|
بموضوعيه تامه , أيهما تفضل اللعب مع مصريين و عرب ام الأجانب في Silkroad Online
بسم الله الرحمن الرحيم
الموضوع ده عايز بيه نعرف حقيقه نفسنا , حقيقه تعاملنا مع بعض احنا علي طول كعرب عايشين ف جو المؤامره ان كل الناس بتاعت بره بتكرهنا و كلها مش طايقانا و كلها بتعمل فينا و تسوي فينا نتكلم بصراحه شويه إحنا نفسنا مش طايقين بعض و لا عايزين نساعد بعض و لا عايزين نبقي أيد واحده ابدا حتي ف اللعب انا مش بتكلم هنا علينا كأعضاء في منتدي او اصحاب ف منطقه واحده بنلعب اللعبه مع بعض انا بنتكلم علينا كلنا كعرب مع بعض بنلعب ف لعبه واحده تحب تلعب مع مين مصريين و عرب و لا أجانب من اي حته ف الدنيا ما تعرفهمش ؟؟ مين اللي كلمته و لعبت معاه و طلع معاك جدع للأخر و عايز يساعدك بجد من غير ما يكون عايز منك حاجه , المصريين و العرب و لا الأجانب كل واحد فينا اكيد قابل ناس كتير جدا ف اللعبه فيهم الكويس و فيهم الوحش ف ياريت كل واحد يقول تجربته الشخصيه في التعامل مع الناس من خلال لعبه محدش فيها شاف التاني ف الحقيقه انا عن نفسي في اللعبه دي لحد دلوقتي بقالي 63 Level أهو و حوالي 8 شهور بلعب ما شفتش انضف من الأجانب بمختلف جنسياتهم في التعامل معايا حتي الأتراك اللي مشهورين ف اللعبه انهم Spammers و Scammers وبيسرقوا الناس طلعوا جدعان جدا مع الغريب قبل لما يكونوا مع نفسهم الألمان و الفرنسيين و غيرهم و غيرهم ناس محترمين لأقصي درجه و يكلمك بكل صراحه و يقولك انت مصري مشهور عنك انك حرامي بس لما تكلمه و تكون معاه كويس هو من نفسه اللي ييجي يدور عليك و يقولك تعالي العب معايا انا حاليا في Guild تركي و الـUnion بتاعه كله تركي و ببقي مش فاهم نص كلمه من اللي بيقولوه بس فجأءه الاقي Master الـGuild عامل Party للناس اللي لسه اقل من الـ70 و يقول تعالوا ادخلوا ( عمري ما شفتها في Guild مصري ابدا ) الاقي واحد 80 عامل شخصيه تانيه و فاتح الاتنين بيعلي واحده بالتانيه الاقيه يكلمني و يقولي تعالي Party For Free و يسيبني معاه ساعتين تلاته اربعه كمان ما يقوليش هات 1 Gold حتي واحد تاني اكون معاه في Taxi مش ياخد الفلوس و يخلع او يقوم يفصل كابل النت علشان يبان انه Disconnected زي ما اغلب المصريين بيعملوا ف الـTaxi وينصبوا علي الناس لأ بعد ما الوقت يخلص يروح مدينا وقت زياده Free من عنده قليل جدا لما الاقي اجانب نازلين شتيمه ف بعض بالـglobal زي ما المصريين بيعملوا بأ*** و أقذر الشتائم اللي ممكن تشوفها ف حياتك و يبقي الـServer كله بيتفرج علينا المصري لو لاعبته PvP و غلبك اتفرج علي اللي يعمله فيك من Lol و Noob و الكلام الفارغ الاهبل ده كله كأنه انتصر ف الحرب بجد لكن لو مع اجنبي ممكن اه يعمل معاك كده بس ممكن يقولك علي نقط ضعفك فين و يقولك تعمل ايه علشان تبقي كويس يا جماعه هي لعبه اه بس بتبين مدي تعاملنا مع بعض ازاي احنا فعلا مش بنخاف علي بعض و ازاي سمعتنا كمصريين بقت مزفته بسبب السرقه من الناس في الـTaxi أو الـItems و غيره وغيره عايز اعرف رأيكوا بقه تحب تلعب مع مين مصري او عربي و انت عارف انه ممكن يسرقك او ياخدك لحم ويرميك عضم زي ما بيقولوا و لا تلعب مع واحد من اي حته تانيه ف الدنيا لا عمرك شوفته و لا هتشوفه ؟؟؟ |
الاجانب
|
انا اول حاجه عراقي مش مصري
بس بحب العب مع الاجانب اكتر من العرب بكتيييييييير عشان العرب كلام وبس تخش منتدى تلاقي "لما سيرفر جديد حينزل حنملي مصريين ونعمل جيلد نمسك الفورتريس وحجات هبله كتير ولما السيرفر ينزل تلاقي واحد بينصب عالتاني" انا عن نفسي دخلت مره جيلد اسمو Famous ده كلو فيه بيساعد كلو لو كنت عايز تلفل يلفلوك بالعشر ساعات واكتر كمان ولو تريد تسرقت يجوا يرجعوها بالثانيه بس انا سبتوا عشان اكتروا Botters وانا عندي صاحبي امريكي جدع جدا وتقريبا هو اللي لي الفضل اني اوصل لفل 64 وانا كل وقت لعبي تقريبا في بارتي معاه حتى لما ندخل الايفينت سوا في فرق مختلفه واحد بيعمل Res للتاني وواحد بيدي بفات للتاني 90% من العرب لايستحقون الحياه اساسا |
الاجانب والقليل من العرب بعني 90% أجاني و 10% عرب
|
فيييييييييييييييييييييييييييييييييييييييييييييييين الردود
|
بصوا يا جماعة انا بلعب الجيم من فترة كبيرة شوفت الكويس وشوفت الوحش دا فييه كويس ودا فييه وحش صوابعك مش زي بعضها انت بتقول العرب مش بيساعدو بعض طب تعالا السيرفر عندي وشوف ميين معاه الفورتريس اقوي جيلدات فيها مصريين وسوعوديين وكويتة وعراقيين كلنا في ينون واحد وبرضو معانا اجانب يعني دا فيية االكويس والوحش ودا بيعمل زي دا في كل حاجة شتيمة اجانب وعرب تلاقي سسرقة تلاقي noob في ال pvp تلاقي واحترام ومساعدة برضو هتلاقي يعني مش مقياس انك تقول عرب واجانب هيا هيا مش فارقة واللي بيساعدك علشان يلفلك دا مش بيساعدك علشان بيحبك لا يا ريس علشان يبقي عندو ناس عاليين في الجيلد بيتاعو عارف انت لو اتزنق ولقي واحد اعلي منك في اللفل والله هايوح ملبسك بان وش هيا كدة مش موضوع ميين الاحسن ولا ميين الي بيلفل
|
الأجانب 80%
المصريين 10% العرب 10% |
انا بلنسبالى عادى
بس اكيد العرب والمصرين والمسلمين فى المقدمة يلهم الاجانب |
بصراحة العرب اثباتو بجدارة انة ما ينفعوش فى حاجة ابدا حتى فى الالعاب
عندى فى السرفر حبو يلمو كل المصريين الفلات العالية علشان الفورترس فى جيلد واحد بصراحة الواحد فرح وقال بس دحنا طلعنا رجالة المصريين رجالة اهو دخلنا الحرب كل واحد عايز يعمل( كابير الرحمية) وكلو كان بيفتى ومحدش اساسا كان فاهم حاجة فا طبعنا اطحنا و خسرنا الحرب بفضيحة وبعد الحرب كلو طبعا (زى عادة المصريين) جاب الغلط على الباقين و باظ الجيلد و الناس كلها خرجت زعلانة من بعض فا بصراحة انا لو هيدفعولى فلوس علشان ادخل جيلد مصرى تانى مش داخلللللللللللل واصلان المصرى اول ما يعرف ان mastr البارتى مصرى زاية تلاقية فرح اوىىىىىىىىىىى ويقعد يقول لة كل 5 دقايق afk 10 min plz ودا بيخلى كل الناس الى فى البارتى تزحق و تامشى يعنى ولانفعين فى حرب ولا بارتى ولا اى حاجةGRRR طبعا مش كل المصريين فى مصريين جدعان جدا بس يا خسارة قليلن جدا انا نفسى اشوف لو عملو اختبار ذكاء للدخول للجيم يعنى الى ينجح يدخول من اول مرة والى يسقط ما يدخولش اراهان ان تلات تربع المصريين مش هتشوفهم فى الجيم تانى:mad: :mad: :mad: |
انا لعبت WOW و Conquer online و شوية Runescape
وكمان silkroad . . . . . العرب عامة ..والمصريين خاصة ...سمعتهم زفت انا لسة النهاردة منصوب علي في 150k في لعبة silkroad نصبوا علي 2 مصريين في taxi .... اما الاجانب ..فصرحة علي طول....لو مش طايقك بيقول في وشك وهم جدعان....وسعات بيكون اسلوبهم ميري...بس علي الاقل في صراحة وزي ما بياخد حقه بيديك حقك |
شكرا على الردود الحلوة دي يا ترى في كمان؟
|
اجانب طبعا...!!
|
شكرا على الآراء الحلوة دي يا ترى في كمان؟
|
اقتباس:
يبقي اية رايهم فينا !!!. |
من الاخر كده مفيش احسن من الاجانب ناس عقله لكن المصرين معظمهم اللى بينصب وبيعمل الحركات التعبانه اللى هم ناسقليل اللى بمثلوه المعتايه والخرينين واللى امه متطلقه قبل كده 5 مرات وغيروغير هم اللى بيخلى الواحد ميردش يقول انه مصرى
|
شكرا على الآراء الحلوة دي يا ترى في كمان؟
|
اقتباس:
|
اجاااااااااااااااااانب بس
|
sure foreigners
|
هقولك خلاصة الكلام
المصريين عندهم كلمتين لفلنى وهات فلوس الاجانب عندهم ذوق |
يتارا اية السبب الي يخلي المصريين كدة
|
بص يا مان المصريين دول اكتر ناس نووووووووووووووب و سكامرززززززز و مصاحب واحد بولندى و بنت بولنديه برده عارف .......دول احسن من اصصحابى الحقيقيين دول لما بطلب حاجه بيعميلهالى و ديما يلفلونى و انا الفلهم و ميخبيش عنى حاجه تماماً ........بصراحه الاجانب دول احسن ناس
|
و الله عندك حق
طب ده حتى المصريين اللى بيساعدونى اصحابى انت فعلا عندك حق يا مان طب ده واحد من امريكا لفلى كتييييييييييييييييييييييييييييييييييير اوى اوى هو صحيح امريكى س ساعدنى و النهاردة فى الجيلد قولت عايز plvl لقيت واحد 82 هو صحيح blader بس و لله لفلى كتير اوى انت فعلا يا مان عندك حق بس بقى المصريين جدعان برضه يعنى انا و صحابى اما واحد يطلب حاجة من واحد يديهاله ليه خالص |
اجانب 90 %
|
بس على فكره العرب فى منهم جدعان بس الاجان اولا مش نووب و محترمين جدا و جدعان جدا جدا
|
المصريين لو جدعان
|
الاجانب طبعا
|
الاجانب طبعا احسن ناس فى اللعبة يقولك تعالى الفلك من غير ولا جولد ولا يطلب حاجة منك اما بقى المصريين تلفلهم من غير حاجة يقولك جولد ويعمل معاك فريند وبارتى تديلة الفلوس يقولك تانى دول خنقة معلش يعنى من اللى شوفتة فى اللعبة لكن الاجانب يدوك الايتمات ويلفلوك من غير اى حاجة واصحاب جامدين واللة انا اصحابى مصريين فى هرقليز بس الاجانب ناس مية مية والعرب يعنى لكن المصريين انا سبت السيرفر بتاعى خلاص ونقلت سيرفر اورانوس من ارف السيرفر زهقت لسة معمول عليا هاك ومش ناقص ويقولوا جولد حرام عليكوا بقى
|
هههههههههههههههههه
اجانب اجانب اجانب وانا شخصيا لما بكلم حد مش بقول له اني مصري علشان لما بقول لحد ان انا من مصر بيقول ليه كلمه عارفين لو سمعتوها حتتكسوفوا ((thecity Of Scmmers))) والمصريين اهما حيوه وسرقه وهمه |
الاجانب فعلا ناس محترمين جدا
وقليل منهم اسكامر لكن المصريين بصراحه 90% منهم حرامية وداخلين اللعبه عشان يسرقوا وكل اللى تقابله حتى من اصحابك برة الجيم تلاقيه يقولك انا النهارده عملت تاكسى ونصبت على شويه عيال فى الجيم عملتلهم تاكسى وخلعت منهم واللى يقولك انا النهارده نصبت على واحد فى وولف و التانى يقولك فى اوكسير يعنى من الاخر الاحانب نمبر ون والمصريين مش كلهم بس الاغلبيى نصابين اوىىىىىىىىى |
يا جماعة مش كل الاجانب حلوين و المحصف الشرف انا دلوقتي مبثقش في ولا واحد تركي ولا مصري ولا اجنبي تقولي لية
1- كلو عايز مصلحتو بس بس بس بس يعني قول لوحد فيهم هات باص الاكونت و شوف هيتحجج بمليون حجة و يقلوك دا مش انا لوحدي البلعب و كلام كتير + انة لو اجنب حلوتو ماشي في دور الطيب (انا مجرب و عارف) و مسدق لقي فرصة لما عرف اني مصري .... يا اخي طيب دا يبقي اية 2- في اجانب بيلعبوا مش تسلية خالص و دول كتير بيلعب عشان يعلي و يستفاد و تقريبا بيبقي تبع شركة و دة لو اديتلة مش هقولك لاء و يبان طيب 3- اجانب Nnnoooooooooooobs بيشتمو كتير و بيقلو في ادبهم و بيغلطوا في حجات كتيرة عندنا 4- عرب عيزين يستفادو منك بس مش بيتمنلوك الازية دول كويسين |
الاجانب : لأن 90% منهم امناء لكن المصريين مهما عملت و كنت صاحب ليه ممكن يخونك علشان 1m انا صحبى ادانى glaive 72 +7 ممكن حد نصرى يعملها دى !!!
|
حد مصرى يعملها !!!
|
والله يا شباب كل الأراء متجهه نحو الأجانب وفعلا الأجانب عندهم امانه
على عكس بعض الاخوه المصريين انى عن نفسى احب ألعب ويا الكويتين |
انا في اودين و بلعب مع المصرين بس ده علشان كلناة عارفين بعض في شوية أصحابي مصريين بردوا زي الفل بس المصريين عموما مش محترمين في اللعب و بلعب مع الاجانب انما الاتراك لأ علشان محدش فيهم تقريبا يعرف انجليزي
|
ana 3n nfsy b7b el american 3mry mshoft 7ad zyhom ana kont lvl 15 w kont nfsy a5osh fe ay guild tlbt mn msryen kter enhom yd5lony mknsh 7ad byrda 3shan ana low lvl l5ayt ma ets7bt 3la wahd amrecian his account name is Thunder_Force fe server tibet lvl 86 rdy yd5lny 3shan kda ana b7b el amrecian
|
يا ترى ممكن تكون سو ء التربية هو السبب الي يخلي المصريين كدة؟؟؟؟؟
|
انا هاقولك بصراحة . انا الي شفتو ان الاجانب اجدع وادي موقف من المواقف
في مره كان الguild الي انا كنت في زمان (ForeverLove) كان الunion بيتكلم فعملو بارتي auto share وراحو للpenions انا كنت لفل 38 وطبعا كنت عايز اروح , فروحت للمكان الي هما كانو رايحنو و فضلت قاعد , كانت الparty full و انا مكنتش عايز اقولهم دخلوي او اي حاجة ولاكن واحد منهم لاحظ وراح سايب الparty و قال invite thechainboy وعملولي انفايت وهو مشي المهم انا مكنتش عايز اقعد واقول انا لسة قليل لفلوني انتو فكنت بضرب معاهم ولمة مت 3 مرات هما قالولي اركب حصان و اعمل follow لأي حد ولمة الMaster عرف راح جاي وقعدو يعماولي لفلينق احد لمه بقيت lvl 41 و كلهم كانو اجانب و بصراحة انا عملت lvling لعرب كتار ببلاش في الongs بس مشفتش حركة جدعنة واحدة من واحد مصري مع الاسف |
بص دي وجهة نظري
ان البلد ملهاش دعوة شخصية الانسان هي السبب مثلا انا في جايلد مصري لو لاقيت حد قاعد بيعملو معاية بارتي و نزود بعد و في مصري تاني يقلق تعالى اعمل تاكسي و مش عارف اية يقلق الام بي خلص يروح المدينة يفك البارتي و في اجانب مرة قولت لواحد اجنبيعاوز 10k اداني 10k و اعد يعملي لفل اب مجانا و اداني خمسين كيه زيادة عن العشرة كيه و مرة اجنبي تاني يقلق تعالى تاكسي تدفع تعد 5 دقائق يقلق تايم اوفر او يقلق معنديت ام بي يسافر الدينة يفك البارتي و دي كلها حجات انا جربتها على العموم و دي وجهة نظر مش اكتر |
والله فعلا كل كلامك صحيح انا جربت كل الكلام اللى انت كاتبه فى الموضوع بتاعك
وشوفت ان فعلا تتعامل مع الاجانب احسن بس ده مش معنا ن المصرين كلهم وحشين طيب ما كل اللى رد على الموضوع ده مصرين وبيقولو ان كلامك صح يعنى هما عرفين نفسهم انهم وحشين ؟؟؟؟ والله بعض المصرين كويسين جداا فيهم روح الشهامه هديلك مثلا لو انت مستر جيلد وهتعمل حرب مع جيلد تانى روح للاجنبى وقلو محتجلك على شان معايا حرب شوف ردو هيكون ايه لكن روح للمصرى والله لو هوه عامل مليون اسكيل بوينت فى الجيلد هيخرجلك على شان يسعدك بس ده برضو ميمنعش ان اول ناس اسكمر فى اللعبه مصرين انا بلعب اللعبه دى من حوالى 7 سنين وانا عندى 30 سنه بعشق اللعبه دى وبعشق سيرفير بابيل معرفش لعب فى اى سيلفر تانى هقولكم على حاجه احنا فى المنطقه اللى انا فيها فيها ناس كتير جداااا بتلعب يسلك رود كلهم ليفيلات عاليه جدااا يعنى تحدى بنهم وبين بعض انو يكون احسن تخيلو والله حن عندنا اكثر من 70 واحد ليفل 80 فيما فوق تخيلووو لو تحدو هتعمل ايه فى سيلفر بابيل والكل بيلعب فى بابيل لكن للاسف مينفعش انو يتحد مع المصرى اللى زايو عرفين ليه لان كل واحد عايز يكون هوه الكومندا ومفيش حد يعمل ريس عليه دى مشكله المصرين لكن لو اجنبى عمل كوميندا على مصرى هيوافق والله وسمحونى دى الحقيقه |
| الساعة الآن 03:51 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.