|
تي داتا وسياسه الاحتكار
البنج في تي داتا ثابت على 600 في المنصوره
مع اني واخد 512 و يعتبر لوحدي على الخط المهم قلت اسيب تي داتا واوصل مع فودافون بعد ما جاري وصل معاهم والبنج عنده 95 وطبعا فرقت معاه جدا لانه بيلعب واو. بمناسبه واو كل شويه نتشاكل انا وهو على واو مقابل سيلك زي الاهلي و الزمالك كده :) :mf_swordfight: المهم انا عارف ان تي داتا بترخم في الكنسليشن نمبر لكن متوصلش لشهر ونص تلفونات وشكاوي ورايح جاي عليهم وهما كل شويه بكذبه شكل اخر ما زهقت بعت للشركه ايميل بهزئهم فيه باحترام بس ولا هما هنا وادي الميل " تعقيبا على رسالتي السابقه والتي ارستلها بالانجليزيه ولا اعرف لما لم تؤخذ بجديه ساكتب رسالتي الثانيه بالعربيه ربما لا تلقى نفس مصير سابقتها لا يصح لشركه محترمه وعريقه مثل شركتكم ان تتصرف مع عميل لديكم من 2007 بهذا الشكل لوائحكم تقول ان يتم تعليق ايقاف الخدمه الخاصه بالعميل وعدم حصوله على رقم الغاء الخدمه لحين سداده مسحقات الشركه كامله وانا اسسدد مستحقات الشركه كامله مقدما كل شهر على مدار ثلاث سنوات اذا لماذا الاجراءت التعسفيه و تعطيل مصلحه العميل هذه شركه محترمه لا يصح ان تتعامل ببيروقراطيه تذكرنا بفساد الحزب الوطني الذي تم اسقاطه وكلما حدثت موظفا لديكم يقنعني بان الخدمه تحسنت واني ساعدود اليكم مره اخرى.. لو لم تحدث معي هذه الاجراءات التعسفيه ربما عدت الى الشركه و نصحت بها لاي شخص سالني عليها. لكن صوره الشركه صدقوني لا ترضونها. الشركات الكبيره تهتم برضاء العميل حتى لو كان هذا اخر تعامل لانه يعطي انطباع وصوره جيده عنها. انما ان تتعامل الشركه بمدأ لوي الذراع وتعطيل مصلحه العميل لكي لا يجد مفرا من التعامل معنى. هذه سياسه شركات احتكاريه لن تلبث ان تسقط. وانا اربأ بكم ان تكونوا هكذا. الرجاء لا تخبرني ان رقم الالغاء لدى المتعهد لان هذا غير صحيح ولا تخبرني ان هناك اضرابات تحول دون الحصول على الرقم لان هذا غير صحيح انت وانا نعرف الحقيقه فلا تضطروني لان استاء اكثر من ذلك تقبلوا خالص تقديري واحترامي " وبرضه ولا هما هنا. ماذا تفعل لو كنت مكاني :unsure: |
إن شاء الله الشركة تحل مشكلتك فى القريب العاجل
|
منتا عارف واتقالت قبل كده ان اللى فى خدمه العملاء دول وسايط ومش فاهمين حاجه فى الكوسه بقايا النظام القديم وانشاء الله الأمور تتحسن
|
ان شاء الله مشكلتك تتحل قريب
|
والله الواحد اتخنق من كل حاجه وحشه فى البلد دى لا نت كويس ولا فى حاجه كويسه لما نشوف الايام الى جاه دى الشركات دى بجد لازم تبقى محترمه يا اما بلاش منها:confused:
|
:queenie:
دى شركه .... لفظ مش قادر اقوله يلا ربنا معانا كلنا |
بجد انا محتار
لأني بتعامل معاهم من فتره من بعد ما سيبت لينك شركه محترمه جدا ده حتى لو فيه مشكله في السرعه بكلمهم بيظبطوها أكيد مشكلتك خطأ فردي من خدمة العملاء |
ربنا معاك انا مقدرش يكون عندى مشكلة فى النت واصبر دغدغ الشركة على دماغهم <<<<<< بهدى الامور ^^:flex::flex:
|
ربنا معاك
|
ربنا يسهل
|
انا برضو موصل من Te-Data من المنصوره
موصل خط 1 ميجا لوحدى بس انا حصل معايا عكس اللى حصل معاك ان كنت عايز اوصل من فودا فون 1 ميجا قالولى الداون لود 4 جيجا فى الشهر انا قولت لا طبعا 4 جيجا دول انا بنزلهم فى يوم :)) رحت لعمك Te-Data بسم الله ما شاء الله منتهى البيض فى التعامل راجل سئيل قاعد على الجهاز و اطرش كل لما اقوله لسه قد ايه يا ريس يقولى الاسبوع الجاى عشان الكانسليشن نمبر الكانسليشن نمبر ده كان بيجيبو من الهند 3 اسابيع بيجيب فيه مش عارف كميا دى ولا ايه و الحمد لله بعد لما ربنا فتحا عليا و اخيرا جبت الروت و يا ريتنى ما جبتى يا ريتنى كنت سمعت كلامك يا محمد يا ماهر و جبت اى روتر تانى من بره بسم الله ما شاء الله روتر بنفس السئاله بتاعت الراجل اللى كان قاعد فى الشركه تحس انو بينط منه نفس الرخامه روتر اسمه Te-Data ههههههههههههههه تصدق وتأمن بالله و انا بكتب الرد ده النت فصل =)) و يا سلام على النت شتغل 5 دقايق و يفصل نص ساعه اشوف البنج الاقى مكتوب Destination Host UnReachable اخرلما اتخنقت كلمت الشركه و فى نص المكالمه الرصيد بتاعى خلص اذ فجأتا لقيت الشركه هى بتتصل بيا :worthy: بس كان راجل محترم ^^ كان بيقولى الخطوه اعملها فى ساعه الا ربع و الحمد لله برضو النت بيقطع بس الداون لود عندهم حلو والله بليل السرعه عندى بتفتح 120 انا اصلا فكرت انقل من Te-Data لاى حاجه تانيه بس مش لاقى شركه حلوه بدور لسه |
اقتباس:
|
انا خطي في تي داتا قديم وغير محدود الكميه.
بس عاوز اوصل مع فودافون الفكره ان اللي بيعملوه دا لو احنا في بلد محترمه مفروض اني ارفع عليهم قضيه واخد تعويض وباذن الله مصر هتابقه محترمه واي شركه زباله زي دي هتعرف ازاي تتعامل مع الناس __ اللي انا متاكد منه ان سياسه النت على بعضها هاتتغير في مصر الناس في الخليج عندهم خطوط بالميجات وفي اوروبا بعشرات الميجات وفي كوريا بلاش عشان بيجيلي كرشه نفس المهم احنا في مصر لسه بنجيل خط 512 ونخمسن فيه مع جيرانا وعاوزين يعملوه كمان محدد الكميه يعني لو نظيف كان فضل شويه كان نزل النت على بطاقه التموين ... ليك في الشهر 4 كيلو تصرف نفسك بيهم فهي مساله وقت والامورهاتتحل ان شاء الله بس انا متغاااااااااااااااااااظ هفرقع ياناس :bicycle: |
يلا ربنا معانا كلنا
|
والله ما جديد أسأل مجرب عامين من الخنقة والقرف ...كل 5 دقايق عندهم هناك...وطبعا لا حياة لمن تنادى
ربنا يسهل ومشكلتك تتحل |
اقتباس:
|
ده الطبيعى بص انا عوز اعرفك حاجه 1 انتا كده مهزتهمش انا بعمل اكتر من كده و وصلت لحد الشتيمه بس دول جبلات ياخى بس فى وحد صحبى قالى على حاجه حلوه اوى يمكن تنفع معك اناعن نفسى مجربها انتا هتروح الشركه وتعرف ايه لى ماخر الكنسليشن نمبر بتعك و طبع هما مش هيدوك عقد نفع و مش هتعرف فى ايه !!!؟ المهم اطلب منهم رقم الكيس بتع المشكاله و هم مش هيردو يدهولك طبع بس حول تخدو بطريقا او باخره هيسالوك عن السبب هتقولهم انك هتخود رقم الكيس او المشكلها و هتروح تعمل شكوه فى وزارة لاتصلات بس لو مشكلتك دى متحلتش فى 24 ساعه و سدقنى اقبل متعدى ساعه هيكونو عملنلك لى انتا عوزه اصل وزارة الاتصلات دى العفريت بتعهم و انا مجربها سدنى و تقابل مروارى و شكراا |
انا كل يوم الصبح يقطع اتصل يقولى الى بيرجعوا الخدمة بيجوا الساعة 12 اتصل الساعة 12 يقولى ساعتين و حترجع
و مترجعش اتصل تانى و بردوا مفيش فايده بيرجعوها حولى الساعة 7 بليل دى شركة بنت .... |
اقتباس:
وانا برده كده والله دى شركه زباله مره النت يبوظ ومره يتعدل وحاجه قرف |
رحت السنترال
ووصلت لاني دخلت غرفه التست اللي مشبك فيها خطوط الحي اللي انا ساكن فيه والموظف شكلي صعبت عليه قعد يدور معايا لغايه ما وصلنا للتفون بتاعي ولقيناه شابك وزي الفل يعني البهوات اصلا مفصلوش وعرفت منه ان مفيش حاجه اسمها موظف بيطلع من تي داتا يروح السنترال يجيب الكنسليشن نمبر لانهم شغالين على سيستم موظف تي داتا بيضغط على زرار بيكنسل وانتهت القصه رحت لتي داتا زعقت وعملت اللي فيه النصيب ولا حياه لمن تنادي منتهى البرود وقله الادب بيقول انت بتجيلي كل يوم قلتله انا جيتلك امبارح جتلك قبله ولا جتلت قبل قبله ولو حتى بجيل ككل يوم ما تديني طلبي واوعدك مش عاوز اشوف وشكم المهم نداء على ثائري المنصوره الشرفاء جهزوا شويه قنابل ملتوف ويله بينا نطلع على الشركه دي ونعلمها الادب ودا هايبقه عبره ليهم اقسم بالله المقر دا يستاهل الحرق عشان يتادبوا وحسبي الله ونعم الوكيل |
هو مفيشـ حاجه حلوه فى البلد :elvis:
|
انا ليا واحد صاحبى ..نفس مشكلتك بالظبط واخر مازهق شتم موظف كبير فى الشركه واتخانق معاه .. راحه معلقين الخدمه كذا شهر بتاع 4 شهور ...بس هو راح مغير خط التلفون واشترك بخط جديد مع شركه لينك ....... وأنا برده مجرب تى داتا وعارف قد ايه شركه مش كويسه فى كذا حاجه ....ولو محلوش مشكلتك قدامك تقدم شكوى فى حمايه المستهلك ...وانا معرفش دى فين او تغير خطك من السنترال |
ربنا معاك
|
الجديد
بعد ما رحت واكدتله اني عارف انه بيكذب و هزئتهم وعملت شكوى رسميه هناك. اتصلت ب 19777 لطعوني 26 دقيقه وفي الاخر فصلو الخط. اتصلت ب 155 تاني يوم وقالي المفاجاه. ان تي داتا قدمت على كنسله الخط امبارح.. حسبتها مع نفسي لقيت الكلام دا بعد ما انا مشيت من الفرع مباشره :mf_swordfight: يااااااااااااااااااااااه كنت مش مصدق نفسي بجد غيظ رهيب من انهم فعلا شهر ونص بيكذبوا وبيقولوا ان المشكله مش من عندهم والحقيقه انه هو اللي معطلني وان دي سياسه شركه زي ما اكدلته. وفرحه بجد لاني حسيت ان تعبي جه بفايده وفضلت محتار ياترى عشان هزئته ولا عملت الشكوى ولا عشان رحت للسنترال ؟؟؟ مش عارف المهم اصريت على تقديم شكوى في 155 احتياطي لاني برضه مضمنهمش على العصر كده واحده من تي داتا القاهره اتصلت بيه .. وقالت انها بتكلمني بخصوص الشكوى اللي قدمتها في الفرع. وبتقولي انهم خلاص قدموا الطلب وانا اقدر اوصل مع اي شركه حتى من غير الكنسليشن نمبر. قلتلها لا انا عاوزه قالت اتصل بينا يوم الاحد قلتلها انتو فاصلين تلفوني من على السيستم قالت هانتصل احنا بيك سمعتها كلمتين ان المعامله زفت وطين المهم كلمت فودافون مرضوش يبدأو الاجرات بتاعه التوصيل الا اذا جبت الكنسليشن واديني مستنيه يوم الاحد وربنا يسهل |
اقتباس:
انا عندى بالنهار 350 كيلو بايت و بقول النت بطىء :) |
دة انا تعبت ودقني طلعت معاهم :mf_swordfight::mf_swordfight:
بس المشكلة اتحلت بعد اسبوع :teehee: ربنا معاك |
انا بكتب لكم انهارده عشان اقولكم ان المشكله الحمد لله اتحلت وعشان اللي حصل دا يبقه موجود لاي حد يمكن يستفيد بيه ويعرف الحقيقه عشان محدش يلف ويدور عليه الشركه اتصلت بيه انهارده وادوني الكنسليشن نمبر الدروس المستفاده في نقط - الكنسليشن نمبر دا مجرد اجراء زي اخلاء طرف الشركه تجاه خطك.. ولا يستلزم من الشركه اي شيئ غير انه يعمل كونفرم على السيستم بتاعه ان الخط دا اتفصل - يعني يضغط على زرار لا اكتر ولا اقل - عشان يطلع ليك الكنسليشن نمبر الموضوع خد معايا بعد ما ضغطو على الزرار اربع ايام فيهم جمعه وسبت اجازه يعني يومين شغل فهما بيدوخوك شهر ونص عشان ترجع ليهم والموضوع بياخد يومين فقط ودا اكدلي كذبهم - لازم الواحد يصر على حقه ويقاوم ان حد يبتزه ومفروض منسكتش على اي استغلا او احتكار. والا نستاهل اللي يجرالنا - الشركات الحقيره اللي بتتعامل بمنطق الاحتكار مصيرها الى الخساره و الزوال اتمنى مصر نضيفه ياخد فيها الكل حقه والمعامله اللي يستحقها شكرا ليكم على مساندتكم معنويا |
| الساعة الآن 12:21 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.