|
الملل...الخنقة...الوحدة...الزهق....»
بسم اللة الرحمن الرحيم
انا بعانی من المشاكل الی فی العنوان دة بحس بالخنقة و بالضيقة و الملل الفظيع حاسس انی مفيش حاجة جديدة فی حياتی انا قلقان انها تتحول لمشكلة و ازمة نفسية يا ريت الی عندة ای طريقة بس لاية مش عارف يعنی الواحد لو عندة صداع بيروح لصيدلية و يقول عايز برشام صداع طيب انا اروح اقول اية يا رب تكونوا فهمتونی علی كمال.17سنة ارجو المساعدة |
ارجو الرد بقی
انا مش ناقص خنقة اكتر من الی انا فيها |
قرب من ربنا شويا ويارب توصل المعلومه
اخوك كريم محمد 15 سنة من 6 اكتوبر :D :flag_french: |
كنت زيك بالظبط من شهور حاجتين مفيش غيرهم 1-قرب من ربنا 2-عيش حياتك |
كل الشكر طبعا للاخ كريم و سمارت ماد مش عارف اسمك معلش
بس قرب من ربنا انا الحمد للة علاقتی معاة كويسة و بصلی الحمد للة بس مفتكرش انی كل واحد بيصلی و مقرب من ربنا سعيد فی دنيتة اكيد فی حاجات بتخلی الواحد يضايق و يشعر بالخنقة انتوا محلوتوليش الازمة انی صورتونی بانی واحد (كافر) و فعلا انا ما زلت اشعر بالملل |
^__^
اقتباس:
انا اراهنك ان حياتك عباره عن الكمبيوتر ونوم وخلاص |
نفس اللي انا بعاني منه و الله بس اسمعها مني
زي ماقالك الواد ستيوبيد ماد ده :mf_dribble: قرب من ربنا و عيش حياتك !! يعني اخرج اتفسح اهمل اللي في نفسك مش كل حاجه كمبيوتر و خلاص يعني شوفلك موزه كده و ظيط xD |
اقتباس:
واحب اقولك انت خسرت الرهان لانی انا فی 2-ثانوی و الكمبيوتر مسحوب عشان المذاكرة و كدة يعنی بس المشكلة الحقيقية الفراااااغ الوقت بيعدی ببطء شديد حتی وانا بكلمك حاسس بخنقة وشكرا ليك ويا ريت المتابعة |
اقتباس:
انا من البحر الاحمر من مدينة اسمها رأس غارب ممكن تكون سمعت عنها وممكن تكون مسمعتش هی. قريبة من الغردقة بس بلد مفهاش حتة يتخرج فيها يعنی لا سينما و يعتبر مفيش كورنيش ولا محلات نضيفة ولا مولات البلد عبارة عن حتة قريبة من شركات البترول وشكرا بردة ليك يا ريت اسمك للتعارف |
اة معلش نسيت
بالنسبة لدخولی علی الوقع وكدة فا دة من الموبايل |
اسمى عمرو :) ما انت قلت انك فى 2 ثانوى يعنى حياتك مذاكره وخلاص ^^ اكيد هتحس بملل اقتباس:
|
اقتباس:
وشكرا بردة لردك يا عمرو و استأذنك 1/2 ساعة اصلی و جای |
انت اكيد حصلتلك حاجة خلتك تحس بالحاجات دية
وسوري في اللفظ بطل تعمل العادة السرية لو بتعملها لأنها بتأثر في نفسية الواحد + اخرج مع اصحابك كل يوم متقعدش في البيت خالص ألعب في صالة الجيم هيظبطلك جسمك وهيخليك واثق من نفسك اتعرف علي ناس جديدة حاول تبقي مرح كدة وخليهم يحبوك متسمعش اغاني حزينة وكدة شغل قرأن علي طول وطبعا تصلي صدقني هتبقي راضي عن نفسك والحاجات دية هتبدأ تروح شوية شوية بس اهم حاجة تعمل الحاجات دية وبرضوا تشرب لبن الصبح لأنة باين انة بيهدي الاعصاب |
انا اخوك محمد
انا اكتر واحد ارفان وربنا على فكرة ^_^ خروجاتى قليله ماليش اخوات انا فى 3 ثانوى كل يوم اصحى ان كان فيه درس بروحو مفيش بتنيل على الكمبيوتر العاب واكلم صحابى وكدة انطوائى بدرجه بنت ***** يعنى حياتى ملل زيك كدة ^_^ بس مبقلش بكتم وخلاص ادام فيه كمبيوتر يبقه فله اوى xD |
بص انا زيك بالظبط ولاهي العظيم و فعلا حاسس بيك علشان عايش بره مصر و مفيش اصحاب ولا خروجات وكمان بكلمك من الموبيل يعني بص زيك 100% بس الحمد لله ماشيه بس انت حاول تنظم يومك يعني شويه مزاكره شويه نوم وشويه تليفزيون وفلم ده انتي ولاهي محظوظ يابني ده انا عندي تليفزيون فرنساوي و مش عايز اقلك بقي ههههه حريقه xD حاول تدخل علي موقع اخبار تعرف الدنيا مالها و اعمل صداقات كتير لحد متلاقي الصاحب الينفع يبقي معاك و يساعدك فعلا علشان متحسش بالوحده وجدد الروتين بتاع يومك وجرب تعمل حاجات جديده بس وربنا معاك و معانا هنعمل ايه؟ اخوك عبد الرحمن 15 سنه:wink1:
|
بص أنا هقولك معادله لي طالب الثانويه المهببه ,,
طبعا إنتا يومك شبه بعضو ,, و وقت الفراغ البيبقى عندك بيكون متقطع و مش كبير فمش عارف تعمل فيه حاجة غير إنك تعد شوية على الكمبيوتر عشان وقت ما تعرف تقوم تقوم ,, دلوقتي إنتا هتعدي تانيه ثانوي ,, و هتكون حوشت جواك شويه يخلوك تفرقع ,, لو جيت على تالته بقا ,, يا هتكون مش طايق حاجة إسمها مذاكره ,, يا هتضرب (فاهمني) فلازم دي حاجة أساسيه هتروح جيم ,, تخترلك يوم فالأسبوع تروح إنتا و صحابك تلعبو كوره ,, منتا بتتحوش جواك طاقه لازم تطلع ,, يا تطلعها في حاجة إيجابيه و هي لعب و جيم ,, يا تطلعها في حاجة تضرك زي عاده و إكتئاب الهيوديك لفشل دراسي لقدر الله ,, بص هتلاقي نفسك إنطوائي ,, عندك صحابك علاقتك بيهم مش متينه أوي ,, و مبتتعرفش على ناس جديده و يمكن كمان بتخسر التعرفهم ,, هتلاقي نفسك وحيد مش لاقي حد تفضفضلو ,, كل ده شوفلك بقا دكتور مش هعرف أقولك أكتر من كدا ,, أو شوف حد هنا بقا الحياه معاه لوز يشرحلك عملي بقا تتعرف على صحاب إزاي تعمل ايه بظبط تخلي الناس يحبوك من غير ما يبقى في تعامل قوي ما بينكم,, شوف وحد خبره فالحجات دي أنا شكلي هضيع فيها قريب فمش هقدر أفيدك :)) |
وربنا انا كمانننننننننننننننننننن
|
والله العظيم انا مش عارف اشكركم ازای
بجد بحبكم قوی زی اخواتی بالظبط شكرا جدا للجميع وحابب اشكركم بكل شكل ممكن انا جالی احساس (انی الدنيا لسة بخير) وشكراااااااا جدااااا يا اخواتی . بجد بقيت احسن دلوقتی بفضل نصايحكم .عمری ما هنسا جميلكم بس هقولكم حاجة جميلة جدا الموضوع دة عملتوا امبارح من امبارح كان فی 2 ردود بس جيت النهاردة بعد ما سيبت عمرو و رحت اصلی فا دعيت ربنا رجعت ذاكرت شوية وجيت ابص لقيت كم الردود دی .سبحان الله بجد جزيل الشكر و انا لو اخترت اصحاب زی ما قلت هيبقوا انتوا ﻷنی فعلا اصحابی محدودين جدا وحتی دول اصدقاء دراسة فقط شكرا ميترو و جاكسو و هسمع نصيحتكم و هروح الجيم انشاء اللة |
اقتباس:
والله كمان انا لو هنصحك مش هعرف اقولك ايه اكتر من الناس قالته قول الحمد لله وربنا يوفقك يارب |
اقتباس:
قم بممراسة الرياضه و قم بصلة الرحم و تمشى لوحدك مره كل أسبوع و تأمل و ستجد الحل مع الدعاء و الصلاه |
مش لوحدك الناس كلها كده
|
والله شكلك مش لوحدك
والله شكلك مش لوحدك
انا زهقان بردو حاسس انى مخنوق مفيش جديد مش لاقى حاجة اعملها مخنوق اوى الجو بقى ممل اوى اوى اوى اوى اوى اوى زهقان 24/7 :111 (13)::111 (13)::111 (13)::111 (13): |
لكل إلي عندهم صداع - تعب - مضايق خليك معايا :) بسم الله الرحمن الرحيم : " ألا بذكر الله تطمئن القلوب " صدق الله العظيم هو دة الحل يا جماعة 1- قرب من ربك 2-إقرا قرأن ربك و حاول تعيشة حبتين و تفهمة 3-قرب من والديك خليهم يرضوا عنك هو دة الحل و لا أكتر و أقل |
بص هو انا في تالته ثانوي
لما كنت في 2 السنه اللي فاتت كنت حاسس بملل رهيييييب بالزات في الفتره دي لان مفيش حاجه تشغلك معندكش امتحان نص سنه ملكش حق تلعب تخرج تفتح كمبيوتر لسبب بسيط انك في ثانويه عامه الحل يا حلو انك تجرب تعمل حاجات كنت خايف تعملها العب حديد و كدا حاجه حلوه ممكن تخليك تنسي انك مخنوق (ربي حمام ) انا عمري ما ربيته ولا افهم فيه حاجه غير انه بيطير و بيبيض بس حاسس ان اللي بيربو حمام دول بتلاقيهم ماشين مع بعض عمالين بيرغوا مع بعض علي طول كدا دايما الحمام دا شاغلهم (قصدي شريف والله ) اخر جاجه تأمل في صنع الله عز وجل انا بجد لما بتأمل في الحاجات اللي ربنا خلقها بيجيلي زهووول و دا بيدفعني اني افضل افكر افكر و بالتالي الوقت بيعدي و الحياه زبادي ف الخلاط اخوك احمد موسي 3 ثانوي قرفان مخنوق طهقان ههههه بهظر يا جدع ادعيلي بقي ربنا يعديها معانا السنه دي علي خير |
شكرا لكل الردود
تم العمل بالنصايح واشتركت فی جيم والف شكر للكل بجد انا كدة تمام. ارجو غلق الموضوع وبجد شكراااا للنصايح الغالية |
بما انك تمام خلاص ما تنساش تاكل الشيكولاته والله بتفك الاكتئاب :pile:
ربنا يسعدك ع طول يا معلم |
مش عارف ارد أأقول ايه الي انا عاوز أأقوله أتقال :wink(1):
Abdo Sarwat ^^ |
تمام
يغلق |
| الساعة الآن 04:23 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.