|
مجرد مناقشه "السلك المضروب" تعريف واستطلاع راي
السلام عليكم ازيكم يا شباب عاملين ايه اولا الموضوع ده مفهوش مجال للاسبام ثانيا الموضوع ده مجرد مناقشه يعني عندي معلومة بشاركها مع الاخرين اعرف آرائهم ونعمل حوار يليق بــ (البني آدميين) ثالثا الموضوع ده في نقطة سلبية وفي نوعين من الي هيدخلو الموضوع يا اما واحد مش هيعرف يستفيد بالسلبية دي باي حاجه... يا اما واحد هيستغلها بطريقة سيئه وده انا برئ من امثاله والي هيعرف يعمل كده اكيد هيكون شخص بالغ وده يشيل مسؤولية نفسه....مع العلم ان الموضوع ده فيه ايجابيات كتير اعتذر للمقدمة الطويله دي بس كل ده عشان الموضوع ياخد شكل اخر من الحوار كتير من الناس تعرف ان السلك المضروب ده سلك بيتشحن وبيجيب بلوك واحيانا مبيجيبش طب احنا سلمنا بكده على اساس ايه؟؟ ممكن نعرف ديناميكية الموضوع ماشيه ازاي بداية السلك المضروب ده مفهوش اختراق لموقع الجوي ماكس ولا حاجه كل الفكره ان في واحد بيبقى عنده حساب PayPal وفي طرق عشان اي حد يعمل حساب باي بال من مصر وحتى لو مفيش مش صعبه ان حد من بره يعملهولك .....( النقطه الي جايه المهمه ) الشخص ال عنده الحساب ده هيعوز يشحن عليه رصيد عشان يشتري سلك من موقع الشركه يقوم يشحنها من فيزا من بره مصر والفيزا دي ممكن تكون مسروقه وممكن تكون بتاع حد تبعه مثلا لو بتاع حد تبعه فساعتها السلك ده لحد دلوقتي مش مضروب لان كده الطريقة مفهاش اي خطأ يا اما يشحنه بفيزا مسروقه مثلا وساعتها السلك ده برده لحد دلوقتي مش مضروب ... هوه بس شحن حسابه بفيزا مسروقه بس ده ميأثرش على السلك ولا يسمى ده مضروب إلا إذا لو عمل حاجه اسمها charge back ودي يعني مثلا لما حسابك في اي حته يتسرق البنك ساعات بيديك ميزة ترجيع الفلوس تاني .... بتكلم البنك وتقوله ان حسابي مثلا اتسرق يقوم هوه يشوف التحويلات الي تمت من حسابك ومش انت الي حولتها ويرجعهالك تاني بس بيبقى في مصاريف ادارية وكده بمعنى ان ممكن اي حد معاه حساب Paypal شغال وفيزا بتاعته ممكن يشحنلك سلك مضروب وده بيتم في انه يشحنلك عادي وبعد شوية يكلم البنك ويقوله ان الفيزا اتسرقت مثلا وكده والشركه ليها شوية حوارات دايما بتخلص على ان الفلوس بترجع .... لما الفلوس بترجع بقه كده جوي ماكس يتاخد منها الفلوس الي جتلها في الاول الي هيه بتاعة السلك تقوم تلبسك بلوك وقتي بمعنى برده ان ممكن واحد يشحنلك من حساب Paypal ويكون شاحن الباي بال ده بفيزا مسروقه وصاحبها مياخدش باله او ينفض يكلم البنك لو مبلغ تافه او كده يعني وبالتالي جوي ماكس مش هيتاخد منها الفلوس بالتالي مش هتديك بلوك وبقى سلك سليم....... ولو صاحب الفيزا دي رجع الفلوس الي اتسرقت منه هيجيلك بلوك أظن كده فهمنا ديناميكية البلوك مع السلك المضروب :D ناس كتير مفهمتش طبعا طب تعالو ناخد الخلاصه بقه بالبلدي الكلام الي فوق ده معناه ايه اي E-Pin مش مصري ممكن بعد ما يتشحنلك يتعمل رشارج باك وتلبس بلوك توقع ان اي موقع من الي بيبدلو جولد بسلك يكون بيعمل معاك كده(عشان انت بتديله الاكونت وهوه ممكن يكون معاه فيزا وبيشحن بحساب باي بال وبعد كده يرجع الفلوس) توقع ان اي موزع مش معتمد يكون بيعمل كده (زي ما قلت كروت e-pin وال one card مضمونه مليون % لأن البطاقات دي مدفوع حسابها مسبقا) ممكن اي حد ييجي يبيع اكونت يشحن عليه الف سلك وانت تشتري الاكونت ويرجع الفلوس تاني بعد اسبوع مثلا وانت تلبس بلوك بتهيألي انا كده شرحت الموضوع باستفاضه والي انا كاتبه فوق ده مش قرآن يعني اكيد في اضافات كتير عليه ومش بيحصل زي ما انا قلت بالظبط انا كل الي انا عملته اني شرحت الهيكل بتاع الموضوع و بالنسبة للاخوه الحرامية مش هتمشي معاهم ميه في الميه كتير جدا بيبقى في الحوارات دي خساير وساعات الفلوس مبترجعش (الي هيه الناس الي بتشحن مضروب ومش بيجيلها بلوك). دلوقتي مش عايزين فتاوي ومفيش اي حاجه تبرر الحرام .... انا بس عندي سؤال عايز رأيكم فيه في واحد انا اعرفه شحن لنفسه بنفسه هوه مش من مصر عموما وطلع اكونت لفل 72 في سيرفر جديد وعمل بيه فارم وبعد ما خلص عمل شارج باك وخد الفلوس ومعاه سبع اكونتات كل واحد فيه مليون وتلتمية الف اس بي ده صح ولا خطأ؟؟؟ طب لو كان خطأ وحرام ومينفعش هل ده معناه ان نفس الكلام بيطبق على كل البرامج المضروبه الي كلنا بنستعملها ونسخ الويندوز الي مش أصلية والمنتجات الي شبه دي؟؟؟ عايز رأيكم وللعلم بس انا عمري ما جربت الطريقه دي ولا فكرت فيها مع اني عارفها من فترة كل الفكره ان كان عندي خلفية نقلتهالكم ويارب الموضوع ياخد شكل حواري يليق بالبني ادمين والي عنده كلمه وحشه يخليها لنفسه هوه اولى بيها والموضوع ده ملوش اي علاقه بالربح من الانترنت ولا بغطي على حد ولا بسوء سمعة حد ده موضوع للفايده العامه وهيفيد ناس كتير من الي بتدي اكونتاتها لناس مش معروفه تشحنلها وبكرر تاني برئ من اي سوء استخدام ده يعتبر زي موضوع الايميل الضامن وطرق ترجعيه وما الى ذلك يعني سلاح ذو حدين والي هيفهم ويقدر يطبق اكيد هيبقى بالغ ومسئول عن نفسه |
موضوع رائع و الله سلام دلوقتى يدوبك الحق اشحن سيلك مضروب هههههه
|
اخيرا موضوع يستاهل المناقشه فى القسم
انت كنت فين من زمان يا راجل :specool: فعلا موضوعك مفيد جدا ومبين سبب الناس اللى كانت بتاخد بلوك من غير ما تستخدم بوت والظواهر الغريبه دى و كده مبقاش فى حد تثق فيه غير اللى بيشحنو بe-pin او one card بس حاسب لو واحد الأذيه بتجرى فى دمو شاف الموضوع ده هنروح فى داهيه :mf_depressed: بس عندى سؤال هو ايه اقصى مده ممكن تكلم بعدها البنك و تعمل charge back عشان لو واحد اشترى سيلك بطريقه من دول و فات عليه فتره معينه يعرف انو فى امان ولا لأ وشكرا مره تانيه عالموضوع :whiteflag: |
شرح جميل و رائع .. ~
و مجهود كبير .. و كلامك ممتاز .. بس .. ون كارد ؟؟ أختلف معاك أولا : أشحن سيلك تركي أو أمريكي أو مسروق و خلافه .... طبعاً لا لأنه حرام و بس.. و ده كفاية أعتقد ... ثانيا : أحسن طريقة للشحن ..؟؟ الحقيقة هو ده السؤال الهام .. ؟؟!! و اجابتة تختلف من واحد لواحد .. لأن كل واحد منا قد يكون له ظروف خاصة من حيث بيحب ايه ؟ أو فيه موزع قريب و لا لأ ؟ و حاجات كثير انا عندي الكارت الـ e-pin من الموزع الرسمي لجوي ماكس أفضل 1000 مرة من ون كارت .. و لو مفيش .. يبقى كارت كاش يو أحسن 1000 مرة من ون كارد ... و لو مفيش ... كارت ugc أحسن ألف مرة من ون كارد ... و على فكره بجد كل دول أحسن من ون كارد ... أنا في كاش يو بشتري دولار .. 10 دولار مثلا بكذا جنية .. و تشتري اللي أنت عاوزة بدون خصم غير مبرر من الرصيد .. و ال ugc أحسن بكثير جدا جدا جدا في شحن العاب الفيس بوك من كاش يو و من ون كارد لكن سيلك رود أحسن حاجه فيها من وجهه نظري كارت الـ e-pin المباشر ... كمان فيه الكارت الجديد اللي ب 6 جنية اللي هوة 10 سيلك ده .. مش محتاجه .. |
معلم انا قريت الموضوغ كله طبعا والي هيقرا نصه هيشوط فيك شمال ع فكره ال تشارج باك معروف لدي معظم الناس وده تسبب في مشاكل كتير وفعلا الصراحه الموضوع يستاهل لأنك وضحت عيوب الشركات الي مش موثوقه .. وللاسف الشباب الي زي دول الي يعرض شحن سيلك ويعمل تشارج باك ويبلك الاكونت ديه ناس لا تراعي ربنا وتلاقيه مبسوط بال 60 ولا ال 100 جنيه الي خدها من عيل صغير في اعدادي ومش فاهم حاجه عقولها مريضه بطريقه فوق الوصف والحمد لله كروت ال e-pin كانت بتوصلي متغلفه يعني عباره عن زي ورقه صغيره فيها كل المعلومات وطبعا الكروت ديه تباع في الاماكن الرسميه فقط المعرض عنها في الموقع الرسمي اما حوار ال paypal الصراحه احنا مجربينه :zapping: بحب استكشف كل جديد :sp_ike: ولبسنا بلوك ع اكونت لفل واحد والتجربه انتهت بالفشل الزريع بس ع فكره ال paypal هتاخد بان هتاخد بان مفيش اختيار تالت في طرق تانيه لشحن سيلك مضروب ومبتجبش بلوك ع فكره وجه وقت في ناس كتير عرفتها واساءت استخدامها اصل لما احنا جربنا الحكايه كنا متأكدين بنسبه 90% من البان اما الطريقه الاخري الصراحه شايف ان الكلام ده حرام لأنك بتأذي ناس ملهاش ذنب في انك معكشي فلوس تشحن سيلك اصلي و ع فكره الكلام الي بتقول عليه بخصوص ال paypal صحيح 100% ولا نقاش ع ذلك :lulu15: اما بالنسبه لسؤالك بلو سكاي :secret: الصراحه انا مجربتهاش رسمي ولكن اعتقد المده كبيره يعني اكتر من 6 اشهر والله اعلي واعلم لأني الكلام ده سألته لواحد صاحبي من بره في اللعبه لأننا كان عندنا اكبر حرامي للشارج باك في سيرفر تروي لدرجه انه خاد بان بطريقه عجيبه وكان بيضرب راسه في الحيط ولغايه دلوقتي مش مصدق لأنه شخصيته الي كان بيعمل من عليها الشغل كانت ال main والصراحه كان ايميها معلم ع قفانا وانا منهم :ranting: مكنش في اي حل كانت تقريبا ايام d10 او في نهايه 9 تحياتيـــ ،، |
اقتباس:
اعتقد المعظم عنده اصحاب في مليون حته في مصر من اللعبه ممكن بكل سهوله التعامل معاه ويشحنلك واحسن طريقه للشحن كروت ال E-pin تليها شركات التي يتعامل معها الموقع الرسمي وما شاء الله ما اكثرها ويكون التعامل بينك وبين الموقع الرسمي ديه اضمن شيء :brucelee: |
اقتباس:
اقتباس:
بس كان في بنك الكتروني كنت بتعامل معاه مع شركات الاستثمار فكانت لما تنصب بعمل رشارج باك بس اهم حاجه ميكونش عدى على المبلغ ده شهر مش عارف اذا كان ده بيطبق في الحاجات دي ولا لأ مشكور على المرور يا شباب برده محدش اداني رأيه في الحته الاخيره |
اقتباس:
الي بيسرق الناس ديه يبقي بيضرهم ده اول شيء اما برامج الويندوز ديه مش سرقه لأني مخدتش من حد فلوس ولا اي حاجه ثانيا في ناس متعرفشي تجيب الاصلي منين وبيبقي ع الاخر غالي ثالثا شركات البرامج لا تبالي بارباحها في العالم العربي خاصه لأنها تعرف كل ما يحدث وبيحاولوا يمنعوا الكلام ده زي الي بتعملو شركه الكاسبر سكاي والتقنيه الحديثه اللي بيقولو هتنزل في 2013 اعتقد ان مش حرام من ناحيه البرامج الي بنستخدمها وع فكره معظم البرامج المجانيه بتكون مفيرسه:fear: ايون معظمها حتي المكركه ولذلك في ناس تقول الجهاز عليه فيروسات وعندي انتي فيرس !!:751: ومش عارف ليه :pirate: رايي الشخصي ممكن اي واحد لحمايه جهازه بيجيب انتي فيرس السنادي اصلي والتكلفه مش غاليه جداً وبيقعد شغال بيه احسن اما الويندوزات فمتقدرش تقول حرام لأنه مسرقشي حد بتكون اسطوانه اصليه وبيطلع منها نسخ سواء زي الاصليه او معدله :mf_type: |
طبعا الاول نبدأ بسم الله الرحمن الرحيم
المشكلة دلوقتى فى ضعاف النفوس .. اللى يقولك يا عم دى شركة نصابة و بتاخد فلوس من الهوى و من العيال الصغيرة يبقى حلال فيها السرقة و المشكلة التانية الاطفال اللى ميعرفوش الحلال من الحرام .. مدام هاخد سيلك يبقى طظ فى الدنيا .. حلال حرام مش مشكلتى .. المفرود دلوقتى نفهم حاجة .. السرقة مفهومها ماتغيرش ! ياعنى تسرق سيلك كأنك بتسرق فلوس او اى حاجة تانية ! يبقى الواحد يفهم حاجة واحدة .. معاك فلوس اشحن .. مش معاك .. ماتشحنش ,, دور على لعبة تانية احسنلك |
اقتباس:
وانت برده عندك وجهة نظر تستحق الاحترام اقتباس:
و ع فكره انا فاهم اكتر منا كاتب :d بس ال فوق ده يكفي ان الناس تفهم الفكره :d مشكور للمرور اقتباس:
انا مقصدش بسؤالي اني عايز احلل حاجه او احرم حاجه انا بس عايز اعرف اذا كانو الاتنين زي بعض ولا لأه انا شايف الحرام بجد اننا نحلل حاجه حرام....نسخ الويندوز او البرامج الي احنا كلنا بنستعملها دي ليها حقوق ملكية وفي شركات بتشتغل عشان تطلع المنتج ده واحنا بناخده ببلاش بتهيالي ده مش حلال خالص...كما ان لو حملات المصنفات دخلت على سايبر اول حاجه هتشوفها نسخ الويندوز مثلا لو مش اصليه بيتعمل محضر لصاحب المكان وبيتحبس ليله ويخرج تاني يوم من النيابه (يعاقب عليها القانون) كما ان في سياسه استخدام انت بتوافق عليها وانت بتنزل نسخة الويندوز من غير ما تاخد بالك وطبعا عمرك ما قرأتها ولا طبقتها واماكن بيع الحاجات دي معروفه وغالي دي مشكلتك انت و ع فكره طريقة الشحن الي انا اقصدها انك تسرق نفسك بنفسك ودي طبعا مخدش فلوس من اي حد ده لو كان ده مبررك زي ما كتبت فوق الشركات دي لا تبالي بالمستخدم العربي لانه مبيدفعش وان دفع مره مش هيدفع تاني...بس عمر ما شركه طلعت وقالت ان احنا منزلين المنتج ده للعرب مجانا (متنازلوش عن حقهم) وكمان النسخ المعدلة دي ام الحرام نفسه لانك بتاخد شغل ناس تعبت فيه وصرفت عليه ملاييين وبرنامج غبي وبسيط تكتب اسمك على كل حته فيها وتنسبها لنفسك وتعدل فيها مع ان ده ممنوع اساسا عشان هما عندهم المطورين بتاع المنتج ده والمفروض ان مش من حق اي حد تاني انه يعدل فيه نفترض ان شركة ميكروسوفت بتكسب جنيه بتحط نص جنيه في جيبها والنص التاني بتصرفه على دعم فني وتطوير والى اخره طب لو كسبت عشره جنيه هتحط خمسه جنيه في جيبها وتصرف الخمسه التانية على دعم فني وتطوير وبرمجه الى أخره يبقى اكيد لما انت بتنزل نسخه ويندوز مسروقه بتضر الشركه زي ما هضر جوي ماكس كده بنفس عشان نتفق بس على حاجه بالنسبة للسؤال بتاعي الحاجتين الي انا قارنتهم ببعض حرام .... ايوه الاتنين حرام مفهاش كلام وعمري ما هقول كده الا لو كنت واثق من كده وبتهيالي كلامي ال فوق مقنع جدا ويكفي جملة حقوق الملكية ال كلنا بننتهكها السؤال بشكل اوضح الحاجتين الحرام دول بيتساووا في نفس الدرجه ؟؟ دي النقطه ال عايزه توضيح انا مش بشجع حد انه يعمل كده ولا انا هفكر اعمل كده بس هيه الفكره استطلاع رأي عشان في شخصية بررتلي الموضوع بالطريقه دي النهارده ومعرفتش ارد بس عشان خاطري يا جماعه ابعدو عن كلمة حلال وحرام انا مكنتش عايز افتح حتة حلال ولا حرام دي اساسا في النهايه احترم الجميع على وجهات نظرهم |
اقتباس:
شحن سلك مضروب = سرقة شخص في الواقع = سرقة نسخه الويندوز ونسخها مشكور على مرورك |
فعلا موضوع جامد جدا يا مان انا فعلا لحد دلوقتى مكنتش فاهم يعنى ايه سيلك غير شرعى ومجهود رائع وانا عن نفسى بفضل كروت السياك الاصليه اكيد دى اضمن حاجه:kicking:
|
هوا احسن حجها السيلك المضمون والي نعرفو احسن من الي منعرفوش
|
طب مهو ده كده هيسبب مشكله
دلوقتى بالنسبه للوكلا او الموزعين اللى بيبيعو السيلك بجولد طبعا مع احترامى الكامل للموثوق فيهم بس ده بيدى المجال لناس كتير انها تضحك عالناس و تقول انو بيشتغل مع شركه كبيره زى thepowerlevel ويكون بيشحن بطريقه خاصه بيه و بعد كده يعمل charge back يعنى كده صعب اوى انك تثق فى حد خصوصا ان معظم الناس اللى بتلعب اللعبه زى حالاتى اخرها 50 سيلك مره فى العيد فبجيب كل حاجه بجولد انت كده ازاى تعرف تثق فى مين و متثقش فمين انا مش بتهم الناس المحترمه فى حاجه طبعا كل اللى ليهم اعلانات فى المنتدى هنا انا بثق فيهم 100% وبالنسبه لسؤالك طبعا ده غلط هو كده سرق رسمى يعنى شحن سيلك على اكونت و بعد كده لما بقى مش محتاجو خد الفلوس تانى بس معرفش عن حوار البرامج لانها ممكن تكون حلال على اساس ان الشركه عرضت البرنامج وواحد اشتراه و عدل فيه او سابو زى ما هو مثلا ووزعه مظنش ان دى فيها حاجه غلط ى ما كنا واحنا صغيرين تروح مثلا تشترى اسطوانة لعبه ب10 جنيه و بعد كده توزعها على صحابك يا رب اكون فهمت سؤالك صح انا مخى بيقفل فى الحاجات دى :fisch: |
موضوع رائع
|
طيب يا باشا انا معايه اكونت باى بال معمول من الكويت بس مفهوش رصيد بقاله شهرين او 3 هل ممكن اشحنه بالفيزا بتاعتى وله لازم فيزا من خارج مصر ؟ :showoff:
انا لى ناس فى المانيا و امريكا و تركيا و فرنسا فى السيرفر معايه و بيقوله الشحن عن طريق الفيزا ارخص من الكروت هل الكلام ده صح ؟:idiot: لو ينفع انا احت رصيد فى موقع الباى بال من الفيزا بتاعتى والله يبقاء اشطا :) |
كلام سليم 100%
وانا اعتقد ان فعلا الE-Pin مضمون وانا مجربة اكتر من مرة |
عمري ما شحن غير E-Pin
هو غالي طبعا بالنسبة للمضروب , بس طالما انا عاوز العب يبقا اعمل حاجة واحافظ عليها بالنسبة لو فيه طريقة لشراء ال E-Pin من على النت , يبقا ممكن ناس برضه تستخدم الفيز المضروبة في شراء الكروت ديه ! بالنسبة للحرام والحلال , أعتقد اسخدام البرامج المقرصنة اكيد مش حلال لان دا مجهود ناس عرضته للبيع بعكس لو عرضته ببلاش اما نقطة اجيب اسطوانة واوزعها , كل حاجة بتشتريها بيبقا ليها سيريال ومكتوب عليه ان السيريال دا لو استخدمته على اكتر من جهاز هياخد بلوك , ودا معناه ان مش صح انك توزع حاجة لكن هنعمل ايه لولا كدا هيتخرب بيوتنا في بلد زي ديه مين هيجيب تمن اسطوانة الويندوز 7 ال Basic التعبان بـ 700 جنيه او اكتر :( ولو فكرت تستخدم سيستم مفتوح المصدر زي لينكس ومشتقاته اوبنتو هتلاقيه مش مريح والالعاب هتتعبك فيه جدا :( وطبعا بما اني شايف ان البرامج كدا , يبقا اكيد اللي عملوا صاحبك دا مش حلال أكيد , انت لو سرقت تفاحة يبقا حرام , والتشارج باك كدا كدا بيبقا ليه مصاريف ادارية |
اقول رأيي بأختصار
ان اي فلوس بتتصرف على اللعبة فهي حرام وصاحبها هيتحاسب عليها قبل الترفيه في أولويات كتير في حياتنا كا مسلمين ولو واحد خلاص يعني بيقول انه عامل كل الأولويات دي وفايض معاه فلوس ساعتها هيبقى اولى انه يتصدق بالفلوس دي على فقراء المسلمين اللعبة ولا منها عائد نفسي ولا معنوي بل بالعكس مضيعة للوقت # والله هنتحاسب |
اقتباس:
اقتباس:
اقتباس:
وبالنسبة لحكاية ازمه الثقه فانا عامل الموضوع ده مخصوص عشان الحته دي عشان الناس الي بتبيع السلك ب 40 جنيه والي بتبدله مقابل جولد والكلام ده من ناس غير موثوق فيها .... وعشان كمان حركة حصلت معايا ..... كنت بتعامل مع احد (الموزعين مش الوكلاء) وبياخد هوه شغل من وكيل هنا انا اعرفه بس انا خدت من الموزع عشان جمبي ..... المهم الراجل ده دفعتله الفلوس واداني بيانات الكارت جيت ادخله طلع غلط كلمته وقلتله مش شغال قالي ازاي ومش ازاي هات البيانات ادخلهولك انا ... مع اني متاكد اني دخلته صح وفعلا دخلهولي وكله تمام بس كنت حاسس انه عنده اصرار ان هوه الي يدخلهولي وكمان حسيت ان الاي بن رقم غلط مقصود والله اعلم شحنلي ازاي طبعا جيت تاني يوم بدلت منه سلك بجولد لواحد صاحبي فبقوله هات e-pin قالي لا ده عشان بتعامل مع موقع معين....حسيت (حسيت بس يعني متاكدتش) ان دي طريقه غير شرعية او مثلا في موقع بيشحنله بسعر اقل فهوه عشان كده غالطني في e-pin والله اعلم برده اقتباس:
اقتباس:
لانك هتلاقي طريقة الدفع بالباي بال مقفوله اساسا لازم حد يفتح من بره ويشحنلك ..... او في طرق تانية عن طريق برامج اخفاء الايبيهات والبروكسيات واكونتات الويندوز سيرفر وما الى اخره بس دي حاجات احنا في غنى عنها بتهيالي عند وسائل كتير تقدر تدفع بيها مع العلم انك لما تيجي تشحن الباي بال بتاعك بتشحن تقريبا الواحد دولار ب 5.75 ده مثلا سعر النهارده وده اوفر سعر من الوسطاء اما لو جيت تحول من الفيزا بياخدو مبلغ ثابت زي مثلا بنك الاليرت باي كان بياخد تقريبا 15 دولار على اي بلغ تحت الاف يعني لو جيت احول من الاليرت باي لاي حساب بنكي هنا في مثلا ولنفترض مثلا مبلغ 100$ هيوصلوا حسابي هنا 85$ فانت بالنسبه ليك اوفر انك تجيب سلك عادي الا لو كان ليك نيه تانيه بقه :omg_smilie: |
اقتباس:
اقتباس:
يعجبني صراحتك في حتة اسطوانات الويندوز.....وتقريبا قرأت حته في الفتوى مرتبطه بالحته دي اقتباس:
في انتظار آراء الاخرين اقتباس:
هوه ومراته وابنه بيلعبوا اللعبه ابن ده كان عنده 9 سنين....في مره في وسط الكلام بقوله ابنك الي علمك اللعبه ... قالي لأ انا ال علمتهاله فقلتله حد يعلم ابنه لعبه زي دي....قالي احسن ما اجيبله عجله ويلعب بيها ويقع ويتعور.... المقصود وال انا فهمته منه انه اختار لابنه نوع من الترفيه بطريقه تانية العجله = ترفيه اللعبه = ترفيه صرف الفلوس على اللعبه انا مش شايف انها حرام لأن زيها زي ما تروح تشتري بلايستيشن مثلا وعلى كلام حضرتك محدش هيشتري اي نوع من انواع الترفيه عشان الأولويات... في تقريبا حته من حديث فيما معناها ساعه وساعه .... ان المفروض الشخص برده يستمتع بالحياه زي ما يستمتع بالعباده .... انت ممكن تكون اللعبه بضيع وقتك بس في غيرك مش بيضيع وقته غير كده في ناس حالها على قدها رغم ذلك تلاقيه بيودي ابنه رحلات في المدرسه .... جاب لابنه كمبيوتر .... فاهمني..؟؟ وكل واحد بيصرف على حسب طاقته كلامك ده ممكن توجهه للشخص الي بيصرف كل فلوسه عليه وبيهمل كل اولوياته....غير كده وكده بصراحه ده مش موضوعنا خالص... وبتهيالي كان هنا في كذا موضوع عن حتت الشحن وما الى اخره والناس ابدعت في المواضيع دي.... ويا ريت يا جماعه منتسرعش بتحليل حاجه او بتحريم حاجه..... مشكور لمروركم جميعا |
الله ينور موضوع يستحق التثبيت:hug:
|
اقتباس:
بس هو السيلك عن طريق الفيزا ارخص وله الكروت الى فى مصر ؟ |
اقتباس:
اقتباس:
يعني لو جيت تحسبها مش هتلاقي فيها توفير برضه يعني انت لو فعلت الباي بال بالفيزا مثلا هياخدو منك اربعه دولار ويضيفوهوم في حسابك في الباي بال وده بس لضمان جديه التعامل وبعد كده انت بتشحن من الفيزا لحساب الباي بال المبلغ الي انت عايزه وبتشتري ميت سلك مثلا بعشره دولار يمين شمال الميت سلك مش هيقل عن عشره دولار بالطرق الرسميه بالنسبة للارخص فلو في حاجه هتبقى ارخص هتبقى مجرد ملاليم وهتفرق في اتنين تلاته جنيه انا حسبتها بانك مثلا هتشحن 10$ من الوسطاء لحسابك في الباي بال (معظم الوسطاء بيرفضوا التعامل مع الحسابات الغير مفعله) متوسط سعر الشحن 5.75 جنيه للدولار في عشره دولار = 57.5 جنيه ..... ايهما اوفر تلف اللفه الطويله دي عشان توفر اتنين جنيه ونص ( ال هوه اساسا لو انت بتتعامل مع واحد علطول ممكن ينزلهوملك) ولا انك تنزل تشتري الكارت بنفسك اتمنى اكون وضحت |
يا لهوووى ده لفه سوده :whistling1:
شكر يا باشا على التوضيح و المناقشة الجميله ده :flex: |
اقتباس:
بس خليني اكلمك بوجهك نظرك الترفيه ممكن يبقى ترفيه مفيد زي انك تشترك في نادي تمارس لعبة رياضية تعود على جسمك بالنفع لكن ايه الترفيه في لعبة فيها شتيمة وألة أدب ووجع عنين ووجع ايدين وقلق ومضيعة وقت ! هتقول لي مش كله كده هقول لك طب بردوا قول لي ايه الفايدة اللي رجعت عليك من الترفيه في اللعبة دي ! اقول لك انا بصراحة عن نفسي يمكن لأن عندي فراغ مش عارف اشغله في حاجة مفيدة ويمكن لحبي اني اعمل كراكتر جامد طب وبعدين ؟! صدقني احنا افيد لنا لو وفرنا الفلوس دي ودفعناها اشتراك في نادي ولا جيم ولا حتى عملنا بيها حاجة مفيدة واسف لو طولت عليك |
اقتباس:
اقتباس:
بس اسمحلي ارد عليك في حاجه بس.... في جزء من كلامك مظبوط اكيد اللعب في النادي احسن من اللعب على الكمبيوتر وفوائده هتبقى اكتر... بس في حاجه .... هيه كل الناس رياضيه ؟؟ كل الناس بتحب تلعب كوره مثلا؟؟ (مش بقول بتشجع) ؟؟ انا من الناس ال مش بحب الرياضه خالص ... يوم ما هلعب رياضه هلعب بلياردو مثلا ودي مش رياضه اوي يعني....فبالتالي انواع الترفيه الي بتفيد جسمي انا مش بحبها...عشان انا مش شخص رياضي...فاكيد هدور على اي نوع ترفيه تاني وخد بالك انت ساويت اللعبه بحاجات كتير من غير ما تاخد بالك سلكرود = بلايستيشن = اي لعبه اونلاين او مش اونلاين بطريقه تانية مثلا باباك او اي كان لما جابلك الكمبيوتر ... هوه جابلك كمبيوتر عشان تذاكر عليه ؟؟؟ او حته لو هوه جابهولك بالحجه دي جيت مثلا تلعب نيد فور سبيد ولا حاجه وزعقلك عشان بتلعب لعبه؟؟ بكلم على لعبه عاديه اكيد لاه الا مثلا لو قاعد على اللعبه على حساب حاجه تانية.... عمر ما حد في البيت قبل كده جابلك اتاري مثلا او بلايشتيشن او عربية برمود كنترول وانت صغير او دبدوب؟؟ او اي لعبه مش رياضية ؟؟؟ اكيد جالك زي ما جالنا كلنا.... واكيد لو كانت الحاجات دي حرام ووحشه مكنش حد جبهالك.... في نقطه انا هوضحهالك عشان لو موضحتهاش ليك هنفضل نتناقش للصبح ومحدش هيقتنع براي التاني ابدا... واضح من كلامك ان اللعبه بالنسبه ليك شتيمة وألة أدب ووجع عنين ووجع ايدين وقلق ومضيعة وقت صح؟؟ ده لانك اتأثرت بيها زياده وبالنسبة للشتيمه وقلت الادب هرد عليك فيها بكلمه واحده " حيثما تعتقد...تكون " يعني لو انت مش عايز تشوف الكلام ده هتبعد عنه ... اما انت من كتر ما شفته بقت خلاص بالنسبة ليك اللعبه كده...مع ان ممكن بدماغك توصل من لفل واحد لحد لفل ميه وعشره من غير ما حد يقدر يقول عليك نص كلمه ولا يكلمك في يوم كلمه وحشه... حد مش عاجبك ولسانه طويل عندك اجنور لست .... قلق بقه ووجع ايدين دي.... بيدل انك جيت في فتره وادمنتها.... انا نفسي اعرف ايه الي في اللعبه يخليني اقلق ؟؟!!! بكره الفورتريس وار مثلا...عادي ايه يعني ختها مختهاش انا داخل استمتع بالنص ساعه الي هقعد فيها .... اما الي يتعب اعصابه عشان اللعبه ده يبقى مدمن ولازم يبطلها فورا...والناس الي زي دي مش هيلاقيله حياه واقعية لانه نسيها.... حيثما تعتقد ... تكون وابسط مثال على كده الماستر بتاعي في السيرفر الجديد راجل محترم صاحب شركه محترمه وسنه مش صغير ده اونلاين اربعه وعشرين ساعه وماستر جلد محترم في السيرفر ومعروف الا انه مبيعدش قدام الجيم غير من ساعتين لتلاته في اليوم....فور فن شخص زي ده اللعبه عمرها ما تقلقه ذره مع انه الماستر يعني عنده مسؤوليات كتير في الجيم .... قولي ليه؟؟ عشان كل الي في الجلد زي حالاته كده ... عشان هوه حط نفسه في مكان محدش بيقلق فيه ولا يشتم ولا يقل ادبه .... اما مثلا فلنفترض ان شاب دخل في سيرفر لقى جلد كله كله ناس شديده وعاليه بس اطفال ... معندهمش حياه .... اكيد لازم هيقلق وهيبقى عليه ضغط وتلاقي ده بيقولك تاكسي او ده يشوفك مزنوق ومش بيديك مليم.... وده ينفضلك في بارتي وكله همه مصلحته .... والله احنا عندنا في الجلد كل يوم الماستر يدخل يقول حد عايز جولد.؟ والله ما حد بيرد عليه لدرجه انه بيقعد يكلمنا برايفت واحد واحد ومحدش بياخد منه واحد جولد الا لو متعسف جدا.... كله بيعتمد على حسب الناس الي انت حطيت نفسك معاهم في الجيم.... وبيعتمد اولا واخيرا على شخصيتك وقدرتك على السيطره على نفسك وعدم الانفعال اديك كلمة تريحك.... في ناس بتصرف فلوس على اللعبه دي وفعلا الفلوس دي بتبقى حرام تتصرف هنا لانها بتعود عليه بالضرر.... اما الي اللعبه مش بتضره في اي حاجه... فايه الحرام في كده.....والحياه مش كلها صدقه وصوم وصلاه وفي ناس فعلا قعادها على اللعبه دي حرام....عشان بييجي على نفسه وعلى والده ووالدته اما مش كل الحالات زي بعض ويمكن لو حد حرم لعبه زي دي قبل كده فده اكيد اقنعوه ان كل الي بيلعبوها زي ما انت بتقول بس....والي انت بتقوله ده اسمه سوء استخدام وللاسف سوء الاستخدام ده بقه الطبيعي لكتير من الشباب الي بتلعب الجيم اتمنى اكون افدتك ووصلتلك وجهة نظري ومحدش معصوم من الخطأ حتى انا او انت او حتى الي افتى وقال ان اللعبه دي حرام.... ومشكور لمرورك مره تانية |
thxx
بس موقع زى www.thepowerleve.com معروف و لو عمل كدة محدش هيجيب منو حاجة معتقدش انهم يعملو
كدة اى موقع من دول لو عملو كدة محدش هيجيب منهوم حاجة تانى شكرا على الافادة :starwars: |
اقتباس:
بس هقولك الي اعقل منه انت لو بدلت منهم النهارده سلك وبعد اربعه واربعين يوم من البوتنج وتشغيل الودرات واللعب ف المديا والكلام ده جالك بلوك تفتكر انك هتبقى متاكد ان البلوك ده بسبب ان الي شحنلك او باعلك الاكونت عمل شارج باك للفلوس الي اشترالك بيها السلك؟؟؟؟؟!! ولو مش بتستخدم اي حاجه ممنوعه اقلها البوت دا انت حتى لو اس بوت مش هتبقى واثق ان ده بلوك من الشارج باك وتقريبا من فتره كده كانت البلوكات على ودنو عاطل مع باطر ايام الاربعتاشر الف او الستاشر الف بلوك فكرة موضوعي ان مفيش امان للحاجات دي عشان انت مش هتجرب وتعرف ... لأ.... انت هتجرب ومش هتعرف اتمنى اكون عرفت اوصلها |
ممكن اديك أكونت لفل 1 تشحنلى 10000000000000000000 سلك وليك الحلاوة :
تقبل مروري |
كلام che-guevara مظبوط 100% one card ملوش اى ميزة حاليا غير انة أمن 100% لاكن غالى مفيش استفادة منة :idea:
|
اقتباس:
ردك سخيف بشده يعني اقتباس:
بس في اضافه بس بالنسبة للسعر هوه بالفعل الكروت سعرها بيزيد بنسبة 20% بس في حاجه تانية انت لو عملت تحويل بنكي لحسابهم عشان تشحن حسابك عندهم هتدفع دولار هتاخد دولار هتدفع جنيه هتاخد....انا سألتهم قبل كده وكنت فاير بصراحه عشان حتت زيادة الاسعار خاصة اني قبل كده كنت فاهم غير كده بس هما قالو انهم زودو عشرين في الميه على اسعار الكروت بس. ع فكره في طريقة دفع بس محدش اهتم بيها خالص وهي الموني بووكر وده بنك زيه زي paypal و alertpay وبيدعم مصر المفروض يعني الا اني ملقتش اي حاجه عنده في صفحة الشحن غير كده إخطار بخصوص استخدام بطاقة الائتمان ونظام Moneybookers - لاستخدام بطاقة الائتمان ونظام Moneybookers، يجب أن تكون قد وصلت إلى المستوى 20 فما فوق. رغم ذلك مش موجود برده مشكور للمرور |
موضوع جميل الواحد لازم يا خد باله بردو
|
:mf_turban::mf_turban::mf_turban:
|
موضوع رائع و الله
|
المضمون الاساس علشان محدش ياخود بان
|
بس السيلك ده بيضرب بلوك ملهاش لزما صح ؟
|
بجد موضوع اكثر من روعه وفعلا لازم نمشى فى السليم احسن طريق
|
بسم اللة الرحمن الرحيم
اولا شكرا على الموضوع الرائع انا رايى ان محدش يشحن سيلك من اى حد غير لو واقف معاة كدا ويكون e-pin لان انا مجرب الحكاية بكذا طريقة و اتنصب عليا كتير سواء بالمواقع الى بتشحن او باى بال او الجلوبالات الى بتتكنب فى اللعبة او اصحابى فى الجيم الى واثق فيهم 100% دول اول ناس يتخاف منهم... تانى حاجة بالنسبة للاخ الى بيقول ان باى بال هيخد بان ف دى حاجة مستحيلة لان الباى بال دا مجرد وسيلة للدفع وهو مش مسؤول انت دفعت ازاى دى حاجة والحاجة التانية لو كان قصدك ان جوى ماكس يشيل باى بال من وسائل الدفع فا دى مستحيلة بردو لان جوى ماكس مش خسران حاجة لو الفلوس جاتلو عادى ولو الفلوس اتخدت منة بيجبلك بلوك حتى لو كسب جنية فهو كدا كدا مش خسران حاجة اما بالنسبة لموضوع انك بتاخد مجهود ناس ببلاش ف دى كتييير اوى مش ويندوز و سيلك بس يعنى مثلا كل البرامج او البومات الى بتنزل على النت او اى حاجة بتنزل على النت مش فرى ف دى مجهود ناس وانا اعتقد ان مفيش حد هيلاقى برنامج ب 50 دولار مثلا و يلاقية هوا هوا ببلاش ويجيب ابو 50 دولار شكرا...وتقبلوا مرورى |
:jawdrop: gooood
|
| الساعة الآن 10:18 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.