|
ازاى تعــرف المصـــرى من بين 1000 واحـــد .. !!؟؟
- لو سألت سواق تاكس على عنوان وبدل ما يدلك قالك امشي ورايا .. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه - لو صليت في مكان وبعد الصلاة اللي جنبك مد ايده وقالك تقبل الله.. يبقى مصري - إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ... - لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري - لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا - لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات -و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض .. هم دول المصريين - لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر - لما تلاقي سيدة في الرايحة والجاية عمالة تدعي لأولادها وتخلى الدنيا تدعيلهم... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين - لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه قبل مايحطها جنب الرصيف... يبقى ده مصرى. - لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى. -لو اديت لواحد فلوس وبدأ يعدها بصوت عالي وبدأ بقوله الله واحد .. ومع الورقة الثانية : مالوش تاني، ومع الورقة الثالثة: العدد ثلاثة .. يبقي أكيد مصري ابن مصري - لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري - لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة -. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية - لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين - لما تلاقى اننا شايلين اكياس من جميع الاشكال والالوان تحت المرتبه نبقى مصريين - ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات ويضحك اللى حواليه وكل العالم يتكلم عليه وعلى خفته يبقى انت اكيد تقصد ... شعب مصر.... |
ولما تلاقی كلام جامد جدا زی الی مكتوب فوق دة يبقی. اكيد الی كتبة مصری ابن مصری
|
شكراً على مرورك
|
موضوع جامد
|
عندك حق :specool:
حلو اوى الموضوع |
شكراً لك يا جماعة وبجد انتو الأجمد
|
تسلم يا باشا موضوع جميل
بس تقريبا نص الحاجات دي مبقتش موجوده دلوقتي |
تسلم ع موضوع
|
موضوع جميل تسلم
|
اقتباس:
|
تحيا مصر يا جدع :) :idiot:
|
تسلم ايدك ... و الله موضوع جامد فحت :thumbup1:
|
اشطه ع الموضوع ده ^^
|
تسلم ع موضوع :111: |
هما دول المصريين
احنا الملوك :party: |
:lmfao: - لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين :lmfao: يبقى انتــا اكيــد اكيــد فى مصــر |
شكراً للكل وأنا مكنتش متوقع إن الموضوع يعجبكو أوي كدا
|
كلام جـامد
يبقى انتا اكيــــــد فى مصر :mf_graduate: |
صدقت والله :biggrin2:
|
اقتباس:
تسلم علي الموضوع |
شكراً ليكو يا رجالا ولهي أنا مبسوت جداً إن الموضوع بتاعي حلو أوي كدا
|
ولمه تلاقي موضوع زي ده وتقراه كلوا وما تسبش حرف
تبقى مصري ابن مصري ابن مصري |
تسلم ع التوبيك
|
ولما تلاقي كلام جامد جدا زي الي مكتوب فوق دة يبقي. اكيد الي كتبة مصري ابن مصري
|
يبقى انت اكيد اكيد فى مصر
|
- لما تلاقى اننا شايلين اكياس من جميع الاشكال والالوان تحت المرتبه نبقى مصريين
ههههههه |
والله نفسي اشوف الحاجات دي
دلوقتي كل الكلام دة معكوس |
شكرا
يبقى انت اكيد اكيد فى مصر :ghostrider_h4h: |
هما دولت المصريين
متصيتين فى كل حتا |
تبقى انتا اكيد اكيد مصرى
موضوع جامد تسلم |
الله يخلكو يا رجل وإنشاء الله أجب مواضيع أجمد
|
أيوة إحنا المصريين !! :mf_bleughyellow:
|
موضوع جامد اسديكي :peace2:
|
| الساعة الآن 10:35 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.