شخصيات ميكروباصية
 

http://www11.0zz0.com/2011/12/31/19/569905614.gif




شخصيات ميكروباصية

اكيــد كلنـا بنقابـلها

مجرد ما تركب الميكروباص تحس انك في فيلم من افلام اللي هي زيالطائرة المفقودة كل واحد جوة بشخصية وحكاية شكل !
................................................

الشخصية الاولي : الست التخينة اللي واخدة مكانين :

ودي بتلاقيها في كل ميكروباص ويبقي حظه اسود اللي يركب جنبها بجد


ويا سلام بقي لو السواق ركب اربعات ورا تبقي مجزرة..وافضل مكان ليها
جنب القزاز بلاش تقعد في النص عشان النفس وكمية الاكسجين المستهلكة .
................................................

الشخصية التانية: "وطي صوت الكاسيت يا اسطي " :

وده بيكون اما بسبب ديني او بسبب انه مصدع شوية وتعبان ومرهق من



اليوم فمش فايق لأم الاغاني اللي مشغلها السواق وطبعا بتكون اغاني عن

الفقر والغلب والقرف بتاع الحياة عشان السواق يتمزج او بتكون اغاني عن



المخدرات بانواعها زي وشربت حجرين على الشيشة ...يعني اكيد مش هيفتحلك سيلين ديون .
................................................

الشخصية التالتة: "علي صوت الكاسيت يا اسطي " :



وده طبعا بيكون عايز يعلي عشان بغتت علي ذوق السواق ويقعد يضحك



علي أغانيه الهبلة او انه فعلا بيحب هذا النوع المتسرطن من الاغاني او انه

عايز يهيس مع هذه الاغاني بس وغالبا بيكون معاه شلة كبيرة في



الميكروباص بيشتغلوا السواق ويقولوله "ذوقك عالي يا اسطي" ويرد يقول "الله يكرمك "
................................................

الشخصية الرابعة : اسطورة الشاب ذو السماعات في الودان :afro:

بيكون قاعد جنبك وحاطط السماعات في ودانه طول الطريق تقريبا وحتي
ميسمعش اللي بينادي علي الاجرة اصلا الا اما حد يخبط عليه وبيشيل السماعات وهو مستاء جدا


كأنه بيقول للي جنبه "عايز ايه اخلص ! " واول مايدفع الاجرة يجري علي



السماعات بسرعة "اديني الحقنة بسرعة ارجوك محتاجه الجرعة "


وده بيتسمى "اسطورة الرجل ذو السماعات في الودان "
................................................

الشخصية الخامسة: الراجل العرقان بالقوي يابا يابا :

وده بيكون عرقان لوحده من غير ما الشمس تلمسه اصلا وكأن جسمه

بيتحجج اصلا وكانه هدية قرف للي جنبه بعتهاله الحر والدنيا مع بعض


بيبقى عامل زى الكتكوت المبلول وتلاقي الفلوس ملزقة مطرح ايده عرق



ومش هاكلمك بقي علي الريحة عشان لو بتاكل وانت بتقرا دلوقتي ولا حاجة
................................................

الشخصية السادسة : براحة شوية على مهلك يا اسطي :

ده بيبقى عنده حق بصراحة وبيكون متوتر طول الطريق من السرعة حتي ولو علي 90 بس ويقعد يهز



في رجله كأن هو اللي سايق وطول الطريق يقول استر يارب
وتبقى مصيبة لو انت كنت قاعد جنبه يوترك ويتعب اعصابك وتبقى مصيبة اكبر لو كنت يوميها رايح تمتحن
...............................................

الشخصية السابعة : بسرعة شوية يا اسطي ورانا اشغال :

وطبعا بيرد الاسطي عليه "هي الدنيا هتطير ؟ " او " يعنى انط فى العربيات " وده بيكون متوتر جدا زي



اللي فات بس بيبص في الساعة كل 3 دقايق بيكون ميعاده فات او محاضرته

فاتت من فترة وهو قاعد علي اعصابه ومش طايق شخصية "براحة شوية يا اسطي"
وغالبا ما يحدث الصراع الكوني بي شخصيتين "بالراحة شوية يا اسطي" و "بسرعة شوية يا اسطي "


وتكون النتيجة ان الاسطي بيقفش علي الاتنين { تييت ام دى شغلانه ماتيجوا تسوقوا انتو احسن !! }
................................................

الشخصية التامنة : الدحاحة جدا :



بتتهز طول الطريق وهي بتسمع المنهج كله على صوابعها كأننا في كتاب



مش تعليم جامعي خالص وتروح تقفل الامتحان في خمس دقايق


ولا تهتم بالجو المحيط حتي ولو الدنيا اتقلبت ع الطريق هي مش هتنتبه



برضه ولا تستغرب لان الدح واخد مكانه معاها قوي والكتاب اهم صديق ليها دلوقتي
................................................

الشخصية التاسعة : راجل بيشتم في الحكومة :

وبيكون ماسك جرنان وتانيه مرتين كده ومركز علي مقالة معينة ويبدأ الحوار

بضحكة سخرية { هاهه اما اولله العظيم تلاته ياجدع ..... } وكلمة "شوفت
او بيقولك"


ويديك صواريخ عن الحكومة ويطلع عنيهم شتايم
وده مشهورة اليومين دول
...............................................

الشخصية العاشرة : الراجل اللي في حاله :
وده بيقعد جنب الشباك دايما ويبص برة الميكروباص


ومالوش دعوة باللي جوة الا ساعة لم الاجرة يطلبها التباع
................................................

الشخصية الحادية عشر : فيلسوف الميكروباص اللى بيفتى فى كل حاجة واى حاجة :

وده دايما بيقعد جنب السواق يقعد يناقشه في مشاكل الحياة او يفتي في

حاجات عن المرور والرخص والكمين وكده واي قصص واي كلام بيتقال يا

عم الحاج قدام واغلبها بتكون فشر واولها بيكون " انا قريبي لواء سابق

وبيحكي ويقول ...."


وينتهى بجملة " ادى اللى خدناه من الثورة "


وكلام من النوع ده
................................................

الشخصيه الثانية عشر :

الرجل المهم
الي يفضل يتكلم طول السكه في الموبايل و يصدع الناس كلها وبأعلى صوت عنده و ياسلام

لوكان بيتكلم في مشكله عائليه تلاقي ال 14 راكب ممكن يقولوله حلول ويردوا معاه
................................................

الشخصيه الثالثة عشر :

الراجل اللى بيدخن و لازم نتخانق معاه عشان يطفى السيجارة وبيطفيها طبعا بعد ما يخلصها
................................................

الشخصية الرابعة عشر :

راجل بيرخم ويقول مش معايا غير جنية
والأجرة جنية وربع


وعمال يتخانق مع السواق عشان تمن الاجرة


ويتبرع واحد من الركاب ويدفع بداله الربع جنية عشان السواق ينجز ويمشى بسرعة

ـــــــــــــــــ

اكيد الكل بيشوف الفيلم الهندى ده وهو رايح او راجع من الشغل او الجامعه كل يوم

دا انا :d

فعلاً :d :thumb_yello:

انا عاوز اقولك علي حاجه بقي
انا سواق الميكروباص
بشوف كل يوم اللي انتا كاتبو دا و يا سلام بقي لو حد رخم قالي سوق اسرع شويه بكون عاوز اقولو تعالي سوق مكاني
و بكون مخنوق هو مش عاوز ميكروباص دا عاوز طياره خاصه و يا سلام لو زبون دمغو عاليه لو علي سكه حديد القطار و القطار بيعدي و وراء بتاع 50 60 عربيه و يروح قالي ما ترجع وارء و تخود طريق تاني اصلي مستعجل

والله انتا جبت التايه او يمكن تفهمنى غلط انتا فنان فعلا

انا الشخصية العاشرة

:111 (2)::111 (2)::111 (2)::111 (2)::111 (2)::111 (2):

وتكون النتيجة ان الاسطي بيقفش علي الاتنين { تييت ام دى شغلانه ماتيجوا تسوقوا انتو احسن !! }
انا دا

بوص بقى

انا

ده
الشخصية الرابعة عشر :

راجل بيرخم ويقول مش معايا غير جنية
والأجرة جنية وربع


وعمال يتخانق مع السواق عشان تمن الاجرة


ويتبرع واحد من الركاب ويدفع بداله الربع جنية عشان السواق ينجز ويمشى بسرعة

..............

ميكروباص 12

الى بيروح جيزة / هضبة الهرم

هو بجنيه يجي يقولك جنيه وربع ومش بيديك تذكرة انهاردة كنت همسك سواق اضربو والله

علشان كده بيقولي مش هنزلك من العربية وانا كنت عند العشرين جي من الرماية علشان كتا فى المدرسة :mf_wave:

روحت قولتلو .. كلمة وحشه كده وعملتو حاجة وحشه كده :baby:

وقولتو كلمة وحشه كده والله مهديك اجرة

لقيت واحد بيقولي انا هتفعلو الربع جنيه بس اطلع ياسطا روحت قولت للراجل حاجة وحشه :glasses2:

علشان انا كل يوم بركبها ب جنيه مش حوار ربع جنيه بقى وبتاع

علشان ميستهفقش الناس انا اديتو الجنيه غصب عن اهلو واي سواق هيقول جنيه وربع هحطو تحت رجلي



ولقيت الناس بقى جدع يابني ومش عارف ايه :ok:

:111::poster_spam::poster_spam::poster_spam::poste r_spam:
عارف انتا لو ركب معايا مكونت هخود اجره بس طلما شتمت هخود الاجره غصب عنك و الربع جنيه قبل الجنيه و احتمال اسبك الجنيه كمان علشان تروح بيه و اخود الرابع بس انا هقولك علي حاجه انا رجل سواق تمام انا شغال علي العربيه زي غيري كتير تمام احنا لو العربيات بتاعتنا كنا خلنها بنص جنيه مش جنيه بس انا غصب غني لزم اخود الرابع جنيه دا ليه بقي علشان صحااب العربيات مبيرحموش و الجنيه امو و ابو فا انتا خليك صابور مع السواقين بعد كد و خد بالك دلوقتي ربع السواقين اللي في مصر مع الاسف طبعاً بلطجيه و اللي كان ح ر ا م ي بقي سواق و كل يوم بنشوف اكتر انتا اللي جبارنا علي كل لقمه العيش
و السلام عليكم ورحمه الله وبركاته

ده ايه الرد اللى كله حاجات وحشه ده
فعلا معظم السواقين بلطجيه
لكن فى شويه محترمين:book:

انا بحب اركب يا جنب السواق قدام و اخد الكرسيين يا اما اخود كرسيين في النص عشان محدش يقعد جنبي :idiot:

عشان بتخنق من الاشكال اللي بتقعد جنبي :yawn:

داه أنا في بعض الأحيان

موضوع تحفة

انا بكون جمب الشباك مليش دعوة بحد

موضوعك جاب كل الشخصيات بجد رائع

انا ع طول الشخصيه الرابعه الا لو الموبيل حيفصل شحن و كده كده بعد قدام واغلس ع الناس واقول للسواق قدام خلاص يا اسطى :smoke1:

يا باشا احترم كلامك

هههههه

بس ابن التيت ده نرفزني بيقولي منزلكش من المكروباص

روحت ادتهوملو انتا شكلك راجل محترم

تقريبأ انا وانت كان في بينا حوار زمان بس مش فاكر بتاع ايه

:biggrin:

ههههههههههههههههه فعلا عندك حق

انا الشخصيه رقم عشره و اكتر شخصيه بحبها تقعد جمبي هيا الست التخينه.... و يا سلام لو تكون متنرفزه..... تحس ان في راجل قاعد جمبك... مش ست !!!..... لو شمت ريحه دخان سجاير في الميكروباص تلاقي صوتها ابتدي يعلي و بتشتم و تشرشح و صوتها قد كده... و تلاقيها بتدخل شمال في السواق ولا هاممها حاجه.... بجد بجد.. بحس ان في راجل جمبي !!

:mf_microwave:

ههههههه واللهى موضوع حلو

هههههه تمام هو دة اللى بيحصل بظبط