اقدم لكم نفسى و اخبار عن السرفر
 

السلام عليكم و رحمة الله و بركتة

اقدم لكم نفسى من جديد
انا Almsry The_pharo و دة اميل صحبى علشان زى ما انتو عرفين ان انا خت طرد ربنا يسامح بأة الى كان السبب
المهم قبل كدا انا كنت قولت ان انا بعمل بريفت سرفر لسلك رود و الصورة الى انت شوفتوها و انا جى ام
الحمد لله انا خلص فيها بنسبة كبيرة و ممكن تدخلو و تشفوها دلؤتى
بس بصراحة السرفر بتاعى فى بجز كتير لان انا شغال لوحدى فية و مش عارف كل حاجة عن البرمجة او بمعنى معنديش خبرة غير كداة الدراسة شغلنى على الاخر فطبعن انا بعد وقت طويل عبال لما اصلح كل بج
بس الحاجة الى مهونة على ان انا عمل سرفر بريفت للعرب و اسم السرفر عرب سرو

بعض الصور من داخل السرفر
[img]http://img104.***********/2010/11/10/680880473.jpg[/img]

[img]http://img105.***********/2010/11/10/58573113.jpg[/img]

[img]http://img104.***********/2010/11/10/156908973.jpg[/img]

[img]http://img104.***********/2010/11/10/477918482.jpg[/img]

[img]http://img105.***********/2010/11/10/913473958.jpg[/img]

[img]http://img104.***********/2010/11/10/51748910.jpg[/img]

مميزات السرفر
الدجرى 11 موجود
جميع المدن موجودة ما عدة مدينة الكسندر بس ارض الوحوش تقدر تسافر لها و تضرب فيها
الشخصيات الاروبى سيتم اضافة بعد انتهاء العام الدراسى ان شاء الله لان انا مش فيئلها دلؤتى
جميع انواع لبس السيلك موجودة و ان شاء الله هيتحدد سعرها لما السرفر يعجب الناس و مش هيكون غالى ان شاء الله
و انا هعمل استطلاع علشان اعرف انتو عيز الاكسبى و السكل بوينت كام يعنى مثلا سلك رود العدية Exp=1 sp=1
انا عملها دلؤتى Exp=50 sp=50 ممكن ازود زى ما انتو عيزن
و jangan cave موجود و Pharaons Tomb

و فى لبس انا بجهزو علشان الدجرى 12 ان شاء الله بس بردو هضيفو بعد انتهاء العام الدراسى

البجات هى ان مفيش Exchangeو Party مفيش stall
مفيش Speed Drug Return Scroll
دة طبعا لأن انا شغال لوحد فا مش عارف اصلح الحجات دى
شكرا و ارجو ان ينال الاعجاب
السلام عليكم و رحمة الله و بركتة

جميل جدا
سهل اوى انك تعمل السيرفر على جهازك
لكن علشان السيرفر يبقى معمول ليه ببلش على الانترنت دة صعب جدا ومحتاج خبراء فى الشبكات
ممكن اى حد يجرب يعمله لكن هيكون مليان اخطاء

علشان يحصل حاجة زى دى محتاج شركة كامله متخصصة مجهزة بسيرفرات وخبراء ومبرمجين ومهندسين
وكمان علشان السيرفرات تفضل مفتوحه اللعبة بتتشال على جهاز سيرفر كويس مزود بأجهزة ضبط الضغط ومولدات معينه علشان لو الكهربة زادت او نقصت او قطعت يفضل السيرفر شغال

لان أى حاجة على النت سواء موقع او لعبة اونلاين او اى حاجة على النت الداتا بتاعتها كلها مخزنه على سيرفرات
مجرد ما السيرفر انطفى كل الحاجات دى بتقع سواء موقع او لعبة او اى حاجة على النت انت بتعملها ومش هتشتغل تانى الا لما السيرفر يتفتح مرة تانية

والسيرفر دة عبارة عن جهاز شبكه الكيسة العادية بتاع الكمبيوتر بس حجمها اكبر شوية ومزود بحاجات اكتر بكتير
زى انه فيه 8 سلوتات للرامات وفيه فانات كتير او مراوح يعنى ممكن اكتر من 10 مراوح تبريد وبروسيسور سريع جدا ع الاقل يكون Core i5 وغيرة كتير وبيكون سعرة كبير جدا لو هتستخدمة فى حاجة زى اللعبة دى يمكن سعرة يعدى ال 40 الف جنيه او 30 الف. السيرفر بيبقى متوصل على راوتر لوحدة والمفروض ان تكون سرعتة عاليه جدا علشان تعرف تتعامل مع اللى هيعلبوا اللعبة عن طريق السيرفر بتاعك

فالموضوع كبير جدا اكبر مما تتخيل انك تعمل لعبة وتعملها ببلش على الانترنت وتكون كامله متفصلش ابدا
يعنى مش تبقى بتلعب وتلاقى اللعبة قفلت ومش عايزة تفتح او تلاقى اللعبة سقطت مرة واحدة

لازم كااست كامل او فريق عمل كامل مزود بخبراء ومبرمجين ودعم فنى علشان اللعبة تفضل شغاله وتكون سليمه ومفيش اى اخطاء.

المشروع دة جميل جدا لما بينجح لانه بيكلف فى البدايه لكن بعد كدة بيجيب ربح كتير جدا وفى فترة بسيطة بيغطى التكلفة بتاعتة ويعوض الكلام دة كله بمكاسب حلوة اوى.

شئ كويس انك تجرب طبعا بس الموضوع مش سهل خالص
انا عملتها قبل كدة بس مفكرتش انى اعملها ببلش على النت لان كدة كدة انا عارف اللى فيها وعارف هيا محتاجة اية
انا كنت عاملها لوكال هوست على الشبكة المحليه
يعنى انا وصحابى اللى معايا على الشبكة كنا ندخل نلعب بى فى بى او كدة من غير نت حتى خالص
لكن موضوع انها تبقى انترناشونال صعب شوية

انا حبيت اضيف المعلومات دى بس يمكن تفيدك او اى حد تانى يستفاد منها
اسف على الاطاله ونورت القسم من تانى :)

تحياتى

انا عارف الكلام دة و فعلن انا محتاج جهاز سرفر بس انا عمل الموضوع كتجربة و السرفر انا مش فتحو علطول و على فكرة اللعبة اونلان و انا همل موضوع و اضيف فية الروابط اللعبة بس زى ما انت بتقول محتاجة شركة بس انا اهو لوحدى خلصة جزء و لو فى حد بيفهم فى الشبكات انا معنديش مانع انو يشركنى و محتاج حد يعدل فى المديا و ان شاء الله ممكن نعمل سرفر كويس

شئ تانى انا لسة سنى 15 سنة فا انا لسة مدخلت حاجة فيها التخصص فى الشبكات و البرمجة
بالنسبة لسنى دة كويس

امضاء:almsry

أكيد طبعا دة شئ كويس
بس هو مينفعش الموضوع من غير ما يكون كمشروع
يعنى مينفعش حد يعمل حاجة زى دى بجهاز سيرفر عادى او مجرد واحد بيفهم فى الشبكات
دة محتاج متخصصين على درجه احتراف غير عادية فعلا وكاست كامل ومكان مزود بكل الحاجات دى
يعنى مقر للعبة دى فيه الاجهزة والسيرفرات وفريق العمل دة كله ودة مش مجرد لعبه
بالنسبة للى بيعمل الموضوع دة بيبقى بالنسباله مشروع وليه دراسة جدوى وتكاليف وارباح وخساير ومرتبات
الموضوع كبير جدا جدا جدا اكبر مما اى حد يتخيله

بس على كلامك لو انت بتجرب فدة شئ كويس
Go Ahead
وربنا يوفقك وتتعلم اكتر

تحياتى

ربنا معاك يا باشا
و ان شاء الله انا هكون واحد من رجالت السيرفر بتاعك:::D
:starwars::starwars::starwars::starwars::starwars:

انا عاوز ابئه gm معاك ينفع D:

its Nice
ان شاء الله ربنا يوفقك

وانا عاوز ابقي Gm برضة :gathering:

طيب يا جماعة دى روابط اللعبة
www.megaupload.com/?d=QSFTXWO5
www.megaupload.com/?d=RHEWCDUD

نزلوها و الى عيز يخش معى يكلمنى على اميلى [email protected]
علشان اعملو كريت اكونت لحاد لما اخلص تصميم صفحة التسجيل
و ان شاء الله تعجبكم

شيئ جميل انك تحاول
والاحلى انك تنجح
اتمنالك كل التوفيق:welcome:

شكرا و إن اشاء الله فى تقدم

ربنا معاكـ يا إيهاب وان شاء الله احسن Private Server

شكرا لكم و السرفر مفتوح من اليوم لمدة اسبوع و في ايفت انا عملو اول 10 لعيبة هيجبو لفل 40 ممكن يكسب لبس سلك او يكسب سن او مون او سوس
اول 2 هيكسبو لبس السلك الى يخطرو
و تانى 2 هيكسبو sun و 3 هيكسبو som
3 هيكسب sos دة بمناسبة العيد و كل سنة و انتو طيبين

الى عيز يعمل اكونت يبعت رسالة فيها الاى دى و الباس و على [email protected]

والله سيرفر روعه يا ريت الكل يسجل

الميجا بلود محجوب في السعودية -.-

بوص يا جماعة فى خبر حلو

:notworthy:







انزل تحت شوية






















معلش انزل تانى :jump:









Almsry يقدم




وســـــــــــــاع اخر الاخبار
Surprised



الكلينت الجديد

Euro characters has been add
Exchange, Party matching, Job system, Guilds has been add
pets has been add
Speed Drug has been add
Return Scroll has been add

أن شاء الله هرفع الكلينت الجديد فى اقرب وقت و السرفر تحت التجربة الان علشان اتأكد ان كل حاجة صح و مفيش اى بج

الحمد لله العقل المصرى يقدر يعمل حجات ولا 100 واحد اجنبى يعملو :camberman:

بس فى مشكلة كدة انا محتاج جهاز سرفر زى ما قناص قال و مولد كهربا علشان لو الكهربا قطعة و الموضوع دة فى مصر بيحصل كـــتــــير اوى

بس أن شاء الله القى ناس تشركنى و نجيب كل دة

الحمد لله الله اكـــبــــر الله اكــــبـــر

الكليت القديم هيفضل شغال لحد لما ارفع الكلينت الجديد ان شاء الله


شـــكــرا لك واحد دع ان انجح و ان شاء الله فى تقدم مستمر الله اكبر

امضاء:Almsry

بجد الواحد مش عارف يقول عليك ايه ...


مبدع و ربنا يوفقك .. بس ياريت تعمل ايميل على الياهو و انا هعمل كاراكتر معاك و نظبط ان شاء الله ..

و ممكن نعمل سيرفر بأسم المنتدى هنا .. و هتبقى دعاية للمنتدى و مكسب ليك و حاجة احسن للاعضاء..

والله هتبقى تحفة .

اعرض الفكرة على Low Man

شكرا بس انا عمل السرفر بأسم المنتدى بتاعى
بس انا ممكن اقترح على low man انو يشترى سرفر عندى و اضيفو معى السرفر بتاعى و يبقة فية 2 سرفر واحد بأسم المنتدى بتعى و التانى بأسم منتدى low man

و دة اميلى [email protected]

هى اية الى قديمة ؟

هو انا بقول نكتة؟

بالتوفيق وربنا معاك

وفعلا فكرة حلوة انك تعملنا سيرفر باسم المنتدى هنا

يا جدعا انا عمل السرفر بأسم المنتدى بتاعى لو عيزنو بأسم المنتدى دة يبأة صاحب المنتدى يشترى منى سرفر:biggrin:

طب يا باشا انا كنت موصيك انك تعملى اكونت gm و انته نستنى
و انته بتئول انك عملت اروبى يوبئه انا عاوز اكونت gm wizz
هههههههههههههههه
سلام و متنسنيش و عوزك تزبتهولى كده و تتفنن فيه :artist1:

و عاوز اسمو يكون ABDO_2020 و انا هحاول انزل اللعبه :mf_pcwhack: