°¨¨™¤¦( مـسـلسـل : مراهقـــين و مـن ربنــا قريبيــن ) ¦¤™¨¨°تمت¨¨
 

: : فترة المراهقة : :

فتــرة صعبة , فتـرة حساسة , بالتأكيـد كلنا مررنا بها

, فإذا كنت " قائد نفسك " , " قائد شهواتك " , " قائد أهوائك "

فأبشــــــــر :))

فانت بذلك قد ( نجـوت ) من هول تلك المرحلة الصعبــة .

اما لو اتبعت شهواتك و انجرفت وراء أهوائك و تركت إلتزامك ..

فلا شـك انك بذلك تكتب لنفسك " حزناً و ضيقاً "

ربما سيظل مُلازماً لكَ طوال عمُرِكَ

بيدكِ أنت القرار ,, بيدِك انت مصيركَ ..

فأىٌ الإحتمالين ستختار ؟؟!!

هذا يرجِع لكَ

هخدكم فى جولــة لتلك العائلة البسيطة الساكنة فى أحد المساكن الشعبية

الشهيرة بالقاهرة .. أسرة بسيطة تمتلك العادات و التقاليد .. و لكن هل

تمتلك الوعى الكآفى لتربية أولادها الذين باتوا فى سن حرج ؟ سن يحتاج إلى

الرعاية و الإهتمام و التوجيه ؟؟

هذا ما سنراه فى مسلسلنا ...


تاابعونى ...

لو لاقيت تعليق واحد هنزل اول مشهد .. انا مجهز كام مشهد كدا عندى

نبدأ مع ابطال القصة :)

على : طالب فى اولى ثانوى ,, عماد : صاحب " على " الأنتييم ..

محمود : العُقدى المكلكع _ كما يطلقون عليه فى الشلة _

فوزية : اخت على إلهام : صاحبة فوزية الأنتيييم ..

الحاج عبد الرحيم : والد " على " ...

http://i187.photobucket.com/albums/x...A_111/d3-1.gif

و نبــدأ

المشهد الاول

على : مامااااا .. يا ماماآآآآآآآ .. انتى يا ست الحاااجة !!!

الام : !!! فى ايه يابنى سرعتينى ..و بتعلى صوتك عليا كده ليه يا واد انت ؟؟؟

على : اومال عيزانى اكلمك بهدوووء و انتى لسة معملتيش الغدا و انا بطنى بتصوصو من الجووع ؟؟!!!!

الام : احترم نفسك ياض بدل ما اجبلك ابووووووك !

الحاج عبد الرحيم : انا جيييت اصلا يا " ام على " من صويت الواد و زعيقه

.. الواد اللى ناقص رباية ده !

على : فى ايييه ؟؟ هو كلكم داخلين فيا شمال كده لييييه ؟؟؟ده ايه العيشة اللى تقررف دى ؟

الحاج : تقرف !!! قرف يشيلك يا بعيييد يللا يا واد من هنا منتاش واكل يللا اطلع بررررررررره ...

على : انا اصلا ماشى من غير ما تقول .. هو انا هستناك يا حاج هههههه


الحاج : شوفى الواد البجح اللى معندوش ذرة دم .. اللى موتى عيكون على ايده ان شاء الله .......

آآآه


آآآه


آآآآه يا قلبـــى !!

الحقييينى بالدوا يا ام على بسررعة .. :(98):

على : اهو ده اللى انت فالح فيه ( آآه .. آآه يا قلبى )

و طبعاً " على " جرررى بعد ما قال الكلمتين دول لانه لو وقع تحت ايدين

الحاج هيطلع من تحتها " بطاطس مهروسة " ده اذا طلع اصلا :D

المشهد الثانى ...

الام : بت يا فوووووزية انتى يابت يا مقصوفة الرقبة انتى !! يا بت انتى يا بت

.. زورى وجعنى الله يهدّك يا شيخة ..

فوزية _ و هى لسة صاحية من النوم و شكلها عامل زى اللى طالع من حادثة :(130):

_ : اييييييييه فى ايييييييييه ياحاجة عايزة منى اييييه ؟؟

ابوووس رجلك سبيينى انااام ..

الام : يا بت يا بروتة تعالى ابوووكى تعباان ..

فوزية : ماله الحاج ؟؟ سلااامته

الام : اجرى يابت اندهى للدكتور سامى اللى فوقينا .. اجرررى يللا .

فوزية : يوووووووووه حااضر افففففففف مفيش غيرى فى البيت ده ولا ايييه ؟؟؟

و جه الدكتور و كشف على الحاج و قاله : ياعم عبد الرحيم متعصبش

نفسك و تاخد كل حاجة على اعصابك مفييش حاجة مستاهلة !!

الحاج : حاضر يا بنى هحاااول .. الله يكرمك يا بنى ياارب .. :(34):

فوزية : عايزين منى حاجة تانى .. انا داخلة انااااااااام ..


الام : اييييه يا شيخة ؟؟! انتى هتقضى طول اليوم نوووم و هتفضلى قالبة

ليلك نهارك و نهارك ليلك لحد امتى يا مقصووفة الرقبة انتى ؟!!

فوزية : هااا عندك كلام تانى يا حاجة تقوليه ؟؟! عشان انا صدعت ..يللا بلا

مؤاخذة انا هنااااام ..

المشهد الثاالث .. "مش هنزل حاجه تانى انهارده"

عماد : ايه ياواد ناوى على ايييه ؟؟

على : ابداً ولا حاجة .. نتمشى شوية و على ما الليل ييجى هبقا اروح البيت

!!

عماد : الله .. شايف البت الحلوة اللى هناك دى ؟

على : فييييييين وريهااانى ؟؟

عماد : اللى بتاكل فشار هناك اهييه !

على : ايوه ايوووه .. تعالى نشوف الحوار ايه ؟

عماد : اشطااا ^_^

على : ايه يا جميييل ما تدينى فشرااية لحسن انا همووت من الجووع .. و لسة متغدتش ..

البنت : يللا يا عيل منك له من هنآآ .. :(98):

عماد : عيااال !!! احنا عيال يا بت يا اللى شبه عمود النور المكسور انتى ؟؟

يللا يابنى نمشى من هنا شكنا اختارنا غللط !

على : شايف الراجل اللى هناك ده ابو كرش عامل كأنه بالع بطيخة و وقفت

فى بطنه هههههههه ده حتى اقرررع .. شكل البطيخى كانت قرعة ولا اييه ؟؟


عماد : طب شايف الست اللى هناك دى ؟؟ اللى شكلها ضربت شعرها فى

الخلاط قبل ما تنزل الشارع

على : ولا الراجل ده اللى وشه شبه الأوطاية المفعووصة



عماد : طب شايف انت الاتنين دول اللى عاملين فيها روميو و جوليت و هما

اساسأ محصلوش ( عدلات و برعى )



و " على " و " عماد " فضلوا ماشيين فى الشوارع يتريقوا على خلق الله

و يعاكسوا البنات .. لحد اما الليل جه و روح " على "البيت ..

ورجع لقاه ابوه فى وشه و معاه الخرزااانة



و نكمل العلقة اللى جاية .. اقصد الحلقة

احنا باذن الله هحول الموضوع من مشاهد الى حلقات كل حلقة فيها 3 او 4 مشاهد .

(( الحلقة الثانية ))

المشهد الأول

وصلنا فى المرة اللى فاتت لحد اما دخل " على " البيت و لقى الحاج مستنيه

بالخرزانة :))

الحاج : ما لسة بدرى يا اخويا !! ما تبات فى الشارع أحسن .

على : ليه يا عم الحج بس !! ده انا بحبك ^_*


الحاج : حبك برص و عشرة خرص يا شيخ .. يلاا انجر اداامى علشانة

الناس متسمعش حسينا ..


و دخل " على " و كان " الحاج " فى ايده الخرزانة و طبعا عينكم ما تشوف

الا النوور أخد علقة محترررمة جدا و الشاهد على ذلك ان الخرزانة اتقطعت

عليه :)


الام : تستاهل علشان بعد كده تحترم نفسك و متقلش ادبك علينا ..


على : والله لوريييكوا كلكوااا و هتشووفوا ايه اللى هعمله !!

http://www.saaid.net/twage3/161.gif

المشهد الثانى

الام : رايحة فين يا بت يا فوزية ؟؟


فوزية : رايحة اجيب هدوم ..فيها حاجة دى كماان ؟!

الام : و هتجييبى ايييه يا ست هاانم ؟ و انتى لسة مطلعتيش من البيضة و كل

يوم و التانى عمالة تخرجى و تقوليلى بجيب هدوم !!

فوزية : يوووووه بقا يا حاجة .. هو كل يوم نفس الإسطوانة دى .. زهقت

بقاا .. غيرى الكلام شوية

الام : يللا ياختى من هناا امشى يللا ..

و من بير السلم .....

فوزية : الو يا " ريهام " انتى فين ؟؟

ريهام : انتى اللى فين انا مستنياكى من بدرى و معايا " تامر " و " رامى "

يللا يا بنتى شهلى شوية .. خلينا نلحق السينما ..


فوزية : خلاص جاية اهو مسافة السكة ..


http://img175.imageshack.us/img175/5573/kalbri2.gif

المشهد الثالث ..

عماد : ايه يا واد ماالك مأريف كده ليه و مش على بعضك ؟!

على : دمااااغى حاسس انها هتنفجر يا عمااد .. ابويا امبارح قطع الخرزانة عليا

هو فاكرنى لسة صغير ولا اييييه ؟؟؟ دى بقت عيشى تقرف يا اخى !!


اووووووووففففففففف

عماد : الحل عندى يا واد انا هظبطك على الآخرررررر .. بس فكك انت من

حوار ابوك ده و طنش يا عم و سيبك منه ..

على : قووول يابنى ابوووس ايدك دماااغى مش قااااااادر ..

عماد : خد دى ..

على : ايه دى !! سجاير .. لأ لأ لأ يا عم انا مبشربش و مش عايز اشرب ده

ابويا لو عرف يقتلنى ..

عماد : ايه يا واد انا قولتلك انك هتدمنها ؟؟ لأ جرب واحد بس و صدقنى

مش هتندم و هتعمل دماااغ انما اييييه و هتعمرلك الطاسة كماان يا عم


على : لا يا عم برضو مضمنش ..

عماد : يادى النيلة عليك .. يا واد ده نوع معتبر ...

على : نوع ايه ده يعنى ؟؟


عماد : ملكش دعوة انت تشرب و انت ساكت خاالص ..

على: طيب هات اما اجرب .. ميضرش برضو !!

و " على " طاوع " عماد " و الواحدة جرت اتنين جرت تلاتة جرت العلبة

كلــها !!

http://www.saaid.net/twage3/002.gif

المشهد الرابع ..

الحاج : رايح فين يا " على " ؟؟ انت يابنى مبتزهقش من الخروج كل يوم ده

؟؟ و بعدين تعااالى هنا !!!!


ايه السواد اللى تحت عينك ده ؟؟ و مال وشك مصفر كده ليه و خاسس

كده ليه يابنى ؟؟


انت عيان يا " على " ؟؟

على و هو بيتمايل : لالالا مش عيان ولا حاجة .. ده بس من السهر !!

و الحاج عبد الرحيم صدقه !! و سابه ينزل و هو فى الحالة دى ..


على : عمااااااااد انا هموووووووووت هات سيجارة !!

عماااد : لا يا حلو .. من النهادره كله بحسابه ..


على : يعنى ايييييه ؟؟ بقولك هموووت دماغى خلاااص هتفرقع ..


عماد : لحد كده يا صاحبى و كنت بديلك الصنف ببلاش .. اما انا دلوقتى


فلست و ابويا مش راضى يدينى الفلوس .. هات فلوس و انا اجبلك


مش معاك خلااص يبقا تستنى بقاا

على : صنف !!! صنف اييه ؟؟ هو ايه اللى انا بشربه ده ؟

عماد : لهوا انت لسة متعرفش يا نوغّا ؟!!


ابداً اللى بتشربه ده ( حشيــش )


ضحكتنى و انا مليش نفس

على : يعنى اييييييييه ؟؟


انا ( مدمــــن مخدرات ) !!!!!!!!!!!!!!!!

http://www.saaid.net/twage3/009.jpg

نكمل الحلقة الجاية مع تحياتى The_Mask

http://i187.photobucket.com/albums/x22/REEMA_111/7.jpg

(( الحلقة الثالثة ))

المشهد الأول

رجع " على " للبيت و كانت حالته حااااااااالة ..

على : يا بابا انا عايز فلوس !!

الحاج : ليه يا واد عايزهم فى ايه مش لسة مديك مصروفك اول امباح ؟؟

على : خلصوا .. كل حاجة غليت يا عم الحاج .. محتااااج الفلوس اووى الله يكرمك .


الحاج : محتاجهم فى ايه الاول ؟؟

على : هاا؟؟ آآه .. اممممممم ..

الحاج : متنطق ياللا ..


على : آآه .. واحد صاحبى البيت وقع عليه هو و امه و قاعدين فى الشارع فإحنا بنلم فلوس من بعض علشان نساعدهم .


الحاج : طيب إذا كان كده ماشى .. خد الفلوس اهى .

على : طب سلاااام انا بقا ...

عماد : قشطة علييييك يا ابو على .. هات الفلوس و انا اديك الصنف .


على : خد بسررررعة ابوس ايدك ..


عماد : ده انت باين عليك غرقان لشوشتك ..

عماد و على كانوا واقفين جمب المخزن اللى فيه " تجار المخدرات " اللى بيشتروا منهم ..

و فجأة !!!!!!


كلـــه يقف مكانه .. محدش يتحرك !!!!!!!

امسك العيال دى يا شاويش بسرررعة ..

عماد : الحق ياض كبســــــة ..

على : يانهااااااااااااااااااااار اسوووووووووح !!


عماد : اجررررررررررررى بسررررررعة ..

على و عماد جريوا بسرررعة جدااا و عرفوا يتوهوا كويس ظباط البوليس لأنهم عارفين المنطقة اكتر منهم ..


على _ و هو بينهج _ :

عماد : آآآه يا قلبــى يآآآنا ..

على : هنتصرف ازاى دلوقتى ؟؟؟

عماد : يللا كل واحد فينا على بيته عدل ..

و روحوا البيت هما الاتنين .. لكن المرة دى ربنا ستر ..

و دى كانت رسالة من ربنا ل " على " يمكن يفوق من اللى فيه !

لكن .........................

http://forums.hawalive.com/storeimg/...217037_170.gif

المشهد الثانى

الام : كنتى فين لحد دلوقتى يا فوزية الساعة 10 يا بت و انتى خارجة من هنا العصر ..؟؟؟؟

فوزية : ايه ؟؟ آآه !! مانا قولتلك كنت بجيب هدوم و بلف بقا و كده ؟


الام : و فين الهدوم دى ؟؟


فوزية : نعــم !


الام : انطقــى لجيب رقبتك .


فوزية : لا ابداً .. ده انا فضلت الف لف .. لحد اما رجلى ورمت و ملقتش

الحاجة اللى انا عيزاها فرجعت و هبقا اروح يوم تانى ان شاء الله .

الام : قسماً بالله يا بت يا فوزية لو بتضحكى عليا لهوريكى النجوم فى عز الضهر و ادينى اقسمت .


فوزية خااافت وقتها لأمها تعرف .. و بطلت خروج من البيت ييجى اسبوع كده ..

ريهام : ايه يا فوزية فييييييييينك ؟؟ " رامى " بيسأل عليكى .. و بيقولى انه بيتصل بيكى ع التليفون و مش بتردى .!!


فوزية : امى بتشك فيا .. ف " هديت " اللعب اليومين دول .. فترة و هتعدى اصبرى ..


ريهام : طيب اما اشوف آخرتها معااكى ,, انا هكلم رامى و اطمنه عليكى

لحسن ده كان هيموت من القلق عليكى .

http://forums.hawalive.com/storeimg/...217033_927.gif


المشهد الثالث ..

فى المدرسة الثانوية ..


وقف على جمب سور المدرسة مش قاااااادر يتحرك ولا قادر ياخد نفسه !
و ده كان فى حصة الالعاب ..

محمود : ايه يا على مالك ؟؟ انت تعبان ؟


على : هاا ؟؟ لالالا ابداً .. ده بس من المجهود


محمود : طب ما كلنا عملنا نفس المجهود و عارفين نصلب طولنا اهو ..

>> الله اكبــر .. الله اكبـــر <<

الآذان أذن .. تيجى معايا يا " على " نصلى الضهر ؟؟

على : اصلى !!!!! لالا انا مش متوضى

محمود : و فيها يه ؟ تعالى نتوضى انا و انت و نروح نصلى مع بعض .


عماد : فى ايه يا " على " مالك ؟؟ و واقف مع المكلكع ده لييه ؟؟

محمود : الله يسامحك يا عماد مش زعلان منك برضو :)


عماد : يا عم روح العب بعيد .. عملت ايه فى الواد يا كلاكيعووو .. ؟


على : بس بقا انت و هو انا مش قادر .. حاسس انى همووووت ..

و فجأة ..


وقع " على " من طوله على الأرض ..

جُم المدرسين شالوه و ودوه عند ( طبيب المدرسة )

عماد : يالهوووووى ؟؟!! ده راح عند الدكتور و هيكشفوا عليه .

محمود : ماهو ده اللى لازم يحصل !! هو فى ايه ؟؟

عماد : اسكت انت مش فاهم حاجة ياعم .. دى وقعتنا سودة

محمود راح مع " على " عند الدكتور .. و عماد مراحش علشان الدكتور ميحسش بحاجة هو كمان ..


الدكتور : قولى يا " على " انت بتشرب حاجة ؟؟

على : حاجة !!! حاجة ايه يا دكتور ..

الدكتور : لازم تعملى تحليل دم بسرررعة .. و نعرف فيك اييه ؟؟

على : لالالا انا كويس و مفييش اى حاجة .. ده شوية ارهاق بس .


الدكتور : ارهاق !!! ارهاق ايه اللى يعمل فيك كده ؟؟ قول الكلام ده لميكانيكى مش ( دكتور ) ..

اتصلوا بوالد " على " بسرعة " ييجى يشوف ابنه ماااله ؟

على _ فى سره _ : انا ضعت !!!

http://forums.hawalive.com/storeimg/...217040_607.gif

و نكمل الحلقة الجاية ان شاء الله .. مع تحياتى The_Mask

بسم الله الرحمن الرحيم .. توكلت على الله

(( الحلقة الرابعة ))

http://i187.photobucket.com/albums/x22/REEMA_111/d7.gif

المشهد الأول

الحاج عبد الرحيم : و عليكم السلام , مين معايا ؟؟

الدكتور : معاك دكتور أحمد يا حاج .. ابنك " على " وقع من طوله فى حصة

الألعاب و لازم تتجى علشان تعمله شوية تحاليل و نطمن عليه .

الحاج : " علــى " ياااارب استر .. طيب طيب انا جاى حااالاً .

وصل الحاج المدرسة و دخل يشوف " على "

الحاج : ايه يابنى مالك ؟؟

الدكتور : تعالى يا حاج عايزك فى كلمتين كده على جنب ..


الحاج : خير يا دكتور !!

الدكتور : بص انا هكلمك بصراحة لأن ده واجبى .. ابنك بيتعاطى حاجة ؟؟


لحاج : ؟؟؟؟؟؟؟؟؟!!!!!!!! يعنى ايييييه !!!!

الدكتور : احنا لازم نعمل تحاليل الأول عشان نتأكد و بعد كده نشوف حل ...


الحاج : .......................

الدكتور : مالك يا حاج فى ايه ؟؟

يا حاج ..

يا حاج ..


فى ايييه ؟؟ مااالك !!

الحاج _ و هو على الأرض _ : ابنى الوحيد بيشرب مخدرات !!

يا خسارة تربيتى فيه , يا خسارة تعبى فيه ...

آآآآآه ... ياااارب ارحمنى ..

الدكتور : قوم يا حاج خد الدوا ده عشان الضغط !

و رجع " الحاج عبد الرحيم " البيت .. و ساب " على " فى معمل التحاليل ..


الأم : خيييير يا حاج " على " عامل ايه طمنى ؟؟

الحاج : عمله اسود و مهبب على دماغه


الأم : فى ايييه الواد ماله رد عليا ؟!!


الحاج : ابنك بيتعاطى مخدرات .. ابنك البكر هنلف بيه دلوقتى على المصحات

علشان يتعالج و هو لسة مطلعش من البيضة ..


الأم : يالهووووووووى !! ابنى ؟؟!! ابنى انا ؟؟

فوزية : ايه يا ماما فى ايييه ؟؟

الأم : اخوكى مدمن مخدرات يا فوزية ..!!


فوزية : انا كنت حااسة ان الواد ده وراه حاجة .. حسبى الله و نعم الوكيل

فيك يا عماد ..

الحاج : انا رايح معمل التحاليل دلوقتى .. و معرفش هرجعلكم امتى ؟؟


http://forums.hawalive.com/storeimg/...217040_749.gif

المشهد الثانى

الدكتور : متخافش يا حاج نسبة الهيروين فى الدم مش خطيرة للدرجة ..

يقدر يتعالج فى اسبوعين بس فى اى مصحة ..

على : سامحنى يا بابا .. انا آسف ..

"على " محسش بنفسه إلا و لقى ( قلـم ) محترم من الحاج طرقع على وشه



>> يستاهل <<

الحاج : اسكت خاااالص مش عايز اسمع حسك !!

يللا بينا على اى مصحة تاخدك و اخلص منك يا شيخ ..


و راح " الحاج " مع " على " المصحة ...


على : يا بابا ,,, يا بابااااااااا متسبنيش هنا لوحدى يا باباآآآآآآآآ ..


الحاج : هجيلك بكره يا بنى .,, خليك راجل بقا و اتعالج زى ما كنت راجل

و انت بتشرب ..!


الحاج : هجيلك بكره يا بنى .,, خليك راجل بقا و اتعالج زى ما كنت راجل

و انت بتشرب ..!


http://forums.hawalive.com/storeimg/...217070_784.gif

المشهد الثالث

و فى يوم الخروج ..


محمود : حمدلله على السلامة يا وحش :))

على : الله يخليك يا حودة

الأم : بصراحة يا " على " محمود مكنش بيفوت يوم إلا و يسأل عليك ..

على : مش عارف اودى جمايلك فين يا حودة ! انت احرجتينى والله .. بقا انا

اللى كنت مش بطيقك و كنت علطول ادايقك بكلامى و اشتمك تعمل معايا

ده كلــه !!

بجد انت انسان جميييل و صديق مخلص و وفى

محمود : يا حبيب قلبى ده واجبى , الرسول عليه الصلاة و السلام أمرنا بأننا

نعود المريض و ده من حقك عليا .. و ربنا قال " إنما المؤمنون إخوة "

و كمان من أحب الأعمال إلى الله " سرور تدخله على مسلم "

انا بس بنفذ كلام ربنا و الرسول عليه الصلاة و السلام :)

و انا الكسبان مش انت

على : عليه الصلاة و السلام :))

ماشى ياعم اديك اخدت ثواب على حسابى انا مردودالك يا حودة :)


الحاج : يللا يا " على " عشان نروح البيت بقا ..

على : حاضر يا بابا ,, بابا ؟؟

الحاج : نعم

على : انت زعلان منى ؟؟


الحاج : خلاص يابنى مش زعلان ولا حاجة المهم انك تكون اتعلمت من

خطأك ده و ميتكررش تانى ... و كمان انا و امك راجعنا نفسنا ولقينا اننا كنا

من الأسباب الرئيسية انك تعمل كده .. يللا بقا بلاش غلبة هبقا اشرحلك

الموضوع ده بعدين :))


http://img175.imageshack.us/img175/5573/kalbri2.gif

و نمكل الحلقة الجاية إن شاء الله :) مع تحياتى The_Mask

بسم الله الرحمن الرحيم .. ازيكم عاملين ايه يا شباب . يلا نكمل الحكاية "صلى على النبى ياض منك ليه قبل ما تقرا "

(( الحلقة الخامسة ))

المشهد الأول ..

وصل " على " البيت و استريح شوية .. و بعين راح يكمل كلام مع الحاج ..

على : يا بابا انا آسف مرة تانية :(

الحاج : خلاص يا " على " المهم تكون اتعلمت من خطأك ده و اوعاااك

تكرره تانى و لا اشوفك تمشى مع الصايع اللى اسمه " عماد " ده !!

مااااله " محمود " ادب و أخلاق و دين .. بالله عليك يابنى عايز اطمن عليك

قبل ما اموت .. صاحب صـح .. الاصحاب والله بيودوا فى داهية لو

اختارتهم غلـط .. خلينى اموت و انا مطّمن عليك ..

على : بعد الشر يا بابا , متقولش كده ..

الحاج : بلاش بقا تجيب فى سيرة الموضوع ده كتير , يللا بينا نتعشى ..

و على السفـرة ..


الحاج : اومال فين فوزية يا ام على ؟؟؟

الام : هاا !! آآه .... اكيد راحت تذاكر عند واحدة صاحبتها متقلقش يا حاج !


الحاج : مقلقش !!!

هو ايه ده اللى مقلقش ؟ هى قالتلك انها خارجة ؟؟

الام : آآه ,, ايوه قالتلى >> الام بتكذب <<

الحاج : ابوس ايدك يا ام على تخلى بالك من البنت .. دى البنت " سمعة "

و لو انتى اللى مأخدتيش بالك منها مين اللى هياخد بس ؟؟؟

الام : متحملش هـم انت بس .. روّق كده و ان شاء الله كل حاجة هتبقا تمااام ...


على : انا ليا تصرف تانى معاها البت دى !!

الساعة 10 بالليل ..

فوزية رجعت و اول ما دخلت من الباب , " على " شدها من شعرها و وقعها على الأرض ..


على : كنتى فين يا بت لحد دلوقتى ؟؟؟

فوزية : انت مالك انت , انت ملكش كلمة عليا طول ما بابا عايش ! فاهم ولا لأ ؟؟


على : لأ ليا ياختى , مادام محدش عارف يشكومك فى البيت ده انا بقا اللى هوريكى العين الحمرا ..


فوزية : مبقاش إلا انت إلا تقولى رايحة فين و جاية منين ؟؟ يا مدمــن المخدراااات !!!


على وقتها شااااط عليها و مسكها ضربهـا و اداها علقة محترمة و الحاج

والحاجة معلقوش على اللى عمله ..

على : هااا يا بت هتنطقى كنتى فين ولا اخلى وشك شوراع عشان تحرمى

تنزلى الشارع تانى ؟؟

فوزية : يا مامااااااا , يا بابااااااااااااا حوشوا المجنون ده عنى !!


على : محدش حيحوشك عنى يا ست هاانم .. على العموم انا هعرف بطريقتى !!!


http://img441.imageshack.us/img441/4637/sobhankzg4.gif

المشهد الثانى ..

فى المدرسة

عماد : ايه ده !! " ابو على " بالحضـــن يا بطـل :))

على : واحشنى والله يا عماد , فينك يابنى مكنتش بتيجى تزورنى ليه ؟؟


عماد : ازورك !!

ليه ؟؟ انا اتجننت

انت ناسى ان دى مصحة و لو دخلت هتقفش فيها انا كمان و هتبقا ليلتى سودا

المهم انت ايه اخبارك دلوقتى ؟؟


على : الحمد لله أحسن بكتيير انا كنت فين و بقيت فين ؟

عماد : يعنى خلاص بطلت ؟؟

على : آه طبعاً , انت عايز ابويا يقتلنى ؟

محمود جاى عليهم ..


محمود : حمدلله على السلامة يا " على " المدرسة نورت يا عم :)


على : ده نورك يا حودة

عماد : حودة !!! من امتى ده ؟؟

على : من النهادره يا سيدى , بجد محمود ده انسان جمييل جداااً :)


عماد بإستهزاء : لا بجـد

انت هتبقا منهم ولا إيه يا " على " ؟؟

على : يعنى ايه منهم ؟؟

عماد : لاا متاخدش فى بالك :)

محمود اتضايق من كلمة عماد لكن كظم غيظه و تذكر حديث الرسول صلى

الله عليه و سلممحمود اتضايق من كلمة عماد لكن كظم غيظه و تذكر حديث الرسول صلى

الله عليه و سلم

و ابتسم فى وجهه

عماد : اهو انت متعرفش تعمل حاجة فى حياتك غير الإبتسامة المستفزة

بتاعتك دى !! ايه اللى يضحك يا عم انت ؟؟ انت علطول منشكح كده!! فى

ايه ؟ انت مبتتضايقش ؟ ولا بتزعل ؟ ده انت كائن فضائى عجييب يا اخى !!

شوف الوا يا اخواتى عمال اهزق فيه من الصبح و هو شغال يوزع إبتسامات !!

ماهو من ضعفك انك مش قادر ترد عليا .. يا ضعييف يا ضعييف ..

محمود : الله يسامحك

عماد : الواد يا هيجننى , يا هيموتنى بغيظى

على : .. طب استأذكوا انا بقا علشان اروح ..


http://www.hawahome.com/vb/nupload/73813_1193271061.gif

المشهد الثالث ..

على روح البيت و قبل ما يطلع الشقة شاف " فوزية " و هى نازلة ..

راح و مشى وراها عشان يعرف بتروح فين ؟؟

و فضل ماشى وراها ييجى محطتين .. و عند الموقف ..

لقاها راحت سلمت على واحد كان واقف مستنيها ! و بيضحكوا و بيهزروا مع بعض ادام كل الناس ..

" على " دمــه غلى , و معرفش يعمل ايه ؟؟

هل يروح يجيبها من شعرها ادام الناس و يدى كيس الجوافة اللى واقف معاها

ده علقة محترمة و يفضح اخته ادام الناس ؟؟ , ولا يستنى لحد اما ترجع البيت

و وقتها يشوف شغله معاها و برضو مش هينسى كيس الجوافة ؟!

على اختار الإختيار التانى ... و شوية ومشيت فوزية مع كيس الجوافة :)

اقصد الولد اللى معاها ..

و على رجع البيت و هو بيفكر هيعمل اييه ؟؟

يقول للحاج .. اللى لسة تعبان من صدمته فيه ؟!!

ولا لأمه اللى شايلة الهـم علطوول ؟؟

على فى نفسه : لأ انا هتصرف فى الموضوع ده من غير اما اى حد يحس !!

http://forums.hawalive.com/storeimg/...217035_826.gif

المشهد الرابع ..

فى المدرسة .


محمود : علــى ازيك يا حبيبى عامل ايه ؟

على : تماام الحمد لله :)


محمود : بقولك ,انا سمعت امبارح الشريط ده و عجبنى جداً .. قولت اديه

لصاحبى و حبيبى يسمعه زى :)))

على : شريط لمين ؟ انا ليا فى نانسى و إليسا و هيفاء

محمود : نعــم !!! مين دووول ؟؟

لا يابنى ده شريط لشيخ اقصد .


على : شيخ ؟؟!! آآه ,, لالالا مش بسمع معنديش وقت ..

محمود : يا عم مش هياخد من وقتك حاجة :)) اسمع كلاااامى الله يكرمك :)

على : حاضر يا عم عشان خاطرك بس .. هات الشريط ..

محمود : اتفضل


http://forums.hawalive.com/storeimg/...217033_927.gif

العنوان شــد " على " .. يا ترى هيروح البيت هيعمل ايه مع " فوزية " ؟؟

و هيسمع الدرس اللى محمود اداهوله و هيتأثر بيه ولا لأ ؟؟

ده اللى هنعرفه فى الحلقة الجاية ان شاء الله :)

بسم الله الرحمن الرحيم .. ازيكم عاملين ايه يا شباب . يلا نكمل الحكاية "صلى على النبى ياض منك ليه قبل ما تقرا "

(( الحلقة السادسة ))

المشهد الأول ..

فى البيت

الحاج : فوزية فين يا " ام على " ؟؟!

الأم : هاا !! آه هى راحت الدرس و لسة مرجعتش .. زمانها جاية يا حاج

متقلقش :)


الحاج : مقلقش !!! ربنا يستر ..


" على " كان مستنى فوزية فى البلكونة لحد اما تيجى ..


و لما رجعت " على " مكلمهاش و استنى لحد الصبح عشان يشوف شغله معاها .

تانى يوم كان الحاج رايح يقبض المعاش و راحت معاه " ام على " ..

الأم : خلوا بالكم من نفسكم يا عيال احنا شوية و راجعين علطول ..


فوزية : تروحوا و ترجعوا بالسلامة يا ماما ..


دخل " على " اوضة فوزية ..

على : كنتى فين امبارح بعد المدرسة يا بت ؟؟

فوزية : هاا ؟؟ آآه .. كنت فى الدرس هكون فيين يعنى ؟؟


على : بت انتى مترديش عليا سؤال بسؤال !! جاااوبى لحسن اوريكى شغلك انهارده !

فوزية حست ان " على " عارف حاجة ..

ارتبكت و خااافت ..

على : بقولك ايه من الآخر كده انا عارف انتى كنتى فين و مع مين ؟؟

فوزية : ايه اللى انت بتقوله ده ؟؟ انت اتجننت ولا ايه ؟؟

على مسكها من دراعها جاااامد و كان هيكسره فى ايده ..

على : انطقى يا بت بدل ما اكسرلك ايدك اللى بيمسكها دى !

مين اللى كنتى معاه و اسمه ايه ؟ و ساكن فين ؟؟؟


فوزية : حااضر حااضر هنطق و هقول كل حاجة بس سييييب ايدى ابوس

رجلك حرااام علييييييك يا شيخ !


على : اهو .. سبتها , يلا انطقى بقا ..

فوزية بتعيط !

على : بصى شغل البنات و السهوكة ده انا عارفه كويس مش هيخيل عليا يا

اختى يا بنت امى و ابويا !!


فوزية : ده صاحبى " علاء " انا و هو بنحب بعض و متفقين على الجواز ..

على مقدرش يمسك نفسه ..

ضربها بالقلم على وشها و نزل فيها ضررررب ..

على : جواز !!! جواز ايييييييه يا متخلفة يا هبلة انتى فكراه هيتجوزك ؟؟

ده بيتسلى بيكى يا شيخة الله ياخدك حطيتى دماغنا فى الطين منك لله !!

آدى دقنى اهيه لو دخل البيت من بابه !! هو انا مش ولد و عارفهم بيفكروا ازااااى ؟؟

ابوكى لو عرف يموت فيها ده عنده القلب , هتجبلنا الوكسة منك لله ..


و " على " شغال ضرب فى " فوزية " لحد اما لجيران كلهم اتلموا عليهم ..

و عمالين يخبطوا الباب عشان يشوفوا فى ايه ؟؟


الجيران : افتحى يا " ام علـى " فى ايييييه ؟؟

فتحلهم " على " ..

على : لا يا حاجة مفيش حاجة , بس اختى سقطت فى الامتحان فبأدبها شوية !!


الجيران : طب يابنى براحة علها حراام عليك !!

على : حاضر حاضر

و قفل الباب فى وشهم ..

هدى " على " شوية و سكتت " فوزية " من العياط و الصويت ..


على : حسك عينك اشوفك خرجتى بره المدرسة حتى ..

من انهارده مفيش دروس ! و مفيش خروج إلا للمدرسة ..

لا كده يا إما هقول لأبوكى و تبقا ليلتك اسود من قرن الخروب و هخليه

يوريكى النجوم فى عز الضهر !!


فوزية : حاضر حاضر يا على صدقنى مش هخرج ولا هكلم " علاء "

تانى ابووووس ايدك ساامحنى و متقولش لبابا ..



http://img254.imageshack.us/img254/4044/5558jr.gif

المشهد الثانى ...

فى المدرسة .

محمود : ابوعلــى :))) ايه اخبااااارك ؟؟؟

على : تمااام الحمد لله يا حودة :)


محمود : هاااا ؟؟ ايه الأخبار ؟ سمعت الشريط ؟


على : أخ !! لأ لسة والله يا حودة انشغلت امبارح والله و ملحقتش ..


محمود : خلاص يا عم ولا يهمك :))) المهم تسمعه فى اقرب وقت .. عشان

اديك واحد تانى

انا خلاص استلمتك

على : ههههههه مااشى يا حودة :)


عماد : اييييه يا على هو كل اما اشوفك الاقيك قاعد مع كلاكيعو ؟؟


على : عماد لو سمحت بلاش تريقة ..



عماد : نعم نعم ؟؟ ايه اللى غيرّك كده يا على ؟؟

آآه من لقى أحبابه نسى أصحابه ..

ماشى يا كبير انا ماشى ..


على : استنى بس يا عماد ؟؟ قولى بس انت ليه بتكره محمود ؟؟ انا فى الأول

كنت زيك بس دلوقتى خلاص حاسس انى اعرفه من زمااان بجد انت لو عرفته

هتحبه اووى :)

عماد : يا عــم روووح > <


http://www.muslmah.net/imgpost/11/45...80dc094fb6.gif

المشهد الثالث

و " عماد " كان ماشى بيعدى الطريق ..


جت عربية مسررررعة جداً


خبطت عماد


وقع فى الأرض و كان بينزف ..


الناس فى الشارع : لا حول ولا قوة إلا بالله !!


طلبوله المستشفى و " على " و " محمود " معااه

عماد داخل اوضة العمليات ..


محمود بيقرأ قرآن و بيدعى ربنا يقومه بالسلامه و يشفيه


خلااص داخل الأوضة ..

محمود و هو مبتسم : متقلقش يا ميدو ربنا معااك ياارب انت حديد اهو ماشاء

الله دى شوية خدوش بسيطة ياعم :) , هتقووم بالسلامة بس انت قول ياارب ..

عماد بصوت منخفض جداً : ياارب ..


و بعد ساعة خرج الدكتور من اوضة العمليات ..

الدكتور : محتاجين حد يتبرعله بالدم يا شباب


محمود : معاك يا دكتور انا فصيلة دمى O

الدكتور : طب يلا معايا ربنا يكرمك


محمود اتبرع بالدم لعماد و مترددش لحظة ...


عماد الحمد لله قام بالسلامة و بقا كويس ..

أهل عماد جم و شكروا محمود كتيير على وقفته مع عماد ..

كان كل يوم " على و محمود " ييجوا يزوروا عماد فى المستشفى ..

لحد اما خف و بقا تمااام ...

عماد : محمود

انا متشكر اووى على وقفتك جمبى دى ..

انت ايييه يا أخى ؟؟ كائن فضائى عجيييب ؟؟ هههههههه

محمود : ههههههههههه ايوه هو العجيب ده

يا بنى ده واجبى متشكرنيش على حاجة :)

انت زى اخويا يا ميدو ^^


عماد : بجد انا وشى منك فى الأرض ..

محمود : لا فى الأرض ولا فى السما يا عم .. خلاص بقا ..

صافى يا لبن :)))

عماد : حليب يا قشطة

http://www.muslmah.net/imgpost/11/14...247f263a90.gif

و نكمل الحلقة الجاية ان شاء الله :)

اولا : بسم الله الرحمن الرحيم

ثانيا : صلى على النبى ياض منك ليه .


ثالثا : المشهد الأول

فى البيت

الباب بيخبط ,, " ام على " تفتح " ..

الام : ايه ده !! ام سعاد , ازيك ياختى وحشااااانى يا أهلا و سهلا يا أهلا

و سهلا البيت نوّر اتفضلــى :))

ام سعاد : فينك يا ام على مش بشوفك ليه ؟؟


ام على : والله مشاغل ياختى اعمل ايه بس ؟

ام سعاد : يللا ربنا يعينك ياارب ..

ام على : آميين .. تشربى إيه ؟؟

ام سعاد : لا يا حبيبتى انا مش جاية اتضايف انا جاية اسأل على فوزية بنتك ؟

عاملة ايه دلوقتى بعد العلقة اللى ادهالها " على " ؟

ام على : فوزية ؟!!

علقة ايييه ؟؟

ام سعاد : إلا هو انتى مدرتيش باللى حصل ؟؟

امباح كده ع الضهر سمعنا احنا و الجيران صويت و زعيق صوت ضرب جاى

من عندكم .. نزلنا نشوف فى ايه ؟ " على " فتحلنا و قالنا انه بيأدب البت

فوزية عشان جابت درجة وحشة فى الإمتحان !

ام على : امتحان !! امتحان ايه ؟


ام سعاد : واضح انك متعرفيش حاجة عن الموضوع .. ع العموم انا حبيت

اطمن بس , يلاا فُتك بعافية :)


الأم : بت يا فوزية .. تعاااالى هناااااا

فوزية : ايييييه ؟ فى ايه ع الصبح ؟؟


الأم : على ضربك امبارح ليه يا بت ؟؟


فوزية : عادى يعنى اتخانقنا امبارح زى ما بنتخانق قام طول ايده عليا ..


الأم : بت انتى انتى فكرانى مولودة امبارح ولا اييييه ؟؟ و هتسرحى بيا !!


فوزية : يوووووووووه دى بقت عيشة تقرف


الأم : الله ياخدك يا شيخة و ارتاح منك و من مصايبك ...

لما ييجى " على " انا هتصرف معاه

الحاج : فى ايييييييييه ؟؟ ايه الزعيق ده ع الصبح !

الواحد ميعرفش يرتاح شوية فى البيت ده ؟؟

الأم : لا يا حاج روح انت ارتاح يا اخويا مفيش حاجة متقلقش نفسك


الحاج : ارتاااح ازاااى يا ام على ؟؟ و انا معرفش البيت بيجرى فيه ايه ؟

و لبستونى طرطور و خلتونى زى الأطرش فى الزفة !


الأم : ياااه يا حاج انت علطول كده غاوى تعب ؟؟ قولتلك مفيش حاجة

خش ارتاح بقا .. يووووه !!

الحاج : اهى طريقة كلامك دى بتأكدلى انه فى حاجة !! و مدام مش راضية

تقولى انا هعرفها بطريقتى !

http://img105.imageshack.us/img105/8373/9997df.gif


المشهد الثانى

فى المدرسة

محمود : واد انت و هو انا عازمكم انهارده على الغدا و مفيش كلام بعد

كلامى ولا تقول مش فاضى و مشغول لا معنديش الكلام ده
:(156):

على : ههههههههه انا هتلاقينى عندك فى ساعتها امادام حاجة فيها أكل انا مش

بتأخر

عماد : و انا شرحه


محمود :خلاص مستنيكم يا شباب نتغدى مع بعض و بعدين نذاكر شوية ايه

رأيكم ؟؟

عماد : اذاكر !!!!!!!!!!!!!! لا يا عم انا مش وش الحاجات دى


محمود : اومال بتنجح ازاى آخر السنة ؟؟



عماد : بالإستعانة بصديق


محمود : لا يا عم من هنا و رايح مفيش لا إستعانة بصديق ولا طلب مساعدة

الجمهور :) .. انت اللى هتجاوب لوحدك و هتذاكر و هتنجح بمجهودك


على : دى صعبة دى يا حودة :))


محمود لا صعبة ولا حاجة انتوا بس انووا انكم هتتقوا ربنا و تذاكروا

و تنجحوا بمجهودكم و صدقونى ربنا هيكرمكم و يوفقكم ..


قال تعالى " و من يتق الله يجعل له مخرجاً * و يرزقه من حيث لا يحتسب "

انت يا " على " ربنا نجاك و انقذك من الإدمان .. لولا ربنا سبحانه و تعالى

كنت زمانك دلوقتى ميـت .. صح ولا انا غلطان ؟؟

و انت يا عماد ربنا نجاك من الحادثة اللى حصلتلك كان ممكن جداً تموت .

صح ولا انا غلطان يا جماعة ؟؟

عماد و على : صح , معاك حق


محمود : طب ربنا اللى نجاكم ميستاهلش منكم انكم تتقوه و مش تغضبوه تانى ؟؟


عماد : هحاول يا محمود ..

محمود : لا دى مفيهاش محاولات يا أستاذ :)) , دى فيها قرار من دلوقتى حالاً ...

هااا قررتوا إيه ؟؟

على : طب انا بعمل ايه غلط ؟؟؟؟


محمود :انا صديقك يا على صح ؟ و الرسول صلى الله عليه و سلم قال

" المؤمن مرآة المؤمن " يعنى لو فيك اى عيب انا أبصرك بيه و انت كمان لو

فييا عيب تبصرنى بيه ولا ايه رأيك ؟

على : مظبوط .


محمود : مشيك مع البنات و المعاكسات ,, ترضى ان حد يعمل كده مع

اختك ؟؟ جاوبنى ؟؟


على : اكيد لأ !


محمود : طب ليه تعمل كده فى بنات الناس ؟؟


:(114):

محمود : و قل للمؤمنين يغضوا من أبصارهم "


نسيت إن فى حاجة اسمها " غض البصر " ؟؟

و على العموم يا باشا اتفضل الكتيب ده عايزك تقرأه انت و عماد .. :))

>>>>>>>http://www.silkroad4arab.com/vb/showthread.php?t=491180<<<<<<<<<<<<

و عارف لو مقرأتوش ؟ مش هقولك هيحصلك إيه ؟؟

على : حاضر يا عم من غير ضرب :))) اوعدك انى هقرأه لانى فعلاً عايز اتغير


و نفسى ابقا زيك يا حودة :(


محمود : انت هتبقا أحسن منى كمااااان بكتيير :)) ابدأ انت بس و توكل على

الله يا بطل ..

دى اول نقطة بتاعة البنات دى ربنا يرحمنا منهم

على : آه والله دول سبب البلاوى كلها .. :(82):

محمود : تانى نقطة الصلااااااااااااااااااااة يا على الصلاااااااة ابوس رجلك :)))

انت مش بتصلى ليه يا واد ؟؟


على : مش عارف !!!!

محمود : لا إله إلا الله ... خلاص يا " على " هنتفق من انهادره اننا مش

هنفوت فرض لا انا ولا انت ولا الواد عماد ده اللى متنحلى من الصبح

وشكله كده ضارب طبق كشرى ع الصبح :))


على : ماشى اتفقنا انا فعلاً عايز أصلى و اقرب من ربنا

محمود : انت كده برنس وربنا

و إيه اخبار عم المتنح ده ؟؟

عماد : ههههههه آه ماشى أصلى و ماله , انا يا حودة جربت كل الطرق

بنات جربت , تريقة ع الناس جربت , تطويل لسان جربت , مخدرات جربت

انا مسبتش حاجة إلا و جربتها ,, إلا طريــق ربنا

انا ملقتش السعادة فى كل الحاجات دى , و لو كنت سعيد بتبقا سعادة مؤقتة

اوووى و برجع تانى و اكون اسوأ من الأول ..

محمود : قال تعالى " و من أعرض عن ذكرى فإن له معيشة ضنكاً .."

سبب حزنك و اكتئابك ده هو ( بعدك عن ربنـا )

يللا بجــد كلنـا هنبدأ مع بعض صفحة جديدة هنصلى فى الجامع هنشجع

بعض و نرن على بعض وقت الفجر علشان نصحى :))

عشان فعلاً نتغيــر ^^

ايه رأيكم ؟؟ مين هيركب معايااا ؟؟

على : التذكرة بكام لو سمحت ؟

محمود : ^__^ ببلاش يا عم الظريف :D

عماد : اذا كان كده ماشى :(156):


و راح " على و عماد " عند محمود علشان الغداء ..

و اول ما دخلوا من البيت وقعت عنيهم على حاجة غرييبة جداً

http://img175.imageshack.us/img175/5573/kalbri2.gif

و نكمل الحلقة الجاية ان شاء الله :)

نسالكم الدعاء للشهيد و النقيب : وائل المر

تحيـــــــــــــــــــــاتـــــــــى :(60):

اولا : بسم الله الرحمن الرحيم

ثانيا : اعتذر على عدم تنسيق الموضوع لانى حقا حقا مشغول فارجو من المشرفين ان ينسقو الموضوع .

ثالثا : صلى على النبى قبل ماتقرا .

رابعا : تابع معايا الحلقة :-

(( الحلقة الثامنة ))



المشهد الأول


دخل " على و عماد " بيت " محمود "

وقعت عنيهم على حاجة غريييبة ..


لقوا ( والد و والدة ) محمود " مقعديــن " و مصابين بشلل كلى و الوالد

على الكرسى المتحرك و الأم راقدة على السرير لا بتقوم ولا بتتحرك ..

عماد : محمود !!! هو ابوك ماله ؟

" على " غمز لعماد عشان يسكت

محمود : بابا و ماما عملوا حادثة زمان ايام ما كنت صغير بالعربية و من

ساعتها و هما على الحال ده مش بيتحركوا من مكانهم .. ده غير ان الكلام

عندهم يكاد يكون " معدوم " .. و السمع كذلك .. ربنا يشفيهم و يعافيهم

يارب

على: آمين ياارب ..

عماد : و انت مين اللى رباك ؟؟ طلعت كده لوحدك ؟

" على " يغمز لعماد تانى !

محمود : لا يا عم مش لوحدى .. ده بفضل ربنا أولاً طبعاً و بعد كده اختى

الكبيرة هى اللى شالتنى انا و ماما و بابا .. لحد دلوقتى ..

عماد : آهاا .. غريبة انك منحرفتش !!

محمود : اقوله ايه يقولى ايه ؟ :))

" فالله خير حافظاً و هو أرحم الراحمين "

ماشى ؟؟

عماد : هه .. آآه .. و نعم بالله .. تعرف ده انا ابويا اللى يسامحه مطرح ماهو

قاعد هو السبب فى كل اللى انا كنت فيه ده .. عمرى ما شوفت منه حنية

او اهتمام ولا كأنه ابويا و مكتوب بإسمه فى شهادة الميلاد ..

علطول ضرب ضرب ضرب مفيش اى تفاهم بينى و بينه .. عمره ما كان

بيسمعنى , عمرى ما حسيت انه فاهمنى او حاسس بيا ..

تقولش ابن حرام ؟؟ بس انا قولت اعكنن على نفسى ليه ؟؟ وانا لسة فى عز

شبابى ما اشوف حياتى و اعيش .. حاكم انا لو كنت فضلت مع ابويا ده كان

زمانى ميت بحرقة الدم .. ابويا طلّق امى من زمان .. عمرى ما شوفتهم

متفاهمين علطول كانوا بيتخانقوا ادامى كان ابويا بيضرب امى و بيطردها من

البيت حتى لو كنا نص الليل .. و لو كنت ادافع عن امى كنت اتضرب

و اتطرد معاها .. بس امى كانت حنينة اووى عليا .. بس برضو حنيتها

الزيادة دى و طيبتها اللى ودتنى فى داهية عمرها ماكنات بتسألنى رايح فين

و جاى منين ؟؟ او واخد الفلوس دى هتعمل بيها ايه ؟

برضو عمرها ما سألتنى مصاحب مين و بتخرج مع مين ؟؟

هو بس كان كل همها انها تخلينى مبسوط كانت بتحاول تعوضنى عن حنان

الأب ورعايته , مكنتش تعرف انها بكده بتدمرنى انا ..

انا مبلومش عليها .. انا بحبها .. بس الطريقة غلط .. ابويا هو السبب فى ده

كله .. مكنتش اشوفه إلا كل شهر و هو بيدى امى الفلوس .. كأنه بيمنّ

علينا .

بزمتك واحد زىّ عاوزه يطلع إيه ؟؟

إمام مسجد مثلاً ؟ :)

محمود : احنا مش لازم نجيب العيب كلـه على الظروف يا عماد !!

انا هتكلم معاك بصراحة ..

انت بإيدك كنت تمشى فى الطريق الصح , و بإيدك تمشى فى الطريق الغلط ..

ربنا خلقنا و انعم علينا بنعمة العقل .. لازم نستخدمه و إلا هيبقا إيه الفرق

بيننا وبين اى مخلوق تانى ؟

ربنا خلق جوانا الإرادة . خلق جوانا الثقة بالنفس , خلق جوانا العزم

و الإصرار .. احنا لو مستخدمناش الحاجات دى فيما يُفيد طبعاً أكيد مصيرنا

هيبقا ضياااع ..

كان بإيدك انت تقرر انت عايز تبقا ايييه ؟؟

عايز تبقا صايع و ضايع ولا شاب ملتزم محترم الكل يعمله ألف حساب ..

انا مبقولش إن الظروف ليها عامل كبير فى حياتنا , بس مش هى اللى هتأثر

فيها ,, إحنا اللى هنأثر فيها ...

و طبعاً إحنا لا حول لنا ولا قوة .. كل شيئ فى نظرك مستحيل تقدر تحققه

بكلمـة ( ياااارب ) واحدة بس طالعة من قلبك ..

الموضوع بسيط خالص ولا معقد ولا حاجة .. المهم ( إنت عايز تبقا إيه ؟ )

عماد : انا عايز آكل هههههههههه ايه يا عم مش انت عازمنا هنا على الغدا

ولا رجعت فى كلامك ؟!

محمود : لا يا سيدى .. انا اقدر برضو ده انتوا تاكلونى

يللا بينا ناكل و نكمل كلامنا بعد الغدا ..

على : طب و الفاكهة و الشاى ؟؟

محمود : ده انتوا داخلين على طمع بقا :))



المشهد الثانى


الأم : فووووووزية !! انتى يا بت ..

فوزية : نعم يا حآجة ..

الأم : عارفة ام سامح؟؟ جارتنا اللى فى العمارة التانية ؟

فوزية : آه مالها ؟؟

الأم : جاتلى النهارده و طلبت ايديكى لإبنها " سامح " ده بشمهندس اد

الدنيا و هو دلوقتى مسافر الإمارات يكوّن نفسه و كده و هيرجع كمان

شهرين .. و كانت بتقولى نعمل الخطوبة اول ما ييجى البشمهندس .. ايه رأيك ؟؟

فوزية : ايه ده كله ؟ ايه ده كله ؟؟ ده ناقص تجوزونى كمان و بكره تقولولى

جبنالك العيال بالمرة اهو توفروا عليا ..!!

الأم : بت انتى بلاش لماضة !

فوزية : خطوبة ايه دلوقتى يا يا ست الحاجة لما اكمل دراستى الأول .. ابقا اشوف الحورات دى .

الأم : ياختى اللى فى سنك بيتجوزوا ..

فوزية : ده عندكم فى الأرياف , إنما هنا مفيش جواز إلا بعد اما البنت تكمل دراستها ..

الأم : هنا ولا هناك مفيش فرق , بقولك اييه انا خلاص اديت كلمة لأم

سامح و كلمتى متنزلش الأرض ابدااا ..

فوزية : يادى البلاوى اللى بتتحدف عليا .. يا ستى انا لسة مخلصتش الثانوية

العامة عيزانى اتخطب ؟؟

الأم : يوووووه انا قلبى بيوجعنى من المناهدة معاااكى يا شيخة , انا هكلم

ابوكى يشوفلك حل عشان انا تعبت ..

فوزية : يُستحسن برضو !



المشهد الثالث


محمود : ايه رأيكم فى القعدة الحلوة دى بقا ؟؟

عماد : محسسنى انك أخدتنا شرم الشيخ ولا الغردقة . دى بلكونة بيتكم يابنى



على : ياض انت علطول كلامك دبش كده .. ما تحاسب شوية ..

محمود : ههههههههه ياعم سيبه ده عماد ده حبيبى :)

على : خلاص اطلع انا منها بقا :d

محمود : آه صحيح من ساعة ما قعدنا مسمعناش صوتك يا عم " على "

ما تقولنا حاجة كده :)

على : ايه اغنيلكم مثلاً ؟

محمود : لا يا ظريف احكى .. فضفض , قول اى حاجة .. بس من غير غناء

لحسن شبابيك البيت مش مستحملة و الجيران بيناموا بدرى

على : اتريق اتريق مانتوا مش حاسيين مين اللى قاعد معاكوا :))

انا يا سيدى مش هقولك ان حالى زى حال عماد .. انا ابويا و امى عايشين

مع بعض و الأسرة إلى حد ما متماسكة ..

بس المشكلة فى ( طريــقة التعامل )

يعنى محدش قالى الصح من الغلط رغم ان الحاجات دى بديهيه بس لما كنت

بعمل الغلط ألاقى الخرزانة على دماغى و محدش كانت بيرشدنى للصح ..

كانت التجارب هى اللى بتعرفنى و بتفهمنى .. ابويا راجل كبير و تعبان و امى

شايلة البيت على دماغها ..

كل هم ابويا انه يجيب فلوس يصرف علينا و بس .. يعنى مادام المصروف

موجود و الأكل موجود .. يبقا كده مسئوليته انتهت بالنسبة له ..

نفس الكلام امى .. طالما غسلت هدومنا و روقت الشقة و عملت الأكل

,, برضو مهمتها انتهت ..

نسيت انى محتاج اكتر من هدوم مغسولة و مصروف و اكل جاهز .. نسيوا انى

محتاج لحد يفهمنى و حد يكون صاحبى ..

من و انا صغير كنت اشوف كل العيال معاهم آباهاتهم و امهتاتهم بيلاعبوهم

و بيذاكرولهم و كأنهم ( أصدقاء ) ..

كنت بحسدهم اوووى .. كان نفسى ابويا و امى يكونوا زيهم ..

على الأقل فى أسلوب التعامل ..

تعرف يا محمود انت و عماد ... معاملة ابويا ليا دلوقتى زى معاملته ليا و انا

عندى 6 سنين مفيش اى اختلاف ..

كنت دايماً حاسس انى مليش أب .. المفروض أبويا ده يكون صاحبى ,,

لما يكون جمبى أحس بالأمان .. لكن انا كنت بحس عكس ده خااالص ..

مش عارف بقا العيب من مين ؟؟ زى ما قولت يا حودة اكيد احنا كمان علينا

مسئولية كبيرة على اللى وصلنا ليه مش بس ابهاتنا و امهاتنا ..

بس انا حاسس انى فعلاً عايز اتغير و ابقا إنسان كويس ...

بس معرفش ازاااااى ؟؟؟؟




و نكمل الحلقة الجاية ان شاء الله :)

بسم الله الرحمن الرحيم .

و انا زى ما قولت انا مشغول جدا فا مش هقدر هنسق الموضوع ده كمان معلش .

صلى على النبى .


(( الحلقة التاسعة ))



المشهد الأول ...

فى بلكونة " محمود "

محمود : جميييل كلامك يا " على" و انا حاسس فعلاً إنك عايز تتغير ..

بس تفتكر التغيير ده هيكون إزاى , او إنت عايز تغير إيه فى نفسك ؟؟

على : اممممم ,,, مش عارف .. بس اهو اى حاجة وحشة انا بعملها عايز

ابطلها و خلاص !

محمود : طب برضو ليه عايز تتغير و علشان ميين ؟؟

على : عايز اتغير علشان انا تعبت من نفسى و زهقت , ممكن التغيير اللى انا

بدور عليه ده يكون سبب سعادتى ؟؟ مش عارف بس انا جربت كل الطرق

إلا طريـق ( ربنـا ) و انا شايفك علطول " منشكح " كده و سعيد مع إن

ظروفك منيلة بنيلة فأكيد فى حاجة يعنى مخليلاك زى ما عماد بيقول

" كائن فضائى عجيب " هههههه

فأنا عايز ابقا زيّك كده ,, حاسس إنك راضى بحالك مع إنى لو منك ....

محمود : متكملش يا عم .. رضايا ده مش بإيدى ولا عشان انا " قوى "

و لا اى حاجة , دى نعمة من ربنا علىّ انا لا حول لى ولا قوة إلا بالله ,

تعرف انا من غير إستعانتى بربنا سبحانه و تعالى و اللجوء ليه كان زمانى فى

الأحداث ولا مشرحة زينهم دلوقتى و برضو ده مش " بشطارتى " ده

فضل من ربنا علىّ "

فاهم اللى انا بقوله ولا الأكل أثر على التركيز ..

عماد : يا سيدى محسسنا إنك آكلتنا خروف و ديك رومى , ده هما شوية

محشى

محمود : خلاص متبقاش تيجى تاكل هنا تانى لحسن هرش مية

على : هههههههه عاملين زى توم و جيرى :)

محمود : يا عم " على " فاهم اللى انا بقوله ؟

على : نوعاً ما يعنى .. اصله كلام اول مرة اسمعه , بس شكله طالع من قلبك

يمكن بعد ما أهضم افهم الطلاسم دى ؟! ..

محمود : انت كده هتحتاج دروس خصوصية عندى :))

عماد : و انا كمان احجزولى معاكوا يمكن افلح السنة دى

محمود : لا إله إلا الله يا بنى مقصدش دروس فى المذاكرة و كده لأ ,

ده تعبير مجازى يعنى عن إن " على " محتاج يقعد كتير معايا علشان يفهم

الطلاسم

اللى بيقول عليها دى ... بقولك إيه إذا كان " على " محتاج دروس خصوصية

فإنت محتاج " كورس " بحااله

عماد : بص انا معاكوا فى اى حاجة و خلاص ..

على : و انا كمان , طب قولى ابدأ ازااى ؟؟

محمود : جينا فى المفييييد , بص يا cd أول حاجة خااالص زى ما قولتلك فى

الأول " المواظبة على الصلااااة " .. صحيح بتواظب عليها ولا لأ ؟

على : نوعاً ما يعنى !

محمود : كل اما اسألك حاجة تقولى " نوعاً ما يعنى " , الشريط سفّ ولا إيه

؟؟ :))

لا بجـــد بقا انت إن مواظبتش على الصلاة هجيبك عندى و اضربك

بالفلكــة عشان تتأدب , ده إلاااااااا الصلاة يا " على " ..

خد اقرأ الكتيب ده هيفيدك اوووى ان شاء الله


http://www.silkroad4arab.com/vb/show....php?p=4683119


صحيييح قرأت " خليك أسـد " ولا برضو هتقولى ( نوعاً ما يعنى ) ؟ :)

على : لالالا قرأته متقلقش و عجبنى اوووى , و هقرأ ده ان شاء الله

شكراً يا حودة :)

محمود : يعنى حكاية البنات دى خلاص اطمن يعنى ؟؟

على : نوعاً ما يعنى هههههههه

محمود : الواد ده هيجننى يا عااالم ..

على : والله بحاااااااااااااااااااول , بحااااااااااااول بقا يا عم و اكيد لما أواظب على

الصلاة هيباق الموضوع أسهل بالنسبة لى .. صح ولا إيه ؟؟

محمود : آه اكييييييد , الصلاة هى حل لكل المشاكل و كفارة لكل الذنوب ...

الرسول صلى الله عليه و سلم قال " أَرَأَيْتُمْ لَوْ أَنَّ نَهْرًا بِبَابِ أَحَدِكُمْ يَغْتَسِلُ

كُلَّ يَوْمٍ خَمْسَ مَرَّاتٍ ، هَلْ يَبْقَى مِنْ دَرَنِهِ شَيْءٌ ؟ " . قَالَ : " فَذَلِكَ مَثَلُ

الصَّلَوَاتِ الْخَمْسِ ، يَمْحُو اللَّهُ بِهِنَّ الْخَطَايَا "

على : عليه الصلاة و السلام ..

حاضر أوعدك انى خلاص من النهارده مش هيفوتنى فرض إن شاء الله ..

محمود : ربنا يعينك ياارب :) هدعييلك كتير بإن ربنا يهديييك يا " على "

على : يااارب يا اخويا ياااارب ..





محمود : شكل عماد المحشى عمل معاه شغل , متنح كالعادة :)

عماد : لالا أصل الكلام عجبنى يعنى ..

محمود : طب هااا انت كمان هتواظب على الصلاة ولا احضر الفلكـة من

دلوقتى ؟؟

عماد : يا عم فلكة إيه , خلاص ان شاء الله اواظب عليها و ادعيلى معاااك يا

حودة :)

محمود : يعلم ربنا إنى بدعيلكم علطول وإنكم زى اخواتى بالظبط :)

عماد : ده العشم برضو

على : طب صلاة الفجـر , اعمل فيها اييه ؟؟

محمود : تصحى من النوم و تصلى يا حدق .. هيبقا صعب عليك فى الاول

بس صدقنى بعد كده هتحس برااااحة جميييلة و طمأنينة كده :)

انت عارف إن الركعتين اللى قبل الفجر دول " خير من الدنيا و ما فيهااا "

و إنك لما تصلى الفجر فى جماعة انت كده بتبقا فى ذمـة " الله "

يعنى محدش هيقدر يقرب منك يا سيييدى .. انت فى ذمـة ربناااا ..

حد يضيع الفضل ده و ينام ؟؟

ده يبقا عبيط بقا لا مؤاخذة

بص ادينى رقمكم انتوا الجوز , هصحيكم يعنى هصحيكم إن شاء الله :)

على : ماشى يا حودة .. كده خلاااص اتفقنا ..

عماد : ايوه كده تماام ..

>> الله أكبــر , الله أكبــر <<

محمود : آذان المغرب أذن , يللا بينا يا شباب بقا نتوضى و ننزل نصلى جماعة

فى المسجد .. ايه رأيكم ؟؟

على : ماشى يللا بييييييينا :)




و نزل " على " و " عماد " و " محمود " المسجد و ولحقوا الصف الأول

كمان ... صلاة عماد و على ... مكنتش متظبطة اوى و كان فيها اخطاء

و كذلك كان فيه أخطاء فى الوضوء ..

محمود بعد الصلاة قعد معاهم و علمـهم كل حاااجة من الألف إلى الياء فى

الوضوء و الصلاة ...

لحد اما أذان العشاء أذن .. و صلوا جماعة و المرة دى صلوا صـح :)

و من المسجد طلع " على " و هو حاسس بفرحــة , لأن دى كانت أول

مرة يصلى و يتعلم فيها الصلاة الصح و كذلك " عماد "

خرجوا و هما حاسيين بحلاوة فى قلبهم .. كان إحساس جمييل أول مرة يحسوه

و أول مرة يدوقوه .. قرروا انهم عايزين من الإحساس الجميل ده 5 مرات فى

اليوم :)

قرروا إنهم خلاااص هيمشوا فى طريـق ربنا .. لأنهم دلوقتى عرفوا إن هو

طريـق ( السعـــادة ) و هما كانوا نفسهم يدوقوا السعااادة دى من زمان

,, هما جربوا كل حاجة بس مفيش حاجة نفعت ...

مجـرد ما دخلوا المسجد و صلوا المغرب و العشاء .. حسوا انهم أخييييراً لقوا

" القشاية " اللى هيتعلقوا بيهـــا لأنهم كانوا فعلاً " غرقانين فى بحـر

المعاصى و الشهوات .."

دى كانت البداية لـ " عماد و على "



هنشوف هيكملوا إزاى طريقـهم بس فى المرة الجاية ان شاء الله :)

اولا : بسم الله الرحمن الرحيم

ثايا : صلى على النبى .

ثالثا : اعتذر على التاخر لانى حقا حقا مشغول و مازلت مشغول فاعذرونى .

هنزل باذن الله حلقتان ورا بعض تابع معيا و معلش مش ههقدر انسق المضووع برده .

http://www3.0zz0.com/2013/04/25/08/707956485.png
( الحلقة العاشرة )

المشهد الأول ..


الحاج : ايه يا " على " يابنى اللى شقلب حالك كده ؟؟ بقيت اشوفك تصلى يعنى و بتنزل

الجامع كمان و بتقوم من عز نومك عشان تصلى الفجر !!


على : ايه يا حاج انت هتحسدنى ولا إيه ؟؟ ماتقول ( ربنا يثبتنى ) و خلاص

الحاج : ربنا يهديك يابنى كمان و كمان آميين ..

فوزية : ههههههه مش مصدقة انا الحوار ده , كلها يومين يا عم و هترجع ريما لعادتها

القديمة و بكره تقول فوزية قالت :)

على : اطلعى انتى منها و ملكيش دعوة بيا , ثم انتى ايه اللى لبساه ده ؟!!

فوزية : ايه فى ايه ؟؟

على : لبسك ضيق اوووى يا هانم , و إيه البنطلون ده !! انتى يا بت روحى غيرى اللبس

ده و إلا مش هتنزلى من البيت !

فوزية : جرى يا عم الشيخ بالراحة علينا شوية , انت داخل حامى كده ليه , ما احنا كنا

كويسين مع بعض ..

على : بقولك إيه روحى غيرى الهدوم دى احسنلك !

فوزية : يادى النيلة عليا و على سنينى , الواحد طهق من ام البيت ده .. يا ساااااااااااااااتر .

الحاج : ما تحترمى نفسك يا بت انتى و روحى اسمعى كلام اخوكى و غيرى المسخرة

اللى انتى لبساها دى !

فوزية : ده انتوا الاتنين عليا بقا !!

على : اتأدبى و انتى بتتكلمى مع ابوكى يا مفعوصة الرقبة !

فوزية : انا مش هكتر فى الكلام معاك لأنى عارفة إنى مش هخلص فى ليلتى دى ..

حاجة تقرف ..

و نزلت " فوزية " و هى نازلة قابلها ( سامح ) فاكرينه ؟

سامح : اهلاً و سهلاً آنسة فوزية :)

فوزية : اهلاً يا اخويا . ايه عايز ايه ؟؟

سامح : لا ابداً كنت بسلم بس و يعنى كنت عايز اعرف رأيك فى الموضوع اللى والدتى

كلمت والدتك فيه ؟؟

فوزية : لسة مش دلوقتى ريح نفسك , لو فى حاجة انا هقول لأمى تقول للست والدتك ..

و بعدين الناس بتبص علينا , يللا سلام ..

و مشيت فوزية لحد آخر الشارع و كان " رامى " مستنيها هناك !!

و قدراً كان " سامح " موجود هناك , شاف فوزية واقفة مع " رامى "

و لقاهم بيضحكوا مع بعض و بيهزروا و مشيوا مع بعض !!




المشهد الثانى

سامح : ماما , ماما شوفتى الناس اللى انتى عايزة تدبسينى فيهم ؟؟

الحاجة : ناس إيه يابنى و تدبيسة إيه ؟؟ فهمنى !

سامح : الست هانم , ربة الصون و العفاف اللى اسمها " فوزية " شوفتها واقفة مع واحد

على اول الشارع و واضح كده انهم مأنتميين >> يقصد " منتنين " <<

الحاجة : يا نهااااار ابيض !! ليه كده بس ده الست امها كُمـل و ابوها كمان .. بقا على آخر

الزمن البت دى اللى تجيب راسهم التراب ؟؟

سامح : طب احنا كده الحمد لله عرفنا الحقيقة قبل ما الفاس تقع فى الراس .. انتى ناوية

على إيه يا حاجة ؟؟

الحاجة : ناوية على إيه ؟؟؟

البنت دى لازم تتأدب و ابوها و امها يعرفوا علشان تحرم تأنتم تانى !!





المشهد الثالث



فى المدرسة الثانوية ..


محمود : علــــى .. حبيبى إيه اخبارك واحشنى يا عم


على : الحمد لله انا تمااام يا حودة , انت عامل ايه ؟ و الدك و والدتك عاملين إيه ؟


محمود : آه الحمد لله بخيــر , بيسلموا عليك :)

على : الله يسلمك و يسلمهم ..


محمود : إيه اخبار الصلاة ؟؟

على : الحمد لله لحد دلوقتى ماشى حلو اووى , ادعيلى انت بس مرجعش تانى , لحسن

فى كل حتة يقولولى " كلـهم يومين و ارجع " !!

محمود : انت مالك انت و مال الناس يا عم الحاج ؟؟ كلام الناس لا بيقدم ولا بيأخر و ولا

بيودى ولا بيجيب , لو سمعت لكلام الناس هيجبوك للوراء , عمرهم ابداً ما هيخلوك تتقدم

ولا خطوة حتى .

ملكش انت دعوة بيهم و شيل كلامهم ده من دماغك ولا يأثر فيك بكلمة واحدة , خليك

واثق فى ربنا طالما رجعتله و توبت إليه , لـــن يُضيعك ابدأ ابداً ... انت اللى على حـق يا

" على " ولا زم تثبت .. اتقفنا ؟؟

على : ربنا يستر :) , اهو الواد " عماد " جه اهو ..

عماد : هاااااااااااى يا شباب .. إيه الأخبار ؟؟

محمود : و عليكم السلام ورحمة الله و بركاته

عماد : ماله ده ؟! ^_^

محمود : مليش يا سيدى , بس كنت عايزك متقولش ( هااااااى ) دى تانى و تخليها سلام

عليكم احسن , حتى هتاخد 10 حسنات :)

عماد : امممم , ماشى اتفقنا :)

محمود : ها عامل إيه بقا ؟؟

عماد : ماشى الحال الحمد لله بس الصلاة لسة مش مواظب عليها اووى يعنى بجمع

صلاتين و يمكن تلاتة مع بعض !

محمود : لا إله إلا الله !! , ليه كده بس يا واد ؟؟ يعنى اجيب الفلكة ؟

عماد : ببقا نايم يا حودة و الله ..

محمود : النوم مش عذر ابداً لتضييع الصلاة , ما كلنا بننام هو انتى لوحدك اللى بتنام ؟؟

ظبط المنبه بتاعك على اوقات الصلاة و تصحى و تقاوم نفسك .. و بعدين انت لاااازم

تعاقب نفسك على فوات الصلاة ده , علشان تحرم تضيعها تانى ..

عماد : قولى اعمل إيه و انا إيدى على إيدك يا عم :)

محمود : انت معاك مصروف ؟

عماد : آه معايا 10 جنيه دلوقتى , لو عايزنى اسلفك .. بس هديهوملك عشرة و ترجعهم

15 إيه رأيك فى الصفقة دى ؟؟

محمود : نهااااااااااااااارك مش فايت , إيه اللى انت بتقوله ده يخربيت شيطانك ؟؟!

انت عملت الحكاية دى كام مرة ؟؟

ده رباااااااااااا و حرااااام ,

عماد : يالهووووى , يعنى انا فلوسى حرام و باكل حرام , الله يخربيت الشيطان ..

محمود : اوعى تعمل الحركة دى تانى لحسن والله هأدبك ..

عماد : حاضر يا عم خلااص توبة ... كنت عايز ال 10 جنيه فى ايه ؟؟

محمود : هاتها ..

عماد : اتفضل ..

محمود راح اداها للدادة اللى كانت فى الحوش و قالها غن دى من عماد .. فرحت اوى

و فضلت تدعى لهم ..

عماد : ايه اللى انت عملته ده !! ده تحويشة عمرى يا شيخ منك لله ..

محمود : ههههههه ماشى ادعى عليا ادعى ,, ده عقاب ليك علشان متأخرش الصلاة

تانى و كل مرة من ده بقا إنت متعدلتش :)

و بعدين إيه ال 10 جنيه اللى تحويشة عمرك دى .. اللى يشوفك يقول

عليك " رجل أعمال " يعنى

عماد : ده استايل بس يا عم , البرستيج بتاعى يعنى

محمود : ايوه ايوه , عارف انا البرستيج ده :)

على : انا كده عمرى ما هجمع صلاتين مع بعض , انا بقا تحويشة عمرى 7جنيه و نص :))

محمود : ههههههههه قال و انا اللى طمعان فيكوا تغدونى النهارده , لحسن اختى

مسافرة و شكلى هقضيها فول و طعمية

على : انت تؤمر والله يا حودة ,,, غداك عندى النهارده ,,

عماد : و بالنسبة لى يعنى , انا اللى طلعت من قعر القفة

على : يا سيدى انت و هو على دماغى من فوق و هنتغدى كلنا عندى النهارده ان شاء

الله :)

محمود : ربنا يكرمك يا على ياارب ^^




و نكمل الحلقة الجاية إن شاء الله , و هنشوف إيه اللى هيحصل مع " فوزية " !.

.................................................. .................................................. ............................


( الحلقة الحادية عشر )




المشهد الأول ..

ام سامح : ازيك يا ام على ؟؟ عاملة ايه ياختى وحشاانى والله :)

ام على : الحمد لله ماشى الحال , ازيك انتى ؟؟

ام سامح : نحمده على كل حال .. إلا هى فوزية فين ؟؟

ام على : فوزية خرجت راحت الدرس !

ام سامح : و بترجع امتى ؟؟ و هى خرجت مع مين ؟؟

ام على : ايه الأسئلة الغريبة دى يا ام سامح ؟؟ فى ايه هاتى من الآخر انتى عرفانى

مبحبش اللف و الدوران !!

ام سامح : بصى بقا انتى صاحبتى و حبيبتى و جارتى من زمان وا للى يمسك يمسنى

و اللى يضرك يضرنى , شوفى بقالنا جيران اد ايييه ؟؟ فلو واحدة فينا شافت اللى يضر

التانية اكيد مش هتتردد تقولها ولا إيه رأيك ياختى ؟؟

ام على : اكييد طبعاً يا ام سامح .. فى ايه بس قلقتيينى ؟؟

ام سامح : بصراحة ربنا كده .. ابنى سامح من يومين شاف فوزية و هى ماشية مع ولد

كده و ماشيين مع بعض و حتى كان ماسك ايدها !!

ام على : ايه اللى انتى بتقوليه ده يا ام سامح ؟؟ انا بنتى تعمل كـــــــــــــده !!

انتى يا ست انتى بتفترى علينا و جاية ترمى بلاويكى علينا ولا ايه ؟؟ و انا اللى بقول

عليكى صاحبتى و حبيبتى !!

ام سامح : لا إله إلا الله ؟؟؟ و انا هفترى عليكى ليه يكونش بينى و بيك تار و انا معرفش !!

بقا انا خايفة عليكى و على سمعة بنتك اللى قريب هتبقا على سيرة كل لسان و جاية

احذرك و اقولك عشان تحوطى عليها قبل ما الفاس تقع فى الراس تقومى انتى داخلة

فيا شمال كده ؟؟ مكنش العشم يا ام على !!


ام على : فاس إييييييييه ؟؟ و راس اييييه ؟؟ انا بنتى تعمل كده !! ده انا مربياها احسن تربية !!

ام سامح : حوطى عليها زى ما قولتلك , و عموماً انا مش زعلانة منك عشان عارفة انك

متعصبة , يلاا فوتك بعافية ..



ام سامح مشيت من هنا , و ام على دماغها لفت من هنا , حست ان تعبها فى بنتها

رااااااح ان بنتها حطت راسها فى التراب , مبقتش عارفة تعمل ايييه ؟؟

تقول للحاج اللى تعبان و عندجه القلب و لو عرف حاجة زى دى الله اعلم ممكن يروح

فيها ؟!! ولا تقول ل " على " اللى برضو لو عرف مش هيسكت على " فوزية "





و فجــــــــــــــــــأة ..


الحاج دخل من باب البيت و قفله وراه جااامد جداً ..

الحاج : انا سمعت كل كلمة قالتها الست ام سامح !! انتى السبب فى ده كــله .. انتى

السبب فى ضياع البنت و فساد أخلاقها !! انتى السبب فى كل مصيبة فى حياتنا ..


الأمهات كلها بتبقا حنينة على اولادها و انتى طول عمرك قاسية عليهم .. شتيمة و ضرب

و عدم ثقة لحد اما العيال طهقوا و زهقوا و قرفوا من عيشتهم ..


ملقوش الحضن الحنين اللى يلجأوا ليه فى شدتهم , ملقوش الكلمة الطيبة اللى يداووا


بيها محنتهم .. ملقوش الأم اللى لازم يلاقوها فاتحة دراعها ليهم .....


ام على : انت جاى تلومنى دلوقتى ؟؟؟ هو انا لوحدى اللى خلفت العيال دى ؟؟

هو انت

مش ابوهم , و لا انا هشتغل ورديتين .. هبقا الام و الأب فى نفس الوقت ..


انت هترمى كل الحمل عليا .. و انت ملاك مرتكبتش اى خطأ فى حقهم ؟؟


طول عمرك فاكر ان دور الأب بينتهى بمجرد انه يدى ست البيت المصروف اول الشهر ,

اقصد الشغالة مش ست البيت !!

نسيت ان الأولاد محتاجينك زى ما محتاجينى ,, محتاجين اب يحن عليهم وقت اما اقسو

انا عليهم , محتاجين اب يقسو عليهم وقت ما احن عليهم .. عمر ما كان فى توازن فى

حياتنا .. عمرنا ما كنا متفاهمين ,, و انت السبب !! مش انا لوحدى ..


الحاج : انتى عاوزة ايييييه اكتر من بيت عايشة فيه و مصروف اول كل شهر ولا بخليكوا

تتحوجوا لحد ولا تمدوا اديكم لحد , يبقا ده جزاتى فى الآخر ... انا دلوقتى المقصر و الأب

القاسى اللى العيال بيخافوا منه ؟؟

ام على : انت طول عمرك بتعاملنا على اننا زى الكرسى ده .. حتة جماد من غير إحساس !!!

فاكر ان كل المطلوب منك مجرد الفلوس و بس ؟؟

لييييييييه يا شيخ ؟؟ حرااام عليك بقااااا , اتقى الله فيا .. عايشة معاك ومستحملة

اسلوبك الغلط فى غلط و جاى فى الآخر ترمى كـــل حاجة عليا انا !!!

انا عمرى ما اتكلمت معاك ولا كنت بفتح بؤى بكلمه , كنت خايفة على صحتك .. خايفة

عليك لتروح منى ! و انت مفيش اى احساس ولا مراعاة لشعورى ؟؟


عمرى ما حسيت انك بتعاملنى كإنسانة !! ولا حتى اولادك .. طول عمرهم يشتكولى


منك !! انهم محسوش قبل كده إنك ( أبـــــوهم )


طب انا اعمل ايييييه ؟؟ قولى اعمل ايييه ؟؟

لو انت مكانى و عليك الهم ده كله هتعمل ايه ؟؟

ازاى هجمع ما بين حنية الام و شدة الأب فى نفس الوقت ؟؟

ما اكيييد حاجة من الأتنين هتغلب عليا !!

انت طول عمرك فاكر إنك صح .. و احنا غلط ..

عايش لسة فى أيام " سى السيد " اللى مبيغلطش ابداً , كل اللى حواليه يغلطوا إلا هو ..

الحاج : دلوقتى بقيت انا اللى وحش !!

دلوقتى انا اللى ضيعت العيال ؟؟

الكلام دلوقتى مفيش منه فايدة خلاااص !!

المهم اننا ننقذ اولادنا من المجتمع اللى بقا كل حاجة فيه خطر ..


فوزية ........

انا هشوفلى صرفة معاها , انا هأدبها بطريقتى , انا همشيها على العجين متلغبطوش ..

ام على : هتستعمل الشدة تاااااانى ؟؟

طول عمرك بتستعمل الشدة مع " على" ,, و تقول انك عايز تخليه راااجل ملوى هدومه ,

عمرك ما فهمته الصح فين و الغلط فين , بس لما كان بيغلط كنت بتديله على قفاه ..

عمرى ما شوفتك حنين عليه ابداً و اهى آخرتها انه وصل لطريق الإدمان , بس لولا ستر

ربنا كان زمان ابننا ضااع ..

لسة عايز تستعمل الشدة مع فوزية ؟؟


عايز البنت تطفش مننا و منعرفلهاش طريق ؟؟


الحاج : اومال عوزانى اعمل ايه يعىن اطبطب عليها و اخدها فى حضنى و اقولها


معلش يا بنتى سامحينى حقك عليا ؟؟؟


ام على : هو يا كده يا كده ؟؟؟ معندكش وسط خاالص ؟؟

الحاج : فهميينى عايزة توصلى لإيه ؟؟


ام على : سيبلى انا الموضوع ده ! انا هتصرف معاها ..




و نكمل الحلقة الجاية ان شاء الله :)

اولا : بسم الله الرحمن الرحيم

ثايا : صلى على النبى .

ثالثا : اعتذر على التاخر لانى حقا حقا مشغول و مازلت مشغول فاعذرونى .

هنزل باذن الله حلقتان ورا بعض تابع معيا و معلش مش ههقدر انسق المضووع برده .

http://www3.0zz0.com/2013/04/25/08/707956485.png
( الحلقة العاشرة )

المشهد الأول ..


الحاج : ايه يا " على " يابنى اللى شقلب حالك كده ؟؟ بقيت اشوفك تصلى يعنى و بتنزل

الجامع كمان و بتقوم من عز نومك عشان تصلى الفجر !!


على : ايه يا حاج انت هتحسدنى ولا إيه ؟؟ ماتقول ( ربنا يثبتنى ) و خلاص

الحاج : ربنا يهديك يابنى كمان و كمان آميين ..

فوزية : ههههههه مش مصدقة انا الحوار ده , كلها يومين يا عم و هترجع ريما لعادتها

القديمة و بكره تقول فوزية قالت :)

على : اطلعى انتى منها و ملكيش دعوة بيا , ثم انتى ايه اللى لبساه ده ؟!!

فوزية : ايه فى ايه ؟؟

على : لبسك ضيق اوووى يا هانم , و إيه البنطلون ده !! انتى يا بت روحى غيرى اللبس

ده و إلا مش هتنزلى من البيت !

فوزية : جرى يا عم الشيخ بالراحة علينا شوية , انت داخل حامى كده ليه , ما احنا كنا

كويسين مع بعض ..

على : بقولك إيه روحى غيرى الهدوم دى احسنلك !

فوزية : يادى النيلة عليا و على سنينى , الواحد طهق من ام البيت ده .. يا ساااااااااااااااتر .

الحاج : ما تحترمى نفسك يا بت انتى و روحى اسمعى كلام اخوكى و غيرى المسخرة

اللى انتى لبساها دى !

فوزية : ده انتوا الاتنين عليا بقا !!

على : اتأدبى و انتى بتتكلمى مع ابوكى يا مفعوصة الرقبة !

فوزية : انا مش هكتر فى الكلام معاك لأنى عارفة إنى مش هخلص فى ليلتى دى ..

حاجة تقرف ..

و نزلت " فوزية " و هى نازلة قابلها ( سامح ) فاكرينه ؟

سامح : اهلاً و سهلاً آنسة فوزية :)

فوزية : اهلاً يا اخويا . ايه عايز ايه ؟؟

سامح : لا ابداً كنت بسلم بس و يعنى كنت عايز اعرف رأيك فى الموضوع اللى والدتى

كلمت والدتك فيه ؟؟

فوزية : لسة مش دلوقتى ريح نفسك , لو فى حاجة انا هقول لأمى تقول للست والدتك ..

و بعدين الناس بتبص علينا , يللا سلام ..

و مشيت فوزية لحد آخر الشارع و كان " رامى " مستنيها هناك !!

و قدراً كان " سامح " موجود هناك , شاف فوزية واقفة مع " رامى "

و لقاهم بيضحكوا مع بعض و بيهزروا و مشيوا مع بعض !!




المشهد الثانى

سامح : ماما , ماما شوفتى الناس اللى انتى عايزة تدبسينى فيهم ؟؟

الحاجة : ناس إيه يابنى و تدبيسة إيه ؟؟ فهمنى !

سامح : الست هانم , ربة الصون و العفاف اللى اسمها " فوزية " شوفتها واقفة مع واحد

على اول الشارع و واضح كده انهم مأنتميين >> يقصد " منتنين " <<

الحاجة : يا نهااااار ابيض !! ليه كده بس ده الست امها كُمـل و ابوها كمان .. بقا على آخر

الزمن البت دى اللى تجيب راسهم التراب ؟؟

سامح : طب احنا كده الحمد لله عرفنا الحقيقة قبل ما الفاس تقع فى الراس .. انتى ناوية

على إيه يا حاجة ؟؟

الحاجة : ناوية على إيه ؟؟؟

البنت دى لازم تتأدب و ابوها و امها يعرفوا علشان تحرم تأنتم تانى !!





المشهد الثالث



فى المدرسة الثانوية ..


محمود : علــــى .. حبيبى إيه اخبارك واحشنى يا عم


على : الحمد لله انا تمااام يا حودة , انت عامل ايه ؟ و الدك و والدتك عاملين إيه ؟


محمود : آه الحمد لله بخيــر , بيسلموا عليك :)

على : الله يسلمك و يسلمهم ..


محمود : إيه اخبار الصلاة ؟؟

على : الحمد لله لحد دلوقتى ماشى حلو اووى , ادعيلى انت بس مرجعش تانى , لحسن

فى كل حتة يقولولى " كلـهم يومين و ارجع " !!

محمود : انت مالك انت و مال الناس يا عم الحاج ؟؟ كلام الناس لا بيقدم ولا بيأخر و ولا

بيودى ولا بيجيب , لو سمعت لكلام الناس هيجبوك للوراء , عمرهم ابداً ما هيخلوك تتقدم

ولا خطوة حتى .

ملكش انت دعوة بيهم و شيل كلامهم ده من دماغك ولا يأثر فيك بكلمة واحدة , خليك

واثق فى ربنا طالما رجعتله و توبت إليه , لـــن يُضيعك ابدأ ابداً ... انت اللى على حـق يا

" على " ولا زم تثبت .. اتقفنا ؟؟

على : ربنا يستر :) , اهو الواد " عماد " جه اهو ..

عماد : هاااااااااااى يا شباب .. إيه الأخبار ؟؟

محمود : و عليكم السلام ورحمة الله و بركاته

عماد : ماله ده ؟! ^_^

محمود : مليش يا سيدى , بس كنت عايزك متقولش ( هااااااى ) دى تانى و تخليها سلام

عليكم احسن , حتى هتاخد 10 حسنات :)

عماد : امممم , ماشى اتفقنا :)

محمود : ها عامل إيه بقا ؟؟

عماد : ماشى الحال الحمد لله بس الصلاة لسة مش مواظب عليها اووى يعنى بجمع

صلاتين و يمكن تلاتة مع بعض !

محمود : لا إله إلا الله !! , ليه كده بس يا واد ؟؟ يعنى اجيب الفلكة ؟

عماد : ببقا نايم يا حودة و الله ..

محمود : النوم مش عذر ابداً لتضييع الصلاة , ما كلنا بننام هو انتى لوحدك اللى بتنام ؟؟

ظبط المنبه بتاعك على اوقات الصلاة و تصحى و تقاوم نفسك .. و بعدين انت لاااازم

تعاقب نفسك على فوات الصلاة ده , علشان تحرم تضيعها تانى ..

عماد : قولى اعمل إيه و انا إيدى على إيدك يا عم :)

محمود : انت معاك مصروف ؟

عماد : آه معايا 10 جنيه دلوقتى , لو عايزنى اسلفك .. بس هديهوملك عشرة و ترجعهم

15 إيه رأيك فى الصفقة دى ؟؟

محمود : نهااااااااااااااارك مش فايت , إيه اللى انت بتقوله ده يخربيت شيطانك ؟؟!

انت عملت الحكاية دى كام مرة ؟؟

ده رباااااااااااا و حرااااام ,

عماد : يالهووووى , يعنى انا فلوسى حرام و باكل حرام , الله يخربيت الشيطان ..

محمود : اوعى تعمل الحركة دى تانى لحسن والله هأدبك ..

عماد : حاضر يا عم خلااص توبة ... كنت عايز ال 10 جنيه فى ايه ؟؟

محمود : هاتها ..

عماد : اتفضل ..

محمود راح اداها للدادة اللى كانت فى الحوش و قالها غن دى من عماد .. فرحت اوى

و فضلت تدعى لهم ..

عماد : ايه اللى انت عملته ده !! ده تحويشة عمرى يا شيخ منك لله ..

محمود : ههههههه ماشى ادعى عليا ادعى ,, ده عقاب ليك علشان متأخرش الصلاة

تانى و كل مرة من ده بقا إنت متعدلتش :)

و بعدين إيه ال 10 جنيه اللى تحويشة عمرك دى .. اللى يشوفك يقول

عليك " رجل أعمال " يعنى

عماد : ده استايل بس يا عم , البرستيج بتاعى يعنى

محمود : ايوه ايوه , عارف انا البرستيج ده :)

على : انا كده عمرى ما هجمع صلاتين مع بعض , انا بقا تحويشة عمرى 7جنيه و نص :))

محمود : ههههههههه قال و انا اللى طمعان فيكوا تغدونى النهارده , لحسن اختى

مسافرة و شكلى هقضيها فول و طعمية

على : انت تؤمر والله يا حودة ,,, غداك عندى النهارده ,,

عماد : و بالنسبة لى يعنى , انا اللى طلعت من قعر القفة

على : يا سيدى انت و هو على دماغى من فوق و هنتغدى كلنا عندى النهارده ان شاء

الله :)

محمود : ربنا يكرمك يا على ياارب ^^




و نكمل الحلقة الجاية إن شاء الله , و هنشوف إيه اللى هيحصل مع " فوزية " !.

.................................................. .................................................. ............................


( الحلقة الحادية عشر )




المشهد الأول ..

ام سامح : ازيك يا ام على ؟؟ عاملة ايه ياختى وحشاانى والله :)

ام على : الحمد لله ماشى الحال , ازيك انتى ؟؟

ام سامح : نحمده على كل حال .. إلا هى فوزية فين ؟؟

ام على : فوزية خرجت راحت الدرس !

ام سامح : و بترجع امتى ؟؟ و هى خرجت مع مين ؟؟

ام على : ايه الأسئلة الغريبة دى يا ام سامح ؟؟ فى ايه هاتى من الآخر انتى عرفانى

مبحبش اللف و الدوران !!

ام سامح : بصى بقا انتى صاحبتى و حبيبتى و جارتى من زمان وا للى يمسك يمسنى

و اللى يضرك يضرنى , شوفى بقالنا جيران اد ايييه ؟؟ فلو واحدة فينا شافت اللى يضر

التانية اكيد مش هتتردد تقولها ولا إيه رأيك ياختى ؟؟

ام على : اكييد طبعاً يا ام سامح .. فى ايه بس قلقتيينى ؟؟

ام سامح : بصراحة ربنا كده .. ابنى سامح من يومين شاف فوزية و هى ماشية مع ولد

كده و ماشيين مع بعض و حتى كان ماسك ايدها !!

ام على : ايه اللى انتى بتقوليه ده يا ام سامح ؟؟ انا بنتى تعمل كـــــــــــــده !!

انتى يا ست انتى بتفترى علينا و جاية ترمى بلاويكى علينا ولا ايه ؟؟ و انا اللى بقول

عليكى صاحبتى و حبيبتى !!

ام سامح : لا إله إلا الله ؟؟؟ و انا هفترى عليكى ليه يكونش بينى و بيك تار و انا معرفش !!

بقا انا خايفة عليكى و على سمعة بنتك اللى قريب هتبقا على سيرة كل لسان و جاية

احذرك و اقولك عشان تحوطى عليها قبل ما الفاس تقع فى الراس تقومى انتى داخلة

فيا شمال كده ؟؟ مكنش العشم يا ام على !!


ام على : فاس إييييييييه ؟؟ و راس اييييه ؟؟ انا بنتى تعمل كده !! ده انا مربياها احسن تربية !!

ام سامح : حوطى عليها زى ما قولتلك , و عموماً انا مش زعلانة منك عشان عارفة انك

متعصبة , يلاا فوتك بعافية ..



ام سامح مشيت من هنا , و ام على دماغها لفت من هنا , حست ان تعبها فى بنتها

رااااااح ان بنتها حطت راسها فى التراب , مبقتش عارفة تعمل ايييه ؟؟

تقول للحاج اللى تعبان و عندجه القلب و لو عرف حاجة زى دى الله اعلم ممكن يروح

فيها ؟!! ولا تقول ل " على " اللى برضو لو عرف مش هيسكت على " فوزية "





و فجــــــــــــــــــأة ..


الحاج دخل من باب البيت و قفله وراه جااامد جداً ..

الحاج : انا سمعت كل كلمة قالتها الست ام سامح !! انتى السبب فى ده كــله .. انتى

السبب فى ضياع البنت و فساد أخلاقها !! انتى السبب فى كل مصيبة فى حياتنا ..


الأمهات كلها بتبقا حنينة على اولادها و انتى طول عمرك قاسية عليهم .. شتيمة و ضرب

و عدم ثقة لحد اما العيال طهقوا و زهقوا و قرفوا من عيشتهم ..


ملقوش الحضن الحنين اللى يلجأوا ليه فى شدتهم , ملقوش الكلمة الطيبة اللى يداووا


بيها محنتهم .. ملقوش الأم اللى لازم يلاقوها فاتحة دراعها ليهم .....


ام على : انت جاى تلومنى دلوقتى ؟؟؟ هو انا لوحدى اللى خلفت العيال دى ؟؟

هو انت

مش ابوهم , و لا انا هشتغل ورديتين .. هبقا الام و الأب فى نفس الوقت ..


انت هترمى كل الحمل عليا .. و انت ملاك مرتكبتش اى خطأ فى حقهم ؟؟


طول عمرك فاكر ان دور الأب بينتهى بمجرد انه يدى ست البيت المصروف اول الشهر ,

اقصد الشغالة مش ست البيت !!

نسيت ان الأولاد محتاجينك زى ما محتاجينى ,, محتاجين اب يحن عليهم وقت اما اقسو

انا عليهم , محتاجين اب يقسو عليهم وقت ما احن عليهم .. عمر ما كان فى توازن فى

حياتنا .. عمرنا ما كنا متفاهمين ,, و انت السبب !! مش انا لوحدى ..


الحاج : انتى عاوزة ايييييه اكتر من بيت عايشة فيه و مصروف اول كل شهر ولا بخليكوا

تتحوجوا لحد ولا تمدوا اديكم لحد , يبقا ده جزاتى فى الآخر ... انا دلوقتى المقصر و الأب

القاسى اللى العيال بيخافوا منه ؟؟

ام على : انت طول عمرك بتعاملنا على اننا زى الكرسى ده .. حتة جماد من غير إحساس !!!

فاكر ان كل المطلوب منك مجرد الفلوس و بس ؟؟

لييييييييه يا شيخ ؟؟ حرااام عليك بقااااا , اتقى الله فيا .. عايشة معاك ومستحملة

اسلوبك الغلط فى غلط و جاى فى الآخر ترمى كـــل حاجة عليا انا !!!

انا عمرى ما اتكلمت معاك ولا كنت بفتح بؤى بكلمه , كنت خايفة على صحتك .. خايفة

عليك لتروح منى ! و انت مفيش اى احساس ولا مراعاة لشعورى ؟؟


عمرى ما حسيت انك بتعاملنى كإنسانة !! ولا حتى اولادك .. طول عمرهم يشتكولى


منك !! انهم محسوش قبل كده إنك ( أبـــــوهم )


طب انا اعمل ايييييه ؟؟ قولى اعمل ايييه ؟؟

لو انت مكانى و عليك الهم ده كله هتعمل ايه ؟؟

ازاى هجمع ما بين حنية الام و شدة الأب فى نفس الوقت ؟؟

ما اكيييد حاجة من الأتنين هتغلب عليا !!

انت طول عمرك فاكر إنك صح .. و احنا غلط ..

عايش لسة فى أيام " سى السيد " اللى مبيغلطش ابداً , كل اللى حواليه يغلطوا إلا هو ..

الحاج : دلوقتى بقيت انا اللى وحش !!

دلوقتى انا اللى ضيعت العيال ؟؟

الكلام دلوقتى مفيش منه فايدة خلاااص !!

المهم اننا ننقذ اولادنا من المجتمع اللى بقا كل حاجة فيه خطر ..


فوزية ........

انا هشوفلى صرفة معاها , انا هأدبها بطريقتى , انا همشيها على العجين متلغبطوش ..

ام على : هتستعمل الشدة تاااااانى ؟؟

طول عمرك بتستعمل الشدة مع " على" ,, و تقول انك عايز تخليه راااجل ملوى هدومه ,

عمرك ما فهمته الصح فين و الغلط فين , بس لما كان بيغلط كنت بتديله على قفاه ..

عمرى ما شوفتك حنين عليه ابداً و اهى آخرتها انه وصل لطريق الإدمان , بس لولا ستر

ربنا كان زمان ابننا ضااع ..

لسة عايز تستعمل الشدة مع فوزية ؟؟


عايز البنت تطفش مننا و منعرفلهاش طريق ؟؟


الحاج : اومال عوزانى اعمل ايه يعىن اطبطب عليها و اخدها فى حضنى و اقولها


معلش يا بنتى سامحينى حقك عليا ؟؟؟


ام على : هو يا كده يا كده ؟؟؟ معندكش وسط خاالص ؟؟

الحاج : فهميينى عايزة توصلى لإيه ؟؟


ام على : سيبلى انا الموضوع ده ! انا هتصرف معاها ..




و نكمل الحلقة الجاية ان شاء الله :)
http://www5.0zz0.com/2013/04/25/08/351680401.png

اولا : بسم الله الرحمن الرحيم

ثانيا : صلى على النبى .
http://www3.0zz0.com/2013/04/25/08/707956485.png


المشهد الأول ..

ام سامح : ازيك يا ام على ؟؟ عاملة ايه ياختى وحشاانى والله :)

ام على : الحمد لله ماشى الحال , ازيك انتى ؟؟

ام سامح : نحمده على كل حال .. إلا هى فوزية فين ؟؟

ام على : فوزية خرجت راحت الدرس !

ام سامح : و بترجع امتى ؟؟ و هى خرجت مع مين ؟؟

ام على : ايه الأسئلة الغريبة دى يا ام سامح ؟؟ فى ايه هاتى من الآخر انتى عرفانى

مبحبش اللف و الدوران !!

ام سامح : بصى بقا انتى صاحبتى و حبيبتى و جارتى من زمان وا للى يمسك يمسنى

و اللى يضرك يضرنى , شوفى بقالنا جيران اد ايييه ؟؟ فلو واحدة فينا شافت اللى يضر

التانية اكيد مش هتتردد تقولها ولا إيه رأيك ياختى ؟؟

ام على : اكييد طبعاً يا ام سامح .. فى ايه بس قلقتيينى ؟؟

ام سامح : بصراحة ربنا كده .. ابنى سامح من يومين شاف فوزية و هى ماشية مع ولد

كده و ماشيين مع بعض و حتى كان ماسك ايدها !!

ام على : ايه اللى انتى بتقوليه ده يا ام سامح ؟؟ انا بنتى تعمل كـــــــــــــده !!

انتى يا ست انتى بتفترى علينا و جاية ترمى بلاويكى علينا ولا ايه ؟؟ و انا اللى بقول

عليكى صاحبتى و حبيبتى !!

ام سامح : لا إله إلا الله ؟؟؟ و انا هفترى عليكى ليه يكونش بينى و بيك تار و انا معرفش !!

بقا انا خايفة عليكى و على سمعة بنتك اللى قريب هتبقا على سيرة كل لسان و جاية

احذرك و اقولك عشان تحوطى عليها قبل ما الفاس تقع فى الراس تقومى انتى داخلة

فيا شمال كده ؟؟ مكنش العشم يا ام على !!


ام على : فاس إييييييييه ؟؟ و راس اييييه ؟؟ انا بنتى تعمل كده !! ده انا مربياها احسن تربية !!

ام سامح : حوطى عليها زى ما قولتلك , و عموماً انا مش زعلانة منك عشان عارفة انك

متعصبة , يلاا فوتك بعافية ..



ام سامح مشيت من هنا , و ام على دماغها لفت من هنا , حست ان تعبها فى بنتها

رااااااح ان بنتها حطت راسها فى التراب , مبقتش عارفة تعمل ايييه ؟؟

تقول للحاج اللى تعبان و عندجه القلب و لو عرف حاجة زى دى الله اعلم ممكن يروح

فيها ؟!! ولا تقول ل " على " اللى برضو لو عرف مش هيسكت على " فوزية "





و فجــــــــــــــــــأة ..


الحاج دخل من باب البيت و قفله وراه جااامد جداً ..

الحاج : انا سمعت كل كلمة قالتها الست ام سامح !! انتى السبب فى ده كــله .. انتى

السبب فى ضياع البنت و فساد أخلاقها !! انتى السبب فى كل مصيبة فى حياتنا ..


الأمهات كلها بتبقا حنينة على اولادها و انتى طول عمرك قاسية عليهم .. شتيمة و ضرب

و عدم ثقة لحد اما العيال طهقوا و زهقوا و قرفوا من عيشتهم ..


ملقوش الحضن الحنين اللى يلجأوا ليه فى شدتهم , ملقوش الكلمة الطيبة اللى يداووا


بيها محنتهم .. ملقوش الأم اللى لازم يلاقوها فاتحة دراعها ليهم .....


ام على : انت جاى تلومنى دلوقتى ؟؟؟ هو انا لوحدى اللى خلفت العيال دى ؟؟

هو انت

مش ابوهم , و لا انا هشتغل ورديتين .. هبقا الام و الأب فى نفس الوقت ..


انت هترمى كل الحمل عليا .. و انت ملاك مرتكبتش اى خطأ فى حقهم ؟؟


طول عمرك فاكر ان دور الأب بينتهى بمجرد انه يدى ست البيت المصروف اول الشهر ,

اقصد الشغالة مش ست البيت !!

نسيت ان الأولاد محتاجينك زى ما محتاجينى ,, محتاجين اب يحن عليهم وقت اما اقسو

انا عليهم , محتاجين اب يقسو عليهم وقت ما احن عليهم .. عمر ما كان فى توازن فى

حياتنا .. عمرنا ما كنا متفاهمين ,, و انت السبب !! مش انا لوحدى ..


الحاج : انتى عاوزة ايييييه اكتر من بيت عايشة فيه و مصروف اول كل شهر ولا بخليكوا

تتحوجوا لحد ولا تمدوا اديكم لحد , يبقا ده جزاتى فى الآخر ... انا دلوقتى المقصر و الأب

القاسى اللى العيال بيخافوا منه ؟؟

ام على : انت طول عمرك بتعاملنا على اننا زى الكرسى ده .. حتة جماد من غير إحساس !!!

فاكر ان كل المطلوب منك مجرد الفلوس و بس ؟؟

لييييييييه يا شيخ ؟؟ حرااام عليك بقااااا , اتقى الله فيا .. عايشة معاك ومستحملة

اسلوبك الغلط فى غلط و جاى فى الآخر ترمى كـــل حاجة عليا انا !!!

انا عمرى ما اتكلمت معاك ولا كنت بفتح بؤى بكلمه , كنت خايفة على صحتك .. خايفة

عليك لتروح منى ! و انت مفيش اى احساس ولا مراعاة لشعورى ؟؟


عمرى ما حسيت انك بتعاملنى كإنسانة !! ولا حتى اولادك .. طول عمرهم يشتكولى


منك !! انهم محسوش قبل كده إنك ( أبـــــوهم )


طب انا اعمل ايييييه ؟؟ قولى اعمل ايييه ؟؟

لو انت مكانى و عليك الهم ده كله هتعمل ايه ؟؟

ازاى هجمع ما بين حنية الام و شدة الأب فى نفس الوقت ؟؟

ما اكيييد حاجة من الأتنين هتغلب عليا !!

انت طول عمرك فاكر إنك صح .. و احنا غلط ..

عايش لسة فى أيام " سى السيد " اللى مبيغلطش ابداً , كل اللى حواليه يغلطوا إلا هو ..

الحاج : دلوقتى بقيت انا اللى وحش !!

دلوقتى انا اللى ضيعت العيال ؟؟

الكلام دلوقتى مفيش منه فايدة خلاااص !!

المهم اننا ننقذ اولادنا من المجتمع اللى بقا كل حاجة فيه خطر ..


فوزية ........

انا هشوفلى صرفة معاها , انا هأدبها بطريقتى , انا همشيها على العجين متلغبطوش ..

ام على : هتستعمل الشدة تاااااانى ؟؟

طول عمرك بتستعمل الشدة مع " على" ,, و تقول انك عايز تخليه راااجل ملوى هدومه ,

عمرك ما فهمته الصح فين و الغلط فين , بس لما كان بيغلط كنت بتديله على قفاه ..

عمرى ما شوفتك حنين عليه ابداً و اهى آخرتها انه وصل لطريق الإدمان , بس لولا ستر

ربنا كان زمان ابننا ضااع ..

لسة عايز تستعمل الشدة مع فوزية ؟؟


عايز البنت تطفش مننا و منعرفلهاش طريق ؟؟


الحاج : اومال عوزانى اعمل ايه يعىن اطبطب عليها و اخدها فى حضنى و اقولها


معلش يا بنتى سامحينى حقك عليا ؟؟؟


ام على : هو يا كده يا كده ؟؟؟ معندكش وسط خاالص ؟؟

الحاج : فهميينى عايزة توصلى لإيه ؟؟


ام على : سيبلى انا الموضوع ده ! انا هتصرف معاها ..




و نكمل الحلقة الجاية ان شاء الله :)

اولا : بسم الله الرحمن الرحيم

ثانيا : صلى على النبى .




( الحلقة الثانية عشر )




المشهد الأول

فى آخر اليوم فى المدرسة الثانوية ..


عماد : بقولكوا إيه يا شباب انا وقعت على فلوس كده و قولت خلاص انا عازمكم نتغدى بره

النهارده بدل ما ما الواد " على " يذلنا ولا حاجة :))

على : انا برضو اعمل كده ؟؟ الله يسامحك

عماد : انت تعمل اكتر من كده هههههه

محمود : , طيب على ضمانتك العزومة دى ولا هتبقا آخرتها إننا نغسل المواعين و نمسح الأرض ؟؟ ^^

عماد : يا عم على ضمانتى متقلقش ..

محمود : إلا صحيح جبت الفلوس منين ؟؟ مش قولت انك كحيان و محيلتكش حاجة ؟!

عماد : استلفت يا سيدى استلفت دى كمان هتقولى حرام ولا إيه ؟؟

محمود : لا يا لمض مش حرام :) , يللا بينا لحسن بطنى بتصوصو ..




المشهد الثانى

فى المطعـــــم ..


رن تليفون عماد و كانت " والدته "

عماد : إنتى عايزة ايه منى دلوقتى ؟؟

انا بره بتغدى مع اصحابى , فيها حاجة دى ؟؟

محمود : !!!!!!!!

على : مستغرب ليه يا حودة , ده المعتاد ع فكرة ..

عماد : يوووووووه , يا ستى ملكيش دعوة هرجع امتى هو سجن بره و جوه !! اعتقينى

بقا اوووف !!

محمود : ايه اللى انت بتقوله ده يا عماد ؟؟ انت بتكلم والدتك كده ليه ؟؟

غلطت فى ايه علشان عايزة تتطمن عليك ؟؟

عماد : ملكش دعوة انت ! هى بتكلمنى عشان تخنقنى بس مش اكتر تقولش انا لسة

برضع و فى اللفة عشان تخاف عليا ..

محمود : يا ابنى مينفعش كده !! دى امـــــك اللى الرسول وصا بيها 3 مرات , و ربنا قال

" ولا تقل لهما أف ولا تنهرهما " ده انت عديت " الأف " بمراحل !!

عماد : محمود متوجعش دماغى الله يخليك !

محمود : هو انا لما اقولك ان اللى بتعمله ده حرام و افهمك ابقا بوجع دماغك ؟؟

صلاة ايه بقا اللى بتواظب عليها و معاملتك مع امك بالشكل ده ؟؟

صلى ع النبى كده كده ..

عماد : عليه الصلاة و السلام .. طب يعنى عايزنى اعمل ايه ؟؟

محمود : تتصل بيها حالاً تعتذر ليها عن اسلوبك ده و متسبهاش غير لما تقولك خلاص

سامحتك و انت راجع البيت جيب معاك هدية كده محترمة و اديها ليها ... ايه رأيك ؟

عماد : معرفش بقا !!

محمود : يابنى الكبر و العنتظة اللى انت فيها دى خليها على اى حد تانى إلا على ابوك

و امك , ماشى ؟؟ انت لو مكلمتش والدتك دلوقتى و اعتذرت ليها انا مش همشى

و لسانى مش هيخاطب لسانك تانى !!

عماد : يا سيدى متحبكهاش .. خلاص هكلمها اهو ..

و كلم عماد والدته و اعتذر ليها ... و قالتله ( انا بحبك اوووى يا عماد ربنا يخليك ليا ولا

يحرمنى منك ابداا انت اللى معوضنى و مصبرنى على هم الدنيا )

عماد لما سمع الكلام ده .. حس انه عايز " يبكى " و يروحلها دلوقتى يبوس رجلها

علشان حس هو أد اييييه ندل فعلاً معاها ..

محمود : هااه خلاص كله تمام ؟؟

عماد : آه متقلقش كله تمااام الحمد لله ..

على : طب يللا بقا اطلبوا الأكل ولا احنا جايين نزور المكان ؟ :)



و على الأكل ..

" على " عنيه زااغت على بنات كانوا داخلين المطعم ..

على : اللهم صلى على النبى .. ايه الحلاوة دى !!

محمود : الأكل فعلاً لذيذ ..

على : اكل ايه يا عم , انا مقصدش بص الصاروخ الجوى ده ؟!!

محمود : الله يخربيت شيطانك يا شيخ .. انت بتنيل ايه ؟؟ بصلى هناااااااااااااااا

عماد : الواد معذور برضو يا حودة ..

محمود : انتوا الاتنين هتجننونى .. انت يا بنى .. انت يا حبيبى .. انت يا بابا ..يا " علـــــى " !!

على : ايه عاوز ايه ؟؟

محمود : عايز سلامتك يا اخويا .. انت مش قولتلى انك بطلت ؟!

على : لالالا متقولنيش , انا قولتلك " نوعاً ما يعنى " ههههه و دى تفرق على فكرة :)

محمود : بلاش هزار بجـد .. على لو انت بتحب حد اوووى سواء كان صاحبك او والدتك او

والدك , و عرفت مثلاً انهم بيدايقوا و بيزعلوا منك لما مش بتغض البصر .. و الحد ده كان

ماشى معاك و ملازمك و مش بيفارقك لحظة . يعنى صاحبك او والدك او والدتك .. هل

و هما ماشيين معاك هتبص على بنات و مش هتغض بصرك ؟؟

على : امممم مادام بيدايقوا و بيزعلوا يبقا لأ مش هبص ..

محمود : طب مش هتبص ليه ؟ ايه المانع ؟؟

على : انى بحبهم و مش عايز ازعلهم ..

محمود : جبت المفييييد يبقا الدافع عندك هو ( الحــــــــــب ) صح ؟

على : آه بالظبط كده ..

محمود : طب لو حد مش بتحبه و متعرفهوش كويس مثلا يعنى واحد زميلك و هو مش

بيحب برضو انك تبص على البنات و برضو نفس الحكاية ماشى معاك و ملازم ليك

,, هتغض بصرك ولا لأ ؟؟

على : مادام مش بحبه اوى مش هيهمنى زعله يعنى عادى ..

محمود : تماااام ..

طيب اوضحلك بقا الصـورة ..

فى اول مثال انت كنت بتحب والدك او والدتك علشان كده نفذت اوامرهم .

فى تانى مثال انت مش بتحب زميلك فعلشان كده عادى انك تعمل حاجة هو مش بيحبها ..

طب انت مكانة ربنـــــــــــــــا ايه عندك ؟؟

بتحبه ولا لا ؟؟

الحب مش بالكلام الحب بالفعل , مينفعش اقولك بلسانى انا بحبك يا على و انا من جوايا

حاسس انى مش بحبك او " احبـــك لييييه ؟؟ انت عملتلى ايه عشان احبك " ؟؟


و بالتالى مش هحرص اوى إنك تكون راضى عنى او انى مزعلكش , فاهمنى ؟؟ وصلت ؟؟


على : آآه انا فاهمك .. لكن انا بحب ربنا !

محمود : اثبتله حبـك ده , بإنك متعملش الحاجة اللى تزعله منك . الحب بالأفعال و دافع

( الحـــــب ) ده هو اقوى دافع يخليك تتمسك بأوامر ربنا و تتجنب نواهيه , والله الحب

اقووووووى داااااااافع لإنك يستحيل تكون بتحبه و تزعله منك .. صح ؟

لازم يا على تستشعر رقابة ربنا عليك .. ربنا شايفك دلوقتى و إنت بتبص على البنات دى

شايفك و انت بتعصيه و رغم ذلك سايبك !!

كل حاجة متسجله صوت و صورة و يوم القيامة مش هتقدر تنكر وتقول لا يارب مبصتش !

على :يااااه ده الموضوع كبير اوووى... طيب اعمل ايه ؟؟

محمود : فى درس رائع اسمه ( حب الله ) للدكتور حازم شومان , اوعدنى بإنك لما تروح البيت تحمله و تسمعه :)

على : ماشى اوعدك ..

محمود : و انت كمان يا عماد ولا انت مش معانا ؟؟

عماد : لالا معاك و كلامك عجبنى اوووى و هبقا اسمع الدرس إن شاء الله :)

محمود : طيب اتفقنا :) , اياك بكره تقولولى مسمعتهوش ! يللا بقا ناكل لحسن انا جوعت اكتر



و خلص اليوم على كـده ..

عماد رجع البيت و اول ما رجع " قبِل " ايدين والدته و قالها " سامحينى يا ماما انا آسف

جدااا انا مكنتش اعرف انى غالى عندك اوى كده , انا غبى اووى انى فرطت فى حبك

ده و فى حنانك , انا آسف يا ماما آسف بجـد "

و الحمد لله كده خلصنا حكاية عماد مع والدته , عقبال والده بقا :)



و نكمل الحلقة الجاية ان شاء الله :)

اولا : بسم الله الرحمن الرحيم

ثانيا : صلى على النبى .


( الحلقة الثالثة عشر )



المشهد الأول

فوزية رجعت البيت ..

الأم مسكت نفسها من إنها تجيبها من شعرها و حاولت تتكلم بهدوء معاها ..

الأم : كنتى فين يا فوزية ؟؟ تعالى اقعدى جمبى هنا يا بنتى

فوزية : ايه يا ماما ما انتى عارفة قولتلك انى خارجة مع صحباتى !

الأم : صحباتك ولا صاحبك ؟؟

فوزية : !!!!!!!!

الأم : فوزية يا بنتى متنكريش انا عرفت كل حاجة !

فوزية : عرفتى ايه و مين اللى قالك ؟؟

الأم : مش مهم الكلام ده دلوقتى .. المهم انتى ليه عملتى كده ؟؟؟ ليه تسوءى

سمعتك هى البنت إيه غير سمعة طيبة ؟؟ ليه تشوهى صورتنا ليه يا بنتى ليه ؟؟

فوزية : !!!!!!!!!!!!

الأم : ردى عليا لييييييييييه ؟؟

فوزية : ماما انا معملتش حاجة غلط !!

الأم : معملتيش حاجة غلـــط ؟!!! بتمشى مع ولاد من ورا اهلك

و بتقولى مبعملش حاجة غلط ؟؟ لييييه انتى فاكرة نفسك إيييه ؟؟ انتى فاكرة

نفسك عايشة فيين ؟؟

انا يمكن معلمتكيش الحلال و الحرام بس ربنا فطر جوانا فطرة تخلينا نحس

و نشعر إذا كانت الحاجة دى حلال ولا حرام و اللى انتى بتعمليه ده فى وجهة

نظرك إييه ؟؟

حلال ؟؟؟؟؟؟؟

فوزية : صحباتى كلهم مصاحبين اشمعنى انا ؟؟؟

الأم : انتى هتشوفى الناس كلها بتغرق فى البحر هتقولى اشمعنى انا كمان انا

عايزة اغرق زيهم ؟؟ ايه الكلام اللى انتى بتقوليه ده يا فوزية ؟؟؟

فوزية : انتى عيزانى اعمل إيه يعنى يا ماما ؟؟

الأم : و هى دى فيها كلام يا هانم ؟؟ تقطعى علاقتك بيه نهاااائى !

فوزية : بس هو واعدنى انه يتجوزنى

الأم : واعدك !!! يا بنتى هو هيرضاها لأخته ؟؟؟ يرضى لأخته انها تمشى مع

واحد غريب بحجة انه " واعدها " انه يتجوزها ؟؟

اعقلى الكلام يا فوزية قبل ما تقوليه !!

انتى بالنسبة له مجرد تسلية وقت مش اكتر يا بنتى فوووووقى الله يكرمك!

فوزية : ايه الكلام الغريب اللى بتقوليه ده يا ماما ؟؟ ازااى رامى يستحيل يكون بيضحك عليا !!

الأم : يعنى انتى مش مصدقانى ؟؟ طيب هثبتلك يا فوزية !!

هتشوفى انا هعمل إيه ؟؟



و تانى يوم ...

الأم اخدت عنوان رامى من شئون الطلبة لمدرسة فوزية ..

و راحتله البيت و معاها فوزية ..

فوزية : نفسى افهم إنتى موديانى على فييين ؟؟

الأم : ده بيت رامى يا فوزية !

فوزية : إيييييييييييه ؟؟ و انتى جاية هنا لييه انتى عاوزة تعملى ايه يا ماما فهمينى ؟؟

الأم : مش قولتلك هثبتلك انه بيضحك عليك و بيتسلى بيكِ .. هتشوفى

دلوقتى .. انتى هتقفى هنا على الباب و انا اللى هدخل هخبط و ادخل و انتى

اووعى يشوفك ماشى ؟؟

فوزية : حاضر يا ماما اما اشوف آخرتها معاكى إييه ؟

و فعلاً نفذت الأم اللى خططت ليه ..

فتحلها الباب ام رامى و دار بينهما الحوار الآتى ..

ام رامى : يا اهلاً و سهلاً مين حضرتك ؟

الأم : انا ابقا والدة زميلة رامى فى المدرسة يا حاجة ..

ام رامى : اممممم اهلا اتفضلى ..

الأم : يزيد فضلك .. تعيشى ..

ام رامى : وااااااااد يا رامى انت يا ولاااا

تعالى كلم يا واااد !

الأم : ازيك يا رامى يابنى عامل ايه ؟؟ انا ام فوزية على فكرة !

رامى : نعــم ؟؟!!!!!! فوزية ؟؟؟

الام :آه و انا بقولك ادام والدتك اهوا غن فوزية قالتلى على كل اللى بينكم

و إنك ناوى على الجواز ..

رامى : هى البت دى اتجننت ولا ايه ؟؟ و جواز إيه يا حاجة احنا لسة عيال ؟!!

ام رامى : ما تفهمنى يابنى الكلام اللى بيتقال ده ؟!! انتوا هتخلونى كده زى الأطرش فى الزفه ؟؟

رامى : هفهمك يا آما كل حاجة بعدين !!

الأم : يعنى انت مش ناوى تتجوز بنتى ؟؟

رامى : انا اصاحبــها ( آه ) , اتجوزها ( لأ ) ده يختلف يا حاجة ؟؟

الأم : طب ليه عملت فيها كده ؟؟ انت معندكش اخوات تخاف عليهم ..

ربنا مش هيسيبك يا شيخ والله ربنا مش هيسبك !

رامى : يوووووه بقا انتى يا حاجة جاية تعكننى عليا ولا ايه ؟؟ ما قولتلك

فوزية دى مجرد صاحبتى بس كده حاجة تانى غير كده يبقا انا مليش فيه !

الأم : يعنى انت مش بتحب فوزية ؟؟

رامى : حب إيه و بتاع إيه ؟؟ ايه الكلام الفاضى ده ؟!

الأم : انت مش خايف اقول الكلام ده لفوزية ؟

رامى : انا جبتلك كل حاجة من الآخر يا حاجة و انا بصراحة زهقت من

بنتك و خليها توافق على العريس اللى جايلها احسنلها !

فوزيـــــة خلاص كانت على الآخـر من الكلام اللى سمعته ..

محستش بنفسها إلا و هى عمالة تخبط الباب عليهم بعنف جاامد

فتحلها رامى ..

فوزية : آآآآه يا نــدل يا ......

و طبعاً طلعت القديم و الجديد عليه و بهدلته بهدلة الجنيه فى البورصة :)

الأم : يللا يا بنتى من هنا .. دى ناس ربنا ينتقم منها !!




فوزية مبطلتش عياط طول السكة لأنها اتصدمت صدمة حيآآآتها كلها كاانت

فوووووووق اووووى و فجأة نزلت لتحت اوووووى ..

و فى البيت ..

الأم : صدقتينى يا بنتى لمنا قولتلك بيضحك عليكى ؟

فوزية : سامحينى يا ماما .. انا آسفة اوووووى بجد ده إنسان حقير ميستاهلش

حتى إننا نجيب سيرته على لساننا !

ارجوووكى يا ماما سامحينى و صدقينى هبدأ صفحة جديدة معاكى

و هحكيلك كل مشاكلى .. بس عشان خاطرى متسبنيش يا ماما انا

محتجااالك اووووى بجد انا مسكووورة اوى و مجروحة يا ماما حاسة إن كل

الدنيا دى ناس غشاشين و كدابين مفيش أمان خااالص , انا تعباانة اووى بجد .

و اترمت فوزية فى حضن ماماتها ..

فوزية : ياااااااااااااااااااه يا ماما بقالى كتير اوووى مدوقتش طعم الحضن الجميل ده ..

و نآآمت فوزية فى حضن والدتها .. ممكن من التعب و الإرهاق ؟ ممكن لأنها

اول مرة تحس فعلاً بحنان الأم ..



و نكمل الحلقة الجاية إن شاء الله :)

http://aljoufreev.com/upload//upload...d6794849a4.gif

http://www7.0zz0.com/2013/04/18/11/774427417.gifالقسم الدينى من اهم اقسام المنتدى فحاول ان تشارك به بقدر المستطاع .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifلا تنسى ابدا ان تصلى على النبى .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/774427417.gifلا تكن من الحقودين و المتمردين على قضاء الله .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifاذا حدثت لك كارثة فقل انا لله و انا اليه راجعون .

http://www.al-wed.com/pic-vb/139.gif

http://www7.0zz0.com/2013/04/13/15/799125039.png

الحلقة الرابعة عشر

المشهد الاول ..

الأم : فوزية يا حبيبتى إيه رأيك نفتح صفحة جديدة مع بعض ؟؟ تحكيلى عن

كل مشاكلك عن اى حاجة تحصل فى حياتك .. اى حاجة ... اى حاجة ..

انا عايزة ابقا صاحبتك من النهارده إيه رأيك ؟؟

فوزية : :)))

ماما انا مش مصدقة إنى بسمع الكلام ده منك !! بجــد ؟؟ يعنى مفيش

شتيمة ولا ضرب من النهارده ؟؟

الأم : لا يا ستى مفيش .. خلاااص توبة من دى النوبة .. بس لو مسمعتيش

كلامى مفيش إلا الفلكة

فوزية : لالالا خلاص من هنا و رايح همشى جمب الحيط :)

الأم : ايوه كده


http://www.al-wed.com/pic-vb/533.gif

المشهد الثانى ..

على : مامااااا ارجوووكى ادعيلى انا رايح الامتحان دلوقتى و مرعووب !!

الأم : يابنى هو انت ثانوية عامة ؟؟ خلاص هات اى مجموع و انجح و مش

هقولك حاجة !

على : ده بدل ما تشجعينى ؟

الام : انا بس مش عايزة اضغط عليك ..

المهم انت ذاكرت كويس ؟؟

على : تقريباً .. ربنا يستر .

الأم : يااارب ..

...................................

و راح " على " المدرسة و ده كان اول يوم فى الامتحانات ( آخر العام )

عماد : على بقولك مذاكر الفصل التانى ؟؟

على : آه الحمد لله ..

عماد : طب خلاص كده اشطا :)

على : تقصد إيه ؟؟

عماد : هتظبطنى يعنى .. ايه ولا هتقولى مش هينفع ؟؟

على : لا هقولك حرام مش هقولك مش هينفع !

عماد : يووووه متحبكهاش اوى بقا .

محمود : هااا إيه الأخبار يا شباب ؟؟

على : اقول ولا استر عليك ؟؟

عماد : خلاص بقا بلاش فضايح ..

محمود : انتوا اللى جبتوه لنفسكم :) فى اييييه اعترفوا

الإنكار مش هيفيدكوا !!

عماد : بقوله يظبطنى فى الفصل التانى عشان ملحقتش اذاكر

محمود : يا سلآااام و ده يبقا اسمه ايه ؟؟

عماد : مش انت قولتلى حديث الرسول عليه الصلاة و السلام اللى بيقول

" والله فى عون العبــد مادام العبد فى عون اخيه " ..

طيب خليه يساعدنى بقاا :))

محمود : هههههه متسطعبتش يا عماد !! الغش حرآآم و انت عارف كده

كويس .. و بعدين مين عارف ممكن ميجيش فى الفصل التانى ده صح ؟

انت داخل يعنى الامتحان و فى نيتك انك هتغش ؟؟

" و من يتق الله يجعل له مخرجا "

انت بس ادخل الامتحان و انوى انك مش هتبص بصة على ورقة اللى جمبك

و هتحل بمجهودك و هتتقى ربنا .. صدقنى والله والله ربنا هيوفقك و هتجيب

درجات مكنتش تحلم بيها يا عم :)

عماد : حااضر يا سيدى .. ربنا ييسر :)

و دخلوا الامتحـــــان

و بعد الامتحان ..


http://www.al-wed.com/pic-vb/136.gif

عماد : يآآآآآآآآآه انا مش مصدق نفسى

الفصل التانى آينعم جه منه سؤال واحد .. بس سبحان الله افتكرته لأنى كنت

مريت عليه كده مرور الكرام الصبح و سبحان الله ده الجزء الوحيد اللى

ركزت فيه .. جه فى الامتحآآن و جاوبته الحمد لله ..

محمود : شوفت بقا لما تظبط نيتك كده قبل اما تدخل و تتوكل على الله ..

خلاااص كل حاجة تتيسر لك ..

عماد : تعرف إنى اول مرة احس الإحساس ده ..

محمود : احساس ايه ؟؟

عماد : كنت قولتلى قبل كده ( من يصدق الله يصدقه ) ..

فكنت اول مرة احسه .. دخلت الامتحان و فعلاً كنت ناوى انى مغشش

نهآآئى و سبحان الله ربنا وفقنى ..

محمود : انا سعيــد بيك اوى يا عماد :) و مستبشر بيك خيــر ..

عماد : ربنا يكرمك يا حودة ..

اهو " على " جاى هناك اهو ..

محمود : عملت إيه فى الامتحان يا بطل ؟

على : الحمـد لله ميه ميه ..

عماد : طب يللا بالمناسبة السعيدة دى حد فيكو يعزمنى ع الغدا :)

محمود : انت ايه حكايتك مع العزومات ؟!

على : شوفتوا اللى حصل ؟؟

فاكر يا عماد البت " سلوى " جارتنا ؟؟

عماد : آآه البت اللى وشها شبه قفاها دى ؟!

محمود : ايييييييييه اللى بتقوله ده ؟ وش ايه و قفا ايه يا بنى استغفر ربنا انت

كده اغتبتها !

عماد : استغفر الله العظيم يارب

.. ايه اللى حصل يا على ؟

على : بيقولوا انها عملت حادثة و راقدة فى المستشفى ..

فوزية هتزعل اوى لما

تعرف دى كانت صاحبتها اووى !

محمود : ربنا يشفيها و يعافيها يارب

على : اللهم آمين ..


http://img452.imageshack.us/img452/6...20701009sd.gif

و فى الحلقة الجاية هنشوف ازاى فوزية هتتأثر بـ " سلوى " و ممكن تكون

سبب فى تغييرها ..

تاااابعونا .



http://files.fatakat.com/2010/6/1276720479.gif

http://www6.0zz0.com/2013/04/16/03/535521961.gif

يا ودود يا ودود
يا ذا العرش المجيد
يا فعالا لما يريد
اسألك بعزك الذي لا يرام
وملكك الذي لا يضام
ونورك الذي يملأ اركان عرشك
ان تنصرني نصراً يليق بجلال وجهك وعظيم سلطانك
وتسخر لي جنداً من جندك يثبتوني على الايمان
ويدفعوا عني الاذى والسوء
واكفني اعدائي بما شئت وكيف شئت انك على ما تشاء قدير
اللهم تولى امري وانصرني
انت نعم المولى ونعم النصير
ودبر لي امري فإني لا احسن التدبير

http://forums.fatakat.com/images/separator10.gif

http://islamroses.com/zeenah_images/4.gif

http://aljoufreev.com/upload//upload...d6794849a4.gif

http://www7.0zz0.com/2013/04/18/11/774427417.gifالقسم الدينى من اهم اقسام المنتدى فحاول ان تشارك به بقدر المستطاع .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifلا تنسى ابدا ان تصلى على النبى .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/774427417.gifلا تكن من الحقودين و المتمردين على قضاء الله .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifاذا حدثت لك كارثة فقل انا لله و انا اليه راجعون .

http://www.al-wed.com/pic-vb/139.gif

http://www7.0zz0.com/2013/04/13/15/799125039.png

(( الحلقة الخامسة عشر ))

المشهد الأول ..

على : ماما شوفتى اللى حصل ؟؟

الأم : ايه يابنى خيييير !!

على : "سلوى " جارتنا حصلتلها حادثة و راقدة فى المستشفى !

الأم : لا حول ولا قوة إلا بالله !!

انت عرفت منين ؟؟

على : من اخوها ..

فوزية : إيييييه !!! صحيح الكلام اللى بتقوله ده ؟

على : يعنى الواد هيفوّل على اخته يعنى يا ذكية ؟!

فوزية انهارت من العياااط لأنها كانت جارتها و صاحبتها من و هم لسة اطفال

فوزية : ماما لازم ازورها ارجووكى تعالى معايا يللا !

الأم : حاضر يا بنتى يللا ...

http://img84.imageshack.us/img84/7964/1270ub4.gif

المشهد الثانى ..

فى المستشفى

الدكتور : لا يا حاجة .. الزيارة ممنوعة

الأم : يا دكتور طيب بس نطمن عليها

فوزية : ارجووك يا دكتور مش هطول معاها بس اشوفها :((

الدكتور : طب هما 10 دقايق بس الله يكرمكم

فوزية دخلت الأوضة ..

سلوى كانت حالتها يُرثى لها فعلاً

الجبس فى كل مكان من جسمها

و وجهها متغطى بالشاش و مش ظاهر منها إلا عنيها !!

فوزية : سلوى ... سلوى ... انا فوزية انتى سمعانى يا حبيبتى ؟؟

سلوى _ بصوت منخفض جداً _ : آآه ازيك يا فوفو ؟

فوزية : انا ايه بس دلوقتى ؟!! طمنينى عليكى انتى كويسة ؟؟

سلوى : ربنا يعديــها على خير ! ادعيلى انتى بس !!

فوزية : ربنا يقومك بالسلامة يآآآآآآرب

على فكرة ماما معايا بس بره و بتسلم عليكى اووى


سلوى : الله يسلمك و يسلمها

فوزية : متقلقيش محنة و هتعــدى إن شاء الله ..

سلوى : بس انتى ادعيلى ربنا يغفرلى !

فوزية : يغفرلك إيه ؟؟

سلوى : ذنوبى اللى كنت ببارزه بيها ليل نهار ..

فوزية : !!!!!!

سلوى : آه متستغربيش .. اللى ربنا عمله فيا ده اقـل حاجة استحقها !

فوزية : ايه اللى انتى بتقوليه ده يا سلوى !!

سلوى : دى الحقيقة يا فوزية .. الحقيقة اللى انا كنت عامية نفسها عنها بقالى سنييين طويلة !!

الحقيقة اللى كنت طول عمرى بتجاهلها !!

الحقيقة اللى كنت مش عايزة اصدقها !!

طول عمرى كنت ماشية على هوايا انا و بس !

مكنتش بسمع لأى حد ينصحنى ..

مع ان فى حاجة جوايا كانت بتقولى ان هو ده الصح !!

و مع ذلك كنت بستمر فى اللى انا بعمله

ربنا بعتلى رسايل كتييير اوووى ..

بس انا اللى غبية و مبفهمش

و يمكن اللى انا فيه دلوقتى ..

تكـــون آخـــــــر رسالة ليا !!

فوزية : انا مش فاهمة حاجة ؟!!!!

سلوى بتنهج و صوتها مش طالع ..

فوزية : خلاااص خلاااص متتكلميش خاالص انا هجيب الدكتور حالاً

سلوى : لا انا كويسة !!

فوزية : يووووه قولتلك متتكلميش بقاااا

سلوى مسكت فوزية من ايدها و قعدتها جمبها ..

سلوى : عشان خاطرى اسمعينى يمكن يكون دول آخر كلمتين

هتسمعيهم منى !

فوزية _ و هى بتعيط _ : بعد الشر عليكى يا سلوى .. متقوليش كده !

سلوى : مين بس اللى قال ان الموت شر !

ده انا هستريح من الدنيآآآ بقااا .. يبقا شر ازااى ؟؟

بس انا خـــايفة !!

انا خــايفة اكون متوبتش توبة نصوحة !!

خــايفة يكون لسة فى قلبى آثار الذنوب و المعاصى دى كلـها !!

بس انا من جوايا بحب ربنا ..

نفسى يغفرلى اووووى يا فوزية كل اللى عملته !!

فوزية انا خــايفة عليكى انتى كمآآن .

الحقـــى نفسك

ارجــوكى تلحقى نفسك

انتى متعرفيش عمرك هيتنهى امتى ؟؟!

متعرفيش حيآتك هتنتهى على ايه ؟؟

بلاآآآآآش يا فوزية تسوفى !

ارجــوكى انا بحبك اوووى

ارجــوكى انقذى نفسك من غضب ربنا !

ارجووووكى يا فوزية !!















اشهد أن لا إله إلا الله و أشهد ان سيدنا محمد رسول الله


























فوزية : سلـــــــــــــــوى !!!

ردى علياااااااااااااااا

سلـــــوى

مآآآتت " سلوى " !!

http://img84.imageshack.us/img84/7964/1270ub4.gif

المشهد الثالث ..

فى البيت


فوزية قافلة على نفسها باب الاوضة من ساعة ما رجعت من المستشفى

لا بتاكل ولا بتكلم حــد !

بتفكــر فى آخر كلام سمعته من " سلوى "

و هى منهآآآرة فى البكآآء ..

فوزية : هو إيه اللى افوق منه ؟؟

و انقذ نفسى من ايه ؟؟

طب اعمــل ايه ؟؟ انا مش عارفة اعمل إيه ؟؟





>> الله اكبـــر , الله اكبــــر ... اشهد ان لا إله إلا الله الله ...

اشهد ان لا إله إلا الله .... >>


فوزية حست ان دى الإجابة !!


آآه فعلاً هى دى الإجابة ..


كأن ربنا أجابها بالأذان ده !!


فوزية : انا اول مرة آخد بالى من الأذان و اركــز فيه !!


حست فى حاجة جواها بتدفعها انها تقوم و تتوضى و تصلى لربنا ..



فوزية على سجادة الصلاة ..


وقفت و قالت ( الله اكبـــر )


حست بهدوء فى قلبها اول مرة تحسه ..



و لما سجدت ..


حست انها عايزة تحكى , تفضفض .. تقول لربنا على كل اللى فى قلبها .


و فعلاً


فوزية : يآآآرب انا تايهة !!

تايهة اووووى !!

انا معرفش حاجة !


بس اكيييد يارب انت عالم باللى جوآآيا دلوقتى

صح ؟؟


اكيييد يارب سامعنى

عايزة اقولك


ممكن يارب تغفرلى ذنوبى ؟؟

ممكن يارب تسامحنى ؟؟


انا مش عارفة اعمل ايه ؟؟


قولى اعمل ايه ؟؟




انا محتجآآآآلك اووووى يآآآآآآرب

http://iraqnaa.com/ico/image/star004.gif

و نكمل الحلقة الجاية ان شاء الله :)

http://www6.0zz0.com/2013/04/16/03/535521961.gif

يا ودود يا ودود
يا ذا العرش المجيد
يا فعالا لما يريد
اسألك بعزك الذي لا يرام
وملكك الذي لا يضام
ونورك الذي يملأ اركان عرشك
ان تنصرني نصراً يليق بجلال وجهك وعظيم سلطانك
وتسخر لي جنداً من جندك يثبتوني على الايمان
ويدفعوا عني الاذى والسوء
واكفني اعدائي بما شئت وكيف شئت انك على ما تشاء قدير
اللهم تولى امري وانصرني
انت نعم المولى ونعم النصير
ودبر لي امري فإني لا احسن التدبير

http://forums.fatakat.com/images/separator10.gif

http://islamroses.com/zeenah_images/4.gif

http://aljoufreev.com/upload//upload...d6794849a4.gif

http://www7.0zz0.com/2013/04/18/11/774427417.gifالقسم الدينى من اهم اقسام المنتدى فحاول ان تشارك به بقدر المستطاع .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifلا تنسى ابدا ان تصلى على النبى .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/774427417.gifلا تكن من الحقودين و المتمردين على قضاء الله .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifاذا حدثت لك كارثة فقل انا لله و انا اليه راجعون .

http://www.al-wed.com/pic-vb/139.gif

http://www7.0zz0.com/2013/04/13/15/799125039.png

(( الحلقة السادسة عشر ))

المشهد الاول

الام : قوم يا على شوف اختك .. دى يا حبة عينى على لحم بطنها من الصبح :(((

على : حاضر يا ماما

و دخل " على " اوضة " فوزية "


و اتفاااااجئ بمنظر فوزية و هى " ســـآجدة "

و سامع صوتها و هى " بتبكــى "

فرح اووووى و استبشر خير :)

الام : هااا مجبتهاش معاك ليه ؟؟

على : لا فوزية بتصلى !!

الحاج : ربنا يهديكى يابنتى و يتوب عليكى

الام : يااارب يا حاج ياارب
الام : قوم يا على شوف اختك .. دى يا حبة عينى على لحم بطنها من الصبح :(((

على : حاضر يا ماما

و دخل " على " اوضة " فوزية "


و اتفاااااجئ بمنظر فوزية و هى " ســـآجدة "

و سامع صوتها و هى " بتبكــى "

فرح اووووى و استبشر خير :)

الام : هااا مجبتهاش معاك ليه ؟؟

على : لا فوزية بتصلى !!

الحاج : ربنا يهديكى يابنتى و يتوب عليكى

الام : يااارب يا حاج ياارب


http://www.al-wed.com/pic-vb/136.gif

المشهد الثانى

محمود : الامتحانات خلصت اهيه الحمد لله اخيييييييييرا افرااااج و اهلاً اهلاً

بالاجـــازة

عماد : اخييييرا يا اخويا اخييرا الواحد حاسس انه كان بيقضى فترة عقوبة !!

محمود : مؤبد يابنى مؤبد :))

على : يللا بقا ناويين على اييييه انا عايز الأجازة دى تبقى احلى اجازة فى حياتى :))

محمود : انت تؤمر يا عمونا

ده انا عاملكم حتة " بروجرام " انماااا ايييه ميخرش المية :))

عماد : ربنا يستر

محمود : اهو انت بالذات لو مسكتش مش هقول " البروجرام " بتاعى

على : يا عم سيبك منه :)) قوول و اشجينا يا حودة

محمود : احم .. احم المايك لو سمحتم :)

عماد : الحق ده هيترسم علينا

محمود : اسمع بس و بعدين احكم فى الآخر ..

بصوا يا شباب بإذن الله كده كلنــا هنروح مع بعض مسجد جمبى عامل

دورة تحفيظ قرآن فى الأجازة و دورة علم شرعى كمااان .. بحيث البرنامج

هيكون اننا نختم القرآن فى الصيف ده و العلم الشرعى على قد المستويات

اللى هتقدروا عليها ..

فطبعاً انا حجزتلكوا من غير ما آخد رأيكم لأنى عارف انكم مش هتمانعوا

و عشان آخد الثواب كماااان

و عاوزين نجمع برضو اصحابنا و قرايبنا و كل اللى نعرفهم لأن

" الدال على الخير كفاعله " و كل دى فى ميزان حسناتى

اقصد حسناتكم ان شاء الله :))

على : فكررة جميييلة خلاص معاكم بإذن الله هنبدأ من امتى ؟

محمود : هناخد راحة اسبوع كده ان شاء الله و علطول هنبدأ وربنا يوفقنا

ياارب و نكون من اهل القرآن و خاصته

عماد : يااااااه ربنا يكرمك يا محمود الواحد فعلاً كان عايز يحفظ بس مش

لاقى وقت ولا لاقى حد يشجعه .. نفسى اختم القرآن اووى و اتعلم العلم

الشرعى و اقرب من ربنا اكتر و اكتر نفسى يكون ليا هدف فى حياتى اعيش

علشان احققه مش تبقى عيشة و السلام .. نفسى اكون انسان ناااجح فى

حياتى .. نفسى اقرب اكتر و اكتر و اكتــــــرررررر من ربناااااا


:))))

على : ايه ده اللى طلع فجأة ده ؟؟ هما بيطلعوا امتى يا حودة ؟؟



كل ده جواك يا عماداومال مش بتنطق ليه و تشاركنا احلامك السعيدة دى

محمود : متقولش احلام يا على .. دى طموحات و اهداف ان شاء الله

هتتحقـــق :))

عماد : ايوه يا عم انت يا اللى مشجعنى .. مش اللى بيقولى احلام ؟!

على : خلاص حقك عليا :)

محمود : قولى انت بقا يا على طموحاتك كده ؟

على : إلى الآن مفيش حاجة محددة .. بس اللى انا متحمس ليه انى اختم

القرآن و بصراحة نفسى ازود شوية فى الطاعات و الصلاة و الصيام

محمود : بإذن الله فى الاجازة دى كلنــا هنعين بعض و هنتفق نصوم الأتنين

و الخميس و ال 3 ايام من كل شهر هجرى و هنتفق برضو نروح دار ايتام

نزورهم و نجبلهم لعب و نفرحهم و ناخد الأجر و الثواب العظييم بإذن الله

و كمان هنزود مع بعض فى الطاعات هنصلى السنن كلها و هنبدأ نصلى القيام

مع بعض و هنعمل كوووول حاجة بإذن الله ربنا يعينننا ياارب

على : يآآآآآآآآه بجد انا متحمس اووووووووووووى

عماد : و انا كمااااااااااااان هيييييييييه :))

http://www.al-wed.com/pic-vb/136.gif

المشهد الثالث

على : فوزية بقولك ايه ايه رأيك تيجى تحفظى معانا قرآن فى المسجد و تتعلمى

علم شرعى ؟

فوزية : ؟!!!!!! مين انا بتكلمنى انا ؟؟

على : اومال خيالك مثلاً !!

فوزية : انت بتتكلم جد ؟؟

على : و انا من امتى بهزر معاكى سيادتك ؟

فوزية : ياااه خلاص بإذن الله هحضر معاكم كان نفسى اووى احفظ قرآن

... شكراً يا على ربنا يباركلك :)

> آه نسيت اقولكم ان فوزية دلوقتى بقت حاجة تانية ماشاء الله حافظت على

الصلوات و غيرت لبسها و غيرت اصحابها و بدأت حياة جديدة .. جديدة

اوووى , اخدت من " على " الشرايط اللى كان بيديهاله محمود و سمعتها

و قرأت الكتيبات كمان .. قربت من ربنا و تابت توبة بإذن الله نصوحة

و قررت انها عمرها ما هترجع تااانى لأيام الجاهلية اللى كانت عايشة فيها :)

و علطوول بتدعى ل " سلوى " بالمغفرة و الرحمة لأنها كانت السبب فى انها

تفوق قبل فوات الآوان <

على : خلاص شوفى كده لو حد من اصحابك هييجوا معاكى عشان تشجعوا بعض ..

آه صحيح من امتى و انتى بتقوليلى شكراً و ربنا يباركلك ؟؟ انتى اتغيرتى

اووى على فكرة بس للأحسن طبعاا

فوزية :لو مش عاجبك الكلام اغيـره انا معنديش مااانع !

على : لالالالا كده تمااام اوووى:))


http://img452.imageshack.us/img452/6...20701009sd.gif

و نكمل الحلقة الجاية ان شاء الله

http://files.fatakat.com/2010/6/1276720479.gif

http://www6.0zz0.com/2013/04/16/03/535521961.gif

يا ودود يا ودود
يا ذا العرش المجيد
يا فعالا لما يريد
اسألك بعزك الذي لا يرام
وملكك الذي لا يضام
ونورك الذي يملأ اركان عرشك
ان تنصرني نصراً يليق بجلال وجهك وعظيم سلطانك
وتسخر لي جنداً من جندك يثبتوني على الايمان
ويدفعوا عني الاذى والسوء
واكفني اعدائي بما شئت وكيف شئت انك على ما تشاء قدير
اللهم تولى امري وانصرني
انت نعم المولى ونعم النصير
ودبر لي امري فإني لا احسن التدبير

http://forums.fatakat.com/images/separator10.gif

http://islamroses.com/zeenah_images/4.gif

http://aljoufreev.com/upload//upload...d6794849a4.gif

http://www7.0zz0.com/2013/04/18/11/774427417.gifالقسم الدينى من اهم اقسام المنتدى فحاول ان تشارك به بقدر المستطاع .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifلا تنسى ابدا ان تصلى على النبى .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/774427417.gifلا تكن من الحقودين و المتمردين على قضاء الله .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifاذا حدثت لك كارثة فقل انا لله و انا اليه راجعون .

http://www.al-wed.com/pic-vb/139.gif

http://www7.0zz0.com/2013/04/13/15/799125039.png

(( الحلقة السابعة عشر ))

المشهد الاول

على : سلااام عليكم .. ازيك يا حودة عامل ايه ؟

محمود : الحمد لله بخيير يا لولو :)

على : لولو !! ماشى ما علينا ..

هنروح امتى بقا ؟؟

محمود : دى تقريباً المرة العشرين اللى تسألنى فيها

يابنى قولتلك كمان اسبوع ان شاء الله .. كمان اسبوووووووووووع الله يرضى عنك

على : مااشى متزعقش ياعم :))

محمود : عامل ايه فى صيام الاثنين و الخميس و قيام الليل و باقى الحاجات

اللى اتفقنا عليها ؟؟

على : الحمد لله مية مية .. متقلقش يابنى انت سايب وراك رجالة

محمود : مانا عارف يا لولو .. ربنا يبارك فيك يارب :)

طب متعرفش حاجة عن " عماد "

مختفى كده بقاله كتير ومعرفش حاجة عنه و مش بيتصل زيك 3 مرات فى

اليوم يسأل " هنروح امتى "؟؟ :)

على : اممممم آه صحيح ده مختفى .. طب انا هكلمه دلوقتى و ممكن اعدى

عليه عشان كان سالف منى قميص كاروهات و لسة مرجعهوش

محمود : ماشى و ابقا سلملى عليه كتيير..

http://www.al-wed.com/pic-vb/136.gif

المشهد الثانى

على راح لبيت " عماد " لانه كان مش بيرد على التليفون .

على فضل يخبط على الباب كتير لحد اما عماد فتح !

على : ايه يابنى ساااااعة على ما تفتح ؟؟

عماد : معلش يا على كنت نايم !

على : صح النووووم .. طب يللا ادخل طس وشك بشوية مياه و انا هستناك

فى الصالة .. اعتقد البيت بيتى

عماد : ايوه طبعاً و احنا الضيوف :))


على لاحظ ان عماد لوحده .. والدته مش موجودة !

عماد : منووور يا على :)

على : بنورك .. اومال فين الحاجة ؟!

عماد : تقريباً عند جارتنا

شوفت اللى حصل ؟

على : خييير

عماد : ( بابا ) قال ايه بيكلمنى و عايزنى اعيش معاه و اسيب امى ؟؟

على : و انت قولتله ايه ؟

عماد : هقوله ايه يعنى .. لأ طبعااااااااااا

على : انت بتشوفه

عماد : لأ و مش عاوز

على : لا إله إلا الله .. ده برضو والدك يا عماد و ليه حقوق عليك مينفعش كده

و يا ابنى ممكن يكون حس بغلطته .. و قلبه حن علشان كده اتصل بيك

و قالك تيجى تقعد معاه !

عماد : لأ لأ لأ معتقدش ابداا

على : يووووه .. يابنى طب روح زوره ممكن يكون محتاجك !

عماد : و هو كان فين وقت اما انا كنت محتاجه ؟!!!!

كان فين وقت اما كنت محتاج حد يرشدنى و يوجهنى للصح

كان فين ؟؟؟ هه ؟

على : خلاص بقا يا عماد ... ساااااامحه .. الله يكرمك سامحه بقاا .. ليه تخلى

فى قلبك ذرة كره لحد .. و ده مش اى حد ده ( ابـــوك )

فاكر الرجل اللى كان من اهل الجنة بسبب انه كان بينام و مفيش فى قلبه اى ذرة حقد او غل و كره لأحد من المسلمين

سامحه يا عماد .. يمكن ربنا سبحانه و تعالى يعفو عنك يوم القيامة بسبب كده

معلش انا عارف انه ظلمك .. لكن احنا بشر و بنغلط ..

بس لازم نسامح بعض و نتغاضى عن الإساءة علشان نعرف نعيش ..

سامحه ( لله )

عماد : هحااااول يا على هحاااول ..

على : انا هكلم محمود ييجى علشان ناخدك انا و هو و نروح عند والدك

ايه رأيك ؟؟

عماد : هقول اييييه ..

على : قول لا إله إلا الله :)

و كلم على محمود و جه عند عماد ..

و خلاص رايحين عند والده ..

http://www.al-wed.com/pic-vb/136.gif

المشهد الثالث

عماد و محمود و على واقفين على الباب

عماد متردد انه يخبط على الباب ..

و استعاذ بالله من الشيطان الرجيم و خبط ..


فتح الأب الباب


و كــانت المفاجــــأة ..





عماد : بابا !!!!!!

والد عماد : عماااااد ابنى حبييييبى !!!

( والد عماد كان مُقعد على كرسى متحرك و من ملامح وجهه كان واضح

عليه انه اصاب بشلل نصفى )

عماد اصابه الذهووول اول ما شاف والده كده !!!

والده اللى كان ( قـــوة ايه ؟؟ ) القوة اللى كان بيستعملها فى ضرب ام

عماد !! ربنا سلبها منه .. سبحان الله

و اصبح الآن ( مقعد بشلل ) اقصى حلمه فى الحياة انه يقف على رجليه من تانى !!

عماد جثى على ركبته .

عماد : بابا ايه اللى حصل فى ايه ؟؟

والد عماد : طب ادخل يابنى جوه و انا هحكيلك كل حاجة .. اتفضلوا .

دخلوا البيت كان اشبه " بالشارع "
!!!

والد عماد : انا آسف عشان البيت مكركب و مش متنضف .. بس انا

لوحدى و زى ما انتوا شايفين مش بقوم على حيلى و مفيش حد معايا

يساعدنى ..

عماد ادخل اغسل 3 كوبايات و اعمل شاى لأصحابك ..

عماد : حاضر !

و بعد الشاى ..

والد عماد : انت عامل ايه ؟؟ و ازى امك ؟ انتوا كويسين ؟ و عايشين ازاى ؟

عماد : الحمد لله .. ربنا ميسرها علينا و عايشين فى احسن حال ..

و انت يا بابا ؟!!

احكيلى فى ايه و ايه اللى حصل ؟؟

والد عماد : حاضر يابنى هقولك على كل حاجة ..

بعد اما سبتكوا و اخدت الشقة دى بالإيجار .. الدنيا لطشت معايا اوووى

اتجوزت واحدة ربنا يسامحها .. نصبت عليا و اخدت اللى ورايا و اللى ادامى

و سابتنى على الحديدة .. خدت كل حاااجة منى

لكن انا استحق .. والله العظيم انا استحق اكتر من كده

ربنا جزانى على ظلمى ليكم و معاملتى ليكم ..

بعد كده حسيت ان الدنيا اسودت فى وشى و انها مقفلة من كل ناحية

كل يوم حسرتى بتزيد و تزيد و تزيييد

حسرتى عليك يابنى

كان نفسى اربيك و تعيش معايا و اشوفك قصادى و انت بتكبر

كان نفسى اعيش معنى ( الأبــوة )

حسرتى على امك !!

الست الطيبة اللى انا بغبائى فرطت فيها

و اللى دلوقتى كنوووز الدنيا كلها متساويهاش !!

حسرتى على حاالى و اللى انا وصلت ليه !!

حسرتى انى لما بكلمك مش بترد عليا و بتتهرب منى !!

بدل ما اكون انا الحضن الدافى اللى تلجأله !

بقيت انا عدوك اللى بتهرب منه !

ربنا أراااااانى ( قدرته عليا )

ربنا قادر انه يسلب منى النعم اللى كنت بغضبه بيها !

و فعلاً ..

ما بين يوم و ليلة حالى بقا كده ..

شلل نصفى

و انا والله استحق اكتر من كده .. ياااااه ده كده ربنا رحيم بيا اووووى

انه خلانى اعيش و الحق اتوب قبل ما اموت !

سامحنى يا عماد يابنى .. ابوس ايدك تسامحنى .. نفسى ارجع اعيش معاكوا تانى

نفسى اووووى يابنى .. نفسى اصلح كل حاجة .. و نرجع تانى نعيش

( كأســرة مترابطة )

سامحنى يا عماد !! انا آسف يا حبيبى

عماد : لا يا بابا متعتذرش .. انا مقدرش ازعل منك ..لأنك ابوووويا اللى بحبه :))

والد عماد : بجـــد ؟؟!!

يعنى خلاص هنرجع نعيش مع بعض من تانى ؟!

عماد : ايوه يا بابا :)

ربنا سبحانه و تعالى عمل كده علشان نرجع تانى لبعض ..

والد عماااد : ياااااه احمدك و اشكر فضلك يااارب

و انا هكلم امك و هعتذرلها و رجائى من ربنا انه يخليها تسامحنى

عماد : ماما طيبة اووى .. صدقى اول ما تشوفك هتسامحك علطوول

على و محمود :

على : ربنا يجمع شملكم من تانى يا عمو ..

محمود : طب يللا بينا يا عمو يللا يا عماد علشان ترجعوا بيتكـم :)

و فعلاً

رجع عماد و والده البيت ..

والد عماد اعتذر لأمه و سامحته و رجعوا من تااانى للسعادة

اللى كانوا عايشين فيها

اتعلموا حاجات كتييير اوى من المرحلة اللى عاشوها دى !

لكن مش كلنا هنستنى لما نوصل للمرحلة دى !!

لازم نفتش فى بيوتنا عن اى ( ثغر ) يمكن انه يتسع

و يبقا ( فجــوة ) كبيرة بيننا و بين اولادنا

.......

و اختم الحلقة بــ ( مـــا اجمـل تدبيـر الله لنا ! )


http://img452.imageshack.us/img452/6...20701009sd.gif

ونكمل الحلقة الجاية ان شاء الله

http://files.fatakat.com/2010/6/1276720479.gif

http://www6.0zz0.com/2013/04/16/03/535521961.gif

يا ودود يا ودود
يا ذا العرش المجيد
يا فعالا لما يريد
اسألك بعزك الذي لا يرام
وملكك الذي لا يضام
ونورك الذي يملأ اركان عرشك
ان تنصرني نصراً يليق بجلال وجهك وعظيم سلطانك
وتسخر لي جنداً من جندك يثبتوني على الايمان
ويدفعوا عني الاذى والسوء
واكفني اعدائي بما شئت وكيف شئت انك على ما تشاء قدير
اللهم تولى امري وانصرني
انت نعم المولى ونعم النصير
ودبر لي امري فإني لا احسن التدبير

http://forums.fatakat.com/images/separator10.gif

و السلام عليكم ورحمة الله و بركاته

فى امان الله

http://aljoufreev.com/upload//upload...d6794849a4.gif

http://www7.0zz0.com/2013/04/18/11/774427417.gifالقسم الدينى من اهم اقسام المنتدى فحاول ان تشارك به بقدر المستطاع .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifلا تنسى ابدا ان تصلى على النبى .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/774427417.gifلا تكن من الحقودين و المتمردين على قضاء الله .
http://www7.0zz0.com/2013/04/18/11/916433798.gif
http://www7.0zz0.com/2013/04/18/11/433649481.gifاذا حدثت لك كارثة فقل انا لله و انا اليه راجعون .

http://www.al-wed.com/pic-vb/139.gif

http://www7.0zz0.com/2013/04/13/15/799125039.png

(( الحلقة الثامنة عشر ))

و الأخيــــرة

المرحلة اللى وصلت لها قصتنـا " مبشـرة " جداً :)

" على" بعد ما كان تايه و مش عارف هو ماشى فين و كان ممكن يكمل فى

سكة الإدمان .. خلاص بقا دلوقتى متحمس جداً انه يروح يحفظ القرآن

و يختمه و يدرس علوم شرعية كمان :)

عماد اللى كان لا بيطيق الملتزمين ولا سيرتهم و بيقول عليهم

كائنات فضائية عجيبة " بقا دلوقتى واحد منهم .. بقا دلوقتى قلبه معلق

بالمساجد .. حاااجة تانية خاالص , كانت علاقته بوالده و والدته .. ولا

اقولكم مكنش فى علاقة اصلاً .. لكن دلوقتى اتلـم شمل الأسرة من تانى :)

فوزية بطلت سرمحـة و مصاحبة و كلام مع ده و مع ده و برضو بقت حاجة

تانية :)


طب نرجع تانى لأحداث قصتنا .. و نكمل كلام فى الآخر ^^



المشهد الأول ..

محمود : و عليكم السلام يا على .. خير يابنى مصحينى بدرى ليه ؟؟

على : هو ايه اللى ليه ؟؟ ده انا منمتش اصلاً يا عمونا يللا بقا لحسن نتأخر

عايز ابقا اول واحد اروح :)

محمود : طيب يا سيدى .. ربنا يزيدك همة يارب

كلمت عماد ؟؟

على : والله انتنايم فى العسل .. عماد عندى من 6 الصبح :))

محمود : ماشاء الله ماشاء الله :)

طب انا نص ساعة و اكون عندكم بإذن الله .. يللا سلام عليكم

على : و عليكم السلام ورحمة الله و بركاته

...............................................

فوزية : ماما كويتى العباية ؟؟

الأم : ايوه يا حبيبتى و علقتهالك على الشماعة

فوزية : تسلم ايديكى يا ست الحبايب , ادعيلى بقا انهارده كده عشان ده اول

يوم اروح فيه المسجد .. و انا مخبيش عليكى " سلطــة " معرفش اى

حاجة فى اى حاجة و ربنا يستر :)

الام : ربنا يجبر بخاطرك يا بنتى يااارب و يسعدك دنيا و آخرة

فوزية : آميييييين


الحاج : يللا يا زوزو عشان تفطرى و يا حاجة دخلى الفطار ل " على "

و صاحبه جوه فى الأوضة ..

الأم : حاضر يا حاج .




و ده كان اول يــوم يروحوا فيه المسجد ..

كان يوم رآآآئع .. على و عماد و محمود اتعرفوا على شباب زيهم فى اول

الطريق برضو اتصاحبوا عليهم و حبوا بعض فى الله و كونوا شلــة كبييرة

كونوا صحبـة صالحة :)


فوزية .....


اممممم تعالوا نشوف عملت ايه ؟؟





المشهد الثانى

فوزية كانت قاعدة فى زاوية فى المسجد .. لأنها كانت متعرفش حد هناك ..

قربت منها بنت " منتقبة " اسمها ( نوران )


نوران : سلام عليكم يا جميل

فوزية : و عليكم السلام .. اهلا و سهلا

نوران : احم احم ممكن نتعرف

فوزية : يــآريت ده انا اتمنـى :)

انا فوزية 18 سنة

و انتى ؟

نوران : انا نوران 19 سنة .. اول مرة تيجى هنا يا فوفو ؟

فوزية : اول مرة ادخل مسجد اصلاً

نوران : !!!!! ليه يا بنتى انتى كنتى محبوسة ولا ايه ؟

فوزية : لالالا كنت حرة طليقة :))

نوران : لااااا شكل حكايتك حكاية .. احكيلى بقا كده من طقطق لسلامو عليكو http://www.goodwayinlife.com/forum/i...milies/s7n.gif

http://www.al-wed.com/pic-vb/136.gif

فوزية اتصاحبت على نوران .. و نوران عرفتها على اصحابها ..

فوزية حكت كل حاااجة لنوران لأنها حست بإرتياح ليها اوووى و حبتها لله

فى لله ... نوران وعدتها انها مش هتسبها ابداً و هيفضلوا اصحـاب

علطووول

و مرت الأيــام و الأسابيــع و الشهـــور

و كــنا على و عماد و محمود مش بيناموا الليل من المراجعة و الحفـظ

كانوا فعلاً حاطين ادامهم هدف وكانوا لااااازم يحققوه ..

يمكن " على " لو كان لوحده مكنش قدر يكمل

و كذلك " عماد " و " محمود "

لكن كلــهم مع بعض + الشباب اللى اتعرفوا عليهم فى المسجـد

كــانوا كلهم بيتنافسوا مع بعض .. كانوا بيحفزوا بعض و يشجعوا بعض

كانوا خير معين لبعضهم ..

و مــرت الشهور ..

لتنقضى الأجــازة الصيفية بسلآلآلآم

آن .. آن .. آآآه

و نقول لـ " على و محمود و عماد " و مننساش " فوزية " كمان



كان اجمــل يوم فى حيااااااتهم يوم ما ختموا القرآن و اخدوا شهادة تقدير

و اتكرموا :)))

كان إحساسهم وقتها لااايوصف بالفرحة انهم اصبحوا من حملة كتاب الله

و فى حفــلة التكريم ..كان الكــل موجود والد عماد و والدته و اخت

محمود و والد على و والدته .. كلهم جايين يفرحوا بأولادهم دى مش اى

شهادة اومااال ؟ :)

ناخد كده لقطة جانبية لوالد و والدة على و فوزية ^^




الحاج : انا مش مصدق نفسى يا ام على؟!! ده ابنى و بنتى الى انا شايفهم

ادامى دلوقتى !!

الام _ و فى عينيها الدموع _ : انا الفرحة مش سيعانى يا حاج ..

الحاج : ماهو واضح ! من الدموع اللى مغرقة وشـك !

الأم : دى دموع الفـرحة يا حاج

الحاج : ربنا يخليهم لينا و يباركلنا فيهم و يفرحنا بيهم يااارب :)




و بكـــده ده يكــون آخـر مشهد فى قصتنـا

القصة لم تنتهى بعد.. ابطالها مازالوا معانا على ارض الواقع ..

اب

ام

ابن

ابنة

اســـرة ..

اى اسـرة هى بطلة قصتنا ..

الأب و الأم ... دوركم مش بينتهى بمجـرد تكلفتكم لمصاريف الأولاد !

انتوا دوركـم اكبــــر من كده بكتيييير

دوركم انكم تنشأوا جيـــل كآآآمل .. جيل صـالح يحمل هم هذا الدين .. جيل يعرف هدفه فى الحياة ..

لازم تبـقوا اسـرة متكاملة .. مترابطة ..متوافقة

حوَطوا على اولادكم .. و حافظوا عليهم

لأنهـم كنــز المستقبل

..........

تمــــت بفضل الله

http://www6.0zz0.com/2013/04/16/03/535521961.gif

يا ودود يا ودود
يا ذا العرش المجيد
يا فعالا لما يريد
اسألك بعزك الذي لا يرام
وملكك الذي لا يضام
ونورك الذي يملأ اركان عرشك
ان تنصرني نصراً يليق بجلال وجهك وعظيم سلطانك
وتسخر لي جنداً من جندك يثبتوني على الايمان
ويدفعوا عني الاذى والسوء
واكفني اعدائي بما شئت وكيف شئت انك على ما تشاء قدير
اللهم تولى امري وانصرني
انت نعم المولى ونعم النصير
ودبر لي امري فإني لا احسن التدبير

http://forums.fatakat.com/images/separator10.gif

و السلام عليكم ورحمة الله و بركاته

عمل ممتاز ،جعله الله فى ميزان حسناتك :)