|
لو انت مسيحي...متخشش......
بسم الله الرحمن الرحيم و كنت مسيحي متخشش.. اول ما تشوف العنوان....لو كنت مسيحي..هتخش تشوف مخصوص ..ليه مكتوب متخشش ولو كنت مسلم ...هتخش تشوف ليه بردو المسيحي ميخشش.... لن اكرر مقوله اللورد كرومر الي اتحطط في شعارات الفيس بوك كلها..انه لم يجد في مصر الا المصريين...بعضهم يصلي في الكنيسه..والبعض يصلي في الجامع..ولكنهم فقط مصريين.."تأكدوا اني مش هحطها" ! موضه قديمه.......ليست المقوله...ولكن حكايه مسلم ومسيحي...حقا مش بثبتك ..عشان الفتنه ونار الفتنه والكلام الفاضي بتاع القناه التالته ده ...... ولكن فعلا بطلت خلاص...ومش محتاج اعملك اعلان قبل برنامج مصر النهارده..عشان اعرفك ان في وحده وطنيه..!! ولكن انا عايزك تخلي بالك من الي جاي : مصر بلا فخر.......مفيهاش مورد مش مسروق....يعني غاز الحمد لله مش لاقيينه وبيتصدر بره ببلاش اثار نصها بيطير الحمد لله......قطن وانقرض خلاص.....النيل واهو قرب يروح بفضل الله مش هتلاقي مورد مش متاخد او مضروب.....معندكش غير حاجتين هما الي ماشيين في البلد يعتبر ماسكينها 1 – السياحه ! 2 – القوه الشعبيه ! -------------- سياحتنا مش حلوه اوي ..عشان الاهرامات او او او ....احنا بيجيلنا الطبقات المتوسطه الي في العالم....يعني عم جون ويليام الخياط الامريكي...معاه حبه فكه كده..بيجي يصيف فيهم في مصر..رخيصه وحلوه فعندنا سياحه طبقه وسطه...بس كتير ...كتير جدا...فالسياحه منتعشه... والقوه الشعبيه...اساس اي قوه اي دوله ...علي الاقل يعني......لو شعبك قوي..اعرف ان الدوله مهما كانت الدوله "مخستعه" وسوري علي اللفظ....ولكن الشعب عقبه كبيره فانت لازم يتضربلك الاتنين دول عشان مصدر قوه .....عشان كده لو ركزت علي ال"ارهاب" زي ما بيقولوا هتلاقي : تفجيرات في دهب - ..سياحه نجع حمادي – وحده وطنيه قرش في شرم الشيخ – سياحه احداث العمرانيه – وحده وطنيه تفجيرات حي الحسين – سياحه تفجير كنيسه القديسين – وحده وطنيه وغيرها من الاحداث الي انت عاصرتها وعشتها..اكيد مش جايب الكلام ده من دولاب حكاوي ابله فضيله ...بس التخطيط السنه دي ..علي واسع شويه حيث التوقيت.....اول يناير...وكمان سبع ايام...عيد الميلاد المجيد بتاع الاخوه الاقباط فانت تضرب من اول السنه ...حلو..والمخطط الارهابي القادم يقول علي يوم سبعه يناير كده......الارهابي الي انا وانت عارفينه......هيقوم ضاربلك جامع.....مسجد في حته حلوه كده عشرات القتلى ..وعشرات المصابين...كلهم مسلمين......... فطبيعي الشعب يقوم قايلك ده ميين !؟!؟! ...الاقباط بينتقموا...وتقوم والعه الفتنه تك تك اسبوعين تلاته...والفتنه تزيد اشتعالا... يحصل تدخل اجنبي...يحصل حرب اهليه...القوه الشعبيه تتضرب ........ مش هكمل... ولكن خلي بالك.. انشر الفكره والوعي بما هو قادم لاكثر ناس تعرفهم اتطمن....مفيش امن ولا مخابرات هيعملوا حاجه...كانوا عملوا قبليهم ...الكنيسه اتأمنت كويس جدا..."بعد الانفجار" المصريين الي رجعوا من السودان اتأمنوا كويس جدا "بعد ما رجعوا" حي الحسين اتأمن كويس جدا "بعد الانفجار بردو" مصر باجهزتها الامنيه بكل حاجه..مضروبه... مش هكلمك عن السياحه عشان انت ملكش دخل فيها ولكن..التعايش في الوطن مع الجهل والتفرقه فهي مسؤوليه من مسؤولياتك لازم توعي الي حوليك وربنا ع المفترى الذى اراد تفكيك شمل هذه الامه ،،،، والله طول عمرى مع صاحبى جورج من ايام ثانوى وصاحبى شادى وريمون ومايكل عمرنا ما قلنا لبعض انت مسلم وانت مسيحى ربنا على المفترى وحسبنا الله ونعم الوكيل اللهم بلغت |
كلام جميل والله
ياريت الكل يحس بمعنى الكلام مش يقراة و بس ... وربنا يرجع الحق ويجعلنا دايما شعب متحاب ويزيد الأخوة |
والله كلامك صح 100%
و ياريت الكل يفهم الكلام دا كويس |
ياريت الكل يفهم و من غير تعصب
|
كلام جميل والله وبارك الله فيك
|
كلام مظبوط
|
والله انا ليا ناس كتير مسحيين اصحابي اول اما سمعوا الخبر دا بطلوا يكلموني حسبي الله ونعم الوكيل
|
بصراحة كلام %100 صح بس ياتري كل الناس هتفهموا
|
التعصب والتزمد دا هو الي الدول الغربيه واولهم اسرائيل عاوزاه
|
كلام جميل والله وبارك الله فيك
|
انا باسم : مسيحيى
بجد كلامك رائع وكل كلامك صح بشكرك على الموضوع الرائع ده |
متشكرين اوى يا رجالة و ياريت اخونا المسيحين يسمعوا و يفهموا الكلام دة
|
كلام مظبوط
وربنا يجازى اللى كان السبب |
صح الكلام
|
انت كده بجد جبت الكلام من الأخر
|
مش حرد ياباشا عشان كل الردور اتقالت :icecream:
|
كلام صح عندك حق وربنا يهدى الجميع
|
كلامك صحيح و ربنا يولع فى اللى عمل كدة
|
تشكر
|
كلامك جميل متشكرين
|
متشكرين اوى و يارب احفظ بلدنا الحبيبة مصر
|
اقتباس:
|
اقتباس:
والله عز و جل يقول "لكم دينكم و لى دين " صدق الله العظيم و الناس الى انتا بتقول عليهم ناس جهلة ميعرفوش حاجة فى دنهم يا ريت اكون قدرت اوصلك ردى |
اقتباس:
|
االعفو و الحمد لله على نعمة الايمان
|
مفيش كلآم تانى يتقال بعد كلآمك انتا جبت الخلآصه ربنا يبارك فيك ويحفظك
وإنا لله وإنا إليه راجعون والبقاء لله ده عزاء منى لوالدك رحمه الله |
تسلم على الكلام الجميل ده و بجد مفيش كلام يكفى
|
اقتباس:
|
كلامك جميل اوى و ان شاء الله كل المصريين يفضلوا حبايب واخوات و ربنا يكفينا شر عن اى تاثير خارجى |
ان شاء الله فنحن فى رابط الى يوم القيامة اان شاء الله
|
كلامك صح شكرا
|
كلام جميل
أنا بدعي ربنا بجد إن مفيش أي جامع يضرب اليومين دول علشان لو حصل حتبقى مشكلة ملهاش أخر |
كلامك جامد جدا ربنا يبارك فيك ,, بس يارب الناس تفهم معنى الكلام اللى حضرتك كاتبوا
|
السلام عليكم و رحمه الله و بركاته اخي العزيز موضوعك شدني و قلت لازم ارد عليك انت قلت اللي مفيش بعده كلام مصر خلاص راحت عليها و ده كله من اللي مسكنها من الاخر و مش هنخبط في حد و لكن زي ما انت قلت احنا في الاخر اخوة متحبين و لكن لو جامع اتضرب اليومين دول هتحصل حاجات مش كويسه و البلد هتولع فعلا مش هزار يعني بعد كده هتمشي في الشارع و يا سلام لو شفت واحد علي دين غير دينك يا جداعان لو عوزين تفكرو صح يبقي لازم تعرفو ان اللي عامل كده تفكير صهيوني من الاخر و انا عندي اصحاب مسحيين كتير و اخوات و زي الفل ولا كان فيه حاجه حصلت طولت في الرد بس كان لازم ارد علي كلامك يا غالي و يا رب ما يحصل الا الخير و السلام خير ختام |
والله كلام مظبوط وسليم بس مين يسمع ولا مين يعمل :confused: |
يا مان والله كلامك مظبوط ومن الاخر :flex::flex:
|
كلام جميل واحنا مصريين بجد
|
بجد موضوع اكثر من رائع
الف شكر على الموضوع التحفه ده ويااااااارب يكون الناس كلها بتفكر شكررررررررررر |
اقتباس:
|
| الساعة الآن 11:03 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.