|
ايه ياأنسه معندكيش اخوات صبيان ؟ ياأنسه ترضي يحصل في أخوكي كدا ؟
http://im29.gulfup.com/2012-04-14/1334357657192.png http://www.na2sh.com/na2sh/wp-conten.../0-300x234.jpg في زمن معاكسة البنات للشباب http://img101.imageshack.us/img101/5064/189bl.gif يا آنسة.. ترضى يحصل في أخوكي كده؟ “معندكيش أخوات ولاد”.. “ترضى يحصل في أخوكي كده”.. “انتي فاكره ولاد الناس لعبة؟” لم تعد البنات هن اللاتي يشتكين فقط من معاكسة الشباب لهن، ففي زمن العجايب تبدل الحال، وأصبحت البنات هن من يعاكسن الشباب! حجج المعاكسات http://www3.0zz0.com/2012/04/02/20/518737289.gif يقول، خالد إبرهيم،21عاماً: “كنت ماشي في الشارع، لقيت شله بنات قربت مني، واحده منهم قالتلي عاوزه أتصور معاك، أنا أستغربت من الموقف، وعندما سألتها عن السبب، قالتلى عشان أصحابي يعرفوا انى بعرف ولد وسيم، ومن بعدها بقينا أصدقاء”. http://www3.0zz0.com/2012/04/02/20/518737289.gif إما أحمد مسعد، 22عاماً، يقول ضاحكاً:” كنت ماشي في الشارع مع أختي، وكان ماشي ورانا شلة بنات فضلوا يعاكسوني بكلام (الله أنت قمر)، والتانية تقول (أيه اللى أنت ماشي معاها دى أنت أحلى منها بكتير.. سيبك منها) وثالثة تقول: (مش تنقى في اختيارك)”. ممكن تليفونك؟ http://www3.0zz0.com/2012/04/02/20/518737289.gif ويروي عمرومصطفى، 26عاماً: “كنت نازل من بيتي بدري ولما لقيت الجو دافئ خلعت البلوفر، قابلتني شله بنات، واحدة منهم قالت للتانيه وهى بتبصلي “الجو حر مش كده يعني”، لقيت التانية بترد عليها وهى بتبصلي برضه “لا ده الجو عسل أوى”.. ضحكت ومشيت”. http://www3.0zz0.com/2012/04/02/20/518737289.gif ويضيف محمد طارق، 24عاماً: “كنت راكب المترو، وكانت بنت قاعدة قدامي، كانت تنظر لي نظرات غريبه كأنها تعرفني، في أول الأمر قولت عادي بتشبه عليا، بعد ذلك لقيتها بتقرب مني وبتطلب رقم تليفوني، طبعاً أندهشت جداً من الموقف، ورفضت أعطيها رقم تليفوني، وتركتها ونزلت”. http://www3.0zz0.com/2012/04/02/20/518737289.gif أما عمرو أحمد، 23 سنة، فيقول: “كنت راجع من الشغل لا بيا ولا عليا، عديت من جنب 3 بنات سنهم حوالي 17 أو 18 سنة، فواحده منهم قالت “بس زي القمر”، التانية قالتلها “تصدقي فعلا علي زي القمر بس هو شايل شنطه ليه”، أنا عملت مش واخد بالي، قامت التالته قالتلي “على فكرة بيقولو عليك أنت”، لفيت وقالتلها “منا عارف”، فردت سألتني “هو أنت مش مرتبط؟”، شورتلها بايدي “لا”، قالتلي طيب إيه مش هنقضيها تليفونات، روحت مشوارلهم “لا”، وسيبتهم ومشيت”. http://www3.0zz0.com/2012/04/02/20/518737289.gif الإعلام وتأخر سن الزواج الدكتور عمرو أبو خليل، استشاري الطب النفسي، يقول عن أسباب انتشار معاكسة البنات للشباب: “الإعلام هو المسئول الأول عن تلك الظاهرة من خلال ما يعرضه في الأفلام وعبر المسلسلات، حيث تظهر البطلة في صورة بنت متحررة وجريئة، فتكون هي البنت المحبوبة والمقبولة والمودرن، أما البنت الخجوله فهي موضة قديمة، مما جعل معظم البنات يلغون عقولهم ويبدأون في تقليد صورة البنت المتحررة، مما أنتج هذه الصورة”. أما الكاتبة والمستشارة الاجتماعية نجلاء محفوظ، فترى أن تأخر سن الزواج جعل بعض البنات في سن المراهقة متخوفين، فتبدأ هي بالبحث عن عريس لنفسها، أو تلفت انتباهه بأي طريقة، مستخدمة أساليب المعاكسات. http://www3.0zz0.com/2012/04/02/20/518737289.gif كل واحد يقول بقى حصل معاه كده ولا لا ؟؟ :huglove: http://im19.gulfup.com/2012-04-14/1334404169121.png |
LOL'd out
لا عالى الموضوع ده تسلم الايادى ^^ |
البنات دى مابتكسفش الولاد هما اللى بيتكسفو
ده الحال اتقلب :dizzy1: |
مــــمــيــز يــاضــ ^^ ..
:juggle: |
جامد بحب موضيعك اوييييييييييي
|
جامد الموضوع يا دياب فكرتنى بمرة كنت ماشى مع صاحبى و كان جاى علينا شله بنات فالثانوى صاحبى بيحب يغلس راحت البت اديتو كتف و صاحبى بقى فنص هدومه و يقولها مش عاوز اضربك و هى تهجم عليه ^^
|
انا أنتهازي و بنتهز الفرصة
المشكلة كل اللي بشوفهم غفر :doh: |
يا دياب فكك الكلام ده بقا عادى ...
انا قبل كده كنت راجع من المدرسه لقيتلك شله بنات : ايه يـ ابيض ماشى كده من غير مزه يلا نقيلك واحده مننا و بعديها نزل الكلام منهم كلهم انا احلا لا انا لا انا ............ مع ان انا فى الوقت ده كنت فى 3 اعدادى و هما كلهم اكبر منى ( اليونيفورم بيقول كده ) و اقواهم يا بنات انتو اكبر منى يردو يقولو : هوا انتا هتتجوزنا !!! د احنا اخرنا مع بعض موبيلات شايف اجرائه :bigeyedsmiley: |
لذيذ الموضوع ده ههههههههههههه انا قبل كده كنت حتشأط ^^ ده غير المعاكسات الليــ في الشوارع :thumbup: |
لا موضوع جامد تسلم صوابعك |
احيييييييييييييييه يا سوسو احيييييييييييييييه!
|
ده بيحصل فين ده بقى
|
بس على فكره يا جماعه البنات المحترمه محترمه طول عمرها في لبسها وشكلها وتصرفاتها وسلوكها في اي مكان انا دايما ببص للنص المليان او بمعنى اصح الجزء المحترم من البنات في المجتمع لان الزباله زادت عن النص ولا ايه رايكوا
|
ههههههههههههههههههههههههههههه لذيذ الموضوع ده :stupid:
|
انا بقي حصل معايا موقفين
مرة كنت راجع من الامتحان كان قدامي شلة بنات بردو وعاملين يضحكوا ويقولو كلام مش تمام والناس عمالة تضحك راحو قربو مني وانا بضحك راحت واحدة بتقولي اضحك اضحك راحت واحدة تانية بتقولها مش هيبصلك مش هيبصلك راحت كلمتني وبتقلي معلشي يا جميل عيال مشبه معلشي روحت انا مردتش ومشيت ومديت في المشي راحت قلتلي انت بتجري ليه خد تعالي دة اول موقف ! تاني موقف بقي كنت راجع من مدينة نصر وطبعا بعدي علي العباسية علشان انا ساكن في غمرة اليوم دة كان يوم جمعة وكان عم توفيق عكاشة كان عامل مليونية في العباسية وكان الطريق واقف روحت نزلت وختها مشي وانا ماشي لقيت واحدة بتربط رباط الجزمة وحطة رجليها علي الرصيف ولما عديت من قدامها راحت نزلت رجليها وقلتلي لو سمحت هو فين محطة الدمرداش اصلي عاوزة اركب المترو فقولتلها تمشي كدة في كدة قلتلي كل دة انا كدة هتوه قولتلها خلاص تعالي وانا هوديكي قلتلي ماشي ووديتها من ابعد طريق علشان نرغي لحد لما وصلني واحنا طالعين علي السلم قلتها انا كل مش ومش عارف اسمك ايه ؟ قلتلي اسمي عبير وانت ؟ قلتها عمرو ؟ قلتلي هي دي هتكون اخر مقابلة بينا ؟ قلتلها لا ان شاء الله نتقابل تاني قلتلي طب هات رقم تليفونك قلتلها كذا كذا قلتلي هرن عليك دة رقم تليفوني قلتلها قشطة وركبتها المترو ولحد دلوقتي بكلمها وطلعت شرشر المواقف دي حصلت معايا بجد وفي حاجات تانيا كتير بس دول اقرب حاجة حصلت واللي فكرهم |
اقتباس:
طبعا شكرا ليكم ياجماعه بس بجد الكومنت ده شلنى اوى :icon3: عدم الـ لمؤخذه بتبص فى المكان الـ محترم ازاى ياعنى ؟؟ |
الموضوع ده حصلى قبل كده ههههههه عادى فاكس يا عم :specool:
|
:( مفيش حد عاكسنى
|
ههههههههههههههههه ايه البنات ديه -.-
الحال اتقلب 180 درجه |
زى واحد صحبى ملتحى كان ماشى تحت كبرى عندنا وواحدة عاكستة ف كان بيحكيلى الموقف وكانوا ف رمضان كمان المهم بيقولى طيب بت بتعاكس ممكن كمان عامية مش شايفة للحية هههههههههههههههه وعلى فكرةالكلام دا مووجود زائد ان ف بلاد البنات بتتحرش بالولاد بس مش هنا الكلام دا برة حنا عندنا معاكسات بس
|
هههههههههههههههههههههههههه
بس دا بيحصل قليل اوى |
والله الكلام دة مظبوط والبنات بقيت زبالة اوى وفى منهم جزء غلبان اوى بيضحك علية (او بيمشى وخلاص زى اصحابة ) ويا رب يهدى
|
هههههههههه موضوع جامد انا بقي حصلي كام موقف كده بس كلو بسبب اني طويل مش عارف بيحبو الطول ليه كده لما اكون ماشي عند بنات او قدام مدرسة بنات و في مرة واحد و انا ماشي قالت بيقولو الطوال دول بيبقو جامدين اوي :fisch: ههههههه بص الوقاحة وصلت فين ده غير بقي ايه الطول ده و كلام كده خصوصا انا دراستي في شارع الهرم يعني اوعي هههه احمنا يا رب :worthy: |
لول عقبالي بقى لما اتعاكس ههههه ^^
|
فيها فوائد رفع المعنويات
في موضوع عن زمبابوي كان يشبه هذا لكن مع اختلاف عدم وجود الأسلحة " اللهم اغننا بحلالك عن حرامك " |
جامد التوبيك أساحبي
إحنا بعد كده المفروض نمشي بـ سبراي فلفل ! :character45: |
اقتباس:
|
اقتباس:
|
غريبه محصلتش معايا
ممكن عشان انا مش امــــور =)) صراحه الكلام ده مبشفهوش عندنا خــــالص |
بص هيا حكاية البص ديه كتيرة جدا
سعات تكون انت راجع من مكان متعكنن ولا حاجة و مش فايق لمعاكسة ولا اى حاجة تلاقى مثلا بنت معاك فى القطر ولا الميكروباص تعود هيا الى تبصلك مش انت بس عمتا نوع البنات ده مش كتير و نوع البنات ده لو بيعمل كده عشان ارتباط يبقى بيضحك على نفسه لان الولد عمروه مهيرتبط ببنت هيا الى عكستوا ولا هيا الى راميت عليه الجلب الاول :) |
يقول ميدو , 16 سنه : انا كنت ماشى فى الشارع و بالصدفه كنت معدى من جنب مدرسه بنات و توالت المعاكسات . واحده بتقول " تتجوزنيش و امسحلك الجزم " و التانية قالتلها " مقدرش انا ع العسل دة ".. و رديت عليهم و قلتلهم " ايه انتوا معندكوش اخوات بلاستك " و مشيت بس انا كميدو انبصت |
هههههههههه حلوة يا ميدو بس الكلام ده مش عندنا احنا فى الناصريه لما ببقا واقف مع زمايلى على الناصيه ولا حاجه و بنت ولا بنتين يشوفونا و احنا واقفيين هوب يلفو و ياخدوا الطريق التانى وش :love: |
اقتباس:
المهم واحد صاحبي ش.خ.ر ش.خ.ره اسكندراني والتاني قال الحا (اللام سيلنت) وانا قولتلها احنا بردو اللي هايجين ولا انتو بأم الفيزون اللي لابسينو ده قالتلي احنا بنلبسوه ونيتنا صافيه بنلبسوه شكلا بس وانتو اللي دماغكو و.س.خ.ه احنا اول ما سمعنا الكلمه ديه قلنا يا فكيك بس تسلم ع الموضوع الجامد ده يا دياب |
بيحصل يا معلم كتير
|
كويس كويس
كشته عليك |
خد من دا كتيييييييييييييييييييير :bounce::winner_first_h4h:
|
البنات دلوقتي بقت هي العايزه تقف مع ولاد .. و لو جيت واحده بالجمله دي ..تشرشحلك,,
أنا حصل معايا موقف قبل كدا بس كان بي الموبايلات مش بالكلام .. بردو كنت لوحدي و هما 4 :queenie:مبعاكسوش شله كامله أبدا .. |
انا حصلت معايا !!
مرزق :) |
:huglove:
|
انا بقي حصل معايا الموقف ده
كنت ماشي انا وواحد صاحبي مره وكان فيه تراب جامد اوي في الجو لاقيتلك واحده يا عم الحج عامله زي البرميل جايه بتقولي ممكن اخد الجاكت اللي انت لابسه واللبسه انا عشان التراب وعماله بتشد في هدومي هتقلعني في الشارع وانا مش عارف اعمل ايه رحت زاققها وماش |
| الساعة الآن 03:32 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.