|
استفتاء لتحديد مصـير قسم بعيدا عن سيلك رود :: ارجو الدخـول من جميع زوار هــذا القسم
بسم الله الرحمن الرحيم اهلابيكم زوار هــذا القسم الكرام كل عام وانتم بخير طبعا بعد ما تم اقتراح انشاء هذا القسم من فتره طويله جدا وبالفعل تم انشاءه وبعد مجهود من اعــضاء كتير جدا اصبح هــذا القسم من الاقسام الحيويه فى المنتدى واللى بيضم اعضاء للمنتدى مش بيلعبو سيلك رود ولكن دخلو المنتدى بسبب هذا القسم ده الوقت لتحديد مصير هذا القسم ولتحديد المواقفه على الفكره اللى طرحها Fire33 ووافقت عليها انا و Wolf بس انا مش بحب اخد قررار فردى وانفذ الفكره من غير راى الاعضاء اللى من وجهه نظرى اهم حاجه لانهم هما اللى عملو القسم ده ولازم الموضوع يتم يكون موافقين عليه طولت عليكو معلش المهم الاقتراح اللى عاوز رايكو فيه هو اننا هنلغى قسم بعيدا عن سلك رود :D:D وهنعمل قسم جديد كبير يكون اسمه بعيدا عن سلك رود وفيه اربع اقسام فرعيه ويكونو مثلا القسم العام و القسم الاسلامى والقسم تحميل الافلام والاغانى والالعاب وقسم المسابقات مثلا زى الشطرنج والدمونيو والالعاب اللى بتتم داخل المواضيع الموضوع ده عاوزين نعمله لان القسم بقى زحمه بطريقه رهيبه والمواضيع بقت كتير لدرجه الناس مبقتش قادره تقرا المواضيع وكمان اى حد بيدور على موضوع مش بيقدر بسبب الكثره دى عاوزين كل حاجه تبقى فى مكانها واللى بيدور على حاجه يلاقيها بسرعه بس كل واحد يكتب رد واحد فى الموضوع ويعمل تصويت فوق فى الموضوع اختيارات التصويت هل توافق على الاقتراح الجديد نعم ام لا رد واحد بس يا جماعه ومحدش يعلق على اى رد حد كاتبه كل واحد يخليه فى رده هو وبس ويمكتبش اكتر من رد اكتر من رد هيعتبر spam ومحدش يرجع يزعل مده التصويت 3 ايام فقط نظرا لضيق الوقت قبل شهر رمضان المبارك |
نعم
|
والله يا عمر انت عندك حق فى قل اللى قلتة دة انا مرة حطيت موضوع بعد نص سعة لقيتوا فى الصفحة التالتة :p وفعلا هو اقتراح ظريف وانا اؤيدة
بس فى حاجة كمان ان يكون فى قسم فرعى اسمة Other Online Games ودة عشان الالعب الاخرى غير سيلكرود ولوحد عمل موضوع خاص بسيلكرود تقوم بحذفة ودة طبعا يتكتب فى القوانين ويكون فية قسم كمان للموهوبين فى الاشعار والاغناى والكلام دة وقسم الاذكياء فية العاب الذكاء الى على النت زى الغرف المغلقة والحاجات دية وتسمية قسم الجهابزة :D ودة من رايى وانا مستعد الو عايزنى فى اى حاجة انا فى الخدمة على فكرة انا كنت ادمن قبل كدة :D فعارف كل الكلام دة ولو عايزى انا تحت امرك just parvite massge وتحياتى لك عمرو وتحياتى للادراة على مجهودتها الرائعة وشكرا والسلام عليكم اخوك اسلام |
تم التصويت
( نعـــم ) الفكره جميله جدا لانها سوف تسهل لاي سخص كل ماهو محتاجه من حيث البرامج او الالعاب او قسم الترفيه ألخ ولو الفكره نجت ان شاء الله انا حساعدكم علي نقل المواضيع وترتيبها |
تم التصويت
( نعـــم ) ولكن هل ستحذف المواضيع السابقة؟؟؟؟؟؟؟ |
اقتباس:
|
اقتباس:
|
انا راى كده احسن عشان فى تنوع و كمان متكونش متوقع ايه المواضيع اللى هتبقى موجودة
|
فكرة جميلة جدا و اكثر من رائعة و انا معاكو في الفكرة دي
اقتراح بسيط يرجى النظر فيه : طبعا كتير مننا بيعمل مواضيع العاب و برامج كتيييير و بيتعب جدا فيها و لما يعمل الموضوع و الناس تشوفو بتاخد اللي هي عاوزاه و تجري , و ده بصراحة حاجه تحزن يني تبص تلاق الموضوع 100 مشاهدة و 3 ردود بس , فأنا بأقترح تعديل الخيارات في انشاء الموضوع و زيادة خيار جديد الا و هو رابط مخفي , يعني رابط البرنامج اللي في الموضوع ما يبنش الا بعد الرد على الموضوع و دي حاجة حتخلي المنتدى يبقى نشيط شوية بدل ما كل واحد يدخل يخطف اللي هو عاوزة و يجري:mad: |
تم التصويت ب
(لا) لاني شايف ان كدة القسم هيتشتت |
نعم بس انا عندى سؤالين : هوه هيبقى فيه قسم مسابقات ؟
انا بكتب اخبار احطها فين!!!! و لا الغيها!!! و انتهى |
انا موافق فكره اكثر من رائعه
|
معلشى اخى عمر انا هكتب رد نظرا لاهميته
طبعا انت هتقسم القسم ده الى عده اقسام ولكن قسم بعيد عن سلك رود قسم كبير يضم كل شى لذلك عند تقسيم يرجى عمل قسم اخر يسمى القسم العام لان طبعا مش هتقسمه القسم الى 20 قسم لذلك اى موضوع خارج عن موضوع التقسيم يتحط فى القسم العام ارجو ان تكون فهمتنى وشكرا |
جميل جدا علي بركة الله ... نـــــعـــــــم
|
فكره جميله جدا يا عمرو
انا موافق انت كده بتسهل عبلينا حاجات كتير اوى و كل سنه وانتم طيبين و الى منتدى افضل دائماًَ |
فكرة جميلة وانا موافق واقول
نعم |
تمام حلوه الفكرة موافقه |
نعم
وبالتوفيق |
اقتباس:
السؤال التانى هيبقى فى قسم اسمه القسم العام ده لكل المواضيع العامه زى الاخبار الحلوه بتاعتك ;) |
انــــا عــندى اعــتراض صـغـير مـع كذا اقـتراح
ســبب الاعــتراض : 1) فـــــى انــواع كـــتير من المواضيع ممــكن مـيتعملهاش قـسـم فـاحنا كدة قضينا علـيها 2) انـا شــايـف ان الــقسم رغم انـو نــشـيط زيادة عـن الـلزوم و اى موضوع بيتعمل مش بياخد حقو في البقاء في الصفحة الاولـــــى فترة لـكن انـا خـايـف ان التقسيم يعمل نتيجة عـكسية و يخــلى كــل الاقـسـام غير نشيطة الاقتراحات : يـتـم على قدر الامكـــان تقليل الاقسام الـفرعية يعنى مثـــلا بدل ما يتعمل قسم للبرامج وقسم للالعاب و قسم للباقي الكمبيوتر لأ يتعمل قسم كامل للــكمبيوتر في كل شئ لان اصلا احنا منتدى لــسيلك رود يعنى كدة احنا قلبنا منتدى شــامــل و عــلــى حد عــلمى الـمنتديات الـشامـلة الاّخرى بتبقى اكـــتر من 32 الف عضو + ان مش كل الاعضاء نشطاء مـعـظم الاعضاء بيخشو ينزلو الــى هما عاوزينو لـسيلك رود و كدة و يمشو من غير ولا مشاركة واحدة حتــــى يـــعـــنى كدة اصلا الاعضاء فـــى المنتدى مش 32 الـــف احـنا فــعلا اكـبر منتدى عربي لــسـيلك رود و سـابـقين كل المنتديات الاّخرى بعدد اعضاء لا يقل عن 15 الـــف بـس بالطريقة دى احنا بقينا منتدى صغير لاننا قلبنا منتدى شـامـل اتمنى ان تكون فكــرتى قد وضحت للـــجمــيع و ان تـفكر مليا قبل اتخاد اى قرار |
الله اكير
طبعا رأيى معروف :p مشكووورين يا شباب على التضامن واللى معجبوش الاقتراح انا احييه على ابداء رأيه واى نقد انا مش بزعل منه ومشكور يا عمرو ومشكورين يا شباب |
اقتباس:
فأنا شايف ان احسن حل زى ما قال hellz_lord هو ان احنا نخلى القسم قسمين بس و لو اضطرتنا الظروف يبقى 3 ( بس كل ما كان اقل كان افضل:d ) بس كده |
انا بقوول القسم كده حلو
بس نغلى الافلام و الاغانى فى قسم لحدهم والاعضاء بيحبوا القسم زى ما هو |
عمرو
انتا سيب القسم دة و اعمل القسم للكمبيوتر و قسم للالعاب و المسبقات |
لا انا ارفضها طبعاًَ....
لانها هتعمل تشتت للمنتدي يعني المنتدي اصلاً ل سيلكرود...........فرعناة وعملنا قسم بعيداً عن سيلكرود وكدة اعتقد إننا هنلعب في الوتر الحساس في المنتدي + تعب المشرفين في نقل اكثر من 5 الف موضوع +المواضيع اللي متنفعش غير في قسم واحد زي الاخبار والمسابقة + قسم واحد تضمن إن مواضيعك هتتشاف وتقرأ علي عكس الكتير وفي النهاية القرار قرار الادارة |
موافقه :d
رفعت الجلسه |
يا عمرو كلامك 100% بس مينفعش في المنتدى دة خالص
دة اسمه silkroad4arab يعني لسيلك رود مش منتدى شامل لكل حاجة احنا لو عملنا قسم للأغاني و الأفلام يبقى المفروض بقى تلغوا الأسم بتاع المنتدى خالص و تعملوه اسم تاني و تحتوا قسم للبنات فقط و التاني بتاع المكياج :P و يبقى كدة المنتدى باظ انا موافق على فكرة انك تقسم القسم لاكن مش تعمل منتدى للأفلام و الألعاب oO ياريت يا عمرو ماتزعلش مني ده رأيي في الموضوع و لو مضايق قول و انا هاتأسفلك |
موافقه
اقتراح جميل و عندي اقتراح كمان عمل منتدي لشهر رمضان و حين انتهاء الشهر يغلق و ميحذفشي و شكراا |
فكرة جميله yeeees
|
لا
|
انا موافق
|
فكرة حلوة تم التصويت (نعم)
|
انا موافق على الفكرة
والى الامام دائما |
طبعا جوابى معروف :: انا اتكلمت فى هذا الموضوع قبل مع الاخ : عبد الرحمن :: المهم :: لو بنتكلم على موضوع التشتت فعلا حيكون فيه تشتت كبير فى اعضاء قسم بعيداا عن سيلك رود وحيكون متلاحظ من اول ما يتعمل الاقسام فور ااااا المهم بس الفكرة رائعة وجميله لسبب واحد فقط لانها فى صالح الشباب وفى صالح المنتدى واعضاء هذا المنتدى لتسهيل المنفعه بينهم وسهولت توفير الشى المطلوب ياريت نتريت شويا فى اخد القرارت :: سلامات |
على بركه الله ;)
|
نعم فكرة حلوة جداا يا عمر وهتسهل الموضوع علينا
|
و الله القرار قراركو بس انا رأيي و ده و الله اعتقد بشدة انو الافضل ان الحكاية تتعمل بالتدريج
يعنى نبدأ بتلات او اربع اقسام و يتوسعو مع توسع الاعضاء والنشاطات شكـــرا للادارة على الاهتمام |
اوك انا موافق والفكرة حلوة
|
والله دى سلاح ذو حدين يعنى لو اكثر من قسمين تبقى خطر و مش هنقدر نسيطر عليها و ازاى هتنقل 180 صفحه!!!! اعتقد الفكره قبل ما نفكر فيها لازم نعمل عواقبها و كمان المشرفين كده هيضيعوا لانهم كان ليهم قدرهم فى قسم واحد اما فى اقسام هيبعدوا عن بعض و ده اصعب حاجه لانهم هينسوا بعض و اعتقد وصلتكم وجهة نظرى
|
لا مش دى المشكلة يا امجد ممكن تتعمل ترشيحات للاشراف و في اعضاء ممكن فعلا
تبقى مشرفين لكن المشكلة ان محدش فاهم قصدى حتى الاّن غير باور و وولف |
| الساعة الآن 10:15 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.