![]() |
الى يقولك انتا عاوز تولع البلد رد عليه وقولو..!
الى يقولك انتا عاوز تولع البلد رد عليه وقولو ----------------------------------------------- - ده علي اساس اني كنت سايق القطر ؟! - ولا علي اساس اني خليت للفرد 3 ارغفة عيش في اليوم ؟! - ولا جايز لأني السبب في رفع اسعار السلع الغذائية وكروت الشحن واسعار الكهرباء ؟! - ولا يمكن لأني حددتلك 5 لتر بنزين في اليوم !! - وجايز جدا يكون لأني مش عارف اطبق الحد الادني والاعلي للأجور !! - ووارد يكون اني مش سامع ولا شايف مطالب حد غير اهلي وعشيرتي!! - واحتمال كبير يكون علشان انا لبستكوا في الدستور !! - ولا يمكن علشان انا مش عايز اقتص للشهداء ولا اعامل مصابي الثورة المعاملة اللي تليق بيهم ولا عارف احقق مطالب الثورة اللي كلنا هتفنا بيها في الميدان !! - واحتمال علشان انا مصمم علي قانون الصكوك وابيع مصر بحجة ان طالما الصكوك اسلامية يبقي حلال حلال حلاااااال وكله بما لا يخالف شرع الله !! - وجايز يكون السبب اني مصمم علي قرض البنك الدولي اللي هيسفف الشعب التراب !! - ولا ممكن يكونوا قاصدين موقفي من مشاريع قطر واستهدافها لقناة السويس واني عايز اسلمهلم علي طبق من ذهب !! - ولا علشان انا لغاية دلوقتي مش عايز اعيد هيكلة الداخلية وسايبها تعاملكوا نفس معاملة قبل الثورة !! - ولا جايز علشان انا وعدتكوا بمشروع نهضه يغير حياتكوا وفي الاخر طلع فانكوش !! - ولا يمكن السبب اني جايب وزارة فاشلة مش قادره تسير اعمالها اليومية وتعيشكوا حياة كريمة بعد ثورة راح فيها شباب كتير منكوا ؟!! انا مش عارف انهي سبب من دول بصراحه اللي هيخليني اولع في البلد، بس اللي اعرفه وشايفه بعيني ان بالمنظر ده البلد بتقع علي دماغي ودماغك مهما كان انتمائك، ماتخدش كلامي علي صدرك ولا تاخده بشكل شخصي، بس ياريت زي مانت بتتحمق لمرسي والجماعه جرب مره واحده تتحمق لمصر!! |
الرد خسارة اصلآ
|
لكـِ الله يا مـصـر
|
كلام ما بعده كلام
|
حسبي الله و نعم الوكيل في مرسي
|
انتا جبت الزاتونه
|
كلامك صح 100% بس انا خايف..:mf_missing:
|
جبت مــ الأخـــر ... !
|
كلامك صح 100%
|
ربنا يستر على مصر بقى
|
كلو هيتحاسب
عاجز وفاسد |
طيب انشاء الله مرسي يخلص مدته و يمشي و نشوف الريس اللي انتم عايزنه هيعمل ايه .. لو البلدحالها اتصلح تعالا تف علي قبري
|
فعلا عندك حق فى كل كلمه قلتها !
يسقط مرسى ! يسقط النظام ! يسقط كل اللى خان ! يسقط بتوع الاستقرار ! يسقط كل واحد شيف بلده بتتنيل كل يوم عن الاول و حاطط فى بقه جزمه ! احييك من كل قلبى بصراحه :) |
كلامك حلو اوى
|
انا عكسك تماما ^^
|
كلام جميل ...
بس مين الي هيعمله ؟!... |
| الساعة الآن 05:40 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.