|
سيلكرود تخسر شعبيتها .........
بكل بساطة دية هاتبقى مناقشة بسيطة هانقول فيها وجهة نظرنا هل من رأيك ان تعديلات سيلكرود الجديدة جعلتها تفقد شعبيتها أو جعلتها تزداد شعبية وأنا أول واحد هاقول وجهة نظرى ....... بداية التعديلات كانت سهولة عمل أل +++++ وكانت النتيجة فقدان التوازن فى اللعبة بقى فى الشخصية القوية جدا جدا والشخصية الضعيفة جدا جدا يعنى مبقاش فية مستوى متوسط معظم الناس بقت +12 :baby: يعنى زمان كنا نشوف واحد ماسك مثلا ستاف +5 نقول علية نوووب دلوقت بقينا نقول نوووب على الى ماسك ستاف +8 مثلا يعنى دلوقت بدل ما كان حلمك تمسك ستاف +8 بقى حلمك تمسك ستاف +12 ليجند طبعا :naughty: يعنى حلمك ابتدى يبعد عنك ويبقى الموضوع أصعب وأصعب وياسلام بقى لو انت بتلعب فى سيرفر غنى وتروح تلعب PVP اتفرج يا معلم كل الناس +12 هاتروح فين يا صعلوك بين الملوك :hairysmiley: يعنى باختصار بقى حلمك انك توصل لشخصية lvl 120 FF Max FULL Legend +12 ابقى قابلنى شوف بقى هاتضيع وقت قد اية وفلوس قد اية وفى الاخر حتى بعد ما توصل لحلمك هاتلاقى زيك كتير يعنى كأنك معملتش حاجة أما قمة التخلف بقى فى تنوع الاسلحة وتنوع اللبس بتاعك بقى فى اسلحة ولبس بأنواع مختلفة Normal Nova Magic Rar Legend Egy الله حاجة حلوة أوى وكلهم من LVL 101 حاجة تخليك تتجنن هممم طب وبعدين اية ألحل لو غمضت عينك كدة شوية هاتعرف ان الشركة بقت مفجوعة عايزة فلوسك بأى شكل بقى كل همها ازاى تحط ايدها فى جيبك عشان تاخد فلوسك تعالو كدة نتفرج سيلك رود بتعمل فينا اية عشان تغير اسم الشخصية ادفع فلوس عشان تغير الشخصية من male الى female أو العكس ادفع فلوس عشان تعمل ++ ادفع فلوس عشان تغير ال Skills بتاعتك ادفع فلوس عشان تغير ال State بتعتك ادفع فلوس عشان تحول ال Pet بتاعك ادفع فلوس عشان تركب ال pet بتاعك ادفع فلوس عشان تدخل اللعبة بسرعة ادفع فلوس Prem عشان تتلفل بسرعة ادفع فلوس Prem عشان تزود الى inventory بتعتك ادفع فلوس يعنى من الاخر كل حركة جوة اللعبة بقت بفلوس دة حتى نظام ال Pet الجديد عشان تركب لازم تدفع فلوس المهم بقت كل خطوة فى اللعبة بفلوس وباظت موازين القوة فى اللعبة وأخر افتكاسة بقى ميلاد سيلكرود جديدة الله يعنى ابدأ من الصفر يا معلم واصرف فلوس تانى وضيع وقت من تانى وأملى خزنة شركة سيلك رود فلوس محدش سأل نفسة لية الشركة ناجحة فى دول زى مصر وتركيا وكوريا ؟ لية مش ناجحة فى امريكا مثلا بكل بساطة عشان احنا شعب طيب بيتنصب علية بسهولة :baby: فى النهاية انا شايف ان اللعبة فقدت شعبيتها بعد كل التعديلات الاخيرة عكس التوقعات كلها الناس فقدت طموحها وأحلامها داخل اللعبة بقت كل الاحلام بعيدة المنال ومستحيلة واللعبة بقت مضيعة للوقت والفلوس وبقت عبارة عن طريق حرير لاينتهى طريق بلا نهاية ياريت كل واحد فينا يعيد تفكيرة ويعيد حسباتة ويفكر هايعمل اية |
يسعدنى ان اكون اول واحد يرد عليك الموضوع جامد بصراحة انت عندك حق دلوقتى joymax حريفة فلوس كل حاجة ب سيلك لية يعنى خلو البلص بسيلك و بعدين اعتقد ان محدش كتير اشترى proof stone فقالو ننزل ايفينت علشان يشترو و بعدين نزلو سيلك رود الجديدة علشان الناس متسبش القديمة علشان التعديلات و عشان الناس الى عجبها حوار التيست يروحو يبداو من الاول ...... من الاخر سيلك رود ضاعت
|
عجبني تحليلك وكلامك خصوصا في الجزء الخاص ب ديجري 12
بس احب اضيف حاجة بحكم اني بلعب في الكورية ونزل ديجري 13 اللي برضو بيتمسك من لفل101 الديجري الجديد ده اعاد توازن القوة من جديد يعني الناس المحترفة هتحاول تعمل +10 و+12 وهيمسكوا السرفرات من تاني لانهم بيشتروا سلك بالعبيط اما الناس اللي جت معاها عشان الايفينت اخرها +5 اما اللي معملش الحاجات +7 ميوجعش قلبوا احسن حتى لو كان كل اللبس بتاعه ليجيند ديجري 12 لان ببساطة ماجيك ديجري 13 عامل زي ليجيند ديجري 12 الفترة الجاية لو الابديت ده نزل هيبقى ضرب نار ويا اما تصرف يا اما تسيب اللعبة لان مش معقول تكون لابس ليجيند ديجري 12 (لبس كامل ) وتموت من ضربة من ليجيند ديجري 13 او العكس يبقى معاك ليجيند ديجري 12 +12 ومش عارف تموت واحد لابس ديجري 13 فهتبقى مضطر انك تعمل لبسك كلوا ديجري 13 يا اما هتبقى نوب على فكرة انت بتقول اللي ماسك ستاف+8 نوب دلوقتي اطمنك اللي ماسك ليجيند اقل من +5 هوه اللي بقى النوب اما اللي ماسك اسلحة عادية او نوفا او egy ده احسنلوا واكرملو انوا يسيب اللعبة لانوا ببساطة بقى بيضرب بارقام عبيطة في الناس اللي لابسة ديجري 13 مثلا ومش ببالغ ممكن يضربك ب 3k او 2k او على اقصى تقدير 5k |
اقتباس:
أنا ألى يسعدنى انك شرفت الموضوع بمشاركتك :yes: الموضوع بكل بساطة ان فعلا شركة سيلك رود اصبحت جشعة مابتشبعش فلوس واللعبة فقدت هدفها الاساسى وهوة الاثارة والمتعة وبقى هدفها هوة مجرد اختراع طرق جديدة لجمع المال مستغلة العقول والاعمار الصغيرة واعتمادها الكامل على الرغبة الدائمة لمستخدم اللعبة للوصول الى القمة والوصول الى اقصى درجات القوة وهى رغبة لدينا جميعا |
اقتباس:
جميل أوى معنى كلامك انى لازم أكون ماسك ليجند d12 +7 عشان أمسك ليجند d13 +0 وبكدة هارجع اشتغل تانى من الصفر على السلاح اليجند d13 عشان اخلية +12 يعنى فلوس فى فلوس وبكدة الى ماسك ليجند d12 +12 خسر كتير جدا لما يحول الى ليجند d13 هايشتغل على السلاح من تانى بصراحة بجد احنا فى منتهى السزاجة بجد وحاطين نفسنا فى متاهة مالهاش نهاية شكرا جدا على ردك أخى الكريم |
بلاعة فلوس بجد ..
بس بتكسب شعبية !!! يعني العايز يعتمد على أنه هيجيب جولد من اللعبة على يظبط السيت بتاعته و يجيب بيت و بريميم و أفاتار ده يبقى بيحلم لازم هيدفع و لو خفيف .. بس مينفعش أسبها أنا عن نفسي دافع فوق ال6 الاف جنيه و يمكن عدتهم لو سبتها هقول إني هكون خسرت الفلوس دي .. و لو اعدت مش هينفع اعد بكرامتي إلا و إني أدفع أكتر و لو جيت أبيع الأكونتات هيجيبو على بعض 3000 جنيه بس .. فهي دي سنة الحياه مع طريق الحرير .. و انتا الرضيت على نفسك كدا من الأول و إنك تتحط في سجن بالشكل ده |
ولله اان شايف سيلك رود في تقدم ممتاز . بس مبقاس ليها طعم
الاكونت 101 عامل 500 جنية و غير الفارم . البوتس بس أهو بتحاول نكمل فيها عل عشان . |
كلامك كله صح بس فى نقطه .. معلش فى الكلمه بس ليه تخلى joymax تحط رقبتك تحت رجليها ؟
ليه تدفع فلوس طالما انت ممكن تعمل جولد وتبيعه وتجيب فلوس تدفعها فى اللعبه ( وبكده هاتصرف على نفسها ) او تبيع الجولد وتاخدج فلوسه لنفسك لو محتاج .. لو حتى تشترى ايتيم بالجولد بدال السيلك .. ايه المشكله ؟ انا عن نفسى بطلت من زمان ادفع :flex: |
انا الصراحه بلعب من زمان جدا مدفعتش فيه فلوس كله جولد وببدله بسيلك الصراحه موصلتش فيها لحاجه مميزه غير الايام اللى فيها لاكى 30 فى الميه بس برضو معلش اللى بيقول حول الجولد لى سيلك ومتدفعش الكلام ده هيبقي لحد امتى الجولد مش بييجي بالساهل والناس كلها بقيت بتبدل كثره العروض دى اللى بيشتروا هيتنكوا وبدل ما كنت بتشحن اس بوت مثلا بي 600 مليون ناو مليار و700 مليون يعني من الاخر الايام الجايه دى هتبقي زي العسل وكله هيدفع يا تسيب الجيم انا من رايئ حوار بيع الجولد ده هيفك
:mad2: ربنا ينتتقم منها هيشحتونا الناس دي:bye2::bye2: |
والله العظيم كلمك وظبوط المهم تكيش علشان تفرفش:basketball:
|
:sailor::mf_scotsman:
موافقة لعبة قذرة :) وانشاءالله قريب هسبها هبيع الاكونت ^^ |
اقتباس:
|
الحمد لله ربنا كرمنى وبعدت عنها وسبتها ومهما عملوا فيها هتفضل جوى ماكس زى الكلاب المسعورة تلم اللى فجيبك واللى فجيب غيرك وفى النهاية :bangin::bangin::bangin:
والله تانى انا اعرف ناس بتسرق فلوس من اهلها وصحابها وقرايبها عشان يبقى معاه كاركتر محدش يقوله يا نوب طب بالله عليكم حلال ده ولا حرام ؟؟؟ وبالنسبة للى بيلعبها For Fun السيرفرات الخاصه دلوقتى بقى فيها مميزات اكتر وحاجات كمان ممكن متكونش موجوده فى سلك رود العالمية طب واحد هيقولى اكونتك فى العالمية مضمون وده مش مضمون والسرفر ممكن يقفل ويفتح و واللى واللى ..... :zorro:+ هقوله كده كده اى شئ فى الدنيا له نهاية مش مستمر وممكن تيجى تلاقى الشركه حسرت تقوم قفلت طب انهى احسن ؟؟؟؟ طالما كده كده كله هيخلص ادفع واكع دم قلب اهلى او امد ايدى واسرق عشان شركة مبتزه والله اعلم ممكن تكمل ولا لا ؟ ولا لو فور فان والكل كده يبقى هادى البال ولو متعلق بالجيم يلعب حاجه متكلفوش اعباء وكفايا حال البلد ؟؟؟ ده رأيي الشخصى وانا احترم اى رأى اخر واختلاف الاراء لا يفسد للود قضية اسف للاطاله عليكم وااااااااافر تحياتى |
كلامك صح بس برضه هرجع و قول اللي عايز يلعب يلعب و اللي مش عايز عنده 6000 لعبة تانية ^_^
|
كلامكم كلة صح بس لية سوال هي سيلك رود الجديدة نزلت ولا اية
|
اقتباس:
|
كلامك كله تمام وانا اراهن ان اللعبه كمان سنه بالكتير ومحدش هيلعبها تانى لو استمرت كده الشركه ديه مش هتتعدل الا لما الناس تسيب الجيم
|
يعني لسه الينكات ما نزلتش ولا صور ولا اي شي بليز اللى يعرف يقولي او يحط لينكات بليز
|
اول ما نزل دجرى 11 واللعبة شعبيها قلت عشان بقى كل بقى مافيش حد جامد بقى كلة فى قوة بعض
|
بصو الحل من الأخر ان احنا نعمل برايفيت سيرفر وتبقى كل حاجة فيه ببلاش ويبقى فيه عرب بس
|
انا عاوز افهم حاجة واحدة
انت واجع دماغك ليه فيه كل داه ميتحرق الي يتحرق ونفسي افهم مين العبيط الي عنده مخ اصلا يقعد يصرف فلوس علي حتة لعبة انتوا يعني هتستفادوا ايه انا مش فاهم ليه كله واجع دماغوا نحيتها حتة لعبة تعمل فيكم كدة وقعدين ليل نهار علي ام الكمبيوتر علشان تلعبوا مترحموا نفسكم منها هيا يعني بتاكلكم ولا بتشربكم يا جدعان فوئوا بئا |
انا موافق على راى الكل بس بردو لو بعت الاكونت او اشتريت جولد و بعتو او او او الاخر اللى بيشترى منك دة انتة بتشيل زنبو علشان انتة عارف انة فى يوم من الايام هيبقى زيك انا اقيد فكرة عمل سرفر خاص للمنتدى بس يجماعة الكلينت الجديد silkroad_R دة سيلك رود عملاة و عملة اللى يخش علية هيكسب هداية يترى مخبية اية لينا ؟؟؟؟؟؟؟؟؟؟؟؟؟؟:rip_1: |
موضوع جمیل الخوف بقی لیقولک علشان تدخل العبه ادفع فلوس وبعدین انا شایف ان فی ناس خسرت کتیرررر فی موضوع Hunter و Thief الجدید ده کان فیه ناس جایبه لفل عالی فی ال thief و الHunter وال Trader وبعدین الناس تصحه الصبح تلاقی joymax لاغیت الTrader ورجعت کل من ال Hunter و Thief لفل 0 طب ده حارام وله حلال
|
اقتباس:
كلام سليم جدا يعنى انت مش مستعد تسيب اللعبة وتخسر 3000 جنية طب ما انت لو فضلت بردو تلعب صدقنى هاتخسر أكتر من الى دفعتة فيها بس صدقنى فى الاول مكنش اللعبة بتستنزف فلوسنا بالشكل دة دلوقت الشركة فعلا بقت بتبتز اللاعبين عشان يدفعو أكتر وشكرا جدا على مشاركتك معانا |
اقتباس:
دية وجهة نظرك واكيد لازم نحترمها بس صدقنى دة مش تقدم ولا حاجة دة اسمة خراب بيوت :lol2: |
اقتباس:
بصراحة أنا مش مصدقك :roftl: هاقولك لية زمان واحنا بنلعب اللعبة كنا بنضحك على الى بيدفع فيها فلوس ونقولة نفس الكلام ونتريق علية ونقولة لية تدفع فى اللعبة فلوس انت عبيط ولا اية ونفضل نتريق علية بس بعد كدة واحدة واحدة رجلنا جت وبقينا فعلا ندفع فلوس صدقنى الى بيقول انة مش بيدفع فلوس فى اللعبة يبقى بيضحك على نفسة وبردو هاقولك لية بص انا عملت كل حاجة فى اللعبة كل الى تتخيلة عشان أجيب جولد بداية من التاكسى فى وحوش 101 بثلاث شخصيات ويزارد 110 كنت بوصل انى أعمل الساعة بي 15 و20 مليون ولما كبرت بقى ليا بارتى لوحدى 8 شخصيات شوف بقى الجولد والايتمز الى كنت بجمعهم فى اليوم تعرف بقى فى سيرفر زى بلوتو مثلا الواحد سيلك بكام ؟ بى 16 و 17 مليون يعنى ال 100 سيلك مثلا بى بليون و 700 مليون طب بلاش السلك تعالى اشترى مثلا برووف ليجند مثلا هاتلاقية بى 450 مليون بلاش تعالى اشحن الاسبوت هاتلاقية بى 800 مليون وممكن يوصل لبليون عايز تقنعنى انك ممكن تقدر تجيب كل كمية الجولد دية من اللعبة من غير ما تدفع فلوس معتقدش لآنى زى ما قولت قبل كدة انا عملت كل الى يخطر على بالك فى لم الجولد وبردو ماوصلتش انى الم كل الجولد دة يبقى أى حد يقولك انة بيجيب الجولد من اللعبة وبيصرف على نفسة يبقى أكيد بيضحك عليك أو بيضحك على نفسة دة غير انك عشان تجيب كل الجولد دة لازم تبقى 24\7 قدام اللعبة يبقى بعد كل دة لما تقولى انك بتصرف على اللعبة من االعبة مش هاصدقك ياريت بجد صدقنى نبقى صادقين مع نفسنا لآن بداية تصليح ألخطأ هوة الاعتراف بالخطأ وشكرا بجد على مشاركتك ومساهمتك معانا |
اقتباس:
معاك حق فعلا وصدقنى الشركة مش هاتسيب حد غير لما تبييعوا هدوموا :mushy: |
اقتباس:
برنس :terafin-grin: |
اقتباس:
ياريت بجد ومين عارف يمكن بكرة كلنا نسيبها |
اقتباس:
شكرا جدا على مشاركتك معانا وفعلا كلامك مظبوط مليون المية فى ناس كتير ممكن تعمل أى حاجة عشان تصرف على اللعبة اللعبة بقت عاملة زى المخدرات فعلا: |
اقتباس:
معاك حق بس دية مجرد مناقشة مش أكتر وشرفت الموضوع :111 (11): |
اقتباس:
لسة انهاردة بعد الابديت لو مش عدك الكلينت بتاع Silkroad R نزلة من الموقع ولو عندك الكلينت نزل بس الباتش بتاعة من الموقع بردة |
اقتباس:
هممم واجع دماغى لية هاقولك بص يا سيدى الواحد مثلا لما يغلط مش لازم ينصح غيرة عشان مايغلطتش ويقع فى نفس الغلط :exclamation: دية أول حاجة احنا بنحاول نعملها بنقول للناس وبننصحهم يفكروا مليون مرة قبل ما يلعبوا اللعبة ويبقوا زينا كدة :smokeing: تانى سؤال ليك مين العبيط الى يدفع فلوس فى حتة لعبة همممم طب مين العبيط الى يدفع مثلا 13 أو 14 جنية فى علبة سجائر ميريت مثلا ويشرب علبتين وتلاتة فى اليوم مين العبيط الى يدخل محل ويشترى بيتزا مثلا بخمسين جنية وبعد كدة لاموأخذة يدخل ينزلها فى الحمام :horse: ولا مين العبيط الى مثلا يروح يدفع سبعين وتمانين جنية مثلا فى حتة حشيش عشان يعمل دماغ صدقنى لو قعدت من هنا للصبح أعدلك كم الفلوس الى بتضيع وبتطير فى الهوا أنا اسف انى أقولك انك ممكن تطلع عبيط زينا واكيد بتضيع فلوسك فى حاجة وانت مش حاسس بردو :clapping: كل واحد فينا عبيط بس بطريقتة والحدق يفهم :exclamation: وشكرا جدا على مشاركتك معانا وياريت ماتزعلش من كلامى :111 (4): |
اقتباس:
همم ملحوظة بردو :shy: |
اقتباس:
|
انا ماعنديش كلام اقوله ليك بعد اللي ذكرته تحياتي ليك وارجو من المشرفين يثبتوا الموضوع ...ده طبعاً لو ماكانش يتعارض مع سياسة الادارة ...ماهي سيلك برده ههههههههههههههه
:zzsoft::zzsoft::zzsoft: |
هيا مفقدتش سمعنها ولا بطيخ لأن الهبل كتير بعيد عنك بس انا مع كلامك كلامك صح و 100%
|
el 7al el wa7ed n3ml llgame edrab :fyou:
|
انا والله معاك 100% انا سيبت اللعبه بعد الهبل اللى عمله الجى ام
كله بقى +12 طبعا سهل تطلع +12 بس فى الاخر زى ماانت قلت هتلاقى كله +12 يعنى مالكشى لازمه :rm_frog: |
اقتباس:
طب وهايتعارض لية بس :brucelee: شكرا جدا على مشاركتك معانا |
| الساعة الآن 11:00 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.