|
افضل طرق للمذاكره(لاصحاب الثانويه العامه)
بسم الله الرحمن الرحيم نبدا تحب تعرف أفضل الطرق للمذاكرة؟ تحب تشوف الذاكرة بتاعتنا ماشية ازاي؟ تحب تخلي ذاكرتك دي طوع إرادتك؟ طبعا الكلمة دي بتعمل عندنا قلق والبيت كله بيعلن حالة الطوارئ القصوى.. خصوصا لو كان في البيت واحد في الثانوية العامة.. مش كده؟ النهارده هاقول لك أفكار رائعة هتساعدك وإنت بتذاكر.. الأفكار دي هتساعدك تعرف أفضل الطرق للمذاكرة وتثبيت المعلومات.. خلي بالك إن كاتب السطور جاب(مش لازم تعرف بقا جاب كام في الثانوية العامة ):111:.. يعني جربت الحاجات دي قبل ما أقولها لكم.. وإن شاء الله كلنا نجيب أكتر من كده ونكون كلنا متفوقين... أنواع الذاكرة عشان نعرف نذاكر لازم نعرف الأول الذاكرة بتاعتنا بتشتغل ازاي.. وعن طريق معرفتنا دي ممكن نستخدمها أفضل استخدام..الذاكرة أيها السادة نوعان.. ذاكرة قصيرة الأمد، وأخرى طويلة الأمد. 1- الذاكرة قصيرة الأمد.. النوع ده من الذاكرة هو اللي متخزن فيه المعلومات العابرة خلال اليوم.. فطرت إيه النهارده؟ عملت إيه امبارح؟ المعلومات دي بتبقى معانا لفترة قصيرة وبعدين ممكن تنساها... لو سألتك الأسئلة دي بعد سنتين.. ممكن ماتبقاش فاكر إنت فطرت إيه من سنتين! الذاكرة قصيرة الأمد بتتخزن بسرعة عن طريق العقل اللاواعي.. والذاكرة قصيرة الأمد دي سعتها 7 زائد أو ناقص معلومتين في المرة الواحدة.. عايز تعرف ازاي؟ يبقى العب معايا اللعبة دي: احفظ الرقم اللي هيظهر قدامك ده: 123313414515 ماعرفتش تحفظه؟ عادى.... الرقم اللي قريناه من شوية ده.. ماعرفناش نحفظه بسرعة عشان زي ما قلت لك.. الذاكرة قصيرة الأمد بتشيل بس 7 معلومات زائد أو ناقص اتنين (من 5 إلى 9 معلومات في المرة)..فالرقم اللي شفناه ده مكون من 12 رقما.. يعني 12 معلومة.. عشان كده صعب على الذاكرة قصيرة الأمد إنها تشيله.. يبقى إيه الحل؟ عشان تحط الرقم ده بسهولة في الذاكرة قصيرة الأمد.. ممكن تلعب لعبة جامدة جدا.. ممكن بدل ما تخليه 12 معلومة.. تخليه 4 معلومات بس! عارف ازاي؟ بص على نفس الرقم لما كتبناه بأسلوب تاني: 123 313 414 515 سهل يتحفظ كده.. صح؟ كل اللي عملناه إننا قسمنا الرقم بشكل تاني.. بحيث نحفظ كل شوية مع بعض (مش رقم رقم زي الأول.. الرقم الطويل بقى 4 معلومات بس.. فبقى أسهل! قاعدة مهمة: عشان تعرف تحفظ.. قسم المعلومات الكبيرة بطريقة سهلة الحفظ.. واربط بين المعلومات وبعضها عشان تحفظها أسهل.. 2- الذاكرة طويلة الأمد.. دي الذاكرة اللي بتشيل المعلومات المهمة جدا اللي من الصعب جدا إنها تتنسي.. اسمك إيه؟ رقم تليفونك كام؟ وكده يعني.. والذاكرة دي عشان تتكون لازم تقوم بشوية مجهود في الأول.. بعد كده هتثبت بطريقة رائعة.. وهي دي المذاكرة بقى.. يعني إيه مذاكرة؟ المذاكرة دي ببساطة هي إنك تنقل المعلومات من الذاكرة قصيرة الأمد، للذاكرة طويلة الأمد.. عشان كده لما حد يقول لك: عايزك تحفظ الدرس ده زي اسمك، يبقى كأنه بيقول لك: عايزك تحفظ الدرس ده بالذاكرة طويلة الأمد!لكن لو ذاكرت درس ونسيته تاني يوم.. تبقى بتستخدم الذاكرة قصيرة الأمد بس. ازاي ننقل المعلومات للذاكرة طويلة الأمد؟ عشان ننقل المعلومات للذاكرة طويلة الأمد لازم نقوم ببعض المجهود زي ما قلنا.. لكن النتيجة بتكون رائعة.. 1-التكرار: هيخلّي عقلك يتعامل مع المعلومة باهتمام لأنها بتتكرر.. تبقى مهمة بالنسبة لك.. 2-استخدام مراكز المخ المختلفة: الطريقة دي مؤثرة وفعالة جدا.. - إنت بتذاكر بعينك: يعني مراكز الإبصار في المخ اشتغلت على المعلومة دي.. - اكتب وإنت بتذاكر: هيخلي مراكز المخ المخصصة بعملية الكتابة تشتغل على المعلومة دي.. - سمّع اللي ذاكرته: نشطت مراكز الذاكرة ومركز الكلام اشتغل برضه على نفس المعلومة لو كنت بتسمّع بصوت.. بالطريقة دي المعلومة تغلغلت جواك بأكتر من طريقة.. يبقى ألف مبروك! 3-الحالة الذهنية: وإنت بتذاكر المعلومة حط في دماغك إنك بتذاكرها عشان تفضل على طول وتفيدك طول حياتك.. لو ذاكرتها على اعتبار إنها معلومة مؤقتة عايزها للامتحان بس, عقلك هيتعامل معاها على إنها معلومة تافهة ويحطها في الذاكرة قصيرة الأمد زي ما إنت طلبت منه! تخيل إنك بتحفظ المعلومات دي لأنك هتحتاجها بعد سنين طويلة.. تخيل كده مش هتخسر حاجة.. وهتندهش من النتيجة الرائعة اللي هتتحقق.. بالطرق دي هتلاقي إن اللي حفظته ده هينتقل للذاكرة طويلة الأمد وهتلاقي نفسك حققت النتيجة اللي إنت عايزها.. وابقى ادعي لي.. مش كده وبس.. فيه طرق تانية هتساعدك على المذاكرة هنقولها العدد الجاي.. بس اهتم بدول قوي لأنهم مهمين. [IMG]http://img104.***********/2010/09/02/1793494.gif[/IMG] ياريت اكون وصلتلكم حاجه شكرا... [IMG]http://img104.***********/2010/09/02/1793494.gif[/IMG][IMG]http://img104.***********/2010/09/02/1793494.gif[/IMG][IMG]http://img104.***********/2010/09/02/1793494.gif[/IMG] |
الكلام دا انا درسته فى ماده علم النفس والاجتماع لما كنت فى الثانويه العامه :mf_kamikaze: |
ربنا يوفق الى فى ثانوى انا الحمد لله داخل تالته جامعه
|
هههههههههههههههههههههه
يالهوي,,, انت عارف اكتر حاجة عجبتني اي؟؟ صورتك الشخصية... وربنا انا افتكرتها ناموسة... ههههههههههههههههه و غيركدة الحمد لله انا طالع سنة تانية كلية تجارة |
اقتباس:
|
والله موضوع روووعة و مفيد جدا
مستنيين العدد القادم |
جزاك الله خيرا وانا شخصيا استفدت
|
اقتباس:
اقتباس:
|
جامد
|
قشطة عليك بتبشرنا .. انا داخل 2 ثانوي والله عقبال عندك :lol3::lol3:
|
انت راجل زى الفل انا داخل 3 ثانوى وكلامك صح الصح زى الفل على فكره
|
ربنا يخليك علي المعلومات الجملية دي:clap::lulu13:
|
يا لهوى انا داخل الثانويه لسه وهموت
|
ههههه كلام علم نفس
الحمد لله انا خلصت ثانوية انا داخل 2 تجارة |
شكرا و مستنيين العدد القادم :winner_second_h4h:
|
ابعد يا شيطان ابعد يا شيطان ابعد يا شيطان :zapping:
|
كل ده علشان اطلع الثانوية طب مش طالع بقى ^^ _____________ تسلم |
شكرا انا اهوت رايح 2 ثانوى
ربنا مع الجميع |
شكرا
|
شكرا ياباشا بس بى اى طريقه كدا كدا احنا فاشلين
|
اقتباس:
|
شكرااا
|
اقتباس:
حاول وملكش دعوه |
جامد :war:
|
|
جزاك الله خيرا
|
اقتباس:
|
اقتباس:
|
|
اقتباس:
|
والله العظيم الراجل ده بيتكلم كلام زى الفل
وان شاء الله هاعمل بيه انا فى 2 ثانوى |
شكرا ناس كتير هتستفيد من الموضع ده
|
برنس يابني و الله
|
اقتباس:
اقتباس:
اقتباس:
شكرا...شوفو بقا العدد الثاني نزل |
انا قلت اارجع الموضوع في الصفحه الاولي ...عشان داخلين علي الدراسه و كتيير محتجين الكلام ده:vincent: |
موضوع جامد والله |
يالهوى انا كنت قايم اضرب صورتك الرمزيه
هاهاهاهاهااههاهااه شكرا على الموضوع الهايل انا هحاول امشى على الطرق ديه |
| الساعة الآن 05:29 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.