|
الغلطه مش غلطتكو بجد انا اللى غلطان
انا بجد استاهل ضرب الجزمه انى فكرت فى يوم اعمل مسابقه هنا فى المنتدى ده مليون جزمه استاهلها عشان افتكرت فى رجاله كبار هيفهمو يعنى ايه مسابقه هيفهمو يعنى ايه لجمه تحكيم هيفهمو يعنى ايه قوانين للمسابقه بجد انتو حاجه تشرف بس صدقونى لو كانت المسابقه بين اطفال فى حضانه كانت هتبقى احسن على الاقل مش نكتب للناس محدش يرد فى المواضيع الاقى الاعضاء دخلو يردو فى المواضيع اقول التسجيل اتقفل الاقى الناس تقولى عاوزين ندخل واحد نكتب كل واحد موضوع واحد الاقى الناس كاتبه موضوعين وتلاته والمصيبه ان كلهم ردين فى الموضوع وبيسالو عن القوانين اللى مكتوبه باكبر خط واوضح معنى ومع ذلك ولا اكنها موجوده اصلا انا اصلا بكلم نفسى ولا حد بيهتم كل واحد ماشى بدماغه كل واحد مستنى غلطه للتانى ويجى يقول الحق ده ناقل الموضوع الحق ده كتب الموضوع بعد الميعاد الحق ده كاتب موضوعين الحق ده الموضوع مكرر الحق ده سرق موضوعى كل ده وقبل المسابقه قولنا ميعاد المسابقه 24 ساعه عشان ضيق الوقت جه الاخ الفاضل بيعلمنى معنى صلاه التراويح ويقولى احنا مش كفره ويقولى ظروف قهريه عشان نصلى فى حاجه اسمها صلاه زى مكون عامل المسابقه من 7 ل 7 وربع مش 24 ساعه و90% اصلا كتبو المواضيع لكن ازاى عشان واحد من عندهم النت فصل عنده يبقى نوقف المسابقه كلها ودلوقتى يبقلا فى صلاه تراويح والوقت مش مكفى جايين يقولو كده بعد الميعاد مخلص واحلى حاجه فيكو انكو عاوزين مسابقه تفصيل مسابقه كلكو تكسبو فيها ولو واحد مكسبش يبقى لجنه التحكيم زى المشرف المحترم مقال واخدين فلوس وزى الاخ اللى محترم جدا مقال لو جبنا عيال من الشارع كانو حكمو احسن منهم وكل ده ولسه بنقول اول يوم فى المسابقه نتيجه المسابقه عشان الناس متزعلش انتو كلكم كسابنين - فوز ال 6 مجموعات كلهم ومحدش خسر كلكم كسبتو الف مبروك وتسقط لجنه التحكيم اصلا مينفعش يكون فى لجنه المره الجايه هاتو عيال اللى بتقولو عليهم يحكمو معاكم عشان هينفذو اللى انتم عاوزينو صدقونى انتو كلكم كسبتو انهارده بباركلكم من كل قلبى على النجاح الفظيع فى المسابقه بجد المفروض كل المنتديات تتعلم مننا hard luck لعمرو ماندو عشان هو الخسران الوحيد انهارده عارفين خسر ايه خسر حاجتين مهمين جدا خسر مجهود شهور فى المنتدى قدام عنيه انهارده وخسر وعده لصاحبه WolF انه هينفذ المسابقه بدلا منه بجد انا اسف يا اسامه انى منفذتهاش زى موعدتك وبجد اشكر كل الناس اللى ساهمت فى النجاح اللى حصل انهارده والحمد لله انى ماشى كمان 27 يوم عشان تلاقو واحد كويس يعملكو مسابقه كويسه المره الجايه |
معقولة انت تمشى من المنتدى دة انا كنت اسيب المنتدى كلة هشتكى لمين بقى :p
لا بجد والله عييب الى حصل النهاردة وانا اوفقك الرى ان انتا حذفنوا بس اوعا تمشى لحسن انا هزعل قوى :(:(:(:(:(:( |
هدى نفسك يا عمر تمشى مين يا راجل المنتدى من غيرك ميسواش بصله :(
استهدى بس بالله و اقوم خد لك كوبايه قمر الدين:) بس انت غلطان المفروض كنت تقول لكل واحد فى بقو القوانين كلها :d:d |
استغفر الله
|
الذين يشاهدون محتوى الموضوع الآن : 9 ( الأعضاء 8 والزوار 1)
LORD KSA, hellman, Hellz_Lord, love_allh, midoelpro, midoman_, usernamo ??? |
بص ياعمرو انا عارف انى غلط فى انى اقول فين القوانين دى بس راجعت الموضوع و لقيت ممنوعع الرد و مسحت ردودى و ردود باقى الاعضاء و الله على ما اقول شهيد و كمان انا مكلمتش فى حكاية اننا خسرنا و كتبت ردين فقط الاول بتاع ان مفيش قونين و التانى انى بعتذر لادم و الله على ما اقول شهيد و اظنانت شفت و مسحت رد معتز اللى كتب فيه ان لجنة التحكيم من الاشرع و كتبت سبب الحذف (قلة ادب) مع انه معايا فى المجموعه و لو انا غلطان انا اسف اسف بجد انا عمرى ام احب ازعل حد منى يا عمرو و كمان انا لو غلط ارجو معاقبتى بطردى من الاشراف و انا متلقىالعقاب من غير اى زعل او اعتراض يا عمرو و لك حر الاختيار فى طردى او النظر فى امرى و ردى و انى مسح تالردود بعد معرفت القوانين و انا اسف مهر تانيه
|
عمرو هدى نفسك ...
انا معرفش ايه ايه اللى حصل ... بس هتلاقى كلام جاة غلطه لسان من اضاء او مشرفين متنرفزة جراء فهم خاطئ بس بجد مش عارف اقلك ايه ؟؟؟ |
انته لو مشيت المنتدى مش هيبقى منتدى اصلا
لأن مفيش ادمن غيرك والدنيا هتخرب من الآخر انته مش هتمشي ولو وقفت على ايديك هنسجنك في المنتدى:D:p هي المسابقات كده هتعمل ايه بقى بس وولف برضو قلبو طيب ومش هيزعل منك ابدا |
حاجة تانيه يا عمرو ..
ارجو انى مكونش سبام بس انا رديت فى موضوع و مسحت الرد بسرعة عشان كنت نسيت ان ممنوع الرد و مسحتوا على طول ياريت تسامحنى و اسف مره اخرى |
معلش يا ماندو و اعتذر و انا مكنتش اقصدك خالص اما قلت صلاة التراويح و كدة انا بتكلم عنهم
الواحد يقولهم يا جماعة كنا بنصلى التراويح دول ساعة و ربع لا لازم معيلة و زى منتا قلت تصيد للاخطاء الكل مستنى التانى يغلط و اعتذر بشدة ان بدا منى اى تصرف ضايقك و فعلا انتا الوحيد الى خسرت لان دا لعب عيال و الله و اعتذر بشدة و اكررانا مكنتش اقصدك خالص و انتا فهمت غلط الشئ التانى اقترح انك تعيد المسابقة او تكملها لانك قلت انك ضيعت مجهودك لأ مجهودك مراحش و اعتقد ان باقى الاعضاء من الكفاءة انها تثبت انها اهل لانها تعيد المسابقة و الله انا مضايق دلوقتى لان جبل المقطم وقعت منه احجار و صخور على منطقة الدويقة التى مات فيها الاّلاف النهاردة و الجيش ادخل و حكاية كبيرة |
اقتباس:
|
صلو علي النبي
النتيجه من الاول كانت واضحه صح ؟ انا اعترض ؟ حد من مجموعتنا اعترض ؟ لكن لا مدام احنا كسبنا لازم الناس التانيه تعملنا مشكله وتوقف المسابقه طبعا وقف المسابقه هو اللي هما عاوزينه علشان مجهودنا يروح يعني احنا مش غلطانين في حاجه احنا معترضناش علي حاجه ابدا هما اللي بدأو يعترضو والمنتدي كله يشهد علي كلامي وفيها ايه لما انا اعمل موضوع وادي لعضو بعتبرو زي اخويا واكتر كمان Hellz_Lord انه ينظمهولي وبعضويتي معترضين ليه ؟؟؟ علشان الموضوع طلع منظم ؟؟؟ علشان بحاور ارقي بمستوي المواضيع شويه ؟؟؟ لازم الناس تتحجج وتخش مع بعض رووم ويقولو لن نسكت والكلام اللي انا فاهمو كويس ده انا بس مضايق ان المشكله كده اتحطط علي مجموعتنا اللي المفروض هما كانو راضيين بالنتيجه اللي كانت مستحقه وابتدي الطعن في لجنه التحكيم لما اتغيرت النتيجه وبعدين لو ماسكين اوي علي حتت ان مندوور هو اللي نظملي يبقي اي حد عمل اكتر من موضوع مواضيعه كلها تحذف بقي مدام حنمشي عالواحده لا الاه الا الله |
جيوكاتدا موضوعك دة خلص خلاص متقولوش تاني عشان عشان الموضوع يموت و يخلص
|
اقتباس:
كمان بيقولك الموضوع اتاخر ساعة و ربع ازكان اصلا ادم قالى لازم علشان اتاخر اخصملك نص النتيجة و للعلم الموضوع خد 10 يعنى احسن موضوع على الاطلاق اما خدنا النص كسبنا و معترضناش مع ان المفروض دى ظروف قهرية كله يحترمها بس خلاص بقا و زى ما عمرو قال ان الواحد يستاهل ضرب الجزمة انو يخش المسابقة دى انتو يعنى هتتصيدو الاخطاء ولا ايه محدش مننا اعترض و اللجنة ممتازة و انا برأيي التقيم كان فعلا صحيح و المشرفين عليه كانو منصفين بس نعمل ايه خلاص بقا كل حاجة يطلعولك فيها القطط الفطسانة |
اقتباس:
بسم الله الرحمن الرحيم أزيك يا عمرو يا رب تكون بخير وتهدى كده عشان أى مشكله ليها حل والله مش كده بس انا مقدر انك تعبت تعب كبير وفى الأخر يحصل كده بس ولف عمره ميزعل من صحابه أبدا على العموم ::لو تقدر ترجع المسابقه رجعها والقرار راجع ليك انا مليش دعوه فى الحكايات ديه بس انا كنت عاوز ققولك حاجه انا أدخلت فى الموضوع اما لقيت الخم علنى وبلاش ندخل فى الموضوع وهى ديه الحكايه وشكرا ويا ريت تفكر فى الموضوع وأحنه مش عاوزين نزعلك وله حاجه |
صلوا على النبي يا جماعة
واستهدي بالله يا عمر مفيش غير حل واحد كل اللي شاركوا في المسابقة يعتذروا لعمرو وكل اللي صار اليوم يتنسي ولا كأن حاجة حصلت وعشان خاطر wolf ومجهود عمرو المسابقة تنعاد في مجموعات جديدة |
لا اله الا الله
ايه اللى حص ثانى ايه يا جماعه هو كل شويه مشاكل مشاكل انا مش فاهم واله ايه السبب انا لسه جاى دلوقتى من بره عشان أشوف نتائج التحكيم ملقيش القسم و الاقى الموضوع ده والله يا جماعه احنا شكلنا أتحسدنا يا ريت نهدى شويه كدا يا عم ماندو |
يعني انتو ايه يعني ما خلاص خلصت و الحمد للله خربت عيزين تولعوها تاني
|
احنا كلنا اسفين وانت حر لو مش عايز ترجع المسابقة وكل واحد كان واقف للتانى على الواحدة بس احنا كلنا غلطانين وبنتأسفلك و اوعى تمشى وتسيب المنتدى
|
ايه يا جماعة اللى حصل انا نزلت قبل ما النتيجة تظهر ولسة داخل عشان اشوف النتيجة ألاقى خناقات وضرب ناااار ايه يا جماعة ؟ بالنسبة للناس اللى اعترضوا على النتيجة مع انى معرفهمش بس لو انتا مش واثق فى لجنة التحكيم دخلت الدورة ليه وبالنسبة لييك يا amr mando نصيحة من اخوك لما تحصل مشكلة متسيبش كل حاجة وتمشى وتسيبها فوضى لازم تفهم كل واحد غلطه انتا مفروض كأنك اخ كبير لينا يعنى تصلحلنا أخطائنا مش تسيبنا وتمشى واسف لو طولت عليكو
|
و كمان فى غلطة تانية انتا عملتها يا amr mando انك قفلت القسم من غير متنقل المواضيع لقسم بعيدا عن سيلكرود لان الهدف من المواضيع هو افادة الاعضاء والهدف من المسابقة هو اخراج أفضل المواضيع لافادة الاعضاء ارجو منك تهدى وتفكر فى كلامى
|
قولو لااله الا الله و استهدو بالله ورمضان كريم
|
ازاى love_allh الله يرحمة رد على الموضوع
وهدى نفسك يا عمرو وكل الجزم انا هاضرب بيها نيابة عنك بس اوعى تسيب المنتدى واوعى تزعل من حد علشان احنا كلنا اخوات والمفروض نعقل بعض مش نعاتب بعض حتى لو حد مننا غلط |
انا الي قولت :-
ان الحكام دول ظلمة و كمان وخدين فلوس ولو جبنا عيال من الشارع هيحكموا احسن منهم . علي فكرة انا مش اسف علي الي انا قولتة . |
طب ممكن تقولنا انتا قولت كده ليه
|
يا عمرو مندو معلاش بس ادينه اخر فرصه و متخفش و انت الى عاوزه ان شاءا الله هيتنفظ ان شاء الله بس ادينه كلنه فرصه اخيره بليزز يا عمرو ادينه فرصه اخيره
|
اقتباس:
|
طب بالعقل كده واخدين فلوس ازاى هو حد فينا شاف التانى
|
اقتباس:
|
بصو مش عايزين حد يكون شايل من التانى كل واحد يقول هو متضايق من ايه فى المسابقة ونتناقش فيها بهدوء من غير نرفذة
|
احنا عايزين حكام اجانب
|
كل واحد يكتب هو متضايق من ايه عشان نعرف حصل ايه
|
والله العظيم انا منا فاهم حاجه ؟ :p
انا عملت الموضوع بتاعى وجيت تانى يوم اهو الاقى حكايه مش فاهمها |
اقتباس:
الحكام دول ظلمة... جميل لو جبنا عيال من الشارع هيحكموا احسن منهم... ماشى واخدين فلوس؟؟؟؟؟؟؟؟؟؟؟ و انت مش اسف على الى انت قولته ! شئ رائع _-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_ يا عمرو كبر دماغك و سيب الى يتكلم يتكلم زى ما هو عاوز كلنا عارفين انك اكتر واحد عادل فى المنتدى حتى الى قالو عليك كدا اوؤكد لك انهم عارفين الكلام دا . انا للأسف مش متابع مع موضوع المسابقة دا علشان مشغول شوية اليومين دول بس من غير ما اعرف حاجة ولا اسأل حتى اية الى حصل و ليه قولتو كدا انا واثق ان الحكام حكموا بكل عدل 100% بدون ادنى شك من رأيى يا عمرو >>> انك ترجع المسابقة مرة تانية و الى مش عاجبو الحكام ميدخلش المسابقة !!! رمضان كريم... |
انا شايف ان mse و a-r مش عاجبهم الحكام خلاص قولو مش عاجبينكو ليه بس متغلطوش فيهم وتمشوا قولو حصل ايه بس من غير متغلط فى حد
|
اقتباس:
واحب ازود على الكلام ده يا عمرو يعني انته عايز تسيب المنتدى علشان الحكاية دي:p انا اقول انها تلكيكة بصراحة:D بس لو انته جد المنتدى هيخرب من غيرك صدقني:( ومش هنلاقي زيك:( ياريت متسيبش المنتدى ولو حتى بعد 20 سنة:o |
عمرو الي مش عجبه التحكيم ينسحب من المسابقه
من غير ما يعمل مشاكل وانت السبب بصراحه انك بتسمع كلهم اطلبطلب في تعديل قوانين المسابقه التخلف عن القوانين يوئدي الي الحظر يوم كامل ومتوجعش دماغك وتتحايل علي ده وطبطب علي ده |
كلام مودى فى الجون هوه ده اللى لازم يحصل
|
اولا انا مش عارف اى حاجه و مش عارف ايه اللى حصل علشان مكنتش موجود وماعرفش مين اللى كسب
اللى انا عايز اقولوا بقى يا لعمرو سيبك من الكلام اللى اتقال ده ومش مسابقه تفه و كلام تافه من اللى اتقال زى اللى قالوا مع احترامى ليه !! هو الل هيخليك تمشى يا عمرو يا حبيبنا والله لى مش عاجبوا يروح يقعد فى البيت و مكنش يدخل المسابقه بدال شايف ان اللجنه هايكون فيها ظلم و عدم الحكم ب العدل و مبروك للفاز وهارد لاك لل ممماكسبش هو كلوا عامل حسابو ان يدخل يكسب و لا ايه و حدش هيخسر لما فى اكتر من مجموعه مايعجبهاش الحكم يبقى ازاى عمرو هينجح المجموعه الاولى الىى مش عاجبها و المجموعه التانيه باردوا اللى مش عاجبها وحد الله يا عمر و و استهدا ب الله كده ونفضلهم وااللى مش عاجبوا يخبط دماغه فى اكبر حيطه |
انا اعتذرت لما غلط و انا مغلطش فى عمرو و لا فى التحكيم انا اصلاً كنت من الفائزين :d بس انا كنت بكلم ادم انه مش من قوانين المنتدى انه يخلى الاعضاء متقلش رايها بس لما لاقيت عمرو كاتب كده انا مسحت ردودى اتاسفت لادم و خلص موضوعى و مسحت رد معتز بتاع اللجنه من الشارع ده و كتبت قلة ادب فى سبب الحذف مع ان معتز معايا فى المموعه و ياريت تسامحنى ياعمرو و انا اسف مره تانيه
|
| الساعة الآن 08:30 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.