الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)
-   -   المتحدث الإعلامي للجماعة الإسلامية: سنعمل على تنقية الدخل القومي من المال الحرام القا (https://silkroad4arab.com/vb/showthread.php?t=401615)

Cute1 04-12-2011 02:03 AM

المتحدث الإعلامي للجماعة الإسلامية: سنعمل على تنقية الدخل القومي من المال الحرام القا
 
طالب الشيخ حمادة نصار المتحدث الإعلامي للجماعة الإسلامية، فى المؤتمر الجماهيري لحزب "البناء والتنمية، الذراع السياسي للجماعة، في مؤتمر انتخابي بساحة مسجد الفرغل في مركز أبوتيج بأسيوط، بألا تمثل الانتخابات البرلمانية انتقالا شكليا، و"أن تكون انتقالا مما كان، إلي ما ينبغي أن يكون، من برلمان لم يكن أعضاؤه يرون بأسا في الرزيلة باسم الفن، إلى برلمان يصون للناس أعراضهم، ويهيئ المجتمع للفضيلة، عن طريق تجفيف المنابع التي تعمل علي مخاطبة الغرائز وتأجيج الشهوات، وذلك قبل أن تنفذ العقوبات والتعزيرات علي الناس".
وأعرب نصار عن أمله "ألا يكون البرلمان المقبل يري بأسا في إباحة الخمور والفجور والزنا تحت مسمي تشجيع السياحة"، مؤكدا أن البرلمان يجب أن يعمل علي تنقية الدخل القومي من المال الحرام، الذي يأتي عن طريق الخمور وهتك الأعراض، وأن يعمل علي تشجيع السياحة التي تحترم ديننا ومعتقدات شعبنا، وعاداتهم الأصيلة، وصولا من برلمان كان يعطي المشروعية لأنشطة عبدة الشيطان، إلي برلمان يطالب الحاكم أن يقدم قرار الذمة المالية، قبل أن يتولي الحكم، وبعد أن يتركه، ويلاحقه قانون من أين لك هذا؟".
ومن جهته، طالب الدكتور عبد الآخر حماد مفتى الجماعة الإسلامية الحضور، بأن يشكروا نعمة الله أن منحهم الحرية التي ينعمون في ظلالها الوارفة، والتي كان من بين ثمراتها إجراء الانتخابات الحالية، في جو من الأمن والأمان، بعيدا عن الملاحقات الأمنية والمطاردات البولسية، والتي كانت السمة المميزة لعصر النظام البائد.
وأشاد حماد بالشعب المصري الذي انحاز إلي الخيار المفضي إلي تأكيد الهوية الإسلامية، وقال "إن الشعب ضاق ذرعا بكل المناهج المستوردة، لقد جرب الإشتراكية والرأسمالية الغربية، فما زادته إلا بأسا وفقرا، وهذا ما دفعه إلي الكفر بهذه المذاهب والمناهج كلها، وقرر الرجوع إلي المنابع الصافية، فعاد إلي دعاة تطبيق الشريعة، وذلك في أول اقتراع حر ودون توجيه أو مصادرة من أحد".
أما عصام دربالة رئيس مجلس شوري الجماعة الإسلامية، فأكد "أن القراءة الأولية لمؤشرات نتيجة الجولة الأولى من الانتخابات، يمكن أن نخرج منها بنتيجتين، الأولى أن الشعب المصري قرر الرجوع إلي الجذور والبذور والأصول التي تلائمه، والتي حرم منها طويلا، بسبب تبني الأنظمة الحاكمة في البلاد لبعض المناهج المستوردة، وفرضها علي الشعب قسرا وقهرا، وإتباع سياسة العصى والجزرة مع الجماهير المغلوبة على أمرها".

المصدر

!_ToGoO_MorY_! 04-12-2011 02:32 AM

اوك

هجيب معاك من الأخر

باين اوى الى انت داخل تضرب فى سمعة المسلمين

بص يا سيدى

لو الراجل قال الكلام ده يبقى هتلاقى الشعب كله موافق على كلامه الا قليل من الى بيدعوا الحريه

يعنى الراجل لو منع الزنا او منع الفجور والخمر وشارع الهرم الى كله مسخره هيبقى وحش ؟

شىء عجيب والله

عجبت لك يا زمن

يقولون ان العرى فى الشواطىء رياضه

وفى المسرح فن

وفى الشارع حريه

عجبى

MadOmar 04-12-2011 03:31 AM

بص نصيحه مني غير عنوان الموضوع عشان انت بالعنوان ده كده حتحبب الناس في الجماعات الاسلاميه وده مش هدفك فشوفلك عنوان تاني احسنلك

Cute1 04-12-2011 03:31 AM

اقتباس:

المشاركة الأصلية كتبت بواسطة !_togoo_mory_! (المشاركة 3942732)
اوك

هجيب معاك من الأخر

باين اوى الى انت داخل تضرب فى سمعة المسلمين

بص يا سيدى

لو الراجل قال الكلام ده يبقى هتلاقى الشعب كله موافق على كلامه الا قليل من الى بيدعوا الحريه

يعنى الراجل لو منع الزنا او منع الفجور والخمر وشارع الهرم الى كله مسخره هيبقى وحش ؟

شىء عجيب والله

عجبت لك يا زمن

يقولون ان العرى فى الشواطىء رياضه

وفى المسرح فن

وفى الشارع حريه

عجبى

إلا قليل من اللى بيدعوا الحرية؟؟ دى الثورة قامت من اجل الحرية ياراجل حرام عليك
انتا مبتحبش الخمر متشربش مش تمنعها عنى وعنك! وانت حر مالم تضر
انتا لية حاسس انى بضرب سمعة حد هو انا بكدب او بتبلى علية يعنى؟ دة خبر مرفق بمصدر مش حاجة من اخراجى!

!_ToGoO_MorY_! 04-12-2011 04:00 AM

اقتباس:

المشاركة الأصلية كتبت بواسطة cute1 (المشاركة 3942793)
إلا قليل من اللى بيدعوا الحرية؟؟ دى الثورة قامت من اجل الحرية ياراجل حرام عليك
انتا مبتحبش الخمر متشربش مش تمنعها عنى وعنك! وانت حر مالم تضر
انتا لية حاسس انى بضرب سمعة حد هو انا بكدب او بتبلى علية يعنى؟ دة خبر مرفق بمصدر مش حاجة من اخراجى!

ماشى هكتبها ليك تانى

انا بقول الى بيدعى انه بيدعوا للحريه يارب تكون فهمتها

وانا مقلتش انه هيمنع الخمر

ياسيدى اشرب بس متفتحش بار ومتفتح صالات عاريه وتقولى انا حر

لا ده انا هقولك انا الى هولع فى الحاجات دى

والراجل والله بيتكلم صح ولو عملت استفتاء 90% هيوافق على الكلام ده

ولا ايه رأيك ؟

Cute1 04-12-2011 04:09 AM

اقتباس:

المشاركة الأصلية كتبت بواسطة !_togoo_mory_! (المشاركة 3942819)
ماشى هكتبها ليك تانى

انا بقول الى بيدعى انه بيدعوا للحريه يارب تكون فهمتها

وانا مقلتش انه هيمنع الخمر

ياسيدى اشرب بس متفتحش بار ومتفتح صالات عاريه وتقولى انا حر

لا ده انا هقولك انا الى هولع فى الحاجات دى

والراجل والله بيتكلم صح ولو عملت استفتاء 90% هيوافق على الكلام ده

ولا ايه رأيك ؟

لو فتح البار دة هيضر بيك ميتفتحش, ومع ذلك انا مش مع البارات والحاجات دى بس انا بحترم حرية الاخرين ومؤمن جداً بمقولة انت حر مالم تضر فى اطار القانون وعدم التعدى على حرية الاخرين

Yass.ThMuslim 04-12-2011 04:11 AM

اقتباس:

المشاركة الأصلية كتبت بواسطة cute1 (المشاركة 3942793)
إلا قليل من اللى بيدعوا الحرية؟؟ دى الثورة قامت من اجل الحرية ياراجل حرام عليك
انتا مبتحبش الخمر متشربش مش تمنعها عنى وعنك! وانت حر مالم تضر
انتا لية حاسس انى بضرب سمعة حد هو انا بكدب او بتبلى علية يعنى؟ دة خبر مرفق بمصدر مش حاجة من اخراجى!

فعلا .. اصل مبارك كان مطبق الشريعه الاسلاميه وملبس الناس نقاب ولحيه .. علشان كده عملنا الثوره علشان الشعب يشرب خمره ويقلع ويبقى حر :) مكنش علشان الفقر والظلم والاستبداد والقهر !!

انتا اكيد مش أصدك على ثورة 25 يناير !!

!_ToGoO_MorY_! 04-12-2011 04:15 AM

اقتباس:

المشاركة الأصلية كتبت بواسطة cute1 (المشاركة 3942826)
لو فتح البار دة هيضر بيك ميتفتحش, ومع ذلك انا مش مع البارات والحاجات دى بس انا بحترم حرية الاخرين ومؤمن جداً بمقولة انت حر مالم تضر فى اطار القانون وعدم التعدى على حرية الاخرين

لأ طبعا البار والصالات الزباله والأعلام الفاسد والأفلام الهابطه الى بقت تعتمد على الجنس كعنصر اساسى لنجاحها تضر المجتمع

تطلع شباب فاشلين اجتماعيا غير انها لا ترضى ربك ولا ترضى دينك ولا ترضى الأخلاق

الأخلاق اساس كل شىء

وعلى رأى الشاعر

انما الأمم الأخلاق ما بقيت فأن ذهبت اخلاقهم ذهبوا

الأخلاق فوق كل شىء

واهم حاجه القضاء على هذه الأشياء

وعمل افلام تعتمد على بناء القيم والمبادىء زى مسلسل مثلا ونيس واحفاده للمحمد صبحى الفنان القديم المحترم

عاوزين اعلام صالح زى ده

مش اعلام معتمد على الجنس والقرف

شخ النمس 04-12-2011 03:08 PM

صاحب الموضوع مسيحى و بينصر دينه و بيحارب الاسلام:pile:

Solitary 04-12-2011 03:29 PM

اقتباس:

المشاركة الأصلية كتبت بواسطة شخ النمس (المشاركة 3943279)
صاحب الموضوع مسيحى و بينصر دينه و بيحارب الاسلام:pile:

المسيحييه عمرها ماكانت حرب ضد الاسلام وبطل كلامك الاهبل ده عشان فعلآ اخرتك وحشه فى المنتدى :wallbash:

شخ النمس 04-12-2011 04:57 PM

المسيحية كانت دين ربنا زمان .. بس الاخ ده بيسلك مسالك المتطرفين من المسيحين
عيب ان نص موضوعاته قاعد بيشتم فى الاسلام و المسلمين و مطلوب منى مردش على هذه الحرب القذرة

لو راجل اكتب فى اخر الموضوع انا مسيحى انما متقلش انك مسلم و تقعد تشوه فى صورة الاخوان و السلفيين

هتلر 04-12-2011 05:46 PM

اقتباس:

المشاركة الأصلية كتبت بواسطة Yass.ThMuslim (المشاركة 3942828)
فعلا .. اصل مبارك كان مطبق الشريعه الاسلاميه وملبس الناس نقاب ولحيه .. علشان كده عملنا الثوره علشان الشعب يشرب خمره ويقلع ويبقى حر :) مكنش علشان الفقر والظلم والاستبداد والقهر !!

انتا اكيد مش أصدك على ثورة 25 يناير !!

هههههههههههههه جامد يا صحبى
اقتباس:

المشاركة الأصلية كتبت بواسطة شخ النمس (المشاركة 3943279)
صاحب الموضوع مسيحى و بينصر دينه و بيحارب الاسلام:pile:

صح يا كبير على فكرة صاحب الموضوع انا شوفتو عمال كذة موضوع من النوع دى
:taz::taz:
:boxing::boxing:
:devilred::devilred::rip_1::rip_1:

Just4Me 04-12-2011 06:07 PM

اقتباس:

المشاركة الأصلية كتبت بواسطة شخ النمس (المشاركة 3943279)
صاحب الموضوع مسيحى و بينصر دينه و بيحارب الاسلام

انت سلفى مجاهد من العصور العتيقة اكيد
هو الاختلاف فى الرأى بيخليك تحارب الدين
ام الجهل و التخلف

انا مسلم و كل اصحابى المسلميين \ المسحيين اختاروا الكتلة المصرية عشان نظاف مش بيتجروا بالدين زى السلفيين
و ان شاء الله هتقلب عليكم دم لو واحد فيكو بقى رئيس
هتعمل ايه لو وزيرة خارجية واقفة هتقابلها من تحت الستارة ؟


moha1a 04-12-2011 09:07 PM

اقتباس:

المشاركة الأصلية كتبت بواسطة شخ النمس (المشاركة 3943279)
صاحب الموضوع مسيحى و بينصر دينه و بيحارب الاسلام:pile:

انت كاتب فى التوقيع الكتله الصليبيه
و بتتاجر بأسم الدين و كاتب لا تعطى صوتك عشان دينك ؟
و زعلان على الموضوع الى هوا عاملو
و عمر الدين ما قال كدا
الدين بيقول انتخبو الأصلح مش المسلم ولا المسيحى
انا لو مسيحى و شفت الكلام الى انت كاتبه هكره الاسلام
الرسول وصى بمعاملة اهل الذمه

الاسلام برىء من الافكار المتطرفه دى

elhaidi 04-12-2011 09:19 PM

يا جماعة يا ريت بلاش مواضيع زى دة علشان بتقلب بخناقة انا كل ما اخوش على موضوع سياسى الاقى فى خناقة مش نقاش :vertag::vertag::vertag::vertag:

اهدوووووووو

MadOmar 04-12-2011 10:39 PM

اصل صراحه مواضيعه تنرفز ع الاخر ده بجد كل مواضيعه على الاسلامييين يا عم لو مهما كان بيكرهم مينفعش التصيد الغريب للاخطاء ده والمشكله ان هيا مش اخطاء دي فبركات وتحوير في الكلام والافكار مش كده يعني زهقنا بجد


الساعة الآن 06:44 AM.

Powered by vBulletin® Version 3.8.11
Copyright ©2000 - 2026, vBulletin Solutions, Inc.