|
6 إبريل بالإسكندرية: اتهامات المجلس العسكري الباطلة دفعتنا لدعم إضراب 11 فبراير
أعلنت اليوم الثلاثاء، حركة شباب 6 إبريل في بيان لها بالإسكندرية، دعمها رسميًا للإضراب العام "عصيان مدني سلمي" والمقرر له يوم السبت المقبل 11 فبراير، والذي يوافق مع الذكري الأولي لتنحي "مبارك" وتولي المجلس العسكري مقاليد إدارة شئون البلاد لفترة انتقالية. وأرجع مصطفي العطار؛ عضو المكتب التنفيذي للحركة بالإسكندرية، أن هذا الإعلان، أتي بعد ساعات، مما وجهه "أدمن الصفحة الرسمية للمجلس الأعلى للقوات المسلحة" من اتهامات "باطلة" للحركة، بأنها تدعو للعصيان المدني لأجل إسقاط الدولة، حيث لم تكن الحركة قد دعت من الأصل لهذا الإضراب. وواصل "العطار" القول بأن 6 ابريل، توجه رسالة إلي المجلس العسكري، بأن الحركة ملتزمة بمنهج المقاومة السلمية، وإن أية اتهامات لها بمحاولة إسقاط الدولة هو أمر باطل، فالعصيان المدني آلية سلمية ضمن آليات الثورة المصرية السلمية، ولا يجب التعامل معه على أنه خيانة للوطن. و دعا "العطار" جموع الشعب المصري "طلبة، وعمال، وفلاحين" إلى العصيان المدني السلمي الشامل، بداية من 11 فبراير، وصولا لفتح باب الترشح لرئاسة الجمهورية، وإقالة حكومة الجنزورى، وإقالة النائب العام، وصولا لتسليم السلطة لجهة مدنية. وشدد "العطار" علي أن الحركة لن تتهاون في ملاحقة ومحاسبة "ميدانيًا" كل من أسهم أو تورط أو تستر أو اشترك أو تواطأ، ضد تحقيق مطالب الثورة، ولا سيما مجزرة "إستاد بورسعيد" والتسبب في وفاة العشرات بينهم أطفال. http://www.almogaz.com/politics/news/2012/02/7/181193 فى حاجة محيراني للبيتهم 6 ابريل باعمالة و اسقاط الدولة زاى المجلس العسكرى و غيرة لية ميقدمش الأدلة للنائب العام و يقبض عليهم و يتم التحقيق معاهم وفقاً للقانون ولا المجلس العسكرى متأمر معاهم لإسقاط الدولة ولا فى اية مستخبى احنا عايزيين دولة قانون . |
انا عن نفسى ميهمنيش 6 ابريل تدعم الاعتصام او متدعموش لانى عمرى ما هحترم الجماعة دى وكل همهم انهم يمسكو غلطة على المجلس العسكرى بس والله والله والله الناس دى عمرها ما حبت مصر وعايزة تخربها ---- فى حاجه عاوز اضيفها يعنى هماهيقدمو موعد الانتخابات..(ومتنفعش تتقدم اكتر من كده) وهيودو مبارك طره وهيفصلو مبين المساجين وهيبعدو جمال وعلاء عن بعض وقريب هيعملو اقامة جبرية على سوزان وطلاما فى مجلس شعب يعنى حق شهداء بورسعيد هيرجع البرادعى عاوز ايه بق؟ انا نفسى واعرف هو عاوز ايه ؟ |
لا الموضوع مش حكايه متأمر معاهم الموضوع ان المجلس العسكري مش ناقص وجع دماغ وان يقوم عليه جزء كبير من انصار 6 ابريل بالذات الادله العليهم ممكن يطلعوا منها زي الشعره من العجينه بكل سهوله بس اغلب الشعب بلاش كله عارفين هما ايه وتفكيرهم ايه ومين بيمولهم
اما بالنسبه لموضوع بيدعموا الاضراب وحق الشهداء والكلام ده فا دول بيزيطوا في الزحمه وبيزايدو بحق الشهداء |
هههههههههههههههه لا ده خوف من الاخوان ومن المجلس العسكري لو شوفت الرساله اللي كتبها عنهم وكمان الاخوان المسلمين النهارده قالو انهم مش هايشركو علشان بيضر بمصلحه البلد لو جبتها من الناحيه الصح 6 ابريل عاوزه توقع البلد وفكك بقي من كلام الحريه ودول كانو معانا والكلام المعسول :111 (18):
|
انا مش بدافع عن فئة معينة ولا 6 ابريل ولا الإضراب ولا غيرة كل واحد لية كامل الحرية فى الإضراب او لأ بس دلوقتى فى مشكلة كبيرة 6 ابريل عملاء و خونة و عايزين يسقطو البلد امال سيبنهم فى البلد لية و مش عايزيين يقبضو عليهم و يحاكمهم لية ولا مستنينهم يسقطو البلد ؟ |
اقتباس:
هههههههههههههه امال انتم بتتكلمو عن الحريه ازاي ؟ لو مافيش حريه هو يعني الجيش مش هايعرف يلم العيال دي والله في ظرف يوم يكون لممهم في المعتقلات بس هو مش عاوز كده علشان متقولوش المجلس العسكري مش مدينا الحريه اقرا جزء من الادمن صفحه المجلس الاعلي للقوات المسلحه علي الفيس بوك اقتباس:
|
اقتباس:
احنا فى دولة قانون مش فى دولة عصبات مسلحة عشان الجيش يلمهم فى المعتقلات . لو الجيش معاة الى يثبت الكلام الى بيقولو يقدمو للنائب العام و يتم التحقيق معهم و لو فعلاً عملاء و عايزيين يسقطو مصر هنبقى ارتحنا منهم و انا اول واحد ابقى ارتحت و دا ميختلفش مع الحرية خالص لأن الحرية هيا القانون . |
تعليق بس على اخر حتة فى خطاب المجلس العسكري نسيو يقولو احفاد مبارك صاحب الطلعة الجوية الأولى :) |
اقتباس:
|
اقتباس:
ولله فعلاً هما مش اغبية و ضحكو علينا و بيسرقو الثوره كمان بس انا متأكد بإذن الله الثورة هتنتصر no way |
يعني هياخدو الثوره في دبابه وهايمشو اهو فتحو باب الترشيح وهايمشو بس هاتعملو بلبله تاني الجيش اصلا علاقته بتتوتر مع الشعب كمان شويه هانقلب سوريا او اكتر منها شويه انا تعبت من الكلام ده التلفزيونات 24/7 نفس الموضوع الواحد يهاجر احسن
|
اقتباس:
اقتباس:
|
على فكرة انا اكتشفت ان جماعة الاخوان المسلمين ا و سخ ناس...الاول كانوا فى اعتصامات وشغالين زى الفل ومن ساعت ما دخلت المجلس
راحت احتفلت بالثورة ومنعت اى حد يعمل اى حاجة ودلوقتى بيقولك مش هانشترك علشان ده بيضر بمصلحة البلد...هما لسة واخدين بالهم انه بيضر بمصلحة البلد؟ الواحد ندمان ان هو ادالهم صوته والله |
اقتباس:
|
انا عارف ان 6 ابريل شباب وطنين و عايزيين مصلحة مصر اكتر من اى حد .. و كانو شرارة من شرارات الثورة و كانو بينزلو يتظاهرو ايام لما مبارك كان فى عز سطوتة و كانو بيعتقلو و بيتضربو و هم من اول الناس الى دعت لثورة 25 يناير بس حاليناً الثورة المضاضة بقيادة المجلس العسكرى بتحاول تشوة كل رموز الثورة و بيقتلو قى الثوار . بس ربنا معانا و الحق فوق القوة ... يسقط حكم العسكر |
اقتباس:
للأسف و احنا عندنا فى البيت انتخبناهم و اتخدعنا فيهم |
بيان الأخوان المسلمين يوم 2 ابريل 2008 حول اضراب 6 ابريل 2008 http://www.ikhwanonline.com/new/Arti...=36040&SecID=0 سبحان مغير الاحوال |
اقتباس:
|
6 ابريل دى بحس انها حد بيمولها من خارج فى ان فى الموضوع
|
اقتباس:
|
انا مش بشجع فئة معينة او طائفة معينة بس عايز اقول حاجة على 6ابريل طلعت السادات الله يرحمه كان معاه مستندات تثبت ان 6 ابريل خونة وكانت جنبه وهو قاعد في البرنامج بتاع المحور وكان هيوديها للنائب العام بس حصلت ارادة ربنا
ثانيا : انتوا فاكرين يعني ان انتخابات الرئاسة دي سلطة بتتجهز دي انتخابات رئاسة يعني لازم تخلص انتخابات الشوري فالاول ثالثا : الاضراب اللي بيقولوا عليه من 11 فبراير لحد 1- فتح باب الترشح للرئاسة : طب ماهو هيتفتح هيتفتح ولا فاكرين اللجنة القضائية هتأخروا ولا حاجة 2- اقالة الجنزوري : نفسي افهم هو عمل حاجة غلط ولا هو عشان كان رئيس وزراء ايام مبارك طب ماهو اتقال عشان كان كويس عايزين تمشوه ليه 3- اقالة النائب العام : هو ده برضوا عمل حاجة ياريت حد يقولي سبب لده 4- تسليم السلطة لجهة مدنية : طب ماهي كده كده هتتسلم الموضوع مش بالبساطة دي المشكلة ان اغلب اللي بيتكلم فهموا في السياسة قليل جدا لأن هو مش فرمان هيتنفذ في اللحظة والدقيقة من الاخر الاضراب ده مش هيحسن الاوضاع ده هيزود الطين بلة لأن الناس حالها واقف محدش بيشتغل هتوقفوا الباقي انا عن نفسي هروح المدرسة عادي مفيش اي حاجة عشان انا خايف على مستقبلي واي حد من الطلبة اللي مش عايزين يدرسوا هيخدوها فصة ويضربوا هما كمان ويضيعوا مستقبلهم معلش اصلي رغيت كتير واي حد يرد عليا ماشي بس يكون بأدب واحترام |
اقتباس:
أولاً: قالوا اي حد معاه مستندات يسلمها للنيابه ثانياً
|
اقتباس:
بلعكس الثورة دى عمرها مكانت هتنجح منغير القوات المسلحة ودى حطها فى اعتبارك |
بصو يجماعة مش فى رئيس جمهورية جديد هيجى ؟ هو بق يطهر ويحاسب الناس متجوش تدورو على حجج فارغة ومش منطقية بلمرة علشان تنزلو الميدان بس كده ! |
اقتباس:
--طب انت ايش عرفك باللي وراه هو عشان معملش المطلوب يبقى فلول -معلش في دي القضاء مش فاسد ده السلك الوحيد اللي مالوش دعوه بالنظام وميثبتش اي حاجة طب لو هو تبع النظام عشان هو الكبير بتاع القضاء طب مالرئيس المخلوع ده كان حاكمنا معني كده ان احنا كلنا فاسدين -مش هيحصل صدقني وانت مش هتعرف المستقبل ده استحالة هيحصل انت مش متفائل ليه ده (لا ييأس من روح الله الا القوم الظالمين ) |
اقتباس:
اول مانزل مصر قال التغيير وان شاء الله الراجل دا هينظف البلد من النظام الفاسد :lightsabre: |
اقتباس:
-اللي حصل ده متدبر والاثبات ان اللي كانوا بيضربوا كان معاهم كشافات...يعني كانوا عارفين ان الكهرباء هتقطع...مكنش في تفتيش...و ركز معايا في الحته دي...مبارك كان حاكمن عن طريق امن الدوله و اللي كان بيدمر كنائس عشان المسلمين و المسيحيين يتخانقوا و هما يسرقوا براحتهم...و عندك بقى بعد الثوره 5 كنايس اتدمروا من غير ثبوت التهمه على بني ادم و هم اساساً كانا عايزين يعملوا فتنه طائفيه عشان يعلنوا الاحكام العرفيه و يعلنوا سيادة الحكم و ساعتها يهربوا بالحاجات اللي سرقنها مش هيقعدوا يقولو بقى خروج امن...منجحتش محاولتهم في نشوب الفتنه الطائفيه فحاولو يعملوا حرب اهليه و ده اللي اثبتوا المشير في التصريح بتاعه بعد المتش...و قال فيه "اللي عملوا كده افراد من الشعب المصري لازم الناس كلها تنزل لو تاخد حقها لازم الناس تشارك"...ممكن بس تفهمني هو عايزنا نشارك في ايه؟... -مش عايز يحاكمالناس اللي مش راضيه تجيب الادله اللي موجوده في كل حته و هي دليل ادانة مبارك...بالبلدي عني بيدافع عن مبارك....يبقى مش فلول؟ -من ناحية القضاء في جهات قضائيه كتير شريفه زي قضاء المنصوره و ليه مواقف كتير اوي مشرفه ضد الفلول و كان المجلس العسكري و النائب العام بيطعنوا في قرارتهم -حصل فعلاً شوف كتاب سنه سادسه ابتدائي بتاع الدراسات و هتعرف |
احب اقول حاجة في الاخر كده
لو حصل الاضراب ده والمصالح وقفت اللي عايزين يشيلوا كل حاجة دول فيه ناس وراها اطفال صغيرين نفسهم يأكلوهم ويشربوهم ويلبسوهم في الجو الصقيع ده والاضراب ده قطع عيش الناس اللي مبوظ الاحوال بعد الثورة ان كل واحد بيفكر في نفسه محدش بيفكر في اللي اقل منو هيعيشوا ازاي والميادين بقت ساحات للاعتصامات على حاجات فارغة والمطالب مش هتخلص والبلطجية بياخدوا فرصتهم وبيعملوا اللي هما عايزينوا من سرقة وقتل ونهب ودول يقولوا عجلوا الانتخابات والمجمعات العلمية تتحرق ومبني الداخلية يتدمر المبني ده فيه تاريخ كل واحد يعني لو راح انت ملكش وجود بالنسبة للي بيهزءوا في الداخلية انا لسه مقلتش اللي في نفسي عشان الكلام كتير بس الافعال هي المهمة |
اقتباس:
|
اقتباس:
الاضراب هيعملنا ضرر كبير بس هيشيل الضرر اللي اكبر منه بفوارق اللي عمله المجلس العسكري و ساعتها هناخد قصاص للشهداء و المصابين و نعدم ان شاء الله مبارك و العادلي و نسلب مبارك و اعوانه اموالهم اللي سويسرا قالت ان التأخير من الجانب المصريو نحط الفلوس دي في مكانها الصحيح...ساعتها معنويات الشعب هترتفع لانه هيشوف انه خذ حقه و يبقى له القبول على العمل و بناء الدوله...انما لما نلاقي مبارك بيتصرف عليه كل يوم ملايين...و اهالي الشهداء و المصابين اتكتبلهم حاجات رخص التراب و مسلتموهاش اصلاً واللي قتلوا عيالهم خدوا براءه و رجعوا مناصبهم...بمعنى اصح في 2286 ماتوا و حوالي 7000 واحد اتصابوا قبل 11 فبراير 2011 و اللي ثبت عليهم التهم حوالي 10 بني ادميين و الباقي طلعوا براءه رغم وجود دلائل ادانتهم...و اشهرهم وائل الكومي اللي قتل 40 متظاهر و طلع براءه و اترقى...200 واحد ماتوا و حوالي 2500 واحد اتصابوا بعد فبراير 2011 و مفيش واحد ثبتت عليه التهمه معنويات الناس هتبقى عامله ازاي؟....مش هيبقى ليهم نفس للشغل و هيقولك ان احنا معملناش ثوره اساساً...و لو عايز اكملك عادي بس انت قول بس |
اقتباس:
|
لول معتقدش ان فيهم حد بيشتغل اصلا ما كلهم شباب فاضيه ومورهاش شغل ولا مشغله
ممكن عصيان مدنى يعنى هيبطلوا يشتروا سجاير علشان الدخل القومى يقل فا يضغطوا على المجلس العسكرى او هيبطلوا يدوا بانجوا للعيال فى التحرير فيهجوا ويبهدلوا الدنيا ! |
اقتباس:
اعذرني بس انت بتتفرج على التلفزيون المصري كتير اوي |
اقتباس:
طلبات ايه اللي انتم عاوزنها بص 6 ابريل مش بتعبر عن راء المصريين كلهم ورئيس الوزراء علشان يسكتكو طلع النهارده وقال المجلس العسكري مش هايسيب السلطه غير في اخر يونيو يعني علشان يسكتكو شويه لحسن يسقط يسقط حكم العسكر ديي بقت نغمه في بوء اي حد |
اقتباس:
وقولي انا طلعت صح يا سيدي ..... خلص الكلام ........ |
انتم اصلا مش عارفين الاضراب ده بيعمل ايه بتقولو انه هايعمل كتير بصو بقي 6 ابريل درسه كويس جداا ايه اللي بيحصل في البلد
اولا:محدش عاوز يدينا اي قرض او اي مساعدات ثانيا:امريكل طبعا بسبب المنظمات الي بتتمول من الخارج هايشيلو المساعدات ثالثا:البورصه بتنهار كل يوم بسبب البلطجيه اللي ودوهم محيط الوزاره واللي بيحرق مصلحه الضرائب وبيرقص (اتفو) رابعا : احب اقولكم الكلاب تعوي والقافله تسير:stitch_h4h: هانشوف الاضراب هايعملكم ايه والجيش بيقولك اتصرف ونبي لو اتقلبو قرود مش هايعرفو يسقطو العسكر |
ماشي يا عم هتشوف مين فينا هيعوي يوم 11 فبراير الجاي
|
اقتباس:
|
اقتباس:
ضحكو على الثوار كلهم ... و على فكرة مؤيديين مبارك هما هما مؤيديين المجلس العسكري , و دى لوحدها شبها اصلاً . |
ربنا يستور
|
| الساعة الآن 11:03 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.