|
سلوكيات بعض من الشعب المصرى
السلام عليكم ورحمة الله وبركاته
ان شاء الله كل فترة هتكلم عن سلوك من سلوكيتنا اللى عايزين نحاربها ونتخلص منها عشان الحياة تكون افضلى واجمل فى حاجة لفته نظرى من زمان ومش عارفه ليه بيحصل كدة ليه فيه ناس لما تلاقي حاجة نضيفة بتحاول تشوها ؟ ..... يعني مثلا بالنسبة للحيطان ....... ليه فيه ناس لما تلاقي حيطة نضيفة بتشخبط عليها ؟ ....... منظر غير حضاري مش كده ؟ - يعني تلاقي فيه ناس بتتعامل مع الجدران على أساس إنها نصب تذكاري لتخليد ذكرى كل بطل عدّي من جنب الحيطة دي ..... فمينفعش يعدي من جنبها إلا ولازم يكتب إسمه ...... فمتستغربش لما تلاقي حيطة مكتوب عليها . البرنس حمادة مجانص المرعب توتو عضلات المعلم حلبؤه الهفتان الباشا زَلَقُطّة الجعر ( عصابة الرباعي المرعب ...... قابل الموت ولا تقابلهومش ) ..... ويرسملك جنبها الجمجمة إلي طالع منها عضمتين . - واحد تاني تلاقيه واخد زمبة من حبيبته .... فميلاقيش حتة يكتبلها فيها إلا على السور إلي كانو بيتقابلو عنده علطول , فيكتبلها قصيدة ملتهبة تعبر عن مدى لوعته وحسرته لما صفاء سابته . بحبك يا صفااااااء ده البعد عنك جبلي داااء وإرجعي بقى دإنت من يوم مابعدتي وانا عمال أقول واااء .... واااء الإمضاء ( المدهول على عينه, ننوس عين صفاء ) ويمكن تكون صفاء معدية على السور ده فترد عليه هي كمان . يا خاين يا غشاش بعتني بلاش بقى أقولك هاتلي شبكة تقولي معندناش وفالح بس تجيبلي في أطايف وجولاش خلاص هي دي النهاية مع إننا لسه ما إبتديناش الإمضاء ( المجروحة صفاء ) - فيه ناس بقى بتحب تكتب مذكراتها على الجدران ..... فمثلا يكون أحمد وخطيبته منار رايحيين جنينة فيكتب أحمد على الحيطة ( أحمد + منار = حب للأبد 3 - 5- 1990) . بعد سنة جواز يروحو نفس الجنينة ..... فيكتب على نفس الحيطة ( أحمد + منار = حب بس مش للأبد 3- 5 -1991) . بعد عشر سنين يروحو نفس الجنينة .... ويكتب على نفس الحيطة ( أحمد + منار = أرف ووش ووجع دماغ 3-5- 2001 ) لما يكملو 20 سنة جواز هيروح الجنينة لوحده و يكتب ( أحمد – منار = راحة وسعادة وانبساط للأبد 3-5 - 2010 ) . - ده غير بقى الشعارات إلي ممكن تلاقيها علي الجدران إلي بتعبر عن نبض الشارع ( لا للغلاء والإستغلال ..... الموت لإسرائيل .... لا للواسطة والكوسة ...... لا للتزوير في الإنتخابات وتبعا الانتخابات دى لوحدها حكاية وروايا صور كل مرشح على الحيطان وواحد متغاظ من المرشح التانى فيقوم يروح يشخبط على صورة زميله ويقطع فالصور ويبوظ الحيطان اكتر ماهى بايظة ) الشعارات دي لو معارضه ...... أما بقى لو شعارات تبع الحكومة فهتلاقي مكتوب شعارات تانية ...... ( الضرايب مصلحتك اولا ........ نعم لمبارك ...... إسرائيل عربية ...... (نعم للتزوير ....... لمّا يكون في مصلحة الشعب ) ...... واحد تاني يكتب ( ردا علي ما هو مكتوب ( لا للكوسة) .... أقول إلى كاتب هذه العبارة إنه شخص عميل ومجرم كيف يعترض على زراعة مصر للكوسة .... أيريد تجويع هذا الشعب العظيم ؟! ..... بل نعم نعم للكوسة ) : انتو ايه رايكم فالموضوع ده طبعا مش باخد رايكم فالكوسة 1umbup: على السلوكيات الغريبة دى طبعا كل واحد اكيد بيشوف الكلام ده كتير اه نسيت حاجة كمان الحجات دى مش بتتكتب بس على الجدران انا شوفت الحجات دى كمان فى وسائل المواصلات وعلى الاشجار ودول بقى الرومانسيين كل واحد يكتب اسمه واسم حبيبته على الشجره معرفش ليه هما بكده هيحبو بعض اكتر ولا ايه النظام ولا هما بجد ناس مبتحبش تعيش فى مكان وبيئه نضيفه ؟ |
ربنا معانا و نخفي جميع عادات و سلوكيات الشعب المصري حتي يصبح من احسن الشعوب مرة اخريي
|
ههههههههههه صح والله
|
مبحبش المواضيع الى بتشوه صورة المصريين لو مستعر مننا غير جنسيتك و الكلام دة لأى حد و البلد لما تفضى منكم هتكون أفضل بكتير
|
اقتباس:
+1 و انا من رأى انك ( صاحب الموضوع ) تحاول تغير حاجة بالفعل احسن ما نتقعد بقى نتكلم و نتدب حظنا ونطلم بقى و نعيط على بلدنا زى ال .... |
دى العادى بتاع الشعب المصرى :111 (15):
|
على فكره مصر مش وحشه اوى
|
اقتباس:
ولو مصر مش عجباك روح شفلك وطن غير مصر روح شوف حاجه احسن من مصر ولو لقيت ابقا قولي عشان مش هتلاقي |
اقتباس:
اكبر نسبة وفيات في العالم-- اكبر نسبة مواليد في العالم-اكبر نسبة تلوث في العالم-اكبر نسبة ابناء ليس لهم اب او ام اكبر نسبة امهات منجبات تحت سن ال 16 -اكبر نسبة مخدرات في العالم - اكبر نسبة غلاء في العالم - اكبر نسبة تلوث في البحر بسبب مخلفات البترول..الخ الخ الخ الخ في مناطق في امريكا الحكومه تخاف تخشها بسبب العصابات مصر مش وحشه والله العيب في اهلها من ان اهلها هما احسن ناس في العالم |
اقتباس:
عشان لو اتكلمنا بجد يبقا العيب في اهلها مش فيها :mf_Flush::mf_Flush: |
علي فكره ولله موضوع جامد و هو مش قاصده يا جماعه انو يبين الجانب الوحش بس دي حجات ب
النسبه لي هي طريفه جداً جداً ولله بس اهو يبمكن نصلح من نفسنا طبعاً شكراً لصاحب الموضوع و الموضوع مفتوح للمناقشه يعني :gathering: |
اقتباس:
هتلاقيه في كل بلد وبزات في امريكا محترفين رسم علي حيطان المنشاء الحكومه شعب متقدم اوي :badair::badair: |
ياجماعه انتوا فاهمين الراجل غلط
هو يقصد انه يذكر السلوكيات الخاطئه اللى بعض الناس من الشعب بتعملها علشان لو فى مثلاً واحد مننا بيعمل السلوك دا يحاول يغيره واى مكان فى العالم فيه الوحش والحلو ومصر أم الدنيا:biggrinthumb: |
انا مش عارف لية كل واحد بيحب يبين الجانب الوحش بتاع المصرين
مشوفتش واحد قبل كدة بيتكلم عن موضوع كويس علي مصر.. مع انة شعب جدع جدا يعني |
اقتباس:
|
اقتباس:
مصر حلوه واهلها حلوين خلاص مصر حلوه واهلها حلوين وصاحب الموضوع دا يستحق الطرد ارجو من الإداره طرد العضو Iam_Muslam |
تعلا يا عم
روح شوف جنين الفسطات ولا الازهر مافيش شجره الا و عيلها امضاء و تاريخ و قلب و اسمين متخلفين و بوسه |
شكرا على الموضع:groupwave::111 (20)::groupwave:
|
يا جماعه الاعتراف بالحق فضيله
هو احنا لازم نبين للناس جملها بس عشان نبين عظمت مصر و الغلط الى فيها حرام نذكره عشان حضارتنا ادام الناس انما ان احنا نذكر الاخطاء عشان نصلحها لا حرام و الى مش بحب بلده هو الى مش عوزها تكون احسن الغلط الى فى مصر مش هيصلد من غير ذكروا |
الموضوع اتفهم غلط الراجل بيحاول يجيب سلوك و يعدلوه
Wondring>>> |
صح واللة
|
ايه يا جماعه انتو قلبتو علي الراجل ليه بس ده موضوع للفكاهة بس يعني مش مستهله كل ده
|
اقتباس:
اقتباس:
الراجل ماذكرش حد بإسمه هو بيقول فى ناس بتعمل كذا وكذا ودا حقيقه فعلاً هو بيحاول يطرح الموضوع ربما فى حد هنا فى المنتدى بيعمل السلوك المذكور دا بس مش واخد باله انه سلوك خطأ فالما يلاقى الناس هنا بتتكلم على السلوك دا انه سلوك خطأ فاأكيد هيحاول يصلح السلوك الخطأ دا دا قصد الراجل من طرح الموضوع ماكلنا بنحب مصر واللى يغلط فى مصر وأهلها نقطعله لسانه من لغلوغه:grin::grin: |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
الراجل ماذكرش حد بإسمه هو بيقول فى ناس بتعمل كذا وكذا ودا حقيقه فعلاً هو بيحاول يطرح الموضوع ربما فى حد هنا فى المنتدى بيعمل السلوك المذكور دا بس مش واخد باله انه سلوك خطأ فالما يلاقى الناس هنا بتتكلم على السلوك دا انه سلوك خطأ فاأكيد هيحاول يصلح السلوك الخطأ دا دا قصد الراجل من طرح الموضوع ماكلنا بنحب مصر واللى يغلط فى مصر وأهلها نقطعله لسانه من لغلوغه الف شكرا للرجاله اللى فهمتنى صح ودفعت عنى رغم ان هما مش عارفنيه بس بحمد ربنا ان فى ناس ف المنتدى لسه بتفهمنى بجد مش عارف اقولوكم ايه غير ربنا يكرمكم يا رب وثوانى اروح ارد ع الناس التانيه وجاى |
اقتباس:
اقتباس:
اقتباس:
اقتباس:
اقتباس:
اقتباس:
انا اتفهمت غلط خاااااااالص بس الحمد لله فى الاول لو حضرتكم ركزتم شويه ف اسم الموضوع سلوكيات بعض عارف يعنى انا خصصت شويه من السوكيات دى لو ان اى شعب ف سلبيات واجابيات انا طرحت حاجه سلبيه وقلت ننقشاها مع بعض وف الاخر كاتب هى الناس مش بتحب تعيش ف بيئه نظيفه ولا ايه معنها ان نفسى مصر تبقى احلى دوله ف العالم بس واضح من الكلام اللى انا اتخرعت منه اللى يقول شوف وطن تانى واللى يقولى مصر هتتنطف لما تمشوا مش هقولك غير ربنا يسمحك وارجو من الاداره الحذف لعم فهم هؤلاء الاعضاء ما اقصده |
ههههههههه جامدة
|
لو نيلك يا مصر مرقة مش هيكفى الكوسة اللى فيكى |
| الساعة الآن 06:24 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.