|
¤۩۞۩¤ مستشارك النفسي (خد راحتك عندنا ) ¤۩۞۩¤
http://img810.imageshack.us/img810/7859/30502298.gif
http://img84.imageshack.us/img84/8903/289125723s.gif اليومين دول لاحظت على اغلب الاعضاء الضيق والهم والكرب والواحد عشان يفرج عن هموا بيحتاج يحكيها عشان يحس بالراحة وهنا جه دور العبد لله http://img109.imageshack.us/img109/3...sp3ffdfgty.gif معاك الدكتور : DeViL_MaSTeR هيحللك كل مشاكلك http://img231.imageshack.us/img231/2309/434373.jpg متخصص في كل المشاكل : نفسية - شخصية - عائلية - عاطفية قول اي حاجة ولو محرج ابعتهالي في رسالة خاصة وهبقى انسخها واحطها في كود اقتباس وهتشوفها هنا في الموضوع وحلها ومحدش هيعرف حاجة غيري http://img809.imageshack.us/img809/1...ratanp3591.jpg http://img14.imageshack.us/img14/747/image003ve.png فريق العمل عشان انا مش هشتغل لوحدي http://img690.imageshack.us/img690/8786/2802741020a.jpg 1-y0y0lgen 2-........................... 3-........................... 4-........................... ولسه اللي عايز ينضم يبعتلي رسالة وهحطوا في فترة اختبار ولو نجح هيكمل ان شاء الله http://img109.imageshack.us/img109/3...sp3ffdfgty.gif القوانين : 1- ممنوع الاسبام 2- ممنوع الفرانكوا 3- بعد متقولي مشكلتك لما توصلك ابعتلي عالزوار انها وصلت عشان مش عايز لخبطة 4- بالنسبة للي عايزين ينضموا لفريق العمل لاتقل المشاركات عن 500 مشاركة عشان تبقى متفاعل عايز تفاعل واقبال كدا عشان تتفتح نفسي http://img835.imageshack.us/img835/4...7d9f546142.gif |
بــنــام الصبح و بصحى بليل
و مخنوق من الحكاية ديه ... أعمل ايه؟؟ :yinyang: |
اقتباس:
في اسبااب طبعا تخليك تصحى بليل اولا المسلسلات والافلام ودي بتتعاد الصبح او شوفها من على النت ثانيا الكومبيوتر ودا تحددلو وقت معين عشان تفتح فيه وكدا وخلي حد رقيب عليك ثالثا ظبط يومك بمعني انك نفضل يوم كامل مطبق لحد ما يجي الساعه 8 او 9 بليل ونام هتتعود يوم بعد يوم تنام .10 .11 .12 وتصحى بدري انا جربت لحكايه دي ونفعت معايا |
1/ ممنوع الأسبام والا سيغلق
2/ اى حد هيرد خارج نطاق الموضوع هيتمسح الرد 3/ بالتوفيق 4/ يثبت يومين ونشوف التفاعل |
انا نوعا ما مكتأب , حاسس ان مافيش حد فعلا بحبو , صحابي معظمهم مصالح , حتي اهلي بيكرهوني , للأسف كرهت بلدي , كل حاجه ضلمه , عايش تحصيل حاصل
|
انــا يقعد فــى البيـــت مش بعــمل اى حاجه غير انى اقعد ع الكمبيوتر او اقرأ قران و حــاس اننــى زهقـــــــــان جدا:( مش عارف اعمــل ايه |
هذه المشاركة كتبت بواسطة superman619
اقتباس:
بالنسبة للاصحاب بتوع المصالح دول بتوع الميل اللي انت مقابلتهومش خليك مع اصحاب المدارس او اصحابك اللي بتقعد تتكلم معاهم هتحس براحة كبيرة وانت بتحكيلهم عن نفسك هذه المشاركة كتبت بواسطة mysterious اقتباس:
اولا: تتدرب في نادي كورة او سباحة اللي يعجبك بس تكون حاجة بتهتم بيها وهتسيب البيت عشانها ثانيا: تخرج مع اصحابك انت اكيد ليك صحاب بتخرج معاهم اخرج معاهم واتفقوا على مواعيد وكده ثالثا : وده الاقتراح اللي في بالي بما اننا في شهر رمضان حاول تحضر صلاة الجماعة كتير يعني متصليش في بيتك هتزهق صلي جماعة كدا اهو بتروح عن نفسك ممكن تعمل واحد من دول او التلاتة براحتك يعني ملحوظة : يا شباب اللي اقولوا على حاجة يعملها مش يقرا وخلاص |
طب انا ليا واحد صاحبي من الطفوله من بتاع واحنا عندنا 5 سنين كدا دلوقتي الحمد لله احنا كل واحد 17 سنه حلو الواد ده بقي يعتبرني صديق العمر و انا كمان بعتبره كدا بس بعد ما صاحبت ناس تانيه غيره و بقيت بخرج معاهم و نصيف مع بعض و كدا حسيت بكتير انهم احسن منه و هو كل شويه يقولي انت بتفضلهم عليا و بعدين يطلب مني اني اخرج معاه ولا حاجه الاقي نفسي ماليش نفس اخرج معاه يقوم هو يقولي اه ماهو علشان بتخرج معاهم ماهما احسن مني وكدا لحد ما انا اتخنقت منه خالص غير دا كله انه بتاع مصلحته لدرجه جامده يعني في واحد من صحابي الجداد دول معاه في اللجنه بتاعت الثانويه العامه و هو مستواه علي قده شويه فا يبقي زعلان مني مثلا بليل علشان بكون معاهم و كدا و الصبح ساعه الامتحان يجيلي لجنتي و يقولي معلش خلي صاحبك اللي معايا يزبطني في اللجنه وكدا طبعا بيكون ردي اني بقوله مليش فيه لاني ببقي متخانق معاه بليل و الصبح يجي يكلمني علشان المصلحه فا بحرجه احراج جااامد و بعدين طلعت النتيجه جبت انا الحمد لله 96 و هو جاب 80 و صاحبي اللي معاه في اللجنه ده جاب 96 برضه فا زعل مني و بيقولي انت كنت بتذاكر ومش بتقولي مع اني فعلا ماكنتش بذاكر بس شديت اخر اسبوع والله مش عارف بقي اعمل ايه مع الواد دا معلش بقي طولت عليكو:kissing: |
اقتباس:
كان في اتنين اصحاب من صغرهم كانوا دايما يخرجوا مع بعض ويعملوا حاجات جنونية لدرجة انهم بقوا اشد من الاخوات واحد منهم اضطر يعزل ويسافر وزعل عالموضوع وكان متضايق وقعد بتاع خمس سنين مشافوش بعض لحد ماجه صاحبوا ليه زيارة كان صاحبوا ده لعيب كورة محترف وبياخد بطولات وبقى مشهور صاحبنا اللي سافر فرح اوي بيه وحس ان الفرحة رجعتلوا ( مع العلم بانوا اتصاحب على واحد تاني وبرضوا بقوا اصحاب ) لعيب الكورة ده بقى قعد يحكيلوا عن بطولاته بقى وكدا بس صاحبنا اتعلق بيه لدرجة انو نسي صاحبوا الجديد وفي مرة كان عايز يروح حفلة وعرض على صاحبوا الموضوع وافق بس لما قالوا ان رسوم الدخول 50 جنيه مرضيش قالوا هاخد الفلوس اخر الاسبوع قام قالوا خدها من ابوك وابقى رجعها تاني برضوا مرضيش المهم هو راح لوحدوا الحفلة بس اليوم التالي لقى صاحبنا ان ابوه اتاخد منوا 50 جنيه فعرف ان صاحبوا بتاع الكورة ده هو اللي خدها فحب يضحك عليه فقالوا انت اللي اخدت ال50 جنيه قالوا لا قالوا طب شريط بتاع الكاميرات اللي بتصور اهي فيها كل حاجة قام مسكها كسرها قالوا مش ده الشريط الحقيقي وكل ده بيضحك عليه بس في الاخر عرف من هما الاصحاب الحقيقين الحكمة من كل الهبل ده : ان الصاحب اللي بجد يفرح لصاحبوا لما يفرح ويزعل لما يزعل ودايما يبقى خايف على مصلحتوا ومعنى انو صديق العمر مش معني ان انت متتيحش الفرصة للاصحاب الجداد لازم تقولوا في وشوا انت لو صاحبي بجد هتخاف عليا وتزعل لزعلي وتفرح لفرحي مش عشان جبت اكتر منك في امتحان تتقلب عليا ولازم يبقى فيه اصحاب كتير متقتصرش حياتكط كلها على صديق واحد اتمنى مكونش طولت عليك انا :jump: |
انا حاسس انى مخنوق من كل حاجة و بزهق بسرعة من اى حاجة لما بتفر على التليفزيون شوية بزهق و بقفلو و على الكمبيوتر نفس الكلام مش لاقى حاجة جديدة اعملها
|
اقتباس:
بص يا استاذ انت عندك 3 حلول اولا: تتدرب في نادي كورة او سباحة اللي يعجبك بس تكون حاجة بتهتم بيها وهتسيب البيت عشانها ثانيا: تخرج مع اصحابك انت اكيد ليك صحاب بتخرج معاهم اخرج معاهم واتفقوا على مواعيد وكده ثالثا : وده الاقتراح اللي في بالي بما اننا في شهر رمضان حاول تحضر صلاة الجماعة كتير يعني متصليش في بيتك هتزهق صلي جماعة كدا اهو بتروح عن نفسك ممكن تعمل واحد من دول او التلاتة براحتك يعني |
انا دايما باجل المذاكرة وبخليها لاخر وقت كل مرة بقول الترم اللي جاي هبداء صح وهذاكر من الاول بس موش بيحصل وطبعا باشيل ماده او 2 وموش لاقي حل مع نفسي وكمان لما مادة بترخم بسبها وبراجع من ملازم يعني مثلا سياسة /اقتصاد بسبهم خالص واجلهم لحد الامتحانات .
ملعش الجزء ده سؤال رخم : ممكن اعرف الرد بيكون علي اي اساس ولو علمي ممكن اللي يرد يقولي بيدرس اه اسف لو السؤال رخم . اسف علي الاطالة شــــكرا |
اقتباس:
نبتدي في مشكلتك انت بتقول كدا لكن جواك انت مش عايز كدا عشان بتلاقي اللي يشغلك بص فيه اختيار بس فيه شوية قسوة حاول تخلي اهلك يفكوا الكمبيوتر خالص ويشيلوه طول وقت الدراسة وحاول تقلل من الخروج مع اصحابك وتحط هدفك قدامك انت عايز تجيب تقدير عالي يعني هتجيب تقدير و تصمم من جواك وكل شوية تقول هما كام اسبوع واخلص هانت وكدا وتشجع نفسك وحاول تبعد عن الاصحاب اللي بيشدوك للخروج وكدا قولهم سبوني السنة دي وكدا ومهما قالوا عليك متهتمش انت حاطط هدف جواك لازم تجيب ماهو طه حسين كان اعمي وبقى عميد الادب العربي ازاي عشان حط اهدافوا من صغره ولعلمك انا لسه مدخلتش الجامعة :yikes::yikes: |
انا بجد كرهت نفسي ومش عارف اعمل ايه والسبب : (( والدي )) اولا معاه فلوس كتير جدا واللحمد لله بس بخييييييييل جدا ومعاملته معي سيئة جدا الا لما يعوز مني مصلحة ومش عارف ايه الحل معاه ازا كان علشان فلوس بعملي مشكلة اعمل ايه وعلى فكرة كل اهلي بيكرهوه ومش بيديني اصرف على اللعبة ): |
انا مشكلتى ان عندى صاحبى احنا اصحاب اكتر من 8 سنين بس المشكلة بقى غلس جدااااااااااااااااااااااااااااااااااااااااا و بيفتكر انه لما بيغلس علينا كدا انه بيبقى ظريف و انا قلتله كتير ان ديه غلاسة مش هزار و بردو كل يوم بيزيد غلاسة و مينفعش اقطع علاقتى بيه عشان احنا اصحاب من زمان و مع بعض فى نفس الشارع
انا عايز اعرف اعمل معاه ايه عشان يبطل |
اقتباس:
اولا معلش اني مدخلتش اليوم كلو ^^ ثانيا حل مشكلتك دي : يمكن يكون ابوك مش حاسك راجل اودامو عشان يثثق فيك ويديك فلوس !! انت ممكن تكون بتحسسو انك مش بتحبو او بتعاملو بطريقه مش حلوه انت تتأكد أزاي ان والدك مش واثق فيك زي ما قولتلك لو كان والدك بيصرف على البيت كويس وبتاكلو حلو وبتشربو حلو يبقى الحمد لله المشكله من عندك ويمكن انت تكون حاسس ان اهلك بيكرهو ابوك عشان انت مش بتحبو اوي وطبعا مش هيديك تصرف على اللعبه عشان كل الآباء كدا ^^ |
اقتباس:
عادي والله مفهاش حاجه هيا مرحله عمريه وهتعدي بيكو شويه ف شويه وهيبقى عادي جدا انا ليا صاحبي كدا بقينا ولا نعبرو بالغلاسه دي بقى يبطل وكل ما يكبر اكتر هيتعدل اكتر |
اقتباس:
اكل وشرب والذي منوا مش ناقصنا حاجة اللحمد لله بس انا عاوز جهاز كمبيوتر جديد مش راضي وعلى فكرة مفيش غيري بيشتغل بالبيت ( شغالة يعني ) ^^ وبالنسبة للعبة انا قولتوا اديني مصروفي وملكش دعوة ومع كدا مش راضي وبالنسبة لاهلي بيكرهوه زي بالظبطت وكلنا عارفين كدا |
اتفضل يا عم الدكتره
1- علي طول قرفان لدرجه اني بنام ل 15 ساعه و انت طالع 2- مش بعمل حاجه غير اني اصلي في المسجد و اقراء قراءن 3- مليش اصحاب هنا خالص لأن مفيش حد في سني .... 4- مش بلاقي حد اتكلم معاه .... 5- قرفت من كل حاجه النت و كله .... كفايه كده :mad2(1): |
طيب منا بقولك هوا مش واثق فيك ومعندوش اعتقاد ف اللعبه خالص
ومش واثق في ارائك حاول تحسسو انك راجل قدامو وقد المسئوليه وتعرف تصرف فلوسك كويس |
اقتباس:
2-احمد ربك 3- كل الناس هنا في سنك مش لازم يكون 17 المهم المرحله العمريه (15-16-17-18) 4-لما انت تتكلم مع حد الاول هتلاقي 5-نزل العاب وجيمز سلي وقتك شويه |
اقتباس:
( مثل الذين ينفقون في سبيل الله كمثل حبه انبتت سبع سنابل في كل سنبلة مائة حبة ) يعني اللي بينفق المال بيرجعلوا مش بينقص والله يضاعف لمن يشاء |
اقتباس:
1- مفيش حد معايا غير والدي و من الشغل للبيت و مش بيعد معايا كتير 2- طبعا بحمد ربي 3- هنا فين ؟ انا مش في مصر و الي في سني مش بيتكلم مع حد اصلا و لا حتي السلام .... 4- انا هجيب الحد ده منين ! 5- معنديش اكتر منهم بس بردك قرفان معلش طولت شويه .... |
انا عندى مشكلة تانية
انا عندى اصحابى فى المدرسة بحبهم اوى فى المدرسة بنهزر مع بعض بس بحس انهم مش مهتمين بيا ولا بيعبرونى و كلامنا مع بعض قليل هما صايعين شوية هو لازم ابئا صايع و ابئا زيهوم عشان يرضو يكلمونى احنا بنهزر مع بعد كتير فى المدرسة لكن سعات بحس كدا ....(للعلم انا مبحبش ابئا صايع و اقول كلام قليل الادب )........ايه الحل |
أحـس بالتقصيـر فى قيـام الليل |
هقولك على حاجه انت تحمد ربنا انك متدين كدا
تاني حاجه انت قاعد مش في مصر بس عندك النت طريقه للتواصل او كلم صحابك على التليفون او اتعرف على ناس هنا في المنتدى |
وليس لـى أصـدقاء ولم أجـد غير أصحـاب السـوء فابتعدت عنهـم |
اقتباس:
لو الحل مش مناسب اعذرني عشان تعبان حبتين وعبدو بياكل |
انا بقى مشكلتى انى معنديش اصحاب خالص وزهقان بطريقة مفزعة و حاسس دايما بالنقص :rm_sperm: اهلى دايما شايفنى بلعب سيلكرود طبعا الكلام اللى كلنا عارفينة انتا مالكش لازمة وفاشل بالرغم انى جايب فى تانية ثانوى 91 % ادبى وعايز ادخل تجارة انجليش واهلى مش راضيين بيقولولى ادخل سياسة واقتصاد بالرغم انى لسة داخل تالتة ثانوى . معلش هطول عليك ثالثا انا حاسس ان مفيش حد من اهلى بيحبنى كانى لقيط جاى من الشارع بابا مدير نادى طنطا الرياضى اشهر من نار على علم وعندنا محل سيارات وبتحايل علية من يوم ما النتيجة طلعت انه يجبلى موبايل سامسونج ستار ومش راضى بالرغم ان انا اخويا جاب فى تالتة ثانوى 75% وجابله سيارة هيونداى فيرنا والله بالرغم انه اهبل فى السواقة اخويا دلوقتى طالب فى الكلية الجوية يعنى هيبقى طيار اعقبالكوا وبيصرف عليه الوفات واخويا راضى ومدينى مفاتيح السيارة وبابا مش راضى اسوقها وده كله ومش عايز يجبلى الموبايل :drunk:
|
والمشكلة التانية انى طبعا اغلب اللى فى عمر 17 سنة كل واحد مانتملى مع بنت انا بقى مبعرفش اتعامل مع الجنس التانى خالص ونفسى اشوف حد كده احس بالراحة معاه ومش لاقى :sweatdrop2::blush-anim-cl:
|
اقتباس:
ثانيا : بالنسبة للاصحاب انت اولا تحمد ربنا على انك سبتهم في ناس مبتقدرش تسيبهم ويدمروا للناس حياتهم - مشكلتك دي عاملة زي مشكلتي لما عزلت وانتقلت للجيزة حسيت اني مش هلاقي اصحاب خلاص اللي هروحلهم دول هيستحقروني عشان جديد ومش معاهم من صغرهم وكدا ولكن بفضل الله بقى عندي اصحاب كتير ومش اصحاب سوء - مفيش حاجة اسمها مفيش غير اصحاب السوء الكويس موجود والوحش موجود هتلاقي ان شاء الله بس انت استعن بالله |
اقتباس:
وانت شايف ان اخوك مش احسن منك لأن ده بيبقى شعور اي حد بالنسبة لموضوع الجنس التاني : حاول تبقى على طبيعتك متتوترش خليك عادي واهتم بلبسك ومظهرك دي اهم حاجة و موضوع مش لاقي حد تحس معاه بالراحة برضوا الموضوع ده بيجي فجأة مش انت اللي بتدور على واحدة تأنتم معاها |
اقتباس:
ان شاء الله حعمل كدا واشوف حاله حيتغير ولا لا شكرا ليكم وبالتوفيق بالموضوع ان شاء الله |
اقتباس:
|
وقت المذاكرة بنام ومش بقدر اعمل حاجا اما اقعد على الكمبيوتر عنى مش بتتقفل عايز حل عشان اقعد على المذكرة |
اقتباس:
يارب اكون افدتك |
انا سعات بعمل حاجات غبية جدا جدا !! بس من غير ما احس ممكن اعرف ده مرض ولا ايه ؟؟ :whiteflag: |
ياريت اشترك معاكوا فى حل المشاكل ؟
|
برده مادتنيش حل , انت شرحت الموقف بس مأدتنيش حل عملي :)
|
اقتباس:
يا ريت صاحب الموضوع يسمحلى ارود على مشاكتك دىو لو لقى فى حاجه يزودها يا ريت يذيدنا اولا ناخد حاجه حاجه مكتأب : بص يا صحبى الاكتئاب عمتا بيجى من ( القعده لوحدك - التفكير الكتير - التفكير فى المشاكل - و انا شايف من شخصيتك انك سياسى شويه او بتفكر ذياده عن اللزوم فى حال البلد و حال كل شى حواليك ( يعنى انسان ايجابى ) بس انصحك ماتغوطش فى التفكير ده او تحاول انك تمنع مخك شويه من التفكير وتعطه فتره راحه بعمل اى شى يلهيك عن التفكير الشديد فيما حولك ( يعنى تنزل تخرج - تكلم حد بتحبو قوى او حد بيحب يسمعك -- اقولك فكره انا عن نفسى مجربها - ساعات ادخل على الفيس و اختار اى بنت ( بنت بجد ) و اقولها انا هقعد اتكلم معاكى و بعدين امسحك من الفريند و ياريت مش تقاطعينى و يا ريت بردو تحاولى تتطلعى الكلام كلو من جوايا ) الموضوع ده فيدتو انى برتاح انى قولت كل الى جوايا و كمان مش حد يحاسبنى على الكلام و كمان مش حد يكون عارفنى لدرجه انو يمسكهالى زله بص يا شريف انت اجتماعى يعنى لو قاعدت جنب واحد و ابتدى يحكى معاك بتحكى معاه ولا بيتقول ايه الراجل ده خنيق جدى و شويه و تقولى معلش عندى حوار اى حاجه لو انت كده حاول تشوف مين بيحبك و ده بجد هيكون الانسان الى ممكن تعطيله حبك و انك تحبو وتخاف عليه ( صاحبك - صاحبتك - واحد قريبك مش رخم - خالك الصوغير - اى حد ) صحابى معظمهم مصالح :: بص يا ريس انا قولك حاجه الصحاب اليوميين دول 1- صاحب نت ( شات و كلام من ده - اصحابك فى السيبر و نوعا ما بيكونو معاك فى السيبر بس ) 2- صحاب الدراسه ( و دول لو مش ساكنين جنبك هتبقى هتشوفهم مواسم ( موسم الدراسه و بعدين مش هتشوفهم تانى ( حاول تخلى علاقتك معاهم بعد المدرسه او الجامعه مستمره * 3 - صحاب المنطقه الى انت ساكن فيها و دول اهم اصحاب ليك الى انت ديما معاهم و ديما وشك فى وشهم حاول تتعرف على واحد كويس فيهم و هو هيعرفك على ناس كويسه بردو و لو انت شخصيتك قويه اتعرف على واحد انت شايفو ينفع صاحبك حتى لو مش كويس و انت ابتدى صلح منو و الى يعوز منى مصلحه :hunter: و اسيبنى منو وحاول تختبر اصحابك دول مصالح ولا لا اهلى بيكرهونى بص يا سيدى انا ركبت مع سواق تاكسى عندو 90 سنه حاجه زى كده و جالى تليفون من والدتى و اتعصبت و قفلت التليفون و كان باين قوى عليا العصبيه راح قالى يابنى بص اخواتك و ميسيرهم فى يوم هيتخنقو معاك علشان الميراث مراتك ممكن فى يوم تخونك و لو جبت عيال هتحب عيالك اكتر منك صحابك دول بقى كل واحد و ليه يوم و يتجوز و يبقى ليه حياتو ( الدنيا تلاهى ) حبيبتك دى بقى انت فاهم البنات زى البطيخه ابوك و امك : دول الوحيدين الى هيخافو عليك و يسالو عليك حتى لو كانو بيخنقوق مش بيدوك فلوس مش بيعملو اى حاجه فى حياتهم غير انهم يقرفوق و لو فكرت كويس انهم بردو عملو 1000 حاجه فى حقق كويسه و تساعدك و تسعيدك بس افتكر كويس هم بيعملولك ايه موضوع بلدك دى كرهتها انا مش معاك بص يا عمى البلد حالها اتغير و كلو بقى يتكلم من الكتكوت لى الصعيدى ابو نبوت مش فى حد بيقول حاجه صح او حاجه غلط استنى و انشاء الله حال البلد هيتعدل و ان شاء الله الدنيا هتتعدل تحصيل حاصل : انت سنك كام سنه ؟؟ لو اكتر من 14 انزل اشتغل اى شغلانه امسك شيفت فى سيبر فى سوبر ماركت ( مع العلم انك مش عاوز فلوس الشغلانه دى بس هتعرف ايه فايدت الشغل لما تشتغل وتجيب القرش و هتعرف انك كده بتخدم نفسك و بتصرف على نفسك و بعد كل ده اول حاجه صلح علاقتك مع ربنا انا اعرف ناس غنيه و عايشين مرتاحين وابوا بيعاملهم كويس وكل حاجه تمام لدرجه ميعرفوش مين الريس دلوقتى بس علاقتهم مع الله مش قد كده فا بيحسو بالاكتئاب تفبل مرورى اخوك يوسف و معلش طولت عليك اوووى :) دا كانو موضوع انشى |
| الساعة الآن 01:25 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.