|
شوف حياتك و قل وداعا سيلك رود وداعا كل الالعاب الاون لاين الحق نفسك
امتة هنخرج شوية من الوهم دة اللعبة منيمانا ترجع الشركة لاصلها http://www.channel4.com/media/images...lkroad_620.jpg اتوقع سقوط silkroad و يبيعو لب احسن احسبها هتلاقى نفسك خسران وقتك مجهودك نظرك صحتك حياتك ولم تربح 1 سيلك مجانى لا لازم تتدفع علشان تعلى ولما تعلى اخرها اية هتزود ناس و ناس هتزود ناس و تعيش حياتك كلها على لعبة معرضة فى اى لحظة انها تقول بايباى و يضيع عليك كل حاجة لو حتى انتة بتكسب منها هتقولى انا لسة بايع اكونت جيبلى 600 جنية طب يسيدى انتة صرفت علية اد اية حتى لو مصرفتش علية مليم فى الاخر انتة بتبيع عمرك و صحتك بمبلغ ملوش لزمة و ضئيل بالنسبة للصحة هو دة اللى شركة جوى ماكس بتسعى الية و دى كمان شركة اجنبية و شوف العلاقات مع الدول الخارجية عملة ازاى دلوقتى يعنى معرضين فى اى لحظة من منع المصريين من الدخول يجماعة لازم نصحى لازم نصحى انزل شوف شغل احسن على الاقل هتكسب خبرة فى حياتك لكن على اللعبة هتكسب المرارة و القلب و السكر و نظرك هيضيع صحتك هتنهار و برضة الشركة مش هتعبرك دة بالنسبة لحياتك عملة ازاى بالنسبة لدينك انا اراهن ان فية ناس دلوقتى كتير جدا لو سمعت الاذان و انتة مثلا بتظبط اعدادات البوت هتقول ابقى اصلية كمان حبتين يعنى كمان ضيعتك من دينك انتة هتقولى انا شغال بالبوت علطول بس لما بتبقى مثلا مشغول او بتذاكر هتلاقى نفسك دماغك بتفكر يترى البوت وقف الشخصية ماتت يلهوى انا عايز اشوف البوت كدة بردو انتة لسة مدمن هتقولى انا مش هقدر اسيبها اقولك انا بلعب اللعبة من زمان جدا و صرفت عليها مايقارب 5000 جنية و فى الاخر حسبتها صح لقيت نفسى انى خسران كتير اوى انى لو انا شغال ب 300 جنية فى الشهر و اشتغلت 5 سنين هلم 18000 جنية انتة بقى بتلعب اللعبة 5 سنين عملت اكونت بيتباع ب 10000 شوف بقى انتة كدة بتكسب من انهى نحية انا اهتميت بالحتة دى علشان فية ناس بتعتبرها شغلتها الاساسية من ناحية الدراسة انا عدت سنة بسبب اللعبة دى :smoke1::smoke1: انتة لو عندك درس او شغل او اى مصلحة و لقيت ان فية كمبيوتر و نت و silkroad هتسيب المصلحة و تروح للكمبيوتر طبيعى علشان سيطرت عليك انتة كدة متفرقش حاجة عن المدمن المدمن بيموت و انتة بتموت بس انتة بتموت ببطئ و دة اللى جوى ماكس عيزاه لية متسبهاش القرار لك فى الاخر انتة اللى هتقرر هتسيب الالعاب الاون لاين او بمعنى اصح المخدرات دى ولا هتفضل مكمل و فى الاخر هتلاقى نفسك خسران كل حاجة انتة لو اتبرعت بالعشرة جنية دى اللى انتة رايح تشحن بيها فى سيلك رود هتلاقى نفسك مرتاح نفسيا انما لما تروح تحطها فى لعبة هتلاقى نفسك لزقت فى الكرسى انا حصلى موقف كدة انا ليا واحد صحبى عندة محل موبيلات انا كنت مسكلو المحل حبتين و شوية فى وقت كدة لقيت 5 دخلين عليا عبزين يشحنو ب 600 جنية للعبة سيلك رود مبيعات دحكت اول مقلولى عيزين نشحن 600 جنية مبيعات للرقم دة و خمنت انها لسيلك رود قلولى اة شحنتلهم 600 جنية و هما بيدفعو الفلوس كانو نقصين 50 جنية لقيتهم بيترجونى اقسطلهم يسلام دى بتهين كرمتك كمان .............. معلش انا تعبتكو معايا بس مش اكتر من لعبة silkroad المخدرة القرار لك:scooter: |
كلامك صح بس مين يسمع ؟
انا شخصيا بلعب اللعبة مش بدفع فيها حاجة لتمضية الوقت مش اكتر بس نصيحة ليك سيب الناس على مزجها علشان كل واحد حر فى حياته و فى امواله . و لاكن رغم كل شئ بشكرك على الموضوع |
والله عندك حق
|
هى ممكن تكون منيماك انتا لكن مش منيمانى انا :d كل شخص ينظر للامور من منظاره الشخصى ..
|
:mfr_bl4:ولاهى انا كمان بدأت ازهق منها تحس انها بتكبدك وبتخليك متخرجش للدنيا كده تخليك منعزل عن الناس تدمنها بالظبط زى المخدرات انا ببدا اسيبها حبة بى حبة اساسا:mfr_bl4:
|
والله انا مقدر تعبك في الموضوع تلاقيك كتبته ف ساعه ولا اكتر
بس كلامك قدبيم اوى اكيد انت حصلك حاجه او مشكله سواء ف اللعبه بقى او برا فا الصدمه مخلياك تقول كده وعايز تفتح عين الناس يا حرام عموما كل واحد عارف سيلك رود وتاثيرها ومفيش حد ما اتلسعش منها ^^ فكك يا يس سيب كل واحد براحته ر |
اقتباس:
|
انا يعتبر بقالي يجي 5 شهور بلعب اللعبه ومدفعتش فيها جنيه واعلي اكونت عندي لفل 38 ولا ناوي ادفع فيها حاجه انا كنت بلعب كونكر قعدت العبها سنتين ومدفعتش فيها جنيه لان اصلا حرام تتدفع فلوس في مصدر هايف زي ده ويا ريت يا جماعه لو حد يعرف سيرفر خاص حلو يقول لي العب فيه احسن من سيلك رود العاديه
|
طير انت
|
انا اكتر من اشتراك النت مبدفعش وطبعا ديه حاجه لازم و جودها عند اي شاب
و بعدين الناس العاقله بيلعبو for fun مش ادمان انما اللي بيدمنها ده مريض نفسي زي اللي بيشرب مخدرات بالظبط |
والله عادى ياعنى هانسيب اللعبه عشان الفلوس بس
طاب ما فى ناس معاها طالما بتخليك فرحان وبتشغلك عن حاجات كتير وحشه يبقى عادى |
اقتباس:
|
كلامك صح 100% وانا الأن عارض اكونتى للبيع
لأنى زى متقول كده عقلى رجع تانى و اتعلجت و بدل الفلوس بتاعة سيلك رود الواحد يروح يشترك بيها فى جيم احسن او حاجه تفيدو :pepsi: |
هيا اللعبة دى كانت اخرها اول ديجرى 10 بعدين هبلت ومبقتش تفرق معايا انا بلعب على خفيف فى الاجازة
و باقى السنة فى الكلية مسافر ...انا شايف انو كلام الراجل دا 100% فى وضع الجيم ناو لأن 80% من الناس بطلتها (دا اهم سبب) الشخصيات قوتها مش متوازنة ال sos كتر وبقى كولوا فل sos دا كان زمان اللى لابس حاجة sos السرفر كولوا بيكون عارفوا |
انا كاتب القرار لك :111 (26): |
سلام عليكم
علي فكره مش لازم اللعبه هي الي بتضيع انت و تصرفتك و تحكمك في نفسك عادي يعني بقالي 5 سنين بلعب و الحمد لله بقيت مهندس :)) في الاول و الاخر انت الي بتعمل نفسك مش اللعبه الي بتعملك انا بلعب اكتر من 5 اللعاب و عادي خالص و الحياه لذيذه و مش بتاثر علي اي حاجه و تقديرات في الكليه و تمام |
:rm_fish::rm_fish::rm_fish: الحمدلله بطلتها من 3 شهور ^^ وحسبتها صح تسلم:detective2:
|
المضحك ان الناس متوقعه ان الشخصيات العربيه او الاسلاميه قريبا تنزل هذا حلم وكذب في كذب واتحداكم اذا نزلوا شخصيات جديده اللعبه فتحت على ماعتقد 2004
وبعدها بسنه نزلوا الاوروبي والى الان اللعبه مجرد ديجري بينزل اصحوا يا ناس المستفيد من اللعبه جوي ماكس و تجار القولد اللي بنوا قصور من وراكم نصيحه الكل يشوف حياته او مستقبله |
مشكور يانجم انا كمان عاوز ابيع البارتي بتاعي 8/8
4 ويزارد + 2 بارد + 1 واريور + 1 كليرك 114 + 111 + 105+105+105+105+105+105 البيع كامل للبارتي علي سيرفر مارس اوك وطبعا كلهم لابسين وماستر جيلد وحاجات كتير اوي 0113029370 |
اقتباس:
حضرتك يوجد مكان مخصص لبيع الاكونتات هنا قسم بعيدا عن سيلك رود |
مشكور على الموضوع بس كلامك ان اللى بيعب مش بيعمل حاجة غير يلعب وبس انا بلعب وبشتغل وبطلع وبروح تمرين وكل حاجةعادى مش معنى انى بلعب سيلك رود يعنى هفضل قاعد عليها 24/7.
مشكور على النصيحة |
انا بقول دة اللى ادمنوها و انا محصليش حاجة وحشة فى اللعبة فمتاثر بيها علشان اكتب دة دى مجرد نصيحة :mf_death: |
اقتباس:
|
اقتباس:
|
شكرا شكرا علي المجهود
و انا الحمد لله سبتها علشان جيبتلي في الترم ده درجه وحشه في الدراسات فقوله هيا الي جبتلي الدرجه الوحشه ديه علشان انا كونت شاطر ملاحظه للناس الي بتلعب الجيم شوف كده كام مره اتحنقت مع صاحبك او اي حد شوف شتامت كام واحد في اللعبه و هوا شتمك وسبلك و...... شوف كام مره ضرب حد موتك في اللعبه ذي اخوك او.... من الاخر اللعبه ديه حرام حرام و زاي ما shahinbac قال وشكرا علي المجهود الرائع فكر قبل ما تخصر كل حاجه و تندم:lightning: و هيكون بسبب اللعبه وشكرا |
الكلاب تعوي و القافلة تسير ...
|
اقتباس:
علشان بيوصل lv120 فى كام ساعه فا مش بيزبت لبسو بيكون كلو npc بتوع سالك رود هما الصح الواحد فى الفل قاعد سنه بيظبت فى لبسو D: :sport_box::sport_box: |
لو حول ولا قوة إلا بالله......الراجل داخل بينصح و الناس ترد عليك تقولو طير انت و الكلاب تعوى و المحترم الى داخل يقوله انت مال امك !!!...ربنا يهديكو و يهدينا
|
مش شرط ممكين تنظم الوقت
|
السلام عليكم
اولا -- لا حول ولا قوة الا بالله . الى الاستاذ صاحب الموضوع والله والله كل كلامك صح 100 فى ال 100 . انا بردو سبت اللعبة من حوالى 6 شهور او اكتر وبلا رجعة تماما . انا مصرفتش كتير صرفت 1500 جنية تقريبا وبيعت ب 500 جنية . انا كنت بلعب للمتعة مش للمكسب . واستمتعت ولاقيتها مضيعة للوقت واهمال فى الدين والصلاة وتعب نفسى وسهر وارهاق شديد (ودة حال معظمنا) طبعا شكرا لكل عضو ساهم برد ايجابى . وكل واحد شتم وقل ادبة زى اللى قال انتا مدمنها و اللى قال وانتا مال امك (والله انا مش هقول حاجة غير كل واحد بيدل على بيبئتة وتربية اهلة لية ) سيلك رود بقت لعبة فاشلة تمام . واهم حاجة وقتك اللى بيضيع . وانا والله ما سبت اللعبة بسبب اننا اتسرقت او حاجة انا سبتها بسبب الملل ولاطفال اللى بقو بالعبيط فى الجيم دلوقتى يا مكتر اللى اقل من 16 سنة ف اللعبة وعيال عندها 13 و 12 و14 وبيلعبو وبيسبو الدين للناس. ومعلش سمعة المصريين فى الجيم السيئة جدا دى مش من شوية مهو من بعض الاعضاء فى المنتدى بيسئيؤ زى اللى داخل يقول وانتا مال امك. يا ريت الاشراف يعمل حظر للاعضاء السببابة والشتامة فى الاعضاء المحترمة زى الاستاذ اللى رافع الموضوع . اتقو الله فى نفسكم ومالكم وصحكتم ووقتكم. ربنا يجزينا خير كلنا باذن الله. |
اقتباس:
|
انا زهقتــــــــــــــــــــــــــــــــــ منها
وخلاص خدت قرار النهارده انى مش هلعبها تانى عشان بجد انا قبل مقرأ الموضوع حسيت انى مليش نفس او ممكن ابقا العبها فى الاجازات |
اقتباس:
بس الرد لسة موجود يعنى الادارة معملتش اية حاجة . فالازم اقول ان الادارة لازم تاخد بالها . |
يا مان طول مالبوت موجود مش هضيع عليك حاجه انا شخصيا بشغل البوت وبقوله مع نفسك يا جميل وهو بيعمل كل حاجه وحده من اول تسجيل الدخول لحد ماطفى الجهاز وبس وعيش وسبنى اعيش
:59::clapping::59::clapping: |
فعلاً عندك حق والله
مضيعة كبيرة جداً للوقت |
بالنسبة للناس اللى تفاعلت مع الموضوع بايجاب شكرا لكم جميعا ولكن الناس اللى شتمت انا مش هرد بس لو كنت واقف قدامى وش لوش كان يبق احسن علشان ....... اعرف اتصرف |
اتعمل الموضوع ده 84937543985 مرة ..... كل ما يجي واحد يسيب القيم لازم يقرفنا بالموضوع ده :(
بص يا سيدو يا كاتب الموضوع و يا كل واحد مؤيد له .... انا بلعب اللعبة ده من ايام المتوسطة (( اعدادية )) و لعبتها ايام الثانوية ... و الحمد اتخرجت من الثانوية بنسبة حلوة و طلعت 4 على الثانوية العامة في المدرسة بتعتي ... و انا الان في الجامعة .. و بلعبها :) و نسبتي برضه مش بطاله !! حتقلي اكيد خشيت تخصص نظري كده و عندك وقت تلعبها !! لا حبيبي .. انا خشيت كلية الهندسة :) هندسة اتصلات و الكترونيات ... و لساتني بلعب اللعبة ده .... و الحمد لله موفق في دراستي ...... هي كلها حكاية تنظيم وقت .. انت حاسس نفسك عيل مش مسؤول لا تلعبها و سيبك منها .... حاسس نفسك مزبط وقتك العبها و استمتع .... |
لا حول ولا قوة الا باللة هو اى واحد ميعجبوش الموضوع يعض يشتم يجماعة دة موضوع للجميع يريت اى حد يبدى رئية بطريقة كويسة:throb::throb::throb::throb::throb::throb::th rob: لو الموضوع دة هيزعلنا م بعض. يغلق:lamo: |
:rocket: هو ده اللى انا عملته فى سيلك رود :terafin-grin:
|
بسم الله الرحمن الرحيم
معلش ردى هيكون طويل شوية بس استحملونى قبل كل شىء اشكر صاحب الموضوع لان كلامه صح 100% و انا مبطل اللعبة الحمد لله من 3 شهور بس احب اعقب على حاجات صغيرة فى الردود اللى قريتها فى ناس كاتبة ردود بتشتم فيها صاحب الموضوع و كذا و كذا ............ الخ بس الغريب ان فيهم مشرفين و اللى مش بيشتم كان بيتريق مع انى اعرف ان المشرف ده المفروض يكون قدوة للاحترام فى المنتدى مش هو اللى يخترق القوانين تانى حاجة الناس اللى بتقول و احنا مالنا و انا بعرف انظم وقتى و بنزل و بروح فين و مش عارف ايه و مع ذلك برده بتشتم احب اقولك ان بمجرد انك اتعصبت على شخص او شتمته بسبب لعبة يبقى اكيد اللعبة دى مسيطرة عليك بطريقة غريبة متعمليش فيها بقى عم الفتك و ان مفيش منك اتنين فى مصر و كلامى دلوقتى للى بيقولوا الموضوع ده اتكتب مش عارف كام مرة و كل ما واحد يسيب الجيم يكتبه و متكرر الف مرة احب اسألك سؤال : انت فكرت فى الموضوع ده مرة من الالف اللى الموضوع اتكتب فيهم ؟!!!!! مع كامل احترامى و تقديرى لصاحب الموضوع و اصحاب الردود المحترمة M.a.F.i.A |
| الساعة الآن 09:50 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.