|
يا خرابى لزيم تدخول بجد عشان مصر : أقباط المهجر يقدمون طلباً رسمياً للكونجرس لفرض ال
قدم وفد من أقباط المهجر المقيمين بالولايات المتحدة الأمريكية، طلباً رسمياً للكونجرس الأمريكى والأمم المتحدة والفاتيكان، لفرض الحماية الدولية على مصر.
وذكرت الجمعية الوطنية القبطية الأمريكية فى بيان لها، أن هناك وفداً تم تشكيله برئاسة القمص مرقس عزيز-كاهن الكنيسة المعلقة بمصر القديمة والذى غادر البلاد- وأن الوفد سلم خطابات فرض الوصاية، حسبما نصت القوانين والمواثيق الدولية. وذكر البيان أن المجتمع الدولى أبدى ارتياحه الشديد للطلب والأسباب القانونية الداعمة لطلب الحماية الدولية. وأكد البيان أن الوفد حمل على عاتقه التواصل مع كافة الجهات الدولية، لدعم طلب الحماية الدولية، ووضع خريطة عمل لنظام الحكم لكل الأديان والطوائف، لتحقيق المساواة الكاملة بين المواطنين، ومنح السلطات 6 أشهر لإقرار الأمر، وفى حالة الرفض تقطع كافة المعونات عن النظام الحاكم فى مصر، ويمنع الطيران ويوقف توريد السلع الاستراتيجية لمصر ويوقف تصدير الإنتاج المصرى للخارج. وأكدت الجمعية أن طلب فرض الحماية على مصر، يأتى تحقيقاً لعدة أهداف، منها الفصل بين الدين والدولة واستبعاد المادة الثانية من الدستور، التى تقول إن الشريعة الإسلامية مصدراً رئيسيا للتشريع، وإعداد لجنة لوضع دستور جديد فى البلاد قبل الانتخابات التشريعية، وإضافة مادة بالإعلان الدستورى لتسهيل قيام الأحزاب الجديدة، وتقديم الجناة الذين تسببوا فى الأحداث الطائفية إلى العدالة، وإصدار تشريعات تكفل حرية العقيدة ومنع التمييز والتمثيل العادل للأقليات فى المناصب الهامة، والإسراع نحو إصدار تشريعات لحرية بناء الكنائس. http://www.youm7.com/News.asp?NewsID...D=65&IssueID=0 |
عايزين الصراحه ؟ انا معاهم
عارفين ليه ؟ عشان المسيحين مش واخدين نفس الحق بتاع المسلمين مش لازم يكونوا اكتر من المسلمين عشان تبقى دوله تحترم وتدى الحق لكل الاديان حتى لو نصاره , ممكن نفضل زى ماحنا بس اما واحد مسيحى يعمل مشاكله يتعاقب, واما مسلم يعمل نفس المشكله يتعاقب هو كمان لكن مش اما مسيحى يعمل مشكله يقولك فتنه طائفيه ومش بعيد ينضرب بالنار, لكن لو مسلم عمل خناقه بسيطه مع مسيحى يقولك المسيحى الى غلطان عشان هو متعصب مع ان العكس صحيح فى تقدم اهوه ... ربنا يسهل ونشوف ايه هيحصل |
سبحان الله انا لسه كنت بعمل الموضوع ده :D عادي يا باشا و شكرا للمعلومه :icecream:
|
اقتباس:
كون ان المصريين جميعا يتساوو دا مطلوب لكن تقولى الحماية على مصر؟ انت تعرف الحماية ... يعنى وجود قوات ويبقا الحكم كلة اجنبى انت عارف معناه اية على مصر ومع احترامى ليك ... أى حد يطلب الحماية على مصر يبقا خاين المسيحين لازم ياخدو حقوقهم كاملة ومحدش يقدر يمنعهم لكن كون ان الحماية تبقا على مصر دا مستحيل وان كان في ناس بتوافق هتلاقى ملايين رافضين وانا منهم ... ومستعد انى اموت وادافع عن استقلال مصر ... مش انى اوافق على الحماية بصراحة انا متعصب ضد اى حد يفكر لقول الحماية ... وان شاء الله المسيحيين هياخدو حقهم تالت ومتلت على رأى المثل ومفيش حد هيقدر يمنعهم .... وانا هحارب اى حد يرجح فكرة فرض الحماية على مصر انا مصرى ومستعد اموت لترابه علشان يبقا حر |
اقتباس:
الراجل قال الي فيها و زياده قال حمايه قال :mf_laurelandhardy: |
سبحان الله
|
اقتباس:
لا يا هوارى مش هتوصل لحمايه اكيد المجلس العسكرى مش هيوافق حتى لو بقطع كل العلاقات بامريكا والمعونات والكلام الفاضى ده حتى المسيحين نفسهم هيرفضو فكره الحمايه بس هيقفوا مع ان حقوق المسلمين والمسيحيين تبقى واحده منه لله ساويرس ال*** هو الى عمل الحوار ده هو الى قال الماده الثانيه من الدستور تتشال |
يا صحبى انا مسيحى وفعلا حقوقنا مهضرة فى بلدى حضرتك انا مش قادر اوصفلك الى بتتعرضلة اختى وامى وهما فى الموصلات من سب و تلاقى واحد يطلع يقول استغفر الله العظيم اول لما يشفهم لية يا جدعان هو احنا يهود ولا اسرائلين والى يقول اية يا فجرة اللبس دة مع انهم مش لابسين لبس ضيق او كدة لكن كل الى فيها انهم شعرهم باين و الكنايس الى بتتهاجم والى والى كلمة اخيرة ربنا يحمى مصر ويفوق اهلها الى ماشين ورا اسرائيل من غير لما يعرفو هتقولو ازاى هقلكم انتم فكرين الفتنة دية من الى بيولعها مين الى كل شوية نمسك جواسيس منهم فى بلدنا يا ناس فوقو الشعب القبطى فى مصر مش حاسس بى الامان الى كنا حسين بية الاول عشان كدة بيعملو اى وسيلة عشان يجيبوا الامان الى معارضنى فى حاجة يتفضل يقول يارب احفظ مصر
|
اقتباس:
|
ربنا يشفييهم و يمنعوا عننا كل حاجة مش حنتذل الغرب المعفنيين و يعنى عاشيين فى امريكا و يتحكموا فيينا دة بعينهم
و احنا عندنا قناة السويس و حنقعها عالجبووهم و يخبطوا دمغهم فى الحيط و باين كدة حيئلبووها حرب و للاخ البيئوول انهم مش واخديين حقهم عندان فى المدرسة بيشتموونا و يضربوونا و مبيردووش يكلموههم عشان مسيحيين و الله هم اخديين اكتر من حقهم مش ناقصيين هبل و لو الرد معجبكمش امسحووه بس هى دى الحقيقة |
اقتباس:
انتا عارف ان مش كل المسلمين وحشيين ولا كل المسحيين وحشيين شوف انا اعرفك من اد ايه ,, و الله مش هتفرق معايه انتا ديانتك ايه ,, و بجد انا احترمت ردك الي فوق ,, و انا مع ان حقوق المسلمين و المسحيين تبقا واحده في اي حاجه بس مش مع الحمايه انا ضــد الحمـــايـــه ,, ضـد البلـطجـه و الظـلم |
اقتباس:
هو ممكن يكون الى بيقول لختك او والدتك الكلام ده يكون فاكر ان لازم يلبسوا نقاب مع ان ده مش دينهم بس ممكن بردوا مايكنشى عارف ان دى مش مسيحيه ؟ او جاهل مايعرفش يعنى ايه دين مسيحى ؟ صح ؟ طيب يرضيك تفضل كده بسلام ولا يرضيك انك تاخد حقك بسلام مننا فينا يعنى ولا يرضيك ان اختك تبقى ماشيه فى الشارع ماحدش يكلمها بس يكون جنبها دبابه ولا كتيبه امريكيه ؟ وعمرها ماهتبقى فى سلام, لان زى مابيحصل فى اسرائيل ضد الاسرائلين هيحصل فى المسيحين من الاهوان والسلفين وغيره عارف ايه السبب ؟ " الخيانه العظمى " بالظبط زى مبارك |
اقتباس:
المسيحين حقهم مضمون والمجلس العسكرى والدكتور عصام شرف أكفاء بحقوق المسيحين كافة وبإذن الله وحدة مصر هتبقا كويسة واحسن بكتير من الأول وبإذن الله كلنا نتغير للأحسن بفضل الله سبحانة وتعالى |
اقتباس:
اتــكلم بـاحترام ,, انا مش هقولك ديانتي ايه ,, بس انا مســلم ,, و افتــخـر مفيش حاجه اسمها يخبطو دماغهم في الحيـط هما فعلا لازم ياخدو حقـهم في كل حاجه و مدرسه ايه الي حضرتك بتتكلم عاليها الحكايه اكبر من كده دي في حقووق شعب ,, لازم تعرف ان اخوك القبطي ,, ليـــه حـــق ,, عالــيك |
اقتباس:
|
اقتباس:
ونشيل كلنا الفتنة بإيدينا والكل يتساوى مسلم ومسيحي وهتبقا العدالة الاأجتماعية للجميع ومش هتبقا فية عنصرية بس احنا بردك لازم نتغير ... احنا اللى نتغير .... البلد حالها هيتغير |
اقتباس:
|
اقتباس:
اخـوك برده و لازم نشيل بعض الفتره الي جايها ,, كلها ,, و لازم نقضي علي فكر النظـام القديم ,, و علي فلول النظام السابق ,, و لازم نبدء من جديد بفكر جديد يضمن للمسييحي و المسلم حقوهم في حياه كريمه ,, و من غير حمــايـــه |
بص من الاخر كل ده مش هيتحل غير لما نبطل حكاية التعصب للدين سواء احنا او هما وعدين احنا النبى عليه الصلاة والسلام قال لكم دينكم ولى دين فاحنا ما نتدخلش فى لبسهم وفى الى بيعملوه دى حرية شخصية لكن موضوع المساواة معاك فى بس انا عايز برضه ما يمشيش زى الى كان بيحصل قبل كده لما تحصل معايا مشكلة مع اخ مسيحى ما يروحش يشتكينى فى جهاز امن الدول الله لا يرجعه تانى لا يتساوى بيا ويشتكينى فى القسم
لكن موضوع الحماية ده كأنك يا ابو زيد ماغزيت لو حصل لا قدر الله هنرجع نقول زى العراقيين ايام صدام كانت احسن ولا انى فى ثورة ولا اننا خرجنا الانجليز ولا كلام من ده ببساطة كده ممكن نبقى البلد الى عليها الدور بعد ليبيا وربنا يستر والجيش يكون واخد باله من الى بيحصل ويسيطر على الفوضى الى فى البلد وبعدين مهو الاعتداءات على الكنائس كانت ايام حسنى الناس دى ليه ما اتكلمتش ولا عشان البلد سايبة مفيهاش حكومة |
اقتباس:
|
اقتباس:
مش عشان واحد ولا اتنين واخدين حقهم عندك فى المدرسه" يمكن انت بتتكلم عن الطلاب ^^ " يبقى كل ال 15 مليون او ال 13 مليون مسيحى واخدين حقهم انا اهوه مسلم زيك وباقولك احنا واخدين حقنا وراسنا اعلى من المسيحين فى مصر ... بس ليه ؟ عارف انت ليه ؟ عشان احنا اكتر منهم بس ده مش سبب امريكا اهيه المسلمين هناك يتعدوا على الصوابع واما حد بيموت ولا حتى بيجيله برد بيتعمله قضيه وياخد تعويض كمان من الدوله .... بس فى مصر ؟ هيقولك - معلش فى الكلمه بس ده نصرانى كافر اخر الكلام ان المسلمين بيقولوا والمسيحين كمان ياخدوا حقهم ويعيشوا بسلام ... مش حمايه واحتلال بس برضا الشعب وحمنا ماهنعيش بسلام سواء مسلم او مسيحى او حتى يهودى, عمرنا ماهنعيش بسلام |
لا حول ولا قوه الا بالله ربنا يهدى الجميع و يعدل بينهم
|
يا حبيبى انا بئوول اخبطوا دماغكم فى الحيط للمسيحيين بتوع المهجر و الاتحاد الدولى و الحمد لله بتكلم باحترام و عارف اننا كلنا اخوات و ليا 9 اصحاب مسيحيين و بيزروونا و نزورهم و لما الكنيسة انفجرت كنا اول ناس كلمناهم
|
هل يريدون حماية مثل حماية بريطانيا الذى اخرجناها بالدماء ام يريدون فقط ان تكون الدولة مسيحية فليعلم الجميع ان عمرو بن العاص عندما فتح مصر فهى دولة اسلامية فاذا كانوا يريدون المساواة فديننا الاسلامى فيه عدل السماء ليس عدل البشر |
اقتباس:
|
اقتباس:
|
و على فكرة فكرى مش غلط و كل المسيحيين الاعرفهم عايشيين زى الفل و محدش بيكلمهم و انا بس بتكلم على نقطة ان فى ناس بتئوول بيعاملوا المسلمين احسن انا شايف ان مفييش فرق خالص و الفرق بس فى الحكومة مينفعش يعنى 96% مسلمين و يحكمنا واحد من ديانة تانية لو جبتلى دولة حكمها رجل من الاقليات حئولك ماشى و والله العظيم اخديين حئكم بص المسلميين العايشيين برة بيحصلهم ايه من اهانة و قتل و هدم للمساجد مفيش حاجة زى دى بتحصل فى بل بالعكس فى كنايس كتييرة طولها كبير و كمان بنسيبكم تستخدموا الجرس برة ممنوع الاذان و بالنسبة للمادة التانية فانا مش مع اننا نشيلها احنا حنحترمكم و عايشيين فى سلام لكن مينفعش 4% يمشوا 96%
و بردوا المش عجبكوا الرد يا ريت يتمسح |
اقتباس:
|
و معلش ممكن توضح الحقوق الانتم عايزنها بالظبط؟
|
اقتباس:
هما و احنا ,, مفيش فرق مبنا ,, انا هتكلم بـ المطلب الي المسلم و القبطي عايزو ,, الســــــــلام ,, و الحقـــوق المـوحـدة ,, المساواه ,, العــدل الاجتــماعــي ,, دي اظن كل الطلبـات الي اي حـد عاقل ,, هيوفق عاليها لان بـ المطـالب دي ,, اكيد مش هتحصل اي فتنه بين المسلمين و الاقبـاط تاني ,, ولازم نستحمل بعض ,, عشان نوصل لبـر الامـان |
اقتباس:
|
اقتباس:
|
ربنا يوفق الدنيا في بعضها
:icecream: |
يا خسارة والف خسير ة وخسارة يا سيادة القمص احنا عايشين مع بعض وزى الفل . دة اللى انتة عملتة اشد هولا من كل الخلافات التى حدثت بين شقى الامة انتة وبعض الاقباط فى المهجر وعار على اى مصرى يفعل ذلك . ولن يسمح اى مصرى بذلك بروحة وبولدة وبدمة . مصر ستظل أبدا دولة ذات سيادة ولم ولن تفرض عليها الوصاية أبدا ، ومن يفكر في الوصاية سيكون أول النادمين حيث لم ينفع الندم ده كلام اخ مسلم محترم فى منتدى اقتباس:
وهذا كلام اخ مسيحى محترم من منتدى اقتباس:
شكرا |
اقتباس:
انا مع احترام جميع الاديـان ,, و انا ضـــد الحمــــايـــه ,, و ضـــد اي حـد عايز حمايـه ,, و اظـن اني وضحــت وجـه نـظري ,, و لو شـايف ان الكلام ده موجود ,, فـ دي وجـه نظـرك |
اقتباس:
|
طـول عمـر أقبـاط مصـر فى حمـاية مسـلميهـا
ايه الجـديد ؟ :s |
انا مش حتكلم : مسلم مسيحى ايد واحدة = مصرى = ضيد اى حماية دولية مسلم و مسيحي = ضيد اى فتنة ......................و بسم اللة الرحمن الرحيم
قل آمنا بالله وما أنزل علينا وما أنزل على إبراهيم وإسماعيل وإسحاق ويعقوب والأسباق وما أوتي موسى وعيسى والنبيون من ربهم لا نفرق بين أحد منهم ونحن له مسلمون ) صدق الله العظيم |
| الساعة الآن 05:01 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.