|
اسئلة بسيطة لكل واحد خايف من الاخوان و السلفيين
بسم الله الرحمن الرحيم
انا عايز اسأل سؤال صغير لكل واحد خايف من الاخوان و الشيطان عدو الله و الرسول و الاولياء ضاحك عليه .. و مخوفه من الحدود و قطع الايد و الرجم و مخوفه من الدين .. اولا انت خايف من عذاب الاخوان و مش خايف من عذاب الله اللى أمر الاخوان و السلفيين و اللى لو حب ممكن يسلط جنوده عليك ..؟ انت عارف اصلا ان عذاب ر بنا شديد و لا لأ؟؟ يعنى لا قطع ايد و لا رجم و لا الحاجات المبتدأه دى ؟؟ انت عارف جهنم عامله ازاى ؟؟ طيب سؤال تانى انت عارف ان الحدود دى حاجة كده ربنا باعتها هدية لم المجتمع بيطيع الله و بيطبق كلامه هدية عشان دى اللى بتنجيك من عذاب ربنا لم بتطبق فى الدنيا ؟ طب سؤال تانى انت خايف لا الاخوان يقطعوا ايدك و مش خايف من ملائكة العذاب انهم يعذبوك ..؟ طب سؤال تانى .. انت عارف ان الحدود دى لو متطبقتش شرعا ربنا حيطبقها قدرا ..؟ يا ترى ربنا ممكن يكتب ايه فى القدر ده ..؟ امريكا تتسلط ؟ ايران تتسلط ؟ مصر تتقسم ؟ اثيوبيا تعطشنا ؟ اعداء يتسلطوا عليك من كل اتجاه ؟ و ربنا يسيبك و يذلك لان مش عبده ؟ طب انت عارف لو منصرتش شرع الله و نصرته انك كده مشكوك فى ايمانك ؟ تعرف انك لو حاربت شرع الله ربنا ممكن يعمل فيك ايه ..؟ تعرف ان عليك وزر و سيئة كل زانى و سارق حتى وانت قاعد فى بيتك و مش بتعمل حاجة لانك حاربت شرع الله ..؟ تعرف ان ربنا عزيز ذو انتقام ..؟ تعرف انه بيغير على محارمة انها تنتهك ..؟ تعرف انه ممكن يحرمك من الرزق و الخير لو مسمعتش كلامه ؟ تعرف انه ممكن يخزيك و يتعبك جامد ..؟ تعرف انك ممكن تكره نفسك لو هو كرهك ..؟ يا ترى ربنا يقول ايه على عبد رايح الانتخابات رايح يدى صوته للحينصر دينه و شريعته اخلاص لله ..؟ وواحد تانى رايح يدى صوته لاعداء الاسلام عشان ربنا ميحكمش و ميكونش ليه امر "فى نيته المريضه" ..؟ تعرف ان ليك ثواب فى سبيل الله لو بتروح تصوت للحينصر دين الله .؟؟ و انليك سيئة عظيمة لم بتروح تصوت و تحارب اعداء الدين اللى مش حيطبقوه ..؟؟ و فى النهاية احب اقول .. ربنا مش محتاج لينا عشان ينصر دينه ربنا قوى و عزيز و حينصر دينه من غيرنا .. بدليل انتصار الاسلام الساحق و هزيمة المسلمين .. و الخلافة راجعة راجعة و اخر دعوانا ان الحمد لله رب العالمين |
اوكى سؤال رفيع الاغانى فى شرع ربنا حلال؟ |
انا مسلم بس توقيعك مبين انك كتعصب جدا و على فكرة انا بحب الاخوان بس مش شايف ان الكتلة المصرية بيهددوا الاسلام زى ما انت فاكر و على فكرة الكتلة نسبة المسلمين فيها اكثر من المسحيين و اقولها لك ثانى انت متعصب و توقيعك كاشف وشك اوى
|
بخصوص الاغانى حرام و لا حلال انا مش مفتى روح اسأل اهل العلم و الدين .. هم عندهم علم اكتر منى
.. بخصوص توقيعى انا مش متعصب .. بس للاسف هى دى الحقيقة الكتلة المصرية مكونة من حزب المصريين الاحرار بتاع نجيب ساويرس كان بيدى فلوس لحركات جنوب السودان عشان يقسم الجنوب و كلنا عارفين مدى كرهه و عدائه للاسلام و الحجاب و سبه للحجاب و الدين الاسلامى هو بيتخذ من الليبرالية و العلمانية شعار له لكن هو مش ليبرالى و لا علمانى و حزب الحياة المسيحى بتاع مايكل و ده عميل لامريكا و من اقباط المهجر و عايز يقسم مصر و احزاب تانيه جذورها مسيحية او معادية للاسلام .. و زى ما المثل بيقول عدو عدوى يبقى ايه ..؟؟؟ واحد بيعادى الاسلام و واحد بيعادى الاسلام كلهم اتكتلوا و بقوا كتلة و بخصوص المسلمين اللى فيه دول اصحاب المصالح مش اكتر .. حتلاقى منهم فى كل زمن و مكان شوية |
طلاما انت مش فقيه فى الدين عامل موضوع وحكمت علينا اننا رافضين شرع الله ليه:biggrinthumb: طلاما هم ماشين بما يرضى الله شغلوا اغانى ليه |
مفيش حد خايف من الاخوان او السلف انا اللى خايف منه ناس تحت مسمى الدين يمسكو الحكم ويكونو متعصبين هوة دة اللى يتخاف منه لكن لو حكم اسلامى بما انزل الله الناس كلها هترتاح لكن لو تعصب زايد الناس هتنزل التحرير تانى مفيش كلام
|
حضرتك انا فقيه فى الدين بس بكبر مخى :laughing1:
و مكذبتش قلتلك انا مش مفتى و بعدين انا بتكلم على قضية الشريعة كون انك تنصرها او متنصرهاش زى الفرق بين الكفر و الايمان .. المعصية و الطاعة .. الخير و الشر .. و يا ريت محدش يطلع يقولى بيكفرونا بقا و الكلام ده |
اقتباس:
فى الموقف اللى بتقول عليه ده .. فيه ناس بتقول كذا حاجة واحد بيقول انا حسيب الاسلام و ابقى مسيحى او ملحد او اى دين تانى .. و ده يعتبر مفيش منو كتير وواحد يقولك انا حسيب الاخوان و السلفيين و اروح انتخب الكتلة و لا عمرو حمزاوى .. يعنى ناس ترجعلنا الرقص والخمره و الكباريهات و الفجر .. و ده ممكن يكون فيه منه و ناس صح تقولك انا حسيب المتعصب و اروح للاسلامى اللى مش متعصب .. و ناس صح تقولك خلاص انا احاول انتقد و اصلح قدر ما استطعت .. و محاربش الاسلام و ممكنش اعداء الاسلام من الاسلام |
لول
وهو انت فاكر ان الاخوان او السلفيين هايمسكوا الرئاسه هايفرضوا الصلاه والاسلام ويقلبوها زى السعوديه ؟ لا حضرتك انت فاهم غلط .. هم هايصلحوا اه ولكن مش لدرجة اننا نرجع لعصور الجاهليه لمجرد ان مرجعيتهم اسلاميه وماتنساش ان مصر مش مسلميين فقط ^^ |
طلاما بتكبر مخك داخل تصدعنا ليه هو فى فقيه بيكبر مخه |
لولين
ان شاء الله حيخلوها زى السعودية و احسن كمان هم قالوا كده بس بالتدريج لغاية ما المجتمع يتقبل ده و يبقى هو ده العرف .. زى ما كنا قبل محمد على مكنش فيه لا بكينى و لا عرى و كان هو ده النظام و اتغير بالتدريج .. كمان الحال حيتغير من الشر للخير .. و بعدين حضرتك فاكر ان واحد زى ابليس لم يلاقى الشريعة حتتطبق و كلو حيبقى تمام هو حيرضى ..؟ دى معركة حياة مع ابليس .. لم يبقى كلو تمام و محدش بيزنى و لا بيسرق و لا بيعمل حاجة غلط كده الشيطان ضاع .. و على فكرة انا شاب عادى بس بصلى و ساعات بقرا قران مسلم يعنى .. ابليس هو عدو الشريعة الحقيقى و اولياءه من الانس .. و بعدين جاهلية ايه يا راجل بلاش كلام خايب بقا الكلام ده بيقولوا ذكريا بطرس و هو بيشتم سيدنا محمد , |
اقتباس:
واحده بتقول رجب حوش صحبك عنى هههههههههههه ده يبقى ايه و بعدي انا قلت اما اعمل خير و لا معملش خير ؟ و انا شاب عادى بصلى و ساعات بقرا قران عادى يعنى .. |
بصراحة الاخوان لم حيمسكوا البلد حندخل الجنة و مش حنتعصب فى حياتنا عشان مش حنعمل حاجات غلط يامه .. و كمان حيوفروا الزواج للشباب عشان محدش يغلط و حيضمنوا لينا حياة احسن ...
انما الكتلة و الحاجات دى مش حيهتموا بينا و لا حينظموا لينا حياتنا احسن |
انصحك انك تحترم نفسك وبعدين انت من كلامك رجل دين ايه دخل امثله الاغانى وطلاما انا غبى قولى يا عم الذكى طلاما الاغانى حرام الاخوان شغلوها ليه؟ |
نعم للحكم الديني لمصر
نعم لحكم الإسلام لمصر " الإسلام هو الحل " والقرآن الكريم هو دستورنا |
هاتلى أيه ان الاغانى حرام :)
وان من شرع ربنا انك تنافق وتحلل الحرام عشان السلطه |
اقتباس:
الاخوان شغلوها عشان كان اسلوب كويس يجيبوا بيه الناس فى المظاهرات و يمشوا حسنى مبارك عشان يصبغوا الثورة باسم مصر و متكونش طائفية (عشان تنجح يعنى) عشان يمشوا حسنى ملحوظة مش حرد عليك تانى لانك بتغلط و انت حر انا مليش دعوه تروح تنتخب بتوع الشريعة و لا لأ و لا تعصى و لا تكفر حتى انا لو بحبلك الشر اقول يا رب زيده شر و عصيان زى ما بنى اسرائيل دعوا على فرعون (ربا اطمس على موالهم و اشدد على قلوبهم فلا يؤمنوا حتى يروا العذاب الاليم) .. انا داخل اعمل خير لربنا و لا انت مش بتعمل خير ؟! و بعدين هو المشايخ بس اللى بيعملوا خير ؟ انا مش فارقه معايا انا داخل اعمل خير و ارضى ربنا اهو يعودلى فى صحتى و عفيتى و دنيتى و اخرتى سلام |
:lol3::lol3: ده انت بتأكد انهم منافقين الحرام حرام حضرتك |
ممكن يكونوا نسيوا او اخطأئوا التقدير او حتى عصوا ربنا .. عادى الانبياء مسلموش و ادم عصى ربه
حتى الانبياء مش ملايكة و لا شياطين فيه الخير و الشر .. و الاخوان و السلفيين عمرهم ما حيبقوا ملايكة و لا حيبقوا زى النبي و لا الصحابة حتى ... ا احنا ملناش دعوة احنا مش ربنا حنحاسب الناس و يا ريت متطلعش لعورات الناس لان لو كل واحد بص لنفسه حيلاقى بلاوى سوده و فكك من الشيطان اللى قاعد على دماغك ده بردوا لم انت تقف بين ايد ربنا يوم القيامة حيحكى عليك بلاوى انت كنت بتعملها و لا نت مش بتعمل بلاوى ؟ كل واحد ليه حسابوا و احنا ملناش دعوه بصحائف العباد ولا باعمالهم احنا لينا ان ربنا امرنا يا نطيع فى دى يا نعصيه .. و زى ما قلت مفيش ملايكة بشر و لا حتلاقى ملايكة بشر ابدننننننننننننن |
يا ريت تحترم نفسك زى ما بحترمك وكل رد بترده بيأكدلى اكتر انى صح ودلوقتى بتقولى مفيش انسان معصوم من الخطأ...يعنى الاخوان شغلوهم غصب عنهم؟ ومن كلامك مفيش انسان مبيغلطش اذن انت كمان بتعمل بلاوى ^_^ ولتانى مره بقولك انا مش معارض للاخوان او شرع الله يا ريت تفهم صح قبل ما تتهم الناس وكده كفايا اوى عشان مبحبش حد يزعل منى او ياخد فكره غلط عنى وتم تبليغ الاداره لان المواضيع دى ممنوعه تقبلم مرورى:) |
الحمد لله النهاية السعيدة مبروك عليا اجر الله
مفش مانع حتى ربنا الناس اختلفوا عليه و انا مش ملاك و عندى بلاوى بس بتوب و ربنا بيستر على عبده المؤمن على فكرة اتقفلى اكونتات بالهبل بس بعمل تانى ربنا يهديك سلام |
طلاما مصمم على رأيك ومصمم على عدم فهمك احب اقولك انت مينفعش معاك حديث نهائى ومبروك عليك الاجر انك حللت الاغانى :) اسف تعبان ومش هقدر اكمل اتشرفت بمعرفتك:) |
انا مقلتلكش حاجة .. انت مش معجب بالاخوان خلاص روح اختار السلفيين .. لو حتى حتختار الكتلة المصرية اهم حاجة ان يكون من ضمن اولياتك
1) البطالة 2) الفقر 3) الشريعة اختار اى مرشح بس يكون حيطبق الشريعة مش معادى للشريعة او حيعارض تطبيقها و على فكرة انا لم مشيت فى المظاهرات بتاعت الاخوان قلتلهم بلاش اغانى لانها غلط و مش بكذب .. بس هم شافوا ان التكتيك ده كويس و الحساب عند الله هم مش كفره دول مؤمنين وشوشهم يبان فيها نور ربنا |
|
(رسالة إلى الأحباء في حكم الغناء)
بسم الله الرحمن الرحيم والحمد لله والصلاة والسلام على رسول الله صلى الله عليه وسلم فيا أخي الحبيب هذه دعوة من محب لك حريص عليك يتمنى لك الجنة ويخشى عليك من النار فهل قرأت كتاب ربك وتدبرت في معانيه العظيمة فإنه قرآن الرحمن الذي يطرد صوت الشيطان. قال تعالى : مخاطباً إبليس {وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الأَمْوَالِ وَالأَوْلادِ وَعِدْهُمْ وَمَا يَعِدُهُمُ الشَّيْطَانُ إِلاَّ غُرُورًا} فسر مجاهد كلمة (بصوتك) بأنها الغناء والمزامير. [الإسراء 64] وقال تعالى : {وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُّهِينٌ} [لقمان 6] أقسم ابن مسعود رضى الله عنه أن المراد بــ (لهو الحديث) هو الغناء. أخي الحبيب : إن طول الاستماع إلى الباطل يطفئ حلاوة الطاعة من القلب. قال رسول الله صلى الله عليه وسلم: " ليكونن من أمتي أقوام يستحلون الحِر والحرير والخمر والمعازف" . (البخاري) وهذا الحديث من نبوءات النبي صلى الله عليه وسلم التي نراها الآن حيث يستمع الناس إلى المعازف ولا ينتبهون إلى أنها حرام بل ويستحلون ذلك . وعن أنس رضى الله عنه مرفوعاً " ليكونن في هذه الأمة خسف ومسخ وذلك إذا شربوا الخمر واتخذوا القينات وضربوا بالمعازف" . (السلسلة الصحيحة) والمقصود بــــ.(والقينات) هم المغنيات من أمثال هيفاء ونانسي..إلخ , وهذا الحديث من نبوءات النبي صلى الله عليه وسلم التي نخشى أن تقع فينا فقد حدث ما حذر الرسول صلى الله عليه وسلم من عواقبه . وبعد أيها الأحبة فالأدلة على تحريم الغناء كثيرة ولكن نقف مع السؤال!!!!!!!؟؟؟؟؟؟؟؟؟؟؟ أيهما أفضل : أن تقرأ القرآن فتأخذ عن كل حرف عشر حسنات ويكون لك القرآن هدى ونور وشفاء ورحمة ويكون مكفراً للذنوب. أو أن تستمع لصوت الشيطان الذي يلهى عن ذكر الرحمن ويجلب القلب على العصيان؟ فهلا أفقنا إلى تعاليم ديننا التي فيها أمر ربنا حتى نسير على نهج سيدنا رسولنا الله صلى الله عليه وسلم فيشفع لنا في أخرتنا. فماذا بعد الحق إلا الضلال والحمد لله الكبير المتعال |
اخ هل كنح هو مش بيسأل الاغانى حرام و لا حلال هو عايز يبين عورات الاخوان و بس ..
مع ان عرض المؤمن و شرفه اعظم حرمة عند الله من الكعبة .. "مثبوتة بحديث صحيح" |
اقتباس:
|
| الساعة الآن 09:32 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.