|
اخطاء فى اخطاء فى اخطاء
بسم الله الرحمن الرحيم
الموضوع ده مش جديد على القسم اتعمل اكتر من واحد زيه لادهم و انا اتعملى واحد وصاية و الدور جه على سيادة المشرف tamerbagato بس الدور جه بسرعة المرادى و هو موضوع نعش الرحيل بيجاتوا هو رابع مشرف ل سيرفر alps لاكن مع الاسف نعش رحيله كان جاهز من اول يوم ليه فى الاشراف يلا نشوف مكونات النعش 1 : تزوير 2 : انحياز و تشدد للمصلحة الشخصية 3 : سرقة ================================================= يلا نفسر كل جزء 1 : تزوير : اظن مش محتاجة كلام تزوير فى المشاركات مش عارف بقى باختراق ولا حد من الادارة ولا ايه مش عارف لاكن حروح لنقطة فرعية شوية و هى ازاى اتعيين مشرف اصلا بيقول انه رشح نفسه كلام جميل و انا كمان رشحت نفسى فى نفس الموضوع و اظن انى كنت الافضل و اخدت نصيبى من الاشراف على القسم و اتعمل موضوع جديد بعد ما انا سيبت الاشراف و كان اقرب 3 للاشراف هم asdlove و هيثم مان لوك و انا ازاى انت بقى ================================================== ==== 2 : انحياز دى مش دخلى انا فى ناس هم الى لاحظوا الكلام ده و ممكن يتكلموا عنه افضل منى ================================================== === 3 : و دى الاخيرة و الاهم بالنسبى لى و هى سرقة و اسف حتكلم فيها كتيير شوية موضوع »•¤©§|§©¤•»القوانيين العامة للقسم ارجوا الانتباه وقراءتها جيدا «•¤©§|§©¤•« ده موضوعى انا قضيت فيه اسبوع بحث فى اكتر من 150 موضوع قوانيين فى منتديات مختلفة و لما قولت حعمل الموضوع النهارده قضيت 6 ساعات امام الجهاز بكتب و اظبط و اعدل فى الموضوع و كان بشهادت كتيير من الاعضاء و المشرفيين من افضل مواضيع القوانين على مستوى المنتدى و تاتى الفاجعة عندما اجد السيد المشرف حزف موضوعى و عمل موضوع جديد بنفس الاسم حتى (الحبشتكنات) الى مزين بيها اسم الموضوع زى ما هى و نص الموضوع مفيش فى حزف غير جملت (خالص تحياتى MARvEN مشرف قسم البس ) ده الحزف الوحيد فى الموضوع و الاضافات الى ازهلنا سعادته بيها هى http://www9.0zz0.com/2010/01/22/07/564393763.jpg و http://www9.0zz0.com/2010/01/22/07/294245232.jpg و اخيرا http://www9.0zz0.com/2010/01/22/07/929218397.jpg طيب فى الموضوع ده ممكن تبصوا عليه كده : Ω۩Ω قوانين قسم بعيدا عن سيلك رود شرط الاطلاع عليها ( تم تعديلها ) Ω۩Ω ده موضوع قوابيين بعيدا اتعدل و اضاف 5 مشاركات فى الموضوع واحد حيقولى طيب انت معملتش كده ليه مع ادهم فى موضوع القوانيين بتاعه حقلك بكل بساطة لانى وعتد ادهم انى مش حلغى تثبيت موضوعه الا لو عملت موضوع افضل و اضفت مشاركة فى موضوعه بالتعديلات بتاعتى و لما عملت الموضوع كان فى مشاكل مع ادهم فمكنش فيه الحيز انى اخد رايه فى الموضوع و غير كده انى عملت موضوع جديد و افضل لاكن بيجاتوا كل الى عمله حزف موضوعى الى تعبت فيه و عمل نفس الموضوع باسمه و نسبه لنفسه و قال نشكر ادهم و كورابيكا تشكرهم على ايه الموضوع بتاعى مش بتاع ادهم ولا محمود و اشكر MARvEN و كاتبها غلط كمان ليه مكتبش تعديله فى مشاركة فى موضوعى معرفش يمكن اقتباس:
على راى ادهم مش عارف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ و حقولك كلمة مئثورة برضه اقتباس:
يا ريت تحاول تتجنب الاخطاء دى نصيحة بغض النظر عن الخلاقات لانى كل الى وقعت فيه من اخظاء او الاغلب منها كان لانى عايز اثبت نفسى و اكون بارز و ده الى حصل كنت بارز جدا و من افضل مشرفى عصرى لوقت قصير ثم توالت الاخطاء يا ريت تتقبل النصيحة و متعملش زيى على الاقل انا مالاقتش حد ينصحنى تقبل مرورى و يا ريت تعرف ان كل هدفى احافظ على مجهودى و على القسم الى تعبت فيه و السلام ختام :: السلام عليكم |
اقتباس:
بسم الله الرحمن الرحيم بعد الكلام الكتير اللى بيتقال على الاخ بجاتو فا انا بقوله يا ريت حضرتك تسيب الاشراف ده وفى اسرع وقت صدقنى كله هيجى ضدك فى الاخر ومش هتاخد منه غير مشاكل فى مشاكل وهو ده اللى بعض الناس عاوزه فى يا ريت تسيب الاشراف فى اسرع وقت لان ده مش اول موضوع يتعمل ضدك لا صدقنى فى ناس كتير هتسع وره موضيع تانى علشان يعمله مشاكل وبالاخص مشاكل الجيم علشان لو اى واحد من جيلد ايجيب احتاك مع واحد تانى من اى جيلد هيجى هنا ويعمل موضوع وطبعنا هيقول انت مستر جيلد ايجيب وتبعهم وهتيجى فى صفهم فنصيحه منى سيب الاشراف احسن والسلام ختام |
اقتباس:
انا مش ضد تامر و مش بدخل الجيم كتيير لاكن ده طلب حق و نصيحة |
اقتباس:
يظهر فى خلط للامور انا MARvEN مشرف البس سابقا و يا ريت تانى مرة تتكلم باسلوب ارقى و افضل شوية |
اقتباس:
يا محمد الناس كله دخلت فى تامر شمال ليه كده معرفش على فكره تامر ده من احسن الشخصيات اللى عرفته فى سيلك رود وهو الراجل اه احق واحد بالاشراف بس الواضح من بعض الناس انه مفيش ترحيب فيه وفى بعض الناس هتهاجمه كتير وكفايه احنا الحمد لله عارفين مين هو تامر والسلام ختام |
هههههههههه
فى ناس بترمى كلام اسلوب مش محبوب بس أهو أتعودنا على قعدت المصطبه:d مشكور يا مرفن كلامك 100% استمر بقه ;) |
اقتباس:
|
الحقدين بيشجعه واحنا معاهم
|
اقتباس:
يمكن الشارع اللي بعدينا اسف عالتدخل بس شكلك معصب عالاخر وبعدين ده مشرف سابق يعني خليك حونين شويه |
اقتباس:
أعوذ بالله المنتدى بقه يلم |
المصرى اللى بجد يقول للمغرورين والمسندون لا
|
اقتباس:
|
سبحان الله و بحمده سبحان الله العظيم
مفيش بنى ادم فى الكون بيجتمع عليه كل الناس بالخير او بالشر و انت الواحيد الى داخلت و بتتكلم على الادارة بالتزوير و بتتكلم عن السرقة و بتتكلم عن الانحياز و مش فاهم الادارة ساكته على كلمك لية اقل ما فيها تخود بلوك من المنتدى عشان انت بتشتم ادارة المنتدى بالسرقة و التزوير , سبحان الله هو كل واحد ما ينجاحش فى انتخابات فى البلد دى يقولك بالتزوير عامل فيه مرتضى منصور حضرتك ؟؟!! هى الادارة شايفة ان تامر انساب واحد للاشراف و بعيد عن اى ترشيح اهم حاجة انك تفيد القسم بتاعك ولا انت لازم تبقى مشرف القسم عشان تفيد الناس و تفيد المنتدى ؟؟ ولا عشان يبقى مكتوب تحت اسمك مشرف قسم سرفر البس ؟؟ الموضوع مش بالمشاركات ممكن تكون كل مشاركاتك اسبام و خلاص. بعدين انت كنت مشرف للسرفر قبل كدة عملت اية للقسم ؟ و بالنسبة للقوانين الى انت بتتكلم عليه و انك انت الى عاملها القوانين معروفة للناس كله و هى الادب و الاحترام لكن دا كلام مش اكتر بيتكب فى المنتديات تحصيل حاصل لكن الانسان المحترام بيكون محترام من غير قوانين و الى مش محترام دا الى محتاج القانون عشان يبقى محترام و يعرف يتعامل مع الناس باحترام . و قبل ما تتكلم على تامر و الادارة لازم تفهم انك عضو هنا فى المنتدى و انك زيك زى اى حد هنا الى بيفرقك عن اى بنى ادم فى المنتدى هو شخصيتك محترامة او لأ . و بالنسبة للأدارة احيكم على هذه الروح اهم شىء اختيار الشخص المناسب فى المكان المناسب و المحترام لأدارة القسم بعيد عن اى ترشيحات و كلام فاضى و انا بحيكم على هذه الروح . نصيحة منى اى حد بيفكر انه يبقى مشرف فى اى مكان فى المنتدى او اى مكان فى الدنيا بعيد عن الاشراف لو انت بتفكر انك تفيد الناس و انك تهمك مصلحة الناس دا مش محتاج انك تكون مشرف او غيرو (خيركم من تعلم العلم وعلمه) الموضوع مش محتاج انك تكون مشرف او غيرو هو انك تفيد الناس بدون موقابل . بالتوفيق يا تامر و بالتوفيق لكل المشرفيين فى المنتدى تحياتى |
MiDO
الاول مع احترامي الكامل ليك و لاي تعامل ممكن يكون بيننا في المستقبل ده اختلاف وجهات نظر انت شايف ان الادارة احسنت باختيار تامر و اكيد عارف ان خالد مشغول بالامتحانات و مش بيدخل كتير اقتباس:
و بلبل صدق علي الكلام ده لما كلمته علي الياهو و قالي لو المشاركات اسبام يبقي مبروك عليه الطرد و لو في خطأ حيتصلح ده مش كلامي ده كلام المشرفيين العوام و انت بتقولي كان زماني مطرود انا ولا كذبت و لا افتريت علي حد كلامي كله سليم و بالادلة اتمني نتقابل قريب و سلامي ليك و للجميع |
اقتباس:
كلام جميل بس لازم يبقه في قبول وترشيح من قبل الاعضاء كان هناك موضوع الترشيح ويقفل وبعدين يتعين مشرف ليس هناك اعتراض علي الاخ تامر ولكن اسلوب ترشيحه كان اقل واجب يكون هناك تصويت علي اشرافه لان في ذلك اهانه للاعضاء الذين تقدموا للاشراف ولم يكن هناك اعتبار لهم وقدمت رساله لاحد المشرفين كان الرد http://i46.tinypic.com/4v600j.jpg وكان هناك رد المشرفين علي غلق موضوع الاشراف ولم يكن الاخ تامر من ضمن المرشحين http://i50.tinypic.com/29at9nm.jpg اريد تفسير ولو كان هناك علاقه وثيقه بينكم وبين الاداره كان من المفروض عدم رفع موضوع " الترشيح لقسم البس " ويتم ترشيحه |
-السلاموا عليكم اولا طبعا شكرا ليكوا جميعا للى كان ضدى قبل للى دافع عنى او كان معايا اولا الاخ هيكتور اللى عامل الموضوع وبحماسه كبيره كتب كلام فى ساعه نرفزه اولا حضرتك فى بند من البنود فى القوانين الىحضرتك مشارك فى وضعها وعملت بحث ودراسه 150 موضوع و6 ساعات قدام الكمبيوتر كما تقول بيقول
احترام المشرفين والأعضاء وعدم التطاول على أحدهم مهما كنت تراه مخطىء وده حضرتك بند خالفته حتستحق عليه المخالفه لانك خالفت قانون حضرتك عارفه كويس ومن ضمن الناس اللى حاطيته وانا راجل مشرف بنفذ اللى موجود فى بند القوانين ومش حسمح لحد للتطاول على اى حد من المشرفين او المراقبين او الاداره طوال فتره اشرافى حتى لو ده اخر يوم ليا النهارده بعد وصفك الغير مقبول وتشبيهاتك الغير لائقه بناس المفروض انها اكبر منك سنا ومقاما واتهامهم وتشبيهم بالفاظ غير لائقه وطبعا ده موجود فى الموضوع اللى انتا عامله. -وحضرتك لما تكلمنى ع الميل وتتكلم باسلوب فيه سخريه وتهديد ده اسلوب تسميه ايه.؟لانه لا التهديد حيجيب نتيجه ولا حيعمل حاجه وعندى المحادثه الى بتتدل على انك غير قادر على التعامل مع الناس فى لحظه غضبك وده بنسميه الثبات الانفعالى يعنى ممكن تقوم باى حركه طائشه لو حد قام باغضابك واعتقد ان ده مش من سمات الناس المسئوله. - انا مش ضد تامر و مش بدخل الجيم كتيير لاكن ده طلب حق و نصيحة -حضرتك مدام مش بتخش الجيم كتير حتابع اخبارها ازاى ولا عن طريق السمع؟ولو حد سألك مثلا كيفيه تصنيع الاسلحه فى الوور ازاى حتقوله ايه او اى سؤال فى اللعبه وحضرتك مش بتخش ولا متابع الجيم يبقى عاوز اشراف ازاى.والحق اللى حصرتك بتطالب بيه فيه ممكن قسم الشكاوى والاستفسارات كنت حضرتك رحت عملت موضوعك هناك اللى لسه عليه توقيعك ومتمسحش وده يدينى حق مسح الموضوع لانه مش فى مكانه الصحيح بس مش حعمل كده استثنائى لمعرفه الناس الحقيقه وانها مش محتاجه الكلام ده كله ولا الزوبعه دى كلها لان الحمدلله انا واعوذ بالله من كلمه انا غنى عن التعريف والناس عارفه مين بجاتو شخصيا وفى اللعبه كمان. -هوا حضرتك عامل كل ده عشان انا حذفت موضوعك وشيلت اسمك ولا عشان عدلت على القوانين ولما جيت شكرت الناس اللى قبليا اللى حضرتهم ابام ما كانوا مشرفين كتبت اسمك غلط؟؟؟ولا تزعل حعدله ان شاءالله. -وبالنسبه للقوانين ولا تزعل انا حغير الالوان واكتبها بنفس الصيغه مع اختلاف الارقام والالوان واختلاف اماكن الكلام. -انا طبعا فخور بالناس اللى اتكلمت عليا زى احمد وميدو وادهم وابو زياد وكتيير كتير مش عاوز انسى حد وكلهم ربنا يعلم اخواتى وكلامهم ده على راسى وبعتبره عامل زى عمليه اقتراع على اشرافى على القسم الخاص بسرفر البس لانى بجد بشرفنى اكون وسط ناس محترمه وكبيره زيهم وزى باقى الاعضاء ومنساش كلام باد روميو معايا برضه والى بعتبره اخ من غير ما اشوفه وكفايه كلامه ليا وعنى فى غيابى حتى وانا بعتبر ده الكنز الحقيقى فعلا للانسان محبه الناس ليه. -انا بحاول على قد ما ااقدر امنع حدوث اى مشاكل بين الاعضاء وبينهم زى ما حصل فى الموضوع النهارده ودخلت ناس شدت مع بعضها كالعاده وبعيد عن سياق الموضوع نفسه اللى باتمنى ان الناس تتكلم فى سياق الموضوع نفسه بدون الدخول فى محادثات جانبيه حيكون نتيجتها كلام مالوش لازمه وناس تزعل من بعض ولكن لللاسف المشاكل طالتنى انا شخصيا كانى عدو او شخص مكروه والحمدلله انا مش كده ولا كده وربنا يقدرنى على عدم حدوث مشاكل مستقبليا مع التزام الاعضاء بالقوانين الخاصه بسرفر البس. -واخيرا وليس اخرا لو لقيت ان اسلوب الكلام او فيه حاجه حتمس كرامتى او تقلل من قميتى او حتنزل مستوى الحوار اللى انا متعود عليه اللى لفل ااقل سوف انسحب فورا بدون مقدمات وده وعد قطعته على نفسى فى الجيم حتى مش وليد اللحظه. -وحضرتك ذكرت كان لانى عايز اثبت نفسى و اكون بارز و ده الى حصل كنت بارز جدا و من افضل مشرفى عصرى - يا اخى العزيز اللى بيعمل مبيقولش الناس اللى حواليه هيا اللى تقول وانا حضرتك كمشرف مشفتش حاجه جديده فى القسم غير مزيد من المشاكل والمخالفات والخلافات وده بشهاده ناس كتير وانا مش بحب ااقول كده بس دى الحقيقه وطبعا منساش جهودك اللى ارجع اشكرك عليها للمره الالف فى وضع القوانين وتنسيقها بهذه الطريقه. -واتمنى ان يكون الجميع عند حسن الظن بيهم والتزام القوانين الخاصه بالمنتدى واتمنى انى اكون عند حسن ظن الجميع بيا كعهدهم بيا دائما وشكرا ليكوا وتقبلوا مرورى اخوكم (bagato) |
ارجو من الجميع الى عنده شكوى او استفسار يذهب للرابط التالى http://www.silkroad4arab.com/vb/showthread.php?t=154515 ده قسم الشكاوى والاستفسارات ارجو وضعها هناك وشكرا ليكم
|
والله انا شايف ان بجاتو كويس انو مسك القسم و كفاية ان انسان محترم و كبير فى السن ودة كفاية انو يمسك المنتدى تقبلو مرورى اخوكم حمدى
|
أولاً السلام عليكم جميعاً ثانياً انا مش هعلق على اي نقطة في الموضوع و دا لعدة أسباب اولاً كاتب الموضوع إبن خالتي ثانياً تامر بجاتو من اعز و اقدم أصدقائي في الجبم و يستحق الإشراف بجدارة ودا بسبب حكمته , و خبرته في الجام عبر السنين الي فاتت لكن كل تعليقي على الموضوع على الإقتباس دا اقتباس:
يا بجاتو انا عارف ان دخولك المنتدى كان قليل في السابق و زمان كان دخولك منعدم تماماً و بالتالي كتبت جملة زي دي علشان كدا من واجبي لازم أوضح النظام كان ماشي إزاي أولاً منذ ان مسكت إشراف السيرفر ونا كنت رافض فكرة كتابة قوانين للقسم نهائي و دا كان لعدة أسباب منها : كان فيه ناس كتير سنها فوق ال 30 سنة لكن مع الأسف امتنعوا عن دخول المنتدى و اللعبة أيضاً من أشهر الناس دي infinity ماستر جيلد WOA اكيد غني عن التعريف و غيره كتير بس علشان مطولش في الكلام مع ملاحظة اني مسكت الإشراف من فترة طويلة جداً و كان سني صغير صغير صغير بالنسبة لناس زي دي أنفينيتي نفسه لما سألني عن سني إتصدم جامد و قالي انا فاكرك فوق ال 25 وكنت خجلان أكتب قوانين المفروض الكبير هو بينصح الصغير مش العكس ولكن في يوم حصلت مشاكل كتيرة إتسببت في طرد اكتر من عضو من أعضاء القسم وظهرت ناس بتغلط ... بتغلط.. و مش عارفة معنى الي بتعمله وكمان لما بتتعاقب (طرد أو إنذار) بيقولوا ليييييه ؟؟ قررت ساعتها اكتب قوانين للقسم القوانين كتبتها بإيدي مش زي ما الكل بيعمل كتبت قوانين قسم سيرفر عن خبرة سنة في إشراف قسم سيرفر ألبس و جميع السيرفرات بعد ذلك كانت أفضل قوانين ولا أعلم إن ظلت كذلك ام لا عدد بسيط من القوانين بحيث العضو ميكسلش يقراها و في نفس الوقت شاملة دا كان موضوع القوانين الي شاله الإداري الي أتعين بعدي وحط غيرها http://www.silkroad4arab.com/vb/showthread.php?t=79246 القوانين إتنقلت لأكثر من سيرفر زي ماقولت مثال : http://www.silkroad4arab.com/vb/showthread.php?t=125860 --- طبعاً زي ماوضحت المشرف الي أتعين بعدي حب يعمل قوانين خاصة بيه و بأسمه وبالفعل و من ثم المشرف رقم 3 مارفن كتب قوانين خاصه بيه و بإسمه هي دي الفكرة لأني من قراية الردود حسيت ان الناس فاكرة ان القوانين هيا هيا ثابتة مش بتتغير لأ في الحقيقة القوانين بتتغير مع تغيير مشرف القسم دايماً و دا حسب رغبته لو حب يغيرها أم لا و أخر ملحوظة برضو لاحظتها من نفس الجملة اقتباس:
تحياتي للجميع. |
اقتباس:
هو ده الكلام يا معلم |
شكرا لمرورك يا اخ كورابيكا وكلامك تاج على راسى من فوق وربنا يهدى الجميع ويوفقهم للاحسن ان شاءالله وانا معاكوا دايما ولو مش هنا بتلاقينى فى الجيم يعنى فى اللعبه برضه لحد ما ربنا يتوب علينا منها بقى ان شاءالله اخوكم (bagato)
|
| الساعة الآن 06:25 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.