|
اخواني لماذا كل هذة تجاة الاقباط
ارجو ان تتقبلوا كلامي وكفانا تجريح في بعض لانة انا معرفش مين الكسبان في كل اللي بيحصل دة
كام واحد مسيحي تعدي عليكم كم جامع هدمنا او مددنا يدنا علية وهو يذكر فية اسم الله كم واحد مسلم اغتلناة وقتلناة حتي في المناسبات اليوم الجميع يلصق التهمة بنا رغم اننا خرجنا مسالمين ولا يوجد معنا اسلحة لا بيضاء ولا سوداء بالله عليكم حكموا عقولكم وقفوا جانب الحق ولو مرة لوجة الله تعال نحن يا سادة لسنا دخلاء بل ابناء هذا الوطن جزورنا فية تمتد 2000 سنة هل هذا كذب ام حق لماذا لا تقبلونا ولماذا كل هذة الكراهية الله عادل وسيدين الجميع اتحداك ان كنت تضمن الجنة لنفسك فانت تضحك علي روحك ان لم يرحمك الله فلا اخرة لك هذا الجيش اللي الجميع يتهمنا اننا اعتدينا علية يقف موقف المتفرج فقط افيقوا يرحمكم الله وقولوا الحق ولو مرة جميع النظام هو بواقي مبارك ولم يتغير شئ طالما اننا لم نغير ما بأنفسنا نحن شركاء واخوة في الوطن فاذا خرب فهو علي رؤسنا واذا عمر فهو لنا جميا حرااااااااااااااااااااااام كل ما يحدث لنا جميعا لا فرق بيننا فجميعنا بشر وكل انسان لة معتقدة حتي البوزي ينظر لنا نحن الاثنين علي انة هو الحق ونحن خطأ |
و نعم بالله و فعلا يا اخى الفاضل معاك حق و كما قال الله سبحانه و تعالى فى محكم تنزيله "لكم دينكم و ليا دين" لكن ب صراحة نقدى الوحيد للموضوع هوا ضمائر احنا و انتوا يا اختى الفاضل احنا كلنا مصريين انا مسلم و حضرتك مسيحي الفرق بيننا ان انا بصلى فى المسجد و حضرتك بتصلى فى الكنيسة انا بصوم فى رمضان و حضرتك بتصوم فى غير رمضان انا بحج للمسجد الحرام بمكة و حضرتك بتحج فى فلسطين دى حاجة بيني و بين ربنا و بين حضرتك و بين ربنا لكن غير كده ايام الثورة عربيات كلاب النظام لما كانت بتدهس كانت بتسألنى انت مسلم ولا مسيحي ؟ فى احداث ماسبيرو البلطجية الى اقتحموا المظاهرة سألوا الى مات او اتصاب سواء من المتظاهرين او من قواتنا المسلحة انت مسلم ولا مسيحي ؟ الارهاب و التطرف يا اخى مش بيسألك عن دينك او ملتك او جنسك المتطرف بيشوف اى حد غيره كااااااافر فى عرفه و تفكيره المريض اى حد بيفكر او بيعتقد فى حاجة غيرى دمائه و ماله و عرضه حلال غنيمة الى اقتحم المظاهرة و قتل مسيحي و مسلم ده ارهابى لا ليه دين ولا وطن الى حرق دير عبادة يذكر فيه اسم الله سواء كنيسة او مسجد سواء فى مصر او فى فلسطين او العراق او روسيا ده ارهابى لا ليه دين ولا وطن المشكلة مش مشكلة مسلم و مسيحى المشكلة الحقيقة هى الشعرة بين التدين و التعصب و الشعرة الارفع بين التعصب و التطرف الى للاسف بقى هوا السائد دلوقتى و للاسف نفس نظام مبارك و نفس اسلوب ادارته و نفس التعامل الهمجى جدا او المتراخى جدا فهمنى ازاى عسكرى امن واقف يحمى واحد من اهم مبانى مصر الى هوا مبنى الازاعة و مش مسلح امال واقف يعمل ايه ؟ واقف يتفرج على بلطجية بيقتلوا متظاهرين يا فرحت امه بيه بجد ربنا يحمى مصر و يعدينا من الفترة دى على خير و يديم المحبة و المعروف بين الاخوة المسلمين و المسيحين يا رب |
أنا معاك في كلامك و لازم الكل يشغل عقلة إلي ربنا خلقلهنا دة
عشان نعرف نفوق من إللي إحنا فيه دة |
تمام .. و محدش إعترض .. بس أنا نفسي أسئلك سؤال .. ليه دايما لما تحصل حاجة تقول دول المسلمين العملو كدا ؟؟؟
سؤال تاني .. انتا عمرك شفت من واحد جارك أو صاحبك أو زميلك و كان مسلم حاجة وحشة ..؟؟ أصل انتا عارف لو إحنا بنكرهكو مثلا .. كنا هنربي أولادنا على إنهم يكرهوكم .. و طبعا عيال صغيرة هتبينلك الكره ده .. لو حطيط الأسئلة دي في دماغك هتعرف إن إحنا مصتقصدناكمش في حاجة وحشة .. و عادي عايشين إخوة مفيش حاجة .. المفروض لو تفهمني مسلمين + مسحيين .. لو أخدنا نص الكلمة دي و نص الكلمة دي هنبقى .. مسلحيين ضد كل من يحاول أن يفرق بيننا و ناولنا شر علشان يضمرنا .. |
اقتباس:
ولا انت شايف ان فى غير كدة بيحصل؟ |
ومين قال مسلم ومسيحى والكلام الفارغ ده ؟
بزمتك انا وانت اشترينا ارض وبنينا عليها وعمرناها وظبطنها من الأخر تيجى انت تعترض فى الأخر على حاجه تقوم مكسر ومعتدى على الأرض ؟ بالعقل انت ممكن تعمل كده ؟ اكيد لأ ومليون لا احسبها بالعقل وكل حاجه هتلاقى ليها اجابه الجيش حاولوا انهم يوقعوا بينه وبين الشعب فى كتير اوى ولما فشلوا واكيد هيفشلوا راحوا عملوا الحكايه دى وخلوا البلطجيه يضربوا ويموتوا فى الجيش عشان الجيش يضرب وتقلب البلد وما ادراك ان الجيش يضرب شعبه وكله مستنى اللحظه دى ثانيا الشهداء الى ماتوا فى احداث ماسبيرو كلهم ماتوا بسبب دهس بالسياره وضرب نار المسحين بردوا هيعملوا كده ؟ بص للعقل وشوف مين الى مستفاد مستحيل انا او انت او اى حد تانى مسلم او قبطى ليه مصلحه يبوظ البلد ارجوكم متسمعوش كلام الأعلام الفاسد الى فى التلفزيون الى لحد دلوقتى لسه منضفش ولو كنتوا بتتفرجوا على الشيخ محمد الزغبى الى بعتبره اسد الأسلام فى هذا العصر وهو بيفضح الأعلام وبيدافع عن الجيش والأقباط من الفعل ده كلامه كان رائع ومقنع للغايه واخر كلامى بصوا بالعقل هتفهم مين ليه مصلحه فى كده لكى الله يا مصر |
تمام اوى كلام حضرتكـ
بس انا عاوز اعرف من حضرتكـ ايه رئى حضرتكـ فى الجنود اللى ملهومش اى ذنب واضربو مش دول شباب زينا يعنى ملهومش ذنب باى حاجه اوعى تقولى لا محدش انضرب لانكـ اكيد شوفت الفيديوهات ع النت مش معقوله يعنى هتيجى تقول محصلشى تانى حاجه انتا بتقول ان الجيش ظالمكم تمام اوى انا هتتكلم مع حضرتكـ ع المدرعه اللى دهست الناس عشان ابقى عادل معاك اهو لو حضرتك متابع سياسه كويس هتعرف ان شباب 25 يناير كانو هناك وصورو فيديوهات للناس اللى خادو المدرعه وكمان مشيو بيها ودهسو الناس وكل الفيديوهات ديه اتسلمت للقوات المسلحه وطبعا عمر القوات المسلحه ما هتنزل حاجه زى ديه وتقول احنا مقتلناش لان ساعتها هيبقى الجيش نفسه هو اللى بيعمل فتنه اخر سوال بقى لو ليك صاحب مسلم او جارك او استاذك او اى شخص مسلم حصل منه اى اجتهاض ليكـ او ما شابه.....؟ يبقى ايه لازمة انكـ تنزل مظاهره باسلحه وتضرب وتخرب هو مش ديه بلدكـ ولا ايه وفى النهايه احب اقول حاجه صغيره نسبة نجاح اى شىء هيا 51 % احب اقولك ان كل ده مخطط من اليهود لعمل فتنه فى مصر ولو ده نجح بنسبة 10 % بس اعرف انهم بعد كده عاملين حساب كل شىء بمعنى اننا لو سمحنا لاى فتنه يبقى اعرف ان مش احنا اللى بنتحكم فى نفسنا لكن ساعتها هتبقى اسرائيل هيا اللى بتتحكم فينا وفى النهايه احب اقول لحضرتك كــــــلـــــــنـــــــا مــــصــــــريــــــيــــــــن وشكرا |
نقطة رجوع ف الاحداث الى فاتت دى طلاما انتو طالعين مسالمين ومعكوش اى شئ كنتوا ع الاقل يا اخى منعت الناس الى كان ف وسطكوا ومعاها الحاجات دى دا لو بتقول مسالمين وانا شوفت فيديوهات امبارح عن كل الى حصل بالظبط ع الفراعين مع الدكتور توفيق قسما بالله جنود الجيش اول مرة اشوفهم ف موقف ضعف دا كان ياراجل المتظاهر يطلع فوق المصفحة ويجيب الجندى وينزلة تحت وينفخوة وكمان قال حاجة بالله عليك لا ترد عليا قال ان الاخوة المسيحين ف تعاليمهم وديانتهم لا يعترفوا بالدين الاسلامى ولا بنزولة اصلا هل دا صحيح ؟ انا مش بهاجمك ولا اى حاجة انا تقربيا 6 من اصحابى من البلد مسيحيين ودخلوا بيتى ودخلت بيتهم وبينى وبينهم عيش وملح بس الى حصل دا كلام فارغ وكان لازم الحق للقوات المسلحة ترد ولما ترد بتوقع ناس ودا الى حصل تحياتى |
اقتباس:
يعني عاوزنا نعمل اية تاني ننزل مظاهرات وناس تستغل الموقف وتموت الجيش تاني يعني |
اقتباس:
بس المظاهرات متبقاش كده معلش يعنى انتو كنتو ماسكين صليب كبير وبتضربو بيه الدبابات والكلام ده على اليو تيوب ده الثوره معملتش كده |
ياجمـاعه الغلط فى الاحداث دى ملهوش علاقة بمسلم او قبطى لأن مفيش طائفية اصلا والاحداث مكنش فيها مسلم بيضرب مسيحى ولا مسيحى بيضرب مسلم الاحداث مع مسئول اقر قرار بهدم كنيسة اية اللى جاب المسلمين فى الرجل دلوقتى ثانيا من حقهم انهم ينزلو فى مظاهرات لو احنا مكانهم كنا نزلنا مظاهرات بس اللى مش من حقهم انهم يولعوها كدة لو حد شاف القساوسة اللى كانو ماشيين فى المظاهرة وكانو بيقولو كلام يولع التلج مش من الحطب مين اللى يحاسب دة لو فية مظاهرة للمسلين وفيها شيوخ سلفيين وقالو نص الكلام دة كانت البلد قامت ومقعدتش المشكلة فعلا فى النظام اللى كان ماشى بقعدة عرب بين الاتنين يقولك دا اخوك معتدش تعمل كدا ومسلم ومسيحى أيد واحدة ويجيبلك شيخ وقس ماسكين فى ايد بعض والمشكلة اساسا متحلتش المشكلة ان مفيش محاسبة فعلية للأتنين لو دا غلط خد جزاءة ودا غلط وخد جزاءة مش هاتحصل اى مشكلة بعد كدة وبعدين يعنى اية اقلية ومش اقلية من امتى واحنا بنتكلم على اقليات من امتى لما بندخل الفصل او المدرج بتاع الجامعه هل بنقول الاقلية الكافرة تتطلع برة متخدش معانا السيكشن دة دا اول حاجة بعملها اول مابدخل الجامعه بسأل على صحابى محمد سامح وليام البرت شريف محمود لو تلاحظو اتنين من صحابى اقباط متربيين معايا من ايام ماكنا فى ابتدائى المشكلة مش فى الشباب المشكلة فى الشيوخ والقساوسة مش هانكر انا احنا عندنا شيوخ عاوزين الحرق بجاز ومش عاوزكم بردو تنكرو ان فية قســـــاوسة عاوزين الضرب بالنار دا يولع من هنا ودا يولع من هنا ومحدش بيحاسب المفروض احكم عقلى ولا اساق ورا كلام قس او شيخ متطرف والاقباط على علم ان الاسلام متسامح والمسلمين اكتر ناس متسامحة وبقالهم عايشين مع بعض فوق ال 1000 سنة اهو ومش هارجع بالزاكرة كتير اخرها ثورة 25 يناير عجبنى مشهد ان المسلمين بيصلو والاقباط حارسينهم والاقباط بيترنمو والمسلمين بيرددو معاهم تحياتى ليك ياصاحب الموضوع الحل فى كلمتين فقط حـــــــــــــــــــــــــــــاسب المخطـــــــــــــــــــــئ |
اخى العزيز مفيس مساجد اعتدى عليها ابدا بس انا بردو معاك لانى كلامك منطقى وصحيح كفاية كراهية ولاكن ليس الكل بهذا المنطق البعض يختلف ولاكن فى الاول والاخر الغلط من الاخوة المسيحين لانكم قمتو بالتعدى على ىالجيش
والجيش كان قادر ان يصفى الناس دى كلها بس الجيش عمل ضبط نفس |
مع الاسف انتو معرفتوش تحكمو المظاهرة وده اتسبب فى بهدلة الجيش الى ملناش غيرو والله نعم هناك مسيحين مسالمين وعلى راسنا ...بس فى برده ناس زى الزفت زى القس الى كان قال انا بحزر المجلس العسكرى انو لو منفذ مطالبنا هو عارف هنعمل ايه(بيهددنا ولا ايه) وواحد تانى يقول ... بيقولو علينا اقلية واحنا اصحاب البلد ديه (وهو احنا ضيوف؟) |
بص حضرتك الفيديو ده
http://www.youtube.com/watch?v=e1LmB-sfUJc |
بصوا يا جدعان مع الاحترام لكل الكلام
بس ايه الرد على فيديوهات الجيش؟ وبكل بساطة ايه يجبر العساكر انهم يضربوا المتظاهرين ليه دايما النصارى واخدين موقف عدائى اى حاجة تحصل ، الحق حلق حوش ! والله بكل بساطة اللى اعرفه ان اللى عايز يبنى جامع ولا كنيسة يبنى معاها مدرسة او مستشفى ونشوف بقا التدبيح اللى بيقولوا انه عشان الايمان والوطن دى خدمة لله والوطن ورونا الشغل يا اللى اسمكو رجالة من الطرفين |
اخي الكرييييم مغاك حق فعلا ان احنا نفكر بعوقلنا ونبطل كراهيه شويه بس انت لو ركزت في الموضوع حتلاقى ان المسلمييين دايما بيقولوا ايد وحده وع بعض وكلنا اخوات ومفييش واحد مسلم بيأذي مسيحي بأي شكل من الاشكال لسبب وحيييييد ان ده دينا مش اكتر لكن في مسيحييين كتييير ومش بقول كلهم فعلا متربييين على ان هم اقليه وان احنا بنكرهم وبنضهدهم مع اننا عمرنا ما كنا كده ولا عملناكم كده احنا فعلااا كلنااا مصرييين واخوات بس انتوا ساعتات بتعوزا انكو تتعاملوا انكم فوق القااااااانون اي حاجه تكون متاحه ليكوا والا تكونا اقليه ومضهدين تبنوا كنيسه في اي وقت واي مكان من غير اي تصاريح قسيس يكون متهم ببلاوي سوده مع ذلك تعملوا مظاهلرات واحتجاجات عشان يطلع من غير مايتحاكم اصلا وحاجات تانيه كتييير فا ياريت فعلا كلنا مسلمين او مسيحين فعلا فعلا نفكر ونبطل كراهيه ونركز عشان نبني البلد دييييييييي
|
بجد كما توقعت ان الردود هتكون في قمة الادب و الاحترام من كل قلبي بشكر كل من رد
وايضا بشكر المشرف الحذف ردود مخلافة ... صدقوني يا جماعة احنا لا بتعامل علا ان احنا فوق القانون ولا غير انا شخصيا بقول. ان الافضل يتم تفعيل دولة القانون بمعني نفرض جدلا ان كنيسة مخلافة هل يصح ان الاهلاي والرعاع هم من يقوموا بهدهمة....لا الدولة هي من تقوم بهدهمة بس هرجع وقول بكل صراحة وبل فوم المليان ان هناك كراهية تجاة الاقباط دي حقيقة لا يمكن ان ننكرة..كراهية مش من جميع المسلمين بلقطع بس من شريحة كبيرة .. يجمعاة ارجوكم بجد ضعوا انفسكم في مكنا من عام 2000 الي عام 2011 اكثر من 150 قتيل من اول حداثة الي وهي الكشح ونتهاء بي احداث مسبيروا |
نفـهم كلامك والله، لكـن هنـاك من يـريد التفرقـة، ومعـك حـق فى كل ما قلتـه :) |
لأ من الأخر البتقول إنو بيكرهكو ده يبقى عبيط .. إنو بيضمر وطنو بي إييدو .. و أظن مفيش حد عايز يضمر وطنو إلا لو كان جاسوس ..
أحداث ماسبيرو أنا شايف إنها غلط .. إنتو نزلتو في مظاهرة كانت الأول سلمية و دي كانت تمام .. مع إني مش عارف أهدافها إيه .. الجيش سابكم و ملمسش حد .. بدأ التطرف من الكانو فيها .. يبقى أي حد فيهم يستاهل ياخد فوق دماغو .. صح ولا أنا غلطان سواء كان مسلم سواء كان مسيحي .. ياخد فوق دماغو.. لو الجيش بيكرهكو مثلا مكنش بنا الكنيسة الإتهدد من كام شهر في 25 يوم .. و أظن الكل عارف .. لكن مش كل كنيسة هيبنيها بردو .. هو مش شركة مقاولات .. إعقلها .. لما تشوف حد بيقول إنو بيكرهكو أو بيعملك وحش .. لكن متفرضش و ما تعممش ولا تقول شريحة كبيرة .. و بردو زي ما في مسيحيين ماتو في مسلمين أكتر ماتو و في أحداث كتير .. و مهما إحنا متنا أو إنتو موتو دي أرضنا و عمرنا ما خهنخلص عكس ما ناس منكم بيقولو .. |
اخي العزيز اشكرك انت على طريقتك المحترمه ثانيا انا مختلف معاااااك جداااا اني في كراهيه بين المسلمين والمسحيين من ناحيه المسلميين عشان احنا كلنا متربييين ان مفيش فرق بين مسلم ومسيحي وصعب جدا انك تلاقى واحد مش مصاحب واحد مسيحييي في شلته او من صحابه بس انا زي ما بقولك في بعض القساوسه بزرعوا روح الفتنه وان المسحيين اقليه والكلام ده وده مش موجوود ثالثا الكنيسه الاخيره مش الاهالى والرعاع الهدوها رابعا انا قلت قبل كده ان الكشح ونجع حمادي مكنتش مشكله طائفيه دي كانت مشكله شخصيه بين عيلتين وبما ان احنا وانتم واحد فعلا وكلنا مصريين مفروض ان اي مشكله بين واحد مسلم ومسيحي منجريييش نقول فتنه طائفيه زي مابيحصل يعني مثلا لو انا اتخانقت في الشارع مع واحد مسيحي والموضوع كبر حيتقاااال ايه .....؟ اكيد ع طول فتنه طائفيه والمسلمين بيتضهدوا المسحييين مع ان في مئات المشاكل بتحصل بين مسلم ومسلم ومحدش بيجيب سيرتها وشكرااا اخي الكريم ع الحوار الراقي
|
تمام يا معلم وربنا كلامك مظبوط
|
بص يا بوب انت بتقول ان شريحة كبيرة من المسلمين بيكرهو المسيحين وكلامى اصاد كلامك فى مسيحين بيكرهو المسلمين وانت تقول ان المسلمين بيربو ولادهم على كراهية المسيحين وانا بقلك ان فى مسيحين بيربو اولادهم على كراهية المسلمين وان هما القلة المستضعفة فى الارض وللرد على الكلام دا انا كنت رايح مع واحد صاحبى اسمو مايكل مستشفى ملحقة بكنيسة فا واحنا راكبين التاكس السواق يبقولى ( انت اية اللى موديك فى مستشفى مسيحى وانت مسلم...روح لدكتور مسلم احسن) انا قلت ( عادى انا بروح للدكتور الاحسن) السواق قالى (يابنى بلاش دا المسيحي يوم ميكون قلبة صافى من نحيتك هيبقى لون الأسفلت دا) طبعا كل دا وصاحبى مايكل موجود انا قلت (النبى صلى الله علية وسلم وصانا خير بأقباط مصر فإن لهم زمة ورحمة) نزلنا من التاكسى وبقول لصاحبى متزعلش ياض دا شكلو راجل عبيط ومش معنا ان فى واحد من فئة معينة وحش يبقى كلهم وحشين صاحبى قالى دا على اساس انى اعرفك من يومين ؟؟ احنا متربيين مع بعض ياض وعيب لما تقولى الكلام دا و استنى عليا بس لما نطلع للدكتور وانا هوريك حاجة فلة المهم وصلنا المستشفى واول لما دخلنا على الدكتور وسلمنا علية سأل صاحبى اسمك اية اسمى مايكل ومين دا اللى معاك؟ دا اخويا المهم و الدكتور بيتكلم مع صاحبى ..صاحبى سئلة اية رأيك فى اللى حصل فى إمبابة؟؟ الدكتور: هما المسلمين كدا ديما همج واغبياء لازم يولعو الدنيا مش كفاية كمان ان دى بلدنا واحنا سيبنهلهم __________________________________________________ _____________________________ بعدها خرجت انا وصاحبى واحنا بنضحك على السائق و الدكتور و سعتها تيقنا ان مش معنا ان واحد من فئة معينة وحش يبقى كل الفئة وحشين وعرفنا ان فية ((((قلة)))) من مسلمين بيكرهو المسيحين وان فى ((((قلة)))) من مسيحين بيكرهو المسلمين بس اكتر حاجة عرفتها ان انا وصاحبى لسة اصحاب وهنفضل اصحاب بإذن الله (((((م____س____ل____م))))) |
كل دة كلاك لكم سعت الجد بناكل بعض
يا ريت نعقل شويه |
حضرتك بوص اقرب مثال المنتدى بتعنا مبجيش اولك انت مسيحى ولا مسلم مسيحى مش هكتبلك مسلم هكتبلك و مش باولك موضوعك وحش علشان انت مسيحى ولا مسلم و حضرتك المشرفين مبيهتموش انت مسلم ولا مسيحى اثبتلك ولا مثبتلكش حضرتك المنتدى ده ذى مصر كده قعدين مع بعض فى سلام و امان احنا الاعضاء هنا فى مصر انت موطن سواء ايه كان دينك مبهتمش انت بتتعمل مع الشخص الى اودامك بس و موضوع ماسبيرو ده فى يد خارجية هتستفاد من الفتنة لو حصلت فى مصر اعدائك على الابواب :usaflag: مستنين اي لحظة ضعف يستغلوها
|
ياجماعة انتو مكبرين الموضوع لية كدة المسلم والمسيحى ايد واحدة بس اية المسلمين الابرار بمعنى المسلمين اللى مخهم حلو وطبعا زى مكلنا عارفين ان البلطجية والجيش ايد واحدة
بزمتكو انتو متعرفوش اللى حصل عشان مشغلين القنوات المصرية روحو اتفرجو شوفو هولندا قالت ان الجيش المصرى اعفن جيش ههههههههههههه معلش ياعنى اللى متعرفهوش ان ربنا بيحب يظهر الحق اتكدب عليكو لان فى فيديو اتنشر واحد كان ماشى بقلم فية كاميرا وصور كل اللى حصل من البداية للنهاية الفيديو دا بيقول اية اولا ان البلطجية دخلو شوارع جانبية والجيش معاهم دخلو العمائر وجابو المسيحين عرفو يمسكو 2 الاتنين دول مؤلكش اطحنو كانو هيموتوا ويعينى واحد بيجرى اتكعبل وقع على وش الرصيف دماغو كانت هتفرقع واية كمان الفيديو كان صوت وصورة الاتنين بيضربو والجيش بيضرب معاهم يحلاوة وكمان فى اتنين بيهدوهم بيقلولهم متموتهمش خلاص كفايا كدة لاحسن حد يكون بيصور ومش هطول عليكو المهم الفيديو وصل لهولندا وكل الدول الاوربية حسب التقارير قالت ان المسيحين على مستوى العالم 3 مليار نسمة المسلمين 1.2 مليار نسمة بزمتكو مش حاسين بالندم على عموم هيا مش فارقة معايا بس حرام اللى حصل وشوفو الجيش المصرى هيتقال علية اية بكرا |
اقتباس:
|
اقتباس:
|
يا جماعه يا ريت لو الموضوع يتقفل
و اللى فى القلب فى القلب ربنا يعدى الايام دى على خير |
احيييييييييييييه
يا جدعان القصة عنف ضد النصارى مش بين المسلمين والمسيحيين هتدخلو الامور فى بعضيها عنف من الجيش ضد المسيحيين بس ده الموضوع اللى نتكلم فيه |
اقتباس:
انا كنت مصاحب 4 مسيجين واحد قفل في وشي الباب التاني شتمني في التليفون التالت خلي صاحبه يقولي متكلمهوش تاني ولا ليك اي علاقه بيه والرابع بقوله شوفت المصيبه بتاعت الاقباط مكنشي قصدي حاجه شتمني وكان هايمسك فيا وكانت هاتبقي خناقه لولا الناس هدتنا بس المشكله في اللي شتمني ده بصراحه كر هت حاجه اسمها مسيحيين |
اخركم علي امريكا وريحونا وارتاحوا اصل انتم في مصر لن ولم تنعموا بالسلام مصر دوله اسلاميه غصبا عن عين اي حد خلقه ربنا
|
بما اننا حندخل فى موضوع روحوا امريكا يا كافرة و روحوا شبه الجزيرة العربية يا بدو فالموضوع مس مستاهل و انا سابوه و انا متأزم يغلق على ما هو عليه لكـىى الله يا مصر |
| الساعة الآن 12:04 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.