الجزء الثانى من شرح Euro Classes (مميزات وعيوب الشخصيات)
 

بسم الله الرحمن الرحيم

اخوانى فى الله

السلام عليكم ورحمه الله وبركاته

منقول للامانه من الاخ Knight_Man

دفعتنى الحاجه انى اجيب الموضوع لان فى ناس كتير اوى عماله تسال عن ايه احسن شخضيه واحسن سلاح وايه المميزات وايه العيوب

النهاردة حاتكلم عن الموضوع اللي قعد فترة طويلة مسبب ازعاج كبير جدا لكل واحد بيلعب اوروبي وهو يلعب ازاي بالظبط ؟؟؟؟!!!!



الأوروبي محتاج تفكير طويل في كل حاجة اما الصيني مش محتاج كل ده ... ماحدش قال ان الصيني مش محتاج تفكير لا طعا انت بتفكر في بيلدك وازاي تستخدم السكلات في ال pvp وده محتاج تفكير خاصة مع السكلات الكتير بس الفرق ان الصيني في ال lvling او ال PVE مش محتاج كل التفكير ده ودي ميزة للناس اللي بتعمل فارم الذات أو في اللفلات العالية أما الأوروبي محتاج تفكير حتي وانت بتلفل عشان تبعد الوحوش عنك وضرب البارتي اللي بيبقي في حد ذاته مصيييييييبة عشان كدة الأوروبي دايما بيلد معتمد علي party وخاصة انك لو في party فاهمة بعضها كويس ممكن تلفلو في أعلي منكم ب 5 أو 6 لفلات



الناس بدات مواضيع مملة وأخد وقت طويل في مناقشة مالهاش لازمة ... أيوة مالهاش لازمة وده لسبب منطقي جدا لأن كل واحد بيحط بيلد مايعجبش التانيودا لأن في الأوروبي كل شخصية ليها مميزاتها وعيوبها والعيوب دي مش كل واحد حايرضي بيها وفي الأخر الموضوع يبقي قديم وييجي واحد يفتح نفس الموضوع تاني !!!!
طب ايه السبب ؟؟؟



السبب ان الأوروبي في حد ذاته مش زي الصيني ... لأن الصيني عبارة عن هجين من السكلات تحط cold + fire + lightnig + weapon skills تلاقي كمية سكلات مهولة طلعتلك وتستخدمها كلها سواء ال nova , shields, grasswalk , phantom وغيرها كتير جدا ... وللأسف دا مش موجود في الأوروبي يعني مثلا ماتقتدرش تختفي وف نفس الوقت يبقي عندك السرعة +80% والphantom في نفس لوقت لأنها كلها سكلات بعيدة عن بعضها وكتيرك انك تفتح اتنين بس واحد main والتاني مساعد



عشان كدة فيه كتير من الناس هاجمت الأوروبي وقالت عليه معفن وزبالة لانه مايقدرش ياخد كل السكلات زي الصيني !!!! كل ده كلام غلط في غلط لازم لو حاتلعب اوروبي طالما انك أقوي من الصيني اللي في نفس لفلك لازم يبقي فيك عيوب والا يبقي الصيني مالوش لازمة (مع انه بصراحة مابقاش له لازمة خلاص) ... بس أكيد فيه بيلد من البيلدات دي فيها أقل كمية عيوب بالنسبة لك بس مايعجبش الباقي والعكس بالعكس والا كان كله مشي علي بيلد واحد وخلاص... ودي مهمتي



الموضوع ده مش حاشرح فيه بيلدات الأوروبي لأن مافيش حاجة اسمها بيلد اوروبي ... الأوروبي مش بيلد الأوروبي استخدام للسكلات بس في الأخر مش حاتقدر تهيبر فيه لأن الهيبرد مالوش لازمة في الأوروبي ومالهوش فايدة لأن سكلاتك كلها اما انها pure str based or pure int basedوكدة كدة لو انت نيوكر حتي لو هيبرت حاتتشال بضربتين وحاتقلل قوة ضربك علي الفاضي أو لو كنت pure str وحاتهيبر يبقي مالكش لازمة لأنك قللت ال hp من غير أي هدف



دلوقت انا حاشرح الأوروبي كالتالي :
النوع (والبيلد)
الأسلحة
اللبس
المزايا
العيوب



الشخصية الأولي
·النوع (والبيلد) :Warrior – Rogue (Pure Str) أو العكس
·الأسلحة :one handed swordفي التلفيل - Cross bow في ال pvp وقدام ال Giants والبارتي
·اللبس : Light Armor
·المزايا :
1.Tanker لأنك pure str وتقدر تلعب لوحدك
2.ال light armor حايديك حبة استحمال مع ال nukers
3.ال Cross bow من أحسن الأسلحة الأوروبية في ال pvp لأنك بتضرب بيه من بعيد وله Crit عالي
4.يقدر يختفي
·العيوب :
1.ملكش أي حاجة تزود سرعتك وحتلاقي نفسك بطيء جدا قدام أي حد تاني
2.ال one handed sword اسرع في التلفيل في الأول بس بعد لفل 40 مالوش لازمة
·ملاحظة : مش من أقوي الشخصيات اللي حاتقابلها ومش مستحبة أوي


الشخصية الثانية
·النوع (والبيلد) :Warrior – Warlock (Pure Str)
·الأسلحة :two axesفي التلفيل - Warlock rod كمساعد في ال pvp بالذات
·اللبس : Garment
·المزايا :
1.Tanker لأنك pure str وتقدر تلعب لوحدك
2.ال 2 axes ضرباته سريعة ومش بطيء في التلفيل
3.ال Warlock يقدر يدي كمية سكلات بالهبل بتعمل DOT (Damage over time) فاتقدر تعمل للي قدامك Sleep و bleed مع حبة سكلات تانية لدرجة انك ممكن تخلي نفسك بتضرب فيه كأنه من غير هدوم خالص وبعدها تقلب 2 axes ولطش يا معلم براحتك
4.بالمميزات اللي فيه تقدر تخلي اللي قدامك واحد ب sun يضربك ب 200 و 300 وانت تديله ب 5000 و 6000 ودي حقيقة في سكلات ال warlock
·العيوب :
1.ملكش أي حاجة تزود سرعتك وحتلاقي نفسك بطيء جدا قدام أي حد تاني
2.الشخصية رغم قوتها ممللللللة جدااااااااا عشان تقعد تضرب علي القدامك 5 أو 6 سكلات بال warlock وبعدين تقلب 2 axes وتكمل يمكن تنام في النص
3.مش قوي قدام ال wizard
·ملاحظة : ماتحاولش تعمل الشخصية دي قبل ما تفكر كويس في عيوبها عشان ماتتخنأش منها بعد ما توصل لفل عالي


الشخصية التالتة
·النوع (والبيلد) :Warrior – Cleric(Pure Str)
·الأسلحة :one handed swordفي التلفيل وال pvp - ClericRod في ال heal ولو معاك party حايفيد أوي
·اللبس : Light Armor
·المزايا :
1.Tanker لأنك pure str وتقدر تلعب لوحدك
2.ال light armor حايديك حبة استحمال مع ال nukers
3.ال Cleric حايعملك heal بطريقة رهيبة وخاصة انك pure str يعني صاح الاستحمال
4.في ال pvp ماعتقد انك حاتموت بسرعة (لو مت أساسا) لأنك بتضرب ووقت ما تنضرب تعمل heal لنفسك وسيب اللي قدامك يحرق في دمه
5.لو معاك بارتي أقلب Healer وخليهم هم يضربوا وانت مريح دماغك
·العيوب :
1.ملكش أي حاجة تزود سرعتك وحتلاقي نفسك بطيء جدا قدام أي حد تاني
·ملاحظة : من أقوي الشخصيات اللي حاتقابلها وجربها حاتعجبك أوي وممكن تقارن بينها وبين Rogue – Cleric وتحدد انت الأقوي


الشخصية الرابعة
·النوع (والبيلد) :Warrior – Bard(Pure Str)
·الأسلحة :Sword & shieldفي التلفيل وال pvp - Harp في ال buffs
·اللبس : Light Armor
·المزايا :
1.Tanker لأنك pure str وتقدر تلعب لوحدك وال shield حايظبط برضه معاك
2.ال light armor حايديك حبة استحمال مع ال nukers
3.ال Harp حايظبطك في ال buffs يزود سرعتك ويبعد عنك normal mobs
4.ال shield برضه بيظبط معاك
·العيوب :
1.حاتصرف جامد عشان تظبط ال shield
·ملاحظة : شخصية حلوة ومريح دماغك الي حد كبير فيها وممكن تشغلها مع bot

يتبع ......

WonDerFull

روووووووووووعة

موضوع يستحق التثبيييييييييييييييييييييييييييت

thnxxxxxxxxxxxxxxxxxxxxx

وانا من وجهة نظرى ان احسن بيلد فى اللعبة ال Wizzard & Cleric

thnxxx

شِكرا يا جماعه واسعدنى مروركم

Man Ana Sawet Char Lvl 23 El Char Pure Str Yenfa3 A5leha Keda Wila Akmel Azeed El Int Bas Wela A3mel Char Gededa

لا يا تخليك Str وتحدث فى Build str
او تعمل شخصيه تانيه لو كنت عاوز تعمل int
انما متزودش str على int
خليك pure احسن

شكرأأ

انا بحس منكو ان سلك رود دى مش لعبه !! ربنه يهدينا دا احنا ضيعين

طاب بص يا عمر انا فاتح اسكلات الويزرد بس مفتحتش حاجه معاه اليوزر

جامد ادام الوحوش الى اده والى مش اده واكبر منو ب 4 لفلات كمان بس

لما يظهر برتى ولا جينت اروح فى دهيه مش عارف افتح الCleric ولا ايه

لان حسب قراتى حسيت ان من كلامك WIZARD W Clericاحسن بليد صح !!

هو ينفع العب ويوزارد و كليرك والبس هافى ارمور بس اراى ازاى 3تحت ولا 2تحت و واحدة فوق

بس الصراحة موضوعك جميل ويستحق التثبيت مع التانى يا عمرو

واضرب بالكليرك ولا الاستاف باس.

لا مينفعش
لازم شخصيه تساعد معاك لانك هتحس بالمعاناه بعد كده فى الوحوش العاليا والبارتى والجاينت
لانك فى normal بتضرب جامد الوحش مش بيلحق يضربك
لازم تستخدم ال Clirec عشان هيساعدك جامد جدا فى الدروع والحمايه
وبعدين انت ممكن تاخدها مصلحه وتدى الناس بفات بالكليرك فى البارتى وتقعد زى الباشا
وهى فعلا اقوى شخصيه

انت هتلعب wizard وكليرك وهتلبس light armor عشان هيقلل الضربه عليك اوى قدام str
وتزود اكنك pure int يعنى 3 تحت
اما لو حبيت تهيبر لفلين فوق عشان تزود hp شويه ممكن انما الباقى يبقى كله تحت
بس الافضل انك تبقى pure عشان هتلاقى ضربتك رهيبه
وهتضرب بالاستاف بس
الكليرك مجرد مساعد متضربش بيه

ومن الاخر يا جماعه الاوروبى لو ضرب الصينى الاول هيموته ولو الصينى ضربه الاول هيموته

مشكور جدا يا عمرو:D :D :D

شكرا على معلوماتك المفيدة دى
وربنا يكتر من مواضيعك
وارجوا تثبيت الموضوع

مش شرط الفوز في pvp للي بيفكر ازاي يلعب مش الي بيلعب بنظام 12345 لأن كل حاجه في اسكيلات الأروبي ليها ميزه ( مافيش حاجه مالهاش لازمه ) بس اهم حاجه تعرف ازاي تستخدمها و مع انهي شخصيه و ضد مين و الأهم امتى

انا شوفت الموضوعين بتوعك الاول والتانى وشكرا على المجهود
بس عرفت الكلام ده كله امتى ولا نقله :D
انا بعمل اكونت جديد وقلت اعمله اوروبى
انا بعمل واحد Wizard وجربته اهو يومين لقيته زى الفول بس طبعا لازم اضرب واهرب

استخدم ايه تانى جنبه من السكيل و هل محتاج فارم ولا لا

انت هتلعب wizard وكليرك وهتلبس light armor عشان هيقلل الضربه عليك اوى قدام str
اما موضوع farm بيرجعلك انت سواء كان صينى او اوروبى
حسب منتا تكون عاوز تعلى بسرعه من غير اسكلز وتلغى gap او عاوز تعمل جاب 3 وتمشى معقول
او عاوز تعمل فارم
وكده كده كله بيعمل فى الاول او فى الاخر

طب انا سمعت الكلام وعملت

wIZARD + CLERIK



وعملت الماسترى ليفل بقت 13 فى كل منهم وانا ليفل 18 دلوقتى بس لما باجى استخدم سكيل بتاعت CLERIK بيقلى مينفعش انت ش لابس السلاح المناسب

شكرا يا باشا علي صراحتك وامانتك وثانيا شكرا للموضوع

المهم انك مجبتش سيرة الTWO HANDED SWORD
اللي انا بلعب بيه :))

انا واصل بيه لفل 33 و بضرب بيه الوحوش اللي في لفلي ( BLOOD ONG ) ب 1200 لما فوق بس انت كدة حسستني انه ضعيف :)
مش متكلم عنه خالص
انا عامة مستخدمه و فاتح معاه Harp عشان ماجيك السرعة

طبعا
لان staff بتاع الويزارد بس
انما الكليرك تشتريلو سلاح لفل واحد اسمو clirec rod لان مش هتحتاج سلاح لفل عالى لانك هتعمل بيه buff بس
يعنى هيبقى معاك سلاحين وتبدل فيهم لما تستخدم كل واحده

الdaggerيلعب معا ايه

طب بدام شكلك فاهم
قلى بقى ايه اللى افنحه وايه اللى اعليه علشان الواحد يبقى ماشى على نور ومش يضيع سكيل بوينت او جولد على الفاضى

معلش لو فيها غلاسه يعنى

dagger هرد عليك معلش لاحقا لانى مجربتوش

مفيش غلاسه والله انت تامر

Wizard او الساحر :: و دا بيبقى pure int او nuker لأنو بيستخدم 4 انواع من الnukes ناتجين من عناصر الطبيعة الاربعة هما :fire - light - cold - earth و غير كدا بيستخدم قوة العناصر دي في نواحي تانية زي الدفاع و رزيادة القوة الهجومية و الاختفاء و الانتقال من مكان للتاني و حاجات تانية حاشرحها انشاء الله -- طبعا مالوش في الclose combat او القتال المتلاحم لأن الhp بتاعو قليل و الphysical defense عندو ضعيف بس بيعوض دا في ان الmagical attack بتاعو عالي جدا و بيضرب من مدى بعيد و خفيف في الحركة -- ممكن تاخد الwarlock - bard - cleric )build )مساعد ليك لأن اي واحد من دول بيبقى pure int

Weapon : بيستخدم الstaff او عصا السحرة و ماينفعش يستخدم اي سلاح غيرها مع الskills بتاعتو

-Clothes : بيلبس الrobe او زي مابنسميه الgarment و ماينفعش يلبس حاجة غيرو و الrobe بيدي magical defense عالي و physical defense ضعيف بس بيدي كمان magic reinforce عالي و دا بيوفر المزيد من الmagical defense + magical attack غير انو بيسهل الحركة و بيوفر في استهلاك الmp

Skills دا الشكل العام للskills بتاعتو

http://www.3tt3.net/up/izxgfiles/tbN68219.jpg

وده شرح كل الاسكيلات فى الويزارد

وحبدأ في شرح صف صف ::::

Natural Spirit : دي كلها passive skills بتزود في الmagical damage بتاع العناصر الاربعة :

1-earth spirit : دي بتزود قوة عنصر الارض

2-cold spirit : دي بتزود قوة عنصر الثلج او الماء

3-fire spirit : دي بتزود قوة عنصر النار

4-light spirit : دي بتزود قوة عنصر البرق او الصواعق

-Force Mental : دي skills عامة للwizard فيها passive و active:

1-intelligence : دي passive skill بتقلل من اسهلاك الmp

2-life control : دي buff بيقلل 50% من الhp في مقابل ان الmagical damage يزيد بنسبة 25% و الmagical attack power يزيد بنسبة تبدأ من +59

magical attack power +59 increase - magical damage 25% increase - maximum hp 50% reduce

3-magic bound : دي passive skill بتزود الattack range او المدى الهجومي

4-life turnover : دا buff بيقلل ال50% من الhp في مقابل ان الmagical damage يزيد بنسبة 25% و الmagical attack power يزيد بنسة +483

magical attack power +483 increase - magical damage 25% increase - maximum hp 50% reduce

-Earth Mentalist : دا فيه كل الskills المتعلقة بسحر الارض :

1-ground charge : دي عبارة عن earth nuke بيضرب 5 خصوم في مجال دائري
sorrounding range radius 5 metre - simultaneous attack 5

2-root : دا عبارة عن buff بتعملو على الخصم بيعملو restrain status او بيثبتو في الارض زي جذر الشجرة بنسبة 80%

bind probability 80% - continuous hour 10 seconds

3-earth shock : دا عبارة عن earth nuke بيسبب هزة ارضية بتضرب 5 خصوم من مدى بعيد و بتسبب dull status ودي عبارة عن حالة تبلد او غباء او تباطؤ بنسبة 30%

front range radius 10 metre - simultaneous attack 5 - dull probability 30% 20 seconds

4-earth barrier : دا عبارة عن buff بتعملو للparty members بيمتص نسبة من الphysical damage لفترة معينة

continusous hour 20 seconds - connections 8 - physical absorption +30%

5-ground rave : دا عبارة عن earth nuke بيضرب 5 خصوم في مجال دائري و بقوة عالية

simultaneous attack 5 - sorrounding range radius 5 metre

6-mesh root : دا buff بتعملو على 3 خصوم و بيعملهم restrain status او بيثبتهم في الارض زي جذور الشجر بنسبة 80% و لفترة و لمسافة معينين

simultaneous attack 3 - continuous hou 10 seconds - bind ptobability 80% - front range radius 5 metre

7-earth quake : دا earth nuke بيسبب زلزال بيضرب 5 خصوم من مسافة معينة و بيسبب dull status بنسبة 30%

simultaneous attack 5 - front range radius 10 metre - dull probability 30%
8-earth fence : دا buff للparty members بيمتص نسبة معينة من الphysical damage و لفترة معينة

connections 8 - sorrounding range 30 metre - physical absorption 42%

-Cold Mentalist : دا فيه كل الskills المتعلة بسحر الثلج :

1-ice bolt : دا ice nuke بسبب تجميد و تبطيء للخصم

2-mana drain : دا buff بتعملو على الخصم بيسببلو combustion status او احتراق بس مش الاحتراق اللي بمعنى burn لأ .... دا بيحرقلو الmp recovery اللي
بياخدو او بمعنى تاني يحرمو من الmp يعني مايقدرش يستخدم اي skill لفترة معينة و بنسبة 80%

combustion probability 80% - 30 seconds

3-snow wind : دا ice nuke بيسبب عاصفة ثلجية بتضرب 5 خصوم من مسافة معينة و بتسبب تجميد و تبطيء

simultaneous attack 5 - front range radius 10 metre - freezing probability 20% - frostbite probability 80%

4-invisible : دا buff بيخليك تختفي لفترة معينة بس لو اتحركت او استخدمت اي skill حيتلغى و حاتظهر تاني -- ماحدش بيقدر يشوفك غير الparty members او اللي عندو skill الdestealth الlvl بتاعها اعلى من lvl ال skill بتاعتك

5-frozen spear : دا عبارة عن ice nuke combo مون من 3 ضربات سريعة بتسبب تجميد او تبطيء للخصم

successive shots 3 times - freezing probability 10% - frostbite probability 40%

6-mana drought : دا buff بتعملو على 3 خصوم بيسببلهم combustion status او احتراق للmp و بيتحرمو من انهم يعملو اي skills بنسبة 80% و من مسافة معينة
simultaneous attack 3 - combustion probability 80% - front range radius 8 metre

7-blizzard : دا ice nuke بيسبب عاصف ثلجية قوية جدا بتضرب 5 خصوم في مدى واسع و بتسبب تجميد او تبطيأ

simultaneous attack 5 - front range radius 15 metre - freezing probability 20% - frostbite probability 80%

8-crystal invisible : دا buff للparty members بيخليهم كلهم يختفو لفترة معينة بس لو اتحركو او عملو اي skill الbuff حيتلغى و حيظهرو تاني و ماحدش حيشوفهم .. هما بس اللي بيشوفو بعض في الparty Fire Mentalist : دا فيه كل الskills المتعلقة بسحر النار :

1-fire bolt : دا fire nuke بيسبب burn status او حرق للخصم

2-fire trap :دا فخ خفي من النار اللي بيعدي من عليه ممكن يموت او يتصاب اصابة عنيفة و يحصلو burn status بنسبة 30% و الفخ بيختفي بعد فترة و لازم ماتكونش بعيد عنو لمسافة اقصاها 30 متر .. الفخ بيصيب 5 خصوم في مجال دائري

simultaneous attack 5 - connection distance 30 metre - sorrounding range radius 7 metre -burn probability 30% - +120 second

3-fire blow : دي combo fire wave بتسب تيار متواصل من النار على سبع مرات بتضرب 3 خصوم ورا بعض و بتسبب Burn status بنسبة 30%

penetration 3 - successive shots 7 times - burn probability 30%

4-detect : دا buff بيكشف الاهداف و الفخاخ المخفية لفترة معينة ... بيكشف لغاية 5 اهداف

simultaneous attack 5 - sorrounding range radius 10 metre - +10 seconds

5-meteor : دا fire nuke عبارة عن نيزك ناري بيضرب 3 خصوم بقوة عالية بس في مدى قصير

simultaneous attack 3 - front range radius 3 metre - burn probability 30%

6-lava trap : دا فخ خفي من الحمم البركانية قوته عالية بيصيب او يقتل 5 خصوم في مدى دائري و بيسبب burn status بنسبة 30% و بيختفي بعد فترة و لازم ماتبعدش عنو لمسافة اقصاها 30 متر

7-salamander blow : دي combo fire wave موجة او تيارات نارية قوية جدا على سبع مرات بتضرب 3 خصوم ورا بعض و بتسبب burn status بنسبة 30%

penetration 3 - successive shots 7 times - burn probability 30%

8-sprawl detect : دا buff بيخليك تكشف 5 اهداف مخفية لمسافة و لمدة اطول

simultaneous attack 5 - sorrounding range 20 metre - continuous hour 15 seconds

-Light Mentalist : دا فيه كل الskills المتعلقة بسحر البرق :

1-lightning bolt : دا light nuke بيضرب 3 اهداف من مدى بعيد و بيسبب
electric shock status او صعق و دا بيقلل الparry ratio + hit ratio بتاع الخصم فابالتالي الdamage و الdefense بتوعو حيكونو في اقل نسبة ممكنة

2-lightning shock : ودا عبارة عن صدمة كهربية بتسبب fear status او خوف للخصم فابتمنعو من مواصلة القتال بنسبة 80% و لفترة معينة

fear probability 80% - continuous hour +10 seconds

3-charged wind : دا combo light nuke بيسبب عاصفة كهربية مكونة من 6 صواعق بتضرب 5 خصوم و بتسببلهم knock back بنسبة 80% و electric shock بنسبة 10%

simultaneous attack 5 - knock back probability 80% - successive shots 6 times - front range radius 10 metre - electric shock probability 10%

4-teleport : دا عبارة عن buff من البرق بينقلك من مكان لمكان لمسافات معينة حسب الlvl up للskill زي الteleport اللي بيكون في المدن كدا

moving distance +10 metre

5-chain lightning : دا light nuke بيضرب 3 خصوم من مسافة بعيدة و بيسبب electric shock بنسبة 15%

transfer 3 - transfer range distance 10 metre - electric shock probability 15%

6-lightning impact : دي عبارة عن صدمة كهربية عنيفة بتسبب fear status ل5 خصوم و بتمنعهم من مواصلة القتال لمدة معينة

simultaneous attack 5 - sorrounding range radius 12 metre - fear status probability 80%

7-charged squall : دا combo light nuke بيسبب عاصفة كهربية قوية جدا مكونة من 6 صواعق بتضرب 5 خصوم بdamage عالي و بتسببلهم knock back بنسبة 80% و electric shock بنسبة 10%

successive shots 6 times - simultaneous attack 5 - knock back probability 80% - electric shock probability 10% - sorrounding range radius 10 metre

8-aerial teleport : دا buff بينقلك من مكان للتاني بس لمسافة ابعد
moving distance 18 metre

كدا انا خلصت الWizard Mastery

معلش دول كتير اوى بس ده لو عاوز تعمل char جامده يبقى لازم تركز فى كل الاسكيلات دى عشان تبدا صح اقراها على مهلك معلش دى كل حاجه عن الويزارد

مردتش عليا يعني يا باشا :)

ألف شكر يا باشا على الموضوع الرائع
ولو إن الواحد لسه محتار

يا استاذ كلامك غلط علي الويزارد الويزارد من غير الكليرك ملوش لازمه من الاحسن يا دلات لازم wizard +clirc كدا مفيش حد هيادر عليك بس علي ليفل 50 ok ماتنسوش paff HP لازم max ok كملية لابس سيلك + دراجون فلات ok

شكرا على المجهود انت بتقول مينعش هايبر لا ينفع تاخد 2هانديد مع الوورلوك لو مش مصدق ادخل سيرفر مارس وشوف المهيبارين int w str ده في واحد هايبر int لفل72 قتل نيوكر لفل80 ولمدة 10 دقايق محدش قدر يهزمو مع انو كان داخل عليه اتنين نيوك انا مش قصدي انزل من مستوى موضوعك لا انت زي الفل
وشكرا
^_^

لا قصدى مينفعش تهيبر فى الاوربى
الافضل يعنى

موضوع جميل جدا ومفيد اتمني انو يتثبت

فعلا يا جماعه انى اصفق لك يا عمرو فعلا انت انسان محترم و عاوز تفيد الناس و جزاك الله كل الخير و دائما الى الامام يا رب

والله كلمة شكر قليلة جدا


الف شكر يامان والله موضوع جامد