|
اعلان حالة الطوارئ فى البلاد عقب اقتحام متظاهرين السفاره الاسرائيليه
اعلنت وزارة الداخلية المصرية اعلان حالة الطواريء مرة اخري في البلاد بالاضافة الي استدعاء عناصر الشرطة وقوات الامن بالكامل والذين قد تم اعطائهم اجازات . يذكر ان اعلان حالة الطواريء يتيح للشرطة المصرية اعلان حالات حظر التجوال وتطبيق الاحكام العرفية في البلاد مرة اخري واعتقال اي شخص مشتبة فية دون ادانة . وقد اكد العديد من ثوار 25 يناير رفضهم هذا القرار الذي سيؤدي الي رجوع الثورة الي الوراء مرة اخري لايام النظام السابق . جاء ذلك بعد افتحام محتجين السفارة الاسرائيلية بالقاهره والقيام بالقاء الاوراق والمستدات والمحتويات الموجودة بها . ------------ http://www.youm7.com/images/NewsPics...3201161482.jpg أعلنت وزارة الداخلية حالة استنفار الأمنى بجميع أقسام الشرطة بالقاهرة الكبرى، نتيجة تطور الأحداث الجارية التى شهدتها البلاد من إشعال النيران فى إحدى المبانى التابعة لوزارة الداخلية، ومحاولة اقتحام مديرية أمن الجيزة. حالة الاستنفار جاءت عن طريق تعزيز التواجد الأمنى أمام أقسام الشرطة الحيوية وقطع جميع الإجازات للضباط والأفراد، تخوفاً من محاولة اقتحام أقسام الشرطة أو مديريات الأمن على غرار إشعال النيران فى مبنى تابع لوزارة الداخلية. -------- وصول طائرة عسكرية إسرائيلية لمطار القاهرة لنقل السفير إلى تل أبيب http://www.youm7.com/images/NewsPics...0091913342.jpg وصلت إلى مطار القاهرة طائرة عسكرية إسرائيلية سوداء اللون، لنقل السفير الإسرائيلى وإجلاء كافة الرعايا الإسرائيليين من القاهرة إلى تل أبيب بعد حادث اقتحام سفارتها. من ناحية أخرى رفض السفير الإسرائيلى الإدلاء بأى تصريحات صحفية خلال تواجده بمطار القاهرة، ورفض دخول أى كاميرات تليفزيونية، وأمر أمنه الخاص بالإشراف على تلك التعليمات. يذكر أن السفير رفض السفر على أى طائرات سوى الطائرات العسكرية الخاصة من أجل تأمين أى مخاطر قد تواجهه أو تعترض رحلته الى تل أبيب . مصدر الخبر الاول مصدر الخبر الثانى مصدر الخبر الثالث |
هو ده الكلام ولما البلد حالها يتعدل يبقوا ينزلوا الميدان تاني |
و فى راديو سوا بيقولك وكيل الوزاره بيقول فى خلال يوم او يومين لو مافيش تهدئه من المتظاهرين هايعملوا حظر تجوال وهايبقى فى عقوبات عسكريه للى يخرقه
صح والله عشان فعلآ الموضوع كبر اوى المره دى اقتحام السفاره ورموا ورق سرى من الشباك وبوظوا الدنيا فيها واصابوا امن سفارة السعوديه وكسرو بعض من ابوابها وحرقوا عربيات امن مركزى وبتاع 500 مصاب من المُجندين كتير يعنى -.- مُتخلفين |
يا عم دوول شكلهم صيااع اعتقد دوول مش الثوار وليه يعملوا مشاكل مع السفاره السعوديه علشان موضوع الحج وهم مالهم وليه عاوزين يتقحموا مديريه امن الجيزه وهم مالهم مش عارف ليه في حاجه غلط ممكن يكونوا بلطجيه متاجرين مثلا صح |
وهم يبدوا بقي حظر تجول محترم واحكام عسكريه ضد البلطجيه علشان غيرهم ما يفكرش يعمل كده وربنا يستر |
هو لازم بكرة الى تسبب فى المظاهرده وهو مش قدها يتحاكم ممدوح حمزة ده نفسى اشوفو متعلق |
بانتو لو حد قرب من المديريه وبادر بإعتداء هم مش هايسكتوا زى السفاره وهاتبقى مجزره انت بتتكلم ازاى
و بالنسبه للسفاره السعوديه لا ماحصلش كده عشان الحج ده حصل عشان العربيات الامن المركزى الى كانت بتعدى من قدام السفاره الاسرائيليه كانت بتنزل بعض الجنود عند باب السفاره السعوديه لحمايتها فدول ضربوا دول ودول دخلوا فى النص وفى الاخر امن السفاره اتعور والسفاره اتشوهت والامن المركزى انسحب |
بجد هتولع
ولله مش هينفع كده الحل الصح يعملو حظر و اليطلع يتظبط صح الكلام ده |
اعتقد كده بقي هنسمع بكره عن حظر تجول ودوول 99% صيع مش ثوار انتو شوفتو عاملين ازاي |
خالينا بئى كده على طول لحد اما الحكومه ديه تصدق ان شعبها مش عبيط..:whip:
|
6ابريل و شباب الثورة معلنين رجوعهم لبوتهم من الساعة 11 يعنى دول مش ثوار دول بلطجية
|
قال الله تعالي
وَإِذَا قِيلَ لَهُمْ لا تُفْسِدُوا فِي الأَرْضِ قَالُوا إِنَّمَا نَحْنُ مُصْلِحُونَ(11) أَلا إِنَّهُمْ هُمُ الْمُفْسِدُونَ وَلَكِنْ لا يَشْعُرُونَ ربنا ينتفم من كل المفسدين |
بجد الى بيحصل ده مهزله انا كنت هناك لحد الساعه 10 كول الالتراس كان هناك وى لما سمعنا خبر ان الناس الى اتسجنت هتخرج بكره كولو مشى وى الثوار بتوع كوا جمعه روحوا الى عمل كدا اكيييييييييد 100% انسان غير عقلى غير مدرك الى هيحصل بس يا رب يتعمل حظر تجول وى يكون بمعنى الكلمه مش الى كان ايام الثوره ده مصلحه منروحش دروس ولا مدارس :soccer_h4h: |
اقتباس:
و الكلام ده من بيان لوزاره الصحه وبعدين اسرائيل مش هبله لدرجت ان هيا تسيب ورق سري و تهرب يعني و بالنسبه لحرق العربيات هما 2-4 بس ولو عملوا حظر حيبقي كوسه و زي المره اللي فاتت اقتباس:
حكومه انتقاليه فاشله بكل المقاييس 9شهور مفيش محاكمات و الإنفلات الأمني لسه زي مهوا مش فالحين الشرطه غير يضربوا الأتراس لكن الباقي ولا كأنهوم موجودين |
والله اللى الشباب بيعملوه ده هو عين العقل احنا هنفضل ناخد على قفانا من اسرائيل لحد امتى
|
شعب عاوز الى يديله على دماغه يمشى عدل والله
الأمن المركزى زى ما هو مفيش حاجه فيه اتغيرت الدوله بايظه محدش عارف يعمل اى حاجه فى اى حاجه الدنيا واقفه نهائى مش هينفع نتحرك خطوه الا بواحد بس الى يمسكنا والدنيا ترجع تانى بقى واحد تبقى كلمته واحده مش زى كل شوية مجلس عسكرى ومجلس طماطم وكل شويه نحذر ومنحذرش والكلام الأهبل ده احنا مش شعب عبيط ينضحك عليه بكلمتين بتوع بلطجيه ومش بلطجيه احنا عاوزين الى ينضفنا بقى بقت حاجه قرف |
باظظظظظظظظظظظت كده خلاص
دى مش ثوره دى فوضه قمة التناقض : ـــــــــــــــــــــــــــــــــــــــــــــ عايزين عداله بس اعدام عايزين دولة قانون بس محدش من الثوار يتحاكم ... عايزين ديموقراطيه بس الى يعارض يبقى فلول عايزين هيبة الدوله بس نلوى درعها بالمليونيات و الاعتصامات عايزين نكون دوله عندها ثقافه سياسيه و الشعب كلة من ساعة الثوره بيفتى عايزين الامن يرجع الشارع و نضرب الشرطه و نهزق اى ظابط. |
هيا البلد ناقصة لأ وريحين يولعو في وزارة الداخلية ي............... على ألي............... ولاد ..............
يعني لما تتحرق الأدلة مبارك وشلتوه هيحكموهم أزين تم الأفراج لعدم أكتفاء الأدلة أمريكا :- سنقوم بالتدخل بحجة عدم جود أمن ( مصر = 2 * العراق ) حسبي الله و نعم الوكيل وشكرا على الموضوع |
خلاص كده البلد هتضيع
الواحد مش عارف يقول ايه السفاره الاسرائيليه اتحرقت و السفير مشي انا مش زعلان ان هو مشي انا زعلان ان كده البلد بتخرب و في اي لحظه لو حصلت حرب مش هنلاقي حد من الاخوه اللي ولعو في السفاره و عايزين يخربوها موجود كل واحد هيروح يقعد جنب امه في البيت و البلد خلاص مش هيكون ليها وجود الحل و انا عارف ان في ناس كتيره هتناقضني في الحل ده بس انا شايف كده و فكر الاول قبل ما تقول 1- اعلان الاحكام العرفيه 2-الشرطه ترجع في كامل قوتها بل و اكثر قوه مما كانت عليه لمواجهة المفسدين و ليس الكل و المصلحين 3-تهدئة المظاهرات و مش كل جمعه هوبا يلا مظاهره:queenie: 4- كل واحد يغير من نفسه وده من وجهة نظري مستحيل ان الشعب يغير من نفسه بالذات لو شعب متعود عل الهمجيه (انا مش بقول الكل لكن الاكثريه) 5- القبض على كل المسجلين خطر و من له قضايا مثل (قتل - اغتصاب )يعدم فورا و بقية القضايا حسب درجتها و حسب احكامها ده اللي انا شايفه دلوقتي و لو حد عايز يجادلني في اطار المناقشه و الاحترام فقط فليناقشني |
حظر تجول يا خرابي
يارب ميحصل انا زهقت من الاجازة |
والله انا كنت ضد موضوع ثورات 9/9 لأن اي واحد مالوش في البتنجان عايز يعمل مظاهرة وخلاص
انا لو مكان وزير الدخلية اجيب الامن يضرب بصواريخ مش برصاص حي عشان هو الشعب عايز كده فعلا قمة التناقض زي ما كينج ستون قال عشان اللي عمل الثورة ن البداية مالهمش لا في سياسة ولا بطيخ هما عايزين يشيلوا النظام وخلاص ده على ايام الرسول لما مات اختاروا اللي يحكمهم على طول اللي هو سيدنا ابو بكر بس احنا عشان مفيش علم ولا فكر عايزين يبتدوا بالحكومة ومجسلين كان لازم يختاروا اللي يحكمهم على ومكانش حصل كل الهبل اللي حصل ده |
والله عندهم حق
|
اقتباس:
اقتباس:
اقتباس:
1-انت عارف لولا اننا في منتدي محترم كنت قولت كلام مش كويس يا عم انت وهو هي ايه الخلينا كده علي طوول يعني انت كده فرحان لما تتهزق والعالم يتفرج عليك علشان شويه بلطجيه صيااع 2-وانت بتقول معاك معاك ايه يا عم اتقي الله انت عاوز البلد تبقي حرب اهليه 3-شباب ايه وعملوا ايه وهو ده عقل انت مش مكسوف لما تقول كده ده اسمه تخلف او عبط لما شويه عيال صييع يذربوا الامن وعاوزين يقتحموا مديريه امن الجيزه يبقي يستهلوا ينضربوا بالنار وهو انت علشان تاخد حقك تفرج العالم كله علينا وعلي الصييع اللي كانوا موجودين انت شكلك مش متابع كويس وببتكلم من غير ماتشوف حاجه يا محترم مكانش فيه ثوار دوول عيال صايعه وعيال صغيره واللي لابس فانله حمالات واللي عريان دول شويه بلطجيه واللي يدل اكتر ان مكانش فيه بنات ولا عواجيز زي ايامك الثوره اتقوا الله وانت بتتكلموا واعرفوا قبل ما تتكلموا وفي الاخر يقولك اصل الحكومه ضربتنا والحكومه مش عارف ايه حسبي الله ونعم الوكيل |
اقتباس:
علشان الناس كانت زعلانه من الحكومه الاول لكن ده صفه في بعض الناس لازم ياخدو فوق دماغهم علشان يمشوا عدل اقتباس:
عندك حق اقتباس:
لا مش للدرجه دي لو كانوا عاوزين يحتلونا كانوا عملوها من زمان ايام الانفلات صح ولا ايه وصدقني الشعب المصري مش زي اي حد هم يخافوا اقتباس:
عندك حق وياريت ده يحصل اقتباس:
ما هو المشكله كلهم عيال علي شباب وخلاص كفايه مظاهرات و في ناس طمعانين في مراكز وكل شويه جمعه مش عارف ايه حسبي الله ونعم الوكيل اقتباس:
ممكن توضحلي ازاي عندهم حق |
صح كده مخالين مصر شكلها زباله ياريت يمنعوا المظاهرات اللي ملهاش اي لزمه دي والجيش ينزل ميدان التحرير ويعتقوا اعضاء 6 ابريل العملاء ويظبطوا اي حد ينزل اي مظاهره اعتقال وبهدله علشان الشعب المصري ده تديله علي دماغه يسكت
|
من الاخر حريه المظاهرات السلميه والى حصل امبارح دا مش سلمى يبقا كدا تمام وربنا ياخد كل الى عملوا اى حاجه امبارح
|
هههههههههههههههه
جاء ذلك بعد افتحام محتجين السفارة الاسرائيلية بالقاهره والقيام بالقاء الاوراق والمستدات والمحتويات الموجودة بها
|
بيان الداخلية صحيح 100%
المجندين اكتفوا بالقنابل المسيلة للدموع ، ضد المولتوف والطوب والزجاج اظن الناس دى حقها تدافع عن نفسها وهو المجند ذنبه ايه تجنيده جه فى الداخلية "بأى ذنب قتلت" |
شكرا علي الخبر
|
خربت البلد مش هتنعدل بقي ولا ايه
|
| الساعة الآن 01:23 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.