|
الحقوا يا جدعان..الاكونتس بتتسرق قدام عيونكم..و اكونتك انت كمان هيتسرق لو مدخلتش
من غير مقدمات ولا افتكاسات .... ومش عارف الكلام ده في كل السيرفرز ولا في سيرفر زيوس بس و انا اسف يا جماعه انا هاحط الموضوع ده في اكتر من قسم لان الككونتات بتتسرق في ثواني ولو عايزين تدوني بان والله انا موافق ...بس اكون ريحت ضميريالمهم حصلت حاجه غريبه جدا في سيرفر زيوس من فتره قريبه واحد او شركه محدش يعرف عمل اككونتات كتيييييير اسمها bot001\bot002\bot003\ لحد 0040 والاكونتس دي بتبعت مسجات (رسائل) لكل السيرفر كل دقيقتين تقريبا واللي يفتح الرسائل دي هيلبس صاروخ في ........:confused: وده تحذير ... يعني والنبي بلاش حب الفضول بتاع المصريين يعني متفتحش اي رسائل من اي واحد غريب و خصوصا اذا كان اسمه BOT اكيد انتوا بتسالوا ( هيحصل ايه لو فتحنا الرسائل..محنا عايزين نعرف كاتبين فيها ايه) احب اطمنكم ان عند فتح الرساله...يتم ارسال الid و secret answer و elEmail للي بعت الرساله يعني ده HAAAAAAAAAAACK يعني هاكر يعني قرصنه و عموما .... اللهم بلغت اللهم فاشهد و يا ريت GMs بتوع المنتدي يثبتوا الموضوع ... مش حفلطه مني..بس عشان فيه 2 اصحابي الاكونتات بتاعتهم اتسرقت مع العلم ان مفيش حد غيرهم يعرف الباسورد بتاعهم عشان انا عارف ان فيه مليون واحد تعب في الاككونت بتاعه |
ههههههههههه ماشى يا مان
و شكراا o....o |
الشكر لله
بس يا ريت تكون استفدت و خدت بالك |
على فكرة انا 2 اكونت اتسرقوا من واحد صحبى فى زايوس
والله ما بهزر بتكلم جد فعلا خلى بالكوا |
ممكن
|
شكرا يا باشا
|
شكرا يا مان
بس يا مان محصليش حاجه |
شكرا على انك حظرتنا بس ازاى
|
شكرا بس انا عايز اعرف الرسائل دى بتتبعت فيييييييييين........________........وعلى كل حال شكرا بردوا و عايزين مواضيع من دى كتييير عشان فى ناس متعرفش حورات الهكرز دى بس شكرا تانى^_*
|
يا راجل بالراحة شوية بس مش كدة
مش للدرجة دى يعنى يتسرق ازاى اذا كنت انت واخد لبالك انا فتحت الرسالة لقيت جواها لينك بيقول كراك تى بوت قمت داخل على اللينك عشان اسجل اخدت بتاع ربع بصراحة زهقت من الخطوات دى كلها وفى الاخر تدخل على اى موضوع فى المنتدى يقولك كدة u have been puneked motherF***hahaha بس طبعا انا ساعتها حست ان عندى حاجات بقيت مسلوقة :s بس هة مقلب غتت مش اكثر وشكرا على الافادة |
حكايت السيكريت انسر دي صعبه شويه لان في ناس هي نفسها مش عارفه السيكرت بتاعها
lol بس كله جايز شكرا للتحذير وعشان تريح دماغك خلي الان بوكس بتاعك مليان inbox 20/20 وخلاص |
انا اتسرقت بردة بس كي لوجر
|
شكرا يا مان علي المجهود الرائع
بس انا فس سرفير تروي و مبيحصلش عندنا الكلام ده بس هخلي بالي |
شكرا على التنبيه
|
شكرا يا مان انا هخلي بالي بعد كدة
|
ماشي يا مان
|
بمختسر المفيد موضوعك بيقول(just ttry but dont cry) صح
|
شكرا علي التحذير بس يا ريت لو حد يعرف الموضوع دا بيتعمل ازاي ؟
اصل من الصعب انك تعمل هاك علي سيرفر سيلكرود نفسه |
الكلام دة ممكن يكون صح لان من كام يوم اكونت صاحبي الي في زيوس
اتسرق ومعرفش يجيبو فمن الممكن ان يكون الكلام دة صح و شكرا ليك جزيلا علي التنبيه |
انا حصلت فيا كان الرساله من واحد اسمه iiiiiiiiiiiiii فضل يبعت فى رسايل طول الوقت وانا امسح الرسايل وفيه رسايل فتحتها ومحصليش حاجه الحمد لله
وكمان مكنتش عارف اعمله بلوك خاااااااااااااالص |
مش للدرجة دي , ده كلام في الكليتش , محدش يقدر يسرق منك اليوزر نيم والباسوورد بمجرد انك تفتح الرسالة ابداااااااااااااااا لكن في الاغلب هو هيخليك تدخلهم بإديك يعني يدخللك علي موقع شبه سيلك روود ويقوللك اعمل Login ودخل اليوزر والباس ولما تدخلهم يتبعتولو والقانون لا يحمي المغفلين ودي اي حد يقدر يعملها لكن ياخد الباسوورد من الهوا كدا بمجرد ما تفتح الرسالة ده كلام مش صحيح تماما "مكانش حد غلب"
يعني من الاخر : اعمل اللي انت عايزة لكن متديش الباسوورد واليوزر نيم لحد ولا تدخلهم في اي موقع ومتحملش برامج للعبة من مواقع مش واثق فيها وانسي ان الباسوورد تتسرق |
شكرا يا مان
|
ياجماعه ماينفعش يبعتلك اى حاجه جوه اللعبه اكيد هو بعتلك لينك وانت دخلت على الينك
|
على فكره ممكن كلامك يكون صح
بس شكرا على النصيحه |
مشكور ياباشا علي التحذير واسمحلي انزل الموضوع عندنا في سيرفر alps
|
يــــا مان مش اللى يتسرق اللى يفتح الرسالة
اللى يتسرق اللى يحمل اللى هما كاتبينه هما حاطين كراك فيه تروجان ويقولك دااtbot free وبعتينلك العنوان انت تحمل تقوم مسروق هههههههههه اصل مفيش حاجة اسمها تفتح رسالة فى اللعبة يجيلك هاك ومشكور سلام :d:d |
من الاخر فيه بعض اصحاب السيبر نت بيكون حاطط برنامج فى الاجهزه بيسرق اليوزر نيم والباس وورد ويبعتهملوا على الجهاز المستر دى حقيقه يعنى لو عايز تلعب من سيبر تاخد بالك مليون فى المائه من الشغله دى وبجد حصلت فيا نفضولى الاكونت بتاعى 50 مليون جولد ولبس وسلاح سوس وهنتر من الغالى ولبس حرامى من الغالى وجولد درجون فلاج 3 خلى بالك خصوصا من السيبر وسلام
|
مشكلتى الفضول اللى ف دمى انا فضوليه جداااااااااااا
يعنى انت حذرت اهو و كل حاجه مش بعيد كمان كام يوم تلاقينى عامله نفس موضوعك |
شكرا على التحذير
|
thx
|
قشطة عليك بس سيبنى افتحهاااااااااا ^^xxD
|
انا في Sparta ومره لقيت الInbox مليان من فضولي فتحت رساله رساله وقريتها ومسحتها وكانت اكترها لينكات وخمسه سته مكتوب فيها You'll Get Hacked When u log off
وكان اللي بعتهم اسمه Bot001 واليوم اللي بعده واحد اسمه IIIIIIIIIIIIII قعد يكتبلي حاجات هبله كتير في الشات وانا مبردش عليه وراح راسلي 2 msg. وانا مسحتهم من غير مفتحهم وطبعا ده مبعرفش اعملوه بلوك عشان الفرق بين الi والL بس متقلقش مفيش اي نوع هاك من جوه اللعبه ويمكن في نسبه 1% في الExchange وانا لاغي الExchnage من الOptions من زمان يعني اطمن لو انت مبتحملش حاجات متعلقه بسيلك رود ومبتدخلش الID والPW في اي موقع |
شكرك ليك يا مان و انا حظرت كل الي اعرفو وفعلا بتيجي رسائل كتير ومببصش فيها من اصله
|
شكرا يا مان بسانا أول مرة اسمع عن الحكاية دي
|
ماشى يا مان بس انا فتحت الرسالة لقتها عادى مفيش حاجة !!!!!!!!!!!!!!!!!
|
ممكن يكون كلامك صح ............ شكرا على النصيحة يا مان
|
والله انا لسه انا وواحد صحبى مسروقين من كام يوم بس لغايه دلوقتى منعرفش ازاى ؟!!!!!
دخلنا الاكونتات بتاعتنا لاقينا الايتم كله متقلب والجولد صفر نفسى اعرف ازاى ؟!!!! |
Thanx 3la el mawdo3 we el efada we kman 3shan emak fidodido i like this name
|
لو انتم بتعلبو من السيبرات
فيه برنامج حلو اوى ومش بيكون فيرس خالص لانه شرعى بس مخفى فى التراى سيستم بيسجل كل الاى دى والباس ورد من اول الياهو والهوت ميل الى السيلك رود على فكرة انا جربت البرنامج ده بالفعل وبيسجل بالفعل وهوا مش فيرس اطلاقا جربته على نفسى علشان اصدق استخدمو Run > osk خصوصا للباس ورد |
ThXxXXxX
|
| الساعة الآن 02:14 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.