مناقشة حول الBow
 

بسم الله الرحمان الرحيم

ان شاء الله انا عامل المناقشة دى علشان نوصل لافضل بيلد وسكيلات عن الbow وكمان نعرف انواع عن ال Bow مثل البو الفورس مثلا والبو الكولد فير الخ...............
انا عاوز الناس تقول اه رأيها فى البيلدات بتاعت الbow
يعنى يقول اه احسن بيلد من وجهة نظره للbow والاسباب الى تخلى دا احسن بيلد

انا عن نفسى بفضل (cold_fire_wep)

علشان انا شايف انه بيلد متوازن جدا معاه دفاع عالى ضد الماجيك والفيزيكال وكمان معاه الفير وال وما ادراك ما الفير وال :icecream:
بس اهم حاجة انك تمسك سلاح يكون نوفا وبلس عالى ولو فى بريميوم او ديفيل يكون احسن علشان تعمل دامج عالى

يلا عاوز اشوف رأى كل واحد و اه البيلد الى بيحبه مع bow واه مميزاته.

معايا اكونت مليون سكيل بوينت بووو لسه بفرم ..

حعملها فاير بوو و لايت ........

فيه بيلد حلو اوى بيدى فاير .. بوو ... (كولد و لايت) .. الكولد تقريبا كده 80 و الباقى للايت
عشان ياخد ال السرعة ..

,,

فاير مهمه جدا جدا للبو .. عشان الفيزك اتاك و انت str يعنى الفيزك اتاك عالى ..
اللايت مهم عشان الصينى فيه ماجيك بردوا مش هين .. ممكن تزوده و كمان عشان السرعة
الكولد : عشان الدفنس >> فمش محتاجها لانك ممكن تلبس ارمور دفنس عالى و كمان انت str فطنش للدفنس
لان الاتش بى عندك عالى و كمان صينى .. يعنى طز و طزين فى الدفنس

يعنى الاتش بى unlimit .. يعنى كل ثانية ممكن تضرب اتش بى x large ..

لكن فى المقابل محتاج اللايت عشان زيادة الهجوم السحرى .. و ممكن كمان اللايت و لو عايز دفنس عادى البس ارمور و معاك لايت مفيش اى مشاكل و يبقى معاك دفنس كويس و سرعة كويسة ..

اما الكولد مش مع str ..

كان فيه اكونت fire .. bow .. ligt لفل 110 عجبنى اوى اوى

متوازن فى كل حاجة و هو ده سر الاكونت الناجح .. p lvl شغال اوى السرعة مظبطاك و المدى بتاع البو مظبطك هجوم فيزك قوى و ماجيك قوى ايضا

اما البى لفل شغال مش وحش بردوا

انا محترم رأيك اوى بس انتا شكلك مش قديم فى اللعبة او لسا ملعبتش بacc str عالى.

البيلد دا جامد ماشى بس مع ضد الناس الفيزيكال زى ال glave bow warior xbow blader

هيكون وحش جدا علشان مش هيكون معاك دفاع ضد الفيزيكال الى هوا موجود فى الكولد

انتا بتقول نعوض الدفاع ضد الفيزيكال بأنك تلبس armor انتا كدا هتظبط الدفاع البدنى وهتسيب الدفاع السحرى يعنى من الاخر النيوكر والويزارد هيبهدلوك اوىىىىىىىىىىىىىىىى ممكن الويزارد يديك 1 hit
مفيش حاجة معناها انك str يعنى متهتمش بالدفاع علشان الhp بتاعك عالى لا يا باشا انتا غلطان اه هيكوون دمك عالى بس الضربة هتيجى فيك جامدة جدا واصلا البو بيحتاج دفاع علشان هوا معهوش بلوك مثلا زى البليدر

انتا غلطان خالص انتا بتقول لايت علشان هيديك هجوم سحرى هههههههههه ياباشا الهجوم السحرى دا مش ليك دا للناس النيوكر وال iint

ميزة الليت هيا السرعة ودى سهلة مش مشكلة بس الميزة الحقيقية للايت انه هيعطيك parry ratio ودا هيزود الضربة بس بنسبة مش كبيرة اوى يعنى بس كد اما باقى بفات الليت مش للstr لل int

تمام صحيح بيلد حلو بس مشكلته انه هيكون اضعف من ال bow cold fire قدام الناس ال str زى ال warior مثلا كدا الوريور هيبهدلك خالص .

وانا بردو محتار بين البيلد بتاعك وبتاعى

البيلد بتاعك يعنى راحة بال =سرعة
البيلد بتاعى يعنى دفاع=اكونت FTW فشيخ بكل المقاييس

انا عموما مليش فى البى لفل .. و من رأيى انه مش مهم ..
بالمناسبة الصينى ليه هجوم سحرى على السلاح مش فى الضربة .. فممكن تحتاجها هنا
عموما اعمل اكونتين احسن لك , او البس جارمنت
او اعمل بيلد تانى

110 بوو .. و 110 فاير ,,
و قسم الباقى

30 لايت حلو و الباقى كولد .. ده لو انت عايز بى لفل
كده ممكن تاخد سبيد 20% و الجارمنت بيديك سرعة على حسب ما سمعت ..
غير مدى البو و يبقى كده بردوا شغال

هو بصراحة لازم تحدد الهدف بالظبط انت عايز p lvl و لا عايز pvp ..

انا مش عارف انا مش بلعب pvp كتير و مش بحبه بحب اعمل اكونتات كده و خلاص:angel_not:
يش بجد بجد هو الكولد حلو ..

فعشان قده قمسهم لو انت عايز الاتنين العب كولد و خلى 30 للايت

تمام وربنا يوفقك

اي كاركتر chainese Str


لازم Fire We Cold

حتي لو بليدر

انا عامل Blade Fire & Cold

و بسد مع اي اكاونت في اللعبه وممكن يكون اعلى مني ب 4 لفلات او 5 لفلات كمان

لول انا مجرب كل بيلدات الباو و انا حاليا 101

bow + fire + force

الفورس فى البفى بى افضل مليون مره من اللايت او الكولد

قدام الناس اللى مش كليرك بيفشخهم باللعنات و الديفنشات قدام اللى بيلعبو كليرك

بيبقى اعتمادك ع الباو و فى نفس الوقت بافات الفورس تشيل اللعنات عندك و تملى دمك كله كمان يعنى لما تمكسها تزود دمك 15 الف مره واحده

برأى bow + fire + force

و أسأل مجرب و متسألش اللى بيتفرج ^^"

ان شاء الله لو عايز اكونت Bower فيه كل المميزات خد النصيحة دي :-
اولا: يكون pacheon 110 / Fire 110 / Light110
ثانيا: ودي بقى الصعوبة هنا وهو انك هتشتري نوعين من اللبس واحد Garment والتاني Armor
-..الاساسي بتاعك اللي هيكون معاك هو الGarment وده دفاع ماجيك مع الفاير كمان هيبقى خرافى وانت لايت معاك سرعة 95 % هتبقى طيارة وهتبقى اسرع Str بيلفل لوحده .. ولو عامل تاكسي كمان بيبقى سريع جدا .

- بالنسبة لل PVP انت معاك نوعين من اللبس . وتكون حاطط الArmor معاك في الشنطة..جالك واحد Warrior / xbow / Glaive الخ ..البس الArmor وخوش يا معلم :glasses3: ..وشوف بقى ايه اللي هيحصل :-
_ انت Bower / Fire /Light لابس Armor يعني دفاع Physical من الآخر + Parry ratio buff من الLight بيقلل الدامج اللي جاي عليك من الخصم وبيقلل نسبة الكريتيكال اللي عليك = كده يبقى انت Physical Def اعلى من الكولد ..وكمان معاك Magic dmg buff بتزود نسبة الدامج السحري بتاعك ( Imbue) . كده هتحط على اي STR في ال PVP

- جالك واحد نيوكر او ويزارد البس لبسك المعتاد اللي هو الGarment ..هيبقى معاك دفاع الماجيك عالى وهتظبطه ..

- الLight فيه Skill مهمة جدا ضد ال Dagger وهي الGhost walk او السحبة ..طبعا الاستراتيجية المعروفة للRogue هو انه يوقعك بالْXbow بتاعه وبعدين يمسك الDagger ويبف ال Desprate ويديك ضربات كريتيكال يقتلك في ثانية ..لكن مع السحبة اول لما تقوم تقف هتسحب بعيد عنه وتديله واحدة او اتنين هتلاقيه بالسلامة :bicycle: علشان طبعا مع البفة بتاعته بيكون الDefense بتاعه 75 % Reduce يعني بيقل بنسبة 75 % ..حنى لو لحق نفسه وغير السلاح ..يبقى انت كده قفلت عليه ان يكمل عليك بالDagger:icecream:

- ياريت كمان يكون النوعين الاتنين Full Nova ..وعلى فكرة ال Nova Armor رخيص قوي.. وكمان تحسب تمن السرعة اللى كنت هتشترها على طول لو انت كولد مثلا هتلاقى Nova Armor اوفرلك بكتير..

- مش هقولك بقى على مميزات الLight في الJob war وال FW والمناورة بتاعتها علشان انت سريع وكر و فر و حركات :icecream: ومعاك ال Ghost walk اللي هي السحبة ..يعني قمة المتعة
وده رايي و آسف على الاطالة واتمنى يكون افادك

كلام جميل اوى وانا فعلا مقتنع بالليت والسرعة وكدا بس فى حاجة.

انتا بتقول ان انا اجيب 2 طقم وكدا بس انا مثلا لما اكون فى ال JOB او ال FW مش هينفع امشى بالاستراتيجة بتاعتك دى انا معنديش مشكلة اجيب حتى لو 10 طقم نوفا بس انا مبحبش اللخمة يعنى وانا فى الjob او fw هروح ادور على الفيزيكال علشان البس ارمور واروح ادور على الماجيكال علشان البس جيرمنت هتكون عملية مملة وملهاش لازمة غير فى البفى بى 1vs 1

وغير كدا بالنسبة لحوار السرعة دا انا كدا كدا لما اروح ال Fw او الjob
لازم هشترى السرعة من ال npc علشان مش هينفع امشى بالسرعة بتعتى بس لازم يكون معايا سرعة ثابتة يعنى لما اموت وارجع ثانى والناس تحاول تجرى ورايا علشان تقتلنى وانا لسا صاحى وعلشان اعمل السرعة لازم استنا 5ثوانى هيكونو قتلونى وفرصتى فى الهروب ضعيفة فالسرعة بتاعت ال npc لا غنى عنها.
وغير كدا هعمل بلفل فى بارتى بتاعى انا وصحابى يعنى مش محتاج السرعة
انا نفسى فى بيلد بتاع بفى بى وjob fw وانا شايف ان مفيش سبب من بتوعك يخلينى اكون لايت واسيب الكولد علشان الكولد هيخلينى دفاع عالى اوى ضد الفيزيكال وكمان بالنسبة لحتة السحبة بتاعت الليت وانا بلاعب ال xbow او dager دى حلها سهل اوى انك اول ماتقوم تعمل الزقات بتاعتك وتبعده عنك وعييش:icecream:

احنا بنتناقش علشان نوصل لاحسن اختيار بأسباب منطقية ومغرية.

انت بتحب الفاير والكولد وعارف انت عاوز ايه طيب بتعمل الموضوع ده ليه اصلا ما دام مشعاجبك اراء الناس وبتضحك عليها؟؟
جرب تضرب طده من غير امبو الفاير وشوف الضربه من غير الهجوم السحري "ههههههه" عامله ازاي
وبعدين parry rate مش بيزود الضربه ده بيديك دفاع ومش بيخليك تنضرب كريتكال
عندك السرعه اهم حاجه للبو لأنه بيضرب ويجري
كمان Ghost Walk دي اهم من السرعه وكل ما كانت المسافه بتاعتها اكبر كل ما كانت احسن عشان الهروب
وبعدين لبس البو لازم يكون بروتكتور دا شيئ مافيهوش كلام والناس اللي بتفهم صح في البيلد ده اكيد هيأيدوني
Bow Must be Pacheon 110 + Fire 110 +Light 90 or 80 + Cold 20 or 30

+111111111111111111

اولا انا بحترم رأى الكل وانا عامل الموضوع دا علشان نتناقش ونوصل لاحسن بيلد مع البو زى ما انا كاتب وبعدين انا بفهم الراجل حاجة الى هيا ان البف بتاع الهجوم السحرى الى فى الليت مش بيزود الضربة اه بيزود الامبيو بس مش الهجوم البدنى بتاع الضربات الى فى السلاح.
وبعدين انا بقول ان البو يلعب بروتكتور مش عارف انتا بتعترض على اه.

وبعدين مفيش حاجة اسمها must فى البيلدات شكلك مبتدأ

اختيارك حلو فى البو بس انتا مقولتش الاسباب !!!!!!!!

وبعدين لما حد يوجه ليك كلام رد انا كنت بكلم الراجل مش انتا .

بسم الله الرحمن الرحيم
اولا: انت شكلك مقتنع نهائيا بفكرة الفاير كولد وانت بس منتظر حد يشجعك على قرارك هههههههههههه

ثانيا : بعد الكلام ده كله انت مش شايف ان دي اسباب منطقية و مغرية كفاية ؟!!..ومع ذلك هرد على كلامك كالآتي :-
1- مين اللى قال انك تمشي ب 2 طقم في ال FW و الJob ..انا قلت الاساسي بتاعك هو الجارمنت ..لان الحاجتين دولا اكيد اكيد بتبقى فى بارتي ..ولا انت داخل الFW مع نفسك كده وخلاص ؟!!.. لازم بارتي يا باشا وبيكون فيه Buffer وبيديك بفات كليرك فيزيكال اعلى 100 مرة من بفات الكولد وانت عارف كده كويس.

2- وبالنسبة لل PVP ده هو بس اللى يكون شايل فيه الطقم التاني في الشنطة يعنى قدام المدينة ..تجيبه من الستوراج بتاعك ..تلعب PVP وبعد لما تخلص تشيله تاني مفيش مشكلة...بالنسبة للي PVP اللي انت مش مهتم بيه ده هو ده اللى بتقاس بيه قوة الاكونت ..وانت بتلعب1vs1 والناس بتتفرج عليك وبتحكم على الاكونت بتاعك ..وانا فتحتلك كل الامكانيات وهي انك هتكون :-
- دفاع فيزيكال مع الارمور+ باري راتيو وسرعة ومناورة من الايت+ قوة ضربات الفيزيكال من الفاير + بف قوة الماجيك للامبو بتاعك من الايت . ( يعني جمعتلك بين الكولد والايت و الفاير ) كانك ب 4 ماستري وتقولى مش اسباب مقنعة :icecream:

3- بالنسبة لموضوع انك تكون معاك سرعة ثابتة علشان لما تموت وتقوم تاني تلحق تجري وكده ..انا ماختلفتش معاك يا باشا ودي في اوقات قليلة قوي هتشتريها ..يعني مرة كده كل اسبوعين مع ال FW ..بس مسالتش نفسك هتفرق قد ايه وانت معاك سحبة اكتر من 30 متر + السرعة ؟ .. و بعدين مين قالك ان الخصم مش شاري سرعة او معاهم Bard مدي بفة سرعة 120 % ؟؟!! ..هتلحق تجري ازاي ..لكن مع السحبة محدش يقدر يحصلك .

4- الحاجة الغريبة انك بتتكلم عن الحاجات اللي الصيني بيلعب فيها فردي بتتكلم على انها جماعية ..يعني يا باشا انت راجل محترم و معاك اصحاب محترمين بيدخلوك بارتي و بتلفل معاهم وبكده انت بتقول ان السرعة في التلفيل لوحدك مش مشكلة ..وانت نسيت ان كل الصيني اصلا مش بيلاقى بارتي و كله بيلفل LTP وانت عارف كده ..مش معنى ان انت عندك بارتي ان كل الناس زيك ..ودي السبب الرئيسي في بطء الصيني في التلفيل عن الاوروبي ..انا بتكلم بشكل علم على البيلد ده..

- وانت اتكلمت غن الحاجات اللي هي لعب جماعي على انها فردية زي الFW مثلا و وذكرت مميزات الكولد على اساس انك هتلعب لوحدك و مفيش معاك ناس في بارتي ولا Buffer زي ماقولتلك هيديك بفة فيزيكال اعلى بمراحل من بفة الكولد .

- وبالنسبة يا باشا لموضوع ال Rogue في الPVP انت عارف ان احيانا الKB مش بتنجح وانت عارف كده ..وساعتها هتموت يا باشا ..لكن السحبة دي 100 % فعالة و مش بتفشل ..:mf_swordfight:
وفي النهاية اعتقد ان كل دي كانت اسباب مغرية و منطقية كفاية :confused:
وده كان رايي وآسف مرة تانية على الاطالة ..تقبل مروري .

انا عامل الموضوع علشان نتناقش وبينى وبينك انا لسا مش مستقر على رأى اعمل فورس ولا كولد ولا ليت حاجة تدوخ ههههه
كلامك تمام بس معلومة صغيرة البف بتاع الكلريك بيزود حوالى 360 انسيرت فى الدفاع البدنى
اما الكولد بيزود 500 وشوية انسيرت الكلام دا فى 110 يعنى البف بتاع الكولد حوالى الضعف.

طب اه رأيك فى لايت 90كولد 20 فير 110 بو 110
دا هيكون فيه كل المميزات وكمان السرعة حلوة وكمان السنو وكمان السحبة كمان انا عاوز اشوف رأيك كدا

بسم الله الرحمن الرحيم
اولا يشرفني اني اتابع معاك الموضوع .
- ثانيا لمعلوماتك يا باشا ان بفة الفيزيكال عند الكليرك و اسمها (Body Deity ) وفي لفل 110 بتكون لفل 6 وبتدي 356 phy def increase ..اما بفة الكولد واسمها ( Final Guard Of Ice ) ودي في لفل 110 بتبقى لفل 5 وبتدي 237 phy def increase .. كده يا باشا تبقى بتاعت الكليرك اعلى من الكولد ب 119 نقطة ..اظن كده يبقى واضح مين اقوى من التانية.

- بالنسبة لبيلد Pacheon 110 / Fire 110 / Light 90 / Cold 20 ده كان من اكتر البيلدات انتشارا للبو وكان اكثرها تالق في كاب 90 واستمر محتفظ بمكانته لحد كاب 100.. لكن بعد لما نزل كاب 110 ..يبقى استحالة استحالة تضحي بسرعة 95 % وبقية بفات الايت الماكس علشان Snow shield لفل 20 وسرعة اخرك فيها 77 %..:nono2:

وبعدين يا باشا انت هتحتاج السنو شيلد في ايه الا لما تكون في ماتش احتمال انه يطول فاكيد مش هتكون مع Wizard مثلا او Nuker لكن اكيد هتكون مع STR تاني وانا حليتلك المشكلة دي بموضوع الطقم الاحتياطي ال Armor وبيه هتسد ضد اي STR وانت برضه محتفظ بامكانيات الايت .

وده كان رايي و انت ليك مطلق الحرية في الاختيار ..اسف للاطالة وتقبل مروري

+9
الراجل دا عارف هو بيقول ايه
لاكن بو كولد فاير دا مكسح اخر حاجة
وهقولك ليه عشان مابقاش بقول كلام من الهوا
البو اعتماده علي الفيزيكال اتاك بس دا مايمنعش ان فيه ماجيك اتاك .. بص في السلاح بتاعك هتلاقي مكتوب ماجيك اتاك تحت الفيزيكال :teehee:
البو اضعف ديفنس في الصيني ... عشان كدا لازم تفتح اللايت عشان تجري وعشان البري ريتيو اللى بتقلل الكريتيكالات اللى بتيجي عليك وعشان الفانتوم سبيد اللى بتخليك تخلع في اللحظات الاخيرة :angel_not:
البيلد بتاعك اللى هو فاير وكولد دا حلو ادام الجلافير والبليدر والواريور
لاكن لو اي نيوكر نفس ليفلك (او اقل منك ) اداك خبطه واحده هتفيص والويزارد طبعا هيبصلك بس هتموت قبل مايضربك
لو اي بو صيني زيك اداك خبطة واحده هتفيص برضو لان البو الصيني اعتماده كله علي الكريتيكال نسبة 70% من الضربات المفروض انها كريتيكال وحضرتك معدش بري ريتيو يعنى ازاي هتفلت ؟
طبعا وانت بتلفل ممكن يتلم عليك كذا مونستر وتبقي حضرتك الضحية
فا زي مالناس بتقول خير الأمور الوسط
أجمد بيلد للبو واللى انا عامه ومافيش حد في نفس ليفلي (أو اعلي مني ب6 ليفلات) وقادرلي في سيرفري هو البيلد الجاي دا وهقولك ليه
*طبعا البو معتمد إعتماد اساسي علي الكريتيكال*
الكولد ليفل 48 عشان الباور جارد اوف ايس (عشان وانت بتلفل نفسك ماتموتش) إجمالي ديفنس 28+
اللايت ليفل 72 عشان تديلك ماجيك اتاك بسكيل براسينج فورس (محتاجها علشان تزود ضربه الفاير اللى بتزود نسبه الكريتيكال اللى انت اصلا معتمد عليه) وتقلل الكريتيكال من عليك بالبري ريت إجمالى الماجيك 59+
فاير ليفل 100 هتزودك فيزيكال اتاك واسكيلات تانيه ماحدش هيختلف عليها
والسلاح 110 طبعا
علي فكرة انا مابلفلش إلا عند مونسترات أعلي مني ب6 ليفل

لول ياريتك تكون معانا فى السيرفر كنت هوريك هتقتلنى ازاى ^^"

لول الفورس مش كله لعنات يا اخى الفورس فيه بافه بتزود دمك 17 الف و من غير ما تغير السلاح !

كل الدفيجينات اللى بتلبسها بتشيلها كمان حتى الكليرك لما تكون انتا فول فورس بتلبس اللعنات ديه بردو

كمان هتقلى الديفنس انا فول نوفا +7 حتى الدهب بتاعى و النيكلس ^^" نوفا

كمان انا مش جيرمنت انا بروتكتور كل ده بيديلى دفاع عالى ضد اللى زيك من الوريور ^^"

الناس اللى بتكلم عن البرى ريتيو و السرعه

كل ديه حاجات تافهه اصلا

محدش سمع عن اختراع انك ينفع تحط 100 فى الميه برى ريتيو فى لبسك

حتى الافاتار 5 فى الميه برى ريتيو

السرعه انا بشتريها عادى من التاجر لما اكون عايز العب بفى بى او فورترس وير ^^" عادى يعنى

bow + fire + force the best

متقبل كل كلامك بس عندك غلطة صغيرة كدا الى هيا

الكولد بيديك 500وشوية انسيرت هتقولى ازاى هقولك
البف بتاع الكولد العادى بيزود زى ما قولت 237صح كلامك

بس فيه سكيل فى الكولد ثانية بتزود 237 ثانى فى الكولد الى هيا اخر سكيل ودى اسمها سكيل باسيف

كدا انتا معاك 237+237=حوالى 500انسيرت يعنى الكولد اجمد الضعف من الكلريك انتا عارف 500انسيرت دول يعنى اه يعنى دفاع من حديد ضد الstr

انتا شكلك مش عارف انتا بتتكلم ازاى

انتا بتقول اعمل لايت علشان الدفاع وان البو الكولد فير مكسح

والله انتا مش فاهم بص ياشا الكولد يعنى دفاع
ولايت يعنى قوة ضربة +بارى =دفاع بس ممكن يتعوض فى اللبس!!

ازاى انتا بتقول البو اضعف دفاع وفى نفس الوقت تقول ليا اعمل لايت مع ان الليت ملهوش دعوة بالدفاع الكولد =دفاع

معلشى فهمنى ازاى لو انا فير كولد الدفاع ضد الويزارد والنيوكر هيكون ضعيف مع ان انا فير!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!
ما انا لو عملت لايت وفير هيكون الدفاع ضد النيوكر زى الفير كولد علشان انا معايا فير هنا وفير هناك!!!!!!!!!!!!!!!

انتا بتقول هجوم سحرى مهم علشان مكتوب على السلاح (هجوم سحرى).....

طب ما البليدر مكتوب عليه هجوم سحرى معنى كدا ان هوا بيضرب ماجيك وكمان بف الماجيك مهم ليه!!!!!!!!!!!!!!

لوللللللللل
الكولد فيزيكال ديفنس فقط .... يعنى اي ماجيك هيجيبك في ثانية !!!!!
وبلاش تقول مش فاهم دي عشان عيب !!! لان حضرتك لو فاهم اساسا كلامي هتقتنع بيه
وتقتنع بيه او لا ولا تفهمه ولا لا دا شيئ مايخصنيش وفي الاول والآخر دي مناقشه ودي أراء وانا حر
انا شايف ان البو كولد فاير دا بيلد عيان
وبالنسبة للبري ريتيو اللى بيتعوض باللبس :) فيها ايه لما حضرتك تكون لابس لبس فول بري ريتيو ومزود كمان في اللايت وفاتح بري ريتيو ... ماحدش هيقدرلك .. لا ماجيك ولا فيزيكال
وبالنسبة للهجوم السحري :teehee:
سيف النار دا بيعمل ايه :queenie:
هل سيف النار دا ضربه فيزيكال؟
انا مش فاهم ونوب ياعم رد انت ياللى فاهم ومش نوب :) ولو سمحت اتكلم بزوق شوية عشان عيب

اه فين الناس اه مفيش حد عندوه رأى فى الbow ولا اه؟؟

انا مش مختلف معاك فى اختياك بس انا مختلف معاك فى حتة ان النيوكر او الويزار 1 hit لو انا فير كولد

انا عاوز افهمك ان الفير فيه بفات حماية ضد الماجيك ولو انا فير وكولد هيبقى معايا حمايات الماجيك الى فى الفير.
هوا دا الى عاوز افهمهولك .

+111111

أنا عايز انام دلوقتى فلاسف مش هقدر أشرحلك بالتفصيل :(
بس زى منتا شايف فى توقيعى أنا بو + فاير + فورس :) أحسن بيلد للبو بلا منازع
علشان تقدر تصحى أى حد ++ تشيل اللعنات و تعطى لعنات للناس ++ السرعة بستخدم زجاجات السرعة :)

بس فى البى فى بى ضد الكليرك الفورس ملهاش لازمة للاسف :(
تحياتى .

بس كلمتين مشوفتش فى حياتى غير باو واحد

و عشان تبقى باو مميز لازم تبقى زيو

Full Egy Suit +9 FB و الستيت بتاعها اتخضيت لما شوفتو
و باو ايجى +9 غير انو معاه كل الاكاديمى الباف
و يعتبر افضل باو من وسط عشرة فى السيرفر :(

ده الحل الوحيد انك تعمل ليك اسم اما باو نوفا عادية و كدا بتموت برضو
اصل ناو كلها مش بقت نوبات :cry: