انا كرهت البلد ديه ومش هرجعلها تاني
 

بسم الله الرحمن الرحيم

انا اسمي وائل فاتحين مركز للطباعة التصوير بقالنا 20 سنة فاتحين


واحد كان شغال برة ولسا راجع مصر قرر انو يفتح مشروع معرض سيارات كبير وكان جاي يكتب عندنا كام ورقة كدا تخص المعرض ومرة وحدة في زبون موبيلو اتسرق وحنا في المحل واعدنا ندور ام متهم الراجل اللي هو كان اعد جنبو اللي هو لسا راجع من مصر الراجل يقولو طب انتا بتتهمني علي اساس ايه بيقولو انتا اللي كنت اعد جنبي ومسكو في بعض الواد اللي اتسرق منو الموبيل راح جاب شوية عيال صيع كانو هيضربو بس اعدو مع ابويا اللي هو صحب المحل الو ينفع يا حج الموبيل يتسرق في محلكو الو احنا ملناش دعوة احنا مش هنحرصلك موبيلك وفي ورقة متعلقة عندنا مكتوب عليها المركز غير مسئول عن اي متعلقات تخص الزبائن او موظفي المركز ام الواد قالو بس في واحد هو اللي سرق الموبيل ام الراجل اللي لسا جاي من السفر بيقولو انتو بتتهموني اني سرقت موبيل ليه انا مليش دعوة انا راجل كنت عايش برة ولسا جاي بلدي ومستورة والحمدلله اسرق موبيلكو ليه

ام الواد اللو احنا هنعمل محضر انك سرقت موبيل وسرقت 5 الف جنيه لو مدتناش حق الموبيل او جبتهلنا ام الراجل اللو اعمل اللي تعملو انا واحد مسرقتش

الظابط جه ام حقق معانا شوية ام واخد الراجل اللي متهمينو وصاحب الموبيل المسروق وراحو القسم اللو يعني سرقت موبيل و5 الف جنيه وبتنكر اللو يا سعت الباشا انا مسرقتش حاجة دول بيتهموني وخلاص ام الظابط اللو بس هو اللي انك انتا الوحيد اللي كنت اعد جنبو اللو يا باشا انا كنت مسافر برة ولسا راجع البلد وهفتح مشروع معرض سيارات ازاي اسرق يعني

اللو تتعرض علي النيابة

ولا تديلو حق الحاجات بتعتو اللو يعني انتو بتلو دراعي ماشي

ادالو حق الموبيل و ال5 الف جنيه اللي متلفقالو اصلا

اما تلعو برة القسم مسكو الراجل ضربوه

الراجل بقا اعد ينعل في ام البلد ديه وقعد يقول يرتني مرجعتها ومش عارف ايه

وباع العربيات اللي كان لسا جيبها والمعرض وسافر تاني وحلف انو ما هيرجع مصر تاني

طبعا هو حكا لي ابويا الموضوع ده و ابويا حكالي

الراجل صعب عليا اوي بصراحة انا عارف ان في ناس كتيرة كويسة بس انك يحصل معاك موقف زي ده مش بيبقا كويس

شكراااااا ....

ابتسم انت فى مصر

وانا كمان نفسى اسافر وارجع لما البلد تتعدل

يبئا مش هترجع خالص

مين المزة الصغنططة اللى فى توقيعك ديه :biggrinthumb::biggrinthumb:

................................

* بالنسبة للموضوع : يا حبــــى ده حوار و كمين علشان يقلبوا الراجل علشان أبن نـــاس !!!
لو كان صايع وبلطجى زيهم ، مكنوش عرفوا يعملوا حاجة !!!

معلــــش يحتسب أجره عند ربنا ، وربنا يعوض عليه :yes:

يحقق اية يا طعم يانيتى انت ده لما بيبقى فيه قضية قتل ولا حاجة بيلموا كل قرايب المقتول ويعضوا يضربوا فيهم لحد مواحد يصعب عبة حد من اللى بيضربوا لكبر سنة ويعترف ويشيل القضية :crutch:

حصلت فى عيلتنا قبل متولد لقوا واحدة قريبتنا من بعيد اتقتلت مذبوحة وكان فى فناجيل قهوة يعنى القاتل كان بيشرب مع الضحية وقام خدها البانيو قتلها

مسكوا اى قريب واى صاحب واى حد من القهوة لو عازوا ناس تانية ويعضوا يضربوا لحد ميبانلك صاحب وفى الاخر محدش اعترف وأتأيدت مجهول

هذه مصر بس الحق اول مسمعت خطاب مرسى بتاع 6 اكتوبر امانة اللى مسمعوش يسمعوا الراجل 10 على 10 بس هو استلم بلد بايظة واهو هيصلح ان شاء اللة بس ياريت الحكاوى القديمة دى تخلينا نلعن فى مبارك مش فى الدولة

لو صلح الحاكم صلح الرعية وابشاء الله مرسى صالح :111 (26):

مع إني مش مصدق إن فيه ظابط يعمل كده

بس عموماً هي بلد بنت ستين *** و اول فرصة هاتجيلي هسيبها :pissed:

الموضوع خيالى جدااا

1: لا يمكن تحصل فى محل دون تدخل اصحاب المحل لحل المشكله ودى لحد 80%

2:لايمكن تحرير محضر بدون وجود المسروقات والا يكون محضر فاكس

3: مش ممكن تعدى حتى على مخبر بلاش ظابط واحنا لسه موصلناش لكده ابداا وانت الان دخل اى قسم شرطه تعامل بمنتهى الاحترام

4: انه يضرب امام قسم الشرطه واكن القسم ده نادى شباب او محل اتارى ؟؟؟

بلاش نقعد نقلل من بلدنا كده مصر مصر مش ممكن تلاقى بلد زيها

انا باقى الى عايز اسئل سؤال تخيل اى بلد فى العالم يحصل فيها انفلات امنى 48 ساعه مش اكتر من سنه ممكن يحصل فيها ايه

يا سيدى انا مش شايف عادى

ممكن انت ترد على سؤالى الى تحت :wink(1):

والله انتوا برضوا غلطانين لو كنتو مع الراجل مكانش حصل اللي حصل + في حاجة اسمها يفتشوة ملقوش حاجة معاه يبقي مخادش حاجة مش معقولة هيبقي ساحر ويخفية+ مفيش موبايل اتسرق ولا حاجة والحكاية دية مدبرة:111 (24):

مـمـكـنـ الـظـابـط يـكـونـ مـرتـشـي .!


:whip:

باختصار انا معنديش حاجة اقولها غير البس يا شعب وابقا قابلني لو فلحت طول عمرك

باختصار تعليم بايظ
حكومة فشله
شوارع معفنه
...............
http://profile.ak.fbcdn.net/hprofile...72997941_n.jpg

مضووعك ده مالوش اى لازمه غير انك بتكرهنا فى البلد
موضوع سليى مش اجابى
فيه حاجات زى دى بتحصل كتير
بس احنا بقى عايزين شويه ايجابيه بجد كفايه :mf_microwave:

مش عارف ليه حاسس من كلامكم انى بنزل الشارع بمشى وسط جثث وناس ماشيه بسلاح وكل شويه يطالع ظابط يدينى على افيه ويخد رشوه

نحن الان 92 مليون لو 1% مننا بلطجيه وده يابقى احنا قربنا من المليكه ولا بلاش خاليهم 0.5%
ممكن تقول المفروض كم حدث يحدث يوميا

هل تعالم ان معدل الجريمه فى العصر السابق اعالى من الان ولكن الفرق ان الاعلام لم يكون له الحريه فى نشر الخبر ولككن الان لو وحده اتشد من ايدها شنطه ممكن تطالع فى اخبار 9

طب انت تعرف بقى الصدمة الكبرى

ان الشخص اللى قال موبايلى اتسرق منى

ده اساسا ماكنش معاه موبايل ؟

هو حوار بيعمله لما شاف اللى اعد جمبه ابن ناس ومبسوط - قال انا اعمل عليهم فيلم واكيد هاخد منه فلوس كتيرة

راح فكر تفكير موبايلى اتسرق وانت الللى اعد جمبى عشان يخاف ويدفعله

ولما وصلو لقسم الشرطة وفشل ياخد فلوس

جاب اصحابة الحرامية عشان ياخدو منه فلوس عافية

الحمد لله والصلاة والسلام على رسول الله وعلى آله وصحبه أما بعد:

فالغالب في المال الحرام أن يأتي عن طريق الربا، وقد يأتي عن طريق الرشوة والسرقة والغصب…… وقد ورد في الكتاب والسنة من النهي عن الربا والوعيد الشديد فيه ما لم يرد في غيره من الذنوب، كما أن الرشوة ملعون صاحبها على لسان محمد صلى الله عليه وسلم، والغصب والسرقة ذنبان عظيمان فمن تجرأ على الله عز وجل وجمع المال من هذه الأوجه وغيرها من الأوجه المحرمة فقد عرض نفسه لأنواع العقوبات العاجلة والآجلة.
فالمال المحرم ممحوق البركة معرض هو وما خالطه من الحلال للتلف والزوال، وإن بقى فلا يقبل الله منه صدقة ولا حجاً ولا صلة، وإنما يقاسي صاحبه أتعابه، ويتحمل حسابه، ويصلى عذابه، وإذا كان الله عز وجل قال مخاطباً للمرابين : (فإن لم تفعلوا فأذنوا بحرب من الله ورسوله ) [البقرة: 279] فلا يمكن حصر ما سيحل بهم وبأموالهم من البلاء والمصائب، وأسباب التمزيق والتلف، لأن جنود الله التي يسلطها على من حاربه كثيرة ومتنوعة: ( وما يعلم جنود ربك إلا هو ).[المدثر:31],
وهذا في الدنيا، وأما في الآخرة فالأمر أشد، والخطب عظيم والمصاب جسيم، وأي مصيبة أعظم من أن يعرض أحد نفسه لسخط الله فيكون من الذين: ( تلفح وجوههم النار وهم فيها كالحون ) [المؤمنون :104 ]هذا ومما يجب التنبه له أن تخلف بعض العقوبات عن بعض الناس في الدنيا، قد يكون شراً من نزولها بهم، فإذا رأيت المرابي المنغمس في الشهوات المعرض عن الله آمناً في أهله وماله فلا تظن أن الله تاركه، ولكنه يملي له، حتى إذا حان أخذه له أخذه أخذاً شديداً مباغتاً، فقد قال جل وعلا: (وأملي لهم إن كيدي متين ) [ القلم :45] وقال: ( إنما نملي لهم ليزدادوا إثماً ولهم عذاب مهين ) [آل عمران :178 ]
وعلى كل فمن ابتلي بشيء من المال الحرام فيجب عليه أن يبادر بالتوبة منه، كما يجب عليه أن يتخلص منه برده لأصحابه إن أمكن، وإلا فيصرفه في وجوه البر والإنفاق.
ومن المعلوم أن رحمة الله واسعة وأنه يغفر الذنوب كلها، لا يتعاظم ذنب عن عفوه ومغفرته، فقد قال تعالى: ( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم ) [الزمر :53 ] فالبدار البدار بالتوبة قبل فوات الأوان.
والعلم عند الله تعالى.

عقوبة اكل الحرام فى الدنيا والأخرة

egypt

الحمد لله اني مش عايش في مصر !!!! Proud to be American :)

و مصري في نفس الوقت بس لما البلد تتعدل

ظابط منهم فيهم ؟!

ناس زباله

العيب من النظام

حضرتك اسرق موبيل كدا وجيب 6 7 من صحابك يشهد علي اي حد شوف رد الطابط هيكون عامل ازاي

3-4 ساعات حقق معاه بس المشكلة ان الظابط لقا 6 7 من صحاب اللي متسرقين مينو الموبيل بيشهدو عليه تخيل المنظر

احنا يعني هنعمل ايه وحنا نعرف انهم حرمية

وكمان ابويا المريض اللي عندو 67 سنة وعامل عملية قلب مفتوح هيكلم معاهم

ولا كمان نتخانق معاهم بالمرة ونعمل مشكلة تانية ويجو يكسرو المحل اللي بناكل منو عيش

حسبي الله ونعمة الوكيل

هههههههههههههه مش مصدق ان ظابط يعمل كدا

معلش اصل احنا ظباطنا من جاردن سيتي

1- المحل غير مسئول عن اي متعلقات مسروقة داخل المحل ده اللي كتبينو

ثانيا انا ادخلت بس ابويا مرديش يدخل علشان هو راجل كبير سنو 68 مش هيقدر يكلم وكمان احنا

2- يعني لو حد اتقتل وملقوش ادات الجريمة ميتفتحش محضر ؟؟

3- هما متعدوش علي ظابط ولا مخبر هما ضربو الراجل برة القسم

4- في خبر نزل من كام يوم لو حد سمع عنو بتاع التعدي علي مدرسة بنات بالهرم وامهات البنات بتقول

الشرطة كانت وقفة ومش بتعمل حاجة


وحضرتك يعني انا اسرائيلي مثلا علشان اقلل من ايمت البلد وكدب يعني ؟

لو كان مصر ملقناش زيها مكنش كل واحد جتلو سفرية ام مسافر

مش هنلاقي زيها من نحية ايه

البلطجة - رغيف العيش - انابين الجاز - مرتب موظف 300 جنيه عندو ولو ولد واحد - الناس اللي مش عارفين نجيب حقهم ولي بيروح حقهم زي اللي حصل في بورسعيد وزي اللي خدو براءاة من وقعة الجمل اللي انا لسة منزل الخبر بتاعو - علشان الواحد يعمل سلطة يتفع كيلو طماطم ب 8 جنيه وخيار ب 6 جنيه

صباح الفل يا معلم