|
بقره حاحا
ناح النواح والنواحة
على بقرة حاحا النطاحة والبقرة حلوب حاحا تحلب قنطار حاحا لكن مسلوب حاحا من اهل الدار حاحا والدار بصحاب حاحا وحداشر باب حاحا غير السراديب حاحا وجحور الديب حاحا وبيبان الدار حاحا واقفين زنهار حاحا وف يوم معلوم حاحا عملوها الروم حاحا زقوا الترباس حاحا هربوا الحراس حاحا دخلوا الخواجات حاحا شفطوا اللبنات حاحا والبقرة تنادى حاحا وتقول يا ولادى حاحا وولاد الشوم حاحا رايحين فى النوم حاحا البقرة انقهرت حاحا فى القهر انصهرت حاحا وقعت فى البير حاحا سألوا النواطير حاحا طب وقعت ليه حاحا وقعت من الخوف حاحا والخوف يجى ليه حاحا من عدم الشوف حاحا وقعت م الخوف ومن الراحة والبقرة السمرا النطاحة ناحت مواويل النواحة على حاحا وعلى بقرة حاحا منقول وقديم ماحدش يقولي روعه |
طب نفسى اعرف اية اللى فى الموضوع يتقرا
|
ههههههههههه
والله جامده :lol2: اقتباس:
|
مفهمتش اى حاجة منها
|
والله لى معنا بس اللى يفهم شكرا
|
موضوع جميل جدا
اشكرك عليه |
دا احمد فواد نجم من زمان جدا جدا جدا
|
تسلم ايديك يا كبير
|
حاحا
هههههههههههههههههه |
احمد فؤاد نجم ده مالوش حل بجد شكرا يا برنس
|
حاحا
|
الصراحة مش عاجبني الشعر نفسو
بس المهم إن إنتا تعبت وعملت الموضوع عشان ك\ه أنا مقدرق ومقدر الموضوع جدا |
قول حاحا
حاحا حاحا حاحا حاحا حاحا ايه يا عم ده مش فاهم حاجه بقره حلوب مسلوب والله ما فاهم هو ده غباء مني ولا ايه ههههههههه:ok: |
اللى خد منك البقرة قادر يرجعهالك:111 (17)::tongue_smilie:
|
طيب دي قصيده بالعاميه لملك العاميه احمد فواد نجم ومش فاهمينها وانا متاكد اني لو حطيت معلقه عنتره او الحارس بن حلزه برده مش هاتفهموها يبقي انتوا عايزين ياما قصيده فرانكوا او قصيده الحلزونه
|
تصدق انا حسبت الى بيقول كدة
الأستاذ الفنان عمرو حاحا :terafin-grin: هههههههههههههههه مشكور ولله |
المفروض تكتب فى الموضوع انها لاحمد فؤاد نجم
والراجل دا كل كتاباته جامده |
اولا الموضوع ممتاز كفايه انها لراجل قل منه في هذا الزمن وهوه حبيب احمد فؤاد نجم
وانتم لو سمعتوا القصيده منه هوه في فيديو مثلا هتفهموها كويس كما ان الكاتب ده مش اي حد بيفهمه وع فكره الحوار الي فوق ده سياسي بيكلم فيها عن مصر وانها خيرها مسلوب والكلام ده يا ريت يا نصوفا تجيبلنا فيديو من اليوتيوب ولا حاجه للراجل ده وهوه بيقول القصيده دي يمكن الناس تعرف تفهمها واهنيك بجد لاختيارك بتفهم والله يا ابني ومتحبطش من الردود دي الى الامام دائما وتقبل مروري |
اقتباس:
ممكن تجربلهم الحلزونه اقتباس:
|
no comment Omlet :kicking:
|
موضوع جميل جدا
|
اقتباس:
|
اقتباس:
|
مفيش داعي للغلط في بعض
ركزوا معايا انا ماكتبتش اسم الكاتب في الاول عشان حاجه كدا مش عارف اسمها بس عارف وصفها كان في مسابقه لاختيار اكتر واحد بيعرف يقلد شارلي شابلن شارلي شابلن الاصلي دخل من قبيل المزاح تخيلوا طلع الكام طلع السابع يعني انا حاططها من غير اسم عشان اجردها من الاسم الكبير اللي جايه منه ولو فهمتوها كويس هتلاقوها بتعبر عن مصر في كل وقت على فكره القصيده دي كانت ممنوعه من مصر ايام عبد الناصر باعتبارها ذات ميول يساريه |
اللنك بتاع القصيده يوتيوب
http://www.youtube.com/watch?v=Il4xS13gYCc شكر خاص ل seta.man هوا اللي اداني الرابط ماكانش عندي غير الفيديو القديييييم الابيض واسود لنجم وهوا بيقولها ولابس الطربوش |
معجبتنيش
بس شكرا على اى حال |
مش فاهم :harp:
|
حاحا شكرا اوي:furious::death1:
|
شكرا :gathering:
|
| الساعة الآن 02:20 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.