|
التحالف المصرى [Egyptian Union]
السلام عليكم ورحمه الله وبركاتة .. http://www.topnews.in/files/Egypt_Flag.jpg الأول أحب أقول لكل المنتدى وكل الامه الإسلامية كل سنة وأنتم طيبين بمناسبة قرب حلول شهر رمضان المبارك أعادة الله علينا وعليكم وعلى سائر الأمه العربية بالخير واليمن واليسر والبركات. قبل ما ندخل فى الموضوع فيه موضوع تانى أفتكر ممكن يكون ليه علاقة بالموضوع دة وهو موضوع : أحفاد الفراعنة. المصريين [Server Eos] ودة رابط الموضوع : http://www.silkroad4arab.com/vb/showthread.php?t=254906 النقاشات كتيرة جدا حول اليونيون المصرى. اتفتح أكتر من موضوع علشان ناس عايزة تعمل يونيون مصرى يكون كل الجيلدات اللى فيه جيلدات مصرية أو تعديم اليونيون المصرى السابق اللى كان مع جيلد EGYPT واللى دلوقتى مش موجود تقريبا او بيتظبط كل واحد بردو شايف فكرة اليونيون المصرى دى بنظرة معينه سواء كانت نظرة تفاؤل او نظرة أمل او نظرة فشل ودة كله قائم على حاله الجيلدات المصرية وحاله الشخصيات المصرية واصحابها فى اللعبة هما دول فعلا اللى يقدروا يحددوا ممكن يكون فيه يونيون مصرى جامد .. ولا لاء عايزين هنا نتناقش فى الموضوع دة .. نشوف فعلا ممكن يكون فيه يونيون مصرى يهزر سيرفر Eos ولا هيكون يونيون عادى زى اى يونيون مغمور اتعمل وانتهى ومحدش حس بيه ويا ترى احنا محتاجين اية علشان فعلا نقدر نعمل يونيون مصرى والمصريين محتاجين اية علشان يتقارنوا بالاتراك او الالمان اللى هما اجمد ناس فى السيرفر. وهل دة ممكن يتحقق فى يوم من الأيام. ونقطة مهمة جدا .. نفسى كل واحد يقولى الفرق بينا وبين الناس الجامدة فى السيرفر اية وبين الجيلدات الجامدة. موضوع هيبقى جميل جدا ومفتوح للنقاش. منتظر رأى الجميع ودة هيبقى موضوع خاص بأى حوار أو سؤال او رأى فى موضوع اننا نعمل يونيون فى السيرفر. اى موضوع مشابه سيتم حذفه. والسلام ختااام تحياتى Al.Qanas |
اظن انا الى كنت عمل الموضوع دة صح؟ :vertag:
http://www.silkroad4arab.com/vb/showthread.php?t=236561 بس مش مشكلا انا مش هتكلم على الحجات التفهة دى المهم اننا نتحد |
السلام عليكم ورحمة الله وبركاتهـ ,
بص يا ابو القراصين يونيون المصريين الجامد مش هيتعمل الا فى حالة واحدة اولها : ان الناس اللى لفلات عالية تظبط الاكونتات بتاعتها زى الاجانب ما بيعملوا وميستخسروش فيها حاجة يعنى بالمعنى يكون معظم لبسوا فوق + 5 ........ واكيد كام حتة Son أو SoS او SoSun او Som ثانيها : ان الناس اللى لفلات عالية تنزل تلفل المصريين Free اللى هما لفلهم قليل وحتى لو محتاج فلوس يرخص للمصريين واكيد بردوا مستر كل جيلد ينزل يلفل الجيلد بتاعتوا كتيير عشان كلوا يبقا لفل عالى دى وجهة نظرى وانا شايف اننا مش هنعمل يونيون جامد الا بالطريقة دى مع تحياتى StarWars |
اقتباس:
:thumbsup::thumb_yello::thumbsup: |
انت اظهر مأرتش كلامى كويس يا ستار
:glasses2: |
اقتباس:
بس دى وجهة نظرى فى الحكاية دى :whistling::whistling: ومش هنعمل جيلد او يونيون جامد الا بالطريقة دى :kiss2::kiss2: وكمان لازم كل الناس اللى فى جيلدات اجنبية تجى الجيلدات المصرية بس بعد لما تبقا جامدة طبعا :character05::character05: |
وعلى فكرة يا almsry مش هنحقق اى حاجة لو اتحدنا واحنا ضعفاء
لازم نبقا جامدين عشان نعمل حاجة :banned2::banned2: |
وعمرنا ما هنبقى جامدين طول ماحنا بناخد dc واحنا فى بارتى جامد فى الكهف ابداااااااا :fuyou_2:
|
اقتباس:
ماشى يا نوب كلكوا تخرجوا وتسيبونى لوحدى كدة :stupid: يلا سلام بقا قبل ما اضرب |
من رايي ان اليونيون المصري ميتعملش غير من جيلدات جامده غير كده ده لعب عيال عشان اللي شفناه قبل كده ده كله ولا يونيون مصري ولا حاجه ده كان مجرد احلام وكلام........ كل واحد بيعمل جيلد عايز يدخل اليونيون عشان يبقا اسمه ماستر جيلد في اليونيون ويبقا ليه شكل.
لازم يكون الفكره من اننا نكون يونيون اقويا ونبقا لينا كلمتنا في السيرفر اكبر من ان اسمي او اسم حضرتك يكون هو اللي بيردده الناس في السيرفر لازم لو هيتعمل يونيون يكون في قواعد " رغم ان المصريين احسن ناس بتكسر القواعد" ..انما نحاول نلتزم بيها ونطبقها زي مثلا...... 1-يكون اليونيون ليه job واحده محدش يقول اصل انا مش بحب الثيف وعايز ابقا ترادر او العكس ده هبل الjob عامل زي الفورتريس لو احنا بنعمله على طول هيكون لينا شكل في السيرفر ..... . 2-ان مثلا الجيلدات تكون الي حد ما متكافئه واقويا يعني مفيش جيلد تكون فيها ناس اقل من لفل 80 او علي الاقل 20 واحد اكتيف اعلي من 80 في اي جيلد. الالتزام بكلام ماستر الجيلد وماستر اليونيون كانه هو صاحب البيت... خصوصا وقت الخناقات والمشاكل 3- بارتي جيلد بس وبارتي لليونيون بس وده مش هييتعمل غير لما تكون الناس اكتيف. دي يمكن بعض الاقتراحات اللي ممكن منها نعمل يونيون كويس |
والفرق ما بينا وبين الاجانب يمكن الامكانيات.... هما عندهم اعلا ومعتقدش ان المصريين هيكونوا زيهم في الامكانيات بس احنا عندنا العدد عددنا اكبر منهم بكتير وده يدينا الميزه عنهم ان لو اتجمعنا اكيد هنعمل حاجه زي الاتراك بردوا امكانيتهم مش زي الالمان ولكن عدد الاتراك كبير عشان كده بينافسوا مع الالمان لما بيتحدوا مع بعض...
|
اقتباس:
|
سمعنا الكلام ده كتير بس مفيش حاجه بتتنفذ اصلا..
|
احنا بنحب نتكلم كتير و ساعة التنفيذ !! لما ربنا يحلها من عنده
|
انا اصدي يعني ان في ناس كتير كتبت مواضيع عن كده بس ولا اي حاجة بتحصل بس يارب ممكن قناص و باجي يعملوا حاجة المراضي
|
قناص وباجى ويوسف كاجو وكلنا كلنا نبقى مع بعض :salut:
فكرو انتو واحنا كلنها جاهزين :terafin-grin: |
اقتباس:
|
انتظروا ردى ..
سورى مش قادر اكتب ردود خالص التعب مخلينى مش شايف قدامى سلام |
الف سلامة يا مان :mf_doctor:
|
المشكله ان كل مستر جيلد لما بيوصل لفل عالى بيحب يكون همه كلو انه يتوغل ويتلفل ويوصل لفل 150 كمان ولونه مش موجود فبينسى الجيلد بتاعو المفرروض مش حنمنعو بس يخلى لو حتى واحد فى الجيلد نائب ليه يلفلف الامونتات الصغيره فى الجيلد وديه مشاركه بسيطه وحرد تانى بس عشان مش فاضى دلوقتى والله
|
انا قلت اللي المفروض الناس لو مشيت عليه ممكن نعمل حاجه وللناس اللي عايزه فعلا تعمل يونيون للمصريين جامد انما الناس النايمه اللي ملهاش غير كلام دي الكلام مش موجه لها وخليهم نايمين مع نفسهم
|
اسف على التاخير ... انا عامل جيلد لوحدى وادخلة يونون واحد صحبى اسمة w4p الرجال دة لعبها صح وبيفكر صح .. وصحيح يا كاجو ...الكلأم الى انت بتقلو دة تشكر علية بس والله العظيم ... وانا متاكد 100 % ان مش هيجيب نتيجة .. عشان كلها يومين ولأ يوم .. وكلة اينسااا ... الشعب المصرى كلوة كدا فى كل حاجة كلوة بيبوص لمصحلتة .. وفى البيوت كمان .. لو حصل خناقة مشكال ولأ حاجة كلوة يبوص لنفسة ... مثلأ ملناش دعوة احنا .... فا دة الى جيبنااا وار... واسف على الاطالة
|
فاأ نت لو عايز تعمل يويون بجد ... اوى ايى حد... يعملة لوحدة ويكلم الناس فى الجيم لأكن الكلأم هنا مش بيجب نتجية ... دة من وجههة نظرى ... مع احترام ايى راءى ... واسف مرة تانية طولت عليكو ..
|
السلام عليكم و رحمة الله
وحشنى قعدتكم والله يا شباب انا ان شاء الله هخلص بعد 3 اسابيع و انا ناوى ابقى مع المصريين بس لانى زهقت من الاجانب بصراحة و من اللعبة :p بس اظاهر ان الوقت خلى الواحد يحن تانى. يا ريت يا جماعة نبدأ حتى بجيلد او اتنين حلوين و انا هبقى معاكو.(بس اهم حاجة يكون محدش خد منى حاجة تانى علشان انا ليا شهرين مفتحتش و اخر مرة كان مسروق منى كل الجولد 3.5 مليار بس كان راجل ابن حلال و ساب السيت). اه صحيح الف مبروك على الاشراف يا قناصكو و وحشنى يا يوسف و شكلك خلصت يا احمد امتحانات :P:mf_boff: اشوفكم على خير بقى ان شاء الله بعد 3 اسابيع كدة سلاممممممم:v9v9net_003: |
اقتباس:
نشوفك على خير يا باشا ان شاء الله ومنتظرينك :111 (4): :mf_laughbounce3::mf_laughbounce3: |
اقتباس:
تنورنا يا معلم :pirate: ويارب تكون كويس :rambo: |
اقتباس:
كونك انك تعمل جيلد لوحدك فده دليل انك مش عايز تعمل اي حاجه ولا تتحرك من مكانك يعني انت بالظبط بتعمل الكلام اللي انا عمال احظر منه وبقول ده من عيوبنا ......... تاني حاجه احنا هنا من خلال المنتدي هنا بنعرف نتجمع ونتفق مع بعض علي ايه اللي هنعملوا... يمكن لو انت كنت موجود من زمان معانا كنت مش هتقول كلامك ده والدليل البارتي اللي انا عاملها الحمد لله في اقبال عليها وناس كتير بتكلمني بس البارتي 8 مش اكتر اقتباس:
ميدو واحشني كتير ايه اخبارك....... ان شاء الله ربنا يوفقك ولما ترجع ابقا كلمني علي DeathKiss عشان الفتره دي بفتحها كتير |
اقتباس:
اخاف ان كلامي ده يكون بيطبق ........معتقدش انها فكره كويسه اننا نتنقل من جيلد كويسه عشان نروح جيلد تانيه ده غير لو الناس كلها هتتجمع فيها ..... وده انا مش شايفه انها ممكن تتعمل الفتره دي |
يا جدعان هو دلوقتي مثلا فيه واحد زي _NeW_Zo0oMa_ بيعمل جيلد جديد وهو قال إنه هيجيب معاه ناس مصريين كتير جامدين فيلو ممكن يا قناص تدخل مع Union egypt إنت وجيل zoma دي ونجرب مرة في el-Fw +مفيش فرق كبير بنا وبين الاترك أو الألمان جوست انهم بيجيبوا سيلكس وبيشحنو جولد كتير ولو ممكن نجرب مرة كل المصريين يتجمعوا f-union واحد ونجرب 1 fw ولو حتى bandits أنا دلوقتي فيجيلد اسمه Dutch_Heroes مع ناس صحابي وممكن لو انتوا هتجربه حكاية 1 union دي أنا مستعد أسيب مي جيلد دلوقتي وأدخل معاكم الجيلد التقولوا عليها f-union egypt وياريت يا جامعة الناس البتفضل تقول من فضلك 200k وال كلام ده تبطل شوية عشان كده الناس بتاخد فكرة وحشا عننا يعني مثلا واحد زي xX_b3q0_Xx ليه يبعت جلوبال يقول fck egyptions noobs وأظن فيه ناس كتير شافه الجلوبال ده ومن فضلك لو نوته على حاجة any1 يكلمني على Hi_OnE أو King_Bout ويقولي....ولو حصل و عملنا union ياريت محدش يقعد يقول free taxi وال كلام ده عشان فيه ناس بتضايق....
respect to all...c ya.. |
طيب انا شايف حاجة
معظم المصرين متوسط لفلهم من 60 لى 80 دة العدد الاكبر فى المصرين اية المشكلا لو المصرين الفل العالى لفلو الناس الى لفل اقل منهم او سعدوهم بجولد هيخصرو اية زى Qanas ولهى ولهى دة لحد دلوئتى مثل للعلاعب المصرى الجدع 24 ساعة فى الونج موأف الشخصيتن بتوعو بيلفل بيهم الجلد بتعو و الينيون اية يبأة المشكلاة لو حد عمل زيو دة كدا هيكسب كتير يعنى مثلن لو جلو بلوك لقدر الله و عمل شخصية جديدة طبعن اكيد كل الناس الى هو لفلهم دول هبأو تحت امر بس مش هأول كلهم فى ناس نتنا بتعت مصلحتة و بس بس الاكتر الناس الجدعان فا انا بدعو كل واحد يعرف حد مصرى لفل عالى يعرض علية الامر دة و كدا احنا ممكن نعمل اجمد ينيون |
والله ليه جماعة كلام إيهاب كويس بس هو أنا قلت حاجة مختلفة أنا بس بأقول إن مش معنى إن فيه ناس بتعمل فري إن كل شوية اكلمهم واقولهم من فضلك فري ده ممكن يضيء ناس كتير...وفي مواضيع كتير تانية ناس قالت إن دى مشكلة من الممكن يمنع إن احنا نعمل union وكمان والله اسئل f-union egypt أنا بكون فيبتس 104 w-107 والله ولو أي حد من صحابي كلمني قال لي تعالى pt-s بروح اساعده والله بأنزل كامب 15 وساعات أقل عشان الفل ناس صحابي من union egypt ويبقى اسأل بس...وكمان عندك واحد زي A_A_A ماهو قاعد فترة كبيرة يلفل el-union في el-niya وواحد زي baggy كان قاعد بقاله شهر تقريبا يلفل الناس فري في elwing لحد والله ماكنت بتحايل عليه عشان يلفل نفسه فأظن عدي جدا لو الواحد استنى لحد ما أي حد يقول free taxi for union في أي mobs مايعدش يزن على الناس ويقولهم i need free أو أي كلام زي ده عشان يمكن يكون حد مش معاه bot أو مش فاضي أو بيلفل نفسه واكيد لو واحد بيلفل نفسه وقال لأي حد أنا عايز تاكسي والتاني رد عليه قالوا أنا بالفل نفسي أو حاجة البيطلب تاكسي ده هيضايق وأنا الكلام الكنت بتكلم فيه غير كده أنا بأقول بس i need 1 union not more nor less ويا جدعان أنا معلش مش هتكلم في الموضوع ده تاني عشان انتوا والله جبتلي إحباط ولو حد عنده جديدة يكلمني على الاميل f-silkroad :111 (13):
|
اقتباس:
اية رأيك؟ |
أنا عن نفسي مش هأقدر نو أنا اساسا بكون هموت فيكامب 15 لولا إن بيكون معانا cleric لاني باعمل جاب now أول ما اخلصها هكلمكم واعملكو تاكسي منع`عار cleric أو أنا جاهز معاكم فيأي mobs لو تقدروا تجيبه معانا cleric
|
لو انتوا جاهزين أنا ممكن افدلكم نفسي يوم بس ادوني فرصة عشان أقول للناس المعايا في ال pt يجيبوا واحد 3`عاري اليوم ده.....وw8ing a replay....وياريت أسمع ردك على الكلام الأنا قلته من شوية يا قناص
|
طيب انا دلؤتى لفل 76 هجيب 81 و هبدأ عمل فرى تكسى سونا
|
افتح el-yahoo عشان نتكلم
|
اوك بس كان المفروض تبعتل رسالة مش تكتب فى الموضوع
|
اقتباس:
|
Hellp Every Body I'm Backz :mf_leia: بسم الله الرحمن الرحيم .. الرد بتاعى هيكون طويل حبتين بس معلش اعزرونى لانى قريت كتير ومحتاج ارد على كله فى رد واحد :) اتمنى الناس تقرا الرد بالكامل مع انه طويل .. بس فيه كلام كتير مفيد سواء كنت مبتدأ او محترف ولو حتى هياخد من وقتك نص ساعة :) مبدأيا وبشكل صريح المصريين فى سيرفر Eos عبارة عن Noobs ودة واقع مش خيال :) الحق مش بيتزعل منه حتى لو كان علينا بس هيا دى الحقيقة. قله قليله جدا جدا جدا جدا اللى ممكن تكون كويسة فى اللعبة. أولا خلينا فى فكرة المساعدة. بشكل مبدأى انا مش بقتنع بموضوع انى ألفل الناس او حد يلفل حد لان دة كسل التلفيل ممكن يبقى لحد ليفل 70 او 75 بحيث ان مفيش بارتى اقل من كدة يعنى. بعد كدة فيه بارتى وينج وفيه بارتى كيف وفيه بارتيات كتير جدا وبتدى اكتر من التاكسى يبقى ليه تعطل غيرك انه يتلفل طالما انت بإمكانك انك تلفل نفسك ؟ هتقولى مش معاك بوت ؟؟ طيب ازاى هتلعب اللعبة .. طيب لما توصل ليفل 87 مين هيعملك تاكسى ؟؟ ولا هتقف على كدة لازم يكون فيه موضوعية فى الكلام شوية يعنى .. انا مثلا قناص عندى ليفل 99 يعنى يقدر يعمل تاكسى وينج كويس جدا .. بس ليه منكونش زى غيرنا .. انت مثلا ليفل 80 .. وانا 99 ليه توقف التلفيل بتاعى وتعطلنى عن انى ابقى ليفل عالى وانافس غيرى من الاجانب فى حين انك ممكن تعمل بارتى بنفسك او تشغل البوت وتزيد 24 ساعة وتلم ايتمات وتبيع وتجيب جولد .. وتلم الكسير وتعمل +5 و +6 زى الناس التانية ؟ دة اسمه الاعتماد ع الذات .. ودة شئ بيمز الاجانب عننا طبعا .. مفيش حد فيهم بيحتاج للتانى .. اه ممكن يساعدوا بعض بس مش بيعطلوا بعض ابدااااا .. يعنى انا اعرف مصريين كتير ويمكن اغلبهم وكتير منهم فى المنتدى علشان محدش بيلفلهم .. وقفوا ع الليفل بتاعهم دة من زمااااااااااااااااااااااااااااااااااااااااااااااان وناس عملوا فارم وخلصوه ووصلوه 110 F.F وقربوا يخلصوا الفارم التانى .. واحنا المصريين محدش بيعتمد على نفسه ولا بيعدى ليفل .. يبقى نقطة رقم 1 : الاعتماد ع الذات .. بملخص مفيد اننا نلفل نفسنا بنفسنا زى كل الناس ما بتعمل .. والمساعدة تكمن فى البارتى .. انا اساعدك امتى ؟؟ لما اقولك تعالى نعمل بارتى حلو نلفل نفسنا ونلفل سوا .. هيا دى المساعدة الصح. __________________________________________________ _____________________________________ نيجى فى موضوع فهم اللعبة اصلا .. انا شايف ان بنسبة 85% من المصريين بالكاد فاهمين اللعبة .. يعنى يادوب عارف اللبس والسلاح وشكرا فى حين ان اى حد بيلعب اللعبة دى المفروض يكون على علم بال Stones وكل ستون بتعمل اية ويعنى اية مثلا Parry Ratio ولزمتها اية .. ويعنى اية Block Ratio ويعنى اية Mag Atk علشان لما يكون معاه ايتم يكون عارف مدى قوتة وعارف هو محتاج تعديل على اية .. مش يكون بيلعب بأيتم وسلاح كله 0% ؟؟ طيب هتعمل بيه اية يعنى ممكن تفهمنى ؟ يبقى نقطة رقم 2 : فهم اللعبة ودة بيجى رقم 1 من الممارسة يعنى تحاول تلعب فى كل حاجة حتى لو هتبوظ حاجة .. كله بيتعلم من كدة ورقم 2 من السؤال والفهم والبحث ولو على سبيل المثال فى المنتدى التعليمى __________________________________________________ _____________________________________ نيجى لموضوع القوة داخل اللعبة نفسها طبعا كله عارف بنسبة 95% ان المصريين فى السيرفر سكيلاتهم مش تمام ومش كلهم F.F 110 او بأسوء الاحوال 104 f.fودة شئ صعب جداااا. لان الاسكيلات مهمة جدا انها تكون ماكس علشان بتفرق جدا فى الضربة ودا لازم يكون فاهمه كل مصرى بيعمل اكونت جديد ويفهم انه محتاج فارم ولو هيستنى شهرين يعمل فارم .. ع الاقل يطلع بمليون سكيل مثلا ويجمع الباقى فى الطريق .. يبقى اسمه سكيلاتة حلوة نيجى لنقطة اللبس والسلاح ودى فعلا المصريين متميزين فيها انهم بنسبه 99.99999999% مش يجوا حاجة جمب الاجانب والاتراك والالمان طبعا هتقولى طيب انا اجيب منين فلوس اشترى +6 و +7 ونوفا والكلام دة انا هديك مثال حى وعليا انا شخصيا يعنى انا الحمد لله الجولد بتاعى فى يوم من الايام وصل ل 19 بليون واظن دة رقم تاريخى يعنى فى السيرفر اصلا بس انا شوفت ناس معاهم مبالغ مقاربة لكن معدودين جداااااااااا ودة كان قبل الديجرى 11 وقبل ما يبقى فيه نوفا بالشكل دة . دلوقتى متستبعدش تلاقى حد معاه اكتر .. لكن قبل كدة كان صعب ومستحيل الرقم دة انا الحمد لله عمرى ما شحنت جولد .. ولا شحنت بوت بفلوس .. ولا شحنت سيلك بفلوس ولا اشتريت سلاح بفلوس كل الفكرة انى عندى اكونت Stall وفاهم كويس فى الكميا فبعمل مثلا stones str وبعمل مثلا سلاح +5 واعمله فل بلو وابيعه .. ودة مرتبط بالنقطة رقم 2 وهيا فهم اللعبة كويس .. وفهم السوق محتاج اية واية اغلى حاجة .. واية اقل حاجة ممكن تشتريها وتكون رخيصة ولما انت تلعب فيها وتظبطها تبيعها بأضعاف الاضعاف. وانك تلاقى حاجة رخيصة جدا مثلا ومش تخصك . ممكن تشتريها وتبيعها تانى بالضعف وتفضل بالشكل دة تجمع جولد وقتها تقدر تشترى full nova وتقدر تشحن بوت بالجولد .. وتقدر تبدل سيلك بالجولد ومثالا على كدة انا فعلا اشتريت اكونت كااااااامل مش لبس نوفا بس ... اشتريت اكونت كامل full nova ومليان خيرات من جوة وشحنت البوت بتاعى وكل شهر بشحن برميم وجلوبالات وديفل .. بدون ا ادفع اى فلوس برة اللعبة افتكر دة مثال صالح لأى واحد مثابر او كان بيسئل ازاى ممكن يعمل كل دة فى حين انه مش معاه فلوس او فى حين انه لسة صغير وسنه صغير ومصروفه مش كتير .. يبقى نقطة رقم 3 : ان قوة الاكونت بتاعك بتعتمد على ذكائك انت .. الاجانب بيستخدموا فلوسهم .. واحنا المفروض نستخدم علقنا لان عمر ما فلوسنا هتبقى زى فلوسهم .. وقوة الاكونت بتاعك تكمن فى سكيلاتة ولبسه وسلاحه وفى طريقة استخدامك ليه .. فينصح ان كل واحد مش فل فارم .. ميتعبش نفسه ويحاول يعمل اكونت جديد ويعمله فارم. __________________________________________________ _____________________________________ نيجى لموضوع الهوية المصرية وهيا هوية كل شخصية فى اللعبة نفسها .. بمعنى ان بنسبة كبيرة فى المصريين يمكن توصل 20% ودى نسبة لا يستهان بها فى موضوع زى دة .. هيا شخصيات قيادية .. مش بمعنى كويس يعنى شخصيات تحب تكون شخصية قيادية وبس. يعنى مش يحب يكون فى جيلد عادى .. لاء هو يحب يكون جيلد ماستر .. علشان كدة بنلاحظ وجود ما لا يقل عن 15 جيلد مصرى غير معروفين ولا معروف مين فيهم ؟! دة طبعا خطأ كبير جدا .. لان المفروض شخصية ماستر الجيلد متوفر فيها كتير جدا اولهم انه يكون كبير فى السن. السن مش شرط دايما فيه صغار فى السن وعقلهم حلو بس فعلا يتطلب حد يكون كبير فى السن ويكون الكل بيكن ليه احترام يكون فاهم اللعبة كويس ويكون خبير فى اللعبة وبقاله فترة فيها ويكون بردو ليفل حلو يكون حلال للمشاكل وهادى ولسانة نضيف ومحبوب بين الناس على النقيض تلاقى جيلد ماستر نصاب مثلا او جيلد ماستر لسة مسجل فى السيرفر امبارح وعامل جيلد ؟؟ طيب هدخل معاهم على اساس اية ؟! طبعا No Comment يبقى نقطة رقم 4 : بيتحدد اتنين او تلاتة ويفضل فى البداية يكون واحد بس. يعمل جيلد تحت شعار مصرى يكون جدير بالثقة ويبدأ ينظم الجيلد ويحط قواعدة. فى حاله ان الجيلد بقى 40 واحد او اكتر .. نبدأ فى تكوين جيلد كمان ويمسكة واحد تانى يكون خبرة فى اللعبة وجدير بالموضوع دة فعلا. وتنتهى الشخصيات القيادية اللى مش ممكن تساعد فى الحاله دى هتبقى عندك عدد بسيط من الجيلدات وفيه اكبر عدد من الناس مع احسن او اجدر ماستر يقدر يقودهم. __________________________________________________ _____________________________________ الموضوع الاخير اللى لازم يكون كله مدركة فى الموضوع دة الفن والتكتيك فى اللعب. بمعنى ان ممكن يكون معاك اكونت ليفل 110 فل فارم .. فل نوفا +8 وزى الفل .. وتلاعب واحد ليفل 105 يادوب +5+6 ويكسبك .. طيب ازاى كما كان الحال معايا لما كنت لسة مشترى الاكونت النيوكر بتاعى .. لانى معرفش فيه اوى لسه لكن التكتيك بمعنى انك تعرف تستخدم انهى سكيل فى انهى وقت بالظبططط وانهى سلاح فى انهى وقت ودة بيجى منين ؟؟ تروح عند ال pvp وتشوف اى واحد نفس نوع شخصيتك ويكون حلو وتشوفه بيلعب ازاى .. او تعمل سيرش على ال YouTube وتتفرج .. وتاخد من هنا ومن هنا وتكون نفسك وتعرف ازاى تستخدم كل سكيلاتك واوقاتها المناسبة مثلا الفورتريس محدش من المصريين يعرف عنها حاجة غير تقريبا اللى كانوا فى PuNiSh3rZ وهجموا معايا لفترة كبيرة او المصريين اللى كانوا فى جيلدات تانية وبردو يمكن مش يعرفوا كل حاجة لان الفورتريس مش بتتلخص فى كلمتين .. يمكن مثلا جيلد EGYPT هجم كذا مرة لكن مش كفاية بردو .. الفورتريس غير انك تكسر وتاخد الهارت وخلاص .. فيه حاجات اكتر من كدة بكتير لازم كله يكون عارفها ولازم يكون فيه تخطيط وترتيب .. ودة كله مش هيجى من فراغ طبعا لازم نبحث ونتعلم وندور ونجرب يبقى نقطة رقم 5 والاخيرة : التفنن فى اللعب وكثرة التجربه والبحث ومعرفة اساليب الهجوم والدفاع وكيفية استخدام الشخصيات المناسبة وطرق اللعب عليها والخدع وكل دة. __________________________________________________ _____________________________________ لو حاولتوا تجمعوا معايا النقط ال 5 دول أولا واحد فاهم اللعبة كويس وقرر يعمل اكونت جامد .. عمل فارم ولو فارم بسيط وطلع الاكونت بالبوت بتاعة .. سواء فى بارتى او بيلفل لوحدة وصل ليفل حلو وبقى فل فارم .. جمع جولد او عمل تاكسى واشترى ايتمات حلوة وشحن سيلك او شحن جولد أيا كان وبقى معاه اكونت لليفل حلو وسكيلاتة جميله ولابس لبس محترم دخل فورتريس ولعب PVP وعرف ازاى يستخدم الاكونت بتاعة وكان شخصية كويسة جدا ومش شخصية قيادية وبس وراح دخل الجيلد اللى اتكلمنا عليه اللى هو الجيلد المصرى لو فعلا كل الناس عملت كدة .. ومن خبرتى طول السنين فى اللعبة دى وخبرتى فى السيرفر دة من ساعة ما اتفتح اقدر اقولكم انهم ممكن ياخدوا هوتان فى ظل يونيون حلو .. ولو من غير يونيون او اتنين جيلد بس .. ممكن ياخدوا جانجان لفترة مؤقتة لحين تكوين يونيون كامل. طبعا الكلام سهل .. لكن التنفيذ صعب انا عن نفسى عملت كل كلمه انا قولتها فوق والحمد لله مكانتى كويسة جدا فى السيرفر سواء قبل كدة بقناص قبل الديجرى 11 .. كنت فل فارم وكنت 98. وكنت بقدر انى اموت ناس لابسين سوس وصن وسواء دلوقتى وبردو بمجهودى انى قدرت اجيب الاكونت دة وغيرت فيه كتير لحد ما بقى كويس وقدرت استخدمة انا مفرقش عن اى واحد فيكم فى حاجة ولا انا مبتكر ولا ان مخترع ولا انا خارق الذكاء كل الحكاية انى قررت .. فكرت .. حطيت رسم فى بالى .. وبإرادتى حققتة لو فعلا كل واحد مصرى عنده اراده وفكر بالشكل دة يبقى نظام السيرفر هيتقلب بالكااااااااااامل وخدوا منى الملحوظة دى كمان .. اكتر من واحد هيقرا الرد بتاعى دة ومش هيبقى عنده ارادة يعمل اى حاجة وهيفضل مكانه محلك سر .. ودة بنسبة 90% للأسف .. طبعا الرد كبير جدا بس انا حبيت اطلع كل الكلام اللى عندى فى شكل اللى انا شايفة وفى شكل نصايح وفى شكل نتايج يعنى رد كامل متكامل يتضمن كل حاجة شكرا لكل اللى قرا كلامى واتمنى ان السيرفر يتغير قريب خالص تحياتى AL. Qanas |
طبعا زى ما انتوا شافين .. تعبت تبعت وصحتى جت ع الرد دة
انا طبعا زهقت على ما كتبت الرد دة بغرض الافادة لان محتم عليا كمشرف فى القسم او ع الاقل كلاعب فى السيرفر بقالى فترة وعندى معلومات انى افيد بيها الكل واحاول اوصل المعلومات مستنيين نكمل باقى الكلام بعد ما الناس تقرا الرد :mf_wave: سلام |
| الساعة الآن 10:35 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.