|
تعالوا شوفو المتظاهرين اللى بيطالبوا بالحرية بيعملوا ايه
وقفة لأنصار مبارك بميدان مصطفى محمود
تجمع اليوم عدد قليل من أنصار الرئيس السابق حسنى مبارك فى ميدان مصطفى محمود رافعين صورته ومرددين "نعم نعم لمبارك"، الأمر الذى أدى إلى تجمع عدد من المواطنين حولهم، وكاد الأمر يتطور إلى اشتباك بين المؤيدين والمعارضين لولا تدخل أفراد الجيش الذين سيطروا على الوضع فى الحال. يذكر أن هذا التجمع القليل لعدد من أنصار مبارك جاء بعد قليل من إذاعة قناة العربية ظهر اليوم لرسالة صوتية لمبارك أكد فيها أنه لا يمتلك أى أرصدة خارجية هو وأسرته. http://www.youm7.com/News.asp?NewsID=388389 كانوا هيعتدوا عليهم علشان بيقولوا رائيهم بكل حرية ودون اضرار الغير سبحان الله انا مش عارف المتظاهرين دول مش عايزين حرية لغيرهم ليه يمكن يقولوا ثورة مضاده ههههههههه كانوا هيعتدوا على النساء النساء النساء النساء وكانوا هيخلوها مجزرة علشان رائيهم بس اللى يمشى لكن انا ببعتلكم رسالة زى ما الام كاتبة فى الصورة فى اليوم السابع بنحبك يا ريس - كلنا فداك يا ريس - جمعة رد الجميل المتظاهرين يعينى كل ما ينزلوا مظاهرة يقولوا الشعب يريد وانتو مين قالكوا ان الشعب كله معاكم ؟؟ اكيد اللى ضحكوا عليكم نحن فى اسبوع بقينا 80 الف بقدرة قادر ده غير اللى هيسمعوا فى التليفزيون وهينزلوا وغير اللى هيشوفوا الخبر دلوقتى يقولولك دول حزب وطنى ههههههههههههههه ربنا يشفيكم ههههههههه عذرا ايها الشعب المصرى الحرية فقط لشباب 25 يناير لكن لينا احنا لا علشان الحرية حرام لينا |
شكرا ع الخبر
|
صح والله تسلم ايديك
|
شكرا ع الخبر
|
مش ممكن يكون المؤيدين هما اللى بدأوا بالاعتداء على المتظاهرين؟
|
اقتباس:
انا معاك في رايك وبعدين متزعلش مني الكل عارف ان مبارك دمر البلد وجابها الارض عشان كداا مش هقولك كل الشعب ....لا يا سيدي معظم الشعب مش بيحبه تيجي انت تقف قدامه تقوله طب بالعند فكم احنا بنؤيد مبارك يبقي انت بتستفز الناس والشعب في الفترة دي حس بقوته والناس فيها كمية غضب فظيعة من الفساد والرشاوي والسرقة ..... عد انت بقا مصائب عصر مبارك |
اولا : مشكور ع الخبر
ثانيا : مع كل احترامى بس هى دى الحقيقة كتير من الشعب مش فاهم يعنى ايه حرية وانا مش مع مبارك بس هى دى الديمقراطية او الحرية انك تقول رايك بس باحترام مع كل احترمى للجميع |
شكــرا ع الخبـر |
وانا مش مع مبارك انا كمان لكن
لو لاحظت فى الصورة فى الموقع هتلاقى ان معظم المؤيدين سيدات كتير ومش معقولة سيدات بعدد قليل هيتهجم على شباب كتير مبارك مش راجع للحكم تانى نهائى ولو للحظة لكن انا عاوز اوصل ايه انه ايام الثورة فى خطابه قال هؤلاء الشباب نزلوا ليطالبون بحقهم وحريتهم ويجب انت نستجيب لطباتهم يعنى الراجل اعترف بالشباب لكن للاسف الشباب شتموا واهانوا ده حتا الاجانب اللى كانوا جايين يصوروا كانوا رافعين لافتات بيشتموا مبارك ده ينفع ؟ امبارح حصل مشادة بين اتنين من المتظاهرين فى التحرير تخيلوا ايه اللى حصل ؟ واحدة مصورة اجنبية بتصورهم وهما بيتخانقوا راح واحد منهم اتهجم عليها وضربها وده احسن حاجة طلبنا التكريم لمبارك لانه بقاله 30 سنة يحكم ومشفناش اللى بيحصل دلوقتى ده خالص مهما كان عصره فساد او شئ اخر احنا مطلبناش نكرم جمال او سوزان بل بالعكس احنا عاوزنهم يتحبسوا بس مبارك عيب لانه يعتبر رمز من حرب 73 وغير كده يا جدعان ده راجل عنده 83 سنة احنا نعمل كل اللى عاوزينه فى جمال وسوزان ونحمد ربنا انه ساب الحكم ومعملش زى بتاع اليمن وتونس والراجل قال انه هيموت جوا بلده ومش هيخرج منها ولما تعب رفضنا نسفره لتلقى العلاج لكن خلاص ياريت محدش يعمل مظاهرات اليومين دول علشان البلد تمشى والله لو فضلنا مظاهرات كده ممكن تدخل علينا مجاعة ونفلس فيه كتير فى البلد ديه نفسى يتعاقبوا امثال المخرج خالد يوسف . غاده عبد الرازق . ونمنع كل الافلام اللى بيعملوها ديه الواحد والله بيبقى فى نص هدومه لما ابقى قاعد مع والدى او اخواتى والفيلم ده شغال افلام فى منتهى القباحة زى حين ميسرة و كلمنى شكرا وغيره مش عارف هيعملوا اكتر من كده ايه بعد كده |
فيما أجرى برنامج 90 دقيقة حواراً مع "حذيفة" الراجل أبو جلابية، وقال إنه طالب ازهرى ، ولم يكن يقصد إحداث فوضى فى الاستاد، وإنه كان يريد أن يسلم على بعض اللاعبين، والتصوير معهم، وهو ما فعله حينما تمكن من التقاط صورة بصحبة حارس مرمى نادى الزمالك عبد الواحد السيد.
موضوع ابو جلابية مش ثورة مضادة زى ما ظلمنا الناس بالباطل استنفار بين متظاهرى التحرير بسبب الاعتداء على مراسلة أجنبية سادت حالة من الاستنفار والذعر بين متظاهرى التحرير بعد تعرض مراسلة لإحدى الوكالات الأجنبية للضرب من قبل أحد المتظاهرين أثناء قيامها بتصوير مشادة بين شخصين، واتهموها بالعمالة، وقاموا بضربها، مما أدى إلى فقدانها الوعى، وقام عدد من المتظاهرين بحملها والجرى بها فى أحد شوارع التحرير، مما أدى إلى هرولة كل المتظاهرين وراءه بسبب أعمال البلطجة التى يتعرض الموجودين بالميدان. من جانب آخر بعد فرار كل المتظاهرين إلى الشوارع المجاورة للميدان خوفا من تعرضهم للاعتداء عليهم من قبل البلطجية هتفوا "ارجع ارجع"، ووصفوا ما حدث بأنه محاولة لتفريق شملهم، فيما قام عدد من المتظاهرين بحمل المراسلة ووضعوها فى تاكسى خرج بها بعيداً عن الميدان http://youm7.com/News.asp?NewsID=388...65&IssueID=162 |
لا انتا اى حاجه بتلبسها فى الثوار عشان تشوه صورتهم ليه دول ميكنوش بلطجيه او فلول النظام السابق الى عايزيين يشوهو الثوار ؟ المتظاهريين الى فى التحرير الى عملو الثوره و نزلو نضفو الميدان فى قمه الأحترام و لأدب وعمرهم مايعملو الكلام الى انتا بتقولو ده و معظم الشعب مع الثوره (غير الناس الى بتحب الفساد) او حزب وطنى (الفساد بيبقى فى دمهم) لما يطلع هنقول 80 الف واحد (وهما اقل كتير) مع مبارك الغلبان الى محلتوش حاجه ولا اموال فى سوسرا و لا فى لندن ولا كان سارق حساب مكتبه الأسكندريه ..... و اكتر من 6 مليون ضدكو "يبقى الشعب يريد" ولا لأ .. ؟ لو مش الشعب يريد تبقى دى مش ديموقراطيه |
تسلم على الأخبار
|
يعنى بجد يبنى خلتنى كنت هموت من العياط والضحك
مبارك يا عينى معندوش فلوس هو وأبنه ومراته وابنه التانى جمى لول ده عند امه يا أدهم ده كفايه فلوس مكتبه الاسكندريه كفايه البنيه التحتيه الى بقاله 30 سنه بيتكلم عنها الى هيا (( المجارى - المياه - الكهرباء )) كفايه الى انا شفته انبارح على قناه الرحمه وبلاش اقول عشان لو قلت هجبلكوا الغم وكل ده مبارك هيسأل عليه لأنه مش احسن من سيدنا عمر رضى الله عنه الى قبل ما يموت كان خايف ان ربنا يسأله عن حـمـاره وقعت فى الطريق بسبب ان عمر مسواش الطريق ليها !!! شوف بقى مبارك يا سيدى كفايه ان مبارك أمر بالتعامل المباشر مع كل المتظاهرين كفايه ان مبارك هيبقى متعلق فى رقبته يوم الدين دماء ابرياء كتييييييير اوى من حوادث القطارات والسيارات والأمراض ........... الخ غير بقى الشهداء بتوع الثوره كفايه ان ابن مبارك كان فاكر ان مصر عذبة ابوه يعمل فيها الى هو عايزه يبيع ويشترى زى ما هو عايز ولو كنت شفت النشره انبارح كنت عرفت التهم الى مقدمه ليه كفايه عليك كده ولا أقول ليك كمان شويه خد احمد عز و جرانه والمغربى و صفوت الشريف وسرور موافقات و زكريا عزمى و و و و .......... الخ مش دول الى اكلوا فلوس الشعب ؟؟؟!!!!!!!!! مش دول الى ربنا هيسأل مبارك عليهم وغير بقى الحكومه من بطرس غالى والكبير احمد نظيف الى شرف اخواته فى طره وجاى ليهم قريب الباقيه ده امى انبارح وهيا بتتفرج على النشره وبتسمع الأرقام الرهيبه المسروقه من مصر والى تتعدى التريلونات مره واحده واحنا فى هدوء وبنتفرج دعت بأعلى صوتها لدرجه ان الى فى الشارع سمعها على مبارك مع انها كانت بتدافع عنه زيك كده تاخد تانى ولا كفايه !! احب اقول ليك تانى عند امه يا أدهم على ان حق الشهداء يروح وحق بلدى يضيع |
اقتباس:
والله انا كنت مستنى اشوف رد عدل علشان اتكلم.. و كل اللى انت قولتو ده والله مش كفايه ولا يجى شعره فى بحر فساد مبارك |
اقتباس:
معاك فى كل كلمه و الكلام الى بيقولو ده عند امه يا أدهم و ياريت يكون فى موقف من المنتدى و القسم هنا بحظر كل من يسىْ الى الثوار و الثورة وكل من يؤيد الفساد لأن هذه ليست معارضه هؤلاء هم الثورة المضاده يريدو اخماد ثورة الشعب المصرى ( و هما كام واحد هنا معدودين ميزدوش عن 2 او 3 ) .................. ولن ننساكم [IMG]http://img104.***********/2011/04/11/146189517.jpg[/IMG] انتم من ضحى لأجل ان نعيش فى مستقبل افضل الثورة مستمره ....... |
للاسف برضوا بيضحك عليهم وبيفتكروا ان دول مش شباب الثورة
هجيبلك دليل تانى علشان بس محدش يفضل يتكلم وخلاص ادخل فى الفيس بوك على ائتلاف 25 يناير او اكتب شباب 25 يناير وشوفهم بيهددوا الناس بالقتل ولا لا بلاش نضحك على بعض ونلف وندور انتو هتفضلوا دايما كده هتفضلوا كل حاجة تقولوا ان اللى بيعملوا كده من فلول النظام السابق ما انتو قولتو كده على موقعة الجلابية وطلع كلامكم خاطئ واتهمتوا الناس بالباطل على فكره زى ما بتتهموا الناس بالباطل زى موقعة الجلابية وتقولوا انها ثورة مضادة ربنا هيكشف الحقيقة ليبرئ كل اللى اتهموا بالباطل زى ما برئهم فى موقعة الجلابية ولسه ياما حاجات كتيرة هتطلع تثبت برائتهم وساعتها مش هنشوف ولا واحد منكم زى ما حصل فى برنامج شوبير بعد ماتش الزمالك كله دخل وقال ثورة مضادة لكن بعد ما جابوا الواد ابو جلابية ولا واحد دلوقتى بيفتح انفه لانه اتكسف اكبر كسفة فى حياته وظلم الناس بالباطل الحقيقة ستظهر وكل يوم هنكشف |
اقتباس:
احنا مالنا ومال اوبو جلبيه ياكش يولع هو وكل الى نزل الى عملوا كده ونزلوا 100 او اكتر ولما الكل شافهم وهما بينزلوا بدأ الجميع ينزل ممكن ترد بقى انت على اتهماتى الى انا قدمتها ليك وقلت فيها مبارك عمل ايه؟ او الموضوع سيغلق لأنك معندكش حجه وكده يبقى النقاش خلص |
جيه الزمن اللى ناس علشان عملوا ثورة صورهم تبقى فى كل مكان والناس اللى حاربت فى 73 وماتت علشان خاطرنا
عكرنا وا اتكلمنا عليهم قد ما اتكلمنا على ثوار 25 يناير جيه الزمن اللى فيه اللى حارب فى 73 وقاد اول ضربة جوية يتهان بالطريقة ديه واللى قتل رئيسنا السادات ( عبود الزمر ) الناس تحتفل بيه لخروجه من السجن وكل الصحف تجرى عليه علشان ياخدوا منه كلمة وبياخد اول صفحة فى كل الجرائد شهداء 25 يناير اللى هما مش شهداء حسب ما قال الرسول صلى الله عليه وسلم فى الحديث عن الشهيد صورهم فى كل مكان والشهداء بتوع حرب 73 الى هما شهداء حسب ما قال حديث الرسول صلى الله عليه وسلم عمرنا ما حطينا صورة ليهم فى الشوارع زى ثوار 25 يناير |
اخبط
انا ابويا حارب في 73 هو و صحابه و مخنوقين من مبارك....تاني حاجه محسسني انو حارب لوحدوا.....انت بتتكلم ف ايه ده اهم سلاح في الحرب المدفعيه و المشاه....لو كنت يعني بتتكلم ع الحرب افتح ويكيبديا و بص الحرب كانت عامله ازاي....تالت حاجه الضربه الجويه المفروض كانت تضرب الساعه 2 ...........الخمس دقايق دول بقى بتوع ايه؟؟؟؟.......رابع حاجه الضربه الجويه طلعت طلعتين تلاته و بقيت اركان الجيش هما اللي كملوا..............انا هقول بس حسبي الله و نعم الوكيل |
اقتباس:
مبنتكلمش على شخص بعينه اكيد مش كل الى نزل ثوره مضاده فى ناس نزلت مع الزيطه ياريت تفكر شويه مين الى خلى الناس تنزل . و لو ده هوا جمهور الزمالك الى نزل بس انا اعرف ناس كتير كانت هناك وقالت ان دا شىء مترتب لأخماد الثوره يبقى دا تقصير امنى :nono2: من غير ماشوف عمرى ماصدق و مش اى كلام اشوفو اصدقو انا نزلت و شفت الشباب و الشعب المصرى وهما بينظفو الميدان و هما بتوزع ميا و عصاير و مفيش ولا حاله تحرش و لما المسلم يصلى المسيحى يحمى ضهره و لما المسيحى يصلى المسلم يحمى ضهره و لما حد يحب يشوف البطاقه يقولك معلش احنا مضطرين و ناس فى قمه الأحترام ...... لاكن بقى تقولى جمعه التكريم و الكلام الفاضى ده كل من يؤيد الفساد يجب القضاء عليه :lightsabre: |
اقتباس:
كلامك صح :nono2: مش عارف انت بتجيب اخبار ضد الثورة والشعب ليه !! :confused::queenie: انت شغال مع حسنى مبارك :mf_cupid::mf_cupid::brow: |
اقتباس:
يا عم والله العظيم حاولت افهمو مش راضى يفهم حاجه غريبه والله ..... |
اقتباس:
كل من حارب فى 73 نشيله على رسنا دا واجب وطنى زاى اى مواطن مصرى حارب هوا مطلعش بالطياره لوحدو و راح ضرب الضربه الجويه و رجع لاكن الى عملو بعد كده يدل على عكس ما فعله اعتقال الفريق الشاذلى .. ؟ يصدر الغاز لأسرائيل .. ؟ اسرائيل شغاله ضرب فى غزه و مفيش اى تحرك منو .. ؟ يسمح بعبور الأساطيل الحربيه بتاعت امريكا من قناة السويس لضرب العراق ..؟ يبيع و يخصخص البلد و ينهب و يسرق الشعب و يقتل المتظاهرين العزل ياريت ترد و انتا ميين انتا عشان تقول مش شهداء ... ؟ هوا الى يموت فى الدفاع عن وطنه من الظلم و الفساد الأستبداد يبقى مش شهيد ؟ شهداء الثورة شهداء ان شأالله مثل شهداء 73 تماماً كلهم للدفاع عن الوطن ياريت عند الحته دى و تقف عشان الدين يتبرء من امثالكم دينك بيدعوك انك تؤيد ال اعتقال الناس ظلم و طرد العلماء من البلد و بهدلها .. ؟ ال ىيصدر الغاز لأسرائيل .. ؟ ال يسمح بعبور الأساطيل الحربيه بتاعت امريكا من قناة السويس لضرب العراق ..؟ ال يبيع و يخصخص البلد و ينهب و يسرق الشعب و يقتل المتظاهرين العزل و غيره و غيره ..... ؟؟؟؟؟؟؟؟؟؟؟؟؟؟؟ ياريت ترد |
الشهيد هو من دافع عن علمه او شرفه او دينه او من دخل فى حرب مع الكفار
هل بقى هما دافعوا عن حاجة من دول يا اخى ده حتى المذيعة منى الشاذلى لما قالوا الشهداء راحت بس الاول نحب نوضح هما مش شهداء احنا بنقول بس شهداء علشان نكرمهم ونصبر اهلم ومحدش عرف يتكلم علشان عرافين ان الكلام ده صحيح بدل ما عمالين تتكلموا وتقولوا الثورة مستمرة روحوا شوفوا نفسكم حطين ايديكم فى ايد مين انتو ايديكم فى ايد الاخوان المسلمين اللى قتلوا الرئيس انور السادات خلو الثورة مستمرة انا ميهمنيش هيا لما تخرب هتخرب عليا لوحدى ؟؟ كملوا يا حبيبى بس بحذركم لو اقتربتوا من محبى مبارك الناس هتقلب عليكم لان كده هتبقوا مش عايزين حرية رائ لحد غيركم |
يا جماعه عادي ناس عاوز مبارك خلاص سيبوهم براحتهم انتو متضايقين ليه هم مش بتوع ميدان التحرير مش عاوزينه ودول عاوزينه خلاص كل واحد بيقول رائيه بس لو كلامك صحيح انهم كانوا عاوزين يضربوهم يبقي لاامال فين الحريه اللي وجعوا دماغنا بيها مش كل واحد المفروض يقول رئيه خلاص انت ملكش دعوه اعترض لكن باحترامك ومحدش يقدر يقول مبارك والوزراء ورجال الاعمال ما خربوش البلد يبقي بيكدب علي نفسو لكن مش كل شويه لما حاجه تحصل يقولو الحزب الوطني والمتظاهرين اللي بينزلو مصطفي محمود ما اعتقدش انهم تبع الحزب الوطني علشان الواحد زهق من الكلمه دي والله اعلم
|
اقتباس:
اولاً انتا مجوبتنيش على الأسئله و بتلف و تدور و تجيب نفس الكلام بطريقه تانيه ثانياُ قال الرسول عليه الصلاة والسلام (من مات دون دينه فهو شهيد ومن مات دون اهله فهو شهيد ومن مات دون ماله فهو شهيد ومن مات دون ارضه فهو شهيد ومن مات دون دمه فهو شهيد ) انتا شايف ان الى استشهدو فى الثوره مكنوش بيدفعو عن ارضهم ولا مالهم الى كان بيتسرق و اهلهم الى كانو بيموتو ظلم مثل العباره و خالد سعيد و غيره .. ؟ ياريت متتهربش من الأسئله ثالثاً يشرفنى ان ايدى تبقى فى ايد ناس بتدافع عن الحق اى كانت اخوان بقى ولا صوفى ولا مسيحى ولا غيره فالشعب المصرى كله نزل دون تفرقه و بعدين خلاص حوارات التفرقه دى ملهاش لزمه و تقول اخوان و اجانب و ناقص وجبات الكنتاكى و اجندات ....... اهم حاجه اجتمعنا على حاجه وهى القضاء على الفساد و مصر تبقى احسن |
تسلـــــــــــــــــــــــــــــــــم
|
يا اخى شهيد الدنيا والاخرة هو من حارب ضد الكفار او دافع عن دينه وشرفه وعلمه
ومن الاخر كده الاخ panto قال الكلام الصح كل واحد ليه رايه ويقوله باحترام وبص هو كاتبلك ايه بالخط الكبير علشان تشوف لو ضربتونا علشان بنقول راينا تبقى مش ديه الحرية خلص الكلام انتو قولوا رايكم وانا اقول رائ وبكل احترام دون ايذاء الغير لكن لو قربتوا مننا هيبقى فيها كلام تانى خالص |
الأحرار يبكون شهدائهم.
و العبيد يبكون جلادهم. وقانا الله وإياكم شر العبودية |
يا جماعة احنا كلنا اخواااااااااااااااات والاختلاف فى الرائ مش مشكلة
بس احذروا اتهام الناس بالباطل لاننا قولنا على موقعة الجلابية وحرق الاضرحة ثورة مضادة وطلع كلامنا خاطئ فبعد اذنكم متقولوش على اى حاجة ثورة مضادة ومتقولوش على كل مؤيدين مبارك كلهم حزب وطنى انا من محبيه ووالله مش حزب ولا اى حاجة فبلاش نتهم الناس بالباطل |
انا معاك قول رأيك بس بدون اسائه ولا للثوره ولا الثوار قول انك هتنزل جمعة رد الجميل و قول للناس الى عايز ينضم معاكو بس من غير ما تشوه صوره ثوار التحرير و انا هقول ان احنا نازلين جمعة التطهير و المحاكمه والى عايز ينضم ينضم بدون الأسائه الى احد |
اقتباس:
|
| الساعة الآن 11:19 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.