الله ينور
موضوع جمييييييييييل جدا ولله |
كل دى كتابه حرام عليك انا اتعمت لاكن والله والله والله الموضوع يستاهل انى اقراه كلوا
قد ايه حسيت اننا جيل افشل من الفشل والله على فكره انا لما باجى اعاتب اى حد على حاجه عملها غلط يحرف الكلام لكلام اباحى علشان هو طبعا غلطان ومش هيعرف يرد عليا علشان انا بتكلم فى الصح وكلامك كلوا مظبوط والله ولا فى الدرسه اهم حاجه عندهم ان هم يضحكوا الفصل على المدرس ويتريقوا عليه وفى الشارع اهم حاجه انهم يعاكسوا بنات ويظبطوا البنت علشان طبعا اللللى بيكون مظبط بنات كتير بيكون هو الكبير بيتاع الشله للاسف لاكن الاول كل الناس فى الشله كانوا زى بعض محدش كبير على حد والناس كانت بتحترم بعض لاكن هتعمل ايه من السهل أن يحترمك الناس .. ولكن من الصعب أن تحترم نفسك |
اقتباس:
اقتباس:
اقتباس:
اقتباس:
اقتباس:
اقتباس:
اتكلم علي قدك ياض انت عارف تمسح مشاركة فرانكو لما تعرف تثبت موضوع :p :p :p شكرا يا حبيب قلبي ^^ اقتباس:
اقتباس:
|
thx man good luck
|
الموضوع جامد مووووووووت
بس انت شكلك كونت ادبىفى ثنوى عام:) |
انا بصراحة مش عارف اعلق على انهى جزئية بالظبط بس فعلا معاك حق فى كلمة قولتها
|
ده هوا الموضوع الي عامل بيه دعاية :D:D ولا وواخد بالك العنوان بوادي والموضوع بوادي :D ده انا افتكرته اسم علي مسمي ياجدع وانت فاهمني يعني :rolleyes: ================== بس علي ماموضوعك واقعي فيه زيادة شوية . يعني انته جبت مصر سنة 1970 وقلت ان الناس مهتمة بي الحرب ومحتشمة غير بعض الشواذ الي شبهتهم بلـ الشابين وجيت بعد كده علي عام 2006 وركزت علي البنطلون الساقط و سبح وتامر حسني وكمان طولت بلتريقة علي كاس افريقيا --- كويس --- يعني عام 70 كان احسن بكثير من عام 2006 ( المايع ) يمكن صح ويمكن لا ,, بس الباين انك تلخبطت فابدل ماتكتب 1870 كتبت 1970 عشان مش شايف فرق بين 70 او 2006 او 2008 حتي :) يعني اذا كان الشعب فرحان بكأس افريقيا الي اقامت في مصر سنة 2006 ابرضه كان فرحان بنفس الكاس قبل 32 سنة اي سنة 1974 :) ويعني ادا كان الناس والشباب مفتونين بعبيط جيلنا ( مع احترامي الكبير لمحبيه ) تامر حسني http://www.acaciabahrain.com/aboelez...sni%5B1%5D.jpg http://upload.wikimedia.org/wikipedi...0px-Ahafez.jpg فاكمان الناس وشباب السبعينات كانو دايبين في عبد الحليم حافظ وفي منهم موت نفسه لما مات سنة 1977 ؟! وكمان ادا كان شباب اليومين دول مسقطين بناطيلهم وبنات لابسين كانهم مش لابسين فاكمان شباب السبعينات لابسين بناطيلهم بلمشقلب ( ضيق من فوق وواسع من تحت ) والبنات كانو مش لابسين هدوم .. يعني ايه الفرق ؟؟؟ بقولك ياحمادة حال مصر ولا عشان اجمعها حال العرب بصفة عامة قاعد زي ماهو من 100 سنة ومتغييرش ابداً اي نعم بتتغير الاسماء والاشكال حسب متطلبات العصر بس المعني هوا واحد ومتغييرش للاسف .. عشان كده بيقولو علينا العرب متأخرين 100 سنة عن الغرب :D عشان صح احنا متأخرين ومتوقفين من 100 سنة وكل الي بنعمله هوا تقليد الغرب يعني الغرب عندهم كل مرة فنان لكل جيل وبيعملوه قدوة احنا كمان بنعمل زيهم فنان وقدوة لكل جيل :) ويعني الغرب عندهم الاباحة مستباحة في الثمتيل او في التفرج احنا كمان بقت عندنا الاباحة شبه مستباحة في الثمتيل ومطلوبة وبشدة في التفريج :) وياريت لو بنقلدهم في حاجة كويسة ونفكر لبعد 100 سنة لا احنا بتوع الحاضر والعولمة بس ,, ليه ؟؟ عشان احنا معندناش مستقبل ولسة واقفين علي سنة 1930 ( كعرب ) ومشينا لسنة 2008 ( كاشعب مقلد ويستباح كل شئ ولو كانت الاباحة :D ) =============== ومعلشي لو انتقدك في الموضوع شوية يادانتي بس انا مش من النوع الي لو عجبه الموضوع جداً يسيب اربع احرف في ويمشي ;):D وجزاك الله خيراً يااحمد .. اقتباس:
يامندور انا مش عارف كل موضوع بشوفه والي بلاقي رد منك بوعد التثبيت قريباً طب افرض انت كمان مرجعتش مشرف حتعمل ايه مع الناس الي مظيتلها علي كمبيالات التثبيت ؟؟؟ :D:D |
و الله موضوع روعة بس المهم اننا دلوقتى ندور على حل صح و
نبتدى بانفسنا هنا فى المنتدى |
اقتباس:
اقتباس:
اقتباس:
اقتباس:
- موضوع كأس الامم الافريقية انا معاك اننا كنا فرحانين ( قال يعني انا كنت موجود ايامها اصلا :D ) احنا كنا لسه طالعين من حرب يعني انا لو مكان اللي فرحوا كنت مت من الفرحه علشان طالعين من حرب و كسبانين بطوله بس برضه عمر الفرحة ما كانت زي الفرحة بتاعة الايام دي زمان كانوا يتجمعوا علي القهاوي و يغنوا اغاني وطنية و يقولو تحيا مصر دلوقت اي ماتش تلاقي الشباب ينزلوا علي البحر بالعربيات و يقعدوا يعملوا بيها اكروبات في الشارع و كل واحد يعلي الكاسيت علي الاخر و يمسك بيروسول ( مبيد حشري :D:D) و يرشه في الهوا مع النار بتاعة ولاعته بزمتك دي فرحة ؟ ده جناااااااان - موضوع تامر و عبد الحليم شتاااااااااااااان يا اسامه يجي ايه تامر جمب عبد الحليم كأنك بتشبه شعبان عبد الرحيم بعمرو دياب ههههههه يا عم صلي علي النبي و اينعم الناس كانت ايامها بتموت فيه بس ده كان بيغني غناء راقي و كان بيخلي الشعب كلوا متحمس ايام اغاني الحرب ^^ انما تيمو كان بيغني و يقول اكنر حاجة فيكي هو ده يا بنت الايه هههههههههههه بيقول ايه العبيط ده بس لا صوت و لا شكل و اللي بيحبوه زيه يا اسامة مع احترامي لأي حد بس معلش يعني الطيور علي اشكالها تقع - شباب السبعينات كانوب بيلبسوا اه بنطلونات شارلستون بس شباب 2008 مفيش بنطلون اصلا هو البوكسر و بنطلون ساقط و لازم يبين نص البوكسر و الا مش حيبقي تبع الموضة و البنات زمان اوك كانوا بيلبسوا جيبات قصيره بس دي كانت موضة و بطلت انما دلوقت الجيبه فوق الركبه و طالع :rolleyes: - طبعا كلامك اللي في الاخر عندك حق احنا محلك سر و الغرب الي الامام انطلاق .... ربنا يستر اقتباس:
لما الاستايل بتاع المنتدي يتغير ^^ |
مشكوووووووووووووووووووووور
|
اقتباس:
العفو ^^ |
يا حماده يا جامـــــــــــــــــــــــــــــــــــــد!!!:D ايه يا واد الكلام الكبير ده:p
اشطه عليك :D |
بجد انا مش عارف اقول ايه
والله مش عارف بجد الكلام كلو رائع وفى الجون بس فى نقطة واهم نقطة احنا ذكرنا السلبيات كتييييييير اوى طيب والحل كل واحد يطلع يشتم فى البلد وفى حسنى والحكومة والحال والمحتال طب وبعدين يا جماعة الغرض من المواضيع دى ايجاد حل مش تعيط حبتين فى الموضوع وتخرج علطلووووووووول على موضوع الدردشة هاى شلة معاكو لبان يلا نطرقع ================= مينفعش الكلام اللى فات ده اتكلمنا كتير وعيطنا كتير واتألمنا كتير وهتفنا كتير وتظاهرنا كتير طب والاخر لازم وقفه طبعا اشكر اخويا الكبير احمد على الموضوع الرائع لكن بصراحة انا مش بحب الرغى الكتير ولا الكلام الكبير يا اما فعل واما فلا =========== كلامك طبعا صح يا احمد بس بردو لازم حل ومعلش انا بعتبر موضوعك سبام لأننا زى ما قلت اتكلمنا كتير وبالنسبالك يا اسامه كلامك طبعا صح ولا تعليق عليه وحمدا لله عالسلامه واسف عالتطويل وشكرا جدا يا احمد عالمقارنه الجميله والموضوع الرائع والكلام الاروع واسف |
اقتباس:
اقتباس:
^^ يا عبد الرحمن انا عامل الموضوع علشان نتناقش سوا و نصلح من نفسينا و نلاقي حل علشان نصلح بيه المجتمع اللي حوالينا ده مش مجرد كلام ^^ |
اخيرا حد فهمنى
|
و الله كلامك جميل بس انا إتعلمت إن الواحد ميقدر يغير كل حاجه إنما يقدر ميخليش الدنيا تغيره ...
كمان لكل مقام مقال ,, مش صح برضه ولا أيه ؟ |
مــوضــوع رائـــع
|
موضوع رائع و مش مصدق انى خلصته بس هوا شدنى و خلانى اكمل للأخر
و معاك حق فى كل كلمة قلتهاhttp://content.sweetim.com/sim/cpie/...s/000202F0.gif |
بنسبة لردك علي ردي فا ثبتني ياحمادة :d ومعنديش اي تعقيب علي كلامك ويثبت الموضوع ( ويمكن اخر موضوع اثبته في المنتدي ^^ ) بس هتبقي حلوة لو ختمتها بتثبيت موضوعك الرووعة ده .. وتسلملي ياعبدو بس لسة مروحتش :d:d |
اقتباس:
اقتباس:
اقتباس:
اقتباس:
|
اقتباس:
عموما انت عملت الموضوع ده .. تقدر تقولى الموضوع ده هيغير كام واحد ؟؟ طبعا انت كلامك صح و جميل بس و الله الأحرى غن كل واحد يغير من نفسه .. و عموما أنا غلطان لةو ردى دايقك .. و متقلقش أنا لا بهرب مخدرات ولا من مصلحتى إن القرف اللى إحنا عايشين فيه ده يستمر .. و الله لو عايز تغير أيدى على كتفك و أنا معاك بس نبدأ منين ؟؟ يعنى لو انت جد بقى فى كلامك تعالى نتصرف صح .. و أظن إن اللى عملوا جمعية زى رسالة دول مجموعة شباب .. انا وراك للأخر .. قولى نبتدى منين و أنا ممعاك .. لو كنت أفرق أصلا |
اقتباس:
و انت فهمتني غلط خالص :o انا مش قصدي حاجة احنا كلنا نفرق احنا مسلمين زي بعض و كلنا جسم واحد لو انت متفرقش زي ما بتقول كلنا ننهار لأننا كتله واحدة ...... و السلام ختام |
علي فكره انا هابلغ عنك ^^
بس بجد موضوع جامد وتقبل مروري |
انا بروح أساعد الناس هناك فى رسالة دى .. بس لو فى طريق تانى انا جاهز جدا لو تحب تكلمنى فى التفاصيل برسايل أو غيره انا معنديش أى مانع ..
كمان انا عيد جدا إنى فهمتك غلط .. والموضوع اللى انت فتحته مش هيتقفل بسهوله .. لأ مش هيتقفل أصلا .. هو فى جميع الأحوال محتاجه حركة إيجابيه .. بس تبقى حركة جريئه .. فكر معايا .. فكر معايا .. هستنى منك معلومات أكتر .. |
اقتباس:
^^ محدش واخد منها حاجة اقتباس:
|
^^ مبدع من يومك ^^ وكمان ايه دخل تامر حسنى فى النص ^^ ياعينى هو بيقول يا اه وبس دا كل ليحلتو ^^
|
ديابلو
أخي الكريم موضوعك بيقلب المواجع قوي ولكن هيه دي الحقيقه تحياتي لك يا جميل وبعد إذنك أقول لأسامه حمدالله علي السلامه يا أخي الجميل تحياتي لك وللجميع أحمد شفيق |
طبعا زي ماهو واضح انك قطعت سمكة المصريين حتة حتة و جبت كل العيوب اللي فينا و كل مشاكل الجيل المهبب اللي احنا فيه , تقترح ايه بقى علشان نصلحها , و لو اقترحت الحلول هل تعتقد اني في حد حيعمل بيها , و هل فعلا الجمله دي هي الشماعه بتاعتنا ( هو انت حتغير الكون لوحدك ) , لا حول ولا قوة الا بالله .
|
طول ما في العري والاباحه والكلام التاني ده عمرنا ما هنتقدم ولا ساعه وحده مش هقول سنه عشان صعبه علينا وكمان احنا مش هنقدر نغير 70مليوون شخص والله انا مش عارف اقول ايه وعلي فكره الكلام اللي قاله الاخ biablo في حاجات بتتعمل محدش تيجي في باله انو يعملها والله العظيم الواحد بيتغير كل يوم الله واعلم بقي من احسن لاوحش ولا العكس ووالله الموضوع يستحق التثبيت
|
اقتباس:
اقتباس:
اقتباس:
اقتباس:
|
موضوع جامددددد
مشكور يا جميل:) |
الف شكر موضوع اكثر من رائع
بس على فكرا احنا الى عملنا كدا فى نفسينا :d |
فى الاول و فى االاخر امريكا هى اللى عملت كده فينا
بكل المعانى فكروا فى الموضوع هتلاقى امريكا او الغرب بمعنى اصح هو ليه يد فى كل مصيبه بتحصل يعنى مثلا لما يكتروا القنوات الفضائيه 5 6 قنوات 24 ساعه اغانى و10 قنوات افلام و2 مسرحيات و 7 مسلاسلات جميع الانواع معرفش 2 اكشن و2 كوميديا بــخلونا منفكرش فى اى حاجه مفيدا ونفضل قدام التلفزيون والاغانى كل يوم مطرب جديد |
| الساعة الآن 07:14 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.