|
لكل من خائف من الأخوان المسلمين مش انتوا بس ده الغرب كمان
لكل من خائف من الأخوان المسلمين مش انتوا بس ده الغرب كمان وانا فاخور ان الغرب عارفين احنا هانكون ايه بعد ما الاخوان تربط العالم العربى كله ببعضه تانى ونرجع قوة عظما [YOUTUBE]pcsZIRjVshw[/YOUTUBE] هو ده الاخوان وحزب الحرية والعدالة اللى خايفين منه اتفرجوا ده رئيس الحزب [YOUTUBE]4Qy52ES9b0Q&feature[/YOUTUBE]البلتاجى لسرور ارحموا الشعب المصرى |
فعلا والله عندك حق الناس دي بتفكر بطريقه غريييبه خايفين من الاخوان والسلف يمسكوا البلد وفي ناس رايحين ينتخبوا ومسلمين ويقولك لا انا حنتخب الكتله احسن ما انتخب تيار اسلامي سبحان الله هيا الناس دي خايفه دين ربنا هوا اليحكم
|
اقتباس:
لا حـول ولا قـوة إلا بالله |
تم تجديد الموضوع تجنب من عمل موضوع جديد:sleepy: |
بص في ناس كتيرة من الإخوان عشان تشددهم
يعني مثلا الكلام المتداول بين الناس دلوقتي عن الإخوان إني هم لو مسكوا إني هم هيفرضوا النقاب - هيخلوا الزي الرسمي للراجل هو الجلابيه - مافيش ستات تشوق عربيات -مافيش حاجة إسمها كافهات - مافيش حاجة إسمها تمشي مع المزة بتاعتك في الشارع :) - و سمعت كلمة كدا من راجل كبير قالهالي فضلت أضحك عليها إسبوع إني إحنا لو حاربنا هنحارب يالسيوف و الكلام بتاع الجاهلية دة و للعلم أنا ضد الكلام دة و مع الإخوان لو ينفذوا الشريعة الإسلامية صح و لا زيادة و أقل |
خليهم كدة يتكلمو وخلاص ربنا يخودهم :rocket::rocket::rocket:
|
الناس خايفه من الاخوان لانهم كانوا بيقولوا الاغانى حرام جم فى التحرير شغللهم اغانى لعبد الحليم "اغانى وطنيه" الناس عرفت حقيقتهم انهم بيرضوهم عشان يوصلوا للكرسى وبعد كده يرجعوا يحرموها تانى انما السلفيين من الاول قالوا حرام ولسه بيقولوا حرام وحاطين مبدأ متخلوش عنه عشان كده انا بؤيد السلفيين انا مش رافض الاخوان عشان الاغانى ^^ لكن رافض المبدأ نفسه انهم يرضونا عشان يوصلوا للكرسى وبعد كده بح |
انا معاك في الموضوع ده ومشكلتي الويده مع الاخوان ان هما ممكن يتنازلوا عن مبدأهم عشان يعملوا شعبيييه لكن احلى حاجه في السلف مش بيلف ويدور انا الدين بيقول كده اه بيقول كده معندوش مشاكل ودي مخليه ناس تخاف منهم وفي نفس الوقت ناس كتيير تحبهم
|
الفاتحة على مصر المرحومة الله يرحم السادات و جهاده ضد الاسلاميين مش الرشوة حرام ؟ بردو و لا الاخوان حللوها عشان الانتخابات و السكر و الزيت اتوزع على الناس عشان يصوتوا ليهم مش الرشوة حرام ؟ ولا عبمنعم الشحات المنافق بتاع الاسكندرية مش الديمقراطيةو الانتخابات كفر ؟ و فى الاخر دخل المجلس سحقاً الشبشب ضاع .. تباً ده كان بصباع |
ارد ولا ماردش ارد ولا مردش بص انا مكنتش عايز ارد بس للاسف حرد على امل انك تفهم الاخوان والسلف كانوا بيوزعوا سكر وزيت ومعونات للناس من قبل ما تتولد ومن قبل ما يفكروا يدخلوا انتخابات الناس دي فاتحه بيوووت ناس كامله على حسبها من قبل ما يفكروا فيي الانتخابات اما بالسبه للشيخ الجليل عبد المنعم الشحات الياريت تتكلم عليه باسلوب احسن من كده فا ده عمره ما كان منافق ودليل انوا مش منافق انوا في برنامج مع دنيا عبد الرحمن من قريب قالها برده الديموقراطيه كفر وحرام بس المشكله مش فيه المشكله في الذكاء الخارق بتاعكم هوا بيقول ان الديموقراطيه حرام من مفهوم ديني وهوا عنده حق فيييه
وصراحه مقدرش اقولك غير انا حقا اعترض |
الاخوان المسلمين تعهدو بان الدولة المدنية القائمة منذ 1400 سنة ستظل كما هى |
اقتباس:
بس مصر 2011 مفيهاش السادات |
شكراً علي الردود |
انا مش خايف بس لو هما فعلاً هيربطو العالم العربى يبقى حاجه كويسه جداً و انا همى المواطن المصرى البسيط يعيش عيشه كريمه اخوان بقى ولا ليبراليين ولا عالمانيين ولا سلفيين ولا غيره مش فارقه المهم مصلحة المواطن المصرى و شكراً |
لول دين مين يا ابنى الى انا خايف منه
انتا اى حد يقولكم انا مسلم ترشحهوا !!! |
لا طبعا مش اي حد يقول انا مسلم نرشحوا المسلمين كتيييير بس مسلمين بالاسم بس لكن اي حد حيقول حطبق الشريعه حرشحواااااااااااااااااااااااااااااااااااااااااا
|
انا على عيني و راسي الاخوان يمسكوا بس يبطلوا هما استعباط و يقولوا الاغاني حرام و البلاجات حرام و يعملولي زي فيلم التلاتة يشتغلونها الاباجورة دي حرام التلفزيون ده حرام و الهبل ده .... (مع احترامي الكامل ليهم دي وجهة نظري)...
|
هههههههههههه رأيك على عيني وعلى راسي بس احنا مش حنفصل دين براحتنا هما الاخوان والسلف ولا بحرموا ولا بيحللوا هما بيشوف الدين والشرع بيحلل ايه وبيحليلوه وبيحرم ايه وبيحرموه والاغاني حرام فا لازم يحرموها وسيبك بئه من الافلام والمسلسلات والاعلام كله عشان احنا اعلمنا ضارب مبينلك ان السلف والاخوان دول من عصر ما قبل التاريخ
|
اقتباس:
لأ فى اختلاف فى الأغانى و الفن عموماً فى علماء دين بيقولو كل الفن حرام و على العكس فى علماء بيقولو حلاله حلال و حرامه حرام و هكذا النقاب و غيره من المسائل الدينيه التى اختلف فيها العلماء ميجيش تيار مقتنع بفكر متشدد او فكر معين و يطبقو علينا هوا دا الى انا اخاف منو و كل المصريين يخافو منو |
فى ردود كتير واغلبها بيدرو حولين حاجة واحدة
وهى ان الكلام بتخدوة من الاعلام والتليفزيون اللى المزيع بيقول فية اى حاجة سواء صح او غلط بنعتبرها احنا انها حقيقة مسلم بها وان الاعلام عمرة ما يكذب وبغض النظر عن التعليقات السخيفة (مع احترامى للكل) اللى كلها عن كلام ملوش لزمة زى الاغانى اللى بتقولو ان الاخوان شغلوها فى التحرير انت يعنى حضرتك شليفهم مشغلين فيديو *** ل هيفاء مثلا ولا بيسمعو الناس (بوس الواوا )ولا (بشويش عليا دا انا وحدانية)؟؟؟؟؟؟؟؟؟؟؟؟؟؟؟؟؟؟؟؟؟؟؟ الاغنية كانت لعبد الحليم وكمان مكنش بيقول فيها (جبار) ولا (يا حافية القدمين) دى كانت اغنية وطنية بهدف انها تعلى روح الناس وتنشط عواطفهم تجاة البلد واحب اقلك ان فى اغانى لعبد الحليم زى مثلا (عدى النهار) الاغنية دى تقريبا بنسبة 70% مفيهاش موسيقى اللى هيا اصلن محل الخلاف فلما حضرتك تيجى تنقض يكون النقض مبنى على اساس وانك اصلن تكون عارف اللى قدامك يقصد اية بكلامة لما قال ان الاغانى حرام### |
الحمدلله انا اديت صوتى للحريه والعداله مع ان ناس كتير قلتلى بلاش بس انا مش ندمان |
تعرف انا هقول لك كلمه بعيده عن حاجه اسمها " سلف " وحاجه اسمها " اخوان "
انا كل الى اريده ان الى يحكُمني .. يكون من " التيار الديني الإسلامي " ومش عايز اكثر من كده والحمد لله على كل شئ |
اقتباس:
اقتباس:
|
اقتباس:
ما علينا حضرتك بتتكلم بصفة عامة وبتقول الاغانى حرام و البلاجات حرام الاغانى حرام (دى ليها شروط مش انا اللى افتى فيها تقدر حضرتك تسئل شيخ المسجد اللى فى مكان سكنك ولو ضاقت بيك الدنيا قوى اسئل حد من اهلك ولو ضاقت اوى اوى اوى ادخل على النت) البلاجات (الغلط فى البلاجات اللى حضرتك حرمتها من نفسك كدا من غير ما ترجع وتشوف دينك بيقول اية) بص يا جميل البلاجات ا الشواطئ فى حد ذاتها مش حرام لكن اية الحرام بقى؟؟؟؟ ان واحدة تلبس مايوة ( وسيبك بقى من مايوة شرعى والكلام دا عشان دا ميدخلش دماغ حد ) طبعا المنظر دا يثير شهوة النظر لاى واحد (وطبعا مش هيغض بصرة إلا من رحم ربى) فالمقصود هنا منع الاختلاط يعن لو اتعمل شواطئ خاصة بالرجال وشواطئ خاصة بالنساء يبقى كدا مفيش مشكلة واقسم لك بالله انا مش عارف ارد عليك و اقولك اية يعنى تخير ما بين العفاف والطهر وما بين الفسق والمعصية وانت تدافع عن المعصية سبحان الله |
بجد المفروض نعمل موضوع عن الاسلام لإن ف ناس كتييييييييييييييييييييييييييييييييييييير متعرفش عنة حاجة
|
ومن لم يحكم بما أنزل الله فأولئك هم الظالمون
|
انا هقولك وجهة نظرى كـ شاب مسيحى
اكيد عايز البلد تكون احسن بس تحت ستار الديمقراطية بمعنى انى كـ انسان عايز حقوقي و كـ مسيحى مش هقبل باحكام الشريعة الاسلامية تطبق عليا كلنا عارفين ان الاحكام والدستور كانو لازم يتغيرو لان فيهم عيوب كتير العيوب دى ان الدستور كان بيعامل رئيس الجمهورية على انه بيتعامل فى شركة ملكية خاصة وايده على البلد من اولها لأخرها وعمل دمج بين انه رئيس جمهوية وانه يكون القائد الاعلى للقوات المسلحة مع ان دى وزارة لوحدها بعيدة عن منصب رئاسي بس نفس الدستور ده كان فيه احكام ما ترضى المسلم وما ترضى المسيحى لكن تيجى تقولى السارق تقطع يده او اخلى اختى او امى ينزلو الشارع بحجاب مع انهم مسيحين او تقولى متسمعش اغانى ونلغى الارسال بتاع اى قناة تذيع اغانى وافلام ونقفل الكافيهات وبالمرة نقفل الحدائق والسنيما والمول والسيبرات ونرجع لوراء فعلا للعصر الحجرى ونبقى فعلا زى ما الغرب متصورنا اننا ناس جاهلة مش عايشين على نفس الكوكب اللى هما فيه مطالب ناس كتير ومش هعمم واقول المسيحين والمسلمين ولكن البعض بيبحث عن الديمقراطية والحرية مش اكتر انا ولا عايز المايو يبقى مباح علنى ولا عايز هيفاء وهبى تعمل حفلتها فى الميادين ولا عايز الحشيش يوزع فى السوبر ماركت بس عايز كل انسان يعيش بحرية كاملة ويكون حر فى قراره واخيرآ واللى مش عارف ده ممكن ولا لا يحكم على الناس حسب طبيعة شريعة ديانتهم مش شريعة معينة يعنى لو عايزين الشريعة الاسلامية تطبق تبقى على المسلمين والمسيحين يتحكم عليهم بشريعتهم واليهود نفس الكلام تقبل كلامى ومرورى وارجو انى مكنش ضايقت حد بكلامى |
:fruits_cherry::fruits_cherry:
ان شاء الله البلد ديه هتبقى تمام |
اتقدم بكل الشكر للأخ WELFAعلى تفهمة للموضوع وسعة صدرة لآراء الاعضاء ThnQ WELFA:biggrin2: |
يا عم على أيه بس بالنسبة للاخ المسيحى انا محترم رأيك جدا على فكرة بس زاى ما Just قال الواضح للاسف ان الناس متعرفش يعنى ايه اسلام اما مش بتكلم على حضرتك انا حتى بتكلم على المسلمين نفسهم انا مرة سمعت قصة كده مش فاكرها خالص يعنى بس المضمون بتعها ان الشريعة الاسلامية هي هى المسيحية هى هى اليهويدة بمعنى ان الدين السيحى جاء مكمل لليهودى و الاسلام جه مكمل للاتنين يا رب تكون فاهم اصدى انا مش اصجى اى تجريح و لا اى حاجة و انت عارف كده ^^ بس يعنى لو حصل و الاخوان مسكوا الحكم نفترض انا معاهم فى كل حاجة تبع الشريعة الاسلامية و بتراعى حقوق الاديان الاخرى لان للعلم الله مش بيحب المسلم اللى بيبغض الاديان التانية و الرسول ( عليه الصلاة و السلام ) كان بيتعامل مع كافة الاديان و كان عادى زينا بيروح على الصلاة و السلام يأكل عند اليهود و العكس ^^ |
Thanks WELFA بجد مثال للمشرف المحترم ياريت كلنا نبقى مثلك |
اقتباس:
نأتى للرد بص يا جميل موضوع الحجاب حضرتك بتقولى ( او اخلى اختى او امى ينزلو الشارع بحجاب مع انهم مسيحين ) الكلام اللى هقولو دا منى انا الاسلام بينظر الى المرأة على انها هدية يجب المحافظة عليها وعدم اقحامها فى ما يقلل من قدرها الله سبحانة وتعالى يقول {فَقُلْنَا يَا آدَمُ إِنَّ هَذَا عَدُوٌّ لَّكَ وَلِزَوْجِكَ فَلَا يُخْرِجَنَّكُمَا مِنَ الْجَنَّةِ فَتَشْقَى }طه117 ربنا قال فتشقى مع ان المفروض ان هما اثنين يبقى (فتشقيا) مثنى لكن الله سبحانة وتعالى جعلها كأميرة فى منزلها وعلى الرجل ان يتحمل الشقاء من اجلها وعلى هذا فإن الحجاب سترة للمرأة بدليل ان الراهبات فى الكنيسة يرتدون ما يسترون بة رأسهم ================================================== ===== ثانيا حكم السارق وقطع اليد انا طبعا هجاوب على حضرتك بس المفروض انك متخفش من حاجة زى دى عشان انت مش حرامى بص يا جميل أكبر عيب فى القانون البشرى انة قانون معاقبة اما الشريعة الاسلامية فيها قوانين ردع ومنع بمعنى ان اللى بيسرق دا مثلا ياخد 6 شهور ويطلع يكمل سرقة تانى وبعدين يتمسك وياخد كمان 6 شهور لكن اذا طبق علية حد السارق هيقول فى 60 داهية فلوس الدنيا كلها المهم ايدي تفضل سليمة وبعدين اصلا حد السارق دا لة شروط (وفى موقف حصل مع عمر بن الخطاب رضى الله عنة وهو انة كان هناك رجلان سرقا ناقة وذبحوها واكلو منها فلما امسك بهم وارسلوهم الى عمر فقال لهم لماذا سرقتم قالو نعمل لدى رجل كلما اراد ان يعاقبنا منعنا من الطعام وترك الجوع يهلكنا فستدعى عمر الرجل وقال لة اذا سرقا هذان فسأقطع يدك انت) بمعنى ان الحكم لية شروط مش كلام وخلاص ================================================== ===== ا[color="rgb(153, 50, 204)"]ما بالنسبة لانك ترفض حكم الشريعة الاسلامية فعشان كدا الله سبحانة وتعالى قال فى كتابة الكريم بسم الله الرحمن الرحيم {وَلْيَحْكُمْ أَهْلُ الإِنجِيلِ بِمَا أَنزَلَ اللّهُ فِيهِ وَمَن لَّمْ يَحْكُم بِمَا أَنزَلَ اللّهُ فَأُوْلَـئِكَ هُمُ الْفَاسِقُونَ} سورة المائدة [/color] |
اقتباس:
و الدليل من القرآن على تتابع الرسالات وان الاسلام جاء مكملا لباقى الاديان {وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُمْ مُصَدِّقًا لِمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِنْ بَعْدِي اسْمُهُ أَحْمَدُ} سورة الصف عيسى علية السلام جاء مصدقا و مؤمناً برسالة موس علية السلام ألا وهى التوراة وقال الله سبحانة وتعالى بسم الله الرحمن الرحيم {الَّذِينَ يَتَّبِعُونَ الرَّسُولَ النَّبِيَّ الأُمِّيَّ الَّذِي يَجِدُونَهُ مَكْتُوبًا عِنْدَهُمْ فِي التَّوْرَاةِ وَالإِنجِيلِ يَأْمُرُهُمْ بِالْمَعْرُوفِ وَيَنْهَاهُمْ عَنِ الْمُنكَرِ وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ وَيَضَعُ عَنْهُمْ إِصْرَهُمْ وَالأَغْلالَ الَّتِي كَانَتْ عَلَيْهِمْ فَالَّذِينَ آمَنُوا بِهِ وَعَزَّرُوهُ وَنَصَرُوهُ وَاتَّبَعُوا النُّورَ الَّذِي أُنزِلَ مَعَهُ أُوْلَئِكَ هُمُ الْمُفْلِحُونَ} سورة الاعراف سيدنا محمد صلى الله علية وسلم جاء مصدقا و مؤمناً برسالات الرسل من قبلة {آمَنَ الرَّسُولُ بِمَا أُنزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ} سورة البقرة |
انا بحيك يا Just_Warrior علي ادبك و احترامك و علي النقاش الجميل دة |
اقتباس:
ربنا يخليك |
فعلا والله عندك حق
|
شكرآ لردك يا باشا وانا متفهم كل اللى بتقوله ومعاك فيه
بس انا بحاول اوصلك قصدى انت قولت اقتباس:
فى الكنائس والاديرة الكلام ده بيحصل لان الراهبات دول وهبو نفسهم لعبادة الله ودول بيعيشو كده كل حياتهم بس انا بتكلم عن منطلق المراءة المسيحية فى الشرق الاوسط اللى بيخليها تعمل ده وبيتعرف اذا كان دى مسيحية ولا مسلمة هى انها اختارت متلبسش حجاب او متعملش تقاليد او احكام اديان اخرى بمعنى انها عملت كده كـ نوع من انواع انها بتقول انا مش مسلمة اختارت الاختلاف عن الأخرين علشان تتعرف انها مسيحية زى مثلا اللحية عمرك ما تلاقى شاب مسيحى بلحية غير لو هو راهب او قس لان دول بيكونو عايشين لوحدهم فى دير او كنيسة مش مختلطين بالناس ولا فى الشارع والشاب المسيحى اختار انه ميسيبش لحيته مش علشان تعباه ولا بتخنقه بس هو بيعمل كده لنفس السبب انه عايز يكون مختلف وميكونش ماشى على شريعة دين تانى او يكون بمعنى اصح مختلف بعض الشئ وده بيكون كـ اعلان للناس اللى حوليه انه مسيحى وزى ما انه مينفعش تقول لـ شاب مسيحى خلى لحيتك طويلة مينفعش تقول للمراءة اتحجبى وهى مسيحية يا ريت يكون وصلك كلامى وفهمتنى اقتباس:
بس حتى قانون الردع يكون رؤوف شوية على الناس يا رب حتى اللى يسرق يسجن مدى الحياة بس متقطعش ايده ده انا معترض معاك فيه هقولك حاجة برضو حاول تفهمنى انا عارف كلامى كتير وخنيق بس استحملنى انا اشتغلت فترة مش قليلة فى مجال الملابس وبالخصوص الملابس الحريمى شوفت دى ودى وعرفت دى ودى واشكال والوان كتير جدآ المهم المختصر المفيد لما بحصل تعارف ما بينى وبين واحدة فى مجال بيع وانها تيجى تشترى منى وكده واحس انها مش تمام مش بتعامل معاها باسلوب وحش وابعد عنها بحاول اكلمها مهما كانت مسيحية او مسلمة ولما بنتكلم فى نقطة ان اللى هى بتعمله غلط متعود اقول جملة لانها عجبانى اوووووووووووى ربنا مدى لكل انسان فينا امانة هو جسده بمعنى انه يحاول ميفسدوش لانه مش ملكه ربنا هو اللى اداله الامانة دى يعنى مينفعش واحدة تمشى فى طريق غلط وتنجس جسدها وهو مش ملكها مينفعش برضو الواحد يروح يبيع كليته او جزء من جسمه او دم ويقبض ثمن ليهم لان دول مش ملكه بغض النظر عن موضوع التبرع لان ده عمل انسانى بتاخد مكافئته من ربنا انك لجقت انسان بيموت مينفعش برضو تقطع ايد واحد ولا هى ملكك ولا هى ملكه ملك الخالق اللى خلقنا كلنا حاسب الحرامى اديله مؤبد او سجن مدى الحياة لكن تقطع ايده !!!!!!!! اسف على كلامى الكتير تقبل مرورى وكلامى |
تمام |
Just_Warrior
منتظر ردك على كلامى علشان اعرف انا بفكر صح ولا فى رائ تانى |
لو الأخوان و السلفين هيطبقو الأسلام الوسطى بعيد عن التعصب و التشدد انا معاهم 100% بس المشكله ان فى بعض الأراء متشدده يعنى فى ايات ليها كذا تفسير و فى حاجه اسمها اجتهاد الناس المتشدده بيقى تتمسك بتفسير معين و الباقى كله كفر و دا ميصحش من واحد مسلم عشان كدا بقول ان الدين ارقى و اعلى من السياسه |
| الساعة الآن 05:36 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.