مشكله شركه TE Data
 

صباح الخير
ازيكم جميعا ، معلش هتكلم مصري لان المشكله دي تقريبا عند مستخدمي الانترنت المصريين بس.

لو حد مشترك TE Data و واجه نفس المشاكل اللي انا بواجهها في الفتره الاخيره ياريت يدخل و يقول لنا مشكلته و جهة نظره لعل و عسى نطلع بنتيجه و مشكله عامه.

اولا : الانترنت بيقطع مع نفسه بالساعات و ده حصل عندي 3 مرات في 10 ايام اخرهم النهارده الصبح من 6 صباحا لحوالي 8:30 و تتصل بخدمة العملاء اللي مفروض 24 ساعه محدش بيرد و لا اصلا الرقم بيجمع مجرد ما تدخل رقمك يفصل الاتصال . تقريبا محدش موجود غير الانسر ماشين .

ثانيا: الداونلوود "حدث و لا حرج" بطء يجيب الامراض المزمنه اللي في الدنيا . سرعه السلحفاه اقوى 100 حصان عن سرعة 256 لمستخدم واحد بروتر و خط مباشرhttp://bbs.arab.91.com/images/smilies/mad.gif .

ثالثا: الخدمه الظريفه اللطيفه الخاصه بالتحصيل ، المحصل مايجيش و الاساتذه يقطعوا الخدمه و بعد ما تطلع عينك اتصال بخدمة العملاء و تلاقي احد "عاملينا المشغولون الآن" يقولك طيب هنديك معاد و نرجعلك الخدمه بعد 4 سااعات و تنتظر 6 و احتمال لتاني يوم و احتمال لما تدفع و تتسجل الفاتوره تبقى ترجع لك الخدمه!!!http://bbs.arab.91.com/images/smilies/mad.gif

"طبعا لو انت شغلك على الانترنت لازم هتقفل و تدور على شغلانه تانيه" !!!!!http://bbs.arab.91.com/images/smilies/frown.gif

رابعا: اصحاب الاشتراك المحدود ، كلنا قلنا الحمد لله اننا في المحدود بعد ما "حددو المفتوح" بحجة النظام العادل "مش عارفه جابو عادل ده منين" لو صفحه فيها بانر فلاش او شوية صور مش بتفتح غير في نص ساعه يبقى استحاله هعمل داونلوود!!!

العجيب ان كل شهر بتلاقي عندك من 20-60 جنيه داونلوود زياده ؟؟؟!!! ده على اساس ايه مش عارفه بجد . كل استخدام الانترنت لا يتعدى الماسينجر و المنتدى و رفع شوية صور لشرح المواضيع لا تتعدي 2-3 ميجا بايت لان اعلى صوره حجمها مش هيزيد عن 200-300 كيلو بايت و الا همووووت جنبها على ما ارفعها. و المفروض ان لي 2 جيجا استخدام شهريا (اعتقد انهم مش مجانا حاليا) لان كل شهر لازم بادفع على الاقل 20 جينيه داونلوود زياده و انا اصلا مش باعمل داونلوود لاي حاجه


بصراحه انا اتخنقت من كل ISP في مصر و محدش يقول خليكي فودافون !!! كان عندي و لغيته لاسباب اقوى من الموجوده هنا و link ما شاء الله عليهم
زحمه على طووووووووول و تستنى شهر على ما تلاقي مكان في السنترال اللي انت تابع ليه ..

لو حد عنده نفس المشاكل و خصوصا انقطاع الخدمه الغير مبرر
و لو حد يعرف ليه قطعت اكتر من ساعتين النهارده ،
ارجو ان يتفضل مشكورا بالتوضيح !!

الحمد الله انا فى link بقالى فوق ال3 شهور و النت عمرو مقطع عندى
خمسة خمسة خمسة خمسة خمسة

جبت التايهة والله:lol3::lol3::lol3:...انا عندى اول مشكلة بتاعت انقطاع النت كل شوية ييجى و يفصل....و زى منتا قلت الخدمة 24/7 مشغولة مش عارف حتى استفسر عن المشكلة عشان احلها....:sadangel::sadangel::sadangel:

انا الحمدلله النت مبيقطعش عندى كده (هيقطع دلوقتى بدام قلت كده انا منحوس)
بس انا مش فاهم حاجه فى موضوع الداونلود انا موصل 512 و الdl بيبقى على اول الشهر زى الفل باقصى سرعه بيجى على نص الشهر كده الاقيه ضرب و بقى 2kb/sec و 10kb/sec وحاجات جامده كده
بحمل بيه سيلكرود فى يومين تلاته
مش فاهم الحكايه دى من ايه بس دى المشكله الوحيده اللى عندى من اللى مكتوب

انا مشترك كده برضه بس النت مش بيفصل والحمد لله خالص 24|7 تبع تى داتا بس فعلا حكايه الدونلوود دى بقى هى المشكله طول النهار تلاقى النت ضايع ومن الساعه 2 بالليل كده يشتغل بسرعته الطبيعيه ولما اتصل بيهم يقولولى اصل السنترال اللى انا تبعه مش مستحمل الضغط مع انه سنترال لسه جديد يعنى المفروض كل حاجه فيه على الزيرو :showoff: المهم انا دورت وسألت ناس من بره ومن السنترال (معرفتى) وطلع المشكله ان فى السنترال تبقى سرعتك مثلا 1 ميجا وعليه كذا خط مع بعض من مشتركين تانيين غيرك سرعتهم 1 ميجا برضه :eek: عشان المشتركين كتير ومفيش مكان ليهم :mfr_omg: وانت زى الباشا مفكر انك 1 ميجا بس على ما تفرج :woot_jump:
(الكلام ده مش كلامى انا مش بفهم فى الموضوع ده اوى بس انا سألت ناس ومهندسين كمبيوتر وقالولى كده)
انا رغيت كتير اوى معلش بس حبيت اشرح الموقف

ايوة فعلا انا النت فصل بردوا الساعة 6:30

هههههه انا بقى السرعة عندى رهييييييييبة و جميلة جدا لو بتفرج على فيلم فى اليوتيوب مدتة 3 دقئق يبئى انا هافضل جمبية 1~2 ساعة عشان يحمل
و الدولوند والله العظيم بيبقى اقل من ال 1kb فى الثانية
و الله انا شلت من دماغى حكاية انى اعمل داونلود ولا اتفرج على اليوتيوب ولا افتح موضوع فية صور
و الله حاجة تجيب بواسير
بس انا لما بكلمهم بيبقى دة الحوار بظبط
---------------
الراجل : الو مساء الخير مش عارف مين مع حضرتك
انا : مساء النور :fuyou_2:
الراجل : اتشرف باسم حضرتك
انا : احمد :fuyou_2:
الراجل : الرقم اللى بتشرفنى بتكلم منة هو نفس رقم الخدمة
انا : اايوة:ranting:
الراجل : اة استفسار حضرتك
انا : النت زى الزفت و الدونلود سرعتة زبالة:ranting::ranting::ranting::ranting::ranting: :ranting::ranting:
الراجل : ممكن دقيقة اعمل chek على الخط
انا : اتفضل:grrr:
الراجل : الواضح يا فندم ان فى عطل عن حضرتك هو اللى مسبب البطئ دة ( على اساس ان بكلمة اسلم علية مثلا ما اكيد فى عطل )
بعد كدية ممكن يديك حلل من ال3 دول
1- بعد ماتنهى المكالمة معايا افصل كل توصيلات الشقة و وصل من المودم على طول للمدخل بتاع الشقة .
2- العيب من كفائة الخط و دة تحلو من سنترال صفط اللى حضرتك تابع لية
3- الشركة حاليا بتجرى تصليحات فى سنترال صفط و دة هو المأثر على سرعة النت

هههههههههههههههههههههههه جامد والله فعلا بالظبط كده اللى بيحصل :pile:

انا ماعنديش اى مشاكل فى النت الحمد لله
5و5

شكرا

يبختك :tongue2:

انا شايف انها شركه حلوه و تمام معى

الله اكبر :p

هوا ده الطبيعى
ده انتا تشكر ربنا على ان السرعة كده

انا عندي بطئ في التحميل و احيانا النت من الساعه 12 لحد الساعه 5 او 6 الصبح يفضل يقطع ويجي.مبيجمعش 5 دقايق علي بعضهم علما بأن انا السرعه 512 و انا عليها لوحدي وجايب روتر 4 بورت

فعلااااااا
والله بيقطع كتييييييير
مش عارف ادخل سيلكرود

بص احسن حل للمشكله دي
تقفل الراوتر 30 دقيقه
و تحطه في حته مهويه البلكونه مثلا
و شغله انا كل اسبوع بعمل كده

:mf_popeanim: :mf_popeanim: :mf_popeanim:
لا انا الحمد لله مشترك فى ايجى نت بسرعه 2 ميجا :mf_popeanim:
وماشاء الله النت عندى لا بيقطع ولا بيبقى بطئ :mf_popeanim:

خمسه وخميسه فى عنيكو

:mf_popeanim: :mf_popeanim: :mf_popeanim:

:111 (10):

انا قاعد في السعودية حاليا

والسرعة زي الفل :partytime:

و بنزي ب +500k\b الله اكبر :111 (10):

انا بدات اعانى فعلا من بطء الداونلوود بطريقه غريبه
:mf_monkey:

ايوة وانا هاقولك الاسباب

تي داتا فتحت السرعة السنة ألي فاتيت وبنفس الاجهزة القديمة يعني ألي مش مستحملة السرعة القديمة زاودوا عليها كمان

ولسة هاتشوف النت هايفصل في مصر قد اية ول الاحهزة دية ضربت خالص ومتوقع قريبا :taz:

الف شكر يا برنس على الموضوع

شكراااا

شكرا ليك يا حبي

بطيئ فعلا

انا مشترك في VodaFone و الحمد لله مش بيقطع:winner_first_h4h:

النت في مصر عموما خربان ووزارة الاتصالات دي بتهرج اصلن :mf_pcwhack:

5 سنين ونص
مع لينك
النت مقطعش غير 7 مرات
الداونلود سريع جداً

الحمد لله انا لينك و النت ما بقطعش خالص

فعلا دة اللى بيحصل

انا الروتر عندي من اعد اسبوعين كدا يكون النت شغال ويفصل والراوتر يجيب علي لمبه alarm جبت اسبليتر جديد وسيلك للروتر جديد ونزلت الروتر للراجل نزله سوفت وير والحمدلله من امبارح بليل وماشيه حلو ربنا يستر بقي