رجالة 2 ثانوی تدخل
 

ارجو فتح الموضوع لحد 1/7 وبعدين اقفلوة و ادوة بالجزمة هه
عشان انا استفدت فی العربی جدا من الموضوع الی فات سيبونا نعيش بقی مش هتبقوا انتوا والزمن علينا ههه

ارجو حد يقولی ازای اقسم بطريقة القسمة المطولة لانی نسيتها
واستاذ الدرس حصلتلوا حالة وفاة لغی الحصة
مستنی الرد
وهنستمر فی اسئلة واجابات عشان نستفيد ونفيد

بص انا اتفقت مع مشرف القسم هنفتح قبل كل ماده موضوع وبعد ما تخلص هيمسحو الموضوع وهكذا وحاضر هصورلك القسمه المطوله ناو

طيب ولية كترة المواضيع دی
منخليها كلها فی موضوع واحد احسن. نسأل ونجاوب ونراجع
ونشوف غلطتنا بعد الامتحان واهو كلة بثوابة

هيبقى طويل اوي

http://www11.0zz0.com/2012/06/11/08/440346726.jpg
لو في حاجه مش فاهمها في الورق ده قولي اوضحهالك اكتر

العامل الصفری الی هوا
( س+1 ) دة احنا جبناة منين

بيقا عكس س تئول

كلمو بعض ياهو او اى حاجه

و براحتكو

عشان المشرفين بقا يقولو اسبام و بتنجان

مثلا س تئول 1 تبقى س - 1

ياهو 10 تنفار مع بعض
وبعدين هنا افضل بكتير لانی الياهو علی الموبايل مبيجبش صور

اللي هو س تؤول ل -1 فلما تحط س+1 يديلك صفر عشان س = -1 وبالتالي يبقى ده اسمه العامل الصفري
عندما س تؤول ل 2 يبقى العامل الصفري يساوي س-2
عندما س تؤول ل -3 يبقى العامل الصفري = س+3
والعامل الصفري ده هوه اللي بيخلي البسط والمقام = صفر وبالتالي لابد من اختصاره من البسط والمقام عشان النهاية تظهر
وبالتالي انت بتقسم عليه عشان يبقى هو احد الحدود اللي هتطلع ف البسط والمقام ويختصرو مع بعض
فاهم يا نصه ‏‎:d





على فكره يا شباب انا واخد اذن من مشرف القسم ان احنا نعمل الموضوع ده فياريت محدش يتكلم ف حاجه ميعرفهاش

عمی وعم الكل
الله ينور عليك
انا كدة خلصت النهايات والمثلثات
اشطة عليك يا معلم
بقيلی حاجات الجا والجتا والكلام دة بس

على فكرة دية اهم حاجة بتاعت الجا و الجتا فى النهايات هيا و القانون وفى حساب مثلثات الاثباتات بدون استخدام اله ومسائل الارتفاع والانخفاض

انا الارتفاع والانخفاض متمكن فية جدا وحل المثلث برضو
لكن الاثبات مش حلو و معادلة المماس برضو
بس كدة

قشطه طب خدو الاثباتات ديه
اثبت ان جا ٣ أ = ٣ جا أ - ٤ (جا اس ٣) أ
ايبت بدون الحاسبه ان
ظا ٧٠ - ظا ٢٥ - ظا ٧٠ ظا ٢٥ = ١

ايوة كدة ادينی بقی
انا عارف التانية
الاولی مش عارف اقراها احسن
ظا(70-25) صح؟
يبقی ظا 45
تساوی 1

خدو دی
^ معناها اس تمام
2 جتا^2 (ط علی 4 - 3 علی 2 *س) = 1+ جا 3 س

خد يا فالح عمال ما احل مسألتك
http://www11.0zz0.com/2012/06/11/09/908461053.jpg

http://www11.0zz0.com/2012/06/11/09/558048101.jpg

Take it easy

http://www11.0zz0.com/2012/06/11/09/319870553.jpg

يا جامد ادينی نهايات احلهالك
ادينی مشتقات احلهالك
ادينی حل مثلث احلهولك
ادينی زوايا ارتفاع وانخفاض احلهالك
غير كدة معرفش

بقولك ما تجيب شرح
ازای طريقة الاثبات
لانی مبعرفش اثبت
وكمان للجا والجتا والظا

لا ديه ملهاش طرق
ديه تركيز وحفظ قوانين مش اكتر

ايه ده يا محمد هيا الحجات دي علينا :)
اشطا اساحبي .

:rambo:

الله يخربيتك يا شهاب
انت لا فالح فالعربي ولا حتى ف الرياضه !‏
ولا انت متأكد ان انت ف ثانويه عامه ؟ انا شاكك الصراحه‎
‎

هههه تلاقية ساقط اعدادية بس مخبيين علية

ذاكر. يا عم مفيش حاجة بتنفع

يا جماعة انا معايا 4 ورقات فيهم كل قوانين التفاضل وحساب المثلثات
لو حد عايزهم يقولی انزلهم

4 ورقات

حد بياخد مع محمد طه ؟

هي ورقه وش و ضهر و خلص الكلام

بس انا 3 مش معايا كانت معايه السنه الي فاتت

هههه ورقة وش وضهر هههه لية رابعة ابتدائی
لا دة هما 7 ورقات بالظبط
كل ورقتين مضمومين علی بعض بقو كام 3ورقات ونص
بس انا قولت 4 ورقات مجازا يعنی
بس لامين قواعد التفاضل وحساب مثلثات كلهم
مفيش حاجة تخرج منهم

اقتباس:

Kastel

شكلك دحيح ياض يا محمد
:lulu13:

بس تصدق حاجة انی الواحد كل اما يكبر يفشل
يعنی انا ايام ابتدائی كنت دايمن اطلع التالت ع المدرسة من سنة اولی لسنة خمسة
جيت فی سنة ستة طلعت الاول ع المدرسة و الرابع ع المحافظة
وادونی شهادة تقدير
ومن ساعة ما دخلت اعدادی وانا مستوايا ف النازل اقل اقل اقل
ومن بعد ما كنت دحيح و موس وكدة
دلوقتی بقيت فاشل
بدليل انی امتحانی بكرة وقاعد عادی ولا اكنی ورايا امتحان
ولا ليا مزاج اذاكر يعنی بقيت عامل زی شهاب ههه ﻷ بس مش للدرجة دی.
انا كترت ف الكلام سوری
لو حد عايز الاربع ورقات يقولی هيظبطو الاداء معاة

ﻷ بسم الله ما شاء الله علية
اتوقعلوا مستقبل حلو
ربنا يذيدة يا رب

انا بقى فى 3 ثانوى وامتحنت انهردة خلصت امتحان الانجليزى وياريتنى م خلصتو :d

لية جة صعب ولا اية؟
الانجليزی والفرنساوی لعبتی
ممكن اشرح مكان الاستاذ

هو الهزار حرام .؟


والله ؟؟

أجدعان انا مش فاهم القسمه المطوله خاالص ولما شفت الصوره اللى فى اول الموضوع اتعقدت اكتر :blink:

حد يقولهالى براحه كدا :tongue_smilie:
وحد يحل دى ^_^

جا أ + جتا أ = 5 على 4
اوجد بدون استخدام الاله ( جا 2أ ) و ( قا أ + قتا أ ) حيث أ قياس زاوية حاده

حاجه اخيره محيط متوازى الاضلاع ايه ؟!

http://2.bp.blogspot.com/-c4c3JGDMCd...s1_page002.png
بيقولو الامتحان اتسرب ودی الصفحة التانية منو
لو معرفتوش تقروة قولولی اكتبهولكم

يا عم بهزر معاك
ابقی حل الامتحان الی ف الصورة احتمال تستفدلك بكلمتين ههه

طب قولي مش فاهم في ايه يا اسلام واقولهالك بالتفصيل الممل
ومحيط المتوازي مجموع اطوال اضلاعه
http://www2.0zz0.com/2012/06/11/15/706923545.jpg
تمام كدا يا اسلام
ويا شهاب اهدا شوية انا كمان بهزر
ويا عمرو اهدا شويه الله يحرقك انا هسقط ع ايدك

عرفت تقرا الامتحان
انا لقيت موقع منزلة بس السؤالين الاول والتانی مش موجودين
ادينی بشوف الجمهورية اهو اصلی حلوة افكار. الجمهورية

بقولك صح فی كام سؤال فی دليل التقويم وقفوا معايا تعرف تحل اسئلة دليل التقويم ولا صعبة عليك

لا مذاااااااكر :winksmiley:
بالنسبه للقسمه انا محدش من المدرسين ادهالى خاالص فا بحاول افهمها لوحدى بس رغمه .. فا قولى طريقتك كدا ممكن تطلع سهله

وحد يسأل يا جماعه عايزين نشوف نفنسا :mf_wave:

كل فكرتها انك هتاخد العامل الصفري وهتقسم عليه المقدار الصعب التحليل اللي هيجي
هتقسم اول حد من المقدار على اول حد من حدود العامل الصفري والناتج اللي هيطلع هتضربه في العامل الصفري كله وتحطه تحت المقدار وتغير الاشارات وتجمع و المقدار الناتج هتاخد اول حد منه وتضربه في اول حد من العامل الصفري والناتج هتضربه في العامل الصفري كله وتغير الاشارات وتجمع وهكذا ولو مش فاهم قولي هديلك تليفوني الارض واقولهالك عشان والله مهمه جدا وكتير من المدرسين شددو عليها ومينفعش تدخل الامتحان من غيرها ولو مش فاهمني اتصل بيا عادي يعني ديه ثانويه عامه مفهاش كسوف
وبالنسبه للامتحان الوزير شدد ان مفيش امتحانات متسربه
وبالنسبه للأسئله هخلص الاشتقاق واديكو شوية اثباتات تفقع المراره
وبالنسبه لدليل التقويم معايا اجابته كامله بس ابعد عن التعقيد عشان المعقد زياده عن اللزوم مش بيجي ف الامتحان

سوري على التطويل